བྷེན་ལཱ་ཌན་ཚོང་མཁན་གྱི་ཟས་བཅད།

བྷེན་ལཱ་ཌན་གཡོ་བཙོང་བྱེད་པའི་ཉེས་མིང་འོག་ལོ་སོ་གསུམ་གྱི་བཙོན་འཇུག་ཁྲིམས་ཐག་བཅད་ཡོད་པའི་སྨན་པ་ཨ་ཧྥི་རེ་ཌེ་ཡིས་བཙོན་ཁང་དུ་ཟས་བཅད་ངོ་རྒོལ་བྱེད་ཀྱི་ཡོད་འདུག

ཉིན་འགའི་སྔོན་ནས་བཟུང་བྷེན་ལཱ་ཌན་གྱི་གསང་པ་ཕྱིར་སྤྲོད་བྱེད་མཁན་སྨན་པ་ཨ་ཧྥི་རེ་ཌེ་(Shakil Afridi) ཡིས་བཙོན་ཁང་དུ་ཟས་བཅད་ངོ་རྒོལ་མགོ་འཛུཊ་གནང་ཡོད་པ་མ་ཟད། ཁོང་གིས་ཁྲག་རིཊ་བརྟག་དཔྱད་བྱས་པ་དེས་བྷེན་ལཱ་ཌན་གྱི་གསང་པ་ཕྱི་རུ་ཤོར་ཡོད་པའི་ཐད་ཤེས་རྟོགས་དང་རྒྱུས་མངའ་གང་ཡང་མེད་ཅེས་བརྗོད་ཡོད་འདུག

གསར་འགོད་པ་ཞིག་གིས་ཁ་པར་བརྒྱུད་ཨ་ཧྥི་རེ་ཌེ་ལ་སྐད་ཆ་དྲིས་སྐབས།  ཨ་རིས་ཁོང་ལ་ནད་གཞི་སྔོན་འགོག་གི་ལས་དོན་སྤེལ་བཅུག་པ་ལྟར་བསྒྲུབས་པ་ཞིག་ལས། བྷེན་ལཱ་ཌན་ལ་དམིགས་འབེན་བཟུང་ཡོད་པའི་སྐོར་གང་ཡང་ཤེས་རྟོགས་མེད་སྐོར་དང་། བྷེན་ལཱ་ཌན་གྱི་སྡོད་གནས་དེར་དྲག་སྤྱོད་པ་ཁག་ཅིག་གནས་སྡོད་བྱེད་ཀྱི་ཡོད་པ་ཤེས་རྟོགས་བྱང་ཡོད་ཀྱང་། དེ་བྷེན་ལཱ་ཌན་ཡིན་པ་སེམས་ལའང་འཁོར་མྱོང་མེད་སྐོར་བརྗོད་འདུག

དེ་སྔོན་བྷེན་ལཱ་ཌན་དམར་གསོད་བཏང་པའི་བདུན་ཕྲག་གསུམ་ཙམ་གྱི་མཚམས་སུ་པཱ་ཀི་སི་ཐན་གསང་བའི་ལས་ཁུངས་ཀྱིས། སྨན་པ་ཨ་ཧྥི་རེ་ཌེ་ཡིས་ཨ་རིའི་གསང་པའི་ལས་ཁུངས་ལ་བྷེན་ལཱ་ཌན་གཡོ་བཙོང་བྱས་པའི་དོཊ་གཞིའི་འོག་འཛིན་བཟུང་བྱས་རྗེས། སྨན་པ་ཨ་ཧྥི་རེ་ཌེ་ཡིས་ཨ་རིའི་གསང་བའི་ལས་ཁུངས་ཀྱི་བཀོད་མངགས་ལྟར། པཱ་ཀི་སི་ཐན་ནང་ནད་གཞི་སྔོན་འགོག་གི་ལས་གཞི་ཞིག་སྤེལ་ཏེ། བྷེན་ལཱ་ཌན་སྦས་སྐུང་བྱས་ཡོད་པའི་དོགས་གཞི་ཅན་གྱི་ས་ཁུལ་ཁག་གི་མི་མང་ལ་འགོག་ཁབ་བརྒྱབ་པ་བརྒྱུད། ཁོང་དང་ཤ་ཁྲག་གི་འབྲེལ་བ་ཡོད་པ་ཞིག་གི་ཁྲག་རིགས་བརྟག་དཔྱད་ལས་སྡོད་གནས་ཤེས་རྟོགས་དང་གཡོ་བཙོང་བྱས་ཡོད་སྐོར་དང་།  སྨན་པ་ཁོང་པཱ་ཀི་སི་ཐན་གྱི་མི་སེར་ཞིག་ཡིན་པའི་ངོས་ནས་སོ་སོའི་རྒྱལ་ཁོངས་བདེ་སྲུང་ལ་གཏོར་བརླག་བྱས་ཡོད་པ་མ་ཟད། ཨ་རིའི་གསང་ཉུལ་བར་རམས་འདེགས་ཀྱིས་རྒྱལ་འཚོང་བྱས་པའི་ཉེས་མིང་འོག  འདིའི་ལོའི་ཕྱི་ཟླ་ ༥ ནང་སྨན་པར་ལོ་ ༣༣ བཙོན་འཇུག་ཁྲིམས་ཐག་བཅད་ཡོད་འདུག

གསར་འགོད་པ། བནྡེ་སྐྱབས།