གཟའ་ཟླ་བའི་ཉིན་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་གཡུ་རྩོམ་སྒྲིག་ཚོཊ་ཆུང་གི་གོ་སྒྲིག་འོག ༢༠༡༣ ལོའི་ཐེངས་དང་པོའི་བོད་ཡིག་དག་ཆ་འགྲན་བསྡུར་གནང་ཡོད་འདུག
ཟླ་འདིའི་ཕྱི་ཚེས་ ༢༢ ཉིན་དགོང་དྲོ་རྒྱ་གར་ལྷོ་ཕྱོགས་བྷེང་ལོར་༸གོང་ས་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་ཚོགས་ཁང་དུ། མཐོ་སློབ་ཀྱི་གཡུ་རྩོམ་སྒྲིག་ཚོགས་ཆུང་གིས། བོད་ནང་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་རྣམ་པར་གདུང་སེམས་མཉམ་སྐྱེད་དང་། ཁོང་རྣམ་པའི་ཞལ་ཆེམས་ལྟར་བོད་མི་རིགས་ཀྱི་རིག་གནས་དང་སྐད་ཡིག་སྲུང་སྐྱོབ་དང་དར་སྤེལ། ལྷག་པར་དུ་ཏཱ་ལའི་བླ་མ་མཐོ་སློབ་ཀྱི་བོད་སྐད་ཡིག་ཡར་རྒྱས་གོང་འཕེལ་གཏོང་ཆེད་བཅས་ལ་དམིགས་ཏེ། ༼དུས་རབས་གསར་པའི་ཕ་སྐད་སྲུང་སྐྱོབ་བོད་ཡིག་དག་ཆ་འགྲན་བསྡུར་ཐེངས་དང་པོ༽ ཞེས་པ་བསྡུས་ཡོད་འདུག་ལ། དེར་མཐོ་སློབ་ཀྱི་བོད་ཡིག་རིག་གནས་རབ་འབྱམས་སྡེ་ཚན་དང་གློག་ཀླད་སྡེ་ཚན། དགེ་འོས་སྡེ་ཚན། འབྱུང་རིག་སྡེ་ཚན། རྒྱ་ཡིག་སྡེ་ཚན་བཅས་ཀྱི་ཁྱོན་སློབ་མ་ ༣༠ མཉམ་ཞུགས་གནང་ཡོད་འདུག
ཐེངས་འདིའི་དག་ཆ་འགྲན་བསྡུར་སྐབས་གཙོ་བོ་རྒྱུན་ལྡན་གྱི་འཚོ་བོའི་ནང་བཀོལ་སྤྱོད་མང་བའི་མིང་ཚིག་དང་བྱ་ཚིག་བཅས་ཀྱི་དག་ཆའི་འགྲན་བསྡུར་གནང་ཡོད་འདུག་ལ། མིང་ཚིག་ ༡༠༠༠ ལྷག་གི་དག་ཆའི་འགྲན་བསྡུར་ནང་། ཨང་དང་པོ་རྒྱ་ཡིག་སྡེ་ཚན་གྱི་ལོ་རིམ་དང་པོའི་སློབ་མ་ཕུན་ཚོགས་དང་། ཨང་གཉིས་པ་རིག་གནས་ལོ་རིམ་དང་པོའི་སློབ་མ་ཀརྨ་ཚེ་དབང། ཨང་གསུམ་པ་རྒྱ་ཡིག་སྡེ་ཚན་ལོ་རིམ་དང་པོའི་སློབ་མ་སྒྲོལ་མ་ཚེ་འཚོ་བཅས་ལ་ཐོབ་ཡོད་པ་དང་། བྱ་དགའ་ཐོབ་པའི་སློབ་མ་ཚོར་གཡུ་རྩོམ་སྒྲིག་ཚོགས་ཆུང་དང་མཐོ་སློབ་བཅས་ཀྱི་ངོས་ནས་མཇལ་དར་དང་མཉམ་དུ་ཕྱག་ཁྱེར་རེ་ཕུལ་ཡོད་འདུག་ལ། འགྲན་བསྡུར་སྐབས་སོན་རྩ་ཚོགས་པའི་གློག་ཀླད་སློབ་གཉེར་བ་ཁག་ཅིག་གིས་སྒྲིག་བཟོ་བྱས་པའི་རང་ལུས་མེར་བསྲེཊ་གནང་རྒྱལ་གཅེས་དཔའ་བོ་དཔའ་མོའི་བརྙན་རིས་ཤིག་ཀྱང་གཟིགས་འབུལ་བྱས་ཡོད་འདུག
༸གོང་ས་ཏཱ་ལའི་བླ་མ་མཐོ་རིམ་སློབ་གཉེར་ཁང་ནི། ༢༠༠༨ ལོར་རྒྱ་གར་ལྷོ་ཕྱོགས་བྷེང་ལོར་གྲོང་ཁྱེར་དུ་གསར་འཛུགས་གནང་ཡོད་པ་དང་། འདི་ལོའི་སློབ་སྐབས་གསར་བ་ནས་བཟུང་རྒྱ་གར་གྱི་མེ་སོར་ (Mysore University) གཙུག་ལག་སློབ་གཉེར་ཁང་གི་ཁྱབ་ཁོངས་ཀྱི་རིག་གཞུང་བསྟི་གནས་ཤིག་ཆགས་ཡོད།
གསར་འགོད་པ། དོན་གོ
ཟླ་འདིའི་ཕྱི་ཚེས་ ༢༢ ཉིན་དགོང་དྲོ་རྒྱ་
ཧ་ཧ་ཧ་་་་་་་ བུ་ཨ་ཕོ་ངས་ལུས་སྲོག་གི་དྭངས་མ་ནི་རང་གི་རིག་གཞུང་ལ་འབད་སྤུངས་བྱས་པ་ཡིན། །དེ་མགོན་ཡིད་བཞིན་ནོར་བུས་བཀའ་ལུང་ལྟར་བསྒྲུབས་ཡོད། ནོང་དགོས་ངྲི་མེད་ཡིན་པས་བློ་བདེ་མཛོད།།
འཁྱམ་ཕྲུག་རང་ནུབ་ཕྱོགས་པའི་དངུམ་དམར་གྱིས་བསླུ་ཉེན་ཆེ་བ་བརྟེན་ གཟབ་ནན་དགོས་པ་རེད།། སྤྱི་ཚོགས་ནང་བཟང་ལས་སུས་རྩམ་དང་། ངན་ལས་སུས་བྱས་ཀྱི་བླང་དོར་ལ་གནད་པ་ནི་ངས་ཐོད་བསམ་ཡིན།།།།།།
ཤེས་ཡོན་གྱི་སྡེ་ཞིག་ཡིན་པའི་ཆ་ནས་ལས་འགུལ་འདིའི་རིགས་མང་ཙམ་སྤེལ་ཐུབ་ན་ཡག་པོ་འདུག གཡུ་རྩོམ་སྒྲིག་ཚོགས་ཆུང་ལ་བསྔགས་བརྗོད་ཡོད། འབྱུང་འགྱུར་ཡང་འཕྱར་གྲུ་མཉམ་འདེགས་ཀྱིས་ཕ་སྐད་སྲུང་སྐྱོབ་གནང་རྒྱུའི་རེ་སྨོན་བྱེད།
ལས་འགུལ་དེའི་རིགས་སུས་སྔོན་ལ་འགོ་ཚུགས་མིན་གནད་འགག་མ་རེད། ལྷག་པར་དུ་མཐོ་སློབ་སློབ་གཉེར་བ་ཞིག་གིས་ངོས་ནས་དེ་འདྲ་བ་ཞིག་སྤེལ་གནང་ཐུབ་པ་དེ་དཔལ་དང་གཟི་བརྗིད་ཡིན་གྱིས་ཨ་ཕོར་འཇོན་ཐང་ཡོད་ན་མི་རྒོད་པོ་ཡིན་ཟེར་ནས་མ་བསྡད་པར་མདུན་ལ་དངོས་སུ་བསྟོན་པ་ཡིན་ན་ཁ་བཤད་ལག་བསྟར་འཁྱོལ། དེ་མིན་གཞན་གྱི་གནང་བ་དེ་ལ་སྔགས་བརྗོད་དང་བརྩི་བཀུར་བྱེད་དགོས་ངེས་ཡིན། དེ་གཉིས་གར་མེད་པས་བབ་ཅོལ་དུ་སྨྲས་པར་ཟད་པའི་ཕྱིར་རོ།།
ལགས་སོ་བཀྲིན་ཆེ། ད་གཉིད་ནས་ལྡང་ཞག་ལས་དོན་འདི་ཡང་བོད་ནས་འགོ་ཚུགས་པ་ཞིག་རེད། ངས་རེ་བོ་ལ་ལོ་ལྟར་གནང་ཐུབ་ན་ངོ་མ་ཡག་གི་དེ་ལྟར་མ་བྱུང་ཚེ་མིང་རྫིག་མཐོ་སློོབ་རང་རེད།།།།།།།