མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སློབ་མ་མ་རེད་སློབ་ཕྲུག་རེད། དགེ་རྒན་ལ་བླ་མའི་འདུ་ཤེས་མེད།

བོད་ཀྱི་དུས་བབ།
༢༠༡༣/༠༡/༠༤
Share on FacebookShare on TwitterShare on EmailShare on Whatsapp

ཁ་སང་ངྷ་ཤོད་ཚོགས་ཁང་དུ་བོད་རིགས་དགེ་རྒན་གྱི་ཚོགས་ཆེན་སྟེང་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས། སློབ་ཕྲུག་བར་མཚུངས་བསྡུར་དང་འགྲན་བསྡུར་བྱེད་ཅིག་ན་འཚེ་བའི་ལས་ཡིན་ཚུལ་དང་། སློབ་ཕྲུག་ལ་ཉེས་རྡུང་བཏང་ན་ཕན་པ་ལས་ཞེ་སྡང་དང་འཁོན་འཛིན་སློང་གཞི་ཆགས་ཀྱི་སྐོར་གསུངས་སོང་།

དབུས་བོད་མིའི་སྒྲིག་འཛུཊ་ཤེས་རིག་ལས་ཁུངས་ཀྱི་གོ་སྒྲིག་འོག ཁ་སང་ཕྱི་ཚེས་ ༣ ཉིན་གྱི་ཉིན་རྒྱབ་ཆུ་ཚོད་ ༢ པའི་ཐོག ངྷ་ཤོད་བོད་ཁྱིོམ་སློབ་གྲྭའི་ཚོཊ་ཁང་དུ་ཚོཊ་པའི་གཏན་ཉིན་སློབ་གྲྭ་ཁག་གི་བོད་རིཊ་དགེ་རྒན་ཚོཊ་ཆེན་ཐེངས་དང་པོའི་སྟེང་། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས། ཤེས་རིག་བཀའ་བློན་དང་དྲུང་ཆེ་རྣམ་གཉིས་གཙོས་ཤེས་རིག་འབྲེལ་ཡོད་ལས་བྱེད་ཁག་དང་། གཞི་རིམ་གོང་འོག་བར་གསུམ་དང་སྔོན་འགྲོ་སློབ་གྲྭའི་དགེ་རྒན་ ༡༥༠ བརྒལ་བར། ༼སློབ་གྲྭ་ཁག་ནས་ཉེས་རྡུང་དང་མཚུངས་བསྡུར། འགྲན་བསྡུར་གྱི་སྐྱོན་གནད། སློབ་གསོའི་ཐབས་ལམ་གཞན༽ཞེས་པའི་བརྗོད་གཞིའི་ཐོག་གཏམ་བཤད་དང་ཚོཊ་ཞུཊ་པ་ནང་ཁུལ་དུ་དྲི་བ་དྲིས་ལན་གནང་སོང་།

ཐོག་མར་ཟམ་གདོང་རིན་པོ་ཆེ་མཆོག་གིས། ཁོང་གིས་དུས་ཡུན་རིང་པོར་བཙན་བྱོལ་བོད་མིའི་སྤྱི་ཚོཊ་ཁྲོད། ཤེས་ཡོན་གཙོས་པའི་ལས་གནས་མང་པོ་ཞིག་དང་འབྲེལ་བ་ཡོང་གི་ཡོད་ཀྱང་། ༢༠༡༡ ལོ་ནས་ལས་དོན་ཆ་ཚང་གྲུབ་པར་བྱས་ཏེ་རིམ་བཞིན་དམངས་གཙོའི་འགྲོ་ལུཊ་ལྟར་སྤྱི་ཚོཊ་ནང་མངོན་གསལ་མིན་པར་ཡལ་འགྲོ་རྒྱུར་འབད་བརྩོན་བྱེད་ཀྱི་ཡོད་སྟབས། ཚོཊ་འདུ་ཁག་ཏུ་གཏམ་བཤད་སྤེལ་རྒྱུར་དགོས་པ་མཐོང་གི་མེད་ཚུལ་དང་འབྲེལ། དེང་རབས་སྤྱི་ཚོཊ་ནང་ཚེ་འདིའི་འཚོ་ཐབས་ཆེད་ཤེས་ཡོན་སློབ་སྦྱོང་བྱས་ཏེ། འཚོ་བ་བསྒྲུབ་རྒྱུ་སློབ་སྦྱོང་གི་དམིཊ་ཡུལ་ཡིན་བསམ་པའི་གོམས་གཤིས་དེ་བོད་པའི་སྤྱི་ཚོཊ་ནང་གནས་ཡོད་པ་དང་། བོད་ཀྱི་སྤྱི་ཚོཊ་རྙིང་པའི་སྐབས་གང་ཟག་སྒེར་བ་རེ་ཟུང་མ་གཏོཊ་སྤྱི་ཡོངས་ནས་གཞུང་ཆེན་མོར་སློབ་གཉེར་བྱེད་མཁན་ཞིག་ཡིན་ན། ཚེ་འདིའི་ལྟོ་གོས་གཏམ་གསུམ་ལ་དམིཊ་ཏེ་གཞུང་ཆེན་མོའམ་རིག་པའི་གནས་ཆེན་པོར་སློབ་སྦྱོང་བྱེད་མཁན་ཧ་ལམ་མེད་པ། དེང་རབས་སྤྱི་ཚོགས་ནང་བོད་ཀྱི་རིག་གནས་ཉམས་ཆག་ཏུ་འགྲོ་བཞིན་པའི་ཐད་སེམས་འཚབ་ཡོད་སྐོར་བཅས་གསུངས་སོང་།

ཟམ་གདོང་རིན་པོ་མཆོག་གིས་མུ་མཐུད་དུ་བོད་ཀྱི་ཡིག་གཟུཊ་དང་བརྡ་སྤྲོད་གཉིོས་དུས་རབས་བདུན་པའི་སྐབས་གཞི་ནས་དར་ཁྱབ་བྱུང་བ་ཞིག་དང་། སྐབས་དེར་ཡོངས་གྲཊ་སུ་བོད་ལ་མི་འབོར་ས་ཡ་ ༦ ཡས་མས་ལས་མེད་ཀྱང་། ལེཊ་སྦྱར་གཙོས་རྒྱ་གར་སྐད་ཡིག་གཞན་དང་། རྒྱ་ནག་དང་ཁྱིམ་མཚེས་རྒྱལ་ཁབ་ཁག་གི་སྐད་ནས་བོད་སྐད་དུ་སྒྲ་བསྒྱུར་བྱས་པ་ཁྱོན་པོ་ཏི་ ༣༠༠ དང་ཆོས་ཚན་ ༥༠༠༠ ཙམ་བྱུང་ཡོད་ཅིང་། སྒྲ་བསྒྱུར་བྱས་པ་རྣམས་འགྱུར་ཕལ་བ་ཙམ་མིན་པར་འཇིག་རྟེན་འདིའི་ཐོག་འགྱུར་བཟང་ཤོས་སུ་ཚད་འཛིན་བྱ་ཆོག་པ་དང་། བོད་སྐད་ནས་ཕྱིར་ལེཊ་སྦྱར་སྐད་སླར་གསོ་བྱེད་དགོས་བྱུང་ཡོད་པ། ལྷག་པར་དུ་བོད་ཀྱི་སྔོན་བྱོན་མཁས་པ་རྣམས་ཀྱིས། བོད་ཀྱི་སྐད་ཡིག་ནང་བརྩམས་པའི་བསྟན་བཅོས་ཀྱི་གྲངས་འབོར་གྲངས་ལས་འདས་པ་ཞིག་བྱུང་ཡོད་སྟབས། ད་སྔ་འཛམ་གླིང་ཐོག་དུས་ཚོད་ཐུང་ངུའི་ནང་མི་འབོར་ཉུང་ཉུང་ཞིག་གིས་རིག་པའི་གཞུང་ལུཊ་ཐོག་བཞག་པའི་རྩོམ་ཡིག་གི་སྤུས་ཚད་དང་། གྲངས་འབོར་གྱི་གྲུབ་འབྲས་བོད་པ་ལས་ལྷག་ཅིག་མི་རིགས་སུ་གང་ཡང་བྱུང་མེད་པ་ར་འཕྲོད་ཡོད་ལུཊ་གསུངས།

དགེ་རྒན་དགེ་ཕྲུག་དང་བླ་སློབ་གཉིས་ཀྱི་འབྲེལ་བ་ལས་འཕྲོས་ཏེ་ཉེས་རྡུང་གི་ངོ་བོ་དང་དེའི་བྱེད་ལས་ཐད་གསུངས་དོན་ལ། བོད་ལ་ཉེས་རྡུང་གཏོང་རྒྱུ་སྲོལ་རྒྱུན་ནས་ཡོད་པ་ཞིག་ཡིན་སྟབས། དགེ་རྒན་གྱིས་དགེ་ཕྲུག་ལ་ཉེས་རྡུང་གཏོང་བ་དེས། དགེ་རྒན་དགེ་ཕྲུག་གི་འབྲེལ་བར་གནོད་སྐྱོན་དང་དགེ་ཕྲུག་གི་བསམ་བློའི་འཚར་ལོངས་དང་ཡོན་ཏན་ལ་དོ་ཕོག་ཡོང་གི་མེད་ཀྱང་། ཆོས་སྡེ་ཁག་གི་དགེ་རྒན་དགེ་ཕྲུག་གི་འབྲེལ་བ་དང་། སློབ་གྲྭ་ཁག་གི་དགེ་རྒན་དགེ་ཕྲུག་གི་འབྲེལ་བ་རྦད་དེ་ལོཊ་ཀ་ཆགས་ཡོད་ཅིང་། སློབ་གྲྭའི་ནང་ཐུན་མོང་བརྡ་སྤྲོད་རིག་གནས་ཙམ་ལས་ནང་ཆོས་སློབ་ཀྱི་མེད་པར། དགེ་རྒན་སྡུག་ས་ནས་བཤད་ན་ཕོཊ་སྤྲད་པའི་གཡོག་པོ་ལྟ་བུ་ཞིག་ཏུ་གྱུར་ཡོད་པ་དང་། ཕོཊ་སེམས་པའི་དགེ་རྒན་དང་བཤེས་གཉེན་བསྟེན་ཚུལ་བྱ་དགོས་པའི་དགོན་པ་ཁག་གི་དགེ་རྒན་དགེ་ཕྲུག་གི་འབྲེལ་བ་ཧ་ཅང་མི་འདྲ་བ་དང་། བོད་ནས་ཕེབས་མཁན་ཚོས་སློབ་མ་ཞེས་ལབ་ཀྱི་ཡོད་ཀྱང་དོན་དམ་དུ་སློབ་ཕྲུག་དེ་སློབ་མ་ཆཊ་ཀྱི་མེད་ཅིང་། གལ་སྲིད་སློབ་མ་ཆཊ་ན་དགེ་རྒན་རྣམས་རང་བཞིན་གྱིས་བླ་མ་ཆཊ་ཏེ། བླ་སློབ་ཀྱི་འབྲེལ་བ་ཡོང་གི་ཡོད་སྟབས་སློབ་ཕྲུག་དང་སློབ་མ་བར་ཁྱད་པར་ཆེན་པོ་ཡོད་ཚུལ། བླ་མ་དང་སློབ་མའི་འབྲེལ་བ་ཡོད་མཁན་ཞིག་དང་སློབ་མའི་བསམ་བློའི་ནང་བླ་མར་སངས་རྒྱས་དངོས་ཀྱི་འདུ་ཤེས་འཇོག་མཁན་དང་། བླ་མའི་བསམ་བློའི་ནང་སློབ་མར་རང་གི་བུ་གཅེས་པ་ལྟ་བུའི་འདུ་ཤེས་འཇོག་མཁན་ཞིག་ཡིན་ན། དགེ་རྒན་གྱིས་ཉེས་རྡུང་བཏང་རུང་དེར་སྐྱོན་ཡོད་པ་ཞིག་ཏུ་མཐོང་གི་མེད་སྐོར་གསུངས།

ཡང་ཁོང་གིས་ཕོཊ་བླངས་ཏེ་འཛིན་གྲྭར་བསླབ་མཁན་དང་། འཛིན་གྲྭར་ཡོང་སྟེ་སོ་སོའི་ཕོཊ་རྒྱག་སའི་དགེ་རྒན་དེའི་མདུན་དུ་གནས་ཚུལ་ལེན་མཁན་སློབ་ཕྲུག་གི་འབྲེལ་བ་དེ་ཆོད་གན་གྱི་འབྲེལ་བ་བྱེད་སྟངས་ཤིག་དང་། དགེ་ཕྲུག་གི་ངོས་ནས་ཕོཊ་རྒྱག་རྒྱུའི་ཁས་ལེན་དང་དགེ་རྒན་གྱི་ངོས་ནས་གནས་ཚུལ་སྤྲོད་རྒྱུའི་ཁས་ལེན་ཡོད་པ་དང་། ཁས་ལེན་དེ་གཉིས་ཕྱོཊ་གཉིས་ཀས་བསྒྲུབ་དགོས་པའི་ཆ་རྐྱེན་ལྟ་བུ་ཞིག་ཡིན་སྟབས། ཁོང་གཉིས་བར་ཉེས་རྡུང་གཏོང་རྒྱུའི་གནས་སྟངས་གང་ཡང་ཡོང་གི་མེད་ཅིང་། ཉེས་རྡུང་བཏང་ན་ཕན་ཐོཊ་མེད་པའི་རྒྱུ་མཚན་ཆེ་ཤོས་གཅིག་ནི། སློབ་གྲྭའི་དགེ་རྒན་དང་སློབ་ཕྲུག་གི་འབྲེལ་བའི་རང་བཞིན་དང་སློབ་ཕྲུག་གི་བསམ་པའི་འཁྱེར་སོ་གཉིས་ལ་བལྟ་དགོས་ཤིང་། ཉེས་རྡུང་བཏང་ན་ཕན་ཐོཊ་ཡོད་མེད་སློབ་ཕྲུག་གི་བསམ་པའི་འཁྱེར་སོ་ལ་བལྟས་ཏེ་ཐག་གཅོད་དགོས་རྒྱུ་དང་། སློབ་ཕྲུག་གི་བསམ་བློའི་འཁྱེར་སོར་ཉེས་རྡུང་གཏོང་བ་དང་སྡུཊ་ར་སྐུལ་བ། འཇིཊ་སྣང་སྐུལ་བ། ཆད་པ་གཅོད་པ་སོཊ་ཀྱིས། ཡར་རྒྱས་དང་ཕན་ཐོཊ་ཡོད་པའི་བློའི་འགྱུར་བ་ཞིག་ཡོད་ན་གཅིག་བྱས་ན་ཕན་ཐོཊ་ཡོང་སྲིད་ཀྱང་། ད་ལྟའི་སྤྱི་ཚོཊ་ཀྱི་ཁོར་ཡུག་ནང་མིའི་བསམ་བློའི་འཁྱེར་སོ་བརྒྱ་ཆ་ ༩༠ སྤྱི་ཚོཊ་གནས་བབ་ཐོག་ཡོང་བསྡད་པ་ཞིག་དང་། དགོན་པར་སྡོད་མཁན་གྱི་བསམ་བློ་དང་སློབ་གྲྭ་འགྲིམ་མཁན་སློབ་ཕྲུག་གི་བསམ་བློའི་འཁྱེར་སོ་ལོཊ་ཀ་ཆཊ་པའི་རྐྱེན་གྱིས། བསམ་བློའི་འཁྱེར་སོ་དེའི་ཐོག་ནས་ཉེས་རྡུང་བཏང་ན། སློབ་ཕྲུག་གི་སེམས་ལ་ཞེ་སྡང་དང་འཁོན་འཛིན་ཁོ་ན་ཡོང་རྒྱུ་ལས། དེ་ལ་བརྟེན་ནས་དད་པ་དང་དགའ་བ་མང་དུ་མི་འགྲོ་བ་དེ་ཧ་ཅང་གསལ་པོ་ཡིན་སྐོར་གསུངས།

ཡང་ཁོང་གིས་མཚུངས་བསྡུར་དང་འགྲན་བསྡུར་གཉིས་དེང་དུས་སྤྱི་ཚོཊ་དཔལ་ཡོན་ནང་ཡོད་པ་ཞིག་ལས། གནའ་རབས་དང་སྲོལ་རྒྱུན་སྤྱི་ཚོཊ་དཔལ་ཡོན་ནང་རྩ་བ་ནས་མེད་ཅིང་། དེ་གཉིས་འཇིག་རྟེན་བྱ་བ་ཕལ་བའི་ནང་ཡོང་ཆོག་པ་མ་གཏོཊ། ཤེས་ཡོན་དང་ནང་བསམ་བློ་ཡར་རྒྱས་འགྲོ་རྒྱུར་ཕན་ཐོཊ་རྩ་བ་ནས་མེད་པ་གནའ་སྔ་མོ་ཞིག་ནས་ངོས་ལེན་བྱས་ཚར་ཡོད་ཚུལ་དང་། རང་རྒྱལ་གཞན་ཕམ་དུ་བཅུག་པའི་བསམ་བློའི་རྒྱབ་ལྗོངས་འཚེ་བ་དང་སྡང་སེམས་ཀྱི་ཐོག་ནས་ཡོང་བ་མ་གཏོཊ། བྱམས་བརྩེ་དང་ཕན་སེམས་ཀྱི་ཐོག་ནས་ཡོང་ཐབས་མེད་པ། དེ་ལྟ་བུའི་འགྲན་བསྡུར་དེ་འགྲོ་བ་མིའི་སྤྱི་ཚོགས་ཀྱི་བདེ་འཇགས་དང་བརྟན་བརླིང་ལ་ཕན་ཐོཊ་མེད་པར་མ་ཟད། འགྲོ་བ་མིའི་རིཊ་ཀྱི་ཤེས་ཡོན་ཡར་རྒྱས་འགྲོ་རྒྱུར་ཕན་ཐོགས་མེད་པར། དེ་ལས་ལྡོག་སྟེ་འགྲན་བསྡུར་དེ་ནི་བྱེད་ལས་ཐོག་འཚེ་བའི་བྱ་སྤྱོད་ཅིག་ཆགས་ཚུལ། ཧ་ཅང་མིའི་བསམ་བློར་མི་འཚམ་པའི་ཐབས་ལམ་གཉིས་བྱ་དགའ་སྤྲོད་པ་དང་ཉེས་ཆད་གཏོང་བ་ཡིན་ཞིང་། ཐབས་ལམ་དེ་གཉིས་ཡོང་སའི་གཞི་རྩ་གཙོ་བོ་མཚུངས་བསྡུར་དང་འགྲན་བསྡུར་གྱི་ཐོག་ནས་ཡོང་བཞིན་ཡོད་ཅིང་། འགྲན་བསྡུར་དེ་ནི་བུང་བུའི་ཐོག་བེད་སྤྱོད་གཏོང་རྒྱུ་ཞིག་ལས་ཤེས་པ་རང་བཞིན་གྱིས་གནས་པའི་མི་ཞིག་ཡིན་ན། གཟེངས་བསྟོད་དང་ཉེས་པའི་ཐོག་གནས་སྐབས་རིང་སློབ་ཚན་བློར་བཟུང་མ་བཟུང་གི་ཁྱད་པར་ཙམ་ལས། སློབ་ཕྲུག་དེའི་བསམ་བློ་དང་ཤེས་ཡོན་ཡར་རྒྱས། བཟང་སྤྱོད་དང་གཤིས་ཀ་ཡར་རྒྱས་སོཊ་ལ་ཐབས་ལམ་དེ་གཉིས་ཀྱིས་གང་ཡང་ཕན་ཐོཊ་མེད་ཚུལ་གསུངས།

མཇུག་ཏུ་ཟམ་གདོང་རིན་པོ་ཆེ་མཆོག་གིས་གསུངས་དོན། “དགེ་རྒན་ཚོས་དགེ་ཕྲུག་གི་རྩོམ་ཡིག་ཞུ་དག་གཏོང་བ་དང་། རྒྱུགས་སྤྲོད་ཀྱི་གྲུབ་འབྲས་སྟོན་པའི་སྐབས་ལ། དགེ་ཕྲུག་རང་རང་སོ་སོའི་དངོས་ཡོད་གནས་བབ་ག་རེ་ཡོད་པ་དེ། ཡིན་མིན་གང་ཡིན་དཀར་ནག་གི་དབྱེ་བ་འབྱེད་རྒྱུ་མ་གཏོཊ། མཚུངས་བསྡུར་མི་བྱེད་རྒྱུ་ཧ་ཅང་གལ་ཆེན་རེད། མཚུངས་བསྡུར་དང་འགྲན་བསྡུར་བྱས་ན། བསམ་བློའི་ནང་བཟང་ཕྱོགས་ཀྱི་སེམས་ཚོར་འཕེལ་རྒྱུའི་ཚབ་ཏུ་ང་རྒྱལ་དང་ཞུམ་པ། ཡང་ན་སྡང་སེམས་སོཊ་འཕེལ་ཏེ་རང་བཞིན་གྱིས་འཚེ་བའི་ངོ་བོར་འགྱུར་འགྲོ་གི་ཡོད། གནས་སྐབས་དེར་བྱམས་བརྩེ་འཕེལ་རྒྱུའི་གོ་སྐབས་དེ་རྩ་བ་ནས་འབྱུང་སྲིད་ཀྱི་མ་རེད། དེང་སང་ཚན་རིག་གིས་ཡོང་རྒྱུ་མེད་པའི་ཚིག་གསར་པ་བཟོས་ཏེ་བཀོད་སྤྱོད་བྱེད་པ་རྣམས་ལ་མི་ཚོས་ཡིད་ཆེས་བྱེད་ཀྱི་ཡོད་ཀྱང་། དོན་དངོས་ཐོག་མིའི་སྤྱི་ཚོཊ་ནང་འཚེ་བ་མེད་པའི་འགྲན་བསྡུར་ཞིག་ཧ་ཅང་ཡོང་ཁག་པོ་ཡིན། ཚན་རིག་གིས་ཅི་ཙམ་གྱིས་རྨོངས་དད་སྤེལ་བ་དེ་ཙམ་ཞིག་ཆོས་ལུཊ་ཀྱིས་རྨོངས་དད་སྤེལ་ཡོད་པ་མ་རེད་ལ། ཚན་རིག་གི་རྨོངས་དད་དེ་ཆོས་ལུཊ་ཀྱི་རྨོངས་དད་ལས་ཤུཊ་ཆེ་བ་ཡོད།”ཅེས་གསུངས།

གསར་འགོད་པ། དཔལ་ལྡན།

འབྲེལ་ཡོད་གསར་འགྱུར།

US Secretary of State Marco Rubio on Sunday demanded the immediate release of Gedhun Choekyi Nyima, the 11th Panchen Lama, who was abducted by Chinese authorities 30 years ago at the age of six. | X @CTA_TibetdotNet & File Pi
Mobile App

རྒྱལ་སྤྱིའི་གནད་ཡོད་མི་སྣས་༧པཎ་ཆེན་རིན་པོ་ཆེ་མཆོག་གང་མགྱོགས་ཀློད་གྲོལ་དགོས་པའི་འབོད་སྐུལ་གནང་།

ཆུ་ཚོད་ ༢༤ སྔོན་ལ།
Front Slider

༧པཎ་ཆེན་རིན་པོ་ཆེ་མཆོག་གར་སོང་ཆ་མེད་དུ་གྱུར་ཏེ་ལོ་ངོ་ ༣༠ འཁོར་བ་སྲུང་གཙི་ཞུས།

༢༠༢༥/༠༥/༡༧
༧ཀུན་གཟིགས་པཎ་ཆེན་རིན་པོ་ཆེ་མཆོག་གི་མཛད་རྣམ་རྗེས་དྲན་གྱི་དབྱིན་ཡིག་ཐོག་ཡོད་པའི་ཕྱག་དེབ་ (Tibet's Stolen Child) ཅེས་པ་དབུ་འབྱེད་གནང་བ། དུས་བབ་གསར་ཁང་གི་པར། ༢༠༢༥།༥།༡༧
Mobile App

དྷ་ས་ཉེ་འཁོར་གྱི་བོད་སློབ་ནང་ཁུལ་དབར་ངག་རྩལ་འགྲན་བསྡུར་ཞིག་འཚོགས།

༢༠༢༥/༠༥/༡༧
དྷ་ས་ས་གནས་གཞོན་ནུ་ལྷན་ཚོགས་ཀྱིས་༧པཎ་ཆེན་རིན་པོ་ཆེ་མཆོག་གི་གནད་དོན་དང་འབྲེལ་ནས་ལས་འགུལ་སྤེལ་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༡༧
Mobile App

༧ཀུན་གཟིགས་པཎ་ཆེན་རིན་པོ་ཆེ་མཆོག་གར་སོང་ཆ་མེད་དུ་གྱུར་ནས་ལོ་ངོ་ ༣༠ འཁོར་བའི་ཉིན་མོ་སྲུང་གཙི་ཞུས།

༢༠༢༥/༠༥/༡༧
དྷ་ས་ས་གནས་མགོ་འཛིན་གྱི་ཚོགས་ཁང་དུ་མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་མཆོག་གི་རྗེས་དྲན་བགྲོ་གླེང་ཞིག་འཚོག་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༡༦
Mobile App

མཆོག་སྤྲུལ་ཧཱུྃ་ཀར་རྡོ་རྗེ་མཆོག་སྐུ་བཀྲོངས་པ་ཁ་གསལ་བཟོ་ངེས་ཡིན་པའི་བསྒྲགས་གཏམ་སྤེལ།

༢༠༢༥/༠༥/༡༦
Exile Tibetan Buddhist nuns carry placards during a protest march demanding the release of their religious leader Gedhun Choekyi Nyima, the 11th Panchen Lama, who was put under house arrest by the Chinese authorities this day in 1995 in Tibet, in Dharmsala, India, Wednesday, May 17, 2017. © 2017 AP Photo/Ashwini Bhatia
Mobile App

༧པཎ་ཆེན་རིན་པོ་ཆེ་ནང་མི་སྐུ་འཁོར་དང་བཅས་པ་འཕྲལ་དུ་ཀློད་གྲོལ་གཏོང་དགོས་པའི་སྐུལ་མ་བྱས་འདུག

༢༠༢༥/༠༥/༡༦

མཆན། 29

  1. མེ་རླབས། says:
    ལོ་ 12 སྔོན།

    ༄༅། །ཡ་ད་ཡང་འདིའི་ནང་ལ་དྲ་འབུ་ང་རྒྱལ་དང་།་ཞེ་སྡང་། ཞེན་ཁོག སོགས་ཀྱི་མེ་རླབས་ཆེན་པོ་ཞིག་བསླེབས་སོང་ན་དྲ་གྲོགས་ལྷན་རྒྱས་ནས་ཟབ་ཟབ་གནང་རོགས་གནང་། ཟམ་གདོང་བླ་རྒན་གྱི་ཁ་ལ་ལྟ་ཡ་ཡོད་མ་རེད། ཁོང་ལ་རྒན་ནད་བསླེབས་འདུག་ཟེར། སྙིང་རྗེ།།

    Reply
  2. འཇམ་གཅེས ། says:
    ལོ་ 12 སྔོན།

    ཕ་བསད་དགྲ་བོའི་མངོན་འདོད་མ་ཤེས་ཤེས་ལྡན་མིག་ཅན་ཞིག་ཏུ་རློམ། །
    ཕ་མའི་སེམས་ཀྱི་ལ་རྒྱ་མ་ཤེས་ཤེས་མདོག་བསྟན་འདི་བླུན་པོའི་རྟགས། །
    ཕ་ཆུས་གསེར་མཁར་སྟ་རེས་བཤིགས་ནས་ཕོར་ཆུས་འཚོལ་བས་ཕུང་རྒན་དང་། །
    ཕ་མའི་བརླ་བཙོང་གདོན་མྱོས་སྐྱག་འབུ་དྲྭ་འབུའི་ཚོགས་ཀུན་ང་ལ་ཉོན། །

    ཡ་རྗེ་བླ་མ་བསྟན་འཛིན་རྒྱལ་མཚོའི་སྲས་ཀྱི་ཐུ་བོ་ཟླ་མེད་པ། །
    མ་ཧ་པཎ་ཆེན་མཚན་གྱིས་རབ་མཛེས་ཟམ་གདོང་གདོང་མངའི་དབང་པོ་ལ། །
    མ་རྟོགས་ལོག་རྟོགས་ལོག་པར་ལྟ་བའི་ཕུང་རྒན་སྐྱག་ཟན་དུ་འགྲོའི་ཚོགས། །
    ཞིང་བཅུ་ཚང་བས་བསྟན་དགྲ་ཞེས་པ་ཁྱེད་ཅག་ལས་གཞན་གང་དུ་འཚོལ། །

    རང་མདོག་ངན་པ་རང་གིས་མ་མཐོང་ད་དུང་བཞན་སྐྱོན་འཚོལ་བ་འདི། །
    ཀྲིས་ཀྲིས་རྒྱལ་པོའི་དམིགས་ལྟས་མིན་ན་དེ་ཉིད་གང་ཡིན་གྲོགས་དག་སོམས། །
    ངོ་ཚའི་གོས་བྲལ་ཁྱི་དང་འདྲ་བས་དྲ་འབུ་ཁྱེད་ཅག་ཡིད་རེ་མུག། །
    བསམ་ཤེས་མེད་པ་ཕག་དང་འདྲ་བ་མི་ངན་ཁྱེད་ཅག་ཤ་རེ་ཚ། །

    ད་དུང་སྐྱག་འབུ་ཝ་ཚོགས་བོང་རྒན་མི་གཟུགས་ཅན་ཚོ་སྙིང་རེ་རྗེ། །
    རང་གིས་དེ་ཉིད་ཕྱི་རུ་མངོན་ཡང་རང་ངོས་མ་ཟིན་ཤ་རེ་ཚ། །
    ཐན་བྱ་འུག་པའི་མིག་ལ་གཟན་པའི་ལྟ་བདུན་དབང་པོའི་འོད་ཟེར་ལྟར། །
    སྐྱག་འབུ་འབྱུང་ཚོགས་ཡིད་སེམས་དཀྲུགས་པའི་ཟམ་གདོང་པཎ་ཆེན་ངོ་མཚར་ཆེ། །

    Reply
  3. Dawai Shonu says:
    ལོ་ 12 སྔོན།

    ཟླ་བ་དོན་གྲུབ་ཁྱེད་རང་ཏོག་ཙམ་ཕྱི་དྲག་མ་སོང་ངམ། ལོ་ཁ་ཤས་སྔོན་ལ་ཁྱེད་རང་གིས་ཟམ་གདོང་རིན་པོ་ཆེར་དེ་འདྲའི་རྒྱབ་རྩ་བྱས་ན་ཁྱེད་རང་བཀའ་བློན་ལ་འདེམས་ཡོད་ཚོད། ད་ཆོ་ཡོད་མ་རེད།

    Reply
  4. འཇམ་གཅེས ། says:
    ལོ་ 12 སྔོན།

    སྤྱིར་དོལ་འདྲེའི་ཚོགས་ཁག་དང་རྒྱ་དམར་གྱིས་རྒྱུག་ཁྱི་སུ་ཡིན་རུང་། ༧གོང་ས་མཆོག་དང་ཟམ་གདོང་རིན་པོ་ཆེ་རྣམ་གཉིས་ལ་ངན་སྨྲས་གང་བྱས་རུང་སོ་སོའི་ལས་འགན་ཡིན་པས་དེར་བཀག་དགོས་ཆེར་མ་མཐོང་། ཡིན་ཡང་མི་ངན་གསེར་འབྲུག་མིང་ཅན་དང་། ནག་ཐར་སྐྱིད་ དེ་བཞིན་མངའ་རིག་འཕྲིན་ལས་དང་མིག་མི་འཛིན་ཅན་སོགས་ལོག་སྤྱོད་ཤོག་ཁག་འདི་ཚོས་ཁ་བརྡ་དྲ་བ་དང་དུས་བབ་དྲ་བ་སོགས་བེད་ལོག་སྤྱད་ནས་བོད་རིགས་ནང་ཁུལ་མཐུན་འབྲེལ་གོང་བུར་གཏོར་འདོད་ཀྱིས་ངན་སེམས་འདིར་བསམ་ཡོད་བོད་མི་ཀུན་གྱི་ངེས་པར་དུ་མཁྱེན་དགོས། དེ་མིན་༧གོང་ས་མཆོག་དང་ཟམ་གདོང་རྣམ་གཉིས་ལ་ནི་དུག་སྦྲང་གྱིས་སོ་བཏབ་པའི་ན་ཟུག་ཙམ་ཡང་བཟོ་མི་ཐུབ་མོད། བོད་རིགས་བསམ་མེད་རེ་ཟུང་ཀྱི་གཡམ་རྒྱུག་མི་བཟོ་བས་ངེས་པ་མེད་པས་དྲན་བསྐུལ་ཙམ་ཡིན།

    Reply
  5. ཟླ་བ་དོན་གྲུབ་ཨཱཅརྱཱ། says:
    ལོ་ 12 སྔོན།

    རྩོམ་སྒྲིག་པ་མཆོག་ལ། གལ་ཏེ་གོང་དུ་བཏང་ཟིན་པའི་མཆན་དེ་འདིར་ཡར་འཇུག་ཉིས་ལྡབ་བྱུང་ཡོད་ན། འཕར་མ་འདི་སེལ་བ་ཞུ། ཐུགས་རྗེ་ཆེ།

    Reply
  6. ཟླ་བ་དོན་གྲུབ་ཨཱཅརྱཱ། says:
    ལོ་ 12 སྔོན།

    དྲི་བར་ལན་འབུལ་བ།
    ཟླ་བ་དོན་གྲུབ།

    ༑ཉེ་ཆར་ཨ་རིའི་གྲོས་ཚོགས་ཀྱི་འཐུས་མིས་གང་བཤད་པ་དེའི་སྐོར་ངས་ཤེས་ཀྱི་མེད། དགོངས་དག །རིན་པོ་ཆེ་མཆོག་གི་སློབ་མའི་ཐ་ཤལ་དུའང་མ་ཚུད་པ་ང་འདྲ་བས་ཁོང་གི་སྐོར་ང་ལ་རྒྱུས་མངའ་ཆེན་པོ་མེད། ལོ་ངོ་༢༥ལྷག་བྱེས་ནས་བྱེས་སུ་ནུབ་གླིང་དུ་གྱར་བ་ང་འདྲ་བར་དེ་ལྟའི་རྒྱུས་མངའ་འོང་བའི་སྐལ་བ་དང་བྲལ། འོན་ཀྱང་། ཇི་སྐད་དུ། དགོས་པའི་དེ་ཉིད་མཐོང་བའི་ཕྱིར།། ཞེས་གསུངས་པ་བཞིན། ང་རང་ལ་བླང་དོར་གྱི་དགོས་པའི་དེ་ཉིད་བསྟན་མཛད་པའི་ཕན་པར་མཐོང་ཏེ་ཁོང་གི་མཛད་པ་འཕྲིན་ལས་ལ་དོ་སྣང་ཡོད།

    ༧སྐྱབས་རྗེ་ཞེས་པ་ནི། སྐྱབས་ཀྱི་མཆོག་གི་དོན། སྒྲ་བཤད་ལྟར་ན། སྐྱབས་ནི་སྲུང་བ་དང་ཐར་བར་བྱེད་པའི་བྱེད་ལས་ཅན། སྐད་དོད་དུ་ཤརན། དང་། རྗེ་ནི་གཙོ་བོ་དང་མགོན་སོགས་འཇུག་ཡུལ་སྣ་ཚོགས་ཡོད་ཀྱང་། སྐད་དོད་དུ་སྭཱམཱི།ཞེས་རྗོད་མོད་ཀྱང་། རྗེ་བཙུན་ཞེས་པའི་སྐབས་བྷཌྜཱརཀ །ཞེས་པའི་སྐབས་ལྟར་བོད་སྐད་དུ་སྒྲ་ཕྲལ་བ་མིན་པར་སྒྲ་གཏིང་ཚུགས་པའི་གོ་དོན་སྐྱབས་ཀྱི་མཆོག་གམ་སྐྱབས་ཀྱི་དམ་པའི་དོན་ཅན་དང་། སྐྱབས་ཀྱི་དམ་པ་དེ་ལ་གཅིག་ཉིད་ཡིན་པའི་རྣམ་བཅད་ཀྱི་དོན་མིན་པར། རང་གིས་ཚུལ་བཞིན་བསྟེན་ཐུབ་ན་སྐྱབས་ཡུལ་དམ་པ་དུ་མའང་ཡོད་ཆོག །འདི་ནི་རང་གི་འོབ་ཚོད་ཀྱིས་བཤད་པ་བྱེད་པ་ནོངས་ན་བཟོད་གསོལ་ཞུ།

    ཝཱཎ་མཐོ་སློབ་ཏུ་རིས་སུ་མ་ཆད་པའི་མཁན་པོ་སློབ་དཔོན་དང་སློབ་མ་བཅས་ལ་ལོ་མང་རིང་ནས་རིན་པོ་ཆེ་མཆོག་གིས་ཆོས་ཀྱི་དཔེ་ཁྲིད་གསུང་ཆོས་བསྩལ་བ་ནི་དུ་མ་བྱུང་ཡོད་པ་དང་། ལོ་ལྟར་དཔྱིད་ཆོས། དབྱར་ཆོས། དགུན་ཆོས་ཞེས་མཐོ་སློབ་ཀྱི་དམིགས་བསལ་ཆོས་ཀྱི་ཁྲིད་ལུང་ལས་རིམ་ཁོངས་གནས་ཆེན་རྣམས་སུ་ཆོས་ཐོག་འཚོགས་པ་དེ་རྣམས་སུ་བསྩལ་བའི་དམ་པའི་ཆོས་ཀྱི་ལམ་སྟོན་གསུང་ཆོས་ཇི་སྙེད་ཀྱི་སྒྲ་སྡེར་རྣམས་ཀྱང་ཞི་འཚོ་དཔེ་མཛོད་ཁང་ནང་ཡོད་ཅིང་། ཕྱི་ལོ་ཉི་སྟོང་ཚུན་གསུང་ཆོས་བསྩལ་བ་རྣམས་ཀྱི་སྒྲ་སྡེར་བརྙན་སྡེར་སོགས་ཀྱི་སྐོར་འོག་ཏུ་གསལ། ཝཱཎ་གནས་ཆེན་དེ་གར་ཁས་ས་དེ་རིང་༧གོང་ས་མཆོག་གིས་སྤྱོད་འཇུག་ཁྲིད་སྩལ་བཞིན་ཡོད།

    དེ་བཞིན་དུ། རྒྱུད་གྲྭ་གཉིས་དང་གདན་ས་རྣམས་སུ་གདན་ཞུས་གསུང་ཆོས་དང་དབང་ལུང་ཁྲིད་མན་ངག་བཀྲིན་བསྩལ་བ་རྣམས་ནི་གདན་ས་སོ་སོའི་དཔེ་མཛོད་དང་དཔེ་དེབ་དང་སྒྲ་སྡེར་བརྙན་སྡེར་བླུ་ཡོན་ཁང་རྣམས་སུ་ཡོད་པའི་དཀར་ཆག་རྣམས་སུ་གསལ་བ་ཀུན་གྱི་མཐོང་ཆོས་སུ་ཡོད། དེ་ཙམ་དུ་མ་ཟད། ཉེ་ཆར་ཟླ་ཤས་སྔོན་དུ་དབུ་མའི་ལྟ་བའི་སྐོར་གསུངས་པ་སོགས་ཡུཊུབ་དྲྭ་རྒྱའི་བརྙན་མཛོད་དུ་མཇལ་དུ་ཡོད་པ་དང་། འདིར་ནུབ་ཕྱོགས་ཡུལ་རྣམས་སུ་བོད་པའི་སྤྱི་ཚོགས་དང་ཆོས་ཚོགས་རྣམས་སུ་གདན་ཞུས་སྐབས་དམ་པའི་ཆོས་ཀྱི་ལམ་སྟོན་བསྩལ་བ་རྣམས་འཆད་ཀྱི་མེད་ལ། རྒྱ་གར་གྱི་ཕྱི་ནང་ཆོས་ཚོགས་རྣམས་སུ་གདན་ཞུས་གསུང་ཆོས་ཇི་སྙེད་བསྩལ་བ་རྣམས་ཀྱང་འཆད་ཀྱི་མེད།

    འདི་ག་ཕྲན་རང་གིས་དོ་སྣང་བྱས་པ་ལས་ལོ་མང་ནས་མཁོ་སྒྲུབ་སློབ་གཉེར་བྱས་པའི་རིན་པོ་ཆེ་མཆོག་གི་ཆོས་ཀྱི་གསུང་ཆོས་ལམ་སྟོན་བསྩལ་བའི་སྒྲ་སྡེར་བརྙན་སྡེར་རྣམས་ལས་དཔེ་མཚོན་གྱི་དཀར་ཆག་འདི་ལྟ་སྟེ།

    ༑ཚད་མ་རིག་འཇུག་གི་ཁྲིད། ༡༩༩༡ཟླ་༣ཚེས་༡དང་༢། ༑ཏིང་ངེ་འཛིན་གྱི་བསླབ་པའི་ཁྲིད། ༡༩༩༡ཟླ་༡ཚེས་༢དང་༣། ༑སྡེ་སྣོད་གསུམ་གྱི་ཁྲིད། ༡༩༩༠ཟླ་༢ཚེས་༣། ༑སྐྱབས་འགྲོའི་ཁྲིད། ༡༩༩༠ཟླ་༢ཚེས་༥། ༑བསླབ་པ་གསུམ། རྟེན་འབྲེལ། རྒྱུད་སྡེ་བཞི། བདེན་བཞི། ཐེག་གསུམ། ཞི་ལྷག །བདེན་གཉིས། དབུ་སེམས་གཉིས་ཀྱི་ལྟ་གྲུབ། རྣམས་ཀྱི་ཁྲིད། རྒྱལ་པོའི་ཁབ་ཏུ། ༡༩༩༠ཟླ་༢ཚེས་༣ནས་ཚེས་༡༣བར། ༑ཉམས་ལེན་བྱ་ཚུལ། གདན་ས་དགའ་ལྡན་འདུས་མང་ཡོངས་ལ། ༡༩༩༤ཟླ་༣ཚེས་༢༢། འབྲས་བློ་གླིང་དཔེ་མཛོད། ༑རྡོ་རྗེ་གདན་དུ་མདོ་སྟོད་མི་མང་གིས་༧གོང་ས་མཆོག་ལ་བརྟན་བཞུགས་འབུལ་སྐབས་མཎྜལ་བཤད་པ། ༡༩༨༥ཟླ་༢ཚེས༡། ༑ཡན་ལག་བདུན་པའི་ཆོ་ག་གསོལ་འདེབས། ༡༩༩༩ཟླ་༡ཚེས་༢༣། དེ་རྣམས་ནི་དཔེ་མཚོན་ཙམ་དང་། ཕྱི་ལོ་༢༠༠༠ནས་བཟུང་གསུང་ཆོས་ཇི་སྙེད་བསྩལ་བ་རྣམས་ནི་གདན་སའི་དཔེ་མཛོད་དཀར་ཆག་སོགས་ནས་ཀྱང་ཤེས། ༑རིན་པོ་ཆེ་མཆོག་གི་གསུང་དཔེ་དེབ་ཐོག་ཡོད་པ་ནི། ཕྱི་ལོ་༡༩༩༦ལོའི་བྱམས་བརྩེའི་པོད་ཕྲེང་། ༡༩༩༩ལོའི་གཟེངས་བསྟོད་པོད་ཕྲེང་གསུམ་ཅན་། ༑བོད་ཀྱི་དུས་བབ། ཀྱིས་༡༩༩༧ལོར་དཔར་འགྲེམས་ཞུས་པའི་གསུང་དེབ་དང་། དེང་སྐབས་རིག་བདག་བསྟན་དོན་ལགས་ཀྱིས་དཔར་བསྐྲུན་ཞུས་པའི་པོད་ཕྲེང་རྣམས་མཐོང་ཆོས་སུ་བཞུགས། ༑རིན་པོ་མཆོག་གིས་ཆོས་གསུང་བའི་སྐབས་ལྡེ་མིག་ལྟ་བུ་གསུང་གི་གནད་གཅིག་གིས་གོ་རྟོགས་ཀྱི་སྒོ་བརྒྱ་འབྱེད་པ་འོང་བ་ང་རང་སྒེར་གྱི་ཉམས་མྱོང་ཡོད་པས་ཅིས་ཀྱང་༧སྐྱབས་རྗེ་ཞེས་མཚན་གསོལ་བའི་རྒྱུ་མཚན་དེ་ཡིན།

    མཆན་འགོད་པ་པོ་ཁྱེད་ཀྱིས། “ཆོས་ཚིག་གཅིག་གི་ཞལ་ལུང་ཙམ་ཡང་བཤད་མྱོང་བ་བོད་ཀྱི་སྤྱི་ཚོགས་ནང་ཕལ་ཆེར་ཡོད་ཚོད་མི་འདུག” །ཅེས་གསུང་བའི་ཕལ་ཆེར་ཞེས་པ་དེ་སྨྲ་བ་བདེན་པར་མངོན། གང་ལག་ཞུ་ན། ཁྱེད་ཀྱིས་དེ་ལྟར་ཡིན་པ་ཐག་བཅད་མི་འདུག །གོང་གི་དཀར་ཆག་གི་དཔེ་མཚོན་དང་དེང་སང་མཐོང་ཆོས་སུ་ཡོད་པའི་གདན་གསུམ་དཔེ་དེབ་བླུ་ཡོན་ཁང་གི་དཀར་ཆག་རྣམས་ལས་ཀྱང་རིན་པོ་ཆེ་མཆོག་གིས་དམ་པའི་ཆོས་ཀྱི་ལམ་སྟོན་མཛད་མེད་པའི་དོགས་པ་དེ་སེལ་ངེས། ༑གཅིག་རེ་གཉིས་རེ་བཞིན་ལན་འབྲི་བྱ་འདོད་མེད་ཅིང་། དྲི་བ་འདོན་པར་གང་ཐུབ་ཀྱིས་ལན་ཞུ་བའི་ངལ་བ་བྱས་པ་ཐུགས་ལ་འབབ་པའི་རེ་བ་ཡོད། བཀྲིས་བདེ་ལེགས།

    Reply
  7. བཛྲ་སུ་མ་ཏི། says:
    ལོ་ 12 སྔོན།

    ཁྱོད་ཀྱིས་རྡོ་ཆག་བཙན་སྒྲིག་གི་ལྷན་པ་ག་ཚོད་རྒྱབ་ན་ཡང་གོ་ཆོད་པ་མི་འདུག
    ༧སྐྱབས་རྗེ་ཞེས་ན་ག་རེ་ཡིན་མིན་ཤེས་ཀྱི་མེད་པ་འདྲ་ཟམ་གདོང་གི་ད་བར་ཆབ་སྲིད་ཀྱི་ལམ་སྟོན་རྫུན་མ་རྐྱང་ལས་ཆོས་ཚིག་གཅིག་གི་ཞལ་ལུང་ཙམ་ཡང་བཤད་མྱོང་བ་བོད་ཀྱི་སྤྱི་ཚོགས་ནང་ཕལ་ཆར་ཡོད་ཚོད་མི་འདུག ཁྱོད་ལ་ཟམ་གདོང་སྐོར་གསལ་ཆ་ཆེ་བས་ངེས་བར་དུ་ཉེ་ཆར་ཨ་རི་གྲོས་ཚོགས་མཐུས་མིས་སྐྱོན་བརྗོད་དེ་ལ་གསལ་བྱེད་ཐུབ་ན་ཡག་པོ་འདུག

    Reply
  8. ཟླ་བ་དོན་གྲུབ་ཨཱཅརྱཱ། says:
    ལོ་ 12 སྔོན།

    དག་སེལ་ཅུང་ཟད་རྗོད་པ།

    ཟླ་བ་དོན་གྲུབ།
    ཨོ་སི་ཊོ་ལི་ཨའི་གྲོང་ཁྱེར་སི་ཌི་ཎི་ནས།

    ༄༅། །༧སྐྱབས་རྗེ་ཟམ་གདོང་རིན་པོ་ཆེ་མཆོག་གི་བཀའ་སློབ་དེ་སོ་སོ་སྒེར་ལ་ཕོག་པའི་དོན་དུ་འགྲེལ་བ་ལས་སྔ་རྒོལ་གྱི་ནམ་མ་ལངས་པར་དགག་པའི་ཉི་མ་ཤར་བ་ཇི་སྙེད་ཅིག་འདིར་སྣང་། རིན་པོ་ཆེ་མཆོག་གིས་དགེ་རྒན་གླ་ཕོགས་ལེན་མཁན་དུ་གྱུར་ཡོད་པ་དང་དགེ་ཕྲུག་ཕོག་རྒྱག་མཁན་དུ་གྱུར་ཡོད་པ་གསུང་བ་འདི་ནི་དངོས་ཡོད་གནས་ཚུལ་དེང་སྐབས་ཀྱི་རྒྱ་གར་སྤྱིའི་སློབ་གྲྭ་ཁག་དང་ལྷག་པར་དུ་ནུབ་ཕྱོགས་པའི་སློབ་གྲྭ་རྣམས་ཀྱི་གནས་སྟངས་བཞིན། ང་ཚོ་བོད་པའི་སློབ་གྲྭ་རྣམས་སུའང་གནས་སྟངས་འདི་འདྲ་ཆགས་ཡོང་གི་ཡོད་ཅེས་པ་ལས། དགེ་རྒན་ཚང་མ་དེ་འདྲ་ཡིན་པ་དང་སློབ་ཕྲུག་ཚང་མ་འདི་འདྲ་ཡིན་པ་གསུངས་མི་འདུག །དངོས་ཡོད་གནས་སྟངས་འདི་གསུངས་ཡུལ་རྣམས་ཀྱང་བཀུར་འོས་དགེ་རྒན་གྱི་ཚོགས་ལ་གསུངས་འདུག །རྒྱ་གར་བ་གཅིག་གི་མདུན་ལ་རྒྱ་གར་བ་རྣམས་ལག་པས་ཟས་ཟ་གི་རེད་ཅེས་དངོས་ཡོད་གནས་ཚུལ་ལབ་པ་ཡིན་ན། མི་དེ་སྒེར་ལ་ཕོག་དགོས་མེད། གསེར་གྱི་ཐུར་མས་ཟས་ཟ་མཁན་གྱི་རྒྱ་གར་བ་རྣམས་ལ་སྨྲ་བ་དེས་ཕོག་དགོས་དོན་མེད། རིན་པོ་ཆེ་མཆོག་གིས་བོད་པའི་དགེ་རྒན་རྣམས་ལ་རྩི་མཐོང་ཆེན་པོ་ཡོད་པ་ནི་སྨོས་མི་དགོས་པ་རེད།
    རིན་པོ་ཆེ་མཆོག་གིས་རྒྱ་གར་རྒྱལ་ཡོངས་ཀྱི་མཐོ་སློབ་ཚང་མའི་གཙོ་འཛིན་འཛོམས་པའི་ཚོགས་འདུར་ཡང་དངོས་ཡོད་གནས་སྟངས་འདི་འདྲ་མཛུབ་སྟོན་མཛད་ཡོད་པ་འདི་ལྟར། རྒྱ་གར་རྒྱལ་ཡོངས་ཀྱི་མཐོ་རིམ་སློབ་གྲྭ་ཚང་མའི་གཙོ་འཛིན་(གོ་གནས་གྱི་མིང་དངོས་ནི། ཉེ་བའི་རིག་བདག་ཅེས་པ་སྟེ། དབྱིན་སྐད་དུ་ཝཡིསི་ཅན་སི་ལར་ཞེས་རྗོད།)གྱི་ཚོགས་པའི་ཚོགས་གཙོར་༧སྐྱབས་རྗེ་ཟམ་གདོང་རིན་པོ་ཆེ་མཆོག་བསྐོ་བཞག་འོས་འདེམས་བྱུང་སྐབས་ཕྱི་ལོ་༡༩༩༨ལོར་རྒྱ་གར་རྒྱལ་ཡོངས་མཐོ་སློབ་ཚང་མའི་དབུ་འཛིན་ཚང་འཛོམས་ཀྱི་ཚོགས་འདུར་ཚོགས་གཙོའི་གསུང་བཤད་དུ་རིན་པོ་ཆེ་མཆོག་གིས་གསུང་དོན་ཞིག་ནི། “དེང་སྐབས་ང་ཚོའི་མཐོ་སློབ་རྣམས་གང་དུ་གནས་འདུག་གམ། ཕྱོགས་གཅིག་ནས་ཤ་མོ་(སྐྱེ་བ་)བཞིན་མཐོ་རིམ་སློབ་གྲྭ་ཉིན་རེར་གསར་པ་དོན་ཡོང་གི་ཡོད། འོན་ཀྱང་སློབ་ཕྲུག་མང་པོ་ཞིག་གིས་སོ་སོས་འདོད་མོས་ཡོད་པའི་སློབ་ཚན་ནང་གཞུག་རྒྱུར་ཧ་ཅང་དཀའ་བ་སྟེ། གནས་དོན་མངོན་གསལ་ཞུ་བ་ཡིན་ན། མི་འབོར་འཕེལ་རིམ་དང་དུས་མཉམ་དུ་མཐོ་རིམ་སློབ་གཉེར་གྱི་བསྟི་གནས་གྲངས་འཕེལ་མི་མཚུངས་པ་ཡིན། ཕྱོགས་གཞན་ཞིག་ནས་ད་ལྟ་ཡོད་བཞིན་པའི་མཐོ་སློབ་རྣམས་ནི་ཉེས་པའི་ཚོགས་ཀྱིས་བསླད་པ་འདི་ལྟར། འདོད་མོས་ཡོད་པ་དང་རྣམ་ཀུན་ལྷིང་འཇགས་ཅན་གྱི་ཤེས་ཡོན་གྱི་ཁོར་ཡུག་ཡེ་ནས་མེད་པ། སློབ་ཁྲིད་དང་ཉམས་ཞིབ་ཀྱི་ཚད་ཇེ་ཉམས་སུ་འགྲོ་བཞིན་པ། དགེ་རྒན་ཡག་པོ་དང་ལྷག་བསམ་ཅན་ཇེ་ཉུང་དུ་འགྲོ་བ། སློབ་གཉེར་བསྟི་གནས་འཛིན་སྐྱོང་བྱེད་དུ་མེད་པའི་(སློབ་ཕྲུག་)གྲངས་ཚོགས་ཆེ་ཞིང་སྒྲིག་ཁྲིམས་མི་ལྡན་པ་ཁྲིམས་མེད་ལུང་མེད་དུ་འགྱུར་ཉེ་བ་ཅན། བཅུན་དུ་མེད་པའི་དཔལ་འབྱོར་གྱི་དཀའ་ངལ་དང་དཔལ་འབྱོར་ལྟ་སྐྱོང་ལོག་སྤྱོད། ཡིག་རྒྱུགས་ཀྱི་བརྒྱུད་སྲོལ་ལྟ་སྐྱོང་བྱེད་དུ་མེད་པ་གང་གིས་དཔེ་ལྟ་རྒྱུ་དང་མི་དྲང་བ་བྱ་རྒྱུའི་རྒྱུ་རྐྱེན་བྱེད་པ། ཆབ་སྲིད་ཀྱི་ཐེ་བྱུས་འཛེམ་མེད་བྱེད་པ། མཐོ་སློབ་ཀྱི་རང་སྐྱོང་རང་དབང་བརྡལ་བཤིག་ཉིལ་ཟད་འགྲོ་བ་དང་། ལ་སོགས་པ་དང་ལ་སོགས་པ།” ༡ ཞེས་གསུངས་ཡོད། དེ་ནི་བོད་མི་སྐྱབས་བཅོལ་བ་ཞིག་རྒྱ་གར་རང་དབང་ཅན་གྱི་རྒྱལ་ཁབ་ཀྱི་མཐོ་སློབ་ཡོངས་རྫོགས་ཀྱི་གཙོ་འཛིན་ཚང་མའི་ཚོགས་གཙོར་བསྐོ་བཞག་འོས་འདེམས་བྱུང་བའི་གནས་ཚུལ་ངོ་མཚར་ཅན་མ་ཟད། སྐབས་དེ་དུས་ནས་ཀྱང་རང་དབང་ཅན་གྱི་ལུང་པའི་མཁས་པའི་ཚོགས་སུ་རིན་པོ་ཆེ་མཆོག་གིས་སེང་གེའི་ང་རོས་བདེན་པའི་ཚིག་སྨྲས་མཛད་འདུག །
    སློབ་མ་དང་སློབ་ཕྲུག་སྐོར་གསུང་བཤད་གསལ་ཁ་ཟབ་པ་དེའང་ཚིག་གི་གླེང་གཞི་མིན་པ་དོན་གྱི་གོ་དོན་གྱི་ཁྱད་པར་ལ་དགོངས་པ་སྟེ། དགོན་པ་གྲྭ་ཚང་གདན་ས་སོགས་སུ་སློབ་མས་དགེ་བའི་བཤེས་གཉེན་བསྟེན་ཚུལ་གྱི་བླ་སློབ་འབྲེལ་བ་དེ་དང་། དེང་སྐབས་ཐ་སྙད་རིག་པ་གཙོ་བོར་གྱུར་པའི་སློབ་གྲྭ་རྣམས་སུ་སློབ་ཕྲུག་གི་ངོས་ནས་བཤེས་གཉེན་བསྟེན་ཚུལ་ཚུལ་བཞིན་མི་འདུག་ཅེས་པའི་དོན་གང་དངོས་ཡོད་གནས་ཚུལ་ཡིན་པ་ང་ཚོས་སློབ་གྲྭ་རྣམས་ལ་བལྟས་པས་ཤེས། དེའི་དོན་ནི་སློབ་གྲྭ་དེ་རྣམས་ཀྱི་ནང་དགེ་བའི་བཤེས་གཉེན་ཚུལ་བཞིན་བསྟེན་མཁན་སློབ་ཕྲུག་ཡེ་ནས་མི་འདུག་ཅེས་པ་ག་ལ་ཡིན། ཀ་ཁ་སློབ་པའི་དགེ་རྒན་ཡང་དགེ་ཕྲུག་སོ་སོའི་ངོས་ནས་བླ་མར་རྩི་བཞིན་ཚོགས་ཞིང་གི་གྲལ་དུ་གསལ་བཏབ་གསོལ་འདེབས་བྱེད་པ་ཅིས་ཀྱང་མི་རུང་བ་ག་ལ་ཡིན་ལ། དེ་ལྟར་བྱེད་མཁན་གྱི་སློབ་ཕྲུག་སློབ་གྲྭ་རྣམས་ཀྱི་ནང་རྩ་བ་ནས་མི་འདུག་ཅེས་པའང་གསུང་གི་དོན་རེད་མི་འདུག །
    རིན་པོ་ཆེ་མཆོག་གི་ཚན་རིག་གི་མཁྱེན་པའི་སྐོར་གོང་དུ་མཆན་ཞིག་ནང་བྲིས་འདུག །དེ་ལ་གསལ་བཤད་ཞུ་བྱ་འདི་ཡོད་དེ། ཕྱི་ལོ་༡༩༨༢ལོར་གནས་ཆེན་ཝཱརཱཎསཱིར་༧གོང་ས་མཆོག་དབུར་བཞུགས་སྐྱེ་བ་སྔ་ཕྱིའི་སྐོར་མཁས་པའི་བགྲོ་གླེང་ཚོགས་འདུ་གང་དུ་ཆོས་བརྒྱུད་སོ་སོའི་དབུ་བླ་དང་མཁན་ཟུར་མཁན་པོ་ལྷན་རྒྱས་དང་། ཕྱི་ནང་མཁས་པ་ཚོགས་ཞུགས་སུ་རིན་པོ་ཆེ་མཆོག་གི་གསུང་བཤད་ནང་། དེ་སྐབས་ནུབ་ཕྱོགས་ཡུལ་གྲུ་རྣམས་སུའང་སྐྱེ་བོ་མང་པོས་ཐོས་མ་མྱོང་བའི་ཁོནྚཾ་དངོས་ཁམས་རིག་པ་ཚན་རིག་པ་མཁས་པ་ །ཕིར་ཇོབ་ཁེབ་ར། དེས་བརྩམས་པའི་དེབ་ །དྷ་ཊར་ནིང་པོཡིནྚི། བགྲོད་པ་ལྡོག་པའི་མཚམས། ཞེས་པའི་དེབ་དེ་ནས་ལུང་དྲངས་མཛད་སོང་། དེབ་དེ་ནི་དེ་སྐབས་ནུབ་ཡུལ་ནས་དཔར་འགྲེམས་བྱུང་ནས་ཟླ་ཤས་ཀྱང་མི་འགྲོ་བ་རྒྱ་གར་ནང་མཐོང་དུ་མེད་པ་རིན་པོ་ཆེ་མཆོག་གིས་དེ་དུས་ནས་བཀླགས་ཟིན་འདུག །ལོ་ལྔའི་རྗེས་ཕྱི་ལོ་༡༩༨༧ལོར་ནུབ་ཡུལ་ཞིག་ཏུ་ངས་ཤེས་ཡོན་ཅན་གྱི་མི་སྙན་གྲགས་ཅན་ཞིག་གི་སར་ཡོད་སྐབས་མི་དེས་གཞི་ནས་དེབ་དེ་ཀློག་གི་འདུག །
    མཆན་འདི་ནི་རིན་པོ་ཆེ་མཆོག་གི་བོད་སྤྱི་པའི་དོན་དུ་མཛད་པ་རླབས་ཆེན་ལ་རྗེས་དྲན་ཞུ་བའི་ཀུན་སློང་ངང་མ་བསྐུལ་དང་བས་བྲིས་པ་ཡིན།
    ཕྱི་ནང་དང་གནའ་དེང་རིག་གནས་ཡོངས་ལ་མཁྱེན་པ་འབྱམས་ཀླས་པ། བོད་ཀྱི་ལོ་རྒྱུས་ནང་ཆེས་བཀའ་དྲིན་ཅན་གྱི་མཁས་བཙུན་བཟང་གསུམ་མངའ་བའི་འཕགས་པའི་སྐྱེ་བོ་དམ་པ་༧སྐྱབས་རྗེ་ཟམ་གདོང་རིན་པོ་ཆེ་མཆོག་ལ་དྲིན་ལན་ལོག་འཇལ་དུ་མ་འགྲོ་བ་དང་ལས་འབྲས་སྤང་བླང་མ་འཇོལ་བ་བྱ་རྒྱུ་གལ་ཆེ། དོན་ལྡན་གྱི་མཆན་འབྲི་བ་ལས་ངག་འཁྱལ་ཚིག་རྩུབ་ཀྱི་ལས་ངན་གསོག་པའི་མཆན་མ་འབྲི་གོང་སོ་སོས་ལས་དེའི་རྣམ་སྨིན་ཐོག་ཏུ་འབབ་ན་བཟོད་ཐུབ་བམ་ཞེས་རང་རང་རྟོག་དཔྱོད་བྱ་རྒྱུ་གལ་ཆེ་བ་སེམས། ཐུགས་རྗེ་ཆེ།
    མཆན།
    ༡ འདི་ནི་རིན་པོ་ཆེ་མཆོག་གི་གསུང་བཤད་དབྱིན་ཡིག་ཐོག་ཡོད་པ་ལས། ལུང་འདྲེན་ཆ་ཤས་འདི་ཕྲལ་མར་འདིར་བོད་ཡིག་ཏུ་བསྒྱུར་བ་ཡིན་ལགས། ཁུངས་དེབ་ཞིབ་ཕྲ་ནི། ཟམ་གདོང་རིན་པོ་ཆེའི་གསུང་རྩོམ་དང་གསུང་བཤད་ཕྱོགས་བསྡུས། བྱམས་བརྩེ་པོད་ཕྲེང་། དང་པོ། ཝཱཎ། ༡༩༩༩ ཤོག་གྲངས་༢༠༦ །ལུང་འདྲེན་ཆ་ཤས་འདི་ནི་དཔེ་མཚོན་ཙམ་ཡིན། རྒྱས་པ་གསུང་བཤད་དེ་ཉིད་ནང་གསལ།

    Reply
  9. གསེར་འབྲུག་སྡེར་ལྔ་ says:
    ལོ་ 12 སྔོན།

    ཧ་ཧ། ད་བྱས་ན་དགེ་རྒན་གྱིས་སློབ་མའི་འཇིང་ཉག་ལ་ཁ་ཆུ་ཞིག་བཏང་། སྐྱག་རྐུབ་ནང་ཡག་ཐག་གཅོད་གཅིག་བླུགས་ན་བླ་མའི་འདུ་ཤེས་འདྲ་ཨེ་ཡོད་བླར་རྒན་དབུ་དཀར་ལགས།

    Reply
  10. བསྟན་འཛིན། says:
    ལོ་ 12 སྔོན།

    ངའི་རིག་པ་འདི་སྒང་ལ་མི་འགོད་པའི་རྒྱ་མཚན་གང་ཡན་ནམ།

    Reply
  11. ཀརྨ་རྡོ་རྗེ། says:
    ལོ་ 12 སྔོན།

    བླ་མས་སློབ་མར་སེམས་ཤོར་ན། །
    ལྷ་ནི་བདུད་དུ་བབས་པར་བཤད། །

    དགེ་རྒན་དགེ་ཕྲུག་ལ་ཆགས་ན། །
    དགེ་ཕྲུག་མི་ཚེ་གཡང་ར་སྐྱུར། །

    སློབ་མཁན་ཕོགས་ཀྱི་ལེན་འགན་དང་། །
    སློབ་དཔོན་མིང་གིས་ཆེ་བ་སྟོན། །

    དེས་ན་མཁས་དབང་ཟམ་གདོང་གིས། །
    གསུང་འདི་དུས་ཀྱི་ཆར་དང་མཚུངས། །

    Reply
  12. མྱི་དཀར says:
    ལོ་ 12 སྔོན།

    སྤྱིར་འཚེ་བ་ལ་རྣམ་པ་མང་པོ་ཞིག་ཡོད་པ་འདྲ་འོན་ཀྱང་དགེ་རྒན་གྱིས་སློབ་མ་ཉེས་རྡོང་བཏང་ན་དེ་འཚེ་བ་རེད་ཟེར་ན་འོ་ན་ཕ་མས་ཕྲུ་གུ་ལ་ཉེས་རྡོང་བཏང་ན་དེ་འཚེ་བ་ཡིན་རྒྱུ་རེད་གདན་ས་ཁག་ནས་དགེ་བསྐོ་ལགས་ཀྱིས་གྲྭ་བ་དག་རྟ་ལྕག་གིས་ཉེས་རྡོང་བཏང་བ་ཡང་འཚེ་བ་ཡིན་རྒྱུ་རེད་དེ་ཡིན་ན་གདན་སའི་དགེ་བསྐོ་ལགས་ཀྱིས་འཚེ་བ་རྐྱང་རྐྱང་བྱེད་ནས་སྡད་ཡོད་པ་འདྲ་་་་་ཉེ་བ་ཆེན་པོ་རེད་ཡ་་་་་སྔོན་བླ་མ་བླ་ཆེན་དག་གི་ཡོངས་འཛིན་རྣམས་པས་ཀྱང་བླ་མ་དག་ཉེས་རྡོང་བཏང་རབ་བཤད་ཡ་མང་པོ་ཡོད་མོད་་་ཕལ་ཆེར་ཁྱེད་རང་ཡང་ཉེས་རྡོང་བཏང་ཡོད་རྒྱུ་རེད་དེ་དག་འཚེ་བ་རེད་ཟེར་ན་ཅུང་ཐལ་དྲག་པ་མ་རེད་བེ།

    Reply
  13. བཛྲ་སུ་མ་ཏི། says:
    ལོ་ 12 སྔོན།

    ཚན་རིག་ལ་རྨོངས་དད་ཆེ་བ་ཡོད་རེད་ཟེར་དུས་ད། ཁོ་ཡང་ཚན་རིག་སྐོར་ལ་ཤེས་རྒྱ་ག་འདྲ་ཡོད་མེད་ཚོད་དཔོག་ཐུབ་པ་ཞིག་རེད། མཁས་མདོག་སྟོན་བཞིན་པ་མ་གཏོགས་ཚན་རིག་སྐོར་ལ་ཀླད་ཀོར་ཡིན་པ་འདྲ།ཧཧ

    Reply
  14. བཛྲ་སུ་མ་ཏི། says:
    ལོ་ 12 སྔོན།

    དགེ་རྒན་རྣམས་ལ་ཕོགས་སློབ་མས་སྤྲོད་ཀྱི་མེད་ལ། སློབ་མའི་སེམས་ལ་དགེ་རྒན་ནི་ཕོགས་ཆེད་དུ་ལས་ཀ་བྱེད་བཞིན་པའི་གཡོག་པོ་ཞིག་ཏུ་མཐོང་དུས་ད་ཚར་རེད། དགེ་རྒན་ཕོ་མོ་རྣམས་ཀྱི་ཕོགས་ཆེད་དུ་ལས་བྱེད་བཞིན་པའང་སྐྱོན་མི་འདུག
    ཁོ་ཚོ་ལ་ནང་མི་བུ་ཕྲུག་གསོ་རྒྱུ་ཡོད་རེད། དེང་སང་བླ་མ་དང་མཁན་པོ་ཁ་ཤས་ཞིག་ཀྱང་ཕོགས་ཡོད་སར་ཕོགས་ལ་བརྟེན་ནས་ལས་ཀ་བྱེད་ཀྱི་འདུག་ག གསལ་བོ་ཞུ་ན་ད་བར་ཁྱེད་ནས་ཀྱང་ཕོགས་མ་བླང་ས་ཞིག་ང་ཚོའི་གོ་མ་སོང་། སྐུ་མཁྱེན་བདེན་པ་ག་རེ་ཡོད་ན་ཡང་སློབ་མའི་མདུན་ནས་དགེ་རྒན་ལ་མཐོང་ཆུང་མ་གཏོང་རོགས།

    Reply
  15. ལྷག་བསམ says:
    ལོ་ 12 སྔོན།

    ཟམ་གདོང་བླ་མས་འཚེ་བ་དང་འཚེ་མེད་ཟེར་བ་འདི་གུན་ཁྲན་ཏང་གི་མཉམ་དུ་བཤད་བསྡད་པ་རེད། དེང་སང་དགེ་རྒན་དང་དགེ་ཕྲུག་བར་ལ་འཚེ་བ་དང་འཚེ་མེད་གསུངས་པ་ནི་བཤད་ཀྱི་ཟད་པའི་སྐད་ཆ་རེད།
    ཚན་རིག་པས་ཆོས་ལུགས་ཁོ་རང་ལས་མང་བ་རྨོངས་དད་སྤེལ་ཡོད་ཟེར་བ་ནི་ཆོས་ལུགས་དང་ཚན་རིག་བར་དུ་དཀྲུགས་ཤིང་རེད་འདོད་ཀི

    Reply
  16. མཚོ་པདྨ། says:
    ལོ་ 12 སྔོན།

    ངེས་པ་དོན་གྱི་མཁས་དབང་སྐྱབས་རྗེ་ཟམ་གདོང་བླ་མ་བློ་བཟང་བསྟན་འཛིན་མཆོག་ནི་འོ་ཅག་བོད་མི་རིགས་ཀྱི་གཟི་བརྗིད་ཡིན་པར་ཐེ་ཚོམ་མེད། ཁོང་གི་ཞལ་ནས་ཐོན་པའི་ཚིག་འབྲུ་རེ་རེ་གསེར་ལས་ཀྱང་རིན་ཐང་ཆེ་བ་རང་བཞིན་གྱི་ཆགས་བསྡད་ཡོད། དཔེར་ན། “ཚན་རིག་གི་རྨོངས་དད་དེ་ཆོས་ལུཊ་ཀྱི་རྨོངས་དད་ལས་ཤུཊ་ཆེ་བ་ཡོད།” ལ་སོགས་པའི་གསུང་དེ་ཚོའི་་རིན་ཐང་ཤེས་རབ་བཀྲ་བ་རྣམས་ཀྱི་མ་གཏོགས་དཔོགས་ཐུབ་ཀྱི་མེད་པ་གསལ་པོ་རེད།

    Reply
  17. གནས་ཚང་། says:
    ལོ་ 12 སྔོན།

    ཐོག་མར་ཟམ་གདོང་བླ་མས་ཨ་རིས་བོད་ལ་བཏང་བའི་རོགས་དངུལ་ཐད་གསལ་བཤད་གནང་དགོས་ཀྱི་འདུག དེ་མིན་བླ་མ་ཞིག་གི་མཚན་ཉིད་ལྡན་མིན་དང་རྩ་བའི་བླ་མའི་བཀའ་རྗེས་སུ་འབྲངས་ཡོད་མེད་ཧ་གོ་ཐུབ་ཀྱི་མི་འདུག དེ་ནས་སློབ་གསོ་འཆད་སར་ཆོས་བཤད་པ་དང་། སློབ་མའི་མ་འོངས་མདུན་ལམ་ཐད་བསམ་བློ་ཏོག་ཙམ་ཡང་མི་གཏོང་བར་དཀྲུགས་གང་ཐུབ་བྱེད་ཀྱིན་པ་ནི་རང་ཉིད་ཀྱི་འཆར་གཞི་ལག་ལེན་ནང་འདེབས་མ་ཐུབ་པར་རྒོལ་ལན་རེད། དེ་བས། སྔར་མདོ་སྟོད་སྤྱི་ཟུར་བསོད་ནམས་སྟོབས་རྒྱལ་མཆོག་གིས་ཟམ་གདོང་རིན་པོ་ཆེ་ཡི་རྐང་པ་ཡ་གཅིག་ཨ་སྒོར་ནང་ཟུག་འདུག་ཅེས་པ་ནི་བསྡོམས་ཚིག་ཅིག་ཡིན་པས། ཚང་མས་མི་བརྗེད་པ་གནང་རོགས། དེ་མིན་བོད་ཀྱི་བླ་ན་མེད་པའི་སྲིད་སྐྱོང་ལ་གཞོགས་འདེགས་མི་གནང་བ་དང་། དབུ་ཁྲིད་ཟུར་བ་གོང་ས་མཆོག་གི་དགོངས་པར་མི་བསྟུན་དོན་ཅི་ཡིན་ནམ།

    Reply
  18. ཤར་ཕྱོགས་རྒྱལ་སྲས། says:
    ལོ་ 12 སྔོན།

    བོད་གངས་ཅན་ལྗོངས་ཀྱི་ལས་དབང་རྒྱ་འོག་ཏུ་ཤོར། བླ་ན་མེད་པའི་དབུ་ཁྲིད་དུ་ས་མཐར་གྱར་དགོས་བྱུང། ཡིན་ནའང། ས་མཐའ་ནས་བོད་ཀྱི་ཆོས་རིག་བརྒྱུད་འཛིན་བྱས་པའི་སྐལ་བ་ལྡན་ཡང། ལས་ངན་པ་ཞིག་ལ་བོད་ཀྱི་ལོ་རྒྱུས་གསར་པ་ཞིག་སྟེ་སྲིད་དབང་རྩིས་སྤྲད་རྗེས་སྲིད་སྐྱོང་བོད་ཀྱི་རིག་གནས་དང་བཅས་པ་ལ་ཡིག་རྨོངས་ཞིག་ཐོན་ནས། བོད་ཀྱི་ཁ་སྟབས་དང་ཤེས་རིག་གི་མདུན་ལམ་ད་དུང་མུན་ནག་ནང་འགྲོ་རྒྱུ་ཉག་ཅིག་ཡིན་ཡང། དེ་རིང་སྟབས་ཡག་ནས་སློབ་དཔོན་དཔའ་བོ་ཟམ་གདོང་རིན་པོ་ཆེ་མཆོག་གིས་ཟབ་གསལ་བཀའ་སློབ་གནད་འདྲོངས་ཐོན་པ་ཞིག་སྩལ་འདུག་སྟབས། སྲིད་སྐྱོང་ཡིག་རྨོངས་པ་གཙོས་སློབ་གྲྭ་རེ་ཤས་ཀྱི་རུལ་སུངས་རུ་ཁག་ནས་གཟབ་ནན་ཉམས་ལེན་མ་བྱས་ན། བོད་ཀྱི་ཤེས་རིག་ལོ་རྒྱུས་ནང་ནག་ཉེས་གནམ་ལ་མི་ཤོང་པ་ཞིག་སྔ་ཕྱི་མ་གཏོགས་འབབ་རྒྱུ་ཉག་ཅིག་ཡིན་སྟབས། གཟབ་པར་འཚལ་ལོ། ལམ་ནོར་ལྡོག་ཤེས་བྱེད་གལ། སྲིད་སྐྱོང་གིས་ཀྱང་དུས་ཚོད་ནམ་ཡོད་ལ་བོད་ཡིག་ཡག་པོ་སྦྱོངས།།།

    Reply
  19. བསོད་ནམས་རྒྱ་མཚོ། says:
    ལོ་ 12 སྔོན།

    ཟམ་གདོང་གིས་རྨོངས་བཤད་འདི་ལ། ང་ནི་སྔར་ནས་ཡིད་ཐང་ཆད་སྡད་ཡོད།
    ཁོང་རང་ཉིད་ཀྱིས་རང་ཚང་སྟོན་གནང་གི་འདུག།
    ད་གཡུག་ཤོག རང་མཐོང་ང་རྒྱལ་ཆེ་བའི་ཀླད་རྙིང་འཁྲེགས་འཛིན་ཅན་འདི་ཚོ་ལ་བཤད་ན་འབྲས་བུ་ཐོན་རྒྱུ་ཞིག་མེད།།

    Reply
  20. འཇམ་གཅེས ། says:
    ལོ་ 12 སྔོན།

    ཤེས་རིག་ཀྱི་མཚོན་པས་ཡིག་ནོར་མང་པོ་ཤོར་འདུག་པའི་གཟིགས་པ་པོ་ཚོས་དེ་བཞིན་ནོར་བཅོས་གནང་རོགས། དགོངས་སེལ་ཞུ།།

    Reply
  21. འཇམ་གཅེས ། says:
    ལོ་ 12 སྔོན།

    ཆེས་མཆོག་དུ་གུས་བཀུར་འོས་པའི་མ་ཧྰ་པཎ་ཌི་ཏྰ་ཆེན་པོ། གནས་དེང་ཤེས་རིས་ཀྱིས་ཡོངས་སུ་ཕྱུག་པའི་སྨྲ་བས་དབང་ཕྱུག་ཆེན་པོ། ༧གོང་ས་ཡིད་བཞིན་ནོར་བུའི་ཐུགས་སྲས་གཅིག་པུ། བོད་མི་མང་ལ་བཀའ་དྲིན་ཆེ་བས་ཕོད་པ་གསུམ་ལྡན་གྱི་དཔའ་བོ་ཆེན་པོ། ཁྱེད་ནི་དྲང་བདེན་ཅན་དང་བསམ་ཡོད་བོད་མི་ཀུན་གྱིས་དུས་ནམ་ཡང་སེམས་ཁོངས་ནས་ཡལ་མི་སྲིད་པས་བཀའ་དྲིན་ཅན་གྱི་རབ་བྱུང་བ་ཞིག །ཁྱེ་ནི་རྣག་ཐོག་གཙག་འཁེལ་གནང་མཁན་གྱི་ལྷག་བསམ་འདྲེན་ཟླ་མེད་པའི་གཞི་བྱེས་བོད་མི་སྐྱབས་མགོན་གཉིས་པ་ཞིག །ཁྱེད་ཀྱིས་རྣམ་པར་ཐར་པ་ནི་གསེར་གྱི་ཡིག་འབྲུ་ཐོག་བཀོད་འོས་པའི་བགྲང་ཡས་ལས་འདས་པའི་མཛད་རྗེས་ཅན་གྱི་བོད་མིའི་ཡབ་མེས་བཀའ་དྲིན་ཅན་ཞིག །ཁྱེད་ནི་ལོག་སྨྲ་འབྱུང་པོ་ལས་ངན་ཀུན་གྱི་མིག་ནང་དུ་ཚེ་མར་བཞིན་གནས་པའི་གངས་ཅན་ཁ་བ་རི་བའི་མིའི་རྣ་དཔྱོད་དང་དྲང་ཚུགས་མཚོན་བྱེད་ངོ་མ་ཞིག །ཁྱེད་ནི་དྲང་བདེན་ཅན་དང་ཤེས་ཡོན་པ་དག་གིས་ལམ་སྟོན་དུ་བཀུར་བས་མང་པོས་བཀུར་བའི་སྐྱེས་ཆེན་དངོས་གནས་ཤིག །ཁྱེད་ནི་༧གོང་ས་ཡིད་བཞིན་ནོར་བུའི་ཕྱག་ལག་གཡས་པ་ཞིག། ཁྱེད་ཀྱིས་གསུང་ཟུར་རེ་ཡང་བློ་ཡུལ་དུ་ཤོང་མི་ཐུབ་མཁན་གྱིས་ལོག་ལྟ་མཁན་ཚོར་སྙིང་རླུང་ཇི་ཙམ་ལྡང་ཡང་ངས་དེ་ཙམ་གྱི་ཁྱེད་ལ་བཀའ་དྲིན་ཆེ་ཞེས་ཞུ་རྒྱུ་ཡིན། རྒྱུ་མཚན་ཡང་ཡོད་སྟེ། དེ་ནི་ཁོང་ཚོའི་འདོད་ཐོག་རྟ་ཡི་མ་རྫིས་པར་ཡིན་པས་སོ། །

    Reply
  22. གྱད་ལྷ་དགའ། says:
    ལོ་ 12 སྔོན།

    ཟམ་གདོང་བླ་མ་ཝརྞའི་སློབ་སྤྱི་དང་། སློབ་དགེ་གནང་རིང་ལ། མི་རིགས་ལ་ཕན་པའི་གཏམ་དང་བྱས་རྗེས་ཡོད་པ་དངོས་ཡོད་རེད་པས། དེ་འདོད་རུང་མ་འདོད་རུང་ཁས་མ་བླངས་རང་བླང་རེད། དེ་ནས་གྲོས་ཚོགས་ཀྱི་ཚོགས་གཙོར་མི་ལོ་བཅུ་ལ་བྱས་པ་དང་། བཀའ་ཁྲི་མི་ལོ་བཅུ་ལ་བྱས་པའི་རིང་ལ། བོད་ཕན་གྱི་བྱ་བཞག་དང་གཏམ་བཤད་ཁག་མཇུག་རྫོགས་པ་རེད། ད་དུང་ཡང་། སྨིན་དྲུག་རྔ་མའི་ཐལ་འཚུབ་ལྟ་བུའི་མི་རིགས་དང་རིང་གཞུང་ལ་མི་ཕན་པའི་དགོས་མེད་ཀྱི་ཚིག་ཚོགས་འདི་ལྟར་བཀྱེ་བ་ནི། ལྷ་བདུད་དུ་བབ་པ་ཟེར་བ་དེ་རང་ཆགས་པ་རེད། ཚོགས་ཐོག་འདིར་བཤད་པའི་སྐད་ཆ་ཡན་པ་དེ་རིགས་ནི། བཤད་དགོས་པ་ཞིག་དང་བཤད་འོས་པ་ཞིག་གང་ཡང་མཐོང་མ་སོང་། ལྷག་པར་དུ་དགེ་རྒན་རྣམ་པ། གླ་ཆ་ལ་ལྟ་བའི་གཡོག་པོ་རེད་ཟེར་བ་འདི་དགེ་རྒན་གྱི་མཐོང་བཅག་པ་རེད། ད་ལྟ་དགེ་རྒན་ལ་མཐོང་མེད་རྐྱེན་བཙན་བྱོལ་དུ་དགེ་རྒན་ཚད་ལྡན་རག་དཀའ་བ་དང་། བཙན་བྱོལ་སློབ་གྲྭ་ཁག་ལ་དགེ་རྒན་ཚད་ལྡན་མ་རག་རྐྱེན་བཙན་བྱོལ་དུ་ཤེས་ཡོན་ཉམས་གུད་སོང་བ་མ་རེད་པས། དེར་རྟེན་ད་ལྟའི་སྐབས་སུ་དགེ་རྒན་ལ་མཐོང་ཆེན་གནང་ནས་དགེ་རྒན་ཚད་ལྡན་མང་པོ་གསོ་སྐྱོང་དགོས་པ་ལས། དགེ་རྒན་གཡོག་པོར་བརྩིས་ནས་མཐོང་ཆུང་སྤྲོད་ཞོར་ཤེས་ཡོན་ཉམས་དམས་སུ་གཏོང་བའི་དུས་ཤིག་གཏན་ནས་ཡིན་ཚོད་མི་འདུག་བསམ། སློབ་མའི་ཁམས་དབང་དང་འཚམས་པའི་འཇམ་རྩུབ་རན་པ་དགོས་པ་ལས་རལ་གྲི་གནམ་གཡུག་དང་གཡག་ཞར་རྩྭ་ཟ་ལྟ་བུའི་བཀའ་སློབ་འདིར་རིན་ཐང་ཟེར་བ་ཞིག་ཕར་ཞོག སྨྱོན་པའི་ལབ་རྡོལ་དང་རྒད་པོས་དཀྱུས་གཏམ་ཞིག་ལས་མ་མཐོང་།

    Reply
  23. ཀརྨ་རྡོ་རྗེ། says:
    ལོ་ 12 སྔོན།

    མཁས་དབང་བཀའ་ཟུར་བཀའ་དྲིན་ཅན་ཟམ་གདོང་རིན་པོ་ཆེས་བཀའ་སློབ་གི་ཚིག་འབྲུ་རེ་རེ་བཞིན་དུ་དེ་དེ་བཞིན་ནོ་ཞེས་དགའ་བསུ་དང་། དུས་སུ་སྨིན་པའི་ཆར་པ་ལྟ་བུར་མཐོང་ལགས། བཀའ་དྲིན་ཆེའོ་རིན་པོ་ཆེ་ལགས།

    Reply
  24. བཛྲ་སུ་མ་ཏི། says:
    ལོ་ 12 སྔོན།

    ཅུང་མ་འདྲ་བ་བཤད་རྒྱུ་དགའ་དྲག་པ་རེད། ཀ་ཁ་སློབ་མཁན་གྱི་དགེ་རྒན་ནི་བླ་བརྒྱུད་གསོལ་འདེབས་ནང་ཨང་དང་པོར་འཇོག་དགོས་པ་ནང་པའི་ཆོས་ཀྱི་གཞི་རྩ་རེད། བརྡ་སྤྲོད་རིག་གནས་ལ་མ་བརྟེན་པར་བོད་ལ་ནང་ཆོས་ག་བ་ནས་དར་བ་རེད་དམ། ནང་ཆོས་ག་འདྲ་བྱས་ནས་སྦྱོང་དགོས་རེད། ཅིག་གསུངས་དང་། དེང་རབས་སྤྱི་ཚོགས་ནང་བོད་ཀྱི་རིག་གནས་ཉམས་རྒུད་དུ་འགྲོ་བར་སེམས་འཚབ་ཡོད་ཅེས་བཤད་འདུག དེ་ཉམས་རྒུད་དུ་གཏོང་མཁན་བཙན་བྱོལ་ནང་ཤེས་ཡོན་སྲིད་ཅུ་འགྱུར་བ་བཏང་བ་ནས་བྱུང་བ་རེད། དེ་ཁྱོད་རང་གི་སྐྱོན་གནད་དུ་ལོ་རྒྱུས་ཀྱི་རྡོ་རིང་ལ་བསྐོས་ཡོད།

    Reply
  25. སྣང་རྒྱལ་ཤེར་དགེ says:
    ལོ་ 12 སྔོན།

    བོད་ཀྱི་སློབ་ཕྲུག་ཚོར་དགེ་རྒན་གྱིས་ཉེས་རྡུང་གཏོང་མི་ཆོག་པའི་ཁྲིམས་བཟོས་ན་ལེགས་ཉེས་ཅི་འབྱུང་དེང་སང་གི་རྡ་སྟེང་བོད་ཁྱིམ་གྱི་སློབ་མ་ཚོར་ལྟོས་ཤིག ཟམ་གདོང་གི་སྐད་ཆ་འདི་འདྲ་སློབ་མ་ཚོའི་རྣ་ལམ་དུ་བཞག་ན་ཧ་ཅང་ཉེན་ཁ་ཅན་ཞིག་རེད། སློབ་མ་མང་པོ་ཞིག་ལ་མཚོན་ན་སྐད་ཆ་འདི་འདྲེ་ཡི་སེམས་ལ་མ་དྲན་གོང་ལ་ནད་པའི་སེམས་ལ་དྲན་པའི་དཔེ་རང་རེད། འདི་སྤྱོད་ངན་ལམ་སྟོན་དང་བྱ་ངན་སྒོ་འབྱེད་གྱི་ལྡེ་མིག་ཅིག་ཏུ་འགྱུར་ཉེན་འདུག་གོ།

    Reply
  26. ཤར་ཕྱོགས་ཁུག་རྟ། says:
    ལོ་ 12 སྔོན།

    བོད་ཀྱི་རིག་གནས་ཤེས་དང་མ་ཤེས་ཀྱིས་ཁྱད་པར་ཆེན་པོ་འབྱེད་པའི་སྲིད་སྐྱོང་ལས་ཟུར་རྣམ་པ་གཉིས་ཀྱི་བཀའ་སློབ་ཅིག་ཀློག་ན། བོད་ལ་གང་དགོས་པ་དང། བོད་སུས་སྐྱོབ་ཐུབ་མིན་ཐད་གསལ་བཤད་གང་ཡང་དགོས་ཀྱི་མི་འདུག།

    Reply
  27. ངག་དབང་། says:
    ལོ་ 12 སྔོན།

    རིན་པོ་ཆེ་འདི་བ་ཚང་གིས་ནམ་རྒྱུན་བཀའ་མོལ་མ་འདྲ་བ་གནང་ཐབས་ལ་འབད་བརྩོན་གནང་མཁན་ཞིག་ཡིན། ཡུལ་དུས་གནས་བབ་ཀྱི་ཐོག་ནས་འོས་འཚམ་ཡིན་མིན་ལ་གཟིགས་གི་མ་རེད།
    དེང་སྐབས་ཀྱི་སློབ་ཕྲུག་སློབ་ཕྲུག་ཡིན་པ་ལས་སློབ་མ་མ་རེད་གསུངས་པ་དེར་རྒྱུ་མཚན་ཆེན་པོ་མཐོང་མ་སོང་། སློབ་མ་ཟེར་བའི་མ་དེ་བདག་སྒྲ་རེད་མ་གཏོགས། རྗེས་གྲུབ་ཀྱིས་ཐོགས་པའི་མིང་གི་ཆ་ཤས་ཤིག་མ་རེད། སློབ་མ། བཟོ་པ། ཇ་མ། འདི་དག་གི་བདག་སྒྲའི་དོན་དག་ཀྱང་ད་ཆར་འགྱུར་སོང་བ་རེད་དམ།

    Reply
  28. ཀརྨ་རྡོ་རྗེ། says:
    ལོ་ 12 སྔོན།

    ་་་་་་ཆོས་སྡེ་ཁག་གི་དགེ་རྒན་དགེ་ཕྲུག་གི་འབྲེལ་བ་དང་། སློབ་གྲྭ་ཁག་གི་དགེ་རྒན་དགེ་ཕྲུག་གི་འབྲེལ་བ་རྦད་དེ་ལོཊ་ཀ་ཆགས་ཡོད་ཅིང་། སློབ་གྲྭའི་ནང་ཐུན་མོང་བརྡ་སྤྲོད་རིག་གནས་ཙམ་ལས་ནང་ཆོས་སློབ་ཀྱི་མེད་པར།
    དགེ་རྒན་སྡུག་ས་ནས་བཤད་ན་ཕོཊ་སྤྲད་པའི་གཡོག་པོ་ལྟ་བུ་ཞིག་ཏུ་གྱུར་ཡོད་པ་དང་། ཕོཊ་སེམས་པའི་དགེ་རྒན་དང་བཤེས་གཉེན་བསྟེན་ཚུལ་བྱ་དགོས་པའི་དགོན་པ་ཁག་གི་དགེ་རྒན་དགེ་ཕྲུག་གི་འབྲེལ་བ་ཧ་ཅང་མི་འདྲ་་་་་་་་ཟེར།

    Reply
  29. ཀརྨ་རྡོ་རྗེ། says:
    ལོ་ 12 སྔོན།

    ་་་་་ སྐབས་དེར་ཡོངས་གྲཊ་སུ་བོད་ལ་མི་འབོར་ས་ཡ་ ༦ ཡས་མས་ལས་མེད་ཀྱང་། ལེཊ་སྦྱར་གཙོས་རྒྱ་གར་སྐད་ཡིག་གཞན་དང་། རྒྱ་ནག་དང་ཁྱིམ་མཚེས་རྒྱལ་ཁབ་ཁག་གི་སྐད་ནས་བོད་སྐད་དུ་སྒྲ་བསྒྱུར་བྱས་པ་ཁྱོན་པོ་ཏི་ ༣༠༠ དང་ཆོས་ཚན་ ༥༠༠༠ ཙམ་བྱུང་ཡོད་ཅིང་། ་་་་་་ཟེར།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese