རྩོད་རྙོག་ཆེ་ཆུང་གང་ཞིག་ཡིན་རུང་འདུམ་སྒྲིག་གི་ལམ་ཁ་ཡོད།

བོད་ཀྱི་རྩོད་རྙོག་འདུམ་འགྲིག་ལྟེ་གནས་ཁང་གིས་བཙན་བྱོལ་བོད་མིའི་གཞིས་ཆགས་དང་སློབ་གྲྭ། དགོན་སྡེ་བཅས་སུ་རྩོད་རྙོག་འདུམ་འགྲིག་ཐོག་ཟབ་སྤྱོང་སྤྲོད་བཞིན་པའི་ཐད། ལྟེ་གནས་ཁང་གི་འགན་འཛིན་ཀརྨ་ལེགས་བཤད་ལགས་སུ་བཅར་འདྲི་ཞུས་ཡོད།

དྲི་བ། བོད་ཀྱི་རྩོད་རྙོག་འདུམ་འགྲིག་ལྟེ་གནས་ཁང་ཐོག་མར་གསར་འཛུགས་གནང་དགོས་པའི་དམིགས་ཡུལ་སྐོར་ངོ་སྤྲོད་མདོར་བསྡུས་ཤིག་གནང་རོགས།

ལན། བོད་ཀྱི་རྩོད་རྙོག་འདུམ་འགྲིག་ལྟེ་གནས་ཁང་དེ་ནི། ༡༩༩༦ ལོར་༸གོང་ས་མཆོག་ཌན་མག་རྒྱལ་ས་ཀོ་པན་ཧཱ་གྷན་དུ་ཕེབས་ཏེ། སྐབས་དེའི་ཌན་མག་རྩོད་རྙོག་འདུམ་འགྲིག་ཁང་གི་འབྲེལ་ཡོད་མགོ་ཁྲིད་རྣམས་དང་མཇལ་འཕྲད་གནང་སྐབས། ཡུལ་དེའི་འབྲེལ་ཡོད་ལས་བྱེད་ཚོས་༸གོང་ས་མཆོག་ལ་ཌན་མག་རྒྱལ་ཁབ་དེ་ཆུང་ཆུང་ཡིན་རུང་རྩོད་རྙོག་འདུམ་འགྲིག་ལས་དོན་ནུས་པ་ལྡན་པ་ཞིག་ཡིན་སྟབས། རྩོད་རྙོག་འདུམ་འགྲིག་ལས་དོན་དེ་བོད་མི་ཚོར་ཕན་ཐོཊ་ཡོད་སྐོར་ཞུས་པ་རེད། དེའི་སྐབས་༸གོང་ས་མཆོག་གིས་གཅིག་ནས་བོད་མི་ཚོ་དཀའ་ངལ་ནང་ལྷུང་ཡོད་པ་དང་། གཉིས་ནས་རྩོད་རྙོག་འདུམ་འགྲིག་བྱ་རྒྱུ་དེ་ནང་ཆོས་དང་འབྲེལ་བ་ཆཊ་ཡོད་དུས། བཙན་བྱོལ་བོད་མིའི་སྤྱི་ཚོགས་ནང་ལྟེ་གནས་ཁང་དེ་འདྲ་ཞིག་གསར་འཛུཊ་གནང་ཐུབ་ན་ཡག་པོ་འདུག་གསུངས་བ་རེད། གནས་སྟངས་དེའི་འོག་ནས་ཌན་མག་རྩོད་རྙོག་འདུམ་འགྲིག་ཁང་དང་ནང་སྲིད་ལས་ཁུངས་གཉིས་མཉམ་འབྲེལ་ཐོག བཞུཊ་སྒར་ངྷ་རམ་ས་ལར་བཀའ་བློན་དང་སྤྱི་འཐུས། གཞུང་འབྲེལ་མིན་པའི་ཚོགས་པ་བཅས་ལ་ཟབ་སྦྱོང་རིམ་པར་སྤྲད་དེ་གྲུབ་འབྲས་གང་འཚམ་ཡག་པོ་བྱུང་བ་རེད། ཚོད་ལྟའི་སྦྱོང་བརྡར་ཁག་ལེཊ་པར་གྲུབ་རྗེས་ང་ཚོས་༸གོང་ས་མཆོག་ལ་གཟིམ་ཆུང་མཇལ་ཁ་ཞུས་ཏེ། ༢༠༠༡ ལོའི་ཕྱི་ཟླ་ ༥ པའི་ནང་ལྟེ་གནས་ཁང་དེ་ནང་སྲིད་ལས་ཁུངས་ཀྱི་སྟངས་འཛིན་འོག ངྷ་སར་གཞུང་འབྲེལ་མིན་པའི་ངོ་བོའི་ཐོག་རྒྱ་གར་དབུས་གཞུང་ལ་ཁྲིམས་མཐུན་དེབ་སྐྱེལ་གནང་ཐུབ་བྱུང་བ་རེད།

དྲི་བ། རྩོད་རྙོག་འདུམ་འགྲིག་ལྟེ་གནས་ཁང་གི་ལས་ཀའི་ངོ་བོ་དང་ལས་དོན་བྱེད་ཕྱོགས་གང་འདྲ་ཡོད་དམ།

ལན། རྩོད་རྙོག་འདུམ་འགྲིག་གི་ལས་འགན་ནི་ལས་ཀ་འདི་བྱ་དགོས་དང་མི་དགོས་ཟེར་བའི་ལམ་སྟོན་གནང་རྒྱུ་དེ་མ་རེད། ང་ཚོའི་ལས་འགན་གནད་དོན་གསལ་པོ་བཟོས་ཏེ་ལམ་ཁ་རང་ངོས་ནས་བཙལ་ཐུབ་པ་གནང་དགོས་རྒྱུ་དེ་རེད། སྤྱི་ཚོགས་ཀྱི་དཀའ་ངལ་དང་ཁྱིམ་ཚང་གི་དཀའ་ངལ་གང་ཡིན་རུང་། དེར་སོ་སོ་རང་ངོས་ནས་མོས་མཐུན་ཡོད་པའི་ཐབས་ལམ་ཞིག་རྙེད་པ་ཡིན་ན་ཐབས་ལམ་དེ་ཧ་ཅང་བརྟན་པོ་ཞིག་དང་ཡུན་རིང་གནས་ཐུབ་པ་ཞིག་རེད། དེ་མིན་པར་འདི་བྱས་ན་དེར་བསླེབ་ཀྱི་རེད་ཟེར་ནས་ལམ་སྟོན་ཁོ་ན་གནང་བསྡད་ན། ཐབས་ལམ་དེ་རྩོད་རྙོག་འདུམ་འགྲིག་གི་ཐབས་ལམ་ཞིག་ཆཊ་ཀྱི་ཡོད་པ་མ་རེད། སྤྱིར་བཏང་འཚེ་མེད་ཞི་བའི་ཐོག་ནས་རྩོད་རྙོག་འདུམ་འགྲིག་གི་སྒྱུ་རྩལ་དེ་དམངས་གཙོའི་བརྒྱུད་རིམ་དང་ཁ་བྲལ་ཐབས་མེད་པ་ཞིག་ཡིན་དུས། དེ་དག་འཛམ་གླིང་སྤྱི་དང་བྱེ་བྲག་བཙན་བྱོལ་བོད་མི་ཚོར་ངོ་སྤྲོད་དང་གོ་རྟོགས་སྤེལ་རྒྱུ་དང་། གོ་རྟོགས་ཀྱི་ནུས་པ་དེ་བོད་མིའི་ཆིག་སྒྲིལ་དང་བོད་ཀྱི་འཐབ་རྩོད་ཀྱི་ནུས་པ་ཤུཊ་ཆེ་རུ་གཏོང་ཆེད་དམིཊ་བསལ་ཕན་ཐོགས་ཡོད་པ་ཞིག་རེད། དེ་ཡང་ཁ་གསལ་པོ་བྱས་ཏེ་ཞུས་ན། རྩོད་རྙོག་འདུམ་འགྲིག་ཁང་ལ་ལས་ཀ་གཙོ་བོ་གསུམ་ཡོད་པ་རེད། དེ་དག་ལས་དང་པོ་ནི་འཚེ་མེད་ཞི་བའི་ཐོག་ནས་རྩོད་རྙོག་འདུམ་འགྲིག་བྱེད་པའི་ཐབས་ལམ་དང་སྒྱུ་རྩལ་བོད་མི་ཚོར་ངོ་སྤྲོད་བྱ་དགོས་རྒྱུ་དང་། གཉིས་པ། རྩོད་རྙོག་བྱུང་ཡོད་མཁན་ལ་རྩོད་རྙོག་འདུམ་འགྲིག་གམ་བར་འདུམ་བྱ་དགོས་པ། གསུམ་པ། རྩོད་རྙོག་ནི་ཁྱད་མཚར་ཞིག་དང་མིའི་མི་ཚེའི་ཆ་ཤས་ཤིག་ཡིན་པའི་ཆ་ནས། རྩོད་རྙོག་དེ་གང་ཟག་གཉིས་དང་ཚོགས་པ་གཉིས། ཡང་ན་རྒྱལ་ཁབ་གཉིས་བར་བྱུང་བའི་གནད་དོན་ཆེན་པོ་ཞིག་ཡིན། ང་ཚོའི་ལྟེ་གནས་ཁང་གིས་བཙན་བྱོལ་བོད་མིའི་སྤྱི་ཚོཊ་ཁྲོད་ཟབ་སྦྱོང་གི་སྦྱོང་བརྡར་སྤྲོད་རྒྱུ་གལ་ཆེན་ཞིག་ཏུ་བརྩིས་ཏེ་ཤུཊ་བརྒྱབ་པ་རེད། ད་ཆར་ང་ཚོིའི་ལྟེ་གནས་ཁང་འདིའི་ནང་ཁྱོན་ལས་བྱེད་ ༧ ཡོད་པའི་ནང་མི་ ༥ རྩོད་རྙོག་སྦྱོང་བརྡར་གྱི་ཉམས་མྱོང་ཡོད་བསྡད་པ་ཞིག་རེད།

དྲི་བ། ད་བར་བོད་ཀྱི་རྩོད་རྙོག་འདུམ་འགྲིག་ཁང་གིས་རྩོད་རྙོག་རིགས་ག་ཚོད་བར་འདུམ་ཐག་གཅོད་གནང་ཡོད་དམ།

ལན། ད་བར་དུ་འདི་ག་ལྟེ་གནས་ཁང་གིས་གཞི་རིམ་མང་ཚོགས་ལ་ཟབ་སྦྱོང་སྤྲོད་རྒྱུ་མ་གཏོཊ་རྩོད་རྙོག་འདུམ་འགྲིག་མང་པོ་གནང་རྒྱུ་བྱུང་ཡོད་པ་མ་རེད། ཡིན་ནའང་། ཉེ་བའི་ལོ་ཤས་གོང་རྩོད་རྙོག་འདུམ་འགྲིག་ཁང་གིས་བོད་པ་མ་ཡིན་པའི་ཕྱི་རྒྱལ་ཚོགས་པ་གཉིས་བར་རྩོད་རྙོག་འདུམ་འགྲིག་ཅིག་གནང་ཐུབ་པ་བྱུང་ཡོད། མ་གཞི་ཚོཊ་པ་དེ་གཉིས་བོད་པར་རོཊ་རམ་གནང་མཁན་གཉིས་ཡིན་ནའང་། རྗེས་སུ་ཚོགས་པ་དེ་གཉིས་བར་རྙོག་དྲ་བྱུང་བ་རེད། སྐབས་དེར་ང་ཚོའི་ཚོཊ་པ་བཙུཊ་ཏེ་ལོ་ཤས་ལས་ཕྱིན་མེད་ཀྱང་། ཕྱི་རྒྱལ་བ་ཚོས་རྩོད་རྙོག་འདུམ་འགྲིག་ཁང་ལབ་ན་མཐོང་ཆེན་པོ་བྱེད་ཀྱི་འདུག་སྟབས། ང་ཚོས་གང་ཐུབ་ཀྱིས་གནད་དོན་གཙང་སེལ་བྱས་ཏེ་མཐའ་མར་འདུམ་འགྲིག་གནང་ཐུབ་པ་རེད། སྐབས་དེར་ཕྱི་རྒྱལ་གྱི་འགྲོ་ལུཊ་ལྟར་ཁོང་ཚོས་འདི་ག་ལྟེ་གནས་ཁང་ལ་ཡང་དངུལ་གང་འཚམ་ཞིག་སྤྲད་པ་རེད། རྗེས་སུ་ཚོགས་པ་དེ་གཉིས་ཀྱང་སྔར་ལས་འཆམ་པོ་ཆགས་འདུག གཞན། བོད་པ་ནང་ལོགས་ནས་ཚུར་རྩོད་རྙོག་འདུམ་འགྲིག་གནང་རོཊ་ཟེར་མཁན་མི་གཅིག་མ་གཏོཊ་བྱུང་མྱོང་ཡོད་པ་མ་རེད། མི་དེ་ང་ཚོའི་ལྟེ་གནས་ཁང་དུ་ཡོང་སྟེ་ང་མི་འདི་འདྲ་ཞིག་དང་རྩོད་རྙོག་ཡོད། ཁྱེད་ཀྱིས་ངེས་པར་དུ་རྩོད་རྙོག་དེ་ཡག་པོ་འདུམ་འགྲིག་བྱ་དགོས་ཀྱི་ཡོད། དེ་མི་ཐུབ་ན་ཁྱེད་རང་བཙོན་ཁང་དུ་བླུག་གི་ཡིན་ལབ་པ་རེད། ཁོང་ཐོག་མར་ཡོང་སྐབས་ཁོ་ཁོང་ཁྲོ་ཚ་བོ་དང་ཞེད་སྣང་ཚ་བོ་ཞེ་དྲག་རེད། སྐབས་དེར་ངས་ཁོང་ལ་རྩོད་རྙོག་འདུམ་འགྲིག་བྱ་དགོས་ན་རྩོད་ཡ་ཁྲིད་ཡོང་དགོས་པ་རེད། ཁོང་ཁྲིད་མ་ཡོང་ན་རྩོད་རྙོག་བཤད་ས་འགྲོ་གི་མ་རེད་ཅེས་བཤད་པ་ཡིན། དེའི་རྗེས་ཁོང་སྔ་ཕྱིར་ཐེངས་བཞི་ཙམ་ལ་ལྟེ་གནས་ཁང་དུ་བསླེབས་ཏེ་ང་ཚོའི་མཉམ་དུ་སྐད་ཆ་བཤད་པ་རེད། བར་ལམ་ནས་རྩོད་རྙོག་འདུམ་འགྲིག་གནང་མ་ཚར་གོང་། ཁོང་ཚུར་ཡོང་སྟེ་ད་ངའི་རྩོད་རྙོད་དེ་སེལ་རྒྱུའི་ལམ་ཁ་ཞིག་རྙེད་སོང་། ཁྲིམས་ཁང་ལ་འགྲོ་དགོས་ཀྱི་མི་འདུག་ལབ་སོང་། ང་ཚོས་རྗེས་སུ་ཤེས་རྟོགས་བྱུང་བ་ཡིན་ན། མི་དེ་ང་ཚོའི་ལྟེ་གནས་ཁང་དུ་རྒྱུགས་ལབ་མཁན་ཆེས་མཐོའི་ཁྲིམས་ཞིབ་ཁང་རེད། དེ་མིན། ང་ཚོས་སྐད་ཆ་བཤད་དེ་རྩོད་རྙོག་ཐག་གཅོད་གནང་རྒྱུ་བྱུང་མེད་ནའང་། ཟབ་སྦྱོང་བརྒྱུད་ཟབ་སྦྱོང་ནང་ཞུཊ་མཁན་ཚོའི་བསམ་བློ་གཏོང་ཕྱོཊ་ལ་འགྱུར་བ་ཐེབས་མཁན་མང་པོ་བྱུང་ཡོད། དེ་ཚོའི་ཁྲོད་དགེ་བཤེས་དང་དགེ་རྒན། གཞིས་མགོ་དང་བརྒྱ་དཔོན། སློབ་ཕྲུག མི་དམངས་དཀྱུས་མ་སོཊ་ཚུད་ཡོད། དེ་དག་ཚང་མ་འདི་ག་ལྟེ་གནས་ཁང་གིས་ཟབ་སྦྱོང་གི་གྲུབ་འབྲས་ཤིག་ཡིན་པར་ངོས་འཛིན་བྱེད་ཀྱི་ཡོད།

དྲི་བ། བཙན་བྱོལ་བོད་མིའི་གཞི་རིམ་མང་ཚོགས་ཁྲོད་རྩོད་རྙོག་འདུམ་འགྲིག་ཟབ་སྦྱོང་ལ་དོ་སྣང་ཅི་ཙམ་འདུག

ལན། ཟབ་སྦྱོང་ཐོག་མར་སྤྲོད་སྐབས་གཞིས་ཆགས་ཁ་ཤས་ནང་ཟབ་སྦྱོང་ལ་དོགས་པ་ཟ་མཁན་ཡོང་གི་འདུག དཔེར་ན། སྐབས་ཤིག་ང་ཚོས་གཞིས་ཆགས་ཞིག་ལ་འབྲེལ་བ་བྱས་ཏེ་ཟབ་སྦྱོང་སྤྲོད་དུ་ཡོང་རྒྱུ་ཞུས་པའི་སྐབས་སུ། གཞིས་མགོ་དེས་ང་ཚོའི་གཞིས་ཆགས་ནང་དཀའ་ངལ་གང་ཡང་མེད། གཞིས་ཆགས་ནང་རྩོད་རྙོག་ཟབ་སྦྱོང་སྤྲོད་དགོས་པའི་རྒྱུ་མཚན་གང་ཡང་མཐོང་གི་མེད་ཅེས་གསུང་གི་འདུག ཟབ་སྦྱོང་དངོས་སུ་སྤྲད་ཡོང་སྐབས་དོཊ་པ་རིམ་གྱིས་སེལ་ཏེ་དགའ་མོས་ཆེན་པོ་བྱེད་ཀྱི་འདུག གཞིས་ཆཊ་ཁ་ཤས་ནང་གཞིས་མགོས་སྔོན་མ་གཞིས་ཆགས་ནང་རྩོད་རྙོག་བྱུང་སྐབས། གནད་དོན་ལ་གདོང་ལེན་མ་བྱས་པར་གང་ཟག་ལ་གདོང་ལེན་བྱས་ཏེ་གཞིས་མགོར་ཉེས་རྡུང་བཏང་བའི་གནས་ཚུལ་བྱུང་ཡོད་ཀྱང་། ད་ཐེངས་ཀྱི་ཟབ་སྦྱོང་འདི་བརྒྱུད་གནད་དོན་གཙང་མ་ཐག་གཅོད་བྱས་པའི་ཐོག་མའི་འབྲེལ་བ་སྔར་བཞིན་རྒྱུན་འཛིན་ཐུབ་པའི་འགྲོ་སྟངས་གསལ་པོ་ཤེས་རྟོཊ་བྱུང་སོང་ལབ་མཁན་འདུག ང་ཚོ་དགོན་སྡེ་ཁག་ཏུ་སྐྱོད་སྐབས་ཀྱང་དགེ་འདུན་པའི་ཁྲོད་རྩ་བའི་རྩོད་རྙོག་འདུམ་འགྲིག་ཐབས་ལམ་དེ་ནུབ་ཕྱོགས་རྩོད་རྙོག་འདུམ་འགྲིག་གི་ཐབས་ལམ་ཞིག་ཆཊ་ཡོད་རུང་། དོན་དག་གི་ཆ་ནས་ནང་པའི་ཆོས་ཀྱི་སྙིང་དོན་རང་ཆཊ་འདུག་ཟེར་མཁན་ཧ་ཅང་མང་པོ་འདུག ང་ཚོས་ད་བར་རྒྱ་གར་དང་བལ་ཡུལ་གྱི་ས་གནས་ཕལ་ཆེ་བའི་ཟབ་སྦྱོང་སྤྲད་པའི་ཉམས་མྱོང་ལ་གཞིགས་ན། སྤྱི་ཚོགས་ཁྱོན་ཡོངས་ནས་རྒྱབ་སྐྱོར་དང་དགའ་མོས། ཕན་ཐོགས་ཆེན་པོ་ཡོད་པ་དེ་ཧ་ཅང་གསལ་པོ་རེད།

དྲི་བ། བོད་ཀྱི་རྩོད་རྙོག་འདུམ་འགྲིག་ལྟེ་གནས་ཁང་གིས་མང་ཚོགས་ལ་ཟབ་སྦྱོང་སྤྲོད་ཕྱོགས་གང་འདྲ་ཡིན་དམ།

ལན། ནམ་རྒྱུན་བྱས་ན་ཟབ་སྦྱོང་སྤྲོད་སྟངས་རེར་མི་ ༡༠ ནས་ ༣༥  བར་དང་དུས་ཡུན་ཉིན་ ༤ ལྷག་རེད། ང་ཚོའི་དཔལ་འབྱོར་ཡོང་ཁུངས་གཙོ་བོ་ཕྱི་རྒྱལ་རོཊ་ཚོཊ་ལ་བརྟེན་ཡོད་སྟབས་སྐབས་རེར་འགྲོ་སོང་གིས་ཁ་མ་འདུམ་པ་ཡོང་གི་འདུག ད་བར་ལྟེ་གནས་ཁང་འདིས་ཟབ་སྦྱོང་མང་པོ་ཞིག་སྤྲད་པའི་ཁོངས་ནས་མང་པོ་ཞིག་དང་བླང་ཐོག་ཕར་ཕྱིན་པ་རེད་ལ་ཁག་ཅིག་ཚུར་སྐད་བཏང་སྟེ་ཕྱིན་པ་རེད། ཡིན་ནའང་། ཟབ་སྦྱོང་ཐེངས་གཉིས་པར་སྐད་གཏོང་མཁན་ཚོས་ཟབ་སྦྱོང་འགྲོ་སོང་ཁོང་ཚོས་གཏོང་གི་ཡིན་ལབ་སྟེ་འགྲོ་བསྡད་པ་ཞིག་རེད། ལྷག་པར་དུ་ ༢༠༠༤ ལོ་ནས་ཤེས་རིག་ལས་ཁུངས་ཀྱི་དགེ་རྒན་འོས་སྦྱོང་ཞིག་ས་རཱ་མཐོ་སློབ་ནང་མགོ་བཙུགས་ཡོད་པ་རེད། དེ་ནས་ད་བར་ཤེས་རིག་གི་གོ་སྒྲིག་འོག་ང་ཚོས་སློབ་ཕྲུག་དེ་ཚོར་ཟབ་སྦྱོང་ཞིག་སྤྲད་བསྡད་པ་རེད། ཟབ་སྦྱོང་གཙོ་བོ་དགེ་རྒན་དང་སློབ་ཕྲུག་གི་འབྲེལ་བ། སློབ་ཕྲུག་ཕན་ཚུན་གྱི་འབྲེལ་བ། སློབ་ཕྲུག་དང་ཕ་མའི་འབྲེལ་བ་བཅས་ཀྱི་ཐོག་འཚེ་བ་མེད་པའི་སློབ་གྲྭའི་ཁོར་ཡུག་ཞིག་ཡོང་བར་ཟབ་སྦྱོང་སྤྲོད་ཀྱི་ཡོད། ཟབ་སྦྱོང་དེའི་རིགས་ང་ཚོས་ཧ་ཅང་གལ་ཆེན་ཞིག་ཏུ་བརྩི་བཞིན་ཡོད། ད་བར་རྒྱ་གར་དང་བལ་ཡུལ་གྱི་གཞིས་ཆགས་དང་དགོན་སྡེ། སློབ་གྲྭ་སོཊ་ས་གནས་ ༢༢༥ ཙམ་གྱི་མི་ ༥༠༠༠༠ བརྒལ་བར་ཟབ་སྦྱོང་སྤྲོད་ཐུབ་པ་བྱུང་ཡོད།

དྲི་བ། རྩོད་རྙོག་རིགས་འདུམ་འགྲིག་གནང་ཕྱོགས་སྟབས་བདེ་བོའི་ཐོག་ནས་བཤད་སྟངས་ཡོད་དམ།  

ལན། རྩོད་རྙོག་ལ་གདོང་ལེན་བྱ་དགོས་ན་ཐབས་ལམ་གཉིས་ཡོད་པ་རེད། ཐབས་ལམ་དང་པོ་ནི་དྲག་པོའི་ཐོག་རྩོད་རྙོག་ལ་གདོང་ལེན་གནང་དགོས་པ་རེད། དྲག་པོའི་ཐོག་ནས་རྩོད་རྙོག་ལ་གདོང་ལེན་བྱེད་པར་གྲི་དང་མེ་མདའ། ཚིག་རྩུབ། དམའ་འབེབས་སོཊ་གཏོང་དགོས། ཐབས་ལམ་གཉིས་པ་དེ་རྩོད་རྙོག་དེ་མི་དང་མི་ཕན་ཚུན་བར་སྐད་ཆ་བཤད་དེ་གནད་དོན་གསེད་བཀྲོལ་བྱ་དགོས་རྒྱུ་རེད། གསེད་བཀྲོལ་བྱེད་པར་སྐད་ཆ་གནང་སྟངས་ཀྱི་སྒྱུ་རྩལ་དང་ནུས་པ་སྦྱོང་བརྡར་སྤྲོད་དགོས། དེ་བཞིན། རྩོད་རྙོག་འདུམ་འགྲིག་དེ་ཡ་རབས་བཟང་སྤྱོད་དང་ནམ་ཡང་ཁ་བྲལ་ཐབས་མེད་པ་ཞིག་ཆཊ་ཡོད། ང་ཚོས་ཟབ་སྦྱོང་མང་པོ་སྤྲད་པའི་ཉམས་མྱོང་ལ་གཞིཊ་ན། ང་རང་གིས་བོད་པའི་ཡ་རབས་བཟང་སྤྱོད་དང་བཟོད་སྒོམ་ཟེར་བ་དེར་དོཊ་པ་སྐྱེ་ཡི་འདུག སྤྱི་ཚོགས་ནང་ཡ་རབས་བྱ་དགོས་པ་རེད་ཟེར་བ་དེ་ང་རང་གིས་ཡ་རབས་ཤིག་ཏུ་མཐོང་གི་མེད། ཡ་རབས་ཟེར་བ་དེ་མིའི་བྱ་སྤྱོད་ལ་དང་བརྩི་བཀུར་དང་ཡི་རངས་བྱ་དགོས་པ་ཞིག་ཆཊ་ཡོད། བཟོད་སྒོམ་ཟེར་དུས་བོད་པ་ཚོས་རྩོད་རྙོག་ཚང་མ་བཟོད་སྒོམ་ཡིན་ལབ་སྟེ་སེམས་ནང་ཕ་རོལ་དུ་སྡུག་པོ་ཞིག་བྱུང་ན་བསམ་གྱི་ཡོད། དེ་ནི་སྡུག་སྒོམ་ཡིན་པ་ལས་བཟོད་སྒོམ་ཆགས་ཀྱི་ཡོད་པ་མ་རེད། གལ་སྲིད་མི་ཞིག་གིས་ཚིག་སྡུག་ཅག་ལ་ལབ་ན། ཁོང་ཁྲོང་ཁྲོ་ལངས་ཏེ་ལབ་པའམ། ཡང་ན་རྣམ་འགྱུར་ཅི་འདྲ་ཞིག་བསྟན་ཏེ་ལབ་པ་ཡིན་མིན་གོ་བ་གསལ་པོ་ལེན་རྒྱུ་ནི། རྩོད་རྙོག་འདུམ་འགྲིག་ཁང་གི་ཐབས་ལམ་གཅིག་པུ་དེ་རེད། ཁྲིམས་ཐོག་ནས་བཤད་ན། རྩོད་རྙོག་འདུམ་འགྲིག་དང་ཁྲིམས་གཉིས་བར་ཁྱད་པར་གཅིག་ཡོད། ཁྲིམས་ཀྱིས་གནད་དོན་གཅིག་པུ་ཐག་གཅོད་ཀྱི་རེད། མི་དང་མིའི་བར་གྱི་སྔ་ཕྱིའི་འབྲེལ་བ་བཟང་ངན་ལ་བསམ་བློ་གཏོང་གི་མ་རེད། རྩོད་རྙོག་འདུམ་འགྲིག་གིས་གནད་དོན་གལ་ཆེན་དུ་བརྩི་བཞིན་ཡོད་ནའང་། དེ་ལས་ཀྱང་གལ་ཆེ་བ་མི་དང་མིའི་འབྲེལ་བ་གལ་ཆེན་དུ་བརྩི་ཡི་རེད། དེ་ལྟ་ནའང་། རྩོད་རྙོག་འདུམ་འགྲིག་ཁང་གིས་མི་བསད་པ་དང་ཇག་པ་རྒྱག་པ། རྐུན་པ་རྒྱག་པ་སོཊ་གནད་དོན་ཆེན་པོའི་རིཊ་བར་འདུམ་གནང་ཐུབ་ཀྱི་མ་རེད། ཉེན་ཚབས་ཆེ་བའི་གནད་དོན་མ་གཏོཊ་གནད་དོན་གཞན་ཚང་མ་རྩོད་རྙོག་འདུམ་འགྲིག་ཁང་གིས་སྔ་ཕྱི་ཚང་མར་བསམ་བློ་བཏང་སྟེ་ཐག་གཅོད་ཡག་པོ་གནང་གི་ཡོད་པ་རེད། དེ་ནི་ལྟེ་གནས་ཁང་འདིའི་གཞི་རྩའི་ལངས་ཕྱོགས་དང་རྩ་དོན་ཡང་ཆཊ་ཡོད་པ་རེད།