དེ་རིང་ས་ག་ཟླ་བའི་ཚེས་ ༡ ནས་མགོ་འཛུགས་ཀྱིས་ཚེས་ ༣༠ བར་དྷ་ས་ཐེག་ཆེན་གཙུག་ལག་ཁང་གི་དཔའ་བོའི་དྲན་རྟེན་རྡོ་རིང་མདུན་དུ། བོད་སྐྱོད་ཞི་བའི་གོམ་བགྲོད་པ་གླིང་ཚ་ཚེ་བརྟན་རྡོ་རྗེ་ལགས་ཀྱི་ཨ་མ་ལྡོམ་པོ་སྐྱིད་ཀྱིས། ༧གོང་ས་མཆོག་མྱུར་དུ་བོད་ལ་གདན་འདྲེན་ཞུ་རྒྱུ་དང་། རང་སྲོག་བློས་བཏང་བའི་རྒྱལ་གཅེས་དཔའ་བོ་དཔའ་མོ་ཡོངས་ལ་གདུང་སེམས་མཉམ་སྐྱེད། རྒྱ་གཞུང་གིས་ཆ་རྐྱེན་གང་ཡང་མེད་པའི་ཐོག་ནས་བོད་ཀྱི་ཆབ་སྲིད་བཙོན་པ་ཚོ་ཀློད་གྲོལ་དགོས་རྒྱུ། དེ་བཞིན། བུ་ཚེ་བརྟན་རྡོ་རྗེའི་བོད་སྐྱོད་གོམ་བགྲོད་ལ་རྒྱབ་སྐྱོར་དང་། ཁོང་མི་འགྱངས་བར་བོད་ཀྱི་རྒྱལ་ས་ལྷ་སར་འབྱོར་ཐུབ་པ་བཅས་ཀྱི་དགོས་འདུན་དོན་ཚན་ ༣ གྱི་འོག ཉིན་གྲངས་ ༣༠ རིང་བསྙུང་གནས་དང་ངག་བཅད་ཀྱི་བོད་དོན་ལས་འགུལ་སྤེལ་བཞིན་ཡོད་འདུག
ལས་འགུལ་དེར་ཆོལ་ག་གསུམ་གཙོས་ཚོགས་སྐྱིད་ཁག་ ༡༡ གིས་ཁོང་མ་སྨད་གཉིས་ཀྱི་ཆོད་སེམས་ལ་རྒྱབ་སྐྱོར་དང་གདུང་སེམས་མཉམ་སྐྱེད་མཚོན་ཆེད། ལས་འགུལ་དབུ་འབྱེད་དང་མཇུག་བསྡོམས་ཀྱི་ཉིན་ཧྲིལ་བོར་ཚོགས་སྐྱིད་དེ་དག་གི་འཐུས་མི་གཉིས་རེ་ལས་འགུལ་ནང་མཉམ་ཞུགས་གནང་རྒྱུ་ཡིན་འདུག
དེའི་སྐོར་ལ་ཚོགས་སྐྱིད་མཉམ་སྦྲེལ་མཐུན་ཚོགས་ཀྱི་ཚོགས་གཙོ་བསྟན་པའི་དངོས་གྲུབ་ལགས་ཀྱིས་ངོ་སྤྲོད་གནང་དོན། “ལས་འགུལ་དབུ་འབྱེད་ཉིན་ཚོགས་སྐྱིད་ཁག་ ༡༡ གིས་ཨ་མ་ལྡོམ་པོ་སྐྱིད་ལ་འདུག་སའི་གུར་སོགས་གོ་སྒྲིག་དང་གསལ་བསྒྲགས་ཡིག་ཆ་འགྲེམས་སྤེལ། དེ་བཞིན་མ་འོངས་པར་ཨ་མ་ལྡོམ་པོ་སྐྱིད་ཀྱི་སྐུ་གཟུགས་གནས་སྟངས་སོགས་ལ་ལྟ་སྐྱོང་གནང་རྒྱུ་དང་། ལས་འགུལ་གྱི་ཉིན་མཐའ་མ་དེར་ཚོགས་སྐྱིད་ཁག་གི་ངོས་ནས་མཇུག་བསྡོམས་མཛད་སྒོ་ཆུང་ཆུང་ཞིག་བསྡུ་རྒྱུ་ཡིན” ཞེས་བརྗོད་བྱུང་།
ཁོང་གིས་མུ་མཐུད་དུ་གླིང་ཚའི་སྐོར་བརྗོད་དོན། “ ཉིན་ ༣ གྱི་སྔོན་དུ་ང་ཚོ་ཚོགས་པ་ ༡༡ གི་ཚོགས་འདུ་བསྡུས་ཏེ། གླིང་ཚ་ཚེ་བརྟན་རྡོ་རྗེ་ལགས་ཀྱི་ལངས་ཕྱོགས་དང་ལས་འགུལ་ལ་མུ་མཐུད་རྒྱབ་སྐྱོར་དང་གདུང་སེམས་མཉམ་སྐྱེད་ཡོད་པ་གྲོས་འཆམ་བྱུང་བ་ལྟར། ཁས་ཉིན་ང་ཚོའི་སྐུ་ཚབ་གཉིས་གྷོ་ར་ཕུར་དུ་ཕྱིན་ཏེ་ཚེ་བརྟན་རྡོ་རྗེ་ལགས་ལ་རོགས་རམ་ལྟ་སྐྱོང་གནང་བཞིན་ཡོད” ཅེས་བརྗོད་སོང་།
ཚོགས་སྐྱིད་ཁག་བཅུ་གཅིག་ལ་སྙིང་ཐག་པ་ནས་བཀའ་དྲིན་ཆེ། ང་ཚོས་བཟང་པོར་བཟང་གི་ངོས་འཛིན་གནང་ནས། ཕན་ཚུན་རོགས་འདེགས་གནང་སྟངས་འདི་ནི། མདོར་བསྡུས་ན། མི་རིགས་རང་གི་ལས་དོན་བདེ་ལེགས་ཅིག་འོང་བའི་རྒྱུ་ཉིད་དོ།
མཆན་པོ་འཁྱམ་པོ་ལགས་ཀྱིས་གསུངས་པ་ལྟར།
བོད་ཆོས་བསྙུང་གནས་ཀྱི་ཚིག་འདི། ཆབ་སྲིད་ལས་འགུལ་གྱི་ཟས་བཟད་ངག་བཅད་ཙམ་ལ་བེད་སྤྱད་པ་ནི། གསར་འགྱུར་བ་ལ་ཆོས་ཀྱི་ཞག་རྩི་ཞན་པའི་རྟགས་རེད།
ཆོས་སྲིད་གང་ཡིན་དྲ་འབུ་ཁྱོད་ཀྱི་ངོས་འཛིན་གང་བྱས་ན་དེ་ག་རང་རེད་་་ལོ་་་་་་འུར་མ་བཤད་་་་་་་་་་་་་་་་་་་སོ་སོའི་མི་འགྱོན་ན་ཁ་ཁར་འདུག་དང་མཛེས་ཤོས་རེད་་་་་་་་་་་་་་་
ངས་གོ་ཚོད་ལ་ཚོགས་སྐྱིད་བཅུགཅིག་ཟེར་བ་འདིར་དམིགས་བསལ་ཚོགས་གཙོ་མེད་རབས་གོ་སོང་མོད།བསྟན་པའི་དངོས་གྲུབ་ལ་ཚོགས་གཙོ་ཟེར་འདུག་པ་དེ་སུས་བསྐོ་བཞག་བྱས་པ་རེད་དམ། ཡང་ན་གསར་འགོད་པས་འོལ་ཚོད་བྱས་པ་རེད་དམ།
མ་བུ་གཉིས་ལ་རྒྱབ་སྐྱོར་ཡོད། །
དེ་ཆོས་རེད་དམ་སྲིད་རེད། སྲིད་དོན་ཡིན་ན་ཟས་གཅད་ངོ་བརྒོལ་ཞེས་བྲིས་ན་མཚམས། ཆོས་ཡིན་ན་མི་རིགས་གཅིག་ཁོ་ནའི་ཆེད་དུ་བསྙུང་གནས་སྡོད་པ་ནི་སེམས་བསྐྱེད་ཆུང་དྲགས་པ་རེད། ང་ཚོའི་མི་ལ་ངོམ་རྒྱུའི་ཐིག་ཆེན་ཆོས་ཞེས་པ་དེ་སེམས་ཅན་ཐམས་ཅད་ཀྱི་ཆེད་དུ་ཡིན་པ་ལས་མི་རིགས་ག་གེ་མོ་ཞིག་གི་ཆབ་སྲིད་ལས་འགུལ་ཆེད་བེད་སྤྱོད་ག་ལ་རུང་།།