དགའ་ལྡན་ཕོ་བྲང་གི་གསལ་བཤད།

གྲྭ་ཟུར་གསེར་རྟ་ལགས། ཁྱེད་རང་སེམས་རྣལ་དུ་ཕབ་སྟེ་གཅིག་གཟིགས་དང། དྲི་བ་དེའི་ནང་གསུང་རྩོམ་དེ་ཚོ་ག་དུས་གསུང་པ་རེད་དམ།
དེའི་མཇུག་ཏུ་དེའི་ནང་དུ་གཟིགས་ཟེར་བ་དེ་གཟུགས་མཐོང་བརྙན་འཕྲིན་དེ་རེད། དེ་ག་དུས་རེད་ཤེས་པར་གྱིས། དེ་ནས་ཀརྨ་ཆོས་འཕེལ་གྱིས་གསུང་པ་དེ་ཚོ་ལ་རྒྱུ་མཚན་ཡོད་མེད་ཤེས་ཐུབ་ཅེས་པ་དེ་རེད།

བཀྲ་ཤིས་ལྷ་མོ་ཟེར་བའི་རྣ་བ་དང་། མིག སེམས་བཅས་སུ་སྐྱོན་ཤོར་མེད་ན་ངོ་དེབ་ནས་འདིར་ཁྱོད་ཀྱིས་ཕབ་བཤུས་བྱས་པ་དེ་གསུང་རྩོམ་ཞིག་མ་རེད། དེ་༸གོང་ས་མཆོག་དགུང་ལོ་གཞོན་པའི་སྐབས་ཀྱི་བཀའ་སློབ་ཅིག་རེད། དེ་བཞིན་ཏུ་ཁོང་གིས་བཀའ་སློབ་དེའི་ནང་ལ་༸གོང་ས་༸སྐྱབས་མགོན་ཆེན་པོས་ལྗགས་རྩོམ་གནང་བའི་བདེན་གསོལ་སྨོན་ཚིག་ནང་ “ཡོངས་རྫོགས་བོད་ལྗོངས་རང་དབང་གཙང་མའི་དཔལ།” ཞེས་པ་དང་། ལྷ་མོའི་འཕྲིན་བསྐུལ་དུ་ “རང་དབང་དཔལ་ལ་རེ་བཞིན་རྟག་གནས་ན།།” ཞེས་པ་དང་། གནས་ཆུང་འཕྲིན་བསྐུལ་དུ་ “ཆོས་སྲིད་རང་དབང་དགའ་སྟོན་སྒྲུབས་ཤིག་ཀྱེ།།” ཞེས་པ་དང་། དེ་བཞིན་བོད་སྐྱོང་ལྷ་སྲུང་སྤྱིའི་འཕྲིན་བསྐུལ་དུ་ “ཆོས་སྲིད་རང་དབང་གཙང་མའི་སྣང་བའི་དཔལ།།” ཞེས་གསུངས་པ་དེ་དག་ལ་རང་དབང་མ་རེད། རང་བཙན་ཞུ་དགོས་པ་རེད། ཅེས་གང་དུའང་གསུངས་མི་འདུག སྐབས་བབས་ཀྱི་བརྗོད་གཞི་གཙོ་བོ་དེ་ཁོ་ན་རེད།

ད་རིང་དགའ་ལྡན་ཕོ་བྲང་གིས་གསལ་བསྒྲགས་བྱས་པ་དེས། སྤྱི་འཐུས་ཀརྨ་ཆོས་འཕེལ་ཙམ་མིན་པར་བོད་ཀྱི་གཞོན་ནུ་ཚོགས་པ་དང་། བོད་རང་དབང་སློབ་ཕྲུག་ཚོགས་པ། མདོ་སྟོད་ཆུ་བཞི་སྒང་དྲུག་སོགས་རང་བཙན་གླེང་བ་པོ་ཐམས་ཅད་ལ་འགྲམ་ལྕགས་ཡག་ཐག་ཆོད་ཅིག་དང་། མ་འོངས་བོད་ཞེས་པ་དེ་ཁ་ཕྱོགས་ག་འདྲ་ཞིག་ལ་འགྲོ་རྒྱུ་ཡིན་པའང་གསལ་སྟོན་བྱས་ཡོད། ཡིན་ནའང་ཤེས་ཡོན་རྣམ་དཔྱོད་ཀྱི་ཁོག་པ་ཡངས་ཤིང་བོད་མིའི་བདེ་སྡུག་གི་ཕུག་བསམ་ལ་སྙིང་ནས་བརྙགས་པའི་རྒྱ་ཆེའི་བོད་རིགས་ཡོངས་ནས་མ་འོངས་མངོན་གྱུར་ལ་བསམ་བློ་ཞིག་གཏང་རན་པའི་དུས་ལ་སླེབ་ཡོད།

དངོས་ཀརྨ་ཆོས་འཕེལ་ཟེར་བ་དེས་བོད་སྤྱི་ཚོགས་ལ་གནོད་སྐྱེལ་རྒྱུ་ལས་ཕན་ཐོག་པའི་ལས་ཀ་ཞིག་བྱེད་རྒྱུ་མེད་པ་འདྲ།ངས་གསལ་བོ་དྲན་གྱི་མི་འདུག་མོད་ལོ་གཅིག་གཉིས་ཞིག་གི་སྔོན་ལའང་ར་བཟི་ནས་ཕྱི་རྒྱལ་ན་འཚོགས་བཞིན་པའི་ཚོགས་འདུ་ལའང་ཚོགས་ཞུགས་བྱེད་མ་ཐུབ་པར་གནམ་ཐང་ནས་ཞབས་
འདྲེན་ཞུ་ནས་ཡོང་བ་ཞིག་དྲན་གྱི་འདུག ཁོས་སྤྱི་འཐུས་ཚོགས་འདུའི་ཐོག་དེའི་བསམ་འཆར་བཏོན་པ་ནི་སྤྱིར་དམངས་གཙོ་སྤྱི་ཚོགས་ཞིག་ཡིན་པར་བརྟེན་ཐོབ་ཐང་ཆ་ཚང་ཡོད་པ་བདེན་པ་ཡིན་ནའང་། ཁོ་རང་གི་བསམ་ཚུལ་དེ་སེམས་པ་རྣམ་དག་གི་བསམ་འཆར་ཞིག་ཡིན་མིན་དོགས་པ་ཟ་གི་འདུག ཁོ་རང་གིས་༸གོང་༸ས་མཆོག་གི་དགོངས་གཞི་གང་ཡིན་པ་ཤེས་བཞིན་དུ་རྐང་བཙུགས་ནས་དགོངས་པ་ལོག་འགྲེལ་བྱས་པ་མིན་འགྲོ་བསམ་གྱི་འདུག ད་ཐེངས་དགའ་ལྡན་ཕོ་བྲང་གིས་བསལ་བཤད་གནང་བ་དེ་ནི་དུས་ཐོག་ཆར་བ་ཞིག་ཏུ་ངོས་འཛིན་བྱེད་ཀྱི་ཡོད། དེ་འདྲའི་ཆར་བ་དེ་མེད་ཚེ་རྣམ་དཔྱོད་ཡངས་པའི་སྤྱི་དམངས་ལ་སྐྱོན་ཅི་ཡང་མེད་ཀྱང་དེ་འདྲའི་ནུས་པ་མེད་པའི་བོད་མི་སྐོར་ཅིག་ཐན་པ་ཕོག་སྲིད་པའི་རྒྱུ་མཚན་གྱིས་ཡིན།

དྲ་གྲོགས་ཤིག་གིས་གསུངས་པར་རྒྱབ་བསྐྱོར་ཡོད། ད་ལྟའི་བར་དུ་བོད་མིའི་ཁྲོད་ནས་ལུང་རིགས་བཀོལ་ནས་གོང་ས་མཆོག་ལ་རྩོད་པ་རྒྱག་མྱོང་མཁན་བྱུང་མེད་པས། ལོ་རྒྱུས་ཀྱི་ཟིན་ཐོ་གསར་བ་ཞིག་ཡིན་པའི་ཁར། སྟོན་པ་ཐུགས་རྗེ་ཅན་བསྲེག་བཅད་བརྡར་གསུམ་ལ་མོས་པ་བཞིན་དུ་རྒྱལ་བ་དགྱེས་པའི་མཆོད་སྤྲིན་རེད་ལ། བྲོས་བྱོལ་བ་ཚོར་མང་གཙོའི་གོ་རྟོགས་སྤེལ་སླད་ཡང་རེད།

ཀརྨ་ཆོས་འཕེལ་གྱིས་དགོངས་དག་ཞུ་དགོས་དོན་མི་འདུག གང་ཡིན་ཟེར་ན་བོད་མི་ས་ཡ་དྲུག་དང་རྒྱལ་སྤྱིའི་སྤྱི་ཚོགས་ཀྱི་སྔུན་ནས་གོང་ས་སྐུ་ཕྲེང་བཅུ་བཞི་བ་མཆོག་དང་ཐ་སྙད་ཀྱི་རྩོད་པ་དང་། ལུང་འདྲེན་དགག་བཞག་སོགས་བྱེད་ཐུབ་པ་བྱུང་ན། མི་ཕལ་བ་ཞིག་ལ་དེ་ལས་གཟི་བརྗིད་ཆེ་བ་ཞིག་འདུག་གམ།

གསལ་བཤད་འདིར་ཞེ་གཏིང་ནས་དགའ་བསུ་ཡོད། གང་ལགས་ཞེ་ན། ཀརྨ་ཆོས་འཕེལ་གྱི་སྐད་སྒྲ་དེ། རྒྱལ་སྤྱིའི་ཚོགས་སྡེ་ཁག་གི་མིག་ངར་ཐོག་གི་ཡོད་ལ། ལྷག་དོན་རྒྱ་ནག་གཞུང་གིས། རྣ་བ་ལྷང་ངེར་ཉན་ཏེ་གནས་ཚུལ་འདི་རིགས། དབུས་བོད་མིའི་གྲོས་ཚོགས་སམ། ཚོགས་སྡེ་གང་ཞིག་ནས་བཤད་རྒྱུར་སྒུག་ནས་ཡོད།

སྐད་ཆ་འདི་ནི་གོང་ས་མཆོག་སྐུ་སྒེར་གྱི་ཐུགས་གཤིས་དང་འབྲེལ་བ་མ་ཟད། ལྷག་དོན་བོད་ཀྱི་རྩ་དོན་དང་འབྲེལ་བ་ཡོད་པས། གལ་འགངས་ཤིན་ཏུ་ཆེ། ཀརྨ་ཆོས་འཕེལ། ཀརྨ་ཆོས་འཕེལ། ཆབ་སྲིད་པ་དང་ཤེས་ཡོན་ཅན་ཞིག་རེད་ཟེར་་་་་་་་་་་་་།

ཏག་ཏག་བྱུང་འདུག གསལ་བསྒྲགས་འདི་འདྲ་མ་སྤེལ་ན། གནས་དུས་ཚོད་རྩིས་ཀྱིས་ཉིན་ཞིག་མགོར་གཅིན་པའང་མི་གཏོང་བའི་བྱ་སྤྱོད་མི་ཐོན་པ་ག་ལ་སྲིད། ༧གོང་ས་མཆོག་གསེར་ཞལ་ལྷམ་མེར་བཞུགས་ཤིང་མཁྱེན་རླབས་མཆོག་ཏུ་འབར་བའི་འཁྲིས་ནས་ཉི་མ་ཁ་དཀར་ངོ་དཀར་ལ་༧གོང་ས་མཆོག་གི་དགོངས་གཞིར་ལོག་འགྲེལ་དང། ༧གོང་ས་མཆོག་གང་ཉིད་རང་དབང་དང་རང་བཙན་གྱི་གོ་དོན་ཙམ་ལའང་འཁྲུན་ཐག་མ་ཆོད་པར་གནས་པའི་གང་ཟག་ཅིག་ཏུ་ཟུར་ཟ་བྱས་པ། དེ་བཞིན་ལོག་འགྲེལ་མཁན་ཁོ་པ་༧གོང་ས་མཆོག་གི་ཐུགས་ཀློང་ན་བཞུགས་མེད་དམ་སྙམ་པའི་སྐུར་འདེབས་ལོག་ལྟའི་སྒོ་གསུམ་གྱི་བྱ་སྤྱོད་འདི་རིགས་ལ། དུས་ལྟར་དངོས་བདེན་མིན་པའི་གསལ་བསྒྲགས་སྤེལ་བར་སྙིང་ནས་སྤྲོ་ལ། གཙོ་བོ་རང་རེའི་མི་མང་ཚང་མར་གསལ་བསྒྲགས་ཀྱི་དགོངས་དོན་འདི་བཞིན་གཞིས་གྲོང་དགོན་སྡེ་ཁག་གི་ལས་སྣེ་ཚོས་ཏན་ཏན་ཏིག་ཏིག་གིས་གསལ་བཤད་གནང་རྒྱུ་གལ་ཆེན་རེད་འདོད། གཞན་དུ་འཐབ་ཕྱོགས་གཅིག་གྱུར་ནས་ཀྱང་འདི་རིགས་ལག་ཆ་བྱས་ཚེ་བོད་མིའི་སྤྱི་ཚོགས་ནང་ཆེ་མཐོང་མེད་པ་ཤེས་གསལ་ཡང། ད་ལམ་ལག་ཆ་བྱེད་རྒྱུར་རང་བཞིན་གྱིས་ངོ་ཚ་བའི་གནས་སྟངས་ཤིག་ཀྱང་སླེབས་སྲིད་སྟབས། བདེན་པ་རྣམ་པར་རྒྱལ་བ་ནི་མངོན་སུམ་མིག་ལ་ཡང་ཡང་ངེས་ཆུབ་བྱུང།། བོད་རང་དབང་རྒྱལ་ལོ། རྒྱ་ནག་གི་རང་དབང་རྒྱལ་ལོ།།

ཀརྨ་ཆོས་འཕེལ་གྱི་བྱ་སྤྱོད་དེར་བློ་ཕམ་ཆེན་པོ་ཡོད། སོ་སོ་སྒེར་ངོས་ནས་ཀྱང་གསལ་བཤད་ཅིག་ཞུ་དགོས་བསམ་བསྡད་ཡོད་ཀྱང་། ད་རེས་སྐུ་སྒེར་ཡིག་ཚང་ནས་གསལ་བཤད་ཕེབས་པ་འདི་དུས་ཐོག་ཆར་བ་རེད། གསལ་བཤད་འདི་ཧ་ཅང་གལ་ཆེན་ནང་གི་དོན་ཆེན་ལ་རྩིས་ཏེ་གནང་འདུག ཁ་བྱང་ལ་(གལ་ཆེའི་གསར་འགོད་གསལ་བསྒྲགས)ཞེས་བཀོད་དེ་སྐུ་སྒེར་དྲ་རྒྱའི་ནང་སྤེལ་འདུག http://www.gyalwarinpoche.com/content/%E0%BD%82%E0%BD%A3%E0%BC%8B%E0%BD%86%E0%BD%BA%E0%BD%A0%E0%BD%B2%E0%BC%8B%E0%BD%82%E0%BD%A6%E0%BD%A2%E0%BC%8B%E0%BD%A0%E0%BD%82%E0%BD%BC%E0%BD%91%E0%BC%8B%E0%BD%82%E0%BD%A6%E0%BD%A3%E0%BC%8B%E0%BD%96%E0%BD%A6%E0%BE%92%E0%BE%B2%E0%BD%82%E0%BD%A6%E0%BC%8D-0 གནས་ཚུལ་འདི་ལ་ཚང་མས་གཟིགས་ཞིབ་ཡག་པོ་གནང་སྟེ་དགོངས་པ་བཞེས་གནང་ཡོང་བ་ཞུ།།