ཉེ་ཆར་བོད་མིའི་སྒྲིག་འཛུགས་གཞུང་ཞབས་འདེམས་བསྐོ་ལྷན་ཁང་གིས་གསལ་བསྒྲགས་ཤིག་སྤེལ་ཏེ། འབྱུང་འགྱུར་ཕྱི་ཟླ་ ༣ པའི་ནང་རྒྱ་ཡིག་རྒྱ་སྐད་ཤེས་མཁན་སྐོར་ཞིག་གཞུང་ཞབས་ཁོངས་ནང་བསྡུ་རྒྱུ་ཡིན་ཟེར། དེ་ནི་བོད་མིའི་སྒྲིག་འཛུགས་ཀྱི་ལས་དོན་བྱེད་ཕྱོགས་ལ་ཕྲན་བུ་འགྱུར་བ་ཕྱིན་པ་ཞིག་དང་། རྒྱ་ཡིག་རྒྱ་སྐད་ཤེས་མཁན་གསར་འབྱོར་བ་ཚོ་གཞུང་ཞབས་ནང་འཛུལ་རྒྱུའི་གོ་སྐབས་ཤིག་ཆགས་ཡོད།
ད་རེབ་རྒྱ་ཡིག་ཤེས་མཁན་ ༦ བསྡུ་རྒྱུ་ཡིན་པ་དང་། དེ་དག་བོད་ཀྱི་སྲིད་བྱུས་ཉམས་ཞིབ་ཁང་དང་ཕྱི་དྲིལ་ལས་ཁུངས། བདེ་སྲུང་ལས་ཁུངས་བཅས་ཀྱི་དྲུང་གཞོན་དང་དྲུང་གཞོན་ལས་རོཊ། སྡེ་ཚན་འགན་འཛིན་བཅས་ཀྱི་གནས་རིམ་ཐོག་བསྐོ་བཞག་བྱ་རྒྱུ་ཡིན་འདུག བོད་མིའི་སྒྲིག་འཛུགས་ཀྱིས་འདས་པའི་ལོ་ངོ་ ༢༠ ལྷག་རིང་རྒྱ་ཡིག་ལས་བྱེད་གཅིག་ཀྱང་བསྡུས་མྱོང་མེད་པ་མ་ཟད། དེ་སྔ་བདེ་སྲུང་ལས་ཁུངས་དང་དང་དྲིལ་བསྒྲགས་སོགས་སུ་རྒྱ་ཡིག་ལས་བྱེད་རེ་ཟུང་ཡོད་པ་ཡང་ཆོད་གན་དང་རང་ཁོངས་ལས་བྱེད། ཉིན་གླ་བཅས་ཀྱི་ངོ་བོར་བཞག་ཡོད་འདུག
གནས་ཚུལ་དེའི་ཐད་ཕྱི་ཚེས་ ༢༢ ཉིན་གསར་འགོད་པས་བཀའ་དྲུང་གཡུ་ཐོག་ཀརྨ་དགེ་ལེགས་ལགས་སུ་བཅར་འདྲི་ཞུས་པར་ཁོང་གིས། ༧གོང་ས་མཆོག་གིས་བོད་མིའི་ཆབ་སྲིད་ཀྱི་མགོ་ཁྲིད་ལས་བགྲེས་ཡོལ་མ་གནང་གོང་། གཞུང་ཞབས་ལས་བྱེད་བསྐོ་བཞག་གནང་ཕྱོགས་ཐད་གནས་བབ་དང་དགོས་མཁོར་གཞིགས་པའི་དམིགས་བསལ་བསྐོ་བཞག་གནང་སྲོལ་ཡོད་ཀྱང་། ༸གོང་ས་མཆོག་བགྲེས་ཡོལ་གནང་རྗེས་གཞུང་གི་འཛིན་སྐྱོང་འགྲོ་སྟངས་ལ་འགྱུར་བ་ཐེབས་ཏེ། ལས་བྱེད་དམིགས་བསལ་བསྐོ་བཞག་བྱ་རྒྱུའི་ལམ་ཁ་དེ་རང་བཞིན་གྱིས་འགག་ཡོད་པ་དང་། དེ་སྔོན་གཞུང་གི་ལས་ཁུངས་ཁག་ཏུ་རྒྱ་ཡིག་ཤེས་ཚད་ཡོད་ཀྱང་། བོད་ཡིག་དང་དབྱིན་ཡིག་ཡག་པོ་མི་ཤེས་མཁན་རྣམས་གཞུང་གི་གཏན་འཇགས་ལས་བྱེད་ཁོངས་སུ་འཚུད་ཐབས་མེད་ཀྱང་། བཀའ་ཤག་སྐབས་བཅུ་བཞི་པས་རྒྱ་ནག་དང་མཉམ་དུ་སྐད་ཆ་བཤད་རྒྱུར་རྒྱ་ཡིག་ཧ་ཅང་གལ་ཆེན་དུ་མཐོང་གི་ཡོད་པ་དང་། ལྷག་པར་དུ་ཉེ་སྔོན་གྲོས་ཚོགས་ནང་རྒྱ་ཡིག་ཤེས་མཁན་ཚོར་གཞུང་གི་ལས་བྱེད་ཁོངས་ས་མིག་སྤྲོད་རྒྱུའི་སྒྲིག་གཞི་བསྐྱར་བཅོས་གནང་རྗེས། ཡིག་རྒྱུགས་ཀྱི་ལམ་ནས་གཞུང་ཞབས་ཁོངས་གཏན་འཇགས་ལས་བྱེད་ཁོངས་སུ་རྒྱ་ཡིག་ཤེས་མཁན་བསྡུ་རྒྱུའི་མགོ་བཙུགས་ཡོད་ཅིང་། མ་འོངས་པར་ཡང་ལས་འཆར་ཁོངས་སུ་རྒྱ་ཡིག་ཤེས་མཁན་ལས་བྱེད་མང་དུ་གཏོང་སྲིད་སྐོར་གསུངས་སོང་།
གཞུང་ཞབས་འདེམས་བསྐོ་ལྷན་ཁང་གི་འགན་འཛིན་འཇམ་དཔལ་ཆོས་བཟང་ལགས་ས་བཅར་འདྲི་ཞུས་པར། བཀའ་ཤག་སྐབས་བཅུ་གསུམ་པའི་སྐབས་ལ་བདེ་སྲུང་ཁྱབ་ཁོངས་སུ་ཉམས་ཞིབ་ཁང་ཞིག་བཙུཊ་ཡོད་ཀྱང་། དེར་དམིཊ་བསལ་ལས་བྱེད་བསྐོ་བཞག་གནང་བ་དེ་འདྲ་གང་ཡང་མེད་ཅིང་། བཀའ་ཤག་སྐབས་བཅུ་བཞི་པས་བོད་མིའི་སྒྲིག་འཛུཊ་ཀྱི་ལས་བྱེད་ཚོར་ཆབ་སྲིད་སློབ་སྦྱོང་སྤྲོད་རྒྱུ་གལ་ཆེན་དུ་གཟིགས་པ་དང་། ལྷག་པར་དུ་བོད་པའི་ཆབ་སྲིད་དཀའ་རྙོག་རྒྱ་ནག་དང་ཐད་ཀར་འབྲེལ་བ་ཆཊ་ཡོད་སྟབས། བོད་ཡིག་དང་དབྱིན་ཡིག་ཤེས་པ་ཙམ་གྱིས་རྒྱ་ནག་གི་གནས་སྟངས་ཆ་ཚང་ཤེས་རྟོཊ་ཐུབ་དཀའ་བ་སོགས་ལ་གཟིཊ་ཏེ། སྔོན་མའི་བདེ་སྲུང་ཉམས་ཞིབ་ཁང་བོད་ཀྱི་སྲིད་བྱུས་ཉམས་ཞིབ་ཁང་དུ་མིང་བསྒྱུར་བྱས་ཐོག ལས་འཆར་དེའི་ཐད་སྲིད་བྱུས་ཉམས་ཞིབ་ཁང་དང་ཕྱི་དྲིལ། བཀའ་དྲུང་བཅས་ཀྱི་འབྲེལ་ཡོད་མགོ་ཁྲིད་ཚོས་གྲོས་བསྡུར་བརྒྱུད་གཞུང་ཞབས་འདེམས་བསྐོ་ལྷན་ཁང་གིས་གསལ་བསྒྲཊ་གནང་བ་ཞིག་དང་། ཁོང་སྒེར་ངོས་ནས་མ་འོངས་པར་གཞུང་ཞབས་ཁོངས་སུ་རྒྱ་ཡིག་ཚད་ལྡན་ཤེས་མཁན་གང་མང་ཡོང་ཐུབ་པའི་རེ་བ་ཡོད་ཚུལ་གསུངས་སོང་།
བོད་མིའི་སྒྲིག་འཛུཊ་ནང་རྒྱ་ཡིག་གཞུང་ཞབས་ལས་བྱེད་བསྡུ་རུབ་གནང་བཞིན་པའི་ཐད། བོད་ཀྱི་དགུ་བཅུ་གསུམ་ལས་འགུལ་ཚོཊ་པའི་ཚོཊ་གཞོན་དང་བདེ་སྲུང་བོད་གནས་ཉམས་ཞིབ་ཁང་གི་ཉམས་ཞིབ་པ་ཟུར་པ་ཀླུ་མཁར་བྱམས་ལཊ་སུ་བཅར་འདྲི་ཞུས་པར། “ང་ཚོའི་ཁ་གཏད་རྒྱ་ནག་ཆཊ་ཡོད་སྟབས་བཙན་བྱོལ་བོད་གཞུང་གི་ལས་བྱེད་ཁོངས་སུ་རྒྱ་ཡིག་ཤེས་མཁན་བསྡུ་རྒྱུ་ཧ་ཅང་གལ་ཆེན་པོ་རེད། རྒྱ་ཡིག་དང་འབྲེལ་བའི་དྲ་རྒྱ་དང་དྲིལ་བསྒྲཊ་སྐོར་ལ་འདོད་པ་ཁེངས་པ་ཞིག་རྩ་བ་ནས་བྱུང་ཡོད་པ་མ་རེད། ལོ་ ༢༠ གོང་གཞུང་ཞབས་ཁོངས་སུ་རྒྱ་ཡིག་ལས་བྱེད་ཁག་ཅིག་བླངས་བ་རེད། དེའི་རྗེས་གཞུང་ཞབས་ཁོངས་ལས་བྱེད་རྩ་བ་ནས་བླངས་ཡོད་པ་མ་རེད། དེའི་རྒྱུ་མཚན་སྤྱི་ཚོཊ་ནང་རྒྱ་ཡིག་ལ་དགོས་མཁོ་མེད་སོང་བ་མ་རེད། གཞུང་ཞབས་སྔོན་མ་ཚོས་བོད་གཞུང་ལ་རྒྱ་ཡིག་གལ་ཆེན་པོ་མིན་ཚུལ་བཤད་དེ། རྗེས་མ་ཡོང་མཁན་ཚོ་ཆོད་གན་དང་ཉིན་གླའི་ངོ་བོར་མ་གཏོཊ་གཞུང་གི་ལས་བྱེད་ངོ་མ་ཆཊ་རྒྱུར་འགོག་རྐྱེན་བཟོས་པ་རེད། བོད་ཀྱི་འཐབ་རྩོད་ཁྲོད་རྒྱ་ཡིག་དང་བོད་ཡིག་གལ་གནད་ཆེན་པོ་ཆཊ་ཡོད་ཀྱང་བོད་གཞུང་གིས་སྐད་ཡིག་དེ་གཉིས་ཐོག་ལས་ཀ་བྱེད་མཁན་ཚོར་མཐོང་དང་ཆ་འཇོག ཐོབ་ཐང་སོཊ་ལས་བྱེད་སྤྱི་མཚུངས་ལྟར་མ་སྤྲད་པར། ད་བར་བོད་ནས་ཕེབས་མཁན་ལས་བྱེད་མང་པོ་ཞིག་གཡོག་ལས་ཀྱི་ངོ་བོའི་ཐོག་གནས་བསྡད་པ་ཞིག་རེད། ད་ཆར་གནས་བབ་ཀྱི་ཆ་ནས་བོད་གཞུང་གི་ལས་བྱེད་ནང་རྒྱ་ཡིག་ཤེས་མཁན་ཙམ་མིན་པར་བོད་ཡིག་ཡག་པོ་ཡོད་མཁན་གྱི་གཞུང་ཞབས་བསྡུ་རྒྱུའི་དུས་ལ་བབ་ཡོད། སྔོན་མ་ཡིན་ན། བཙན་བྱོལ་བོད་གཞུང་གི་དམིཊ་ཡུལ་གཙོ་བོ་བོད་ནང་ཡོང་མཁན་ཚོར་ལས་ཀ་སྤྲོད་རྒྱུ་གལ་ཆེན་པོར་མ་མཐོང་བར། བཙན་བྱོལ་སྤྱི་ཚོཊ་ནང་སློབ་མཐར་ཕྱིན་མཁན་དེ་ཚོར་འགྲོ་ས་སྡོད་ས་བཙལ་རྒྱུ་དེ་གཙོ་བོར་བཟུང་བ་རེད། དེང་སྐབས་བཙན་བྱོལ་སྤྱི་ཚོཊ་ནང་སློབ་མཐར་ཕྱིན་པའི་སློབ་མ་དྲག་ཤོས་ཚོ་རང་མགོ་ཐོན་ཏེ་ཕྱི་རྒྱལ་དུ་ཕྱིན་ཏེ་གཞུང་ལ་དཀའ་ངལ་ཞིག་འཕྲད་དེ། བོད་ནས་ཡོང་མཁན་ཚོར་གཞུང་ཞབས་ཁོངས་ལས་ཀའི་གོ་སྐབས་ཕྲན་བུ་རག་གི་ཡོད”ཅེས་བརྗོད།
ད་ཆར་གཞུང་ཞབས་འདེམས་བསྐོ་ལྷན་ཁང་གི་ཁྱབ་ཁོངས་འོག་གནས་རིམ་འདྲ་མིན་ཐོག་ལས་བྱེད་ ༡༠༠༠ ལྷག་ཡོད་ཅིང་། དེའི་ནང་རྒྱ་ཡིག་ལས་ཀ་བྱེད་མཁན་ལས་བྱེད་ ༡༠ ཙམ་ཡོད་འདུག འདི་ནི་གཞུང་ཞབས་འདེམས་བསྐོ་ལྷན་ཁང་གིས་ལོ་ངོ་ ༢༠ རྗེས་སུ་ཡོངས་ཁྱབ་ཐོག་རྒྱ་ཡིག་ཤེས་མཁན་གཞུང་ཞབས་ནང་བསྡུས་པ་ཐོག་མ་དེ་ཆགས་ཡོད།
གསར་འགོད་པ། དཔལ་ལྡན།
བོད་ཀྱི་དུས་བབ་ཚགས་པར་ལས་འདིར་བཀོད།
ཀླུ་མཁར་བྱམས་ལགས་ཀྱིས་གསུང་བ་ནི་དྲང་མོ་དྲང་བཞག་རེད་ལ། འདི་ལྟར་ཁ་གསལ་བོ་གསུང་ཐུབ་མཁན་གཅིག་བྱུང་བའང་བོད་ཀྱི་བསོད་ནམས་རེད།
ཆུ་སྦྲུལ་ལོར་ང་ཚོའི་ཆིག་བསྒྲིལ་གྱི་ནུས་པ་འཐོར་བཤིགས་སུ་འགྲོ་བའི་ཀླུ་མཁར་བྱམས་ཀྱི་ལེགས་སྐྱེས་དང་པོའོ།།