ཁ་སང་གཟའ་ཕུར་བུའི་ཉིན་དབུས་བུད་མེད་ལྷན་ཚོགས་ཀྱི་གོ་སྒྲིག་འོག རྒྱལ་གར་གྱི་རྒྱལ་ས་ལྡི་ལིར་འཚོགས་བཞིན་པའི་ཉིན་ ༡༠ རིང་གི་བུད་མེད་མགོ་ཁྲིད་ཟབ་སྦྱོང་མཇུག་སྒྲིལ་ཡོད།
ཟླ་འདིའི་ཕྱི་ཚེས་ ༡༨ ནས་ཚེས་ ༢༧ བར་ཉིན་བཅུའི་རིང་དབུས་བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག ལས་བྱེད་དང་མཐོ་སློབ་འགྲིམས་བཞིན་པའི་བོད་རིགས་བུད་མེད་ཚོར་ཚད་མཐོའི་མགོ་ཁྲིད་སྦྱོང་བརྡར་གྱི་ཟབ་སྦྱོང་ཞིག་སྤྲད་ཡོད་ཅིང་། ཉིན་མཐའ་མའི་མཇུག་སྡོམ་མཛད་སྒོའི་སྐུ་མགྲོན་དུ་རྒྱ་གར་གྱི་བུད་མེད་ཆབ་སྲིད་ལས་འགུལ་པ་ཀཱེ་རན་བྷེ་ཊི་(Dr.Kiran Bedi) དང་། སྤྱི་ཚོགས་ལས་འགུལ་པ་ལྕམ་ཇཱ་ཡཱ་(Jaya Jaitlley)། གྷན་ཌེ་ཞི་བདེ་ཐེབས་རྩའི་ཚོགས་གཙོ་རཱ་ཌཱ་བྷ་ཊི་(Radha Bhatt)། འབར་མའི་འགྲོ་བ་མིའི་ཐོབ་ཐང་འཐབ་རྩོད་པ་ཨ་ལཱ་ཎ་(Dr.Alana Golmei) བཅས་ཕེབས་ཏེ་བུད་མེད་ཀྱི་ནུས་པ་དང་འགན་འཁྲིའི་ཐད་གཏམ་བཤད་བྱས་ཡོད།
ཐེངས་འདིའི་མགོ་ཁྲིད་ཟབ་སྦྱོང་ནང་ས་གནས་འདྲ་མིན་ནས་ན་གཞོན་བུད་མེད་ ༢༥ ཙམ་མཉམ་ཞུགས་བྱས་འདུག་ལ། ཉིན་ ༡༠ རིང་གི་ཟབ་སྦྱོང་སྐབས་རྒྱ་གར་དང་འབར་མ་སོགས་ཀྱི་བུད་མེད་ཟབ་སྦྱོང་ཆེད་མཁས་པ་ཁག་གདན་ཞུས་ཐོག ཟབ་སྦྱོང་ནང་ཞུགས་མཁན་བོད་རིགས་བུད་མེད་ཚོར་བརྗོད་གཞི་འདྲ་མིན་ཐད་ནས་བུད་མེད་མགོ་ཁྲིད་ཀྱི་ཟབ་སྦྱོང་སྤྲད་ཡོད་འདུག
ཟབ་སྦྱོང་ནང་མཉམ་ཞུགས་བྱེད་མཁན་ལྡི་ལི་མཐོ་སློབ་ཀྱི་སློབ་མ་ཚེ་རིང་སྐྱིད་ཀྱིས། བུད་མེད་ལྷན་ཚོགས་ཀྱིས་གོ་སྒྲིག་བྱས་པའི་ཟབ་སྦྱོང་འདིའི་རིགས་ནི། མ་འོངས་པར་བུད་མེད་མགོ་ཁྲིད་གསོ་སྐྱོང་གི་རྨང་གཞི་ཆེན་པོ་ཞིག་ཆགས་ངེས་ཡིན་པ་བརྗོད་འདུག
གསར་འགོད་པ། བནྡེ་སྐྱབས།
ཐུགས་རྗེས་གཟིགས་བུད་མེད་ལ་ཁ་བརྡུང་མ་གཏོང་། རྗེ་བཙུན་སྒྲོལ་མ་དང་། རང་ཉིད་ཀྱི་སྐྱེ་མ་ལ་བསམ་བློ་ཐོངས། དེ་ཐམས་ཅད་བུད་མེད་རེད་ད། དཔེ་བཞག་ན་འཛམ་གླིང་འདིར་གང་བཀོད་བཀོད་ཡོད་ཀྱང་རྒྱ་མི་འདྲ་བའི་དཔེ་མ་བཀོད། ངའི་སྙིང་རྩ་འདར་ཀི གཞིས་ལུས་སྤུན་ཟླ་ལ་བསམ་བློ་ཐོངས།
ཡ་ཡ་ཤར་ཕྱོགས་རྒྱལ་སྲས་མིང་ཅན་པ། ཁྱེད་རང་གི་མཆན་འདི་འབྲི་སྐབས། དངོས་ནས་བློ་གཟི་བོའི་གནས་པའི་ཐོག་ནས་བསམ་བློ་ཞིག་བཏང་བ་ཡིན་ནམ། ངས་ལྟས་ན་ཁྱེད་རང་གིས་བཤད་པ་དེ་དག་ཏོག་ཙམ་ཐལ་དྲག་པའི་སྐྱོན་འདུག ། རྒྱུ་མཚན་ནི་རྒྱ་དམར་གཞུང་ལས་སྡུག་པའི་བྱ་སྤྱོད་ཐབས་སྡུག་པའི་ལས་དཀའ་ག་རེ་བྱས་སོང་། ཡང་ན་རྒྱ་དམར་གཞུང་གི་བོད་ལ་འཛིན་པའི་སྲིད་བྱུས་དེ་ཁྱེད་རང་གིས་ཡང་དག་ཞིག་མ་ཤེས་པའི་སྐྱོན་རེད་དམ། སྤྱིར་བཏང་མི་སུ་དང་སུ་ཡིན་ན། སྐྱོན་མེད་པ་ཞིག་ཕལ་ཆེར་ཁག་པོ་རེད། ཁྱེད་རང་རང་གིས་བྱ་སྤྱོད་ལ་བསམ་བློ་ཡག་པོ་བཏང་རོགས། དེ་སྔོན་ད་བར་དུ། བྱས་པ་ལས་དཀའ་རྣམས་ལ་ཞིབ་འཇུག་མཐར་ཕྱིན་པ་བྱེད་རྗེས། དེ་ནས་གཞན་ལ་སྐྱོན་བརྗོད་བྱས་དང་། གལ་སྲིད་ཁྱེད་རང་ལ་སྨྲ་བརྗོད་རང་དབང་ཡོད་དྲན་ནས། འདི་ལྟར་བྲིས་པ་ཡིན་ན། དེ་ནི་ནོར་འཁྲུལ་ཡིན། སྨྲ་བརྗོད་རང་དབང་ཟེར་བ་དེ་ཡང་། ཁྱེད་རང་གིས་ཞིབ་འཇུག་བྱེད་རོགས། དགོངས་པ་མ་འཚོམ།།།།།།།
བུད་མེད་མགོ་ཁྲིད་ཅིག་དབུས་བུད་མེད་ལྷན་ཚོགས་ནས་གསོ་སྐྱོང་བྱ་རྒྱུ་ཟེར་ན་རི་བོང་གི་ར་རང་རེད། དབུས་བུད་མེད་ནང་ན་ཁེ་ཕན་དོན་གཉེར་བ་མིག་གིས་སྣ་རྩེ་མ་གཏོགས་མི་མཐོང་མཁན་རྐྱང་རྐྱང་གིས་ཁེངས་བསྡད་ཡོད་པས་མ་ཟད། ཆོལ་ཁ་ཕྱོགས་རིས་ཀྱི་བདག་པོ་ཝ་མོ་འདྲ་བ་ཁ་ཤས་སློབ་སྟོན་པར་བཞག་ཡོད་པས། ཚོགས་པ་འདི་ལྟ་བུས་མགོ་ཁྲིད་གསོ་སྐྱོང་བྱ་རྒྱུ་ལས། རང་ཉིད་ལ་གད་བདར་ཡག་པོ་ཞིག་བྱས་ན་མི་ཡག་གམ། ཉེ་སྔོན་སྒྲོལ་དཀར་ལྷ་མོའི་རྙོག་གླེང་སྐབས། སྒྲོལ་དཀར་ལྷ་མོར་ནོར་འཁྲུལ་ཤོར་ཡོད་པ་རེད་དེ། གོ་སྐབས་དེ་དམ་འཛིན་གྱིས་ལ་དྭགས་ཟླ་སྒྲོན་དང་བོད་དོན་ཐད་ཤེས་ཚད་གོར་ཐིག་ཡིན་པའི་ཚོགས་གཞོན་བསམ་གཏན་སོགས་ངན་པ་ནག་ཁུངས་ནང་ནས་ལག་སྦྲེལ་གྱིས་རྒྱ་དམར་པོ་ལས་ཀྱང་ངན་པའི་བྱ་སྤྱོད་ཐབས་རྡུག་བསྟན་ཡོད་པ་ད་དུང་རྒྱ་ཆེའི་མི་མང་གི་སེམས་ན་བརྗེད་མེད་པས། ད་ནས་དབུས་བུད་མེད་ལ་གཞི་རྩའི་ཆ་ནས་གསར་བརྗེ་དང་ཞུ་དག་ཡག་པོ་ཞིག་མ་བཏང་དུས། ཉི་མ་ཞིག་བོད་ཕྲུག་ཁྱིམ་སྡེ་དང་ཚོགས་སྡེ་འདི་རིགས་ནག་ཉེས་ཀྱང་འབབ་ན་ཐང།།