དེ་རིང་ཕྱི་དྲོ་མདོ་སྨད་འཛམ་ཐང་དུ་རང་ལོ་ ༣༠ ཡིན་པའི་བུད་མེད་ཅིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག
དེ་རིང་ཕྱི་ཚེས་ ༢༤ ཉིན་གྱི་བོད་ནང་གི་ཆུ་ཚོད་ ༣:༣༠ ཙམ་ལ་མདོ་སྨད་འཛམ་ཐང་ཇོ་ནང་དགོན་པའི་འགྲམ་དུ་རང་ལོ་ ༣༠ ཡིན་པའི་བོད་རིགས་བུད་མེད་སྐལ་སྐྱིད་ཞུ་བ་ཞིག་གིས། རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་བྱས་ཏེ་སྐུ་གྲོངས་ཡོད་འདུགཚངས་དབྱངས་རྒྱ་མཚོ་ལགས་ཀྱིས་གནས་ཚུལ་མཁོ་སྤྲོད་གནང་བའི་ནང་། ཁོང་མོའི་སྐུ་ཕུང་རྒྱ་གཞུང་གི་ལག་ཏུ་མ་ཤོར་བར་འབྲེལ་ཡོད་མི་སྣ་ཁག་གིས་འཛམ་ཐང་ཇོ་ནང་དགོན་དུ་གདན་འདྲེན་ཞུས་ཏེ་ད་ལྟ་དགོན་པར་རྒྱུན་བཞུགས་གྲྭ་བ་རྣམས་ཀྱིས་ཕོ་ལུང་དང་མཆོད་འབུལ་སྨོན་ལམ་གསུང་བཞིན་ཡོད་འདུག
དེའི་རྗེས་གནས་ཚུལ་གཉིས་པ་འབྱོར་བའི་ནང་། ས་གནས་རྫོང་སྲིད་གཞུང་དང་ས་གནས་ཉེན་རྟོག་པས་འདས་པོའི་སྐུ་ཕུང་དེ་རིང་མཚན་མོའི་དུས་ཚོད་ ༡༢ བར་ངེས་པར་དུ་ཞུགས་འབུལ་དགོས་པའི་བཙན་བཀའ་བཏང་ཡོད་ཅིང་། དེ་ལྟར་མ་བྱས་ཚེ་ཁོང་མོའི་སྐུ་ཕུང་བཙན་ཁྱེར་བྱ་རྒྱུ་ཡིན་ཚུལ་བརྗོད་སྟབས་དེ་རིང་མཚན་མོའི་དུས་ཚོད་ ༡༢ སྟེང་ཁོང་མོའི་སྐུ་ཕུང་ཞུགས་འབུལ་གནང་རྒྱུ་དང་། ད་ལྟ་འཛམ་ཐང་ཇོ་ནང་དགོན་པའི་གྲྭ་བ་དང་ས་གནས་མི་མང་ ༤༠༠༠ ལྷག་གདུང་སེམས་མཉམ་སྐྱེད་ཆེད་ས་གནས་དེར་འཛོམས་ཏེ། སྐུ་ཕུང་ཞུགས་འབུལ་བྱ་རྒྱུར་གྲྭ་སྒྲིག་བྱེད་བཞིན་ཡོད་འདུག
རྒྱལ་གཅེས་དཔའ་མོ་སྐལ་སྐྱིད་ལགས་ཀྱི་ཕ་ཡུལ་ནི་མདོ་སྨད་འཛམ་ཐང་བར་བ་ཡུལ་ཚོའི་པོས་བ་ཚང་ཞེས་པའི་ཁྱིམ་ཚང་ནས་ཡིན་ཞིང་། ཁོང་མོར་ད་ཆར་ཤུལ་དུ་རང་ལོ་ ༡༥ མན་གྱི་བུ་བདེ་རྣམ་དང་། པོ་ཆུང་། བསོ་པོ། བུ་མོ་ཆུང་བཅས་བུ་ཕྲུག་བཞི་ཡོད་འདུག ཁོང་མོའི་ཁྱོ་གའི་མིང་ལ་གྲུས་པེ་དང་། ཕ་མིང་ལ་མཆོག་ལྡན། མ་མིང་ལ་དཔའ་རིས་བཅས་ཞུ་ཡི་ཡོད་འདུག
འདི་ནི་མདོ་སྨད་འཛམ་ཐང་དུ་བོད་མི་རང་ལུས་མེར་བསྲེགས་གཏོང་མཁན་ཐེངས་ ༥ བ་དེ་ཆགས་ཡོད།
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒྱལ་གཅེས་དཔའ་མོ་ལགས་ལ་བསྔགས་བརྗོད་དང་གདུང་སེམས་མཉམ་བསྐྱེད་ཞུ། ཕྱི་མར་དག་པའི་ཞིང་དུ་སྐྱེ་བར་སྨོན། ཨྃ་མ་ཎི་པདྨེ་ཧཱུཾ། ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།ཨྃ་མ་ཎི་པདྨེ་ཧཱུཾ།
སླར་ཡང་དལ་བརྒྱད་འབྱོར་བཅུ་ཚང་བའི་བོད་མི་ཞིག་ཏུ་སྐྱེ་བར་ཤོག
དཔའ་མཛངས་ལྡན་བའི་སྙིང་ཉེ་བའི་བདག་གི་སེམས་ནོར་ཁྱོད་དྭགས་ཞིང་དུ་སྐྱེས་བའི་སྨོན་ལམ་སྙིང་ནས་འདེབས།