དེ་རིང་གཟའ་སྤེན་པའི་ཉིན་བོད་མདོ་སྨད་རེབ་གོང་སྨད་པ་ཁ་རྒྱ་སྡེ་བའི་བུད་མེད་ཅིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག
འདི་གར་གནས་ཚུལ་མཁོ་གཏོང་བ་བསོད་ནམས་ལགས་ཀྱིས་བརྗོད་པ་ལྟར་ན། དེ་རིང་ཕྱི་ཚེས་ ༡༧ ཉིན་གྱི་བོད་ནང་གི་ཉིན་རྒྱབ་ཆུ་ཚོད་ ༤།༠༠ ཡས་མས་སུ་བོད་མདོ་སྨད་རྨ་ལྷོ་རེབ་གོང་སྨད་པ་ཁ་རྒྱ་སྡེ་བའི་རྒྱལ་གཅེས་དཔའ་མོ་ལྕགས་མོ་སྐྱིད་ལགས་ཀྱིས། རེབ་གོང་ཁུལ་གྱི་དགའ་བདེ་ཁྲོམ་རའི་བྱང་སྒོའི་ཁ་གཏད་སྲང་ལམ་གྱི་ཁྲལ་བསྡུ་ལས་ཁུངས་ཀྱི་སྒོ་ཁ་ནས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་འདུག སྐབས་དེར་རྒྱ་དམག་ཡོང་སྟེ་སྐུ་ཕུང་ཁྱེར་རྩིས་བྱས་ཡོད་ཀྱང་། ས་གནས་བོད་མི་མང་པོ་ཞིག་གིས་དམག་མིའི་ལག་ནས་འཕྲོག་སྟེ་རོང་བོ་དགོན་པའི་སྒྲོལ་མ་ཐང་ཆེན་དུ་གདན་འདྲེན་ཞུས་ཡོད་པ་དང་། དེ་རྗེས་རེབ་གོང་རོང་བོ་དགོན་པའི་དགེ་འདུན་པ་དང་ས་གནས་མི་མང་སྟོང་ཕྲག་བརྒལ་བ་འདུ་འཛོམས་ཀྱིས་ཁོ་མོའི་སྐུ་ཕུང་རོང་བོ་དགོན་པའི་རྒྱབ་ངོས་གདོང་རྒྱ་ཀླད་དུ་གདན་ཞུས་ཀྱིས་ཞུགས་འབུལ་བྱེད་ཀྱི་ཡོད་འདུག
རྒྱལ་གཅེས་དཔའ་མོ་ལྕགས་མོ་སྐྱིད་ལགས་ཀྱི་ཨ་ཕའི་མིང་ལ་འབྲུག་བྱམས་དང་ཨ་མའི་མིང་ལ་སྒྲོལ་མ་འཚོ་འབོད་ཀྱི་ཡོད་འདུག་ལ། ཁོང་ལ་བྱིས་པ་བུ་གཉིས་ཡོད་འདུག ཁོ་མོས་ནམ་རྒྱུན་ཟི་ལིང་དང་རྩེ་ཁོག་བཅས་སུ་གླ་གཏོང་རླངས་འཁོར་བཏང་སྟེ་དཔལ་འབྱོར་འཚོལ་སྒྲུབ་ཀྱི་ལས་ཀ་བྱེད་ཀྱི་ཡོད་འདུག
དེ་རིང་རྒྱལ་གཅེས་དཔའ་མོ་ལྕགས་མོ་སྐྱིད་ལགས་ཀྱི་སྐུ་ཕུང་ཞུགས་འབུལ་ཞུ་ཡུལ་དུ་རྒྱ་ནག་གི་ལས་བྱེད་མང་པོ་ཡོང་སྟེ་ལྟ་རྟོག་བྱེད་ཀྱི་ཡོད་པ་མ་ཟད། ཉེ་བའི་དུས་ནས་རྒྱ་ནག་གཞུང་གི་དམག་མི་སྟོང་ཕྲག་མང་པོ་ཡོང་སྟེ། རྨ་ལྷོ་ཁུལ་དང་རེབ་གོང་རྫོང་གི་ས་གནས་གང་སར་འཐབ་ར་བརྩིགས་ཏེ་ས་གནས་མི་མང་ལ་དམ་དྲག་བྱེད་ཀྱི་ཡོད་འདུག
གསར་འགོད་པ། དོན་གོ
ཅི་འདྲའི་གཞས་ཚིག་ཆ་ཁ་ཡ་བརྡབ་ཅིག མི་གཤིས་གཏན་ཚིག་མེད་པ་ཞིག་གིས་བྲིས་པ་ཤ་སྟག་རེད། འུག་ཐུག་རྒྱལ་རབས། ་་་་་ ང་ཚོའི་མིག་ཆུ་ཕྱིས་དང་། ཅི་འདྲའི་ཞེན་པ་ལོག་པ་ལ། གཞན་བརྟེན་གཉའ་འཁུམ་གྱི་སེམས་ཁམས་ནད་གཅོང་ཅན་ཞིག་རེད། ད་དུང་ཁ་བྱང་ལ་རྒྱལ་ཞེན་གླུ་དབྱངས་ཞེས་བཏགས་ཁལ་བྱས་འདུག ནང་ལོག་ན་བག་འཁུམ་གཤིས་འཁྱོལ་གྱིས་གཟིར་འདུག
ངའི་གྲོགས་པོ་ཞིག་གིས་རྒྱལ་ཞེན་གླུ་དབྱངས་འདི་མགྱོགས་མྱུར་ལེན་གྱི་རེད།
མེ་མཆོད་དུངས་དབྱངས། ༢༠༡༢ ༡༠ ༣༠
ས་སྟེང་མེ་ཡིས་མཆེད་སོང་།
འུ་ཐུག་རྒྱལ་རབས་བཞེངས་སོང་།
ང་ཚོ་སྤུན་ཟླ་མིང་སྲིང་།
དཔུང་པ་གྱེན་དུ་སྒྲེང་ཤོག
༧རྒྱལ་བ་བོད་དུ་ཕེབས་པ།
མེ་མཆོད་དཔའ་བོའི་རྨི་ལམ།
༧སྐྱབས་མགོན་བོད་དུ་ཕེབས་པ།
གཞིས་བྱེས་བོད་མིའི་རང་དབང་།
ཉིན་མོོར་བདེ་བ་མི་འདུག
མཚན་མོར་དགའ་བ་མི་འདུག
ཉིན་དང་མཚན་མོའི་དངངས་སྐྲག
ལོ་དང་ཟླ་བས་བསྟུད་སོང་།
༧པཎ་ཆེན་གློད་རེ་མི་འདུག
༧རྒྱལ་བ་ལོག་ཐབས་མི་འདུག
འཛམ་གླིང་མི་ཡི་འགྲོ་བ།
ང་ཚོའི་མིག་ཆུ་ཕྱིས་དང་།
“རྒྱལ་བ་རིན་པོ་ཆེ་བོད་ལ་ཞབས་སོར་འཁོད་ཉིན་དེ། བོད་ལ་རང་དབང་གཙང་མ་ཐོབ་ཉིན་དེ། མེ་ལྕེ་འདི་འབར་མཚམས་འཇོག་པའི་ཉིན་མོ་ཡིན།” སྲོང་བཙན་བུའི་རྩོམ་ལས་བཤུས།