དཔལ་ས་སྐྱ་གོང་མ་རིན་པོ་ཆེ་མཆོག་གིས་སུད་སིའི་གྲོང་ཁྱེར་འཛི་རིག་ཏུ་མི་མང་ ༣༠༠༠ ལྷག་ལ་རྟ་ཕྱག་ཁྱུང་གསུམ་གྱི་བཀའ་དབང་གནང་འདུག
སུད་སི་གནས་སྡོད་སྟག་ལྗོངས་འཆི་མེད་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་དོན་ལ། ཡོ་རོབ་སྔ་འགྱུར་རྙིང་མའི་རིག་འཛིན་འདུས་སྡེ་དང་ས་སྐྱའི་བརྩེ་ཆེན་ཆོས་ཚོཊ་ཐུན་མོང་གིས་གདན་ཞུས་ལྟར། ཟླ་འདིའི་ཕྱི་ཚེས་ ༤ ཉིན་ནས་དཔལ་ས་སྐྱ་གོང་མ་རིན་པོ་ཆེ་མཆོག་གིས་སུད་སི་དང་ཧྥ་རན་སི། སི་ཕན། ཨ་རི་བཅས་ཀྱི་ཆོས་ཚོཊ་ཁག་ཏུ་དུས་ཡུན་ཟླ་ ༣ རིང་ཆོས་ཕྱོཊ་མཛད་འཕྲིན་ཁག་སྐྱོང་མགོ་བཙུཊ་ཡོད་ཅིང་། ཕྱི་ཚེས་ ༡༧ ཉིན་སུད་སིའི་གྲོང་ཁྱེར་འཛི་རིག་ནང་ས་གནས་བོད་མི་གཙོས་ཆོས་ཞུ་བ་ ༣༠༠༠ བརྒལ་བར་རྟ་ཕྱག་ཁྱུང་གསུམ་གྱི་བཀའ་དབང་གནང་ཡོད་འདུགཉིན་དེའི་བཀའ་དབང་གི་ཆོ་ག་ཁག་ལེཊ་པར་གྲུབ་མཚམས་ས་སྐྱ་གོང་མ་རིན་པོ་ཆེ་མཆོག་གིས་མང་ཚོགས་ལ་བླང་དོར་བཀའ་སློབ་བསྩལ་ཏེ། རང་ཉིད་ནང་པའི་ཞིག་ཡིན་པའི་ཆ་ནས་དཀོན་མཆོག་གསུམ་ལ་གསོལ་བ་འདེབས་རྒྱུ་གལ་ཆེན་ཡིན་རུང་། ཉིན་མ་རེ་རེའི་ནང་སྒེར་ངོས་ནས་ལས་དོན་གང་ཅིའི་ཐད་སྡུག་རུས་དང་བཟོད་བསྲན་བྱ་རྒྱུ་དེ་ལས་འགངས་ཆེན་ཡིན་པ་དང་། ལྷག་པར་དུ་དེང་སྐབས་བོད་གངས་ཅན་གྱི་གནས་སྟངས་ཧ་ཅང་ཛ་དྲག་གི་གནས་སུ་ལྷུང་ཡོད་སྟབས། བོད་མི་མི་རེ་ངོ་རེས་༸གོང་ས་མཆོག་གི་བཀའ་དགོངས་བཞིན་སྐབས་བབ་རང་འཁྲིའི་ལས་འགན་ཕྲག་ཏུ་ལེན་དགོས་པར་མ་ཟད། རྒྱལ་ཁབ་དང་ས་གནས་གང་དུ་གནས་སྡོད་བྱེད་མིན་ལ་མ་ལྟོས་པར། བོད་མིའི་ཡ་རབས་བཟང་སྤྱོད་མི་ཉམས་རྒྱུན་འཛིན་པའི་དགོས་སྐོར་གསུངས་ཡོད་འདུག
སུད་སི་ཁུལ་གྱི་མཛད་འཆར་ཁག་གྲུབ་རྗེས་དཔལ་ས་སྐྱ་གོང་མ་རིན་པོ་ཆེ་མཆོག་གིས་མུ་མཐུད་དུ་ཧྥ་རན་སི་དང་སི་ཕན། ཨ་རིའི་ཆོས་ཚོགས་བཅས་སུ་ས་གནས་མང་ཚོགས་ལ་ཆོས་འབྲེལ་འཇོག་རྒྱུ་ཡིན་འདུག
གསར་འགོད་པ། དཔལ་ལྡན།
