ད་ལྟ་རིང་བོད་ནས་གནས་ཚུལ་འབྱོར་གསལ་ལ། དེ་རིང་ཉིན་རྒྱབ་བོད་ནང་གི་ཆུ་ཚོད་ ༣།༡༥ ཡས་མས་ལ་རྔ་པ་ཁུལ་ཁྱུང་མཆུ་རྫོང་སྦྲ་ཆེན་ཡུལ་ཚོའི་རུ་ཁག་གཉིས་པའི་གཙོས་རུ་མའི་ཕ་ཀྱོག་པོ་དང་མ་གཡང་མཚོ་གཉིས་ཀྱི་བུ་གྲུབ་མཆོག་ཞུ་བས་སྦྲ་ཆེན་མཐུན་སྒྲིལ་ཐང་ཟེར་བ་དེར། རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག ཁོང་གིས་རང་ལུས་མེར་བསྲེགས་གནང་མ་ཐག་རྒྱ་གཞུང་གི་ཉེན་རྟོག་པ་དང་དམག་མི་འབྱོར་ཏེ་ཕུང་པོ་བཙན་འཁྱེར་བྱས་ཡོད་འདུག ཉེ་འཁོར་གྱི་དགོན་སྡེ་ཁག་གི་དགེ་འདུན་པ་དང་མང་ཚོགས་མང་པོ་ཞིག་འདས་པོའི་ཁྱིམ་དུ་འཛོམས་ཏེ་བསྔོ་སྨོན་གསུངས་པ་དང་མ་ཎི་འདོན་པ་སོགས་ཀྱི་དགེ་སྒྲུབ་གནང་ཡོད་འདུག
རྒྱལ་གཅེས་དཔའ་བོ་གྲུབ་མཆོག་ལགས་ནི་ད་ལྟ་རང་ལོ་ ༢༨ ཡིན་པ་དང་། ཁོང་གི་བཟའ་ཟླ་མིང་མ་རིག་པ་ཟེར་ཞིང་། ཁོང་གཉིས་ལ་བུ་མོ་ཆུང་ཆུང་གཉིས་ཡོད་པའི་ཆེ་བ་ལོ་ཆུང་བ་ལོ་ ༣ དང་ཆེ་བ་ལོ་ ༥ ཡིན་འདུག
མེ་ཀླུང་གི་དཔའ་སྐད་ཚ་བོ།
མྱེ་ཞགས་ཤིག རི་རྩེ་ནས་མཚོ་གཞུང་བར་དུ་མཆེད་དེ། རི་ཆུ་ཚ་རླབས་ཀྱིས་བསྐྱོམས་ཤིང་བསྲོས་པ། སྐལ་བ་འཇིག་ཁའི་མེ་དེ་མིན་ཡང་། གཅིག་རྗེས་གཉིས་མཐུད་ཀྱིས་བསྲེགས་ཏེ། བདག་དབང་གི་བོད་སའི་གྲུ་ཟུར་རེ་རེ་སྐོར་ནས། མིའི་སེམས་སུ་དམར་ལམ་ལམ་གྱི་སྲོག་དབུགས་ཀྱིས་བདེན་པ་བརྡར་གྱིན་ཡོད།
རང་བཙན་གྱི་ངར་སྐད་སྒྲོག་གིན། ཞི་བདེ་ཡི་ཁ་གཡང་འབོད་ཀྱིན། མེ་ལུམས་ཀྱི་འགད་སྒྲ་གཅིག་གིས་གློ་སྙིང་བྲང་གསུམ་ཚལ་བར་གཏོར་ཏེ། ཕ་ས་དམར་པོ་དེར་ཚེ་མཐའི་ཤི་སྔས་བཞག
སྦྱིན་བསྲེག་ལ་ཕུལ་བའི་མི་ལུས་རིན་པོ་ཆེ་ཆུ་ཤུར་ཐར་རེ་ངའི་སྔས་འགྲམ་དང་མིག་སྔུན་ལ་ལྷུང་། དེའི་ཚེ་དམར་དམག་གི་མེ་མདའི་སྐག་སྒྲ་དང་། ཡུལ་མི་ཚོའི་ངུ་སྐད་ཀྱི་ འབོད་སྒྲ། འུར་འུར་ཆེམ་ཆེམ་གྱིས་འཁྲིགས་པའི་ཚིག་དྲི་དེས་ ཤ་འཁོན་ཁྲི་ཕྲག་གི་ཚ་གཟེར་ཁྱེར་ནས་ཆས་བྱུང་།
གཡུལ་འགྱེད་ཀྱི་བློ་སྒོ་ཕྱེས་ཏེ། དཔའ་རྟགས་ཀྱིས་གཤེགས་ལམ་རེ་ན། སྒང་བ་བོད་པའི་བླ་སྲོག་དང་ལོ་རྒྱུས་ཡོད། བཟོད་བསྲན་གྱི་སྤྱན་ཟུང་ཟུམ་སྟེ། མཆོད་སྦྱིན་གྱི་བློས་བཏང་རེ་ན། ཆོས་ལྡན་ཞིང་གི་རེ་སྨོན་དང་ཐུགས་སྐྱེད་ཡོད།
རང་དབང་གི་འཚོ་གཞིས་བསྐྲུན་ཕྱིར། དཀའ་སྡུག་གི་དོང་ལ་ལྕེབས་སོང་། རྒྱལ་ཁབ་ཀྱི་དར་ཆ་ཕྱར་ཕྱིར། གཅེས་སྲོག་དེ་མེ་ལ་སྦར་སོང་། མེ་འབར་གྱི་ངར་ཁ་བཙན་པའི་ལོ་སར་ཞིག་ཚེས་སོང་། ངའི་ལུས་སེམས་ཐལ་བར་བསྲེགས་སོང་།
སྤྱི་ཚེས་༢༠༡༢/༢/༢ཉིན་རྡ་རམ་ས་ལར་བྲིས་སོ།
རྒྱལ་ཞེན་ལྷག་བསམ་ཅན་གྱི་དཔའ་བོ་ཁོང་ལ་ང་ཚོ་རྗེས་ཤུལ་བ་ཚང་མྱ་ངན་དང་གུས་འདུད་ཁོང་གི་ཐུགས་འདོད་ལྟར་འགྲུབ་པར་སྨོན་ལམ་འདེབས
དེ་རིང་སྐུ་གཤེགས་མ་ཐག་པའི་དཔའ་བོ་ཚེ་རིང་ཕུན་ཚོགས་ལགས་ཀྱིས་ཉེར་ཆར་རྒྱ་གཞུང་གིས་ཁྱབས་བསྒྲགས་རྫུན་མ་བཟོ་མཁན་དེ་དག་ལ་འགྲམ་ལྕག་མེ་འབར་བ་གཅིག་གཞུས་ནས་བདེན་པ་འདི་ཡིན་གསུངས་པ་རེད།
དེ་རིིང་གངས་རའི་རྒྱལ་སྟག་ཅིག་གི།བདེན་དོན་གྱི་རླུང་རྟ་སྤུར་རྒྱལ་བཙན་པོའི་རི་ངོགས་སུ་བཞག་ནས་ང་ཚོས་གྲལ་ནས་བུད་སོང་བ་རེད།དེ་ལ་ང་ཚོས་ལྟ་རྟོགས་ཙམ་ཡང་མི་གནང་བ་ནི།ང་ཚོས་ལ་མི་རིགས་ཤིག་གི་མིང་དང་།དཔའ་བོ་ཅིག་གི་མིང་དེ་བས་ལྟ་ཅི།ང་ཚོ་མི་རིགས་ཀྱི་བླ་བཙང་དང་རྐང་འདྲེན་དུ་འགྱེལ་ཉེན་ཆེ་བས།ཐམས་ཅད་ཀྱིས་མཐུན་པའི་དཔུང་རྡང་མཉམ་གཤིབ་རེད་བྱེད་རོགས་ཞུ།ཁོང་གི་ང་ཚོའི་ཆེད་དུ་དཀའ་སྡུག་གི་བདེན་དཔང་བྱེད་པ་ནི།རང་ལ་དམར་བའི་དངོས་པོ་རྩ་ཆེན་ཞིག་གཞན་གྱི་ལག་ཏུ་བཞག་དགོས་ན་སྡུག་བསྔལ་ཇི་འདྲ་ཡོད་དེ་བས་དོན་དངོས་པོ་སྟེང་ནས་བསམ་བློ་ཞིག་བཏང་ན་བརྒྱ་འགྱུར་ལས་འདིའ་སྡུག་པ་ཡིན།ཨོ་མ་ཎི་པདྨེ་ཧུམ་གངས་རིའི་དཔའ་རྒོད་ཁྱོད་བདེ་མོ་སྐྱིད་པོ་ཡིན་པར་སྨོན།།།།
དཔའ་ངལ་ཞུམ་མེད་ཀྱི་རྒྱལ་གཅེས་དཔའ་བོ་ཆེ་རིང་ཕུན་ཚོགས་ལ་གདུང་སེམས་མཉམ་སྐྱེད་དང་རླབས་ཆེན་གྱི་བྱ་བ་ལ་ཡི་རངས་ཞུ།་་དཔའ་བོ་ཁོང་གི་འདོད་དོན་མྱུར་འགྲུབ་ཤོག།