སློབ་ཕྲུག་ཚོས་དེང་གི་རིག་གསར་དང་ལྷན་དུ་ནང་པའི་རིག་གཞུང་སྦྱོངས་ཨཱ།

དེ་རིང་༧གོང་ས་མཆོག་གིས་ངྷ་སྟེང་བོད་ཁྱིམ་ཚོགས་ཁང་དུ་བོད་པའི་མཐོ་རིམ་སློབ་ཕྲུག་ཚོར་ནང་ཆོས་ངོ་སྤྲོད་གནང་སྐབས། བོད་པའི་ནང་ཆོས་འདི་ཉིད་གནའ་བོའི་རྒྱ་གར་གྱི་ལྟ་གྲུབ་ཁག་དང་ནཱ་ལེནྡའི་མཁས་པ་དག་གི་རྣམ་དཔྱོད། དེའི་སྟེང་བོད་རང་གི་གནའ་བོའི་ཞང་ཞུང་གི་བོན་གཞུང་བཅས་ཀྱི་སྙིང་བཅུད་བསྡུས་པའི་རིག་གཞུང་རྩ་ཆེན་ཞིག་ཡིན་ཞེས་གསུངས་སོང་། 

ཕྱི་ལོ་ ༢༠༠༧ ལོ་ནས་བཟུང་ལོ་ལྟར་༸གོང་ས་མཆོག་གིས་བོད་པའི་གཞོན་སྐྱེས་ཚོར་ནང་ཆོས་ངོ་སྤྲོད་ཀྱི་ལས་འཆར་ཞིག་འགྲོ་བཞིན་པ་ལྟར། དེ་རིང་ཞོགས་པའི་ཆུ་ཚོད་  ༨།༣༠ ཐོག་༧གོང་ས་མཆོག་ངྷ་སྟེང་བོད་ཕྲུག་ཁྱིམ་སྡེའི་ཚོགས་ཁང་དུ་ཆིབས་བསྒྱུར་བསྐྱངས་ཏེ། རྒྱ་གར་ནང་གི་མཐོ་སློབ་ཁག་ ༥༩ དང་ཕྱི་རྒྱལ་ཁག་གི་མཐོ་སློབ་ ༩ ཙམ་གྱི་སློབ་ཕྲུག་ ༦༠༠ ལྷག་གཙོས་པའི་སེར་སྐྱ་མི་མང་ ༢༥༠༠ ཙམ་ལ། ༧གོང་ས་མཆོག་ཉིད་ཀྱིས་ལྗགས་རྩོམ་གནང་བའི་༼ ལེགས་བཤད་བློ་གསར་མིག་འབྱེད༽བསླབ་གཞིར་བཞག་ཐོག་ནང་ཆོས་ངོ་སྤྲོད་གནང་ཡོད། ཐེངས་འདིར་རྣམ་རྒྱལ་གྲྭ་ཚང་གི་མཁན་རིན་པོ་ཆེ་གཙོས་པའི་དགེ་འདུན་པ་དང་སློབ་གྲྭ་ཁག་གི་ཆོས་དགེ བོད་ཁྱིམ་སྤྱི་ཁྱབ་ཡིག་ཚང་གི་འགན་འཛིན་གཙོས་བཞུགས་སྒར་ཉེ་འཁྲིས་སློབ་གྲྭ་ཁག་གི་དབུ་འཛིན་དང་སློབ་སྤྱི་བཅས་མཉམ་ཞུགས་གནང་འདུག

ཐེངས་འདི་ནི་༸གོང་ས་མཆོག་གིས་གཞོན་སྐྱེས་ཚོར་ནང་ཆོས་ངོ་སྤྲོད་གནང་ཐེངས་ ༧ པ་དེ་ཆགས་ཡོད་ཅིང་། དེ་རིང་གི་ནང་ཆོས་ངོ་སྤྲོད་དབུ་འཛུགས་ཐོག་ངྷ་ས་ནང་ཆོས་ངོ་སྤྲོད་གོ་སྒྲིག་ཚོགས་ཆུང་གི་གི་སློབ་མ་ཁག་ཅིག་གིས་༸གོང་ས་མཆོག་ལ་རྩོད་རྒྱུགས་བཅར་འབུལ་ཞུས་རྗེས། ༸གོང་ས་མཆོག་གིས་ནང་པ་སངས་རྒྱས་པའི་ཆོས་ལུགས་ཀྱི་གལ་ཆེན་རང་བཞིན་སྐོར་ནས་གསུངས་དོན། “ ཁྱེད་རང་ཚོ་ཉིན་གཉིས་རིང་འདིར་ཡོང་བའི་ཡོང་གོ་ཆོད་པ་ཞིག་བྱེད་དགོས་པ་རེད། ཁྱེད་རང་ཚོ་འདིར་སྒྲུང་ཉན་རྒྱུ་དང་ལྟད་མོ་ལྟ་རུ་ཡོང་བ་མ་རེད། ནང་ཆོས་འདི་འཛམ་གླིང་འདིའི་ཐོག་གི་རིག་གཞུང་རྙིང་ཤོས་ཤིག་དང་། ང་ཚོ་བོད་པར་མཚོན་ན་འདས་པའི་ལོ་ངོ་སྟོང་ཕྲག་ལྷག་གི་རིང་མེས་པོ་ཚོས་སྐུ་ལས་ཆེན་པོ་སྐྱོན་ཏེ་བསགས་བཞག་པའི་རིག་གཞུང་ཞིག་རེད།

སྤྱིར་བཏང་འཛམ་གླིང་ཐོག་ཆོས་ལུཊ་དང་རིག་གཞུང་རྙིང་པ་མང་པོ་ཡོད་ཀྱང་། དུས་རབས་ཉེར་གཅིག་པའི་ནང་དགོས་མཁོ་དང་ཕན་ཐོགས་ཡོད་བསྡད་པ་གཅིག་དེ་ཕལ་ཆེར་ང་ཚོ་བོད་ལ་ཡོད་བསྡད་པའི་སངས་རྒྱས་པའི་ལྟ་གྲུབ་འདི་དང་། ང་ཚོའི་བོད་མིའི་གོམས་གཤིས་དེ་ད་ལྟའི་འཛམ་གླིང་འདིའི་ཐོག་འབྲེལ་བ་དང་ཕན་ཐོགས་ཡོད་བསྡད་པ་ཞིག་ཆགས་ཡོད། ཆོས་ལུཊ་དང་ལྟ་གྲུབ་གང་ཡིན་ཡང་། ཕྱོཊ་གཅིག་ནས་མིའི་རྣམ་དཔྱོད་གོང་འཕེལ་ཆེད་དང་། ལྷག་པར་དུ་འཕྲུལ་ཆས་ཐོག་ནས་འཛམ་གླིང་ས་ཡི་འཁོར་ལོ་གཅིག་ཏུ་བཟོ་དགོས་པ་དང་། སྔ་མོར་ཚོད་དཔག་བྱས་བཞག་པའི་གྲས་དེ་དེང་སང་མིག་མཐོང་ལག་ཟིན་ཞིག་ཡོང་གི་ཡོད། དེའི་རིཊ་དེ་ཡོངས་སུ་མ་གྲགས་པ། ཧ་ལམ་མཐོང་ཐོས་མེད་པ་དེའི་རྒྱུ་མཚན་གཞི་ནས་གསར་བ་ཤེས་བ་དེ་འདྲ་ཡོང་གི་ཡོད་པ་རེད། ནང་བསམ་བློ་དང་འབྲེལ་བའི་རིགས་དེ་དེང་སང་གི་འཕྲུལ་ཆས་ཀྱི་ཐོག་ནས་རིག་པ་གསར་བ་རྙེད་ཟེར་བ་ཕལ་ཆེར་ཡོད་པ་མ་རེད།

སྔར་རྒྱ་གར་ནང་ལོ་སྟོང་ཕྲག་གསུམ་གྱི་རིང་ལ་སེམས་ཀྱི་ཡར་རྒྱས་སྐོར་ལ་དོ་སྣང་ཆེན་པོ་བྱས་ཏེ། དེ་འདྲའི་སྤྱི་ཚོགས་དང་མི་སྡེའི་ནང་རྗཱེན་གྱི་ཆོས་དང་སངས་རྒྱས་ཀྱི་ཆོས་དུས་རབས་གཅིག་འདྲ་བོ་ཞིག་ཏུ་བྱུང་བ་རེད། སངས་རྒྱས་པའི་རྒྱ་གར་ལ་ཡོད་བསྡད་པའི་ཆོས་བརྒྱུད་ལྟ་གྲུབ་དེ་དག་གི་ལེགས་ཆ་ཡོད་པ་ཆ་ཚང་ཤེས་ཏེ། དེའི་ནང་རིག་པའི་གནས་བབ་ཡོད་བསྡད་པའི་ལྟ་གྲུབ་དེ་དག་བསྒྱུར་བཅོས་བཏང་སྟེ་རིམ་པས་བྱུང་བསྡད་པ་ཞིག་རེད། སངས་རྒྱས་བཅོམ་ལྡན་འདས་ཀྱི་ལྟ་གྲུབ་ཞིབ་ཚགས་པོའི་ཐོག་ལ་ད་དུང་བརྟག་དཔྱད་བྱས་ཏེ་གཏན་འབེབས་གནང་ཡོང་བ་དེ་ནཱ་ལེནྜའི་མཁས་པ་དེ་དག་སྟེ། ལྟ་གྲུབ་བཅུ་བདུན་གྱི་རིམ་པ་ཡོད་པ་དེ་དག་གཙོ་བོ་རེད། བྱེ་བྲག་གསང་སྔགས་ཀྱི་ཆོ་ག་དང་སྦྲེལ་ནས་ཉམས་ལེན་བྱེད་སྟངས་སྐོར་གསུངས་བཞག་པ་མང་ཆེ་བ་དེ་རེད། གང་ལྟར། ནཱ་ལེནྜའི་གཙུག་ལག་སློབ་གྲྭ་དེར་རྒྱ་གར་ནང་སྙན་གྲགས་ཡོད་པ་ཞིག་ཆགས་ཡོད་པ་རེད། དེ་ནས་མར་དར་ནས་ང་ཚོ་བོད་ལ་ཡོད་བསྡད་པ་འདི་རེད། ང་ཚོ་བོད་པར་བོད་རང་ལ་སྔར་ནས་ཡོད་བསྡད་པའི་ཞང་ཞུང་བོན་ལུཊ་ཀྱི་རིག་གཞུང་ནང་ཡོད་བསྡད་པའི་ལེཊ་ཆ་དེ་འདྲ་ཡང་མཉམ་དུ་ཉམས་ལེན་བྱེད་བསྡད་པ་ཞིག་རེད་འདུག ཧ་ལམ་འཛམ་གླིང་འདིའི་ཐོག་ཁུངས་ལྡན་དང་གཏིང་ཟབ་པོ། ད་ལྟའི་དུས་རབས་དང་འབྲེལ་བ་ཡོད་པའི་ལྟ་གྲུབ་རིག་གཞུང་ཞིག་ཆཊ་བསྡད་ཡོད།” ཅེས་གསུངས་སོང་།

༧གོང་ས་མཆོག་གིས་སློབ་ཕྲུག་ཚོར་དེང་དུས་ཀྱི་ཕྱི་དངོས་པའི་ཤེས་ཡོན་དང་མཉམ་དུ་ནང་བསམ་བློའི་ཤེས་ཡོན་ཐོག་སྦྱངས་བརྩོན་གནང་གལ་ཆེན་སྐོར་གསུངས་དོན། ” ཁྱེད་རང་ཚོར་སློབ་གྲྭའི་ནང་དེང་དུས་ཀྱི་སློབ་ཚན་འགྲོ་བསྡད་ཀྱི་ཡོད་པ་རེད། དུས་ནས་དུས་སུ་འདིར་རུབ་རུབ་བྱས་ཏེ་ང་ཚོ་བོད་ཀྱི་ཕ་མེས་ནས་སོ་སོའི་གཅེས་ནོར་ཆཊ་བསྡད་པ། ད་ལྟ་འཛམ་གླིང་ལ་ཕན་པ་དང་ནུས་པ་ཡོད་བསྡད་པའི་ལྟ་གྲུབ་རིག་གཞུང་གི་སྐོར་ལ་བགྲོ་གླེང་དང་ངོ་སྤྲོད་བྱེད་ཀྱི་ཡོད་པ་རེད། དེར་བརྟེན། ཉིན་གཉིས་རིང་ལ་ཁྱེད་རང་ཚོས་སྔར་མ་ཐོས་པའི་གསར་བ་ཐོས་པ་དང་། སྔར་ཐོས་ཀྱང་གོ་བ་ཡག་པོ་མ་ཆགས་པ། སྔར་མ་ཤེས་པ་གསར་པ་ཤེས་པ། ཐོས་མྱོང་ཡང་ཡག་པོ་མ་ཤེས་པ་དེ་དག་གསལ་བོ་ངོ་འཕྲོད་པའི་རེ་བ་ཡོད། དེ་འདྲའི་གནས་ཚུལ་གོ་རྟོགས་བྱུང་བ་དེ་ཤེས་བྱ་རྒྱ་ཆེ་རུ་སོང་བ་ཙམ་མིན་པར། མི་ཚེའི་བསམ་བློ་གཏོང་སྟངས་ལ་ལམ་སྟོན་ཞིག་བྱེད་ཡོང་གི་ཡོད།

དེང་སང་འཛམ་གླིང་ནང་ཕྱིའི་དངོས་བོ་དང་འབྲེལ་བའི་ཤེས་ཡོན་ཧ་ཅང་ཡར་རྒྱས་ཡོད་བསྡད་པ་ཚོར་སེམས་ལ་དཀའ་ངལ་མང་པོ་ཞིག་འཕྲད་ཀྱི་འདུག དེ་ཁག་ཡོད་མ་རེད། དེང་རབས་ཀྱི་ཤེས་ཡོན་དེ་ཕྱིའི་དངོས་པོའི་ཡར་རྒྱས་ཐོག་དམིགས་བསྡད་པ་ཞིག་ཆགས་འདུག་སྟབས། ནང་སེམས་ཀྱི་ཞི་བདེ་གང་འདྲ་བྱས་ཏེ་བསྒྲུབ་དགོས་མིན་ད་ལྟ་ཡོད་བཞིན་པའི་འཛམ་གླིང་གི་ཤེས་ཡོན་ནང་མི་འདུག ཁྱེད་རང་ཚོས་ནམ་རྒྱུན་དེང་དུས་ཀྱི་ཤེས་ཡོན་གོམས་འདྲིས་ཡོད་བསྡད་པ་གཅིག་པུས་མི་ཚེ་བདེ་སྐྱིད་ལྡན་པ་ཞིག་ཡོང་བར་འགན་ལེན་བྱ་ཐུབ་རྒྱུ་ཕལ་ཆེར་ཁག་པོ་རེད། དེང་དུས་ཀྱི་ཤེས་ཡོན་རྩེར་སོན་པ་སེམས་འཁྲུག་བསྡད་མཁན་མང་པོ་མཐོང་གི་འདུག དེར་བརྟེན། ང་ཚོ་འདིར་གོ་བསྡུར་བྱེད་བསྡད་པ་དེས་སོ་སོའི་ཤེས་ཚད་དང་ཆོས་ཀྱི་གོ་རྟོགས་གོང་འཕེལ་བཏང་བ་མ་ཟད། སོ་སོའི་མི་ཚེ་བསྐྱལ་རྒྱུར་ཕན་ཐོགས་ཡོང་བའི་རེ་བ་ཡོད་པ་རེད། ” ཅེས་གསུངས་སོང་།

དེ་རིང་སྔ་དྲོའི་ནང་ཆོས་ངོ་སྤྲོད་གྲུབ་རྗེས་སློབ་མ་ཚོའི་དྲི་བར་ལན་འདེབས་གནང་ཡོད་པ་དང་། ཉིན་རྒྱབ་དགེ་བཤེས་རྣམ་པ་དབུ་བཞུགས་ཐོག་སློབ་མ་ཚོ་དང་ནང་ཆོས་ཐོག་བསྐྱར་བཤད་བགྲོ་གླེང་གནང་རྒྱུ་ཡིན་པ་དང་། ཆུ་ཚོད་ ༣།༠༠ ནས་ ༤།༠༠ བར་སྲིད་སྐྱོང་བློ་བཟང་སེང་གེ་མཆོག་གིས་ཤེས་ཡོན་ཐོག་འགན་འཁུར་ཇི་ལྟར་བཞེས་དགོས་མིན་སྐོར་ལ་གཏམ་བཤད་དང་། སང་ཉིན་སྔ་དྲོའི་ནང་ཆོས་ངོ་སྤྲོད་དང་བགྲོ་གླེང་བསྐྱར་བཤད་སོགས་གྲུབ་རྗེས་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་བོད་མིའི་སྒྲིག་འཛུགས་ཀྱི་སྲིད་བྱུས་དང་ད་ལྟའི་བོད་ནང་གི་ཛ་དྲག་གནས་སྟངས་ངོ་སྤྲོད་བཅས་གནང་རྒྱུ་ཡིན་འདུག

གསར་འགོད་པ། དོན་གོ