སྡེ་ར་ལྡུན་དོན་འགྲུབ་གླིང་གཞིས་སྒར་གྱིས་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད། སི་རྡི་དུང་སྒྲུབ་དུང་ཕྱུར་གཅིག་དང་བྱེ་བ་གཉིས་ས་ཡ་བཞི་འབུམ་ལྔ་ཁྲི་དགུ་དང་བརྒྱད་སྟོང་ལྷག་གསོག་སྒྲུབ་ཞུས་ཡོད་འདུག
སྡེ་ར་ལྡུན་སི་རྡི་དུང་སྒྲུབ་ཆེན་མོ་གོ་སྒྲིག་ཚོགས་ཆུང་གིས་འདི་གར་གནས་ཚུལ་བཏང་འབྱོར་ལྟར་ན། འདི་ལོ་བོད་ཟླ་ ༡ ཚེས་ ༢༥ ནས་བོད་ཟླ་ ༢ ཚེས་ ༡༠ བར་དོན་གྲུབ་གླིང་གཞིས་སྒར་སི་རྡི་དུང་སྒྲུབ་གཉེར་པ་ཐུན་མོང་གི་གོ་སྒྲིག་འོག རྒྱལ་བའི་བསྟན་པ་འཛིན་པའི་རིས་མེད་སྐྱེས་ཆེན་སྤྱི་དང་། ལྷག་པར་ྋགོང་ས་མཆོག་གི་སྐུ་ཚེ་བརྟན་ཅིང་ཐུགས་ཀྱི་བཞེད་དོན་མཐའ་དག་ལྷུན་གྱིས་འགྲུབ་པ་དང་། ཡངས་པའི་རྒྱལ་ཁམས་སྤྱི་དང་བྱེ་བྲག་གངས་ཅན་བོད་ཀྱི་ལྗོངས་སུ་ཀླ་ཀློའི་གདུག་རྩུབ་ཀྱི་མུན་པ་སེལ་ཏེ་རང་དབང་བདེ་སྐྱིད་ཀྱི་ཉི་མ་འཆར་བའི་སྨོན་འདུན་ཆེད། གུ་རུའི་གཟུངས་སྔཊ་དུང་ཕྱུར་གཅིག་ལྷག་གསོག་སྒྲུབ་བྱས་ཡོད་འདུག
དེའི་རྗེས་ནས་བོད་ཟླ་ ༢ ཚེས་ ༡༥ བར་སྐྱབས་རྗེ་མཁན་པོ་ཐེག་མཆོག་རྒྱལ་མཚན་མཆོག་སི་རྡི་དུང་སྒྲུབ་ཀྱི་ཚོགས་མགོན་དུ་དབུ་བཞུགས་ཐོག ས་གནས་སྐྱ་སེར་གཉིས་ཀྱིས་ཉིན་ལྟར་གུ་རུའི་གཟུངས་སྔགས་དང་བརྒྱ་མཆོད། ཚོཊ་ཁང་གི་རྟེན་མཆོག་སྤྱན་སྔར་མཆོད་སྤྲིན་བརྒྱ་ཚར་འབུལ་ཤོམ་བྱས་ཏེ། བོད་ནང་རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་བྱུས་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད། སི་རྡི་དུང་སྒྲུབ་དུང་ཕྱུར་གཅིག་དང་བྱེ་བ་གཉིས་ས་ཡ་བཞི་འབུམ་ལྔ་ཁྲི་དགུ་དང་བརྒྱད་སྟོང་ ༡༢༤༥༩༨༠༠༠ ལྷག་གསོག་སྒྲུབ་ཞུས་ཡོད་འདུག
གསར་འགོད་པ། དོན་གོ
སི་རྡི་མ་རེད། སིདྡྷི་རེད། ཅེས་པ་ཤིན་ཏུ་བདེན། སིདྡྷི་དངོས་གྲུབ་ཀྱི་སྐད་དོད་ཡིན་པས་སོ། །ཡང་འདིར་སིདྡྷི་ལས་བཛྲགུརུ་ཞེས་བཏགས་ན་མི་བཟང་ངམ་།
གསར་འགོད་པ་ལགས། སི་རྡི་ཟེར་བ་སིདྡྷི་ལ་བཅོས་རོགས།
སི་རྡི་མ་རེད། སིདྡྷི་རེད།
ལས་འགུལ་སྤེལ་བ་མཐོང་སོང་།
ཡིན་ན་ཡང་སི་རྡི་མ་རེད་ལོ།
བཟང་གི་མུ་མཐུད་ནས་ཡིན་གདའ།
བཟང་གི་མུ་མཐུད་ནས་ཡིན་གདའ།