རྒྱ་གཞུང་གིས་ཁམས་རྟའུ་རུ་༸གོང་ས་མཆོག་གི་འཁྲུངས་སྐར་སྲུང་གཙི་གནང་སྐབས་མེ་མདའ་བརྒྱབ་ཏེ་བོད་མི་སྐྱ་སེར་བཅུ་ལྷག་རྨས་སྐྱོན་བཟོས་ཡོད་འདུག
གྲྭ་ཡ་མ་བསོད་ནམས་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༦ ཉིན་དཀར་མཛེས་བོད་རིགས་རང་སྐྱོང་ཁུལ་རྟའུ་རྫོང་དུ་ས་གནས་སྐྱ་སེར་གཉིས་ཀྱིས་༸གོང་ས་མཆོག་ཕྱི་ལུགས་དགུང་གྲངས་ ༧༨ ལ་ཕེབས་པའི་སྐུའི་འཁྲུངས་སྐར་སྲུང་གཙི་གནང་སྐབས། རྒྱ་གཞུང་དྲག་ཆས་ཉེན་རྟོག་པས་མི་མང་ཁྲོད་གང་བྱུང་མེ་མདའ་བརྒྱབ་ཏེ་རྟའུ་ཉ་མཚོ་དགོན་པའི་དགེ་བསྐོས་ཚེ་རིང་དོན་འགྲུབ་ལགས་དང་ཕྱག་ཟུར་རྒན་བཀྲ་ཤིས་བསོད་ནམས་ལགས། དཔའ་མོ་དཔའ་ལྡན་ཆོས་མཚོའི་གཅུང་པོ་གྲྭ་བྱང་ཆུབ་རྡོ་རྗེ་དང་། གྲྭ་བློ་བཟང་རྡོ་རྗེ། གྲྭ་རྒྱལ་མཚན། དགའ་ལྡན་ཆོས་གླིང་གི་བཙུན་མ་སྒྲོལ་མ། བྲག་ཆུང་གྲོང་པའི་མི་སྐྱ་ཨ་རྒྱ་བཀྲ་ཤིས། མདུན་སྐྱ་གྲོང་པའི་སྙན་གྲགས། ཁོ་རོ་གྲོང་པའི་བཀྲ་ཤིས་རྒྱལ་མཚན། སྐྱང་གསོ་གྲོང་པའི་བཟང་པོ་བཅས་ལ་རྨས་སྐྱོན་ཕོག་ཏེ་སྨན་ཁང་དུ་སྨན་བཅོས་བྱེད་ཀྱིན་པ་མ་ཟད། ཕྱག་ཟུར་རྒན་བཀྲ་ཤིས་བསོད་ནམས་དང་མི་སྐྱ་ཨ་རྒྱ་བཀྲ་ཤིས་གཉིས་རྨས་སྐྱོན་ཚབས་ཆེན་ཕོག་ཏེ་ཉེ་ལམ་རྒྱ་ནག་གི་སྨན་ཁང་ཞིག་ཏུ་འཁྲིད་དེ་སྨན་བཅོས་བྱེད་ཀྱི་ཡོད་འདུག
ཉེ་བའི་ཆར་རྒྱ་ནག་གཞུང་གིས་ས་གནས་སུ་དམག་མི་མང་པོ་འགྲེམས་འཇོག་གིས་དམ་དྲག་བྱེད་ཀྱིན་ཡོད་སྟབས། གྲྭ་རྒྱལ་མཚན་དང་བཙུན་མ་སྒྲོལ་མ་གཉིས་ཀྱི་པར་ལག་སོན་བྱུང་མེད་པ་མ་ཟད། རྨས་མ་རྣམས་ཀྱི་གནས་སྟངས་གང་འདྲ་ཆགས་མིན་དང་ས་གནས་ཀྱི་ཞིབ་ཕྲའི་གནས་ཚུལ་སོགས་མ་ཤེས་པར་ལྷག་འདུག
ཉ་མཚོ་དགོན་པའི་དགེ་བསྐོས་ཚེ་རིང་དོན་འགྲུབ་ལགས།
དཔའ་མོ་དཔལ་ལྡན་ཆོས་མཚོའི་གཅུང་པོ་གྲྭ་བྱང་ཆུབ་རྡོ་རྗེ།
གྲྭ་བློ་བཟང་རྡོ་རྗེ།
ཁོ་རོ་གྲོང་པའི་བཀྲ་ཤིས་རྒྱལ་མཚན།
སྐྱང་གསོ་གྲོང་པའི་བཟང་པོ།
བྲག་ཆུང་གྲོང་པའི་མི་སྐྱ་ཨ་རྒྱ་བཀྲ་ཤིས།
ཕྱག་ཟུར་རྒན་བཀྲ་ཤིས་བསོད་ནམས།
མདུན་སྐྱ་གྲོང་པའི་སྙན་གྲགས།
བོད་མི་འཇོན་མཁན་ཚོས་གནས་ཚུལ་འདི་རྒྱལ་སྤྱིའི་གསར་ལམ་ལ་ཁྱབ་འཇུག་དགོས།
དེ་ལྷག་ང་ཚོར་བྱེད་ཐབས་མེད། རང་གཞུང་དྲིལ་བསྒྲགས་དང་། འགྲོ་བ་མིའི་ཐོབ་ཐང་སོགས་ཀྱིས་གང་མགྱོགས་གནས་ཚུལ་འདི་ཕྱི་ལ་ཁྱབ་བརྡལ་དུ་གཏོང་བར་འབད་དགོས། རྒྱ་སྒྱུ་མ་མཁན་ལ་བློ་མ་གཏོད་ཅེས་པའི་ཁ་དཔེ་དེར་འདི་ནས་བདེན་དཔངས་བྱས་འདུག བོད་པ་ཚོ་དངོས་ནས་སྙིང་རྗེ།
ད་འདི་ནི་ཀྲུང་ཧྭ་མི་མང་སྤྱི་མཐུན་རྒྱལ་ཁབ་རྩ་ཁྲིམས་འོག་གི་རང་སྐྱོང་གི་གནས་སྟངས་རེད། འདིའི་འོག་ལ་འགྲོ་གི་ཡིན་ལབ་མཁན་ཚོས་ཁ་གསལ་བོ་ཞིག་གྲགས་རན་ཡོད་པ་གསལ་འདུག ཡང་ན། སོ་སོ་ལ་ཐད་ཀར་མེ་མདའ་ཕོག་གི་འཇུག་ཐུབ་དགོས་ཀྱི་ཡོད་པ་རེད། དེ་མིན་ད་གང་འབྱུང་མི་འབྱུང་ལབ་རྐྱང་མི་འདུག་གཱ བོད་མི་ཚོ་སྙིང་རྗེ།
ཞེ་ཅིང་ཕེང་ཀྱིས་ཐེངས་དང་པོའི་བོད་མིར་དྲག་གནོན་འདི་ལ་གཞིགས་ན་རེ་བ་ཅུང་ཟད་ཡོད་པ་དེ་ཡང་མེད་པར་གྱུར་སོང་།
ད་ནི་བོད་མི་ཚོས་རང་རང་གི་གཅེས་སྲོགས་ལ་གཅེས་སྤྲས་གནང་དགོས་པ་ལས་གྱོང་ཁ་རང་ལ་མ་གཏོགས་སུ་ལ་ཡང་རག་ཟོར་མེད་པ་མངོན་གསལ་རེད།
རྒྱ་གཞུང་གི་བོད་མི་མེ་མདའ་ཞུས་པ་ནི་སྡིག་ཅན་རྔོན་པའི་རི་དྭགས་ལ་མེ་མདའ་བཞུས་པའི་འདུ་ཤེས་ལས་མེད་པར་ཤེས་དགོས། དེ་ལས་ཐབས་མཁས་གང་ཡང་གནང་ནས་སོ་སོའི་ཆོས་རིགས། ཡུལ་གོམས་གཤིས་ལུགས། དཔལ་འབྱོར་སོགས་ལ་མཐུར་ཤོར་མི་གནང་རྒྱུ་དེ་གལ་ཆེ་ཤོས་ཡིན་པར་འདོད།།
འ་བླ་མ་མཁྱེན་་་ད་ནི་རྩ་བས་འདུག་ཐབས་མེད་སོང་བ་རེད། ཡིན་ནའང་། མི་རིགས་ཤིག་གནས་སྟངས་འདི་འདྲར་ཐུག་དུས་སེམས་ཤུགས་དང་རྣམ་དཔྱོད་ཟུང་འབྲེལ་ཐོགག་ནས་ཕར་རྒོལ་དང་རང་སྲུང་དོ་མཉམ་པ་ཞིག་དགོས་པ་ནི་ཧ་ཅང་གིས་གལ་ཆེན་པོ་རེད།ཡང་གཅིག་བཤད་ན། ང་ཚོའི་མི་ཐོག་སྔོན་མ་ཚོའང་འདི་ལྟར་ཡོང་བ་རེད། ད་དུང་འདུ་ལྟར་ལོ་ག་ཚོད་ཅིག་ལ་འགྲོ་དགོས་མིན་མི་ཤེས་མོད། ལོ་རྒྱུས་ཀྱི་ཉམས་མྱོང་དང་དུས་རབས་ཀྱི་མཐུན་རྐྱེན་གང་ལ་གཞིགས་ཀྱང་བདེན་དོན་འཐབ་རྩོད་ལ་མཐའ་གསལ་རྒྱུ་ཡོད་པར་ཡིད་ཆེ་བྱ་ཆོག་གི་རེད་ལ། གཡུལ་ས་འདི་ནས་ང་ཚོ་ཁེར་རྐྱང་དུ་ནམ་ཡང་ལྷག་གི་མ་རེད་་་