ཁ་སང་གཟའ་ལྷག་པའི་ཕྱི་དྲོ་ངྷ་རམ་ས་ལར་གཞུང་འབྲེལ་མིན་པའི་ཚོགས་པ་ལྔས། འཛམ་གླིང་ཡར་ཐོན་ཅན་གྱི་རྒྱལ་ཁབ་ཉི་ཤུའི་ཚོགས་འདུའི་ཐོག་ཕེབས་བཞིན་པའི་དབུ་ཁྲིད་རྣམས་ལ་འབོད་སྐུལ་གྱི་ལས་འགུལ་ཞིག་སྤེལ་འདུག
ཁ་སང་ཕྱི་ཚེས་ ༤ ཉིན་གྱི་ཕྱི་དྲོ་ངྷ་རམ་ས་ལའི་ཉིན་མོ་སློབ་གྲྭའི་ནང་། བོད་ཀྱི་གཞོན་ནུ་ལྷན་ཚོགས་དང༌བུད་མེད་ལྷན་ཚོགས། དགུ་བཅུ་གསུམ་ལས་འགུལ་ཚོགས་པ། བོད་ཀྱི་རྒྱལ་ཡོངས་དམངས་གཙོ་ཚོགས་པ། བོད་རང་བཙན་སློབ་ཕྲུག་ཚོགས་པ་བཅས་མཉམ་རུབ་ཐོག འཛམ་གླིང་ཡར་རྒྱས་ཐོན་ཅན་གྱི་རྒྱལ་ཁབ་ ༢༠ དབུ་ཁྲིད་ཀྱི་ཚོགས་འདུ་ཚོགས་པའི་སྐབས་དང་བསྟུན་ཏེ། རྒྱ་གཞུང་གིས་བོད་ཐོག་འཛིན་པའི་ཕམ་ཉེས་ཅན་གྱི་སྲིད་བྱུས་ལ་ཡོ་བསྲང་བྱ་དགོས་པའི་སྐུལ་ལྕག་དང༌། བོད་དོན་ཐོག་མཉམ་རུབ་ཀྱིས་གདོང་ལེན་གནང་དགོས་པའི་འབོད་སྐུལ་བཅས་གནང་ཡོད་འདུག
ཐེངས་འདིའི་ལས་འགུལ་ཐོག་གཞུང་འབྲེལ་མིན་པའི་ཚོགས་པ་ལྔས། རྒྱ་ནག་དམར་ཤོག་ཚོགས་པས་བོད་བཙན་བཟུང་བྱས་པའི་ལོ་ངོ་དྲུག་བཅུའི་ནང༌། བོད་མི་ཚོར་ཚད་ལས་བརྒལ་བའི་མནར་གཅོད་བཏང་བ་དང༌། བོད་ནང་འགྲོ་བ་མིའི་ཐོབ་ཐང་རྡོག་རོལ་བཏང་དང་གཏོང་བཞིན་པ་དེ་དག་འགོག་ཐབས་སུ། ཕྱི་ཚེས་ ༥ ནས་ ༦ བར་ཚོགས་བཞིན་པའི་ (G 20) ཚོགས་འདུའི་ཐོག་བོད་དོན་གླེང་སློང་ཡོང་བའི་འབོད་སྐུལ་གནང་ཡོད་པ་མ་ཟད། རྒྱ་ནག་གཞུང་གི་མཁྲེགས་འཛིན་གྱི་སྲིད་ཇུས་ལ་བོད་ནང་གི་བོད་མི་ཚོས་ཞི་བའི་ངོ་རྒོལ་དང༌། རང་ལུས་མེར་བསྲེཊ་བཅས་ཀྱི་ལམ་ནས་ངོ་རྒོལ་གནང་སྟེ། བོད་མི་རིགས་ཀྱི་རིག་གཞུང་སྲུང་སྐྱོབ་དང༌རྒྱ་གཞུང་གི་མཁྲེགས་འཛིན་སྲིད་ཇུས་ལ་མི་འདོད་པའི་རྣམ་པ་གསལ་སྟོན་བྱས་ཡོད་པར། ཚོགས་འདུའི་ཐོག་ཕེབས་པའི་རྒྱལ་ཁབ་ཁག་གི་དབུ་འཁྲིད་རྣམས་པས་ངེས་པར་དུ་བོད་ཀྱི་ཛ་དྲག་གནད་དོན་ཐོག་གླེང་སློང་དང་། རྒྱ་ནག་གི་ནོར་འཁྲུལ་ཅན་གྱི་སྲིད་ཇུས་གསལ་སྟོན་གནང་དགོས་ཞེས་གསར་འགོད་བསྒྲགས་གཏམ་ཤིག་ཀྱང་སྤེལ་ཡོད་འདུག
གཞུང་འབྲེལ་མིན་པའི་ཚོགས་པ་ལྔ་པོ་དེ་རྣམས་ནི།
བོད་ཀྱི་གཞོན་ནུ་ལྷན་ཚོགས་དང༌། བོད་ཀྱི་བུད་མེད་ལྷན་ཚོགས། དགུ་བཅུ་གསུམ་ལས་འགུལ་ཚོགས་པ། བོད་རྒྱལ་ཡོངས་མང་གཙོ་ཚོགས་པ་དང༌། བོད་རང་བཙན་སློབ་ཕྲུག་ཚོགས་པ་བཅས་རེད་འདུག
་་་་ དེར་བརྟེན་ཞིའི་ཅིང་ཕིན་གྱི་འབག་དེ་གང་བྱུང་བེད་སྤྱོད་བྱེད་ཐལ་ཆེས་དྲགས་ན་ཕན་པ་ལས་གནོད་ཆེ་བ་ཡོང་ངེས། ་་་་་་ཟེར།
ད་ལྟ་བཙན་བྱོལ་སྒྲིག་འཛུགས་དང་གཞུང་འབྲེལ་མ་ཡིན་པའི་ཚོགས་ཁག་ཅིག་བཅས་དབུ་མའི་ལམ་ལ་རྩ་འཛིན་གནང་གི་ཡོད་པ་རེད། དབུ་མའི་ལམ་ནི་རྒྱ་ནག་གི་འགོ་འཁྲིད་དང་གྲོས་མོལ་བྱེད་རྒྱུ་དེ་ཡིན་པ་རེད། གྲོས་མོལ་བྱེད་པའི་སྒོ་མོ་དེ་ཞིའི་ཅིང་ཕིན་གྱི་གཞུང་དེ་ཡིན་པ་རེད། དེར་བརྟེན་ཞིའི་ཅིང་ཕིན་གྱི་འབག་དེ་གང་བྱུང་བེད་སྤྱོད་བྱེད་ཐལ་ཆེས་དྲགས་ན་ཕན་པ་ལས་གནོད་ཆེ་བ་ཡོང་ངེས།
པར་རིས་འདི་ཡག་པོ་དང་རན་པོ་གང་ཡང་མི་འདུག འདི་ལྟར་བྱས་ན་དགེ་མཚན་དང་སྐྱོན་ཆ་གཉིས་ལས་སྐྱོན་ཆ་ཆེ་བ་ངོས་འཛིན་ཞུ་ཐུབ། བྱ་ཆུང་ཀྱི་བྱེད་སྟངས་ཞིག་རང་ཤུགས་ཀྱི་མངོན་པར་བྱས་འདུག །