མེར་བསྲེཊ་གནང་མཁན་གྱི་ཁྱིམ་ཚང་གི་འཚོ་རྟེན་འགན་སྲུང་མེད་པ་བཟོ་དགོས།

རྒྱ་གཞུང་གིས་རྨ་ལྷོ་རེབ་གོང་དུ་རང་ལུས་མེར་བསྲེཊ་གནང་མཁན་ཚོའི་ཁྱིམ་ཚང་གི་འཚོ་རྟེན་འགན་སྲུང་མེད་པ་བཟོ་རྒྱུ་དང་། དེ་ལ་གདུང་སེམས་མཉམ་སྐྱེད་བྱེད་མཁན་གྱི་མི་མང་ལ་རྡུང་རྡེག་དང་ལས་བྱེད་པ་ཕྱིར་ཕུད་དང་ཁྲིམས་ཐག་གཅོད་རྒྱུའི་བརྡ་སྦྱོར་ཞིག་བཀྲམས་ཡོད་འདུག 

ཉེ་ཆར་བོད་མདོ་སྨད་རྨ་ལྷོ་རེབ་གོང་དུ་བོད་མི་ཚོས་རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་གྱི་སྲིད་ཇུས་ལ་ངོ་རྒོལ་གྱི་ལས་འགུལ་བསྟུད་མར་བྱུང་བར་གཞིགས་ཏེ། ཟླ་འདིའི་ཕྱི་ཚེས་ ༡༤ ཉིན་རྨ་ལྷོ་བོད་རིཊ་རང་སྐྱོང་ཁུལ་ཨུ་དང་ཁུལ་མི་དམངས་སྲིད་གཞུང་གིས་དོན་ཚན་ལྔ་ཅན་གྱི་ ༼ཀྲུང་གུང་རྨ་ལྷོ་ཁུལ་ཨུའི་གཞུང་ལས་ཁང་དང་རྨ་ལྷོ་ཁུལ་མི་དམངས་སྲིད་གཞུང་གཞུང་ལས་ཁང་གི་སྤྱི་ཚོཊ་བརྟན་བརླིང་སྲུང་སྐྱོབ་ཀྱི་འབྲེལ་ཡོད་བྱ་བའི་སྐོར་གྱི་བྲེལ་མྱུར་བརྡ་སྦྱོར༽ཞེས་པ་ཞིག་རྨ་ལྷོ་ཁུལ་གྱི་ས་གནས་གང་སར་སྦྱར་འགྲེམས་བྱས་ཡོད་འདུག

བརྡ་སྦྱོར་ཡི་གེ་དེའི་ནང་།  གཅིག  ས་ཁུལ་སོ་སོ་དང་། སྡེ་ཁག་སོ་སོ། ལས་ཁུངས་སོ་སོས་མྱུར་དུ་བྱེད་ཐབས་སྤྱད་དེ། རང་སྲེག་མཁན་གྱི་ཁྱིམ་ཚང་གི་མ་མཐའི་འཚོ་རྟེན་འགན་སྲུང་དང་གནོད་སྐྱོབ་རོཊ་སྐྱོར་སོཊ་ཀྱི་དམངས་ཕན་སྲིད་ཇུས་སྣ་ཚོགས་མེད་པར་བཟོ་དགོས། རྗེས་ཕྱོགས་བཀོད་སྒྲིག་ཅི་ཡང་བྱས་མི་ཆོག  རང་སྲེག་མཁན་གྱི་སྡེ་བར་རྒྱལ་ཁབ་ཀྱིས་མ་དངུལ་བཏང་ནས་ལག་བསྟར་བྱེད་པའི་ལས་གཞི་ཚང་མ་མེད་པར་གཏོང་དགོས། བཀོད་སྒྲིག་བྱས་ཟིན་པ་ཐམས་ཅད་ལེཊ་སྒྲིག་བྱེད་པ་དང་མེད་པར་གཏོང་དགོས། རང་སྲེག་དོན་རྐྱེན་བྱུང་བའི་ཞང་༼གྲོང་རྡལ༽ གི་འགར་ཁུར་བ་གཙོ་བོས་རྫོང་ཨུ་ལ་ཞིབ་བཤེར་གཏིང་ཟབ་བྱ་དགོས་ལ། ཁུལ་ཡོངས་སུ་བརྡ་ཁྱབ་སྤེལ་ཏེ་སྐྱོན་བརྗོད་བྱ་དགོས། ཞང་དང་གྲོང་རྡལ་གྱི་འགོ་ཁྲིད་ཚན་སྐོར་དང་ཏང་སྲིད་ཀྱི་འགན་ཁུར་བ་གཙོ་བོ་ལོ་འདིའི་ནང་སྔོན་ཐོན་ཕུལ་བྱུང་དུ་བདམ་མི་ཆོག   བརྟན་བརླིང་མིན་པའི་དོན་རྐྱེན་མང་བོ་བྱུང་བའི་ཞང་༼གྲོང་རྡལ༽ དུ། ལོ་གསུམ་ནང་རྒྱལ་ཁབ་ཀྱིས་མ་དངུལ་བཏང་ནས་ལག་བསྟར་བྱེད་པའི་ལས་གཞི་བཀོད་སྒྲིག་བྱས་མི་ཆོག་ལ།  ཞང་དང་གྲོང་རྡལ་གྱི་ཏང་ཨུའི་སྲིད་གཞུང་གི་འགན་ཁུར་བ་གཙོ་བོ་བརྗེ་ལེན་བྱ་དགོས་ཤིང་། ཚན་སྐོར་གྱི་ཁོངས་མི་ལེཊ་སྒྲིག་བྱ་དགོས་བ་མ་ཟད།  འགན་འཁྲི་ཕྱིར་ལྡོག་རྩད་ཞིབ་བྱེད་པ་དང་། བྱ་བ་དོན་འཁྱོལ་བྱས་པ་མི་འདང་བ། དེའི་ཐད་ཀྱི་བྱ་བ་མ་བསྒྲུབ་མཁན་ལ་ཏང་སྲིད་སྒྲིག་ཁྲིམས་ལྟར་ཐག་གཅོད་ནན་མོ་བྱ་རྒྱུ།

གཉིས།  ས་ཁུལ་སོ་སོ་དང་འབྲེལ་ཡོད་སྡེ་ཁག་སོ་སོས་མྱུར་དུ་རང་ས་གནས་ཀྱི་མང་ཚོཊ་ཁྲོད་དུ་རང་སྲེག་མཁན་གྱི་ཁྱིམ་མིར་འཚམས་འདྲི་སོང་ཡོད་མེད་དང་རང་སྲེག་མཁན་གྱི་ཁྱིམ་མིར་ཞལ་འདེབས་ཕུལ་བ་སོགས་ཀྱི་གནས་ཚུལ་ཡོད་མེད་གསལ་བོར་ཤེས་དགོས། འཚམས་འདྲི་ཞལ་འདེབས་ཕྱོཊ་ཀྱི་མགོ་འབུས་གནས་ཚུལ་ཡོད་ན། རྫོང་དང་ཞང་གི་ཏང་ཨུ་དང་སྲིད་གཞུང་གིས་ཆེད་དུ་མི་མངགས་ནས་མྱུར་དུ་བཀག་འགོག་བྱ་དགོས་བ་མ་ཟད། བསླབ་བྱ་གཏོང་དགོས་ལ། དེའི་ནོར་འཁྲུལ་དང་མཇུག་འབྲས་ཚབས་ཆེན་གསལ་བཤད་བྱ་དགོས། བསླབ་བྱར་མི་ཉན་མཁན་དེར་སྤྱི་བདེ་སྡེ་ཁག་གིས་མྱུར་ཏུ་བྱེད་ཐབས་སྤྱད་ནས་རྡུང་རྡེག་ནན་མོ་གཏོང་དགོས།  གསུམ། རང་སྲེག་མཁན་གྱི་ཁྱིམ་མི་ལ་འཚམས་འདྲི་བྱེད་པར་མ་ཟད། རང་སྲེག་མཁན་གྱི་ཁྱིམ་མིར་ཞལ་འདེབས་འབུལ་བའི་མང་ཚོགས་དང་གྲྭ་བ་དག་ལ་སྐྱོན་བརྗོད་སློབ་གསོ་གཏོང་དགོས་བ་དང་།  དེ་རྩ་འཛུགས་བྱེད་མཁན་དང་མང་ཚོགས་འཐུས་ཚབ་པ། གྲྭ་བ་དག་འཚམས་འདྲི་སོང་བ་ཡིན་ན། སྒེར་དང་ཁྱིམ་ཚང་གི་མ་མཐའི་འཚོ་རྟེན་འགན་སྲུང་དང་གནོད་སྐྱོབ་རོཊ་སྐྱོར་སོཊ་ཀྱི་དམངས་ཕན་སྲིད་ཇུས་ཡོད་ཚད་མེད་པར་བཟོ་དགོས། དགོན་པའི་དོ་དམ་ཨུ་ཡོན་ལྷན་ཁང་གི་ཁོངས་མི་ཡིན་ན། བློ་ཐག་རྦད་ཆོད་ཀྱིས་སྡེབ་སྒྲིག་བྱ་དགོས་པར་མ་ཟད། འཐབ་ཕྱོཊ་གཅིག་གྱུར་དང་མི་རིཊ་ཆོས་ལུཊ་ལས་དོན་སྡེ་ཁག་གིས་ཐག་གཅོད་བྱ་དགོས། སྡེ་བ་དང་དགོན་པ་དག་གིས་རྩ་འཛུགས་བྱས་ཏེ་ཞལ་འདེབས་འབུལ་བ་དང་ཞལ་འདེབས་བསྡུ་བ་ཡིན་ན། སྡེ་བ་ཡོངས་ཀྱིས༼ལྔ་སྐྱོང་ཁྱིམ་ཚང་ཕན་ཆད་ནས༽མ་མཐའི་འཚོ་རྟེན་འགན་སྲུང་དང་གནོད་སྐྱོབ་རོཊ་སྐྱོར་སོགས་ལོངས་སུ་སྤྱོད་པའི་དམངས་ཕན་སྲིད་ཇུས་ཡོད་ཚད་མེད་པར་བཟོ་དགོས་ལ། སྡེ་བ་དང་དགོན་པ་དེ་དག་ལ་ལོ་གསུམ་གྱི་ནང་དུ་རྒྱལ་ཁབ་ཀྱིས་མ་དངུལ་གཏོང་བའི་ལས་གཞི་ཡོད་ཚད་བཀོད་སྒྲིག་བྱས་མི་ཆོག་པ་དང་། བཀོད་སྒྲིག་བྱས་ཟིན་པ་ཡིན་ན་ཚང་མ་མེད་པར་བཟོ་བ་དང་སྡེབ་སྒྲིག་བྱ་དགོས།

བཞི།  མང་ཚོཊ་དང་གྲྭ་བའི་རྩ་འཛུཊ་བྱས་ནས་འགོ་ཁྲིད་དེ་རང་སྲེག་མཁན་གྱི་ཁྱིམ་མི་ལ་འཚམས་འདྲི་ཕྱིན་པ་མ་ཟད་བཙན་གྱིས་བགོ་འགྲེམ་བྱས་པ་དེ་ལ་མྱུར་དུ་རྩད་གཅོད་བྱེད་པ་དང་བདེན་དཔང་ཁུངས་བཙན་བཟུང་ནས། ཁྲིམས་འཛིན་གྱི་གོ་རིམ་ནང་དུ་སྔ་ས་ནས་ཞུཊ་དགོས་པ་དང་། མགྱོཊ་ཤིང་ལྕི་བའི་སྒོ་ནས་ཁྲིམས་ལྟར་རྡུང་རྡེག་ནན་མོ་གཏོང་དགོས། ༼ སྡེ་ཨུ་གཉིས༽་དང་ལྷག་པར་དུ་སྡེ་བའི་ཏང་ཀྲི་པུའུ་ཧྲུའུ་ཅི་དང་སྡེ་དཔོན་གྱིས་འགོ་ཁྲིད་དེ་དེའི་ནང་ཞུཊ་པ་ཡིན་ན། བློ་ཐག་རྦད་ཆོད་ཀྱིས་བརྗེ་ལེན་བྱེད་དགོས་པར་མ་ཟད། དེ་མཐུན་གྱི་འགན་འཁྲི་རྩད་གཅོད་བྱ་དགོས་པ་དང་། མྱུར་དུ་སྒྲིག་ཁྲིམས་དང་རྩ་འཛུཊ། སྤྱི་བདེ། རྩིས་བཤེར་སོཊ་ཀྱི་སྡེ་ཁག་མངག་སྟེ་སྡེ་བ་དེ་ལ་དྲག་རྡུང་ནན་མོ་གཏོང་དགོས་ཤིང་། ཁྲིམས་འགལ་སྒྲིག་འགལ་གྱི་བྱ་སྤྱོད་རྩ་བ་ནས་ཐག་གཅོད་ནན་མོ་བྱ་དགོས། དགོན་པའི་ཨ་ལཊ་དང་དམངས་གཙོ་དོ་དམ་ཨུ་ཡོན་ལྷན་ཁང་གིས་རྩ་འཛུགས་བྱས་པ་ཡིན་ཕྱིན། དགོན་པ་ཁྲིམས་ལྟར་སྒོ་རྒྱག་ཏུ་འཇུག་པ་དང་། དག་ཐེར་ནན་མོ་བྱ་དགོས་ལ། རྩ་འཛུཊ་བྱེད་མཁན་ལ་ཁྲིམས་ཆད་ལྗིད་མོ་གཅོད་དགོས།  ལྔ།  ལས་བྱེད་ལས་བཟོ་བའི་ཏང་སྲིད་རྒྱལ་ཁྲིམས་སྣང་མེད་དུ་བཞག་སྟེ། རང་སྲེག་མཁན་གྱི་ཁྱིམ་མིར་འཚམས་འདྲི་དང་རང་སྲེག་མཁན་གྱི་ཁྱིམ་མིར་ཞལ་འདེབས་ཕུལ་བ་དེ། གལ་ཏེ་ཤེས་རྟོགས་བྱུང་ན། མྱུར་དུ་གཞུང་གི་བྱ་བ་ནས་སྒོ་ཕུད་རྒྱུ་དང་། ཁྲིམས་འཛིན་སྡེ་ཁག་ལ་སྤྲད་ནས་ཁྲིམས་ལྟར་ཐག་གཅོད་ནན་མོ་བྱ་རྒྱུ་ཡིན། ཞེས་བཀོད་འདུག

གཞན་ཡང་བརྡ་སྦྱོར་དེའི་ནང་། ཏང་གི་ཚོཊ་ཆེན་བཅོ་བརྒྱད་པའི་སྐབས་སུ་རེབ་གོང་ས་ཁུལ་དུ་བརྟན་བརླིང་མིན་པའི་དོན་རྐྱེན་དྲུག་བསྟུད་མར་བྱུང་སྟེ། ཁུལ་ཡོངས་ཀྱི་འཆམ་མཐུན་བརྟན་བརླིང་གི་རྣམ་པར་གཏོར་བརླག་དང་། ཞིང་ཆེན་དང་རྒྱལ་ཁབ་ཡོངས་སུ་ཤན་ཤུཊ་ངན་པ་བཞག་ཡོད་པ་དེས། ཏྰ་ལའི་རུ་ཚོཊ་ཀྱིས་རང་སྲེག་བེད་སྤྱད་དེ་སྤྱི་ཚོཊ་དང་སློབ་མར་ངན་སྐུལ་དང་། སྤྱི་ཚོཊ་ལ་གཡོ་འགུལ་དང་མེས་རྒྱལ་ཁ་བྲལ་དུ་གཏོང་བའི་རེ་ངན་ཕྱིར་མངོན་ཡོད་ཚུལ་དང་། ས་ཆ་ཁ་ཤས་སུ་ཏྰ་ལའི་ཚོཊ་ཁག་གི་ངན་སྐུལ་བསླུ་བྲིད་ལ་ཉན་ཏེ། རང་སྲེག་མཁན་དཔའ་བོར་བརྩིས་ཏེ་འཚམས་འདྲིར་འགྲོ་བ་དང་རང་སྲེག་མཁན་གྱི་ཁྱིམ་མིར་ཞལ་འདེབས་སོཊ་ཀྱི་གནས་ཚུལ་བྱུང་ཡོད་སྟབས། མ་འོངས་པར་རང་སྲེག་གི་དོན་རྐྱེན་བྱུང་བ་དང་། རང་སྲེག་མཁན་གྱི་ཁྱིམ་མིར་འཚམས་འདྲི་དང་ཁྱིམ་མིར་ཞལ་འདེབས་ཕུལ་བའི་གནས་བྱུང་ཚེ།  ཁུལ་ཨུ་དང་ཁུལ་སྲིད་གཞུང་གིས་ས་གནས་དེ་གའི་ཏང་ཨུ་དང་སྲིད་གཞུང་གི་འགོ་ཁྲིད་ཀྱི་འགན་འཁྲི་རྩད་གཅོད་ནན་མོ་བྱ་རྒྱུ་ཡིན་སྐོར་སོགས་བཀོད་འདུག

གསར་འགོད་པ། དོན་གོ