ཕྱི་ཚེས་ ༢༨ ཉིན་རཱ་ཤཱི་ཡའི་ཕྱི་སྲིད་ལས་ཁུངས་ཀྱིས་བརྗོད་པ་ལྟར་ན། རཱ་ཤཱི་ཡ་གཞུང་གིས་སེ་རི་ཡའི་གྱེན་ལངས་ཤོག་ཁག་གི་འཐུས་མི་མགྲོན་འབོད་ཐོག གྱེན་ལངས་ཤོག་ཁག་དང་སྲིད་འཛིན་བྷ་ཤར་སྲིད་གཞུང་བར་ཞི་འགྲིག་གྲོས་མོལ་ཡོང་རྒྱུར་འབད་བརྩོན་བྱེད་ཀྱི་ཡོད་འདུག གནད་དོན་དེའི་ཐད་རཱ་ཤཱི་ཡའི་ཕྱི་སྲིད་བློན་ཆེན་གཞོན་པ་མཱེ་ཀི་ཧེལ་གྱིས་ཁོ་ཚོའི་ཕྱོགས་ནས་གནད་དོན་དེ་ཞི་མོལ་བརྒྱུད་ཐག་གཅོད་ཡོང་རྒྱུར་རེ་བ་བྱེད་ཀྱི་ཡོད་ཀྱང་། གྱེན་ལངས་ཤོག་ཁག་གིས་ཐེངས་འདིའི་གྲོས་མགོ་འཛུགས་རྒྱུར་མཉམ་ལས་བྱ་མིན་དེ་ཁོ་ཚོའི་འདོད་མོས་ཡིན་པར་བརྗོད་འདུག
རཱ་ཤཱི་ཡ་གཞུང་གིས་ནུབ་ཕྱོགས་རྒྱལ་ཁབ་ཁག་དང་བྷ་ཤཱར་སྲིད་གཞུང་ལ། དགྲ་ཟླར་འཛིན་མཁན་ཨ་རབ་མཐུན་ཚོགས་བཅས་ཀྱིས་གྱེན་ལངས་ཤོག་ཁག་གི་སྒྲིག་འཛུགས་ཁྲིམས་མཐུན་ངོས་ལེན་བྱས་པར་སྐྱོན་བརྗོད་བྱས་ཡོད་པ་རེད། གཟའ་པ་སངས་ཉིན་སེ་རི་ཡའི་ཕྱིད་སྲིད་བློན་ཆེན་གཞོན་པ་རཱ་ཤཱི་ཡར་ཕྱོགས་སྐྱོད་ཀྱིས་རཱ་ཤཱི་ཡའི་ཕྱི་སྲིད་བློན་ཆེན་དང་རྒྱལ་ཚོགས་དམིགས་བསལ་ཞི་འགྲིག་སྐུ་ཚབ་བྷི་རཱ་ཧེ་མེ་ (Brahimi) བཅས་ལ་ཐུག་འཕྲད་བྱས་ཡོད།
སེ་རི་ཡའི་གྱེན་ལངས་ཤོག་ཁག་གི་མགོ་ཁྲིད་བྷོག་ཌ་ནོབ་ (Bogdanov) ཀྱིས། གང་མགྱོགས་སེ་རི་ཡའི་གནད་དོན་ཐད་ཨ་རི་དང་རཱ་ཤཱི་ཡའི་འཐུས་མི་དང་དམིགས་བསལ་ཞི་འགྲིག་སྐུ་ཚབ་བྷི་རཱ་ཧེ་མེ་བཅས་ཕྱོགས་གསུམ་གྱི་སྐུ་ཚབ་ཚོ་ལྷན་འཛོམས་གྲོས་བསྡུར་བྱ་རྒྱུར་རེ་ལྟོས་བྱེད་བཞིན་ཡོད་སྐོར་བརྗོད་འདུག
