བོད་མིའི་སྒྲིག་འཛུཊ་ཀྱི་ལས་དོན་ལ་གཞོཊ་འདེཊ་བྱ་རྒྱུའི་དམ་བཅའ་ཡོད།

བློ་འཕེལ་ལགས། གཞོན་ནུ་ལ་དེ་འདྲ་མ་གསུང་རོགས་ཞུ། སྐད་ཆ་ཐལ་ཆ་ཆེ་བའི་རིགས་ལམ་སང་བརྒྱུད་ལམ་ལ་གཏོང་རྐྱང་བྱས་ན་ཅི་ཕན། རང་ལ་ཐོབ་ཐང་ཡོད་སྡད་པ།ཞིག་རྩད་ན་སྐྱོན་ཅི། གཙོ་བོ་གཞུང་གི་སྲིད་ཇུས་ལ་འགྱུར་བ་གཏོང་དགོས་ལབ་ན་མི་འགྲིག་པ་ཞིག་རེད། དེ་ཡང་སྲིད་དོན་ཚོགས་པ་མིན་པས་སོ།གི་

གསེར་འབྲུག་སྡེར་ལྔ་
༢༠༡༣/༠༥/༢༨ ཉིན་འདོན་སྤེལ་བྱས།
ཀརྨ་རྡོ་རྗེ།
ཁྱོད་ཨ་མ་དང་མནའ་མ་ནོར་བ་ནི་དགོད་སྤྱད་ཅིག་མ་རེད་པས། བོད་རང་བཙན་འདི། པན་འཇབ་རང་བཙན། ཀཤི་མིར་རང་བཙན། སཱིརཱི་ལངྒ་རང་བཙན། ད་དུང་བལ་ཡུལ་དང་འབྲུག་པ་རང་བཙན་དང་གཞི་གཅིག་ལ་བཞག་ནས་ར་མགོ་ལུག་སྦྱར་བྱེད་པའི་ལམ་ལུགས་འདི་ཅི་འདྲའི་ཡ་མཚན་མ་རེད་པས།
ཧ་ཧ། ལུག་ཁྱུ་འཕར་བ་དང་སྤྱང་ཀིའི་དྲོ་སྐྱིད་ལ་རེ་ཡོད་ཟེར་ན་གང་འདྲ་འདུག།
ལན་དུ།
ངས་ཨ་མ་དང་མནའ་ནོར་ན་ཡང་ཁྱིམ་ཚང་གཅིག་གི་དཀའ་ངལ་རེད། ཁྱེད་རང་བོད་རང་བཙན་དང་རྒྱ་བོད་གཉིས་སྨན་དབུ་མ་གཉིས་ཀྱི་ཁ་ཕན་ལ་ནོར་ན་རྒྱལ་ཁབ་གཉིས་དང་། མི་རིགས་གཉིས་ཀ་ལ་གྱོང་གུན་ཆེན་པོ་རག་བགྱིད་རེད་དོ། །གསེར་འབྲུག་ལགས།

གཞོན་ནུའི་ཚོགས་གཙོས་གཏམ་བཤད་དྲང་མོ་བྱས་མ་སོང་ལ་དངོས་གནས་ཡ་མཚན་པ་ཞིག་ལ། ༸གོང་ས་མཆོག་ཐུགས་ཕམ་བྱུང་བ་ཞལ་ཚ་བོ་ནས་གསུངས་པ་དེ་ཐུགས་དགོངས་དཀྲུགས་ནས་བྱུང་བ་མ་རེད་དམ།
ད་དུང་ཚོགས་གཙོས་དངོས་ཤུགས་བརྒྱུད་གསུམ་ནས་ལྷ་དགོངས་དཀྲུག་པའི་ཅ་ཅོ་ཏུལ་འབྲུ་ཙམ་ཡང་སྒྲུབ་མེད་ཅེས་བཤད་སོང་བ་ཧམ་པ་མ་རེད་པས།

༡ བོད་ཀྱི་གཞོན་ནུ་ལྷན་ཚོགས་ནི་བདུན་ཅུ་དོན་གྲངས་ནས་ད་ལྟའི་བར་གཞུང་འབྲེལ་མ་ཡིན་པའི་ཚོགས་པ་ཆེ་ཤས་ཤིག་རེད། ཚོགས་པ་འདིའི་ལས་དོན་ཆེ་ཕྲ་གང་ཡིན་ཡང་བོད་མི་རིགས་ཀྱི་རྒྱལ་ཁབ་སླར་གསོའི་ཆེད་དུ་རེད། ཡིན་ནའང་བར་ལམ་ཞིག་ནས་ཚོགས་པ་འདི་ལ་ལབ་རྒྱུ་གླེང་རྒྱུ་མང་དུ་ཕྱིན་སོང་། དེའི་རྒྱུ་རྐྱེན་ནི་ཚོགས་པའི་སྣེ་ཁྲིད་མཁན་གྱི་གང་ཟག་གིས་བྱེད་ལས་བྱེད་སྟངས་ཀྱི་ལོས་ཡིན།

༢ ཨེ་ཌ་ལི་དང་ལ་དྭགས་སུ་༸གོང་ས་མཆོག་ནས། ཐུགས་ཕམ་གྱི་བཀའ་སློབ་ཕེབས་དོན་གང་ཡིན་ནམ།

༣ ཐུགས་ཕམ་ནི་སྐུ་ཕྱྭ་དང་འབྲེལ་བ་ཡོད་པ་ཡིན་ཞེས་དབུས་བོད་མིའི་སྒྲིག་འཛུགས་ཀྱིས་ངོས་འཛིན་བཤད་ཀྱི་ཡོད་བཞིན་དུ་ནད་དོན་འདིའི་རིགས་སྣང་མེད་ལ་ག་རེ་བྱས་ནས་འཇོག་གི་ཡོད་པ་རེད། དཔལ་ལྡན་བདེ་སྲུང་གི་ལས་ཀ་གཙོ་བོ་སྐུ་ཕྱྭར་བལྟ་རྒྱུ་དེ་ཡིན་ནམ།

༤ ༸གོང་ས་མཆོག་གིས་ཕྱི་གསལ་ནང་གསལ་གྱི་བཀའ་སློབ་རིམ་པ་ལྟར་ཕེབས་ནའང་དེ་དག་ལ་རྣ་བ་བཀབ་ཏེ་རང་སྣང་གང་དྲན་གྱིས་ ༸གོང་ས་མཆོག་གིས་ཞལ་ནས་དབུ་མའི་ལམ་གསུང་གི་ཡོད་པ་རེད་དེ་དོན་ལ་རང་བཙན་རྩོད་ཀྱི་ཡོད་པ་རེད་ཞེས་ཁྲམ་པ་བྱེད་དགོས་དོན་གང་ཡིན་ནམ། མི་རེ་ཟུང་གི་བྱེད་ལས་བྱེད་སྟངས་ལ་བོད་མི་ཚང་མས་གཟབ་གཟབ་བྱེད་དགོས་པའི་དུས་ལ་བབ་འདུག

༥ ཁྱེད་རང་བོད་མི་སེམས་ཀྱི་ཉི་མ་༸གོང་ས་མཆོག་ལ་དད་པ་མེད་ན། ཁྱེད་རང་ཁོང་གི་གསུང་ལ་ཡིད་ཆེས་མེད་ན། དེ་ནས་ཁྱེད་རང་ཆབ་སྲིད་ལ་ཇི་ཙམ་མཁས་ནའང་ཁྱེད་རང་ང་ཚོའི་སྤྱི་ཚོགས་ནང་ཆེ་མཐོང་ཡོང་མི་སྲིད་ལ། ཁྱེད་ཀྱི་གང་བྱས་གང་སྒྲུབ་ཐམས་ཅད་མ་འོངས་པར་བོད་མི་རིགས་ཀྱི་སེམས་ཀྱི་རྨ་ཁར་འགྱུར་ཉེན་འདུག་པས་ཡིད་གཟབ་གནང་རོགས། བོད་མི་ཕལ་བ་ཞིག་གི་བསམ་ཚུལ་ཡིན།

ཁ་སང་དེ་རིང་གི་རྡ་རམ་ས་ལའི་སྲིད་དོན་གྱི་སྐད་ཆའི་རྒྱབ་ན་བཀབ་པའི་བརྗོད་དོན་གཙོ་བོ་ནི། གཞིས་ལུས་བོད་མི་ ༡༡༧ ཙམ་མེར་སྲེག་བཏང་བ་དེའི་ཉེས་པ་སུ་ལ་ཡོད་མེད་དེ་ཡིན་པ་འདྲ། དེ་མ་གཏོགས་རང་བཙན་འཐོབ་སྟངས་དང་རང་སྐྱོང་འཐོབ་སྟངས་ལ་ཕྱོགས་གཉིས་ཀ་གོར་ཐིག་རེད།

གང་ལྟར་བོད་ཀྱི་གཞོན་ནུ་ཚོགས་པ་ཟེར་པ་འདི་བོད་ཀྱི་སྤྱི་ཚོགས་ནང་དུ་མེད་མི་རུང་བའི་ཚོགས་པ་གལ་ཆེན་ཞིག་རེད།   ཡིན་ན་ཡང་བོད་མིའི་སྒྲིག་འཛུགས་ཀྱི་ལས་དོན་གང་གི་ཐོག་ཡིན་ན་བོད་མི་ཞིག་ཡིན་པས་ངོ་ནས་འབད་བརྩོན་བྱེད་བཞིན་ཡོད་པ་རེད་ད་དུང་འབད་བརྩོན་གནང་དགོས་པ་གལ་ཆེན་རེད།  མ་ཟད་ལས་དོན་ཐོག་ཡིན་ན་བོད་མིའི་སྒྲིག་འཛུགས་ལ་སྟུན་ཤེས་གནང་བ་ཡིན་ན་༸གོང་ས་མཆོག་གི་ཐུགས་དགོངས་བཞིན་འགྲོ་ཐུབ་གནང་རྒྱུ་གལ་ཆེན་རེད།   ཕྱོགས་གཅིག་ལ་འབད་བརྩོན་གནང་པ་ཡིན་ན་ནུས་པ་ཆེན་པོ་ཐོན་ངེས་རེད་དྲན་སོང་གང་ལྟར་བསམ་ཕྱོགས་ལ་འགྱུར་བ་དང་ལྟ་བ་གང་ཙམ་འགྱུར་བ་བྱུང་འདུག་བསམ་བྱུང་དེ་ཡང་དག་པ་ཞིག་རེད།

གཞོན་ལྷན་ཚོགས་ཆེན་ལ་ཇུས་གཏོགས་ཤིག་བྱས་ན།

ཤར་ཕྱོགས་ཁུག་རྟ།

༄༅།། ང་ལ་ཇུས་གཏོགས་མི་འདུག་མ་གསུངས། ལྷག་པར་དབུ་མ་པ་ཤར་ཕྱོགས་ཁུག་རྟ་ལ་ཇུས་གཏོགས་མི་འདུག་མ་གསུངས། ཡིན་ནའང། རང་བཙན་གླེང་ནས་མི་ལོ་མང་པོ་ཡུན་གྱིས་ལྟེབས་བརྩེགས་རྒྱབ་མཐའ་ན། དེ་རིང་ད་དུང་རང་བཙན་ནི་ཅི་ཞིག་ཡིན་པ་དང། ཅི་ལྟར་རྩོད་མིན། དངོས་གནས་རང་བཙན་རྩོད་ཀྱི་ཡོད་པའི་རྣམ་འགྱུར་བསྟན་ཐུབ་ཡོད་མེད་ཀྱིས་དེ་རིང་གི་རང་བཙན་ཚོགས་འདུར་གདེང་ཚོད་དང་སྤོབས་ཉམས་ཆུང་བའི་རྣམ་པ་ཞིག་གསལ་ལེར་མངོན་ཡོང་གི་ཡོད། རྙོག་གླེང་གྲངས་མེད་དང་དཀའ་ངལ་སྣ་ཚོགས་ཀྱི་འོག་ནས་གཞོན་ནུའི་ཚོགས་ཆེན་ཐེངས ༡༥ པ་བཞུགས་སྒར་དུ་མགོ་བཙུགས་ཟིན་པའི་རྣམ་པ་ཞིག་དེ་རིང་གསར་ལམ་ཁག་ཏུ་མཐོང་རྒྱུ་འདུག གླེང་ཕྱོགས་མང་པོའི་ཁྲོད་དེ་རིང་གི་གཞོན་ནུ་ལྷན་ཚོགས་ཀྱི་གནས་བབ་ནི་སྒོ་རྒྱག་དང་མི་རྒྱག་གི་ས་མཚམས་སུ་སླེབས་ཡོད་ཀྱང། ང་ཚོས་འདས་པར་ཕྱིར་བལྟ་དང་མ་འོངས་པར་བསམ་གཞིག་བྱེད་སྐབས། རྒྱུ་མཚན་གང་གིས་གཞོན་ལྷན་དབུས་ས་གཉིས་ནས་”བོད་རང་བཙན་”ཟེར་བའི་དམིགས་ཚད་དང་ལས་འཆར། འཆར་སྣང་དང་བློས་གཏོང་གི་ཚད་གཞི་རོབ་ཙམ་ཞིག་ཅིའི་ཕྱིར་ཕྱི་གསལ་ནང་གསལ་མ་བཟོས་པ་ཡིན་ནམ་ཞེས་པའི་དོགས་པ་ཚང་མར་འབྱུང་གི་ཡོད་པ་རེད། གལ་སྲིད་བདེན་དོན་དང་རྣམ་དཔྱོད་ལ་སྐད་ཆ་དྲིས་ཏེ་གཞོན་ལྷན་སྒོ་རྒྱག་མིན་ཐག་གིས་གཅོད་དགོས་ཚེ། ངེས་པར་དུ་གཞོན་ལྷན་ལ་གང་ཞིག་ཚང་ཡོད་མེད་དང་ཚང་ཐུབ་མིན་གོང་དུ་དྲངས་པའི་ཆ་རྐྱེན་འདི་དག་ནས་བལྟ་རྒྱུ་ནི་ཧ་ཅང་གསལ་བོ་ཞིག་རེད་སྙམ་པས། གཤམ་ནས་ངས་མ་བབས་པར་སྐེ་བསྲིང་པ་ལྟ་བུས་གཞོན་ལྷན་ནས་ཁ་གསལ་གཏིང་གསལ་བཟོ་དགོས་པ་ཁག་ཅིག་གསལ་འདོན་ཞུ་འདོད་བྱུང།

༡ གཞོན་ལྷན་ལ་”བོད་མདོ་དབུས་ཁམས་གསུམ་ལ་རང་བཙན་གཙང་མའི་གནས་བབ་ཅིག་ཕོ་ཟད་མོ་ལ་ཐུག་ཀྱང་རྩོད་ཀྱི་ཡིན་མིན་དང། ཐ་ན་བོད་མི་རིགས་རྩ་སྟོང་ལ་འགྲོ་དགོས་ཀྱང་གནས་བབ་དེ་ག་རང་རྩོད་ཀྱི་ཡིན་པའི་དམ་བཅའ་བརྟན་པོ་ཅི་ཞིག་ཡོད་དམ་མེད། ཡང་ན། བཙན་བྱོལ་དུ་མི་ལོ་ཆིག་སྟོང་ལྷག་གནས་དགོས་བྱུང་ཡང་གནས་བབ་དེ་རྩོད་ཀྱི་ཡིན་པའི་ཕྱི་གསལ་ནང་གསལ་གྱི་དམ་བཅའ་བརྟན་པོ་ཅི་ཞིག་ཡོད། དམ་བཅའ་དེ་འཇིག་རྟེན་ཡོངས་གྲགས་བཟོས་པ་བརྟེན་ནས་བོད་ས་ཆུང་ངུ་ཞིག་ལ་རང་བཙན་བྱུང་ཡང་འགྲིག་པའི་འདོད་ཚུལ་དང་གླེང་ཕྱོགས། དོགས་པ་རྣམས་གཏན་འགོག་བཟོ་ཐུབ་བམ།

༢ འཇམ་དབྱངས་ནོར་བུ་སོགས་མི་ཁ་ཤས་ཀྱི་སློབ་སྟོན་འོག་ཕྱིན་ནས། བོད་མི་རིགས་གནས་དགོས་པའི་སྙིང་དོན་”བོད་ཀྱི་སྐད་ཡིག་དང་རིག་གནས་མི་ཉམས་རྒྱུད་འཛིན་བྱ་རྒྱུ་འཐབ་རྩོད་ཀྱི་དཀྱིལ་སྙིང་དང་གཙོ་བོར་”མི་འཇོག་པའི་ད་ལྟའི་བྱེད་སྟངས་འདི་རིགས་ལ་འགྱུར་བ་གཏོང་རྒྱུའི་གསལ་བསྒྲགས་ཁ་གསལ་གཏིང་གསལ་ཞིག་བྱེད་འདོད་ཡོད་དམ་མེད།
༣ རང་བཙན་འཐབ་རྩོད་པའི་མགོ་ཁྲིད་རང་ངོས་ནས་དབུ་བརྩམས་ཏེ་བོད་ཀྱི་རིག་གནས་དཀྱིལ་སྙིང་ཡིན་པའི་མདོ་དབུས་ཁམས་གསུམ་སྐྱིད་མཉམ་སྡུག་མཉམ་གྱི་རང་བཙན་ཞིག་གི་ཆེད་ལུས་སྲོག་ལོངས་སྤྱོད། བཟའ་ཟླ་བུ་ཕྲུག ཁེ་ཕན་གཏམ་གྲགས་མཆིལ་མ་བཞིན་འདོར་དགོས་ཀྱང་འདོར་ཐུབ་པ་དང། འདོར་ཐུབ་མཁན་གྱི་གྲངས་འབོར་མང་དུ་གཏོང་བའི་ཚད་ལྡན་གྱི་སྒྲིག་འཛུགས་ཤིག་བསྐྲུན་རྒྱུའི་ནུས་པ་ཡོད་དམ་མེད།
༤ རྒྱལ་སྤྱི་དང། རྒྱ་ནག་གི་ད་ལྟའི་ཆབ་སྲིད་ཁྲོམ་རྭའི་ནང་གི་འབྲེལ་ལམ་ནས་རང་རེའི་གནས་བབ་ལ་དཔྱད་དེ། དབུ་མའི་ལམ་ལས་རང་བཙན་གྱི་ལམ་དུ་ཕྱིན་པ་ཡིན་ན། བོད་མི་རིགས་ཀྱི་མདུན་ལམ་ཐད་འགན་འཁུར་ཐུབ་ངེས་ཀྱི་གདེང་ཚོད་དང་སྤོབས་པ་གཉིས་ཀ་གསལ་བསྒྲགས་ཀྱི་ལམ་ནས་སྤེལ་ཐུབ་དང་མི་ཐུབ་བཅས་གནད་དོན་ཆེ་ཁག་བཞི་ལ་ལན་འདེབས་དངོས་གནས་ཤིག་རྙེད་དང་མི་རྙེད་ལ་དཔྱད་ཞིབ་བྱས་རྗེས།

གཞོན་ནུའི་སྒྲིག་འཛུགས་འདི་དང་འདིའི་ལངས་ཕྱོགས་མི་མཐུད་གནས་དགོས་དང་མི་དགོས་ཐག་གཅོད་བྱས་ན་བོད་སྤྱི་ལ་ཕན་ཐོག་ངེས་ཅན་ཞིག་ཡོང་གི་ཡོད་པར་ངས་ཇུས་གཏོགས་བྱེད་བཞིན་ཡོད་ལ། གལ་སྲིད་འཐབ་རྩོད་ཀྱི་ནུས་ཤུགས་ཐད་སྔར་ལམ་ལྟར་འགྲོ་རྒྱུའི་འཆར་སྣང་འཛིན་པ་དང། མང་གཙོ་ཁ་ལ་འཁྱེར་ནས་ལྟ་བ་གཞན་ཞིག་དགོས་ཀྱི་ཡོད་པའི་རྨོངས་དད་དམ་འཛིན་བྱ་རྒྱུ་ཡིན་ཚེ་བོད་མི་རིགས་ཀྱི་མདུན་ལམ་ནང་ཕན་འབྲས་ཏིལ་འབྲུ་ཙམ་ཡང་མི་ཡོང་བ་ཚོད་དཔག་ཐུབ་པ་ཞིག་རེད་ལ། གང་ལྟར་ཚོགས་མི་ཚོས་གནད་འགག་གི་སྐབས་བསམ་བློ་གཟབ་ནན་གཏོང་དགོས་པ་དང། ད་ལྟའི་ལས་འཆར་དང་དཔལ་འབྱོར་གྱི་གནས་བབ། དམིགས་བསལ་ཚོགས་མིའི་གྲངས་འབོར། སྤྱི་ཚོགས་ཀྱི་ངོས་འཛིན་བཅས་ལ་རང་ངོ་འཕྲོད་པ་གནང་སྟེ་ལམ་ཁ་མ་ནོར་བ་ཞིག་འདེམས་རྒྱུ་ནི་གལ་ཆེན་རེད་འདོད་པས། ངས་ཇུས་གཏོགས་ཐུང་ཙམ་འདི་ལ་རྣ་བ་ཅུང་ཙམ་གཏད་རྗེས་ཤོག་རུལ་ཁྲོད་ཤར་ཤར་གཡུག་རོགས།།

༢༠༡༣། ༥། ༢༦། ཉིན།

ཀརྨ་རྡོ་རྗེ་ལ་དྲི་བ་གཉིས་ཡོད། འོ་ན་རང་བཙན་ཞེས་པའི་ཚིག་འབྲུ་འདི་ཁ་ནས་བཏོན་ཆོག་པ་རེད་མ་ཆོག་པ་རེད། བཙན་བྱོལ་སྒྲིག་འཛུག་གཞུང་འདི་སྤྱི་བདག་རེད་ཡང་ན་སྒེར་བདག་ཅན་ལ་གྱུར་ཚར་བ་རེད། དེས་ན་ཁྱོད་ལ་རང་བཙན་ཞེས་པའི་མི་རིགས་ལྷན་སྐྱེས་རང་བཞིན་གྱི་ཐོབ་ཐང་འདི་གུང་ཁྲན་ལས་ཀྱང་མི་དགའ་བ་དང་མི་འདོད་པ་བྱེད་དགོས་པའི་རྒྱུ་མཚན་ཅི་རེད།

བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཚོགས་ཐུབ་པ་དེར་མཚམས་འདྲི་ཞུ་རྒྱུ་ཡིན། ད་རེ་ཚོགས་ཆེན་དེའི་སྟེང་ནས་༧གོང་ས་མཆོག་གི་ཐུགས་དགོངས་དང་མཐུན་པ་འཚེ་མེད་ཞི་བའི་ཐོག་མུ་མཐུད་ནས་ཆབ་སྲིད་ལྟ་གྲུབ་བརྟན་པོའི་ངང་བོད་མི་རིགས་ཀྱི་བདེན་དོན་ཆེད་གཞོན་ནུའི་ལས་འགུལ་ལ་ནམ་ཡང་འགལ་རྐྱེན་མི་འབྱུང་བའི་རེ་བ་དང་འབོད་བསྐུལ་ཞུ་རྒྱུ་ཡིན།

དབུས་བོད་མིའི་སྒྲིག་འཛུགས་ལ་གཞོགས་འདེགས་བྱེད་ཀྱི་ཡོད་པ་དང་ཡིན་ལབ་འདིས་ཀྱང་དབུས་བོད་མིའི་སྒྲིག་འཛུགས་མ་བིན་བཟོ་ཡི་ཡོད་པ་རེད། སྐད་ཆ་འདི་ནི་དེ་སྔ་རང་བཙན་ཞལ་འདེབས་བསྡུས་ཏེ་དབུས་སྒྲིག་འཛུགས་ལ་ཕུལ་གྱི་ཡིན་ལབ་པའི་སྨྱོ་བཤད་དེ་དང་གཅིག་པ་ཆགས་ཡོད་པ་རེད། སོང་ཙང། ད་སྒོ་རྒྱབ་བཞག་ན་ཡག་ས་རེད།།

ལྟ་བ་ཅི་ཡིན་རུང་མདོ་ན་བོད་མི་རིགས་ལ་འགྲོ་བ་མི་ཡི་ཐོབ་ཐང་རག་ཐུབ་དགོས་པ་རེད།དེ་ཡོང་རྒྱུ་མེད་པར་ནང་ཁུལ་དུ་ཁྱོད་དང་ང་ཞེས་རྩོད་སྡོད་ན་དགྲ་བོ་ཁུངས་དགོད་བྱེད་པའི་ཡུལ་རེད།ཀླད་མེད་དང་དཀྲུག་གཞི་བ་ལ་གོ་སྐབས་ཡག་པོ་ཞིག་རག་ཡོད་པ་རེད །ཚོགས་པ་ལ་རག་མི་ལས་གཙོ་བོ་ང་རང་ཚོའི་ནང་ཁུལ་དུ་ཕྱོགས་ཞེན་དང་གསར་རྙིང་མ་ཟད་། ཕྲ་དོག་དང་མིག་སེར་སོགས་དོར་ནས་གཅིག་གྱུར་ཨ་ལོང་གི་དམ་ཚིག་ཡོང་ཐབས་ལ་བརྩོན་དགོས།གཅིག་གྱུར་ཡོང་མ་ཐུབ་ན་ཚོགས་པ་གཅིག་ལས་མེད་ཀྱང་ཕན་ཐོག་མེད་པ་འདས་པའི་ལོ་རྒྱུས་ལ་གསལ།

རྒྱལ་བ་རིན་པོ་ཆེ་མཆོག་གིས་ཆབ་སྲིད་ཀྱི་ཐུགས་འགན་ཡོངས་སུ་རྩིས་སྤྲོད་གནང་ཚར་བ་རེད། ད་ནི་སྲིད་སྐྱོང་བར་སྲིད་དོན་གྱི་གཟིགས་རྒྱང་ཅི་ཞིག་ཡོད་ན་དེར་ལྟ་དགོས་པ་ལོས་ཡིན། གནད་དོན་ཆེ་ཕྲ་ཡོངས་རྫོགས་ཕྱིར་ཁོང་གི་སྟེང་ནས་ཚུར་འགྲེལ་བཤད་བཙལ་ན་འགྲིག་གི་མ་རེད། ཡིན་ཡང་། ཁ་སང་དེ་རིང་གི་གནས་སྟངས་ལ་བལྟས་ན་རྒྱལ་བ་རིན་པོ་ཆེ་ཚང་གི་བགྲེས་ཡོལ་ལ་བོད་མི་ཚོས་ངོས་ལེན་བྱས་མེད་པ་མ་ཟད། སྲིད་ཀྱི་བྱ་བ་མཐའ་དག་སླར་ཡང་ཁོང་གི་སྟེང་ལ་འགེལ་གྱིན་འདུག གྲོས་ཚོགས་ར་བ་དང་སྤྱི་ཚོགས་ནང་ནས་དེ་ལྟར་རེད། རྡ་ས་སྔར་གྱི་རྡ་ས་དེ་ག་རང་ཡིན་པ་ལས་སྲིད་ཀྱི་ཐུགས་འགན་རྩིས་སྤྲོད་ཀྱི་ཕྱོགས་ལ་འགྱུར་བ་ཅི་ཡང་ཕྱིན་མེད་པ་གསལ་བོ་རེད།

བོད་ཀྱི་གཞོན་ནུ་ལྷན་ཚོགས་ཀྱི་ཚགས་ཆེན་སྔོན་མ་ཁག་རྡ་སྟེང་བོད་ཁྱིམ་ཚོགས་ཁང་དུ་ཚོགས་བཞིན་ཡོད་ཀྱང་། ད་ལོ་བོད་ཁྱིམ་གྱིས་གཞོན་ནུ་ལ་ཚོགས་ཁང་གཡར་ཡོད་པ་མ་རེད་ཟེར། ད་རེས་ཀྱི་གཞོན་ནུའི་ཚོགས་ཆེན་དེ་སྔར་རྒྱུན་བཞིན་ཕྱི་ཟླ་༩ ་པའི་ནང་ཚོགས་མ་ཐུབ་པར་སྔ་སྣུར་བྱེད་དགོས་དོན་ནི་ས་གནས་གཞོན་ནུའི་རྒྱུན་ལས་མང་པོ་ཞིག་གིས་དབུས་རྒྱུན་ཚོའི་ལས་དོན་བྱེད་ཕྱོགས་ལ་ངོ་རྒོལ་བྱས་ཏེ་གཞོན་ནུའི་ཚོགས་མི་ལས་ཕྱིར་འཐེན་བྱ་རྒྱུ་ཡིན་ཟེར་བའི་དབང་གིས་ཡིན་འདུག འདི་དག་ངོ་མ་ཐབས་སྐྱོ་བོ་རེད། མང་ཚོགས་ནང་རྣམ་འགྱུར་འདི་འདྲ་ཞིག་འཐོན་གྱི་ཡོད་པ་དེར་ཏན་ཏན་རྒྱུ་མཚན་ཆེན་པོ་ཡོད་རེད། ད་རེས་གཞོན་ནུའི་དབུས་རྒྱུན་རྣམ་པའི་བྱ་སྤྱོད་ལ་ནོར་འཁྲུལ་ག་རེ་ཤོར་གྱི་ཡོད་མེད་ད་རེས་གསལ་བོ་བཟོ་དགོས་རེད།