བདེ་སྲུང་ལས་ཁུངས་ཀྱིས་རྒྱ་གཞུང་གི་གསང་མྱུལ་བ་ཞིག་འཇུས་འདུག

འཇང་གཡུ་དང་བོད་དུས་གཉིས་ཀའི་ངོས་ལེན་འདེབས་རེ་ངེས་གནང་ཡོང་བ་ཞུ།

གསང་མྱུལ་བ་གཅིག་འཛིན་ཐུབ་ན་བོད་པ་ཚང་གི་རྒྱལ་ཁ་ཞིག་ལ་ངོས་བཟུང་ན་མི་འགྲིག་པ་མི་འདུག་ཡིན་ཡང་བཟུང་ནོ་བོད་མི་མ་གཏོགས་རྒྱ་མི་གཅིག་ཀྱང་འཛིན་མི་ཐུབ་པ་འདིའི་ཤུགས་ནས་ང་ཚོར་ག་རེ་བསྟན་ཡོད་ནི་རེད།

སྤྱང་ཀི་ལ་ཚེ་ཐར་དང་། རྐུན་མ་ལ་དཔའ་དར་མི་འོས་པ་རེད། ནང་རུལ་བ་འདི་རིགས་ནི་རྒྱ་མི་གསང་ཉུལ་བ་ལས་སྡུག་གི་རེད། ཐག་གཅོད་ནན་མོ་བྱེད་དགོས་པ་རེད། དོག་གཞི་ཅན་གྱི་མི་ལ་དོག་འདྲི་བྱེད་པ་ནི་རྒྱལ་ཁབ་སུ་ཡིན་ཡང་དེ་འདྲ་ཡིན་པ་ལས་བདེ་སྲུང་ལས་ཁུང་གིས་མ་དར་དར་ལྕོག་བཙུགས་བཞག་པ་གེ་མ་རེད། གསར་འབྱོར་བ་ཚོ་ནི་རྒྱ་གཞུང་གི་མངའ་འོག་ནས་ཡོང་བ་ཡིན་པས་དེ་ལ་དོག་པ་བྱེད་པ་ཡང་གནས་ལུགས་དང་མཐུན་པ་ཞིག་རེད།

བཙན་བྱོལ་གཞུང་དང་ཚོགས་སྡེ་ཁག་ནང་རྒྱ་གཞུང་ལ་གསང་འདུག་རྒྱུ་ཞིག་མེད་པ་ཀུན་གསལ་ཡིན་ནའང་། གོང་གི་མི་དེས་ངོས་ལེན་འདི་ཚོ་ཞུས་ཡོད་པ་འདྲ། བཙན་བྱོལ་བོད་མིའི་སྒྲིག་འཛུགས་དྲ་བ་ལས་གསལ་བ་ལྟར་ན།
“༸གོང་ས་མཆོག་གི་སྐུ་ཕྱྭ་མཛད་འཕྲིན་དང་འབྲེལ་བའི་གནས་ཚུལ་རྒྱ་ནག་གཞུང་ལ་མཁོ་སྤྲོད་བྱས་པ་དང་། བོད་མི་སྤྱིའི་རྩ་དོན་ལ་གནོད་གཞིའི་གནས་ཚུལ་མི་བདེན་རྫུན་བསྒྲིགས་ཀྱིས་མཁོ་སྤྲོད་བྱས་པ།”
གང་ལྟར་གསང་མྱུལ་བ་བཟུང་མཁན་དེ་གཉིས་ཀྱིས་ཇི་ལྟར་དང་། གང་དུ། སོགས་གསལ་ཁ་དགོས་པ་འདུག དེ་མིན་གོང་དུ་དྲ་མཆན་པས་འགས་བཤད་པ་ལྟར་དེ་སྔོན་གསར་འབྱོར་མང་པོ་ཞིག་ལ་བདེན་པ་ཡིན་མིན་ཐག་མ་ཆོད་བཞིན་དུ་བདེ་སྲུང་གིས་བཙིར་ཚར་བ་རེད།
སྤྱིར་རྡ་སའི་གཡས་གཡོན་གྱི་ལས་ཁུངས་ཁག་ནང་རྒྱ་ནག་གི་ཆེད་ཕྱག་ལས་གནང་མཁན་གང་འཚམས་ཡོད་པ་འདྲ། འདིའི་སྐོར་མངའ་རིས་རིན་པོ་ཆེས་གསལ་པོར་གསུངས་འདུག http://www.youtube.com/watch?v=4Mxc8sPNJog བརྙན་འཕྲིན་འདིའི་སྐར་ཆ་ 0:09:11 ནས་གཟིགས་རོགས།

༡༩༨༠ ལོར་ནག་ཆུ་ས་ཁུལ་ལྷ་རི་རྫོང་མཚོ་ར་ཤང་ཁོངས་སུ་སྐྱེས་པའི་གསང་མྱུལ་བ་སྤེན་པ་ཚེ་རིང་ཟེར་བའི་གནས་ཚུལ་འདིས་ག་རེ་མཚོན་ནམ་ཞེ་ན། དེའི་ཁུལ་གྱི་རྒྱ་རིགས་ལས་བོད་རིགས་སྡུག་ག་ཡོད་པའི་མངོན་རྟགས་གསལ་སྟོན་བྱས་རེད། བོད་མིའི་ཞབས་འདྲེན། རང་གི་ཕ་མའི་རྐང་འདྲེན། མ་རབས་ཐ་ཞལ་ཡིན་པར་ངོས་འཛིན་དང་ངོ་རགོལ་མཐར་ཕྱིན་བྱེད་དགོས་སོ། །

ཡང་གསར་འབྱོར་ཞིག་གི་མགོ་ཐོག་ལ་སྦྱོང་བརྡར་ལག་བསྟར་བྱས་འདུག སྦྱོང་བརྡར་དེའི་ཆེད་དུ་གསར་འབྱོར་གཞན་འགའ་འགའ་ཡང་བེད་སྤྱོད་བཏང་འདུག འདས་པའི་ལོ་ངོ་ལྔ་བཅུའི་རིང་བོད་གཞུང་བདེ་སྲུང་ལས་ཁུངས་ཀྱིས་གསང་མྱུལ་པ་ག་ཚོད་འཇུས་ཡོད། ཅིག་ཅིག་གསང་མྱུལ་བ་རེད། མིག་མིག་ལ་དོགས་གཞི་འདུག་ཅེས་ཉེས་མེད་ཉེས་འདོག་ག་ཚོད་ཅིག་བྱས་ཡོད། ནག་ཉེས་སྤུ་ཙམ་མེད་པའི་གསར་འབྱོར་ཉམས་ཆུང་ག་ཚོད་ཅིག་བདེ་སྲུང་ནང་སྐད་བཏང་སྟེ་རྔམ་རྔམ་རྫིག་རྫིག་བྱས་ཏེ་དོགས་འདྲི་བྱས་ཡོད།
ངས་ག་ལེར་འདིའི་སྐོར་ལ་རྩོམ་ཡིག་རྒྱས་པ་ཞིག་འདྲི་དགོས་བསམ་བསྡད་ཡོད། ང་རང་གིས་ངོ་ཤེས་པའི་མི་བཞི་ལྔ་ཞིག་ལ་བདེ་སྲུང་གིས་དོགས་འདྲི་དང་འཇིགས་སྣང་སྐུལ་འདུག དེང་སྐབས་རྒྱ་གར་ནང་དང་ཕྱི་རྒྱལ་ཁག་ཏུ་ཡོད་མཁན་མང་པོ་ཞིག་གིས་མིང་ཆལ་འཁུར་དགོས་བྱུང་ཡོད། འགའ་རེས་བོད་ནང་ལོག་ཕྱིན་ནའང་མིང་ཆལ་འདྲ་མིན་ཞིག་གི་འོག་ནས་སྤྱི་ཚོགས་ནང་དཀའ་ངལ་འཕྲད་ཀྱི་ཡོད། འདི་དག་སུས་བཟོས་པ་རེད།
གོ་ཐོས་སུ་བཙན་བྱོལ་སྤྱི་ཚོགས་ནང་གི་སློབ་གྲྭ་དང་ཚོགས་པ་སྒྲིག་འཛུགས་རེ་ཟུང་ནང་གི་མི་མགོ་མཐོ་མཐོ་བྱེད་མཁན་བརླག་མི་འཁེལ་བའི་རིགས་ཚོགས་པ་དེའི་འགན་འཛིན་གྱིས་བདེ་སྲུང་དང་འབྲེལ་བ་ཞུས་ཏེ་མི་དེ་ལ་དོགས་གཞི་ཡོད་ཚུལ་དང་རྒྱ་ནག་གི་གསང་མྱུལ་བ་ཡིན་ཚུལ་སོགས་བཤད་དེ་བདེ་སྲུང་ལ་སྐད་གཏོང་དུ་འཇུག་གི་ཡོད་པ་དང་། བདེ་སྲུང་གིས་ཀྱང་ཞེ་བོ་ཅིག་ལག་ཏུ་ཚུད་ཡོད་མདོག་མདོག་གིས་འདྲི་རྩད་སྣ་ཚོགས་བྱེད་ཀྱིན་ཡོད།

དྲ་གྲོགས་ཚོ། བཙན་འབྱོལ་གཞུང་ལ་གསང་ཉུལ་བྱེད་དགོས་པའི་གསང་བ་ཅི་ཡང་མེད། འོ་ན་རྒྱ་དམར་གཞུང་གིས་བོད་ནས་བོད་མི་མང་པོ་གསང་ཉུལ་དུ་གཏོང་དགོས་དོན་གང་རེད་ཅེ་ན། བཙན་འབྱོལ་སྤྱི་ཚོགས་ནས་ཟིང་ཆ་རློང་བ་དང། ཡུལ་མི་དང་བོད་མི་གཉིས་བར་གྱི་འབྲེལ་བ་གཏོར་བཤིག་གཏོང་རྒྱུ། རྒྱ་གར་གཞུང་གིས་བོད་མིར་ལྟ་ཕྱོགས་ངན་པ་བཟོ་བའི་ཕྱིར་དུ་གསར་བྱོར་སོ་བ་ཚོས་བཙན་འབྱོལ་སྤྱི་ཚོགས་ནང་སྤྱོད་ངན་ཁྲབ་དུ་གཏོང་གི་ཡོད་རེད།

རྒྱ་ནག་གི་སོ་ཉུལ་འཇུ་བཟུང་བྱས་ན་དེ་ལ་མི་དགའ་བྱེད་དགོས་དོན་མེད། གལ་སྲིད་དེ་ལ་མི་དགའ་ན་སོ་སོ་ཡང་བཙན་འབྱོལ་སྤྱི་ཚོགས་ནང་ཟིང་ཆ་རློང་མཁན་གྲས་ཡིན་པ་རེད།

དང་ཐོག་ཁོ་ཚོ་གསུམ་གྲོགས་པོ་ཆགས། དེ་ནས་ཁོ་ཚོ་གསུམ་ནང་ཁུལ་མ་མཐུན་པ་བྱུང། མཐའ་མ་མི་གཅིག་སོ་པ་རེད་ཟེར་ནས་འཐེར་འདོན་བྱས། ཕྱོགས་གང་ནས་ལྟས་ཀྱང་གསལ་ཚུལ་དེ་ཡ་མཚན་སྐྱེས་དགོས་པ་ཞིག་འདུག བཀྲ་ཤིས་དོན་གྲུབ་དང་ཀརྨ་ཡེ་ཤེས་ཟེར་བ་དེ་གཉིས་ཀྱང་བོད་ནང་མི་གསོད་ཁྲག་སྦྱོར་བྱས། རྒྱའི་བཙོན་ཁང་ནང་ཡོད་བཞིན་དུ་འདིར་སླེབས་པ་ཞིག་ལས། སྤྱིར་བཏང་བ་ཞིག་བྱས་ནས་འདིར་སླེབས་པ་ཞིག་གཏན་ནས་མ་རེད།
སོ་པ་འཛིན་མཁན་གཉིས་ཀྱིས་གཞན་པ་དེ་སོ་པ་ཡིན་པ་ཅི་ལྟར་ཤེས་པ་རེད་དམ། 
སོ་པས་དྲག་སྤྱོད་སྤེལ་ས་དེ་གཞན་སུ་ཞིག་ཀྱང་མ་ཡིན་པར་བཀྲ་ཤིས་དོན་གྲུབ་ཟེར་བ་དེར་རེད་འདུག དེ་འདྲ་སོང་ཙང། འདྲི་རྒྱུ་ཞིག་ལ། དྲག་སྤྟོད་སྤེལ་ཡུལ་དེ་བཀྲིས་དོན་གྲུབ་ཡིན་དོན་ཅི། བཀྲ་ཤིས་དོན་གྲུབ་ཀྱིས་ཁོ་སོ་པ་ཡིན་པ་ཇི་ལྟར་ཤེས་པ་རེད། ང་ཚོས་ཕྱོགས་གཅིག་གཅིག་པུ་ལ་ལྟས་ནས་མ་བསྡད་པར། ཕྱོགས་མང་པོ་ཞིག་ནས་ལྟ་དགོས་པ་གལ་ཆེར་མཐོང།

གོང་གི་གསར་བསྒྱུར་ནང་དེ་འདྲ་ཞིག་འདུག་༼སྤེན་པ་ཚེ་རིང་འདི་གར་འབྱོར་རྗེས་ཁོ་པ་བོད་ནང་ལས་བྱེད་བྱེད་མྱོང་ཡོད་པ་ཞིག་ ཡིན་པའི་ཆ་ནས་འདི་ག་ལས་ཁུངས་ནས་དམིགས་བསལ་ལྟ་རྟོགས་བྱས་ཡོད།༽ བོད་ནང་དུ་ལས་བྱེད་མྱོང་བ་ཐམས་ཅད་ལ་བདེ་སྲུངས་ལྟ་རྟོགས་གནང་གི་ཡོད་དམ། དེར་གནས་ཚུལ་ངེས་ཅན་ཞིག་འདུག་བསམ་གྱི་འདུག ་གཙོ་བོ་ནི་སོ་མྱུལ་ཁོ་ལ་བདེ་སྲུངས་ནང་ལས་ཀ་སྤྲོད་མཁན་དེ་མྱུལ་མ་གཙོ་བོ་ཡིན་པ་འདོད་དེར་རྟེན་ལས་ཀ་སྤྲོད་མཁན་སུ་ཡིན་ཞིབ་སྤྱད་ངེས་པར་དགོས།།

དཔལ་ལྡན་བདེ་སྲུང་ལས་ཁུངས་ཀྱི་ཕྱག་ལས་དང་བྱ་བཞག་ཐམས་ཅད་ལ་ཡི་རིང་ཡོད། འོན་ཀྱང་དེང་སྐབས་སྤྱི་ཚོགས་ནང་མི་བུ་སྒེར་གྱི་འཁོན་འཛིན་ཕྱོགས་ཞེན་གནོད་སེམས་ཁོ་ན་ཁོག་བཅིངས་ཀྱི་རྫུན་སྒྲིགས་བྱེད་མཁན་ཡང་ཡོང་དང་ཡོང་བཞིན་པ་རེད། དེར་བརྟེན་འདི་ཚུལ་འདི་དང་འདི་ལྟ་བུ་དག་ལ་དན་དོམ་བརྟག་དཔྱད་ཡག་པོ་གནང་ནས་ཐེར་འདོན་བྱས་བ་ལ་སྙིང་ཐག་པ་ནས་ཐུགས་རྗེ་ཆེ་ཞུ་བཞིན་ཡོད།

མི་ངན་དེའི་རིགས་མི་རིགས་ཀྱི་ལ་རྒྱ་དང་། བཀའ་དྲིན་བསམ་ཤེས། རིག་གཞུང་ལ་ཤ་ཞེན་མེད་མཁན་གྱི་རྒྱུག་ཁྱི་དྭངས་མ་ཤ་སྟག་རེད། ངན་པ་རྒྱ་ཡན་དུ་ཕྱིན་ན་ཡག་པོ་མེད། ཞགས་པས་བཅིངས། དབྱུག་པས་བརྡུངས། མཚོན་གྱིས་བསྣུན་ན་མ་གཏོགས་ཉན་གྱི་མ་རེད། བོད་རྒྱ་ཆེ་མི་མང་གཉན་འཕྲང་འདི་འདྲའི་སྐབས་སུ་ཚུར་གནམ་གང་མ་བརྩིས་ན་ཕར་ཚེས་གཅིག་བརྩི་དགོས་དོན་མེད་རེད།

གསང་མྱུལ་འདི་ཐེར་འདོན་བྱེད་མཁན་ཁམས་འབྲི་རུ་ནས་ཡིན་པ་རྒྱལ་གཅེས་པ་བཀྲིས་རྒྱལ་རྒྱལ་མཚན་དང་ཁམས་སྡེ་དགེ་ནས་ཡིན་པ་ཀརྨ་ཡེ་ཤེས་གཉིས་ཀྱི་འཇུ་ནས་བོད་གཞུང་སྲུང་ལ་ལག་ཏུ་སྤྲོད་པ་ཞིག་ལས་སྡེ་སྲུང་གི་ད་བར་ལས་དོན་དེ་འདྲ་ཞིག་བྱེད་མྱོང་མེད་པ་ཚང་མས་མཁྱིན་གསལ་རེད་།

སྤེན་པ་ཚེ་རིང་རྒྱ་ནག་གསང་ཉུལ་བ་ཡིན་ན་ཁོང་ད་ལྟ་གང་ན་ཡོད་གི་རེད་རྒྱ་ནག་ལ་རྩིས་སྤྲོད་བྱེད་པ་རེད་དམ་ཡང་རྒྱ་གར་ལ་རྩིས་སྤྲོད་བྱེད་པ་རེད། གལ་སྲིད་རྒྱ་དཀར་ནག་གཉིས་ཀ་ལ་རྩིས་སྤྲོད་བྱས་མེད་ན་བཙན་བྱོལ་སྒྲིགས་འཛུག་ཆུང་ཆུང་ཞིག་གིསའཛམ་གླིང་སྟོབས་ཆེན་རྒྱལ་ཁབ་ཨང་གཉིས་པའི་གསང་ཉུལ་ཞིག་ལ་འདྲི་ཞུབ་བྱས་ནས་བདེན་པ་ར་སྤྲོད་བྱུང་ཟེར་ན་ཡིད་ཆེས་ཁག་ཙམ་མ་རེད་པས། མ་གཞི་བཙན་བྱོལ་སྒྲིགས་འཛུག་གི་གསར་འབྱོར་བ་ཉམས་ཆུང་ཚོ་ལ་གསང་ཉུལ་བའི་ཉེས་མིང་གཡོག་ནས་འདི་འདྲ་མང་པོ་བྱེད་ཚར་བ་རེད་བདེན་པ་རེད་བསམ་གི་མི་འདུག

འདུལ་བ་ལུང་ལས། བསམ་པ་ནང་ན་ཡོད་པ་ཀུན།། ཕྱི་རོལ་ལ་ནི་ཉེ་བར་དམིགས།ཞེས་པ་ལྟར། མི་ངན་གྱི་ཚུགས་ཀ་ངོ་རིས་ལའང་གསལ་འདུག བོད་མིའི་རྐང་འདྲེན་འདི་འདྲ་ཡང་ཡོད་པ་ལ།

ངས་གསར་འགྱུར་འདི་ཀློག་མཁན་ཚོར་དྲི་བ་ཁ་ཤས་འདོན་རྒྱུ་ཡིན། དང་པོ། ༧གོང་ས་མཆོག་གི་མཛད་འཆར་ཁག་དང་། ཡང་སྒོའི་སྐུ་ཕྱྭ་དང་འབྲེལ་བའི་ལས་དོན་ནང་དུ་ད་བར་གསང་པ་ཅི་ཞིག་ཡོད་དམ། བོད་གཞུང་གི་ལས་ཁུངས་ཁག་དང་། ལྷག་པར་དུ་གཞུང་འབྲེལ་མ་ཡིན་པའི་ཚོགས་པ་ཁག་ལ་འདས་པའི་ལོ་ངོ་དྲུག་ཅུར་ཉེ་བའི་རིང་གསར་འགྱུར་བརྒྱུད་ལམ་དུ་ཡོངས་བསྒྲགས་བྱས་དང་བྱེད་བཞིན་པ་ལས་ལྷག་གི་འཆར་གཞི་དང་ཇུས་འགོད་རྐང་གཅིག་ཡོད་མྱོང་ངམ། ལྷག་པར་དུ་རྒྱང་རིང་ནས་བོད་མིའི་སྒྲིག་འཛུགས་དང་༧གོང་ས་མཆོག་གི་སྐོར་ལ་ཧ་ཅང་ལྐོག་གྱུར་གྱི་སྐད་ཆ་བཤད་པ་ཙམ་མ་ཡིན་པར། ངྷ་རམ་ས་ལ་དང་གངས་ཅན་སྐྱིད་གཤོངས་ལ་ཆ་རྐྱུས་ཆེན་པོ་ཡོད་མཁན་ཞིག་ཡིན་ན་གོང་གི་གསར་འགྱུར་འདི་ལ་ཧང་རྩ་བ་ནས་སངས་གི་མ་རེད། ངས་ད་ཐེངས་བདེ་སྲུང་ལས་ཁུངས་ཀྱིས་ནོར་འཁྲུལ་བཟོས་འདུག་ཟེར་གྱི་མེད་དོགས་སློང་ཙམ་བྱས་པ་ཙམ་ཡིན།