རྫ་དབོན་པོ་དགོན་པའི་བླ་མ་ཨ་དྲིལ་རིན་པོ་ཆེ་མཆོག་ཕྱིར་རང་དགོན་དུ་ཕེབས་ཏེ་ས་གནས་སྐྱ་སེར་མང་ཚོཊ་ལ་རྟ་ཕྱག་ཁྱུང་གསུམ་གྱི་བཀའ་དབང་དང་ལམ་སྟོན་བཀའ་སློབ་གནང་འདུག
གྲྭ་བྱམས་པ་ཡོན་ཏན་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། རྒྱ་ནག་གཞུང་གིས་ ༢༠༠༨ ལོའི་ཟླ་ ༣ པའི་ཚེས་ ༡༥ ཉིན་དཀར་མཛེས་ཁུལ་སེར་ཤུལ་རྫོང་རྫ་དབོན་པོ་དགའ་ལྡན་བཤད་སྒྲུབ་དར་རྒྱས་གླིང་དང་ཨ་དྲེལ་དགོན་གཉིས་ཀྱི་དགོན་བདག་བླ་མ་ཨ་དྲིལ་བློ་བཟང་བསྟན་འཛིན་མཆོག་ལྷ་སར་འཛིན་བཟུང་གིས། རྒྱལ་ཁབ་ཀྱི་གསང་བ་ཕྱིར་བསྒྲཊ་བྱས་པའི་ཉེས་མིང་འོག་ལོ་ ༥ རིང་བཙོན་འཇུག་བཀག་ཉར་བྱས་ཏེ་ཟླ་འདིའི་ཕྱི་ཚེས་༡༥ ཉིན་ཀློད་གྲོལ་བཏང་ཡོད་པ་ལྟར། ཁ་སང་ཕྱི་ཚེས་ ༢༥ ཉིན་རྫ་དབོན་པོ་དགོན་པའི་དགེ་འདུན་པ་དང་ས་གནས་མང་ཚོཊ་ཀྱིས་ཕེབས་བསུའི་ཁྲོད་དགོན་བདག་བླ་མ་མཆོག་དབོན་པོ་དགོན་དུ་ཞབས་སོར་བཀོད་དེ། སེར་སྐྱ་མི་མང་གིས་བརྟན་བཞུགས་བསྟར་འབུལ་དང་མང་ཚོགས་ལ་རྟ་ཕྱག་ཁྱུང་གསུམ་གྱི་བཀའ་དབང་གནང་བ་མ་ཟད། ཁོང་གི་ས་གནས་སྐྱ་སེར་གཉིས་ལ་ཤེས་ཡོན་སློབ་གསོ་དང་ནང་ཁུལ་མཐུན་ལམ་ཆིག་སྒྲིལ། སྐད་ཡིག་སྲུང་སྐྱོབ་སོགས་ཀྱི་ཐོག་ལམ་སྟོན་བཀའ་སློབ་གནང་ཡོད་འདུག་ལ། ཉིན་ཤས་རྗེས་མཚོ་སྔོན་ཞིང་ཆེན་ཡུ་ཤུལ་ཁུལ་ཆུ་མ་ལེབ་རྫོང་དུ་ཡོད་པའི་ཨ་དྲེལ་དགོན་དུ་ཆིབས་བསྒྱུར་གནང་རྒྱུ་ཡིན་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། ཉེ་བའི་ཆར་དབོན་པོ་དགོན་གྲོང་གཉིས་ཀྱིས་དགོན་བདག་བླ་མ་བཙོན་གྲོལ་ཐོབ་པར་དགའ་སྤྲོའི་ཁེངས་ཡོད་ཀྱང་། རྒྱ་ནག་གཞུང་གིས་ ༢༠༠༨ ལོར་ལྷ་སར་འཛིན་བཟུང་བྱས་ཏེ་ལོ་ ༡༠ ཁྲིམས་ཐག་བཅད་ཡོད་པའི་ཟླ་ཤར་དང་བློ་གྲོས། བསོད་ནམས་གྲཊ་པ་བཅས་དང་། ༢༠༡༢ ལོའི་ཟླ་ ༡༠ བའི་ནང་དབོན་པོ་ཡུལ་ཚོར་འཛིན་བཟུང་བྱས་པའི་དགེ་འདུན་པ་ ༩ བཅས་སྔ་ཕྱི་འཛིན་བཟུང་བཀག་ཉར་བྱས་ཡོད་སྟབས། ས་གནས་དགོན་གྲོང་གཉིས་ཀྱིས་དེའི་ཐད་སེམས་ཁྲལ་བྱེད་ཀྱི་ཡོད་འདུག
གསར་འགོད་པ། དོན་གོ
ཡིག་ནོར་མང་པོ་འདུག རྩོམ་ཡིག་གི་ཁ་བྱང་ལ་འང་ཡིག་ནོར་མང་པོ་ཤོར་སོང་། རྗེས་མ་ནས་གཟབ་གཟབ་བྱ་རྒྱུ་རེ་བ་ཞུ་བ་དང་ཆབས་ཅིག བསམ་ཚུལ་ག་རེ་བཏོན་ནའང་གུ་ཡངས་ཀྱིས་དགོངས་པ་བཞེས་བཅོས་བསྒྱུར་གནང་རྒྱུ་གལ་ཆེ།
རྟ་ཕྱག་ཁྱུང་གསུམ་གྱི་དབང་ཡིན་པ་ལས། (རྟ་ཕྱུག་ཁྱུང་གསུམ་གྱི་བཀའ་དབང་)ཟེར་བ་ཞིག་ཡོད་མ་རེད། ཡིན་ནའང་ངོས་ལེན་བྱེད་ཐུབ་མིན་གནས་ཚུལ་ཐ་དད་རེད་དོ།
གསར་འགོད་པ་དོན་གོ་ལགས། འདིར་ཡིག་ནོར་ཆེན་པོ་ཞིག་བྱུང་འདུག
རྟ་ཕྱག་ཁྱུང་གསུམ་གྱི་བཀའ་དབང་ཡིན་རྒྱུ་རེད། རྟ་མགྲིན། ཕྱག་ན་རྡོ་རྗེ། བྱ་ཁྱུང་། བཅས་ཡིན་པ་འདྲ།