དེ་རིང་ཕྱི་ཚེས་ ༦ ཉིན་གྱི་ཞོགས་པར་བལ་ཡུལ་མཆོད་རྟེན་བྱ་རུང་ཁ་ཤོར་སྐོར་ལམ་ནང་རོལ་དུ་བོད་མི་ཞིག་གིས་རང་ལུས་མེར་བསྲེཊ་གནང་སྟེ་འདས་གྲོངས་སུ་ཕྱིན་ཡོད་འདུག
ད་ལྟ་རང་འདི་གར་གནས་ཚུལ་འབྱོར་བ་ལྟར་ན། དེ་རིང་ཕྱི་ཚེས་ ༦ ཉིན་གྱི་ཞོགས་པར་བལ་ཡུལ་མཆོད་རྟེན་ནང་རོལ་དུ་རང་ལུས་མེར་བསྲེཊ་གནང་མཁན་གྱི་གྲྭ་བ་ཁོང་གི་མིང་ལ་ཀརྨ་ངེས་དོན་རྒྱ་མཚོ་ཞུ་བ་དང་། སྐྱེས་ཡུལ་བོད་རང་སྐྱོང་ལྗོངས་ཀྱི་ཁོངས་གཏོགས་འདམ་གཞུང་ནས་ཡིན་འདུག ཁོང་ད་ལྟ་རང་ལོ་ ༣༩ ཡིན་པ་དང་། བལ་ཡུལ་དབུས་སྣེ་ལེན་ཁང་གི་འབྱོར་ཐོའི་ནང་ཁོང་ ༢༠༡༢ ལོའི་ཕྱི་ཟླ་ ༡ ནང་བོད་ནས་བལ་ཡུལ་དབུས་བོད་ཀྱི་སྣེ་ལེན་ཁང་དུ་འབྱོར་ཡོད་ཚུལ་བཀོད་འདུག
ཀརྨ་ངེས་དོན་རྒྱ་མཚོ་ལགས་ཀྱིས་མཆོད་རྟེན་ནང་མཆོད་མེ་སྦར་རྗེས། སྐོར་ལམ་ཆེན་མོའི་ནང་རོལ་དུ་སོང་སྟེ་རང་ལུས་མེར་བསྲེཊ་གནང་ཡོད་འདུག་ལ། རྗེས་སུ་བལ་ཡུལ་ཉེན་རྟོག་པས་ཤེས་རྟོགས་བྱུང་སྟེ་དེ་མ་ཐག་རྒྱལ་ས་ཀ་ཐ་མན་གྲུར་ཡོད་པའི་ཁྲི་རེ་བྷུ་ཧོའུ་ཝན་ (Tribhuwan) སློབ་ཆེན་གྱི་སྨན་ཁང་དུ་བསྐྱལ་ཡོད་ཀྱང་། ཆུ་ཚོད་ ༨།༡༧ ཐོག་སྨན་ཁང་དུ་བསླེབས་སྐབས་ཁོང་སྐུ་གྲོངས་ཟིན་པ་དང་། ད་ལྟའི་ཆར་ཁོང་གི་སྐུ་ཕུང་བལ་ཡུལ་ཉེན་རྟོག་པས་ལྟ་རྟོག་འོག་སྨན་ཁང་དེ་གར་ཉར་ཡོད་འདུག
ཐེངས་འདི་ནི་བལ་ཡུལ་ནང་རང་ལུས་མེར་བསྲེཊ་གནང་ཐེངས་ ༣ དེ་ཆགས་ཡོད་འདུག
.jpg)
དུས་བབས་གསར་འགོད་པ་སེར་སྣ་ཆེ་བ་ལ།
མིང་མེད་ཡུལ་མེད་ཀྱི་བོད་མི་ཞིག་ཡོད་སྲིད་ཀྱི་མ་རེད།
ཁྱི་སྐྱག་དེ་ཚོ་ྲྲྲ
་་་་་་ གནས་ཚུལ་བྱུང་མ་ཐག་བལ་ཡུལ་རྟ་མང་གི་གཞོན་སྐྱེས་ཁག་ཅིག་གིས་མི་མང་ཉེ་འཁྲིས་སུ་བཅར་མ་བཅུག་པར་བཀག་འགོག་བྱས་ཡོད་འདུག་ལ། ཕྱིས་སུ་བལ་ཡུལ་ཉེན་རྟོག་པ་དང་དམག་མི་འབྱོར་ཏེ་སྐུ་ཕུང་འཁྱེར་ཡོད་འདུག ་་་་་་་