དེ་རིང་ནི་ཧོར་ཟླ་དང་པོའི་ཚེས་ ༡༤ ཡིན་པ་དང་། བོད་ནང་གི་དགོན་སྡེ་ཁག་མང་པོ་ཞིག་ཏུ་ཆོ་འཕྲུལ་སྨོན་ལམ་ཆེན་མོར་ཁེལ་ཡོད་པ་ལྟར། ཨ་མདོ་བླ་བྲང་བསང་ཆུ་རྫོང་གི་ཉེ་འཁྲིས་སུ་ཡོད་པའི་བླ་བྲང་བཀྲ་ཤིས་འཁྱིལ་དགོན་པར་ཡང་ ‘རྒྱ་ལོའི་སྨོན་ལམ་ཆེན་མོ’ཚོགས་བཞིན་ཡོད་འདུག ཚེས་ ༡༠ ཉིན་ནས་བཟུང་ཕྱོགས་མཐའ་ཁག་གི་ཆོས་མཇལ་བ་མང་པོ་བླ་བྲང་དགོན་པར་འཛོམ་བཞིན་ཡོད་པར། རྒྱ་གཞུང་གི་ཉེན་རྟོག་པ་དང་དམག་མི་ཧ་ཅང་མང་པོས་ཐབས་ཤེས་སྣ་ཚོགས་ཐེན་ཏེ་ལྐོག་ནས་དོ་དམ་ལྟ་རྟོག་བྱེད་ཀྱིན་ཡོད་འདུག
དེ་རིང་བོད་ནས་གནས་ཚུལ་འབྱོར་གསལ་ལྟར་ན། ཉིན་འདི་འགར་བསང་ཆུ་རྫོང་གི་དྲག་ཆས་དམག་མི་དང་ཉེན་རྟོག་པ་ ༢༠༠ ལྷག་གིས་མི་མང་དཀྱུས་མའི་ལ་བ་གྱོན་ཏེ། འགའ་རེ་ཚོང་པ་ཡིན་ཁུལ་དང་། འགའ་རེ་གསར་འགོད་པ་དང་པར་རྒྱག་མཁན་ཡིན་ཁུལ། ཡང་འགའ་རེ་ཆོས་མཇལ་བ་ཡིན་ཁུལ་བྱས་ནས་མི་མང་ནང་སིམ་འཛུལ་གྱིས་ལྟ་རྟོག་བྱེད་ཀྱིན་ཡོད་པ་མ་ཟད། མི་སྣ་དོགས་གཞི་ཅན་དག་ལ་རྗེས་འདེད་གཏོང་གི་ཡོད་འདུག
དགོན་གྲོང་གཉིས་ཀྱི་ཟ་ཁང་དང་མགྲོན་ཁང་ཚང་མའི་ནང་ལྐོག་བརྙན་འཕྲུལ་ཆས་བཙུགས་ཡོད་པ་མ་ཟད། དགོན་པའི་གླིང་བར་དང་གྲོང་འཁྱེར་བཞི་མདོ་ཁག་ཏུའང་པར་ལེན་འཕྲུལ་ཆས་དང་བརྙན་ལེན་འཕྲུལ་ཆས་བཙུགས་ཡོད་འདུག དེ་བཞིན། གླ་གཏོང་རླངས་འཁོར་གྱི་བདག་པོ་ཚོས་རྒྱ་སྒོར་ ༢༠༠ རེ་སྤྲད་དེ་བརྙན་ལེན་འཕྲུལ་ཆས་ཉོས་ཏེ་སོ་སོའི་རླངས་འཁོར་ནང་འཇོག་དགོས་པའི་བཙན་བཀའ་བཏང་ཡོད་འདུག
གནས་ཚུལ་ནང་བཀོད་དོན། “བརྙན་ལེན་འཕྲུལ་ཆས་བཙུགས་ཡོད་ས་དག་ནི། བླ་བྲང་དཔོན་ཚང་སྲང་མགོ་དང་། མཆོད་རྟེན་དཀར་པོ། གུང་ཐང་ཟམ་ཁ། གོས་སྐུའི་ཐང་། མཐུན་བསྒྲིལ་ཟམ་ཁ། བོད་ཡིག་སློབ་འབྲིང་མདུན་སོགས་ས་ཚིགས་ཁག་ ༣༠ ཙམ་དུ་བཙུགས་འདུག” ཅེས་བཀོད་འདུག
ཕྱི་ཚེས་ ༡༧ ཉིན་བསང་ཆུ་རྫོང་སྲིད་གཞུང་གིས་རྫོང་འོག་གི་ཞང་ཁག་སོ་སོར་བཀའ་རྒྱ་བཏང་སྟེ། བླ་བྲང་དགོན་པར་སྨོན་ལམ་ཆེན་མོར་སྐྱོད་མཁན་ཚོས་སྔོན་ལ་ཐོབ་ཐང་ལག་འཁྱེར་བཟུང་སྟེ་ཞང་སྲིད་གཞུང་ལ་ཐོ་འགོད་བྱེད་དགོས་པ་བསྒྲགས་ཡོད་འདུག
ཕྱི་ཚེས་ ༢༠ ཉིན་བརྡ་ཁྱབ་གསར་པ་ཞིག་བསྒྲགས་ཏེ། ད་ནས་བཟུང་མི་སུ་ཞིག་གིས་རང་སྲེག་བྱས་ཚེ་བཙོན་འཇུག་བྱེད་རྒྱུ་དང་། ཤི་ཚར་བ་རྣམས་ཀྱི་བེམ་པོ་ནང་མིར་སྤྲོད་རྒྱུ་མིན་པར་མེར་བསྲེགས་གཏོང་རྒྱུ་ཡིན་ཞེས་བཀོད་ཡོད་འདུག
གསར་འགོད་པ། དོན་འགྲུབ་བཀྲ་ཤིས།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
གོང་གི་མཆན་དེའི་ནང་གི་བླ་བྲང་བཀྲ་ཤིས་འཁྱིམ་གྱི་ཆོ་འཕྲུལ་སྨོན་ལམ་ཆེན་མོའི་སྐོར་བཀོད་པ་དང་། བླ་བྲང་དགོན་པའི་སྐོར་བཀོད་པ་གང་ལ་གང་འཚམས་ཡག་པོ་འདུག་མོད། ད་དུང་ཆ་ཚང་བ་ཞིག་མ་རེད། དེ་རིང་ལུགས་རྙིང་གི་ཚེས་ 15 ཉིན་གྱི་སྔ་དྲོ་ནང་མཇལ་ཟེར་བ་དེ་རེད། དགོང་མོ་མེ་ཏོག་མཆོད་པ་ཡོད་རེད། བླ་བྲང་དགོན་པའི་ཚོགས་ཆེན་འདུ་ཁང་གུ་མདུན་ཐང་དུ་ཁང་རྩེག་སུམ་ཐོག་དང་མཉམ་པའི་མེ་ཏོག་མཆོད་པ་གཤམ་སྟེ་དད་ལྡན་མི་མང་རྣམས་ལ་ཞལ་མཇལ་གཏོང་གི་ཡོད་པ་རེད། སྔོན་ཆད་ཡིན་ན་དེ་རིང་ཕྱི་དྲོའི་ཆུ་ཚོད་ ༥ པ་ཙམ་ནས་མཆོད་མཇལ་བ་གཏོང་གི་རེད། དོ་ནུབ་མཚན་གང་བོར་སང་ཉིན་ནམ་མཁའ་མ་གསལ་བར་དད་ལྡན་སེར་སྐྱ་མི་མང་རྣམས་བང་བསྒྲིགས་ཏེ་མཆོད་མཇལ་བྱེད་པའི་སྲོལ་ཡོད།
ངས་བསན་མ་རྒྱ་གཞུང་གིས་དམ་དྲག་བྱེད་མིན་ལ་མ་ལྟོས་པར་དོ་ནུབ་རང་ལུས་མེར་བསྲེག་གཏོང་མཁན་ཡོང་སྲིད་པ་རེད་སྙམ།
(བླ་བྲང་བཀྲ་ཤིས་འཁྱིལ་དགོན་པའི་སྨོན་ལམ་ཆེན་མོའི་སྐོར་གྱི་གནས་ཚུལ་བོད་ནང་གི་དྲ་རྒྱ་ཁག་ཏུ་འཐོན་པ།)
བླ་བྲང་བཀྲ་ཤིས་འཁྱིལ་དགོན་པའི་ཆོ་འཕྲུལ་སྨོན་ལམ་ཆེན་མོ་དེ་ནི་ལུགས་རྙིང་གི་ཚེས་ 10 ནས་ 16 བར་ཚོགས་པའི་སྲོལ་ཡོད་པ་དང་། ཚེས་ 13 ཉིན་གོས་སྐུ་ཆེན་མོ་ཞིག་དགོན་པའི་མདུན་རིའི་ངོས་སུ་བཤམ་པ་དང་། ཚེས་ 14 ཉིན་དཀར་འཆམ་འཁྲབ་པ། ཚེས་ 15 ཉིན་དད་ལྡན་མཆོད་མཇལ་བ་ཡོངས་བླ་བྲང་དགོན་པའི་གྲྭ་ཚང་དྲུག་གི་ལྷ་ཁང་དང་འདུ་ཁང་ཡོངས་རྫོགས་ནང་མཆོད་མཇལ་བྱེད་པའི་སྲོལ་ཡོད་ཅིང་། དེ་ལ་ནང་མཇལ་ཟེར། ཚཻས་ 16 ཉིན་བྱམས་པ་གླང་སྐོར་བྱེད་ཅིང་། ཉིན་དེར་བྱམས་པའི་སྐུ་བརྙན་ཆེན་པོ་ཞིག་དགོན་པའི་ཕྱི་སྐོར་ལ་གདན་འདྲེན་ཞུས་ཏེ་མི་མང་ལ་མཇལ་ཁ་ཞུ་རུ་འཇུག་པའི་སྲོལ་ཡོད།
བླ་བྲང་བཀྲ་ཤིས་འཁྱིལ་དགོན་པས་སྟོན་སྐུ་ཆེན་མོའི་གོས་སྐུ་བཤམས་ཤིང་། འདི་ནི་བླ་བྲང་དགོན་པའི་ཆོས་ལུགས་ཀྱི་ཆོ་ག་གལ་ཆེན་ཞིག་ཡིན། སྔ་དྲོའི་ཆུ་ཚོད10:00ཡི་སྟེང་། རྩེ་ཞྭ་དང་གོས་ཆེན་གྱིས་བརྒྱན་པའི་གྲྭ་བཙུན་100ལྷག་གིས་སྙན་འཇེབས་དུང་གི་སྒྲ་དབྱངས་དང་ལྷན་དུ་གོས་སྐུ་ཕྲག་ལ་ཁུར་ཏེ་དགོན་པ་ནས་བར་ཐག་ལ་སྟོང་སྨི་1ཡོད་པའི་གོས་སྐུ་བཤམས་པའི་ཡུལ་དངོས་ལ་བསླེབས།
ཆོས་ལུགས་ཀྱི་བྱེད་སྒོ་འདི་ལ་ལོ་ལྟར་ཀན་སུའུ་དང་མཚོ་སྔོན། སི་ཁྲོན། ཁམས་སྡེ་དགེ་དང་དཀར་མཛེས་ཕྱོགས། སྟོད་དབས་གཙང་གི་ནག་ཆུའི་ཁ་དང་འདམ་གཞུང་སོགས་ནས་ཕེབས་པའི་དད་ལྡན་ཆོས་ཞུ་བ་གྲངས་ 30000 ནས་ 40000 ཡས་མས་ཕེབས་ཏེ་གོ་སྐུ་ཆེན་མོ་ལ་མཇལ་བའི་ལུགས་སྲོལ་ཡོད།
གོས་སྐུ་བཤམས་པའི་ལམ་བར་དུ་དད་ལྡན་པ་རྣམས་ཀྱིས་གོས་སྐུ་ལ་ཁ་བཏགས་འཐེན་པ་དང་ཐོད་པ་གཏུག་ནས་སྨོན་ལམ་བཏབ་ཅིང་། ཆུ་ཚོད10:30ཡི་སྟེང་རིང་ཚད་ལ་སྨི100དང་ཞེང་ཚད་ལ་སྨི40ཡིན་པའི་གོས་སྐུ་དངོས་སུ་བཤམས་སྟོན་བྱེད།
བླ་བྲང་དགོན་པ་ནི་དུས་རབས་བཅོ་བརྒྱད་པའམ་སྤྱི་ལོ1709ལོར་ཀུན་མཁྱེན་འཇམ་ དབྱངས་བཞད་པ་དབལ་ཤུལ་ངག་དབང་བརྩོན་འགྲུས་མཆོག་གིས་དགུང་ལོ་རེ་དྲུག་བཞེས་ པའི་ཐོག་བསང་ཆུ་རྫོང་དུ་ཕྱག་བཏབ་ཅིང་། དགོན་པ་དེར་མཚན་ཉིད་གྲྭ་ཚང（ཐོས་བསམ་གླིང）དང་། རྒྱུད་སྨད་གྲྭ་ཚང་། དུས་འཁོར་གྲྭ་ཚང་། སྨན་པ་གྲྭ་ཚང་། ཀྱེེ་རྡོར་གྲྭ་ཚང་། རྒྱུད་སྟོད་པ་གྲྭ་ཚང་བཅས་གྲྭ་ཚང་དྲུག་ཡོད། ཀུན་མཁྱེན་འཇམ་དབྱངས་བཞད་པ་སྐུ་ཕྲེང་དང་པོ་ངག་དབང་བརྩོན་འགྲུས་ཀྱིས་སྤྱི་ ལོ1710ལོར་མཚན་ཉིད་གྲྭ་ཚང་གསར་དུ་བཞེངས་པ་དང་། སྤྱི་ལོ1706ལོར་རྒྱུད་སྨད་པ་གྲྭ་ཚང་བཙུགས། འཇམ་དབྱངས་བཞད་པ་སྐུ་ཕྲེང་གཉིས་པ་ཀུན་མཁྱེན་འཇིགས་མེད་དབང་པོས་སྤྱི་ ལོ1763ལོར་དུས་འཁོར་གྲྭ་ཚང་གསར་དུ་བཙུགས་པ། སྤྱི་ལོ1772ལོར་མཚན་ཉིད་གྲྭ་ཚང་ཇེ་རྒྱས་སུ་བཏང་། སྤྱི་ལོ1784ལོར་སྨན་པ་གྲྭ་ཚང་གསར་དུ་བཙུགས། ཀྱེེ་རྡོར་གྲྭ་ཚང་ནི་འཇམ་དབྱངས་བཞད་པ་སྐུ་ཕྲེང་བཞི་པ་སྐལ་བཟང་ཐུབ་བསྟན་དབང་ ཕྱུག་དཔལ་བཟང་པོས་སྤྱི་ལོ1879ལོར་གསར་དུ་བཙུགས་པ་རེད།