ཨ་འཇམ་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། དེ་རིང་ཕྱི་ཚེས་ ༢༠ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༨།༣༠ ཡས་མས་སུ་བོད་མདོ་སྨད་བླ་བྲང་བསང་ཆུ་རྫོང་ཨ་མཆོག་ཚོ་བ་བརྒྱད་ཀྱི་ནང་གསེས་ཁྱི་ངན་སྡེ་བའི་རང་ལོ་ ༣༥ ཡིན་པའི་རྒྱལ་གཅེས་དཔའ་བོ་ཚེ་རིང་དོན་གྲུབ་ལགས་ཀྱིས། ཨ་མཆོག་རྒྱ་གར་ཐང་གི་གཏེར་ཁ་སྔོག་སའི་སྒོ་འགྲམ་དུ་རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱས་ཏེ་སྐུ་གྲོངས་འདུག
རྒྱལ་གཅེས་དཔའ་བོ་ཁོང་གི་ཕ་ཀླུ་འབུམ་རྒྱལ་དགུང་ལོ་ ༦༡ དང་། མ་འབྲུག་མོ་མཚོ་དགུང་ལོ་ ༥༧ ཡིན་འདུག་ལ། ཁོང་ལ་སྤུན་མཆེད་བཀྲ་ཤིས་རྒྱ་མཚོ་དང་སྒྲོལ་མ་སྐྱིད་བཅས་ཡོད་འདུག ཁོང་གི་བཟའ་ཟླའི་མིང་ལ་རྟ་མགྲིན་འཚོ་ཟེར་ཞིང་། ད་ལྟ་ལོ་ ༣༥ ཡིན་པ་དང་། ཁོང་བཟའ་ཟླ་གཉིས་ལ་བྱིས་པ་གསུམ་ཡོད་པ་ལས་ཆེ་བ་རང་ལོ་ ༡༦ ཡིན་པའི་བུ་མོ་ལྷ་མོ་སྐྱིད་ད་ལྟ་སློབ་འབྲིང་འགྲིམས་ཀྱི་ཡོད་འདུག་ལ། བར་མ་ལྷ་ཕྲུག་ལོ་ ༡༥ དང་། ཆུང་བ་བུ་ལྷ་མོ་སྐྱབས་ལོ་ ༨ བཅས་ཡིན་འདུག
དཔའ་བོ་ཁོང་ནི་མི་གཤིས་ཧ་ཅང་བཟང་བས་དུས་རྒྱུན་དུ་འཛུམ་ཤིག་ཤིག་ཏུ་སྡོད་པ་ཞིག་ཡིན་པས། སྡེ་མི་ཀུན་ཀྱང་ཧ་ཅང་དགའ་སའི་མི་སྣ་ཞིག་ཡིན་ལ། དུས་རྒྱུན་དུ་བོད་མི་རིགས་ཀྱི་བདེ་སྡུག་ལ་དོ་སྣང་ཆེ་ཞིང་བོད་དོན་སྐོར་གླེང་སྐབས་ཚོར་ཤུགས་རྣོ་ལ་སེམས་ཁུར་ཆེས་ཆེར་ཡོད་མཁན་ཞིག་ཡིན་ཚུལ་འདུག
ད་ལྟ་ཨ་མཆོག་དགོན་པའི་གྲྭ་བ་ཚོས་སྨོན་ལམ་གསུང་བཞིན་པ་དང་མི་མང་ཡང་མང་པོ་འབྱོར་བཞིན་ཡོད་འདུག་ལ། ཉེ་ཆར་སྤྱི་ཟླ ༡༠ ཚེས ༢༦ ཉིན་རྒྱལ་གཅེས་དཔའ་བོ་ལྷ་མོ་ཚེ་བརྟན་ལཊ་ཀྱིས་ས་གནས་དེར་མེ་རྒོལ་གནང་ཡོད་སྟབས། ས་གནས་སུ་དམག་མི་དང་ཉེན་རྟོག་པ་མང་པོ་བཏང་ཡོད་འདུག་ཀྱང་། ད་ཆར་དམིགས་བསལ་དམ་དྲག་བྱེད་པའི་གནས་ཚུལ་གང་ཡང་བྱུང་མི་འདུག
གསར་འགོད་པ། དོན་གོ
ཁྱེད་རྣམས་ལ་དགྱེས་ཕྱག་འབུལ་་་་བསམ་དོན་མྱུར་འགྲུབ་ཡོང་བའི་རེ་བ་ཡོད།
སླར་ཡང་མི་ཡི་དལ་བའི་རྟེན་བཟང་མྱུར་དུ་ཐོབ་པའི་སྨོན་ལམ་ཡོད།
ད་གཞི་རྒྱ་ཆེ་བའི་ལས་འགན་ཡོད་ན་སྤེལ་རན་རེད། ད་མ་འདུག བཙན་བྱོལ་པ་ཚོ།
དཔའ་བོ་ཁྱེད་རྣམས་རྒྱལ་གྱུར་ཅིག དངོས་གནས་སེམས་ཧ་ཅང་གིས་སྐྱོ་ཡི་འདུག་ལགས། ཧ་ལས་རེད་ཤག ཁྱེད་རྣམས་ཀྱི་འབོད་སྒྲ་ང་ཚོས་སྙིང་གི་རུས་པར་བྲིས་ངེས་པས་མི་རབས་མི་རབས་བར་ཤ་འཁོན་འདི་རྩོད་ངེས་ཡིན་པས་ཁྱེད་རྣམས་བློ་བདེ་མོར་ཕེབས་རོགས།
ངོ་མཚར་ཆེ་་་་་་་རྒྱལ་གཅེས་པ་ལགས།