ཁ་སང་ཕྱི་ཚེས་ ༢ ཉིན། རྒྱ་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ་ལགས། བོད་མདོ་སྨད་སྐུ་འབུམ་བྱམས་པ་གླིང་དུ་གཟིགས་སྐོར་དུ་ཕེབས་ཡོད་པ་དང་། སྐབས་དེར་སྐུ་འབུམ་གྱི་སྲང་ལམ་གཡས་གཡོན་དུ་ཉེན་རྟོག་པ་དང་དམག་མི། རྩ་འཛུགས་བྱས་པའི་ལས་བྱེད་མི་སྣ་སོགས་ཀྱིས་ལྟ་སྲུང་ནན་པོ་དང་། དགོན་པའི་ཕྱི་རོལ་དུ་ལུས་བཤེར་གློག་ཆས་བཙུགས་ཏེ་མི་མང་གི་ལུས་ལ་ཞིབ་བཤེར་བྱས་ཡོད་པ་མ་ཟད། དགོན་པའི་ནང་གྲྭ་བ་རེ་རེ་བཞིན་ལུས་བཤེར་གློག་ཆས་ཀྱིས་ཞིབ་བཤེར་གཟབ་ནན་བྱས་ཡོད་འདུག
བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། རྒྱལ་མཚན་ནོར་བུ་ལགས་སྐུ་འབུམ་དུ་མ་ཕེབས་གོང་ནས་རྒྱ་གཞུང་གིས་ས་གནས་སེར་སྐྱ་མི་མང་ལ་ཉུང་མཐར་ཡང་མི་གྲངས་ཆིག་ཁྲི་ལྷག་འཛོམས་ཐབས་བྱེད་དགོས་པ་དང་། ཕེབས་བསུའི་སྐབས་རྣམ་འགྱུར་ལེགས་པོ་སྟོན་དགོས་པ་སོགས་ཀྱི་བཀའ་རྒྱ་བཏང་ཡོད་པ་ལྟར། ཉིན་དེར་དམག་མི་དང་སེར་སྐྱ་མང་ཚོགས་བཅས་ཁྱོན་མི་གྲངས་ ༦༠༠༠ ཙམ་འདུ་འཛོམས་བྱེད་བཅུག་སྟེ་ཕེབས་བསུ་བྱས་ཡོད་འདུག
རྒྱལ་ནོར་བན་ཆེན།
ཏང་གི་བན་ཆེན་རྒྱལ་མཚན་ནོར་བུ། །
བུམ་དཀྲུགས་བན་ཆེན་བོང་སྤྲུལ། །
༸བསྟན་དགེ་༸པཎ་ཆེན།
བོད་མིའི་པཎ་ཆེན་༸བསྟན་དགེ །
༸བཅུ་པའི་ཡང་སྲིད་འཁྲུལ་མེད། །
རྒྱལ་མཚན་ནོར་བུ་ཡག་པོ་ཡོད་ན་ང་ཚོས་བརྩི་བཀུར་བྱས་ཀྱང་མི་ཆོག་རྒྱུ་མེད། འོན་ཀྱང་པཎ་ཆེན་རིན་པོ་ཆེའི་ཡང་སྲིད་ལ་ནམ་ཡང་ངོས་ལེན་བྱེད་ཐབས་མེད། རྒྱུ་མཚན། ཁོང་ནི་ཆབ་སྲིད་ཀྱི་དགོས་མཁོ་ལ་རྟེན་ནས་པཎ་ཆེན་རིན་པོ་ཆེའི་བཞུགས་ཁྲིའི་སྟེང་ལ་བསྐྱལ་བཞག་པ་ཞིག་རེད།
ངོ་མ་ཡིན་ན་ཡང་འདྲ་རྫུན་མ་ཡིན་ན་ཡང་འདྲ་། གང་ལྟར་རྒྱལ་མཚན་ནོར་བུ་ནི་བོད་ནང་གི་དགེ་ལུགས་པའི་བདག་པོ་ཆགས་ཡོད་། གལ་སྲིད་སྐུ་མདུན་བོད་ལ་ཕེབས་པ་ཡིན་རུང་ཁོང་ནི་སྐུ་མགྲོན་གྱི་མིང་ཐོག་ནས་ཕེབས་ཡོད་པ་ལས་དབང་ཆ་གང་ཡང་རེག་ཨ་ཡོང་།
པཎ་ཆེན་བཅུ་བའི་བུ་མོས་བཤད་ན། ངས་པཱ་ལགས་ལ་ཕྱག་འཚལ་མ་མྱོང་བས། པཎ་ཆེན་བཅུ་གཅིག་པར་ཕྱག་འཚལ་མི་སྲུད་ཟེར། ཡིན་ནའང་། གོང་ས་མཆོག་ཧོང་ཀོང་ངམ་རྒྱ་ནག་ནང་ཆིབས་བསྒྱུར་གནང་སྐབས། རྒྱལ་མཚན་ནོར་བུ་མཆོག་བསུ་མར་ཕེབས་རྒྱུ་ཡིན་པའི་ཁར། དབུ་ཐུག་བསྐྱོན་རྒྱུ་ནི་གཞོལ་དུ་མེད་པ་ཞིག་རེད། སྐབས་དེར་འཛམ་གླིང་གི་གསར་འགྱུར་ཆེས་ཆེ་ཤོས་སུའང་འགྱུར་རྒྱུ་རེད། སྐབས་དེ་ནས་བོད་ཀྱི་སྤྲུལ་སྐུའི་ལམ་ལུགས་ཐད་དག་སེལ་ཡོང་རྒྱུ་ཡིན་པའི་ཁར། སྲིད་དོན་གྱི་དགོས་དབང་ལྟར་སྤྲུལ་སྐུ་ཐག་གཅོད་ཀྱི་འགོ་ཚུགས་པ་མ་རེད་དམ།
པཎ་རྫུན་རྒྱལ་མཚན་ནོར་བུ་ལགས་སྐུ་འབུམ་དུ་བཙན་འཁྲིད་བྱས་འདུག་ཨེ། ཡ་ཡ། སྙིང་གཅེས་ཁོང་ཡང་མི་མྱངས་དགུ་མྱངས་མྱང་བགྱིད་འདུག
རྒྱ་ནག་གིས་ངོས་འཛིན་གནང་བའི་པཎ་ཆེན་རིན་པོ་ཆེ་མཆོག་ལ་མཇལ་ཁ་འགྲོ་ནའང་ཞིབ་བཤེར་བྱེད་མི་ཆོག་ཅི་ཡང་ཡོད་པ་མ་རེད། ནང་པའི་ལུང་པ་ཀུན་ཏུ་པཎ་ཆེན་རིན་པོ་ཆེ་རེ་རེ་བཟོས་མེད་པ་དེ་སྟབས་ཡག་ག་ལ།
དངོས་གནས་བཤད་ན། པཎ་ཆེན་བཅུ་པ་དེའང་རྒྱ་ནག་གཞུང་གིས་ངོས་འཛིན་གནང་བའི་པཎ་ཆེན་དང། སྡེ་པ་གཞུང་གི་ཚོང་པ་རྒྱགས་པ་རང་ཡིན། དེའི་ཁར་པཎ་ཆེན་འདི་ཉིད་ཀྱང་རྒྱ་ནག་གིས་ངོས་འཛིན་གནང་བ་རེད། ཁོར་ཡུག་དང་གནས་བབ་ལ་མ་འདྲ་བ་ཕྲན་བུ་ལས་དང་པོར་དབུས་ནས་ངོས་ལེན་མེད་པ་དང། རྒྱ་ནག་གི་རྒྱ་སྡེའི་པཎ་ཆེན་རྫུན་མ་རེད་འདོད་པ་གཉིས་ཀ་གཅིག་མཚུངས་རེད། ཡིན་ནའང། བུ་སྐྱེས་ན་པཎ་ཆེན་བཅུ་པ་ནང་བཞིན་རེད། བཙན་བྱོལ་ནང་པཎ་ཆེན་འོས་སྤྲུལ་ཟེར་བ་དེ་ཡུན་རིང་མགོ་ཐོག་ཁྲི་ཐོག་ལ་བཞག་ནས་ཚོང་པ་རྒྱག་པའི་མ་མཐོང་སར་རྣམ་འགྱུར་འདྲ་མིན་བསྟན་ཡོད་པ་ནི་བསུབ་ཐབས་ག་ལ་ཡོད། རྒྱུ་མཚན་ཉམས་མྱོང་དེ་དག་གིས་ང་ཚོས་པཎ་ཆེན་རྒྱལ་མཚན་ནོར་བུ་ལའང་གདུང་སེམས་མཉམ་བསྐྱེད་དང་བསམ་ཤེས་བྱེད་ཐུབ་དགོས། གང་ཡིན་ཞེ་ན། འཇིག་རྟེན་དང་ལྷག་པར་མ་འོངས་པ་འདི་དེ་བས་ཀྱང་མི་རྟག་པ་ཡིན་ཙང། ཁོང་ལ་མཐོང་ཆུང་ཁྱད་གསོད་བྱེད་རྒྱུ་གཏན་ནས་མིན་པར་འདོད།།
བན་ཆེན་རིན་པོ་ཆེ་འདིའི་མཚན་ལ་བན་ཆེན་རིན་པོ་ཆེ་བཟང་བཙོན་བ་ཟེར་བ་རེད།
རང་སྐྱོང་གི་གནས་བབས་འོག་རྒྱལ་མཚན་ནོར་བུ་ལགས་ངོས་ལེན་མ་བྱེད་རང་བྱེད་མ་རེད་པས། རྒྱུ་མཚན་ཏང་གི་བཅའ་ཁྲིམས་ལ་བརྩི་བཀུར་ཡོད་ལབ་པ་མ་རེད་པས། ད་ནི་གཞིས་བྱེས་གཉིས་ཀར་བོད་པས་བོད་པར་ཁ་གཏད་བཅག་རྒྱུའི་ལམ་ལུགས་འདི་དར་འགོ་ཚུགས་ཡོད་པ་རེད།
རང་དོན་བྱུང་ན། ཆགས་ལུགས་ཞན་ན་ཞན། ཟེར་སྲོལ་ལྟར། མི་རིགས་ལ་ཕན་སུས་ཐོག་ན་རེད། པན་ཆེན་སུ་ཡིན་གྱི་ཁྱད་ཅི་ཡོད།
བུ་ཡིས་བུ་དོ་ན་དགའ་ལྡན་ཁྲི་ལ་བདག་མཁན་མེད།
འོན་ཀྱང་། པན་ཆེན་བཞན་ཞིག་བཙོན་དུ་ཉར་ཡོད་པ་དེ་བསམ་དུས། བློ་རང་བཞིན་དུ་ཕམ་ཡོང་བ་དང་། རྒྱ་ནག་གིས་བོད་ལ་རྙས་བཅོས་ཚད་ལས་འགལ་བ་བྱེད་བཞིན་ཡོད་པ་རྟོགས་ཡོང་།
ཁྱེད་ཚོས་ཚོད་དཔག་བྱ་ན་བོད་མའི་སྤྱི་ཚོགས་ཁྲོད་རྒྱ་ནག་གི་པཎ་ཆེན་ལ་དད་པ་ཡང་དག་བྱེད་མཁན་བོད་མི་ག་ཚོད་ཡོད་དམ།
པཎ་ཆེན་སྐུ་གོང་མའི་སྲས་མོ་པད་རིག་འཛིན་དབང་མོ་དང་ད་ལྟའི་རྒྱ་ནག་གི་པཎ་ཆེན་གཉིས་བར་འབྲེལ་ལམ་ཇི་འདྲ་ཡིན་ནམ།
རྒྱ་ནག་གི་པཎ་ཆེན་འདིས་༸གོང་ས་མཆོག་ལ་དེ་སྔོན་མཚན་སྨད་ཞུས་པ་ཁྱེད་ཚོས་མཐོང་མྱོང་ངམ།