ད་ལོའི་གཞུང་ཞབས་ཡིག་རྒྱུཊ་ཁྲོད་ས་རཱའི་ཟབ་སྦྱོང་ནང་ཞུཊ་མཁན་ཚོས་གྲུབ་འབྲས་ཆེན་པོ་བླངས་ཡོད་ཀྱང་། ཕྱི་ལོཊ་ནས་ཡིག་རྒྱུཊ་གཏོང་མཁན་ ༦༢ བྱུང་བའི་ནང་མི་ ༧ མ་གཏོཊ་ཚུད་མི་འདུག་ཟེར།
བཀའ་ཤག་སྐབས་བཅུ་བཞི་བས་བོད་མིའི་སྒྲིག་འཛུགས་ཀྱི་གཞུང་ཞབས་གསར་པ་དག་གི་ཆུ་ཚད་མཐོ་རུ་གཏོང་ཆེད་དང་། བཙན་བྱོལ་བོད་མིའི་མཐོ་རིམ་སློབ་ཕྲུག་ཚོ་གཞུང་ཞབས་ཁོངས་སུ་ཚུད་ཐབས་ལ། སྔ་ལོར་ས་རཱ་མཐོ་སློབ་ཏུ་མཐོ་རིམ་སློབ་ཕྲུག་ ༤༠ ཙམ་ལ་ཟླ་ ༥ རིང་ཟབ་སྦྱོང་ཞིག་སྤྲོད་ཡོད་ཅིང་། ཕྱི་ཟླ་ ༡༢ ནང་དངོས་སུ་ཡིག་རྒྱུགས་བཏང་ཡོད་པ་དང་། ཡིག་རྒྱུགས་གྲུབ་འབྲས་ཟླ་འདིའི་ཕྱི་ཚེས་ ༡༢ ཉིན་གསལ་བསྒྲགས་བསྐྱངས་སྟབས། ཕྱི་ཚེས་ ༡༥ ཉིན་གསར་འགོད་པས་གཞུང་ཞབས་འདེམས་བསྐོ་ལྷན་ཁང་དྲུང་ཆེ་སྣང་ས་ཆོས་སྒྲོན་ལཊ་སུ་ཡིག་རྒྱུཊ་གྲུབ་འབྲས་ཐད་བཀའ་འདྲི་ཞུས་པར། ད་ལོར་གཞུང་ཞབས་ཁོངས་ཡིག་རྒྱུཊ་འཕྲོད་མཁན་མང་ཆེ་བ་སྔ་ལོར་ས་རཱ་མཐོ་སློབ་ཏུ་ཟབ་སྦྱོང་ནང་ཞུཊ་མཁན་ཆཊ་ཡོད་ཅིང་། ཕྱི་ལོགས་ནས་ཡོང་མཁན་དག་གང་འཚམ་དབྱིན་ཡིག་ཡག་པོ་ཡོད་ཀྱང་བོད་ཡིག་དང་ཆབ་སྲིད་གོ་རྟོཊ་ཞན་པས་ཡིག་རྒྱུཊ་ནང་ཚུད་མེད་པ་དང་། ཁོང་སྒེར་ངོས་ནས་གཞུང་གིས་གོ་སྒྲིག་ཞུས་པའི་ཟབ་སྦྱོང་དེ་གལ་གནད་དུ་བརྩི་བཞིན་ཡོད་སྟབས། མ་འོངས་པར་གཞུང་ཞབས་ཁོངས་འཛུལ་འདོད་ཡོད་རིཊ་ཚོས་ཟབ་སྦྱོང་དེར་ངེས་པར་དུ་དོ་སྣང་སྤྲོད་དགོས་སྐོར་དང་། ཡིག་རྒྱུཊ་འཕྲོད་མཁན་ཨང་རིམ་དང་པོ་རྣམས་འདེམས་བསྐོ་ལྷན་ཁང་གིས་གནས་རིམ་སྤར་ཏེ་བཀའ་ཤག་གིས་ལས་བགོས་ལ་སྒུག་ཡོད་ཚུལ། ཡིག་རྒྱུགས་འཕྲོད་ཀྱང་ས་མིག་མེད་མཁན་དག་ལ་བཀའ་ཤག་དང་གྲོས་བསྡུར་གྱིས་ཐག་གཅོད་གནང་རྒྱུ་ཡིན་སྐོར་བརྗོད་སོང་།
གཞུང་ཞབས་འདེམས་བསྐོ་ལྷན་ཁང་དྲུང་ཆེ་ལགས་ཀྱིས་བརྗོད་པ་ལྟར་ན། ད་ལོའི་གཞུང་ཞབས་འདེམས་བསྐོ་ལྷན་ཁང་གི་ཡིག་རྒྱུགས་ཁྲོད་གནས་རིམ་མི་འདྲ་བའི་ལས་བྱེད་ས་མིག་ ༤༣ ཡོད་པའི་ཐོག དངོས་སུ་ཡིག་རྒྱུཊ་ནང་ཞུགས་མཁན་ ༡༢༩ བྱུང་ཡོད་པ་དང་། དེའི་ཁྲོིད་ཡིག་འཕྲོད་མཁན་ ༣༨ བྱུང་ཡོད་འདུག ས་རཱ་མཐོ་སློབ་ཀྱི་ཟབ་སྦྱོང་ནང་ཞུཊ་མཁན་ ༤༠ བྱུང་བའི་ཁྲོད་ནས་ད་རེབ་ཀྱི་ཡིག་རྒྱུགས་ནང་མི་ ༣༩ ཞུགས་ཡོད་པ་དང་། དེ་དག་ལས་མི་ ༢༧ གྱིས་ཡིག་རྒྱུཊ་འཕྲོད་ཡོད་ཅིང་། མི་གཅིག་དེ་སྔོན་ནས་གཞུང་ཞབས་ནང་ཚུད་ཡོད་སྐོར་བརྗོད་བྱུང་།
ད་ཡོད་བོད་མིའི་སྒྲིག་འཛུགས་ལྷན་ཁང་ཁག་གི་གཞུང་ཞབས་གནས་རིམ་དམའ་བོ་དང་། རང་ཁོངས་ལས་བྱེད། ཆོད་གན་ལས་བྱེད་བཅས་ཀྱི་ཁྲོད་ད་རེབ་ཡིག་རྒྱུགས་ནང་ཞུགས་མཁན་ ༢༥ བྱུང་ཡོད་པ་ལས་མི་ ༤ ཙམ་ལས་འཕྲོད་མི་འདུག ཕྱི་ལོགས་ནས་ཡིག་རྒྱུཊ་གཏོང་མཁན་ ༦༢ བྱུང་པ་ལས་རྒྱུཊ་འཕྲོད་མཁན་ ༧ ཙམ་བྱུང་འདུག ཁྱོན་ད་རེབ་གཞུང་ཞབས་ཡིག་རྒྱུཊ་འཕྲོད་མཁན་བུ་ ༢༣ དང་བུ་མོ་ ༡༥ བཅས་ཡོད་འདུག
ད་ལོའི་བོད་མིའི་སྒྲིག་འཛུགས་ཀྱི་གཞུང་ཞབས་ལས་བྱེད་ཁོངས་སུ། ཟུང་དྲུང་ས་མིག་ ༤ ལ་ཡིག་རྒྱུཊ་གཏོང་མཁན་ ༧ བྱུང་ཡོད་པའི་ནང་རྒྱུཊ་འཕྲོད་མཁན་མི་ ༡ ལས་བྱུང་མེད་པ་དང་། དྲུང་གཞོན་ས་མིག་ ༢ ལ་ཡིག་རྒྱུཊ་གཏོང་མཁན་ ༨ ཙམ་བྱུང་བའི་ཁྲོད་རྒྱུཊ་འཕྲོད་མཁན་ ༢ ། དྲུང་ལས་ས་མིག་ ༩ ལ་ཡིག་རྒྱུཊ་གཏོང་མཁན་ ༣༦ བྱུང་བའི་ཁྲོིད་རྒྱུཊ་འཕྲོད་མཁན་ ༩། སྡེ་ཚན་འགན་འཛིན་ས་མིག་ ༤ ལ་ཡིག་རྒྱུཊ་གཏོང་མཁན་ ༡༢ བྱུང་བའི་ཁྲོད་རྒྱུཊ་འཕྲོད་མཁན་ ༥། ལས་ཁུངས་དོ་དམ་ས་མིག་ ༤ ལ་ཡིག་རྒྱུཊ་གཏོང་མཁན་ ༨ བྱུང་བའི་ནང་རྒྱུཊ་འཕྲོད་མཁན་ ༥། ལས་དྲུང་ས་མིག་ ༥ ལ་ཡིག་རྒྱུཊ་གཏོང་མཁན་ ༡༨ བྱུང་བའི་ནང་རྒྱུཊ་འཕྲོད་མཁན་ ༤། རྒན་དྲུང་ས་མིག་ ༨ ལ་ཡིག་རྒྱུཊ་གཏོང་མཁན་ ༢༧ བྱུང་བའི་ནང་རྒྱུཊ་འཕྲོད་མཁན་ ༤ ། གཞོན་དྲུང་ས་མིག་ ༤ ལ་ཡིག་རྒྱུཊ་གཏོང་མཁན་ ༡༣ བྱུང་བའི་ཁྲོད་རྒྱུཊ་འཕྲོད་མཁན་ ༧ བཅས་བྱུང་ཡོད་འདུག
གསར་འགོད་པས་གཞུང་ཞབས་འདེམས་བསྐོ་ལྷན་ཁང་གི་འགན་འཛིན་འཇམ་དཔལ་ཆོས་བཟང་ལཊ་སུ་ད་ལོའི་གཞུང་ཞབས་འདེམས་བསྐོ་ལྷན་ཁང་གི་ཡིག་རྒྱུཊ་གྲུབ་འབྲས་ཐོག་གཟིགས་ཚོར་གང་འདྲ་བྱུང་ཡོད་མེད་བཀའ་འདྲི་ཞུས་པར། ལོ་སྔོན་མར་བོད་མིའི་སྒྲིག་འཛུཊ་བཀའ་ཤག་དང་གཞུང་ཞབས་འདེམས་བསྐོ་ལྷན་ཁང་གིས། ས་རཱ་མཐོ་སློབ་ཏུ་དུས་ཡུན་ཟླ་ ༥ རིང་འགྲོ་སོང་ཆེན་པོ་བཏང་སྟེ་ཟབ་སྦྱོང་སྤྲད་པའི་རྐྱེན་གྱིས། ཐེངས་འདིའི་གཞུང་ཞབས་ཡིག་རྒྱུཊ་ཁྲོད་སྔར་དང་མི་འདྲ་བའི་གྲུབ་འབྲས་ཐོན་ཡོད་ཅིང་། གཞུང་གི་གནང་སྟངས་དེ་གསར་གཏོད་དང་ཕན་ནུས་ལྡན་པ་ཞིག་ཡིན་པའི་ཆ་ནས། བཀའ་ཤག་གི་ལམ་སྟོན་འོག་གཞུང་ཞབས་འདེམས་བསྐོ་ལྷན་ཁང་གིས་ཟབ་སྦྱོང་ཐེངས་གཉིས་པ་གསལ་བསྒྲཊ་བསྐྱངས་ཡོད་པ་དང་། བོད་ལ་རང་དབང་མ་འཐོབ་བར་བོད་མིའི་སྒྲིག་འཛུཊ་ནང་ཤེས་ཚད་ཡོད་པའི་ལས་བྱེད་དགོས་རྒྱུ་ཧ་ཅང་གལ་ཆེན་ཡིན་སྟབས། གཞུང་གི་ལས་བྱེད་ནང་ཟབ་སྦྱོང་གི་ཉམས་མྱོང་གང་ཡང་མེད་མཁན་ཞིག་ལས། ཟབ་སྦྱོང་སྤྲད་དེ་ཡིག་རྒྱུཊ་བརྒྱུད་གཞུང་ཞབས་ཁོངས་འཛུལ་མཁན་ལྡབ་འགྱུར་གྱིས་ཡག་པོ་ཡོད་པ་ས་རཱའི་ཟབ་སྦྱོང་གིས་ར་སྤྲོད་གསལ་པོ་བྱས་ཡོད་སྐོར་བརྗོད།
འཇམ་དཔལ་ཆོས་བཟང་ལགས་ཀྱིས་མུ་མཐུད་དུ། གཞུང་ཞབས་ཡིག་རྒྱུཊ་ཁྲོད་ཞུཊ་མཁན་ཚོས་དངོས་གཞིའི་ཡིག་རྒྱུཊ་སྐབས་བོད་དབྱིན་འབྲི་རྒྱུཊ་དང་ངག་རྒྱུཊ་གཏོང་དགོས་པར་མ་ཟད། གཞུང་གི་ཡིག་རྒྱུགས་ནང་ཚུད་དགོས་ན་ངེས་པར་དུ་བོད་ཡིག་དང་དབྱིན་ཇི། ཆབ་སྲིད་བཅས་རེ་རེ་ལ་སྐར་གྲངས་ ༨༠ ཡོད་པ་ལས་ ༥༠ འདང་དགོས་པ་དང་། ཨང་རྩིས་ལ་སྐར་གྲངས་ ༥༠ ཡོད་པ་ལས་ ༢༥ འདང་དགོས། ས་རཱ་མཐོ་སློབ་ཀྱི་ཟབ་སྦྱོང་ཧྲིལ་པོར་ཞུཊ་མཁན་དག་ལས་སློབ་ཚན་རེར་བརྒྱ་ཆ་ ༥༠ ཡོད་པ་ལས་ ༣༣ ལོན་མཁན་དག་ལ་སྐར་མ་ ༥ དམིཊ་བསལ་ཁ་སྣོན་དང་ ༤༠ ཡན་ལོན་མཁན་ལ་སྐར་མ་ ༧ རེ་ཁ་སྣོན་བྱེད་ཀྱི་ཡོད་འདུག
མཇུག་ཏུ་ཁོང་གིས་སྔོན་ཆད་གཞུང་ཞབས་ནང་ཡིག་རྒྱུཊ་གཏོང་བར་མ་མཐར་འཛིན་རིམ་བཅུ་གཉིས་ཐོན་པའི་ལག་འཁྱེར་དགོས་ཤིང་། ད་ལོར་ཡིག་རྒྱུཊ་ནང་ཞུཊ་མཁན་མང་ཆེ་བ་མཐོ་སློབ་མཐར་ཕྱིན་ཤ་སྟག་ཡིན་པའི་ཁར། ས་རཱའི་ཟབ་སྦྱོང་ནང་ཐོག་མར་ཞུཊ་མཁན་མཐོ་སློབ་ཐོན་མཁན་ ༢༤༠ བྱུང་པ་ལས་ ༤༠ རྩེ་ཏོག་བྱས་པ་དང་། སྤྱི་ཡོངས་ཀྱི་གནས་སྟངས་ཐོག་ཕྱི་ལོཊ་སུ་ཡིག་རྒྱུཊ་ནང་ཞུགས་མཁན་རྣམས་བོད་ཡིག་དང་ཆབ་སྲིད། དབྱིན་ཇི། ཨང་རྩིས་གང་ཐད་ནས་ཤེས་ཚད་ཧ་ཅང་སྐྱོ་བོ་ཡིན་སྐོར་བརྗོད་བྱུང་།
གསར་འགོད་པས་ད་རེབ་ཡིག་རྒྱུགས་ནང་ཞུགས་མཁན་རེ་ཟུང་གིས་རྒྱུགས་འབྲས་སྐར་གྲངས་སྤྲོད་ཕྱོགས་དྲང་མོ་བྱུང་ཡོད་མེད་ཀྱི་སྐད་ཆ་ཞིག་ཡོང་གི་ཡོད་པའི་ཐད་བཅར་འདྲི་ཞུས་པར་ཁོང་གིས། ད་རེབ་ཡིག་རྒྱུགས་སྐར་གྲངས་སྤྲོད་སྟངས་ཐད་འགའ་རེས་གཞུང་ཞབས་འདེམས་བསྐོ་ལྷན་ཁང་གིས་བརྒྱ་ཆ་སྤྲོད་སྟངས་ནོར་འདུག་ཟེར་མཁན་བྱུང་། དེ་ནི་སོ་སོས་བརྒྱ་ཆ་སྤྲོད་སྟངས་ཀྱི་རྒྱབ་ལྗོངས་གསལ་པོ་མ་རྟོཊ་པའི་སྐྱོན་ཡིན་པ་ལས། གཞུང་ཞབས་འདེམས་བསྐོ་ལྷན་ཁང་གིས་དྲང་པོ་མ་བྱས་པ་དང་རྩིས་ནོར་ཐེབས་པའི་གནས་ཚུལ་རྩ་བ་ནས་བྱུང་མེད་ཟེར།
དེ་རེབ་དྲུང་གཞོན་ལས་རོགས་ལ་ཡིག་རྒྱུག་འཕྲོད་མཁན། དེ་སྔོན་(TCRC) ནང་ལས་དྲུང་འཇིཊ་མེད་ཚེ་ལྡན་ལཊ་སུ་བཅར་འདྲི་ཞུས་པར། ད་ལོར་ལོ་སྔོན་མ་དང་མ་འདྲ་བར་གཞུང་ཞབས་ཡིག་རྒྱུཊ་གཏོང་ཕྱོཊ་ལ་འགྱུར་བ་ཆེན་པོ་བཏང་འདུག ལྷག་པར་དུ་བོད་ཡིག་དང་དབྱིན་ཡིག ཆབ་སྲིད་དང་ཨང་རྩིས་བཅས་ཀྱི་སྐོར་ལ་ཡིག་རྒྱུཊ་མ་འདྲ་བ་ཞིག་བཏང་འདུག ང་རང་སྒེར་ངོས་ནས་ཡིག་རྒྱུགས་གཏོང་ཕྱོགས་དེ་བོད་མིའི་སྒྲིག་འཛུགས་ཀྱི་ལས་བྱེད་དགོས་མཁོ་དང་འཚམ་པ་ཞིག་ལ་ངོས་འཛིན་བྱེད་ཀྱི་ཡོད་ཟེར།
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དེང་སྐབས་གངས་ཅན་སྐྱིད་གཤོངས་ལ་རྒྱུས་མངའ་མེད། གསལ་བོ་མི་ཤེས། ཡིན་ནའང་སྔོན་ཆད་ངོ་མ་ཐབས་སྐྱོ་བོ་ཡིན། ལས་ཁུངས་ཤིག་ལ་དཔེ་བཞག་ན། ལས་ཁུངས་དེའི་མགོ་ཁྲིད་སྐུ་ངོ་སུ་ཞིག་ཡིན་པ་དང་། དེ་ལུང་ཚན་གང་ཞིག་ནས་ཡིན་ན་དེའི་འོག་གི་ལས་བྱེད་མང་ཆེ་བ་ཁོའི་ཉེ་འཁོར་རྐྱང་རྐྱང་ཆགས་འགྲོ་བ་རེད། དེ་བོད་གཞུང་གི་ལྷན་ཁང་ཁག་གི་སྔོན་མའི་བཀའ་བློན་སུ་སུ་བཞུགས་ཡོད་མེད་དང་དྲུང་ཆེ་སུ་སུ་བསྐོས་ཡོད་མེད། སྐབས་དེ་དག་ཏུ་ལས་ཁུངས་དེ་དག་ནང་གི་ལས་བྱེད་སུ་སུ་ཡིན་མི་ལ་ཕྱིར་མིག་བལྟས་ལ་གསལ་བོ་ཆགས་ཡོང་གི་རེད། ཁ་སང་དེ་རིང་ལ་མཚོན་ནའང་ང་ལ་དོགས་པ་ཆེན་པོ་ཡོད།
བཀའ་ཤག་གསར་པས་ང་ཚོ་གྲ་སྒྲིག་སྡུག་ས་ནས་ལས་འགོ་བརྩམས་པའི་ལས་འཆར་འདི་བཞིན་ཤིན་ཏུ་ལེགས་པོ་བྱུང་འདུག་ལབ་སྤྲོ་སོང་།
དྲང་པོ་དང་རྩིས་ནོར་འཐད་གང་ཡང་བཤད་རྒྱུ་་མེད། སྤྱི་ཡོངས་ཀྱི་འགྲོ་སྟངས་ཆ་ནས་འགྲིག་བསྡད་ཡོད་ས་རེད།
མི་སྒེར་གྱི་འབྲེལ་ལམ་ལས་ནུས་ཤུགས་ལྡན་པའི་འབྲེལ་ལམ་མེད་པས་མ་དྲང་པ་བྱས་འདུག་བསམས་ཀྱང་བྱེད་ཐབས་ཅང་མེད་པ་རེད།
ལེགས་པོ་བྱུང་བར་བསྔགས་སོ།།
ང་རང་དོགས་པ་ཆེ་ཤོས་དེ་ད་རེས་གཞུང་ཞབས་བསྡུ་སྟངས་དྲང་མོ་བྱུང་ཡོད་མེད་དེ་ཡིན། སྐར་གྲངས་སྤྲོད་མཁན་སུ་དག་རེད། དེ་ལ་དཔུང་དཔྱོད་པ་སུ་དག་ཡོད་པ་རེད། ཕྱི་ལོགས་ན་སྐད་ཆ་འདྲ་མིན་ཞིག་བཤད་ཡོང་གི་འདུག གཞུང་ཞབས་འདེམས་ལྷན་ནས་མི་མང་གི་དོགས་པ་རྣམ་རྟོག་སེལ་བ་ཞིག་བཟོ་དགོས་ཡོད།