ྋགོང་ས་མཆོག་ཨི་ཊ་ལི་ལྷོ་ཊི་རོལ་རང་སྐྱོང་ཁུལ་དུ་ཆིབས་བསྒྱུར་སྐབས་གསར་འགོད་པའི་དྲི་བའི་ལན་དུ། གལ་ཏེ་བོད་ནང་གི་རང་ལུས་མེར་བསྲེགས་གཏོང་མཁན་ཚོའི་དཀའ་ངལ་སེལ་ཆེད་ཐབས་ལམ་གཞན་ཞིག་ངོས་ལ་སྤྲོད་རྒྱུ་ཡོད་ན། ངོས་ཀྱིས་ཁོང་ཚོར་རང་ལུས་མེར་བསྲེཊ་མ་གཏོང་རོཊ། དཀའ་ངལ་སེལ་རྒྱུའི་གདམ་ཀ་འདི་ཡོད་ཅེས་བརྗོད་ཆོག་ཀྱང་ང་ལ་དེ་འདྲའི་ནུས་པ་གང་ཡང་མེད་ཅེས་གསུངས་འདུག
ཟླ་འདིའི་ཕྱི་ཚེས་ ༡༠ ནས་ ༢༩ ཉིན་བར་དུས་ཡུན་བདུན་ཕྲག་གསུམ་ཙམ་རིང་ྋགོང་ས་མཆོག་གིས་ཡུ་རོབ་རྒྱལ་ཁབ་གསུམ་ནང་ཆོས་ཕྱོགས་མཛད་འཕྲིན་མགོ་བཙུགས་ཡོད་པ་དང༌། ཚེས་ ༡༠ ཉིན་ཨི་ཊ་ལིའི་རང་སྐྱོང་མངའ་སྡེ་ལྷོ་ཊི་རོལ་རྒྱལ་ས་བྷོལ་ནོའི་ (Bolzano) གྲོང་ཁྱེར་ལས་ཁུངས་སུ་ཆིབས་བསྒྱུར་སྐབས། མངའ་སྡེ་བློན་ཆེན་ཁུ་ལོ་སུ་ཁུ་ལོ་ཐིར་ (Dr Kalauskluther) ལགས་དང༌། མངའ་སྡེ་སྲིད་སྐྱོང་སྐུ་ཞབས་ལུ་ཝི་སི་ཌུན་ཝལ་ཌར་ (Luis Durnwalder) ལགས་རྣམ་གཉིས་གཙོས་འབྲེལ་ཡོད་དཔོན་རིཊ་ཁག་གིས་ཕེབས་བསུ་དང་དང༌། ༧གོང་ས་མཆོག་ལ་མངའ་སྡེའི་གྲངས་ཉུང་མི་རིགས་ཀྱི་ཆེ་བསྟོད་གཟེངས་རྟགས་ཕུལ་ཡོད་འདུག
ཉིན་དེའི་གཟེངས་རྟགས་འབུལ་བཞེས་མཛད་སྒོའི་ཐོག་མངའ་སྡེ་སྲིད་སྐྱོང་ལུ་ཝི་སི་ཌུན་ཝལ་ཌར་མཆོག་གིས། ཏཱ་ལའི་བླ་མ་མཆོག་དང་ང་ཚོའི་བར་རིག་གཞུང་དང་བྱུང་རབས་ལོ་རྒྱུས་ཐོག་མི་འདྲ་ས་ཡོད་ནའང༌། གྲངས་ཉུང་མི་རིཊ་ཀྱི་ངོ་བོའི་ཐོག་དཀའ་ངལ་མང་པོ་ཞིག་ལ་གདོང་ལེན་བྱེད་དགོས་བྱུང་པ་གཅིག་མཚུངས་ཆཊ་ཡོད་ཅིང༌། འཛམ་གླིང་རྒྱལ་ཁབ་ ༡༦༤ ནང་གྲངས་ཉུང་མི་རིཊ་འདུས་སྡོད་བྱེད་པའི་ཁྲོད་མང་པོ་ཞིག་ལ་ཐོབ་ཐང་ཆ་ཚང་རག་ཡོད་ཀྱང༌། གཞན་མང་པོ་ཞིག་ལ་ད་དུང་ཡང་ཐོབ་ཐང་མ་རག་པའི་ཐོག སྲིད་གཞུང་ཁག་གིས་མུ་མཐུད་གཉའ་གནོན་དང་དམ་དྲག་བྱེད་བཞིན་ཡོད་པ་དང༌། ཏཱ་ལའི་བླ་མ་མཆོག་ནི་འཛམ་གླིང་སྟེང་འཚེ་མེད་ཞི་བའི་ངོ་ཚབ་མཚོན་ཐུབ་མཁན་གྱི་གང་ཟག་ཁྱད་པར་བ་ཞིག་ཡིན་པར་མ་ཟད། གྲངས་ཉུང་མི་རིགས་འཐབ་རྩོད་ཐོག་རྒྱབ་སྐྱོར་གྱི་མཚོན་རྟགས་ཤིག་ཀྱང་ཆཊ་ཡོད་སྟབས། ཐེངས་འདིར་ཁོང་ལ་གཟེངས་རྟཊ་ཕུལ་ཐུབ་པ་དེ་ནི། གྲངས་ཉུང་མི་རིཊ་ཚོར་འཕྲད་བཞིན་པའི་དཀའ་ངལ་ཁག་རྒྱལ་སྤྱིའི་ཐོག་དོ་སྣང་ཡོང་ཆེད་ཡིན་སྐོར་གསུངས་འདུག
སྐབས་དེར་ྋགོང་ས་མཆོག་གིས་ལྷོ་ཊི་རོལ་རང་སྐྱོང་མངའ་སྡེས་དུས་ཡུན་རིང་པོར་བོད་མིར་གདུང་སེམས་མཉམ་སྐྱེད་ཀྱི་རྒྱབ་སྐྱོར་གནང་བར་བསྔཊ་བརྗོད་གནང་སྟེ། ཆེ་བསྟོད་གཟེངས་རྟཊ་དེ་ནི་བོད་ནང་དཀའ་སྡུག་མྱོང་བཞིན་པའི་གཞིས་བཞུཊ་བོད་མི་ཚོར་ཕུལ་བར་ངོས་འཛིན་དང༌། ལྷོ་ཊི་རོལ་མངའ་སྡེ་ནི་བོད་པ་བསྡུར་ན་རང་སྐྱོང་ལོ་རྒྱུས་དང་ཉམས་མྱོང་གང་ཐད་ནས་རང་སྐྱོང་གི་ཤིང་རྟའི་སྲོལ་འབྱེད་མཁན་ཞིག་ཏུ་གྱུར་ཡོད་ཅིང༌། བོད་མི་ཚོས་ཀྱང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་འོག མིང་དོན་མཚུངས་བའི་རང་སྲིད་རང་སྐྱོང་གནས་བབ་ཅིག་རྩོད་བཞིན་ཡོད་པ་དང༌། བོད་མི་ཚོར་སོ་སོའི་ཐུན་མོང་མིན་པའི་ཆོས་དང་རིག་གཞུང༌། སྐད་ཡིག་དང་དུས་ཡུན་རིང་པོའི་ལོ་རྒྱུས་བཅས་ཡོད་པའི་ཆ་ནས། རང་སྐྱོང་ཐོབ་ཐང་རྩོད་བཞིན་པ་ནི་རྒྱུ་མཚན་དང་ལྡན་པ་ཞིག་ཡིན་ཞིང༌། བོད་མིས་རང་སྐྱོང་རྩོད་བཞིན་པ་ནི་ད་ལྟའི་བོད་རང་སྐྱོང་ལྗོངས་ཟེར་བའི་ས་ཁུལ་ཙམ་མིན་པར། རྒྱ་གཞུང་གིས་དབྱེ་བགོས་བྱས་པའི་ལྗོངས་དང་ཞིང་ཆེན་ལྔའི་ནང་གནས་སྡོད་བོད་མི་ཚང་མར་ཁྱབ་དགོས་པ་ཞིག་ཡིན་དགོས་སྐོར་གསུངས་འདུག
ྋགོང་ས་མཆོག་གིས་མུ་མཐུད་དུ་མི་ལོ་སུམ་ཅུའི་རིང་ལྷོ་ཊི་རོལ་མངའ་སྡེ་ནང་རང་སྐྱོང་ཚད་ལྡན་ལོངས་སུ་སྤྱོད་ཐུབ་པ་བྱུང་སྟེ། ས་གནས་མང་ཚོགས་ཀྱི་འཚོ་བ་དང་དཔལ་འབྱོར་ཐོག་ཡར་རྒྱས་ཆེན་པོ་ཕྱིན་ཡོད་ཅིང༌། ལྷག་པར་དུ་དེ་སྔ་ཨི་ཊ་ལིའི་དཔལ་འབྱོར་སྐྱོ་ཤོས་གྲས་ཡིན་པའི་ས་ཁུལ་ཞིག་དེང་ཆར་ཨི་ཊ་ལིའི་ནང་དཔལ་འབྱོར་གནས་སྟངས་ཡག་ཤོས་ཤིག་ཏུ་གྱུར་བ་དེ། གཙོ་བོ་མང་ཚོགས་ཀྱིས་རང་གི་རྣམ་དཔྱོད་རང་དབང་ཐོག་བེད་སྤྱོད་བྱས་པའི་འབྲས་བུ་ཁོ་ན་ལས་ཡིན་པར་ངོས་འཛིན་གནང་གིན་ཡོད་ཚུལ་གསུངས་ཡོད་འདུག
ཕྱི་ཚེས་ ༡༠ ཉིན་གྱི་གསར་འགོད་ལྷན་ཚོཊ་ཤིག་གི་སྐབས་ྋགོང་ས་མཆོག་གིས་བོད་མིས་རང་ལུས་མེར་བསྲེཊ་གཏོང་བཞིན་པའི་ཐད་གསར་འགོད་པའི་དྲི་བར་བཀའ་ལན་བསྩལ་ཏེ། “ལོ་ཤས་གོང་ནས་ངོས་རང་བོད་མིའི་རང་དབང་ཅན་གྱི་མགྲིན་ཚབ་པ་ཞིག་ཡིན་པར་ངོས་འཛིན་བྱེད་བཞིན་ཡོད། དོན་གྱི་བདག་པོ་གཞིས་བཞུགས་བོད་མི་ཚོ་ཡིན། ཁོང་ཚོ་ཆང་རག་གིས་བཟི་བ་དང༌། བཟའ་ཚང་ནང་ཁུལ་མ་འཆམ་པར་རང་ལུས་མེར་བསྲེཊ་བཏང་བ་དེ་འདྲ་རྩ་བ་ནས་མིན་པར། འུ་ཐུག་གི་གནས་སྟངས་འོག་རང་ལུས་མེར་བསྲེཊ་གཏོང་དགོས་པ་ཆཊ་ཡོད། དོན་གྱི་བདག་པོ་ཁོང་ཚོ་ཡིན་སྟབས་ངོས་ལ་བརྗོད་རྒྱུ་གང་ཡང་མེད། གལ་ཏེ་ཁོང་ཚོའི་དཀའ་ངལ་སེལ་ཆེད་ཐབས་ལམ་གཞན་ཞིག་ངོས་ལ་སྤྲོད་རྒྱུ་ཡོད་ན། ངོས་ཀྱིས་ཁོང་ཚོར་རང་ལུས་མེར་བསྲེཊ་མ་གཏོང་རོཊ། དཀའ་ངལ་སེལ་རྒྱུའི་གདམ་ཀ་འདི་ཡོད་ཅེས་བརྗོད་ཆོག་ཀྱང་དེ་འདྲའི་ནུས་པ་གང་ཡང་མེད། དེ་ཡིན་དུས་ངོས་ལ་སྨོན་ལམ་རྒྱག་རྒྱུ་ཙམ་ལས་བྱེད་ཐབས་གཞན་ཡོད་པ་མ་རེད ”ཅེས་གསུངས། རྒྱ་ནག་ཆབ་སྲིད་བཅོས་སྒྱུར་ཐད་ལ། “རྒྱ་ནག་ནི་འཛམ་གླིང་ནང་མི་འབོར་མང་ཤོས་ཀྱི་རྒྱལ་ཁབ་གཅིག་ཆཊ་ཡོད་སྟབས། རྒྱ་ནག་མི་དམངས་ལ་ཡར་རྒྱས་འགྲོ་རྒྱུའི་ཐོབ་ཐང་ཆ་ཚང་ཡོད། དེ་ཡིན་དུས་རྒྱ་ནག་ཟུར་ཕུད་བྱ་རྒྱུ་དེ་མ་རུང་བ་ཞིག་ཡིན། རྒྱ་ནག་ནང་འགྱུར་བ་ཡོང་རྒྱུ་ཧ་ལམ་གཏན་ཁེལ་བ་རེད། མགོ་ཁྲིད་གསར་པ་ཚོས་ཀྱང་འགྱུར་བ་གཏོང་རྒྱུ་གལ་ཆེ་ཡིན་པ་ད་ཆ་ཤེས་ཚོར་བྱུང་བ་ལྟ་བུ་འདུག འོན་ཀྱང་འགྱུར་བ་དེ་ཇི་འདྲ་གཏོང་མིན་གྱི་ཐབས་ལམ་མ་རྙེད་པ་ལྟ་བུ་གནས་ཡོད ” གསུངས་འདུག
ཕྱི་ཚེས་ ༡༡ ཉིན་ྋགོང་ས་མཆོག་གིས་ཊི་རེན་ཊོ་གྲོང་ཁྱེར་ཚོཊ་ཁང་ (Palatrento Stadium) དུ། ས་གནས་མང་ཚོགས་ ༤༥༠༠ བརྒལ་བར་༼དཀའ་ངལ་ཆེ་བའི་འཛམ་གླིང་ནང་བདེ་སྐྱིད་འཚོལ་ཐབས་༽ཅེས་པའི་བརྗོད་གཞིའི་ཐོག་བཀའ་སློབ་དང༌། ཡུ་རོབ་ཤེས་ཡོན་བསྟི་གནས་སུ་༼ཆོས་དང་མ་འདྲེས་པའི་འཛམ་གླིང་ཧྲིལ་པོའི་ཀུན་སྤྱོད༽། ཨི་ཊ་ལི་བོད་རིགས་མཐུན་ཚོགས་ཀྱི་ཚོཊ་མི་ཡོངས་ལ་བཀའ་སློབ་བཅས་བསྩལ་ཡོད་འདུག
ཕྱི་ཟླ་ ༤ ཚེས་ ༡༢ ནས་ ༡༦ ཉིན་བར་སུད་སི་ཧྥོར་བྷག་ཏུ་མང་ཚོཊ་ལ་ཇོ་བོ་རྗེས་མཛད་པའི་༼བྱང་ཆུབ་ལམ་སྒྲོན༽བཀའ་ཁྲིད་དང་འབྲེལ་སྒྲོལ་དཀར་བཀའ་དབང་དང༌། དེའི་རྗེས་མང་ཚོཊ་ལ་༼ཆོས་དང་མ་འདྲེས་པའི་འཛམ་གླིང་ཧྲིལ་པོའི་ཀུན་སྤྱོད་སྐོར་བཀའ་སློབ། ལའོ་སེན་ནེ་གཙུག་ལག་སློབ་གྲྭར་ཞི་བའི་ངང་འཚོ་བ་དང་འཆི་བ་ཞེས་པའི་མགོ་བརྗོད་འོག ཚན་རིག་དང་མི་གཞི་བར་གྱི་མཁས་པའི་བགྲོ་གླེང་ཐོག་ལྷན་ཞུཊ། སུད་སི་རྒྱལ་ཡོངས་གྲོས་ཚོཊ་ཚོཊ་གཙོ་མཆོག་གཙོས་འབྲེལ་ཡོད་དཔོན་རིཊ་ཁག་ཅིག་ལ་མཇལ་འཕྲད་བཅས་གནང་རྒྱུ་རེད།
ཕྱི་ཚེས་ ༡༩ ནས་ ༢༠ ཉིན་བར་དབྱིན་ཇིའི་ཀེམ་པི་རེ་ཇི་གཙུག་ལག་སློབ་གྲྭར་ཆིབས་བསྒྱུར་གྱིས། འཚེ་མེད་ཞི་བའི་ལམ་ནས་རྩོད་རྙོག་འདུམ་འགྲིག་གནང་ཐབས་སྐོར་གྱི་རྒྱལ་སྤྱིའི་མཁས་པའི་བགྲོ་གླེང་ཞིག་ཏུ་ལྷན་ཞུགས་གནང་རྒྱུ་དང༌། ཕྱི་ཚེས་ ༢༨ ནས་ ༢༩ ཉིན་བར་རྒྱ་གར་ཧི་མ་ཅལ་མངའ་སྡེར་ཌལ་ཧོལ་གཏན་སློབ་དབུ་བརྙེས་ཏེ་མི་ལོ་ ༥༠ འཁོར་བའི་དུས་དྲན་མཛད་སྒོར་ཆིབས་བསྒྱུར་བསྐྱང་རྒྱུ་ཡིན་འདུག
གསར་འགོད་པ། དཔལ་ལྡན།
