བོད་མིའི་རང་སྲེག་ངོ་རྒོལ་རྒྱས་གླེང་།

ཨོ་སི་ཊི་ལི་ཡར་གནས་སྡོད་ལྷ་སྡེ་གནམ་ལོ་ཡག་ལགས་ཀྱིས་སྒེར་གྱི་ལས་ཀའི་ཞོར་དུ། བོད་མིའི་རང་ལུས་མེར་བསྲེགས་ངོ་རྒོལ་སྐོར་ལ་ཞིབ་འཇུག་བྱས་ཏེ་<<བོད་མིའི་རང་སྲེག་ངོ་རྒོལ་རྒྱས་གླེང་>>ཞེས་པའི་དཔེ་དེབ་ཅིག་རྒྱ་ཡིག་ཐོག་བྲིས་ཡོད་པ་དེ། ཉེ་ལམ་ཐའེ་ཝན་ནས་དཔར་སྐྲུན་འགྲེམས་སྤེལ་ཞུས་ཡོད་འདུག

གནས་ཚུལ་དེའི་སྐོར་རྒྱ་ཡིག་ནང་བསླེབས་པ་འདི་ལྟར་བཀོད་འདུག མི་རྣམས་ཀྱིས་ཤེས་འདོད་པའང་བོད་མི་ཚོས་རྒྱུན་མཐུད་ནས་རང་ལུས་མེར་བསྲེགས་གཏོང་དོན་ཅི།  འདི་ནི་ཏཱ་ལའི་བླ་མས་སྤེལ་བའི་ཁ་བྲལ་གྱི་ལས་འགུལ་རེད་དམ་བོད་མི་ཚོས་རང་འགུལ་གྱིས་སྤེལ་བའི་རང་དབང་བརྩོན་ལེན་རེད། རྒྱ་དམར་གཞུང་དང་བོད་མིའི་བར་འཕྲོག་རྩོད་བྱེད་ཀྱིན་པ་ནི་རང་དབང་རེད་དམ་ཕུན་སུམ་ཚོགས་པའི་གཏེར་ཁའི་ཐོན་ཁུངས་རེད།  བོད་མི་ཚོས་རང་ལུས་མེ་རུ་སྒྲོན་བཞིན་པ་ནི་ཨུ་ཐུག་རེད་དམ་དཔའ་ངར་ཞུམ་མེད་ཀྱི་ཚུར་མངོན་རེད། བོད་མིའི་མ་འོངས་པ་ཇི་ལྟར་འཚོལ་འོས་སམ། བོད་ཀྱི་གནད་དོན་ཐག་གཅོད་བྱེད་དགོས་པའི་ཡང་སྙིང་ཅི་ཞིག་ཡིན་ནམ་ཞེས་པའི་དྲི་བ་འདི་དག་ཡིན་ངེས་པས། གལ་སྲིད་སྐུ་ཉིད་ནས་དཔྱད་གཞི་སྣ་མང་གི་གཤིབ་བསྡུར་བརྒྱུད་མ་དགོས་པར། དཔེ་དེབ་གཅིག་ཁོ་ནར་བརྟེན་ནས་བོད་མིའི་རང་ལུས་མེར་བསྲེགས་ཀྱི་གཏིང་རུམ་རྒྱུ་རྐྱེན་དང་། བོད་ཀྱི་གནད་དོན་གྱི་འདས་མ་ད་གསུམ་ཤེས་འདོད་ཚེ།  བོད་མི་རྩོམ་པ་པོ་ལྷ་སྡེ་གནམ་ལོ་ཡག་གིས་བརྩམས་ཤིང་། ཐའེ་ཝན་ཞོའུ་ཝེ་ཚན་རྩལ་བརྡ་འཕྲིན་ཚད་ཡོད་མཐུན་གཉེར་ཁང་ནས་དཔར་བསྐྲུན་བྱས་པའི《བོད་མིའི་རང་སྲེག་ངོ་རྒོལ་རྒྱས་གླེང》གིས་སྐུ་ཉིད་ལ་དྲིས་ལན་ཐ་དག་སྤྲད་ངེས་ཡིན།  དཔེ་དེབ་འདིར་ཤོག་ལྷེ་  ༢༣༦ ལྷག་ཡོད་ཅིང་། སྔོན་གླེང་དང་མཇུག་བསྡོམས་མ་ཐེ་བའི་ལེའུ་ ༧ དང་ཟུར་བཀོིད་ ༣ །  ཁ་གསབ་ཟུར་བརྗོད་ ༡ བཅས་ཀྱིས་གྲུབ་ཡོད་པ་ཞིག་རེད།

དཔེ་དེབ་འདི་བཞིན་བོད་ནང་བསྟུད་མར་བྱུང་བཞིན་པའི་བོད་མིའི་རང་ལུས་མེར་བསྲེགས་ལས་འགུལ་ཐད་སྤེལ་བའི་དཔྱད་བརྗོད་འཐུས་ཚང་ཞིག་ཡིན་པར་མ་ཟད།  བོད་ཀྱི་མ་འོངས་པ་དང་བོད་ཀྱི་གནད་དོན་ཐག་གཅོད་ཡོང་དགོས་པའི་ཡང་སྙིང་འཚོལ་སྙེག་གི་ཞིབ་འཇུག་ཐུན་མོང་མ་ཡིན་པ་ཞིག་ཏུའང་གྱུར་ཡོད་སྟབས། བོད་ཀྱི་གནད་དོན་དང་བོད་མིའི་རང་ལུས་མེར་བསྲེགས་འགྲེལ་བརྗོད་ཀྱི་མཚོན་རྟགས་གསར་བ་ཞིག་ཏུ་འགྱུར་བའི་རེ་བ་ཆེན་པོ་འདུག

ཕྱི་ལོ་ ༢༠༠༩ ལོ་ནས་བཟུང་། བོད་མི་སྐྱ་སེར་དབྱེར་མེད་དང་ཕོ་མོ་དབྱེར་མེད། རྒན་གཞོན་དབྱེར་མེད་དང་ལས་རིགས་དབྱེར་མེད། ཆོལ་ཁ་དབྱེར་མེད་ཀྱིས་རྒྱུན་མཐུད་ནས་སྤེལ་བཞིན་པའི་རང་སྲེག་ངོ་རྒོལ་ལས་འགུལ་གྱིས་འཛམ་གླིང་ལ་གཡོ་ཁྱོམ་ཐེངས་ཤིག་བསླངས་ཡོད་པར་མ་ཟད།  གྲངས་འབོར་གྱི་ཆ་ནས་ཀྱང་གནས་སྟངས་འདི་འདྲ་སྔར་བྱུང་མྱོང་མེད་པ་ཞིག་རེད་ལ།  མི་རྣམས་ལ་སེམས་ཚོར་དྲག་པོ་ཞིག་དང་སེམས་འགྱུ་སྣ་མང་བསྐྲུན་འོངས་པ་ཞིག་ཀྱང་རེད། དེ་བས། མི་གྲངས་དུང་ཕྱུར་མང་བོའི་སྙིང་བརྗེ་དང་བསམ་གཞིགས་ངང་ངམ་ཤུགས་ཀྱིས་འདྲེན་བཞིན་མཆིས།དཔའ་རྒོད་ཚོ་ག་དུས་ཀྱང་བརྗེད་མི་རུང་། འགྱུར་བ་ཞིག་ག་ལེར་སླེབ་ཀྱིན་པར་སྲིད།

<< བོད་མིའི་རང་སྲེག་ངོ་རྒོལ་རྒྱས་གླེང་།>>

བོད་ཀྱི་མེར་བསྲེག་ངོ་རྒོལ་ལས་འགུལ་ཀྱི་བྱུང་བ་དང་འབྱུང་རྐྱེན་སྐོར།

ལྷ་སྡེ་གནམ་ལོ་ཡག་གིས་བརྩམས།

དཀར་ཆག

རང་བརྗོད།

ལེའུ་དང་པོ། མེར་བསྲེགས་ངོ་རྒོལ་ལས་འགུལ་གྱི་རྒྱབ་ལྗོངས།

གཅིག ཆབ་སྲིད།

གཉིས། ཆོས་ལུགས།

གསུམ། དཔལ་འབྱོར།

བཞི། ཤེས་རིག

ལྔ། མིའི་ནུས་པ་དང་གོ་སྐབས།

རོབ་བསྡོམས།

ལེའུ་གཉིས་པ། མེར་བསྲེགས་ངོ་རྒོལ་ལས་འགུལ་གྱི་ཁྱབ་ཁོངས་དང་མི་སྣ།

གཅིག མེར་བསྲེགས་ངོ་རྒོལ་བོད་ཁམས་ཁྱབ་པ།

གཉིས། མེར་བསྲེགས་ངོ་རྒོལ་བའི་ལོ་རྒྱུས།

གསུམ། “སེར་མོ་བ་ཁོ་ན་མེར་བསྲེགས”སྨྲ་བའི་དམིགས་ཡུལ།

རོབ་བསྡོམས།

ལེའུ་གསུམ་པ། མེར་བསྲེགས་ངོ་རྒོལ་ལས་འགུལ་གྱི་དགོས་འདུན།

གཅིག བོད་ཀྱི་རང་དབང་།

གཉིས། ཏཱ་ལའི་བླ་མ་ཕྱིར་ཕ་ཡུལ་དུ་ལོག་འཇུག་རོགས།

གསུམ། བོད་ཀྱི་རྒྱལ་ཁབ་སླར་གསོ།

རོབ་བསྡོམས།

ལེའུ་བཞི་བ། མེར་བསྲེགས་ངོ་རྒོལ་གྱི་སྙིང་སྟོབས་འཚོལ་བ།

གཅིག དཔའ་བོ་བཀུར་བའི་སེམས་ཁམས་ལས་སྙིང་སྟོབས་འཚོལ་བ།

གཉིས། བསམ་བློ་ནང་དུ་ཕྱོགས་པའི་གཤིས་ཀ་ལས་སྙིང་སྟོབས་འཚོལ་བ།

གསུམ། “ཁ་ངོའི་རིག་གཞུང”ལས་སྙིང་སྟོབས་འཚོལ་བ།

རོབ་བསྡོམས།

ལེའུ་ལྔ་བ། མེར་བསྲེགས་ངོ་རྒོལ་དང་བཤད་ཚུལ་སྣ་མང་།

གཅིག རྒྱ་ནག་པས་མེར་བསྲེགས་ངོ་རྒོལ་ལ་ལྟ་སྟངས།

གཉིས། ནུབ་ཕྱོགས་པས་མེར་བསྲེགས་ངོ་རྒོལ་ལ་ལྟ་སྟངས།

གསུམ། ནང་པ་བས་མེར་བསྲེགས་ངོ་རྒོལ་ལ་ལྟ་སྟངས།

རོབ་བསྡོམས།

ལེའུ་དྲུག་པ། མེར་བསྲེགས་ངོ་རྒོལ་ལས་འགུལ་དང་རྒྱལ་སྤྱིའི་སྤྱི་ཚོགས།

གཅིག མེར་བསྲེགས་ངོ་རྒོལ་གྱི་ལོ་རྒྱུས་བྱུང་རིམ།

གཉིས། མེར་བསྲེགས་ལས་འགུལ་ལ་གྲུབ་འབྲས་ཐོན་སྲིད་དམ།

གསུམ། མེར་བསྲེགས་ངོ་རྒོལ་དང་འོས་མཐུན་རང་སྲུང་།

རོབ་བསྡོམས།

ལེའུ་བདུན་པ། བོད་ཀྱི་མ་འོངས་པ།

གཅིག རྒྱ་ནག་དམར་ཤོག་གིས་ཁ་གཏད་པའི་འགྱུར་འགྲོས་དང་བོད་ཀྱི་གོ་སྐབས།

གཉིས། བོད་མིའི་དགོས་འདུན་དང་དམངས་གཙོའི་བསམ་བློ་གཅིག་མཐུན་བཟོ་བ།

གསུམ། ཡུ་རོབ་མནའ་མཐུན་གྱིས་ཨེ་ཤ་ཡ་ཤར་མའི་བློ་འབྱེད།

རོབ་བསྡོམས།

སྤྱིའི་མཐའ་བསྡོམས།

ཟུར་བཀོད། ༡ མེར་བསྲེགས་ལས་འགུལ་བའི་ལོ་རྒྱུས་རེའུ་མིག

༢ བོད་ཀྱི་གལ་ཆེ་བའི་ལོ་བཅུའི་རགས་ཟིན།（༡༩༤༩–༡༩༥༩）

༣ མེར་བསྲེག་ལས་འགུལ་བའི་ཞལ་ཆེམས།

༤ ཁ་གསབ་ཟུར་བརྗོད།

དཔེ་དེབ་མངགས་ཉོ་བྱེད་སྟངས།

ཀློག་པ་པོར་ཞབས་ཞུའི་ཡིག་ཟམ།  service@showwe.com.tw

དྲ་རྒྱའི་དཔེ་ཚོང་ཁང་། http://www.bodbooks.com.tw/ 

རྒྱལ་ཁབ་དཔེ་ཚོང་ཁང་། http://www.govbooks.com.tw/