གཟའ་སྤེན་པའི་ཉིན་རྒྱ་ནག་ཧྲན་ཞི་ཞོའོ་ཡུས་གྲོང་ཁྱེར་དུ་བཟའ་མི་གཉིས་ཀྱིས་གཞུང་ཕྱོཊ་ནས་བཙན་དབང་གིས་སྡོད་ཁང་གཏོར་བཅོམ་བཏང་བར་ངོ་རྒོལ་གྱིས་རང་ལུས་མེར་བསྲེགས་བཏང་འདུག
ཟླ་འདིའི་ཕྱི་ཚེས་ ༡༡ ཉིན་གྱི་དགོང་དྲོའི་ཆུ་ཚོད་ ༩།༠༠ ཡས་མས་སུ། རྒྱ་ནག་ཧྲན་ཞི་ཞིང་ཆེན་ཞོའི་ཡུས་གྲོང་ཁྱེར་དུ་གནས་སྡོད་བཟའ་མི་གཉིས་ཀྱིས། ས་གནས་གྲོང་སྡེ་ཨུ་ཡོན་ལྷན་ཁང་གིས་བཙན་དབང་གིས་ཁྱིམ་ཚང་གི་སྡོད་ཁང་གཏོར་བཅོམ་བཏང་བར་ངོ་རྒོལ་ཆེད། གྲོང་སྡེའི་མགོ་འཛིན་གྱི་ལུས་སྟེང་དུ་ས་སྣུམ་བླུགས་ཏེ་མཉམ་དུ་རང་ལུས་མེར་བསྲེཊ་བཏང་ཡོད་འདུག
ད་ལྟའི་ཆར་ཧྲན་ཞི་ཞིང་ཆེན་དྲག་ཆས་དམག་མིའི་སྨན་ཁང་དུ་ལྟ་སྲུང་འོག་སྨན་བཅོས་བྱེད་བཞིན་ཡོད་པ་དང་། གྲོང་སྡེའི་མགོ་འཛིན་དང་ཁྱོ་ག་དེ་གཉིས་ཀྱི་ལུས་པོའི་བརྒྱ་ཆ་ ༩༥ འཚིགས་ཟིན་པ་དང་། ཆུང་མའི་ལུས་ཀྱི་བརྒྱ་ཆ་ ༧༥ ཙམ་འཚིགས་ཡོད་འདུག
གོང་གི་གནས་ཚུལ་དེའི་ཐད་རྒྱ་ནག་ཧྲན་ཞི་ཞོའོ་ཡུས་གྲོང་ཁྱེར་གསར་གནས་ཁང་གིས་གནས་ཚུལ་སྤེལ་བའི་ནང་། རང་ལུས་མེར་བསྲེཊ་མ་བཏང་གོང་དུ་ཁོ་ཚོས་སྡོད་ཁང་གནས་སྤོར་ཐད་གྲོས་བསྡུར་བྱས་ཡོད་པ་ལས་བཙན་དབང་བྱས་མེད་པ་དང་། ད་ལྟ་གཞུང་གི་ཉེན་རྟོག་པས་གནད་དོན་འདི་ཆེད་དམིཊ་ཀྱིས་མི་ལ་གནོད་འཚེ་བཏང་བར་ངོས་འཛིན་བྱེད་ཀྱི་ཡོད་སྐོར། ཉེན་རྟོག་པས་རྩད་གཅོད་བྱས་པ་ལྟར་ན་ ༢༠༡༠ ལོའི་ཡར་སྔོན་དུ་གྲོང་སྡེའི་མགོ་འཛིན་དང་ཁྱིམ་ཚང་དེ་གཉིས་ཀྱི་འབྲེལ་བ་ཡག་པོ་ཡོད་ཀྱང་། རྗེས་སུ་རྒྱུ་ནོར་གྱི་གནད་དོན་ཞིག་གིས་ཕན་ཚུན་འགལ་ཟླ་བྱུང་བ་ཞིག་ལ་ངོས་འཛིན་བྱེད་ཀྱི་ཡོད་སྐོར་སོགས་བརྗོད་འདུག
མིང་མ་བཀོད་པའི་གྲོང་མི་ཞིག་གིས། གཞུང་ཕྱོགས་ནས་བསམ་ཞིབ་མ་བྱས་པར་འདི་ལྟར་བཙན་དབང་བྱས་ཚེ། མ་འོངས་པར་ད་རུང་རང་ལུས་མེར་བསྲེགས་གཏོང་མཁན་མང་དུ་འགྲོ་ཉེན་ཡོད་ལ། དེ་ལས་ཀྱང་ཚབས་ཆེ་བའི་གནད་དོན་འབྱུང་སྲིད་སྐོར་བརྗོད་འདུག
མི་སུ་ཞིག་ཡིན་རུང་རང་ལ་ཚོར་གནོན་མི་ཐུབ་པ་ཞིག་བྱུང་ན་གང་ཡང་བྱེད་ཕོད་པ་རེད། བོད་མི་ཚོས་མ་འོངས་པར་ཁེར་འགྲོ་ཤི་མ་ཡིན་པར་མ་མཐའ་ཡང་དམར་ཕྱོགས་ཚོགས་པའི་ཚོགས་མི་རེ་ལྷན་དུ་ཤི་ངེས་པ་རེད།
གསར་འགྱུར་དེའི་སྙིང་དོན་ངོ་མ་དེ། བཟའ་མི་དེ་གཉིས་ཀྱིས་སྡོད་ཁང་གཏོར་བཤིག་གཏོང་བར་ཡོང་བའི་གྲོང་སྡེའི་འགོ་འཛིན་ལ་འཐམ་དེ་མཉམ་ཏུ་རང་ལུས་མེར་སྲེག་བཏང་བ་དེ་རེད།
རྒྱ་ནག་ནང་དུ་ད་བར་རང་ལུས་མེར་སྲེག་གི་ངོ་རྒོལ་མང་པོ་བྱུང་བ་རེད། ད་རེབ་རང་ལུས་མེར་སྲེག་གཏོང་མཁན་གྱིས་དྲག་གནོན་བྱ་མཁན་གཅིག་ཁྲིད་ནས་སོང་བ་རེད། མ་འོངས་པར་འདི་ལྟ་བུ་མང་དུ་འགྲོ་སྲིད་ཀྱི་རེད།
གཞན་བོད་ནང་རང་སྲེག་གནང་མཁན་༡༡༧བྱུང་ཡོད་ཀྱང་། ཁོང་རྣམས་ནས་གཞན་སུ་ལའང་གནོད་འཚེ་ཕྲ་མོ་ཙམ་ཡང་བྱས་ཡོད་པ་མ་རེད། དེས་མ་ཟད་ཁོང་ཚོས་རང་སྲེག་གནང་དོན་སོ་སོ་དང་ཁྱིམ་ཚང་གི་འཚོ་གནས་ཙམ་མ་ཡིན་པར། མི་རིགས་ཤིག་གི་ལས་དབང་དང་རང་དབང་གི་ཆེད་ཡིན་པ་དེ་གསལ་བོར་ཤེས་དགོས་སོ། །