ལས་ཀ་ཉུང་དུ་ཕྱིན་པ་དང་དཔལ་འབྱོར་གྱི་དཀའ་ངལ་བཅས་ལ་བརྟེན་ཏེ་ངྷ་སའི་གདམ་ག་ཚོགས་པ་འབྱུང་འགྱུར་བརྒྱད་པའི་ཚེ་གཅིག་ཉིན་ནས་སྒོ་རྒྱག་རྒྱུ་ཡིན་ཟེར།
དེ་རིང་སྔ་དྲོའི་ཆུ་ཚོད་ ༡༠།༠༠ པའི་ཐོག་ངྷ་སའི་བོད་ཀྱི་གསོལ་མགྲོན་ཁང་དུ། གཞུང་འབྲེལ་མིན་པའི་ཚོགས་པ་གདམ་ག་ཚོགས་པ་ (CHOICE) ཡི་གསར་འགོད་གསལ་བསྒྲགས་ཤིག་སྤེལ་ཏེ། འབྱུང་འགྱུར་ཕྱི་ཟླ་ ༨ ཚེས་ ༡ ཉིན་ནས་བཟུང་ངྷ་རམ་ས་ལའི་གདམ་ག་ཚོགས་པས་ལས་མཚམས་འཇོག་རྒྱུ་ཡིན་ཟེར། གསལ་བསྒྲགས་ཐོག་ཚོགས་པའི་འགན་འཛིན་ལྷན་ཚོགས་ཀྱི་ཚོགས་མི་བོད་མི་མང་སྤྱི་འཐུས་བློ་བཟང་ཡེ་ཤེས་ལགས་དང་ཨེམ་ཆི་བསྟན་འཛིན་རྣམ་གྲོལ་ལགས། ཚོགས་པའི་འགན་འཛིན་ཕུན་ཚོཊ་ཆོས་འཕེལ་ལགས་བཅས་ཕེབས་འདུག
སྤྱི་འཐུས་བློ་བཟང་ཡེ་ཤེས་ལགས་ཀྱིས་གདམ་ག་ཚོགས་པས་པར་བསྐྲུན་ཞུས་པའི་ཕྱི་ལོ་ ༢༠༠༧ ནས་ ༢༠༡༣ ལོའི་བར་གྱི་སྙན་ཐོ་དབུ་འབྱེད་གནང་རྗེས། ཨེམ་ཆི་བསྟན་འཛིན་རྣམ་གྲགས་ལགས་ཀྱིས་ངོ་སྤྲོད་གནང་བ་ལྟར་ན། ༢༠༠༧ ལོའི་ཕྱི་ཟླ་ ༤ བའི་ནང་ལྡི་ལིར་ཟབ་སྦྱོང་ཞིག་ལ་ཕྱིན་སྐབས། མཱ་ངྷི་ཁྲི་རེ་སཱའི་ཚོགས་པ་བརྒྱུད་ལྡི་ལི་བཞུགས་སྒར་བསམ་ཡས་གླིང་དུ་བོད་པའི་གཞོན་སྐྱེས་ ༡༠༠ ཙམ་ལ་ན་ཚ་ཡོད་པ་ཤེས་རྟོགས་བྱུང་བ་དང་། ཕྱིར་བཞུགས་སྒར་དུ་འབྱོར་ཏེ་ས་གནས་ཁག་ཏུ་གོ་རྟོགས་སྤེལ་དུ་སྐྱོད་སྐབས་གནས་ཚུལ་མང་པོ་ཞིག་མཐོང་ཐོས་བྱུང་བ་བཅས་ལ་བརྟེན་ཏེ། སྤྱི་ཚོགས་ནང་གོ་རྟོགས་སྤེལ་བ་ཙམ་གྱི་འགྲིག་གི་མེད་པར་ལས་ཁུངས་ཤིག་འཛུགས་དགོས་པར་མཐོང་སྟེ་གདམ་ག་ཚོགས་པ་གསར་འཛུགས་བྱས་སྐོར་བརྗོད་བྱུང་།
ཐེངས་འདིར་ལས་ཁུངས་སྒོ་རྒྱག་དགོས་པའི་རྒྱུ་རྐྱེན་ཐད། ཁོང་གིས། “ འདས་པའི་ལོ་ ༦ རིང་ང་ཚོའི་ངོས་ནས་གང་ཐུབ་ཀྱིས་འབད་བརྩོན་བྱས་པ་ཡིན། ལོ་གཉིས་ཀྱི་གོང་ནས་བཟུང་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས། གཉེན་ནད་རེག་དུག་དང་འབྲེལ་བའི་གོ་རྟོགས་ལས་འགུལ་དང་ས་གནས་ས་ཐོག་ཏུ་བཅར་དེ་ནད་པར་སྨན་བཅོས་སོགས་ལས་འགུལ་རྒྱ་ཆེན་པོ་སྤེལ་གྱི་འདུག དེར་བརྟེན། ང་ཚོས་ལས་གོ་རྟོགས་སྤེལ་རྒྱུ་སོགས་ཀྱི་འགུལ་རིགས་ཉུང་དུ་བཏང་སྟེ། ནད་པ་རང་ལ་བདག་པོ་རྒྱག་རྒྱུ་དང་སྨན་བཅོས་བྱ་རྒྱུ། ནད་པ་ཚོའི་ཕྲུ་གུ་སློབ་གྲྭར་གཏོང་ཐབས་སོགས་ཀྱི་ལས་ཀ་བྱས་པ་ཡིན། ཉེ་ཆར་ང་ཚོ་འགན་འཛིན་ལྷན་ཚོགས་ཀྱི་ཚོགས་མི་དང་ལས་བྱེད་ནང་ཁུལ་གྲོས་བསྡུར་བྱས་ཏེ། འདི་ལོ་ཕྱི་ཟླ་ ༨ པའི་ཚེས་ ༡ ཉིན་ནས་ལས་ཁུངས་མཚམས་འཇོག་བྱ་རྒྱུའི་ཐག་གཅོད་བྱུང་ཡོད།” ཅེས་བརྗོད་བྱུང་།
གསར་འགོད་པས་གདམ་ག་ཚོགས་པའི་འདས་པའི་ལོ་དྲུག་རིང་གི་ལས་དོན་ཁྲོད་རེག་དུག་ནད་པ་ག་ཚོད་ཤེས་རྟོགས་བྱུང་མིན་དྲིས་པར། སྤྱི་འཐུས་བློ་བཟང་ཡེ་ཤེས་ལགས་ཀྱིས། “ང་ཚོའི་ངོས་ནས་ད་ལྟའི་བར་ཤེས་བསྡད་པའི་ནད་པ་ ༡༢༠ བྱུང་ཡོད། དེའི་ཁྲོད་ཀྱི་མི་ ༡༧ འདས་གྲོངས་སུ་ཕྱིན་འདུག ད་དུང་དོགས་པ་ཡོད་མཁན་གང་འཚམ་ཞིག་འདུག ཁྱོན་ཡོངས་སུ་ག་ཚོད་ཡོད་མེད་ཞུ་ཐུབ་ཀྱི་མི་འདུག” ཅེས་བརྗོད་བྱུང་།
གསར་འགོད་པས་སླར་ཡང་ཚོགས་པ་སྒོ་རྒྱག་དགོས་པའི་རྒྱུ་མཚན་གཙོ་བོ་གང་ཡིན་དྲིས་པར། ཁོང་གིས་ཨང་དང་པོ་དཔལ་འབྱོར་ཐད་ཀྱི་དཀའ་ངལ་ཡིན་པ་དང་། གཉིས་པ་འཕྲོད་བསྟེན་ལས་ཁུངས་ཀྱིས་རེག་དུག་ཐོག་ལས་འགུལ་ཤུགས་ཆེན་པོ་སྤེལ་ཡོང་སྐབས་ང་ཚོའི་ལས་ཀ་ཉིས་བརྩེགས་ལྟ་བུ་ཆགས་འགྲོ་བཞིན་འདུག་ཅེས་བརྗོད་བྱུང་། ཁོང་གིས“ མ་འོངས་པར་གང་ཟག་སྒེར་ལས་ལས་ཁུངས་ཀྱི་ངོ་བོའི་ཐོག་ནས་ཡོིང་གི་མ་རེད་ལ། སུ་ཞིག་གིས་ཚོགས་པའི་མིང་བེད་སྤྱོད་གཏོང་གི་ཡོད་ན་དེ་ཁྲིམས་འགལ་རེད། ང་ཚོའི་ངོས་ནས་རྒྱ་གར་གྱི་ལས་ཁུངས་ཁག་དང་། དགའ་ལྡན་ཕོ་བྲང་དང་འཕྲོད་བསྟེན་ལྷན་ཁང་། སྤྱི་འཐུས་གྲོས་ཚོགས་བཅས་ཚང་མར་ཞུས་ཚར་བ་ཡིན། ” ཞེས་བརྗོད་བྱུང་།
ངྷ་རམ་ས་ལའི་འདེམས་ཀ་ཚོགས་པ་ནི་ ༢༠༠༧ ལོར་གསར་འཛུགས་གནང་ཡོད་པ་དང་། འདས་པའི་ལོ་ ༦ རིང་རྒྱ་བལ་སུ་ཟབ་སྦྱོང་ ༡༦༢ དང་། ནང་མི་དང་མི་སྒེར་གྱི་ནད་པ་ ༤༦ ལྷག་ལ་བདག་སྐྱོང་སྨན་བཅོས་གནང་ཡོད་ཟེར།
གསར་འགོད་པ། དོན་གོ
སྒོ་རྒྱབ་པ་འགྲིག་ཤག
ཧ་ཅང་ཡག་པོ་རེད། མྱུར་དུ་སྒོ་རྒྱབ་ན་ཡག་ཤོས་རེད།
་་་་་ གསར་འགོད་པས་གདམ་ག་ཚོགས་པའི་འདས་པའི་ལོ་དྲུག་རིང་གི་ལས་དོན་ཁྲོད་རེག་དུག་ནད་པ་ག་ཚོད་ཤེས་རྟོགས་བྱུང་མིན་དྲིས་པར། སྤྱི་འཐུས་བློ་བཟང་ཡེ་ཤེས་ལགས་ཀྱིས། “ང་ཚོའི་ངོས་ནས་ད་ལྟའི་བར་ཤེས་བསྡད་པའི་ནད་པ་ ༡༢༠ བྱུང་ཡོད། དེའི་ཁྲོད་ཀྱི་མི་ ༡༧ འདས་གྲོངས་སུ་ཕྱིན་འདུག ད་དུང་དོགས་པ་ཡོད་མཁན་གང་འཚམ་ཞིག་འདུག ཁྱོན་ཡོངས་སུ་ག་ཚོད་ཡོད་མེད་ཞུ་ཐུབ་ཀྱི་མི་འདུག” ཅེས་བརྗོད་བྱུང་། ་་་་་་་ཟེར།
དེ་རིང་མ་གཏོགས་ཚོགས་པ་འདི་འདྲ་ཞིག་ཡོད་པ་གོ་མྱོང་མེད། གོ་བའི་ཉིན་དེ་སྒོ་རྒྱག་པའི་ཁྱབ་བསྒྲགས་དང་མཉམ་དུ་གོ་སོང་། ཧཧཧཧ
ཁོ་རེ་འབྲོང་བུ་སོག་ཚ། ཁྱོད་བོད་མིའི་སྒྲིག་འཛུགས་སྒོ་རྒྱབ་མ་ཐུབ་ནས་ལྟས་སྡད་ཡོད་དམ།
ཚོགས་པ་འདི་ལོ་གཉིས་གསུམ་གོང་ནས་སྒོ་བརྒྱབ་ཚར་ཡོད་པ་མ་རེད་དམ། ཡ་མཚན་པ་ལ། འཛམ་གླིང་ཡོངས་དང་། ལྷག་པར་དུ་བཙན་བྱོལ་བོད་མིའི་སྤྱི་ཚོགས་ནང་རེག་དུག་གི་གནས་སྟངས་ཛ་ཇེ་དྲག་ཏུ་འགྲོ་བཞིན་ཡོད་ལ། མི་ཚང་མས་རེག་དུག་སྐོར་ལ་སེམས་འཚབ་ཆེ་རུ་སོང་སྟེ་ལས་ཁུངས་དང་ལས་གཞི་མང་པོ་མགོ་འཛུགས་ཀྱི་ཡོད་སྐབས། ངྷ་སའི་གདམ་ཁ་ཚོགས་པས་ང་ཚོར་ལས་ཀ་མི་འདུག་སྒོ་རྒྱག་རྒྱུ་ཡིན་ཟེར་བ་འདི་ཡ་མཚན་རེད། དོན་དག་རྡོག་རྡོག་ཐོག་མའི་དམིགས་ཡུལ་གཞིར་བཟུང་པེད་ཤག་འབལ་བོ་ཞིག་མ་རེག་པ་ཡིན་ཤག ད་དུང་ཚོགས་པ་གཞན་དང་ལས་ཁུངས་གཞན། མི་སྒེར་གཞན་ལ་ཟུར་རྒྱག་བྱེད་ཀྱི་ཡོད་པའང་གདོན་མི་ཟ།
གང་ལྟར་ཁྱད་པར་མི་འདུག bye bye ་་་་་་་་་་་་་
ཡག་པོ་རེད་མ་འཇོན་ན་དེ་ག་རང་རེད། ག་ལེར་ཕེབས། ག་ལེར་ང་ཚོའི་བཙན་བྱོལ་སྒྲིག་འཛུགས་ཡང་དེ་ག་རང་ཡིན་ད། དཔེ་འདི་ལ་ལྟོས།