གཟའ་ཕུར་བུའི་ཉིན་རཱ་ཤཱི་ཡའི་སྲིད་འཛིན་པུ་ཌེན་དང་ཁོང་གི་བཟའ་ཟླ་གཉིས་བཟའ་འཐོར་བྱས་ཡོད་པ་ཕྱི་བསྒྲགས་བྱས་འདུག་ལ། དེ་ནི་གཉིས་མོས་ཐག་གཅོད་ཅིག་ཡིན་པར་བརྗོད་ཡོད།
ཟླ་འདིའི་ཕྱི་ཚེས་ ༦ ཉིན་རཱ་ཤཱི་ཡའི་སྲིད་འཛིན་པུ་ཌེན་ (Vladimir Putin) དང་ཁོང་གི་བཟའ་ཟླ་ལེ་ཌི་མེ་ལཱ་(Lyudmila Putin) གཉིས་བཟའ་འཐོར་བྱས་ཡོད་པའི་ཁྱབ་བསྒྲགས་བྱས་ཡོད། འདི་ནི་ཁོང་གཉིས་གཉེན་སྒྲིག་བྱས་ཏེ་ལོ་ ༣༠ འགོར་བའི་རྗེས་སུ་བཟའ་འཐོར་བྱུང་བ་ཞིག་ཡིན་ཞིང་།དེའི་ཐད་པུ་ཌེན་གྱིས་གཞུང་འབྲེལ་བརྙན་འཕྲིན་བརྒྱུད་ “ དེ་ནི་ངེད་གཉིས་ཀྱི་མཉམ་འབྲེལ་ཐག་གཅོད་ཅིག་ཡིན་ ”ཞེས་བརྗོད་འདུག
པུ་ཊེན་བཟའ་ཟླ་གཉིས་ ༡༩༨༣ ལོའི་ཕྱི་ཟླ་ ༧ ཚེས་ ༢༨ ཉིན་གཉེན་སྒྲིག་བྱས་ཡོད་པ་དང་། ད་ཆར་ཁོང་གཉིས་ལ་བུ་མོ་གཉིས་ཡོད་འདུག བཟའ་འཐོར་ཕྱི་བསྒྲགས་བྱེད་སྐབས་ཁོང་གཉིས་ལྷན་དུ་བརྙན་འཕྲིན་ནང་བསྟན་ཡོད་པ་མ་ཟད། སྐབས་དེར་པུ་ཌེན་སྒམ་ཚུགས་ངང་འཆར་ཡོད་ཀྱང་ལེ་ཌི་མེ་ལཱའི་གདོང་ལ་འཛུམ་ཞིག་མངོན་ཡོད་འདུག བཟའ་འཐོར་ཁྱབ་བསྒྲབས་བྱས་པར་པུ་ཌེན་གྱིས། “ དོན་དངོས་ཐོག་ངེད་གཉིས་ཀྱིས་ནམ་ཡང་ཕན་ཚུན་མཐོང་མི་འདུག ”ཅེས་དང་། ལེ་ཌི་མེ་ལཱ་ཡིས། “ ངེད་གཉིས་དུས་བསམ་བློ་ཐག་ཉེ་བོའི་ངང་གནས་ངེས་ཡིན། ཁོང་གིས་ང་ལ་རྒྱབ་སྐྱོར་གནང་པ་དེ་བཀའ་དྲིན་ཆེན་པོ་ཡིན། ”ཞེས་བརྗོད་འདུག
གང་ལྟར་ཁོང་གཉིས་ཀྱི་བཟའ་འཐོར་རྒྱུ་རྐྱེན་གང་ཡིན་གསལ་བཤད་གང་ཡང་བྱས་མི་འདུག་ལ། མང་ཚོགས་ཀྱིས་ཀྱང་གསལ་རྟོགས་ཐུབ་ཀྱི་མེད་པ་ཞིག་ཆགས་ཡོད་འདུག རཱ་ཤཱི་ཡའི་སྤྱི་ཚོགས་ལ་མཚོན་ན་བཟའ་འཐོར་ནི་ཆེས་སྤྱིར་བཏང་བ་ཞིག་ཡིན་པ་དང་། རྒྱལ་ཚོགས་ཀྱི་སྙན་ཐོ་ལྟར་ན་ ༢༠༠༩ ལོ་གཅིག་པུའི་ནང་རཱ་ཤཱི་ཡར་བཟའ་འཐོར་འབུམ་བདུན་ ༧༠༠༠༠༠༠ ཙམ་བྱུང་ཡོད་འདུག
གསར་འགོད་པ། བནྡེ་སྐྱབས།
ད་ལོའི་བོད་རིགས་བཟའ་འཐོར་གྱི་གྲངས་ཚད་སུས་ཤོད་ཐུབ་བམ། ལགས།
རཱ་ཤཱི་ཡའི་སྤྱི་ཚོགས་ལ་མཚོན་ན་བཟའ་འཐོར་ནི་ཆེས་སྤྱིར་བཏང་བ་ཞིག་ཡིན་པ་དང་། རྒྱལ་ཚོགས་ཀྱི་སྙན་ཐོ་ལྟར་ན་ ༢༠༠༩ ལོ་གཅིག་པུའི་ནང་རཱ་ཤཱི་ཡར་བཟའ་འཐོར་འབུམ་བདུན་ ༧༠༠༠༠༠༠ ཙམ་བྱུང་ཡོད་འདུག ་་་་་ཟེར།