དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གི་མཚན་ཐོག་ནས་གསལ་བསྒྲགས་ཤིག་སྤེལ་ཏེ། འདས་ལོར་བོད་མི་ ༨༣ ཙམ་གྱིས་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་གནང་ཡོད་སྟབས། ད་ལོའི་ལོ་གསར་སྐབས་བོད་མི་ཚང་མས་ཆོས་ཕྱོགས་ཀྱི་བྱེད་སྒོ་ཙམ་ལས་སྤྲོ་སྐྱིད་དང་རྒྱས་སྤྲོས་རིགས་མི་གནང་རྒྱུའི་འབོད་སྐུལ་ཞུས་འདུག
ད་དུང་སྲིད་སྐྱོང་མཆོག་གིས། ཕྱི་ལོ་ ༢༠༡༢ ལོ་ན་བོད་དོན་ཞུ་གཏུགས་ཀྱི་ལོ་ཞིག་ལ་སྲུང་གཙི་བྱས་པ་ལྟར། རྒྱལ་ཁབ་མང་པོ་ཞིག་གི་གྲོས་ཚོགས་ཀྱིས་བོད་དོན་རྒྱབ་སྐྱོར་གྱི་གྲོས་ཆོད་བཞག་ཡོད་སྐོར་དང་། ༢༠༡༣ ལོ་ནི་གདུང་སེམས་མཉམ་སྐྱིད་ཀྱི་ལོ་ལ་སྲུང་གཙི་བྱེད་དགོས་སྟབས། མི་མང་ཚོ་ལས་འགུལ་ནང་མཉམ་ཞུགས་གནང་རོགས་ཞེས་འབོད་སྐུལ་ཞུས་འདུག
སྲིད་སྐྱོང་མཆོག་གི་གསལ་བསྒྲགས་ནང་བཀོད་དོན། “ ཧ་ཅང་གི་བློ་ཕམ་དང་ཚབས་ཆེ་བའི་གནས་ཚུལ་ཞིག་ལ། རྒྱ་གཞུང་གི་དྲག་གནོན་ལ་ངོ་རྒོལ་བྱེད་ཆེད་རང་ལུས་མེར་བསྲེགས་གཏོང་མཁན་བོད་མི་བརྒྱ་ཟིན་གྲབས་ཡོད། ༢༠༡༢ ནང་རང་ལུས་མེར་བསྲེགས་གཏོང་མཁན་ ༨༣ བྱུང་བ་ནས། ཕྱི་ཟླ་ ༡༡ པའི་ནང་རྒྱ་ནག་དམར་ཤོག་ཚོགས་པའི་ཚོགས་ཆེན་ཚོགས་པའི་སྐབས། རང་ལུས་མེར་བསྲེགས་ཀྱི་དོན་རྐྱེན་ ༢༨ བྱུང་ཡོད། ཉིན་ཤས་གོང་ཡང་བསྐྱར་རང་ལོ་ ༢༦ ཡིན་པ་དཀོན་མཆོག་སྐྱབས་ནས་རང་ལུས་མེར་བསྲེགས་བཏང་འདུག ལོ་འདིའི་ནང་རང་ལུས་མེར་བསྲེགས་གཏོང་མཁན་གསུམ་པ་དེ་ཆགས་ཡོད།
ཛ་དྲག་གི་གནས་སྟངས་འདི་འདྲའི་དབང་གིས། བོད་རིགས་ཡོངས་ཀྱིས་གདུང་སེམས་མཉམ་བསྐྱེད་ཞུ་ཆེད་བོད་རྒྱལ་ལོ་ ༢༡༤༠ ལོའི་ལོ་གསར་སྐབས་ཆོས་ཕྱོགས་དང་སྲོལ་རྒྱུན་གྱི་བྱེད་སྒོ་ལས། སྤྲོ་སྐྱིད་དང་རྒྱས་སྤྲོས་རིགས་མ་གནང་རོགས་ཞུ་རྒྱུ་ཡིན། ལོ་གསར་སྐབས་བོད་ཆས་བཞེས་ནས་དགོན་སྡེ་ཁག་ཏུ་བོད་བསྟན་སྲིད་མི་རིགས་ཀྱི་དོན་ དུ་ལུས་སྲོག་བློས་བཏང་གནང་མཁན་ཡོངས་དང༌། ད་ལྟའི་ཆར་བཙན་བཟུང་འོག་དཀའ་སྡུག་མྱོང་བཞིན་པའི་ཤ་ཁྲག་གཅིག་པའི་གཞིས་བཞུགས་བོད་རིགས་སྤུན་ཟླ་ཚོའི་ཆེད་མཆོད་འབུལ་སྨོན་ལམ་གནང་རོགས་ཞུ་རྒྱུ་ཡིན། དེ་མཚུངས་ང་ཚོས་ཁོང་ཁྲོ་དང་ཞེ་སྡང་གི་གཞན་དབང་དུ་མ་སོང་བར་ཞི་འཇམ་གནས་རྒྱུ་གལ་ཆེན་པོ་ཡིན།
བོད་མིའི་སྒྲིག་འཛུགས་ཀྱིས་ཚབས་ཆེ་བའི་ལས་འགུལ་རིགས་མ་སྤེལ་རོགས་ཞེས་འབོད་སྐུལ་ལན་མང་ཞུ་བཞིན་དུ། རང་ལུས་མེར་བསྲེགས་མུ་མཐུད་འབྱུང་བཞིན་པ་རེད། རང་ལུས་མེར་བསྲེགས་གཏོང་མཁན་ཚོའི་ཡོངས་གྲགས་ཀྱི་མངོན་འདོད་ནི། ྋགོང་ས་ྋསྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་རྒྱུ་དང་བོད་མིར་རང་དབང་དགོས་པ་གཉིས་ཡིན། དེ་དག་མངོན་འགྱུར་ཡོང་ཐབས་བྱེད་རྒྱུ་ང་ཚོའི་རྩ་ཆེའི་ལས་འགན་ཡིན། ཕྱི་ལོ་ ༢༠༡༢ ཟླ་ ༣ ཚེས་ ༡༠ ཉིན་ཕྲན་གྱི་ཡོངས་ཁྱབ་གཏམ་བཤད་ནང་ཕྱི་ལོ་ ༢༠༡༢ དེ་བོད་ཀྱི་ཞུ་གཏུགས་ཀྱི་ལོར་སྲུང་བརྩི་ཞུ་རྒྱུའི་འབོད་སྐུལ་ཞུས་ཡོད་པ་ལྟར། ཚང་མས་འབད་རྩོལ་གནང་བའི་འབྲས་བུར་ད་བར་ཡུ་རོབ་དང༌། ཕ་རན་སི། ཨི་ཊ་ལི། ཨ་རི་བཅས་ཀྱི་གྲོས་ཚོགས་ནང་དངོས་སུ་གྲོས་ཆོད་བཞག་ཐུབ་པ་བྱུང་བ་དང༌། སྦ་ར་ཛིལ་དང་ཉི་ཧོང་སོགས་ཀྱི་གྲོས་ཚོགས་འཐུས་མི་མང་པོས་རྒྱབ་སྐྱོར་གྱི་གཏམ་བཤད་སྤེལ་ཡོད།
གོང་གསལ་གྲོས་ཚོགས་ཁག་དང༌། དེ་བཞིན་བོད་ཀྱི་ཛ་དྲག་གནས་སྟངས་ཐོག་ཐུགས་སྣང་དང་ཐུགས་ཁུར་གནང་མཁན། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་དང༌། འགྲོ་བ་མིའི་ཐོབ་ཐང་ལྟ་ཞིབ་ཁང༌། རྒྱལ་སྤྱིའི་ཉེས་ཡང་ཚོགས་པ། རྒྱལ་མཚམས་རིས་མེད་ཀྱི་གསར་འགོད་མཐུན་ཚོགས། རང་དབང་གི་ཁང་པ་(Freedom House)བཅས་ཡོངས་ལ་བོད་མིའི་སྒྲིག་འཛུགས་ཀྱི་ངོས་ནས་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།
སྔ་ལོ་ང་ཚོས་ཞུ་གཏུགས་ཀྱི་ལས་འགུལ་སྤེལ་བ་རྣམས་གཞི་རྟེན་དུ་བཟུང་ནས་ཕྱི་ལོ་ ༢༠༡༣ དེ་བོད་ལ་གདུང་སེམས་མཉམ་བསྐྱེད་ཀྱི་ལོར་སྲུང་བརྩི་ཞུ་ཆེད་ཕྱོགས་ཡོངས་ནས་མཉམ་ཞུགས་གནང་དགོས། དེ་དང་འབྲེལ་བའི་གཞི་རྒྱ་ཆེ་བའི་ལས་འགུལ་དང་པོ་དེ་སྔ་ལོ་ཕྱི་ཟླ་ ༡༢ ཚེས་ ༡༠ ཉིན་ནེའུ་ཡོག་ཏུ་སྤེལ་བ་དང༌། རང་ལུས་མེར་བསྲེགས་སྐོར་(རྒྱ་ནག་གིས་བོད་ནང་གང་བྱེད་ཀྱི་ཡོད་དམ་)ཞེས་པའི་བརྙན་འཕྲིན་འགྲེམས་སྤེལ་ཞུས་ཡོད། བོད་མི་མང་སྤྱི་འཐུས་རྣམ་པས་རྒྱ་གར་གྱི་མངའ་སྡེ་མང་པོའི་ནང་ཞུ་གཏུགས་ཀྱི་ལས་འགུལ་སྤེལ་བཞིན་པ་རེད། ཉིན་ཤས་རྗེས་ཕྱི་ཟླ་ ༡ ཚེས་ ༣༠ རེས་གཟའ་ལྷག་པ་ནས་ཟླ་ ༢ ཚེས་ ༢ བར་ཉིན་བཞིའི་རིང༌། ས་གནས་གང་ས་ནས་བཙན་བྱོལ་བོད་མི་སྟོང་ཕྲག་ཁ་ཤས་འདུ་འཛོམས་ཀྱིས་རྒྱ་གར་གྱི་རྒྱལ་ས་ལྡི་ལིར་ལས་འགུལ་རིམ་པ་སྤེལ་རྒྱུ་ཡིན། དེ་བཞིན་ཕྱི་ཟླ་ ༣ ཚེས་ ༡༠ བོད་མིའི་རང་དབང་སྒེར་ལངས་ཀྱི་ཉིན། ཡུ་རོབ་མཐུན་ཚོགས་ཀྱི་རྒྱལ་ས་སྦར་སིལ་དུ་ཡུ་རོབ་ཁུལ་དུ་གནས་འཁོད་བཙན་བྱོལ་བོད་མི་རྣམས་མཉམ་འཛོམས་ཀྱིས་ལས་འགུལ་སྤེལ་འཆར་རེད།
བོད་རིགས་སྤྱི་མཐུན་ཚོགས་པ་ཁག་དང༌། བོད་དོན་རྒྱབ་སྐྱོར་ཚོགས་པ། རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་པ་ཁག་བཅས་ཚང་མས་མཉམ་རུབ་ཐོག་ནས། གྲོས་ཚོགས་དང་སྲིད་གཞུང་ཁག་ལ་ཞུ་གཏུགས་ཀྱི་ལས་འགུལ་སྤེལ་རོགས་ཞུ་རྒྱུ་ཡིན། གནས་ཡུལ་ས་གནས་ཀྱི་གསར་འགོད་མི་སྣར་འབྲེལ་བ་བྱས་ཏེ། བོད་ནང་གི་གནས་སྟངས་སྐོར་རྩོམ་བྲིས་སྤེལ་རྒྱུའི་སྐུལ་འདེབས་དང༌། རྒྱལ་སྤྱིའི་སྐུ་ཚབ་ཚོགས་པ་དང་གསར་འགྱུར་བརྒྱུད་ལམ་ཁག་བོད་ནང་འགྲོ་བསྐྱོད་ཆོག་པའི་རེ་འདུན་བཏོན་དགོས། དེ་མཚུངས་ང་ཚོའི་ལས་འགུལ་ཚང་མ་ཞི་བ་དང༌། ཁྲིམས་མཐུན། ཆེ་མཐོང་ལྡན་པ་དགོས་རྒྱུ་སྙིང་བཅང་ཞུ་དགོས།
རྒྱ་རིགས་སྤུན་ཟླ་ཚོས་ཀྱང་བོད་མིའི་མངོན་འདོད་འགྲུབ་ཐབས་སུ་མཉམ་རུབ་གནང་རོགས་གནང་ཞེས་འབོད་སྐུལ་ཞུ་རྒྱུ་ཡིན། བོད་མིའི་སྒྲིག་འཛུགས་ཀྱི་ངོས་ནས་གཉིས་སྨན་དབུ་མའི་ལམ་གྱི་སྲིད་བྱུས་མུ་མཐུད་རྒྱུན་འཁྱོངས་བྱས་ཏེ། ཞི་བའི་སྒོ་ནས་བོད་དོན་དཀའ་རྙོག་སེལ་ཐབས་སུ་གྲོས་མོལ་བྱ་རྒྱུའི་ཆོད་སེམས་ལ་འགྱུར་བ་མེད། ད་ལྟའི་དཀའ་ངལ་འདིའི་འབྱུང་རྐྱེན་དང་འགན་ཁུར་གཉིས་ཀ་རྒྱ་ནག་གཞུང་ལ་ཡོད། གཞིས་བཞུགས་བོད་རིགས་སྤུན་ཟླ་ཡོངས་ལ་ཞུ་རྒྱུར། ང་ཚོ་དུས་རྟག་ཏུ་ཁྱེད་ཚོའི་རྒྱབ་ཏུ་ཡོད་མུས་ཡིན། ང་ཚོས་ཆིག་བསྒྲིལ་དང༌། གསར་གཏོད། རང་ཁ་རང་གསོ་བཅས་ཀྱི་ལྟ་གྲུབ་ཀྱི་ལམ་སྟོན་ལ་བརྟེན་ནས་ྋགོང་ས་ྋསྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་ཐུབ་པ་བྱ་རྒྱུ་དང༌། བོད་མིའི་རང་དབང་བསྐྱར་གསོ་བྱ་རྒྱུའི་དམིགས་ཡུལ་མངོན་འགྱུར་ཐུབ་པ་བྱ་རྒྱུ་ཡིན” ཞེས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒྱ་གཅེས་དབའ་བོ་དབའ་མོ་ཚོས་ཁྱེད་དུ་ང་ཚོའི་ལོ་གསར་མ་གཏོང་རོགས་
ངས་ནི་ཆོས་ཕྱོགས་དང་འཇིག་རྟེན་ཕྱོགས་གང་ཡིན་ཡང་ལོར་གསར་མི་གཏོང་ངོ་མ་ཡིན། ཆེན་པོ་ཞིག་མི་འཇོན་མོད། སྐྱིད་ཀྱི་རྟ་ཕོ་མཉམ་ཞོན་དང་། །སྡུག་གི་ཁུ་བོ་མཉམ་ཁུར་མཚོད་ཆེད་དུ་རོ་ཐོག་ཞབས་བྲོ་འཁྲབ་མི་འདོད། དེ་མིན་ཁྲེལ་མེད་ཀླད་སྟོང་མཁན་རྒྱུག་ཁྱི་ཁྱེད་ཚོས་ལོ་གསར་ལོ་གཏོང་། གཏོང་དགོས་ངེས་རེད། གང་ཡིན་ཞེ་ན། ཁྱོད་ཚོ་ལ་དགོས་པའི་གོད་ཆག་དེ་ང་ཚོ་བོད་མིའི་མགོ་ཐོག་ལྷུང་ཡོད་པ་རེད།
མཚམས་པ་ཅིག་གིས་ལོ་གསར་བཏང་ན་ག་འདྲ་ཟེ་གཏོང་བགྱིད་རེད། སྤོ་རྨོ་གཉིས་ལས་མེད་ན་ལོ་གསར་ག་འདྲ་ཟེ་གཏོང་བགྱིད་རེད། ཀྲེན་ནད་ཕོག་ནས་ཤི་སྒུག་བྱེད་བཞིན་པ་ཅིག་ཡིན་ཁོང་གིས་ལོ་གསར་ག་འདྲ་ཟེ་གཏོང་བགྱིད་རེད།
ང་བོད་མི་མངས་ཚོས་འདི་ལྟ་བུའི་ཆོས་ཀྱིས་རྟེན་འགྲིགས་པའི་སྒོ་ནས་ལོ་གསར་ངེས་པར་གཏོང་དགོས་ཀྱང་། རང་གི་ནང་མི་ཅིག་ད་ལོ་གྲོངས་པ་ལྟར་མྱ་ངན་དང་གསོལ་འདེབས་བྱ་རྒྱུ་ཡང་མ་བརྗེད་པ་བྱེད་དགོས་པ་མགཉིས་འཛོམས་མི་དགོས་སམ། ལགས།
༄། །ལམ་སྟོན་གནང་རྒྱུ་གོང་མས་ལས་འགན་རེད། །
འགྲོ་དང་མི་འགྲོ་སོ་སོའི་འདོད་པ་རེད། །
བཀའ་ལྟར་བརྩི་ན་ཡ་རབས་སྤྱོད་བཟང་རེད། །
བརྩི་དང་མི་བརྩི་སོ་སོའི་འདོད་པ་རེད། །
ལོ་གསར་གཏོང་། སྤྲོ་སྐྱིད་མ་གཏོང་། ཚིག་སྔ་ཕྱི་འགལ་འདུག་གམ། གོ་དོན་ཁྱོན་ནས་མེད་པ་ཡིན་ནམ། ལགས།
གཅན་གཟན་གྱི་པགས་རིགས་གྱོན་པ་དང་གསེར་དངུལ་གཡུ་བྱུར་འདོགས་པའང་བོད་ཀྱི་གནའ་ནས་ད་བར་དུ་བྱས་ཡོང་པ་ཞིག་རེད། ལྷག་པར་དུ་སྟག་གཟིག་གི་པགས་རིག་གོས་ཀྱི་གོང་བ་དང་འདབས་གཞམ་དུ་རྒྱག་པ་དེ་ཡང་བོད་བཙན་པོའི་སྐབས་ཀྱི་དཔའ་བོར་བསྟོད་པ་དང་ཆེ་མཐོང་སྤྲོད་པའི་སྲོལ་ཞིག་ཡིན་ལ། དེ་དང་འབྲེལ་ནས་སྐྱེ་པ་ཚོར་བསྟོད་པའི་གླུ་དང་ཤགས་འགྱེད་སོགས་རིག་གནས་སུ་ཆགས་ཡོད་མོད། ༢༠༠༦ ལོར་༸གོང་ས་མཆོག་གི་བཀའ་གནང་སྟེ་དེ་ཡག་པོ་མི་འདུག་ཚུལ་གསུངས་པས་བོད་མི་ཚོས་གཅན་གཟན་གྱི་པགས་རིགས་མེར་སྲེག་གི་ལས་འགུལ་སྤེལ་ཏེ་རྒྱུ་ནོར་སྒོར་དུང་ཕྱིར་གྱི་གྱོང་འཁུར་དགོས་ཀྱང་ཅི་སྙམ་པས་ལས་འགུལ་སྤེལ་ཞིང་པགས་རིགས་གྱོན་སྤྱོད་ལ་ངོ་རྒོལ་ཡང་བྱས་ཏེ་ད་ལྟ་སྲོལ་དེ་མེད་པར་གྱུར་བ་རེད།
དེ་ལྟ་བུའི་དམངས་སྲོལ་རིག་གནས་དང་རྒྱུ་དངོས་རྩ་ཡལ་བྱེད་པར་མི་ཕངས་པའི་བོད་མི་རིགས་འདིས་དེང་སྐབས་རང་གི་མགོ་ཐོག་ལ་སྡུག་དགུ་བརྩེགས་ཀྱིས་བསྐོར་འདུག་པའི་སྐབས་འདི་འདྲ་ལ་ལོ་གསར་མི་གཏོང་པ་ནི་ཅི་ཡང་མ་རེད། ལོ་གསར་མི་གཏོང་ཞིང་བོད་དོན་དུ་རང་སྲོག་བློས་བཏང་བ་དང་ཤུལ་ལུས་ནང་མིར་གདུང་སེམས་མཉམ་སྐྱེད་ཆེད་དུ་ལོ་གསར་མི་གཏོང་།
ཆོས་ཀྱི་མཛད་སྒོ་ཡང་མི་གཏོང་། གལ་སྲིད་ཆོས་ཕྱོགས་ཀྱི་མཛད་སྒོ་ཟེར་བ་འདི་བཏང་ཚེ་བོད་མི་ཚོས་ཁ་གཡོར་ས་བཙལ་ཏེ་ག་ལེར་སྤྲོ་སྐྱིད་བཏང་དང་གཏོང་བཞིན་པ་ཀུན་གྱིས་ཤེས་ནི་རེད། དེ་བས་ཆོས་ཕྱོགས་ཀྱི་མཛད་སྒོ་ཡང་མི་དགོས་སོ། །
༄། སྐལ་བཟང་དགྲ་འདུལ་ལ། འོ་ཛི་ཁྱེད་རང་ལོ་གསར་གཏོང་དང་གཏོང་། དེ་ཁྱེད་རང་གི་ཐོབ་ཐང་རེད། ང་ཚོ་བཙན་བྱོལ་ལ་ཡོད་ཀྱངདམངས་གཙོའི་ལམ་ལ་འགྲོ་གི་ཡོད་ལྟབས་ཁྱེད་རང་གི་ཐོབ་ཐང་བརྒྱ་ཆ་བརྒྱ་ཐམས་པ་ཡོད་རེད། དེ་སོང་ཙང་ཁྱེད་ལོ་གསར་ཚེས་གཅིག་སྔ་དྲོ་བོད་ནང་ད་བར་བོད་ཀྱི་རྩ་དོན་ཁོ་ནའི་ཆེད་རང་གི་གཅེས་པའི་ལུས་སྲོག་མེ་མཆོད་དུ་ཕུལ་བའི་སྐུ་ཕུང་བརྒྱ་ཐམས་པ་མ་ཟིམ་ཙམ་རྣམས་སྡེར་ཁར་འགྲིགས་ཤོམ་གྱི་ལོ་གསར་ཟབ་རྒྱས་ཤིག་གཏོང་རོགས་གནང་། ད་ཡིན་ན་ཁྱེད་རང་མ་གཏོགས་རིག་གཞུང་མ་ཉམས་གོང་སྤེལ་དང་ཉམས་པ་གསོར་བཅུད་གནང་མཁན་སུ་ཡང་མིན་འདུག་
་་་་་ འདས་ལོར་བོད་མི་ ༨༣ ཙམ་གྱིས་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་གནང་ཡོད་སྟབས། ད་ལོའི་ལོ་གསར་སྐབས་བོད་མི་ཚང་མས་ཆོས་ཕྱོགས་ཀྱི་བྱེད་སྒོ་ཙམ་ལས་སྤྲོ་སྐྱིད་དང་རྒྱས་སྤྲོས་རིགས་མི་གནང་རྒྱུའི་འབོད་སྐུལ་ཞུས་འདུག ་་་་ཟེར།
འབོད་བསྐུལ་ལ་མོས་མཐུན་ཡོད། རོ་ཐོག་རྟ་རྒྱུག་བཟོ་འདོད་མཁན་ཡོད་ན་བཟོས་་དང་འགྲིག་གི་རེད། རིག་གཞུང་ཁ་ལ་འཁྱེར་ནས་དཀྲོགས་གཏམ་བཤད་མ་ཡོང་། ཁྱོད་ཀྱིས་ནང་མི་ཞིག་མེ་བསྲེགས་འམ་རང་སྲོག་ཤོར་ཡོད་ན་ཁྱོད་ཀྱིས་ལོ་གསར་ལ་རོལ་གྱི་ཡིན་ནམ་་་དེར་བསམ་བློ་ཐོང་ཤིག །
བསྐྱར་ཟློས། བསྐྱར་ཟློས། བསྐྱར་ཟློས། ་་་་་་་་་
ཁ་བཤད་ཆུ་ཡི་ཝུ་བ། ལག་ལེན་གསེར་གྱི་ཐིགས་པ། རང་གི་རིག་གཞུང་ལ་ལར་ཞེན་དང་རྒྱུས་མངའ་མེད་མཁན་དག་ལ། ལག་ལེན་ལས་ཁ་ཕོ་མང་པོ་ཡོད།
ལོ་གསར་མི་གཏོང་རྒྱུར་འབོད་སྐུལ་ཞུས་པ་དེར་མོས་མཐུན་མེད། འདས་པའི་ལོ་ལྔ་ཙམ་རིང་ལོ་གསར་བཏང་ཡོད་པ་མ་རེད། གཞུང་གིས་ལས་འགུལ་སྤེལ་མི་ཐུབ་པར་མི་མང་གི་ལོ་གསར་བཀག་འགོག་བྱས་པར་མོས་མཐུན་རྩ་བ་ནས་མེད། བོད་གསར་ཟེར་བ་འདི་བོད་པ་ཙམ་མ་རེད་འཛམ་གླིང་ཚར་མར་ཡོད་པའི་མི་རིགས་སོ་སོའི་རིག་གཞུང་ཞུག་རེད། ལོ་གསར་མ་གཏོང་ལབ་པ་ཡིན་ན་རིགས་གཞུང་དེ་མ་སྤེལ་ཟེར་བ་དང་གཅིག་མཚོངས་རེད་བསམ་གྱིན་འདུག་གོ།།