བོད་ཀྱི་བླ་སྲོག་དེ་ཕལ་ཆེར་སངས་རྒྱས་པའི་ལྟ་གྲུབ་རེད་ཟེར་ཆོག

དེ་རིང་ཆོ་འཕྲུལ་དུས་ཆེན་དང་བསྟུན་ཏེ། ༸གོང་ས་མཆོག་གིས་ཐེག་ཆེན་ཆོས་གླིང་གཙུག་ལག་ཁང་དུ། སེར་སྐྱ་ ༦༠༠༠ བརྒལ་བར་༼སྐྱེས་རབས༽བཀའ་ཁྲིད་གནང་སྐབས། ནང་པའི་ལྟ་གྲུབ་ནི་བོད་མི་རིཊ་ཀྱི་བླ་སྲོག་དང་ཆོལ་གསུམ་ཆིག་སྒྲིལ་ཐུབ་པ་དེ་བོད་ཀྱི་ཆོས་དང་རིག་གཞུང་། སྐད་ཡིག་བཅས་ཀྱི་ཐོག་ནས་བྱུང་བ་ཡིན་ཚུལ་གསུངས།

དེ་རིང་ཕྱི་ཚེས་ ༢༥ ཉིན་ཏེ་བོད་ལུགས་ལོ་གསར་ཚེས་བཅོ་ལྔའི་ཆོ་འཕྲུལ་སྨོན་ལམ་ཆེན་མོར་ཁེལ་ཡོད་སྟབས། དེ་རིང་ཞོགས་པ་སྔ་བོ་ནས་བོད་མིའི་སྒྲིག་འཛུཊ་ཀྱི་སྲི་ཞུ་ལས་བྱེད་དང་ངྷ་ས་ཁུལ་གྱི་བོད་རིཊ་སེར་སྐྱ་མང་ཚོགས། ཧི་མ་ལ་ཡའི་རི་རྒྱུད། ཕྱི་རྒྱལ་བ་བཅས་ཁྱོན་མི་ ༦༠༠༠ བརྒལ་བ་འཚང་ཁ་ཤིག་ཤིག་གིས་ཐེག་ཆེན་ཆོས་གླིང་གཙུག་ལག་ཁང་དུ་འདུ་འཛོམས་གནང་ཡོད་ཅིང་། ཆུ་ཚོད་ ༩ པའི་སྟེང་༧གོང་ས་མཆོག་གཟིམ་ཆུང་ཕོ་བྲང་ནས་གསུང་ཆོས་ར་བའི་བཞུགས་ཁྲིར་ཞབས་སོར་བཀོད་དེ། སྟོན་པ་བཅོམ་ལྡན་འདས་ཀྱི་༼ སྐྱེས་རབས ༽བཀའ་ཁྲིད་གནང་ཡོད།

༸གོང་ས་མཆོག་གིས་ཆོ་འཕྲུལ་སྨོན་ལམ་ཆེན་མོའི་ཐོག་མའི་བྱུང་རིམ་དང་བཙན་བྱོལ་ནང་སྨོན་ལམ་དེའི་རྒྱུན་མཐུད་བཞིན་ཡོད་ཚུལ་གསུངས་ཏེ་མང་ཚོཊ་ལ་ནང་ཆོས་ངོ་སྤྲོད་གནང་ཡོད་ཅིང་། དེའི་རྗེས་ད་ཆར་འཛམ་གླིང་སྟེང་མི་གྲངས་ཐེར་འབུམ་བདུན་ཡོད་པའི་ཁྲོད། མི་ཐེར་འབུམ་དྲུག་ཆོས་དད་ཡོད་མཁན་དང་ཐེར་འབུམ་གཅིག་ཆོས་དད་མེད་མཁན་ཆཊ་ཡོད་ཀྱང་། ཆོས་དད་ཡོད་མཁན་ཚོའི་ཁྲོད་དུའང་མཐར་གཏུགས་ན་ཆོས་ལུཊ་གང་དེར་དད་མོས་དང་ཉམས་ལེན་བྱེད་མཁན་ཉུང་ངུ་ལས་མེད་ཚུལ། འགྲོ་བ་མིའི་རིགས་ཚང་མ་བདེ་བ་འདོད་མཁན་ཡིན་པ་ལས་རྙོག་དྲ་དང་སྡུག་བསྔལ་མི་འདོད་མཁན་ས་སྟག་ཡིན་པ་དང་། རང་བྱུང་གོད་ཆག་མ་གཏོཊ་འཛམ་གླིང་འདིའི་རྙོག་དྲ་གཞན་ཚང་མ་འགྲོ་བ་མི་རང་ཉིད་ཀྱིས་བཟོས་པ་ཞིག་དང་། སེ་རི་ཡར་མཚོན་ནའང་རྙོག་དྲ་བཟོ་མཁན་ཚོར་རྙོག་དྲ་བཟོ་འདོད་མེད་ཀྱང་། སོ་སོ་འདོད་རྔམ་གྱིས་དབང་དུ་ཕྱིན་ཏེ་མང་ཚོགས་སྡུག་བསྔལ་ནང་ལྷུང་ཡོད་སྐོར། དེ་བཞིན། རྒྱ་ནག་དཔོན་རིཊ་ཚོས་སོ་སོའི་ཁ་ཐུག་གི་དབང་ཆར་བསམ་བློ་གཏོང་རྒྱུ་ཙམ་ལས། ཕྱོགས་ཡོངས་ཀྱི་གནས་སྟངས་ལ་བསམ་བློ་གཏོང་མི་ཐུབ་བ་དང་། ཏང་གི་མགོ་ཁྲིད་ཁ་ཤས་ཀྱིས་དངོས་ཡོད་གནས་ཚུལ་རྣ་བར་གོ་མ་འདོད་པར་དངོས་ཡོད་ལ་ངོས་ལེན་མི་བྱེད་ཅིང་། ཏིང་ཞའོ་ཕིན་གྱིས་བཤད་པའི་དངོས་ཐོག་བདེན་འཚོལ་ཟེར་བ་དེ་སྟོན་པ་བཅོམ་ལྡན་འདས་མཆོག་གིས་ཀྱང་གསུངས་ཡོད་སྟབས། རྒྱ་གཞུང་ངེས་པར་དུ་ཏིན་གྱིས་བཤད་པའི་དངོས་ཡོད་གནས་ཚུལ་ག་རེ་ཡོད་པ་དེའི་ཐོག་འགྲོ་དགོས་སྐོར་ནན་གསུངས་གནང་སོང་།

༸ གོང་ས་མཆོག་གིས་ཁོང་ཉིད་ལ་འཛམ་གླིང་སྟེང་། ནང་ཆོས་དར་སྤེལ་གཏོང་རྒྱུའི་བསམ་བློ་རྩ་བ་ནས་མེད་པ་དང་། གཞན་གྱིས་ཚུར་འབོད་སྐུལ་མ་བྱས་ན་ཕར་ནང་ཆོས་འགྲེལ་བཤད་རྒྱག་གི་མེད་ལ། གལ་སྲིད་བརྒྱབ་ན་ནང་པའི་སྡོམ་ཁྲིམས་དང་འགལ་ཡོད་པ། དེང་སང་ཚན་རིག་པ་ཚོས་ནང་པའི་ལྟ་གྲུབ་ལ་དགའ་མོས་ཆེན་པོ་བྱེད་ཀྱི་ཡོད་པ་མ་ཟད། ལྷག་པར་དུ་ནང་པའི་གཞུང་ནང་གསུངས་པའི་སེམས་དང་རྣམ་རྟོག་གི་རྣམ་གཞག་ཐོག་དོ་སྣང་ཆེན་པོ་བྱེད་ཀྱིན་ཡོད་ཅིང་། བོད་ཡིག་ནང་ཚན་རིག་གཙོས་དེང་དུས་ཤེས་ཡོན་སྐོར་གྱི་ཐ་སྙད་མང་པོ་ཞིག་ཡར་རྒྱས་འགྲོ་རྒྱུར་ལྷག་ཡོད་རུང་། འཛམ་གླིང་ཐོག་ནང་པའི་གཞུང་འགྲེལ་བཤད་ཆ་ཚང་རྒྱག་རྒྱུར་བོད་ཡིག་ལས་ལྷག་པའི་ཡིག་རིཊ་གཞན་གཅིག་ཀྱང་མེད་སྟབས། བོད་མི་ཚོས་སོ་སོའི་ཕ་སྐད་ཀྱི་རིན་ཐང་ངོ་འཕྲོད་པའི་ཐོག་བདག་པོ་ཡག་པོ་རྒྱག་རྒྱུ་དང་། བདག་པོ་རྒྱག་སྟངས་དེ་བོད་ཡིག་དངུལ་ཁང་དུ་དངུལ་འཇོག་པ་ལྟར་མིན་པར་བོད་ཡིག་སློབ་སྦྱོང་གང་ལེགས་བྱ་དགོས་པའི་ནན་སྐུལ་གནང་སོང་།

༸ གོང་ས་མཆོག་གིས་གསུངས་དོན།  “ ༡༩༦༠ ནང་རྒྱ་གཞུང་གི་ཡིག་ཆ་ཁག་ཏུ་ཚན་རིག་ཡར་རྒྱས་ཕྱིན་ན་ཆོས་དད་རང་བཞིན་གྱིས་ཡལ་འགྲོ་གི་རེད་ལབ་ཡོད། འོན་ཀྱང་ད་ཆར་ ༢༠༡༣ ལོར་བསླེབས་ཡོད་པ་རེད། ཚན་རིག་པ་རྩེ་ཕུད་གྲས་ཀྱིས་ནང་ཆོས་ལ་དགའ་བོ་ཞེ་དྲག་བྱེད་ཀྱི་ཡོད། ཚན་རིག་ཤེས་ཚད་ཡར་རྒྱས་ཕྱིན་པའི་ཚོད་ཀྱིས་ཆོས་དད་སྔར་ ལས་ཇེ་བརྟན་དུ་འགྲོ་བཞིན་ཡོད། འདས་པའི་ལོ་ ༣༠ རིང་ཚན་རིག་པ་དང་འབྲེལ་བ་བྱས་ཏེ། ཚོད་ཐིག་ཏེ་ཁོག་ལོན་པའི་མཚམས་ལ་གདན་ས་ཁག་ཏུ་ཨ་རིའི་སློབ་གྲྭ་ཁག་ཅིག་གིས་རོཊ་རམ་བྱས་ཏེ། ཚན་རིག་སློབ་དེབ་བོད་ཡིག་ཏུ་བསྒྱུར་བ་རེད། ཉེ་ཆར་འབྲས་སྤུངས་ལ་ཚན་རིག་པ་མཉམ་དུ་བགྲོ་གླེང་ཚོཊ་སྐབས་ཚན་རིག་པས་དགའ་བོ་ཞེ་དྲག་བྱེད་ཀྱི་འདུག གྲྭ་ཚང་གི་ཆོས་ར་འཚོཊ་སར་ཁྲིད་སྐབས། སྐད་སྒྱུར་ཡག་པོ་ཡོད་པའི་ཐོག་བརྗོད་བྱར་དོ་སྣང་ཆེན་པོས་ཉན་ཏེ་དགའ་བོ་བྱེད་ཀྱི་འདུག བགྲོ་གླེང་གནས་སྟངས་ཡག་པོ་ཞེ་དྲག་འདུག་ལབ་ཀྱི་འདུག སྐབས་དེའི་ཚོཊ་འདུ་ཞིག་གི་སར་ཚན་རིག་པ་སྤོ་ལཊ་ཤིག་གིས་ཡོངས་བསྒྲཊ་ཐོག་མ་གཞི་ཁོ་རང་ནང་པ་མིན། ཡིན་ནའང་སྐྱེ་བ་སྔ་ཕྱི་ལ་ཡིད་ཆེས་ཡོད་ཅེས་བཤད་སོང་། ནང་པས་འགྲེལ་བཤད་བརྒྱབ་ཡོང་སྐབས་ཚན་རིག་པ་རྣམ་དཔྱོད་ལྡན་པ་ཡིན་དུས། རྒྱུ་མཚན་ཞིག་མཐོང་སྟེ་བསམ་བློ་གཏོང་གི་འདུག ཁོང་ཚོ་རང་ལྟ་མཆོག་འཛིན་བྱེད་མཁན་གྲས་མ་རེད། དེ་མིན་ང་ཚོའི་ནང་རང་ལྟ་མཆོག་འཛིན་བྱས་ཏེ་སོ་སོའི་ལྟ་གྲུབ་རེ་འཁྱེར། རྒྱུ་མཚན་བཤད་རྒྱུ་མེད་པར་མི་ཚང་མས་དེར་ཡིད་ཆེས་བྱ་དགོས་ལབ་ན་ཡག་པོ་མ་རེད། ”ཅེས་གསུངས།

བོད་ལ་ཆབ་སྲིད་འཕོ་འགྱུར་བྱུང་ཡང་ཆོས་དང་རིག་གཞུང་གིས་བོད་མི་རིཊ་གཅིག་གྱུར་བྱས་ཡོད་པའི་ཐད་གསུངས་དོན། “བོད་ཀྱི་བླ་སྲོག་དེ་ཕལ་ཆེར་སངས་རྒྱས་པའི་ལྟ་གྲུབ་རེད་ལབ་ཆོག་གི་རེད། ལོ་རྒྱུས་ཐོག་ནས་བཤད་ན། ཆོས་རྒྱལ་ཁྲི་སྲོང་ལྡེ་བཙན་དང་མངའ་བདག་ཁྲི་རལ་བ་ཅན་གྱི་སྐབས། བོད་དེ་ཆོས་སྲིད་གང་ཐད་ནས་གྲ་རྒྱས་ཤོས་ཡིན་པའི་དུས་སྐབས་རེད། དེ་དང་འབྲེལ་ཏེ་མི་རིཊ་ཡོངས་རྫོཊ་གཅིག་སྒྲིལ་དང་སྟོབས་ཤུཊ་ཡོད་བསྡད་པ་ཞིག་རེད། དེ་ནས་བོད་སིལ་བུར་ཐོར་རྗེས་བོད་ཀྱི་ཆབ་སྲིད་ཐོག་འཕོ་འགྱུར་མང་པོ་ཕྱིན་ཡོད་ཀྱང་། བོད་མདོ་སྨད་བར་གསུམ་ཆིག་སྒྲིལ་བྱས་ཏེ་སྡོད་ཐུབ་པ་དང་། མི་རིཊ་ཀྱི་བླ་སྲོག་ཉམས་པ་མེད་པར་བསྡད་པ་དེ་བོད་ཀྱི་ཆབ་སྲིད་ཀྱི་སྐད་ཆ་མ་རེད། བོད་ཀྱི་ཆོས་དང་རིག་གཞུང་། སྐད་ཡིག་གི་ཐོག་ནས་ཡོང་བ་ཞིག་རེད། སྔར་ཡིན་ན་དེ་ལྟར་རེད་ལ། ད་ལྟ་ཡིན་ནའང་བླ་སྲོག་དེ་ཤེས་ཡོན་གྱི་ཐོག་ནས་ཡོང་དགོས་པ་ཞིག་རེད། ང་ཚོར་སྔ་མོ་ནས་ཡོད་བསྡད་པའི་ཤེས་ཡོན་དེ་བདག་པོ་རྒྱག་རྒྱུ་གལ་ཆེན་པོ་རེད། ང་ཚོ་མང་པོ་ཞིག་གིས་བསམ་བློ་རྒྱ་ཆེ་ས་གཏོང་མ་ཐུབ། དངོས་ཡོད་གནས་ཚུལ་ལ་ཞིབ་འཇུག་མ་བྱས། དེའི་ཐོག་ཉམས་མྱོང་ཡང་མེད་པར་ཨ་གསར་བྱས་ཏེ་འགྲོ་བསྡད་པ་དེ་ཉེན་ཁ་ཆེན་པོ་རེད། དེར་གཟབ་གཟབ་བྱ་རྒྱུ་གལ་ཆེན་པོ་རེད། ” ཅེས་གསུངས།

༸ གོང་ས་མཆོག་གིས་མུ་མཐུད་དུ་འགྲོ་བ་མིའི་རིགས་ནི་མཛའ་བཤེས་ཀྱིས་འཚོ་བཞིན་པའི་སྤྱི་ཚོགས་ཀྱི་སེམས་ཅན་ཞིག་དང་། ཡ་རབས་བྱེད་པ་ནི་ཆོས་ལུགས་དང་འབྲེལ་བའི་སྐད་ཆ་གང་ཡང་ཆགས་མེད་པར། མི་སུ་འདྲ་ཞིག་ཡིན་རུང་ཡ་རབས་བྱེད་དགོས་པར་མ་ཟད། ཡ་རབས་བྱས་ན་སོ་སོར་གཉེན་དང་མཛའ་བཤེས་གང་མང་རག་རྒྱུ་དང་རང་ཉིད་ལ་བདེ་སྐྱིད་ལྡན་པའི་མི་ཚེ་ཞིག་ཡོང་གི་ཡོད་ཅིང་། དེ་ལས་ལྡོག་སྟེ་ཕན་ཚུན་བར་ཡིད་ཆེས་མེད་ན་མཛའ་བཤེས་ཡོང་མི་སྲིད་པ་དང་། མཛའ་བཤེས་བསླེབ་པར་དྲང་པོ་དྲང་བཞག་དང་ཕྱི་གསལ་ནང་གསལ། ཕན་སེམས་བཅས་བསྐྱེད་ཐུབ་པ་བྱ་དགོས་ཤིང་། འཛམ་གླིང་འདིའི་ནང་སྡུག་བསྔལ་མང་པོ་འབྱུང་བཞིན་པའི་གཞི་རྩ་གཙོ་བོ་ཡ་རབས་སྤྱོད་པས་མ་འདང་བ་ཞིག་ཡིན་སྟབས། མ་འོངས་པར་མིའི་རིགས་ཀྱི་སྡུག་བསྔལ་ཉུང་དུ་གཏོང་དགོས་ན་ཡ་རབས་ཀྱི་སྤྱོད་པ་སྔར་ལས་ཡར་རྒྱས་གཏོང་དགོས་སྐོར་གསུངས།

མཇུག་ཏུ་ ༸གོང་ས་མཆོག་གིས་རྒྱ་གར་ནི་ཆོས་དད་ཡོད་པའི་རྒྱལ་ཁབ་ཆེན་པོ་ཞིག་ཡིན་རུང་། རྒྱལ་ཁབ་འདིའི་ནང་ལྐོག་ཟ་རུལ་སུངས་དང་ཁྲིམས་འགལ་བྱེད་མཁན་མང་པོ་ཡོད་པ་དེ་ཆོས་ལུཊ་དང་འགལ་ཟླ་ཆཊ་ཡོད་ཅིང་། ཆོས་ཁས་མི་ལེན་མཁན་ཞིག་ཡིན་ཚེ། ལས་རྒྱུ་འབྲས་ཀྱི་སྐད་ཆ་གང་ཡང་བཤད་ས་མེད་སྟབས་ཁྲིམས་ལུཊ་ལས་གཞན་པའི་ཞེད་སྣང་སྐྱེས་ས་མེད་ཀྱང་། དཀོན་མཆོག་ཁས་ལེན་མཁན་ཞིག་གིས་དཀོན་མཆོག་ལ་གསོལ་བ་སྨོན་ལམ་རྒྱག་བཞིན་དུ་ཆེས་མ་རབས་དང་ལྐོག་ཟ་རུལ་སུངས། གཞན་ལ་མགོ་སྐོར་དང་གནོད་སྐྱེལ་བ་སོགས་བྱས་ན་དཀོན་མཆོག་གི་བཀའ་དང་རྒྱབ་འགལ་དུ་སོང་ཡོད་སྐོར་གསུངས།

ཐེངས་འདིའི་བཀའ་ཆོས་དབྱིན་སྐད་དང་རྒྱ་སྐད་གཙོས་སྐད་ཡིག་ཁག་ཅིག་ནང་སྐུ་སྒེར་དྲ་རྒྱ་བརྒྱུད་ཐད་གཏོང་གནང་འདུག

གསར་འགོད་པ། དཔལ་ལྡན།