དེ་རིང་ཤེས་རབ་དགའ་ཚལ་སློབ་གླིང་གི་དགེ་སློབ་ཚོས་རྒྱལ་ཚོཊ་ལ་འབོད་སྐུལ་དོན་ཚན་ཅན་ ༣ ཞིག་བཏོན་ཏེ། སློབ་གྲྭའི་ར་བ་ནས་ངྷ་ས་མེག་གྷན་བར་ངག་བཅད་ཞི་བའི་གོམ་བགྲོད་དང་། ཉིན་རྒྱབ་ནས་དགོང་དྲོའི་བར་ཟས་བཅད་ངོ་རྒོལ་གནང་རྒྱུ་ཡིན་འདུག
རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་དང་བོད་ནང་གི་བོད་མི་ཚོས་གཅིག་རྗེས་གཉིས་མཐུད་ཀྱིས་རང་ལུས་མེར་བསྲེགས་གཏོང་བཞིན་པར་གདུང་སེམས་མཉམ་སྐྱེད་མཚོན་ཆེད། འཛམ་གླིང་མཉམ་འབྲེལ་རྒྱལ་ཚོགས་ལ་བོད་ནང་གི་རང་ལུས་མེར་བསྲེགས་ཐོག་དོ་སྣང་ཡོང་བའི་འབོད་སྐུལ་ཞུ་ཡིག་ཅིག་ཕུལ་བ་དང་སྦྲགས། དེ་རིང་ཕྱི་ཚེས་ ༧ ཉིན་གྱི་སྔ་དྲོར་བཞུགས་སྒར་ཉེ་འཁྲིས་སུ་ཡོད་པའི་ཤེས་རབ་དགའ་ཚལ་སློབ་གླིང་གི་དགེ་སློབ་ཡོངས་ཀྱིས་བོད་ཆས་ཀྱི་སྟེང་དུ་སྟོད་ལྭ་ནག་པོ་དང་། ཁ་ལ་རས་ནག་པོས་བཏུམས་ཏེ། སློབ་གྲྭ་དེའི་རྩེད་ཐང་ནས་ངྷ་ས་མེག་གྷན་བར་བོད་རྒྱ་དབྱིན་གསུམ་གྱི་འཕྲེད་དར་སྣ་ཚོཊ་དང་ལག་ཏུ་ཁ་གཏགས་རེ་བཟུང་སྟེ། ངག་བཅད་ཞི་བའི་གོམ་བགྲོད་ཅིག་གནང་ཡོད་པ་དང་། དགེ་སློབ་ཡོངས་མེག་གྷན་དུ་འབྱོར་མཚམས་ཐེག་ཆེན་ཆོས་གླིང་གཙུག་ལག་ཁང་ཉེ་འགྲམ་དཔའ་བོའི་རྡོ་རིང་མདུན་དུ་ཉིན་ཕྱེད་རིང་ཟས་བཅད་ངོ་རྒོལ་གནང་བཞིན་ཡོད་འདུག
ལས་འགུལ་དེའི་ཐད་ཤེས་རབ་དགའ་ཚལ་སློབ་གླིང་གི་སློབ་མའི་ལས་འགུལ་སྣེ་ཁྲིད་པ་སྐལ་བཟང་ཕུན་ཚོཊ་ལཊ་ཀྱིས་བརྗོད་པ་ལྟར་ན། ལས་འགུལ་དེ་ནི་བོད་ནང་རང་ལུས་མེར་བསྲེགས་གཏོང་བཞིན་ཡོད་པའི་བོད་མི་ཚོའི་གནས་སྟངས་ཐོག་མཉམ་འབྲེལ་རྒྱལ་ཚོཊ་གཙོས་རྒྱལ་སྤྱིའི་སྤྱི་ཚོཊ་ཀྱིས་རྒྱབ་སྐྱོར་ཡོང་རྒྱུར་དམིགས་པ་ཞིག་ཡིན་འདུག་ལ། ཐེངས་འདིའི་ཞི་བའི་གོམ་བགྲོད་དང་ཉིན་ཕྱེད་ཀྱི་ཟས་བཅད་ངོ་རྒོལ་ལས་འགུལ་དེར་དགེ་སློབ་ ༣༠༠ ལྷག་མཉམ་ཞུགས་གནང་ཡོད་འདུག
ཟས་བཅད་ངོ་རྒོལ་ལས་འགུལ་དེ་བརྒྱུད་ཤེས་རབ་དགའ་ཚལ་སློབ་གླིང་གི་དགེ་སློབ་ལས་བྱེད་ཐུན་མོང་ཐོག མཉམ་འབྲེལ་རྒྱལ་ཚོཊ་སྤྱི་ཁྱབ་དྲུང་ཆེ་བྷེན་ཀེ་མོན་མཆོག་གི་མཚན་ཐོག་ཏུ། བོད་ནང་གི་ཛ་དྲག་གནས་སྟངས་ཐོག་འབོད་སྐུལ་ཞུ་ཡིག་ཅིག་ཕུལ་ཡོད་ཅིང་། ཞུ་ཡིག་དེའི་ནང་འཁོད་དོན། “ངེད་ཅག་ཤེས་རབ་དགའ་ཚལ་སློབ་གླིང་གི་སློབ་མ་རྣམས་རྒྱ་ནག་གི་གདུག་རྩུབ་ཅན་གྱི་སྲིད་བྱུས་འོག་སྡུག་བསྔལ་ཚད་མེད་མྱོང་བཞིན་པའི་བོད་ལུང་པར་སྐྱེས་ཤིང་འཚར་ལོངས་བྱུང་སྟེ། ད་ལྟ་རྒྱ་གར་ལུང་པར་བཙན་བྱོལ་དུ་གནས་པ་ཤ་སྟག་ཡིན་པ་དང་། དེ་རིང་ང་ཚོའི་ཕ་ཡུལ་བོད་དུ་རྒྱ་ནག་གི་བཙན་གནོན་དང་འཁྱོག་བཅོས་ཀྱི་སྲིད་ཁྲིམས་འོག ང་ཚོའི་ཕ་མ་སྤུན་མཆེད་དང་གཅེན་གཅུང་ཚོས་ཉིན་མཚན་ཀུན་ལ་སྡུག་གི་ཁུར་བོ་མ་འཁྱོག་པར། ཐ་ན་འགྲོ་བ་མི་ཞིག་གིས་ཆེས་བདག་ཏུ་འཛིན་པའི་ལུས་དང་སྲོག་ཀྱང་མེར་བསྲེགས་ཏེ། རྒྱ་གཞུང་ལ་ངོ་རྒོལ་བྱས་དང་བྱེད་བཞིན་པ་ནི་འཛམ་གླིང་ས་ཐོག་གི་མིག་ཐོགས་ཚད་ཡོངས་ཀྱིས་མཐོང་གི་ཡོད།
ད་བར་ཁྱོིན་བོད་མི་ ༩༤ ཡིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་པའི་གནས་སྟངས་ཧ་ཅང་ཛ་དྲག་ཏུ་གྱུར་ཡོད་པར་མ་ཟད། མ་འོངས་པར་ཡང་ང་ཚོའི་སྤུན་ཟླ་ཅི་ཙམ་གྱིས་རྩ་ཆེའི་ཚེ་སྲོག་ཤོར་མིན་སུས་ཀྱང་ཁ་ཚོན་གཅོད་དཀའ་བའི་གནས་སུ་གྱུར་ཡོད་ཀྱང་། ད་བར་འཛམ་གླིང་ཐོག་དྲང་བདེན་དང་ཞི་བདེ། འགྲོ་བ་མི་ཡི་ཐོབ་ཐང་ལ་དགའ་བའི་སྲིད་གཞུང་དང་ཚོགས་སྡེ། མི་སྒེར་སོགས་ཀྱི་ང་ཚོར་རྒྱབ་སྐྱོར་ཚད་གཞི་ཧ་ཅང་དམའ་བ་དང་། ང་ཚོའི་རྒྱབ་ཏུ་ལངས་མཁན་འགྲོ་མིའི་རིཊ་སྤུན་ཟླ་ཧ་ཅང་ཉུང་སྟབས། རྒྱ་ནག་གིས་གོ་སྐབས་དེ་དང་བསྟུན་ཏེ་བོད་ནང་གི་ཐབས་སྐྱོ་ཞིང་ཛ་དྲག་གནས་བབ་འདི་སྦས་ཐབས་དང་འཁྱོག་བསྒྱུར་གྱི་ཐབས་ཤེས་ཁོ་ན་བྱས་ཏེ། ང་ཚོའི་དྲང་བདེན་གྱི་གནས་ལུགས་འདི་འགྲོ་ས་གཏན་ནས་མེད་པ་ཞིག་བཟོ་བཞིན་ཡོད། ”ཅེས་འཁོད་འདུག
ཞུ་ཡིག་དེར་མུ་མཐུད་འཁོད་དོན། “དེ་རིང་ང་ཚོས་རང་གི་ཡན་ལག་ལྔ་བོ་ས་ལ་བཏུད་དེ་སྐུ་ཉིད་ལ་མཉམ་འབྲེལ་རྒྱལ་ཚོགས་ཀྱི་ངོས་ནས་གནད་དོན་གསུམ་ལ་ངེས་པར་བརྡ་ལན་སྤྲོད་དགོས་པའི་འབོད་སྐུལ་ཞུ་རྒྱུ་ཡིན། གཅིག ད་ལྟའི་ང་ཚོའི་ཕ་ཡུལ་བོད་ཆོལ་ཁ་གསུམ་ཁྱོན་ཡོངས་ཀྱི་རང་བསྲེགས་ངོ་རྒོལ་གནས་སྟངས་ཤེས་རྟོཊ་དང་བསྐྱར་ཞིབ་ཀྱིས། ང་ཚོའི་ཕ་མ་སྤུན་མཆེད་དང་ཕུ་ནུ་མིང་སྲིང་ཚོའི་ཚེ་སྲོག་གི་འབོད་སྒྲ་སྟེ་༸གོང་ས་མཆོག་བོད་ལ་ཕྱིར་ཕེབས་འཇུག་དགོས་དང་། བོད་ལ་རང་དབང་དགོས། སྐད་ཡིག་ལ་རང་དབང་དགོས། མི་རིགས་འདྲ་མཉམ་དགོས་ཟེར་བ་བཅས་ལ་བརྡ་ལན་ཞིག་གནང་རོཊ་ཞུ་རྒྱུ་ཡིན། གཉིས། རྒྱ་ནག་གཞུང་གིས་འབར་བཞིན་པའི་ང་ཚོའི་སྤུན་ཟླ་དག་གི་ཚེ་སྲོག་གི་གཏུག་བཤེར་གྱི་གནས་ལུགས་ཁྱིམ་ཚང་དང་བཟའ་ཚང་བར་གྱི་གནད་དོན་དང་དཀའ་ངལ་ལྟ་བུར་ཁ་བསྒྱུར་གྱིས་ནག་བསུབ་གཏོང་བཞིན་པ་དེར་སྤྱན་གྱིས་གཟིགས་རོགས་ཞུ་རྒྱུ་ཡིན། གསུམ། ཁོང་ཚོའི་ཤུལ་ལུས་ཕ་མ་དང་བཟའ་ཟླ། བུ་ཕྲུག གྲོགས་པོ། ཉེ་རིང་། འབྲེལ་ཡོད་ཡོངས་ལ་སྐྱོན་འཛུགས་ཀྱིས་ཁྲིམས་ལ་སྦྱོར་བ་དང་བཙོན་དུ་འཇུག་པ། ས་གནས་སོ་སོར་དམ་དྲག་གིས་ཡ་ང་སྙིང་རྗེ་བྲལ་བའི་གདུག་རྩུབ་ཀྱི་སྲིད་ཇུས་ལག་བསྟར་བྱེད་བཞིན་པ་སོགས་ལ་སྙིང་རྗེ་ཞིག་སྒོམ་རོགས་ཞུ་རྒྱུ་ཡིན། ”འཁོད་འདུག
དབུད་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས་ཀྱི་ཐོ་གཞུང་ལྟར་ན། ད་བར་བོད་ནང་དུ་བསྟན་སྲིད་མི་རིགས་ཆེད་རང་ལུས་མེར་བསྲེགས་གནང་མཁན་ ༩༢ ཙམ་བྱུང་ཡོད་པ་འཁོད་འདུག
ཡི་རང་ཞུ།
ཤེས་རབ་དགའ་ཚལ་སློབ་གླིང་གི་སློབ་མ་རྣམས་ནི། བོད་རྒྱའི་གནས་སྟངས་ལ་རྒྱུས་མངའ་ཡོད་མཁན་གྱི་སློབ་གྲྭ་གཅིག་པུ་དེ་ཡིན། བྱས་དུས། སློབ་མ་རྣམས་ཀྱི་མདུན་ལྗོངས་དང་བསམ་བློ། ངོས་འཛིན་དང་ལངས་ཕྱོགས་སོགས་ལ་རིན་ཐང་ཆེན་པོ་ཞིག་འཇོག་དགོས་པ་ནི། དབུས་བོད་མིའི་སྒྲིག་འཛུགས་ཀྱི་སྤྱིར་བཏང་གི་མཛད་འགན་ཞིག་རེད།
སྐྱབས་བཅོལ་བའི་བོད་མིའི་སྒྲིག་འཛུགས་དང་མི་དམངས་རྣམས་ནི། འཐབ་རྩོད་པ་ཡིན་པ་ལས་དབང་ཆ་དང་མང་གཙོའི་རྨི་ལམ་གྱི་དབྱིངས་སུ་འཛུལ་རྒྱུ་དེ་མ་རེད། དེའི་ཕྱིར་ན། རྒྱ་ནག་གི་རིག་གནས་དང་རྒྱ་གཞུང་གི་སྲིད་བྱུས་ལ་རྒྱུས་མངའ་ཡོད་མཁན་སུ་ཞིག་ཡོད་ན། བདག་སྐྱོང་བྱེད་དགོས་པ་ནི། འཐབ་རྩོད་ཀྱི་རྨང་གཞི་ཆེན་པོ་ཞིག་མ་རེད་དམ།
འཐབ་རྩོད་པ་ཞིག་ལ་འཐབ་རྩོད་པའི་འགྲོ་ཕྱོགས་ཤིག་ཡོད་རྒྱུ་རེད་འདོད། མ་གཏོགས་རང་དབང་ལྡན་པའི་རྒྱལ་ཁབ་ཅིག་གི་འགྲོ་ལྟར། ལས་གནས་སྤྲོད་སྟངས་དང་ངོས་འཛིན་གྱི་འོག་ནས་ལམ་ལུགས་ཤིག་བསྐྱང་ན། དེའང་འཐབ་རྩོད་པའི་སྒྲིག་འཛུགས་ཀྱི་མི་སྣ་འདེམས་སྒྲིག་བྱེད་སྟངས་གང་འདྲ་ཆགས་ཡོང་ངམ།
གང་ལྟར། འཐབ་རྩོད་པ་ཡིན་ན། འཐབ་རྩོད་བྱེད་ཡུལ་ལ་རྒྱུས་མངའ་གཏིང་ཟབ་དགོས་པ་ནི། འཐབ་རྩོད་པའི་འགན་འཁྲི་དང་པོ་རེད་འདོད། དེའི་ཕྱིར་ན། སྐྱབས་བཅོལ་བོད་མིའི་སྒྲིག་འཛུགས་དང་ཚོགས་སྡེ་ཁག་གིས་བདག་གཅེས་བྱེད་སྟངས་མ་ནོར་བར་བྱེད་རོགས་ཞུ།
ཤེས་རབ་དགའ་ཚལ་སློབ་གྲྭའི་སློབ་ཕྲུག་ཚོས་གངས་ཅན་སྐྱིད་གཤོངས་ལ་བརྡ་ལན་ཞིག་སྟོན་གྱི་ཡོད། འདི་སྲིད་སྐྱོང་མཆོག་དང་གཞུང་ཞབས་ལས་བྱེད་ཚང་མས་མཁྱེན་དགོས། ད་རེས་སློབ་གྲྭ་ནས་རྡ་སའི་གཙུག་ལག་ཁང་དུ་ངག་བཅད་གོམ་བགྲོད་གནང་འདུག ཐེངས་རྗེས་མར་གངས་སྐྱིད་བཀའ་ཤག་གི་སྒོ་ཁར་ཡོང་སྲིད་པ་རེད། དེ་མ་ཚད་བོད་མི་མང་སྤྱི་འཐུས་སྒོ་དྲུང་དང་། ཆེས་མཐོའི་ཁྲིམས་ཞིབ་ཁང་གི་སྒོ་མདུན་སོགས་ནས་རང་ལུས་མེར་བསྲེགས་གཏོང་སྲིད