བདེ་ཆེན་གྱིས་བརྩམས། ལྷ་མོ་སྐྱབས་ཀྱིས་བསྒྱུར།
བརྩེ་བའི་སྲིད་སྐྱོང་སེང་གེ་མཆོག
སྤྱི་ལོ་ ༢༠༡༣ ལོའི་ཟླ་ ༨ པའི་ཚེས་ ༢༢ རེས་གཟའ་ཕུར་བའི་ཉིན། ཁྱེད་ཀྱིས་ཁེལ་ལེ་ཧྤོར་ནའི་ཡའི་སྦར་ཀེ་ལེ་ (Berkeley) ནང་དུ་བོད་ཀྱི་མང་ཚོགས་ལ་དགོང་དྲོ་གཏམ་བཤད་གནང་སོང༌། དགོང་དྲོའི་དྲི་བ་དྲིས་ལན་གྱི་བར་སྐབས་སུ། དྲི་བ་ཧ་ཅང་མང་པོ་བསླེབས་པར་གཞིགས་ན་དྲི་བ་ཡོད་ཚད་ལ་དྲིས་ལན་ཞིབ་ཕྲ་རྒྱག་པའི་དུས་ཚོད་མེད་པ་རྟོགས་ནུས་པ་ཞིག་རེད། ང་ལ་མེ་ལྕེ་བཞིན་འབར་པའི་དྲི་རྟགས་མང་པོ་ཞིག་ཡོད་པ་དེ་དག་ཡོངས་ཁྱབ་ཀྱི་ཡི་གེ་ཞིག་གི་ལམ་ནས་ཁྱེད་ལ་འདྲི་འདོད་བྱུང་སོང༌། རྒྱུ་མཚན་ངས་བསམ་ཚོད་དུ་གཞན་དག་མང་པོ་ཞིག་གིས་ཁྱེད་ཀྱི་ཨ་ལན་ལ་གཅིག་མཚུངས་ངང་དགའ་སྣང་གིས་བལྟས་ནས་ཨེ་ཡོད་སྙམ་མོ།།
བོད་རྒྱ་འབྲེལ་མོལ།
དེ་སྔོན་རྩོལ་བ་བྱས་པའི་འབྲེལ་མོལ་བརྒྱུད་ནས། རྒྱ་ནག་བོད་འབྱུང་འགྱུར་གྱི་ཆབ་སྲིད་གནས་བབས་ལ་༧གོང་ས་མཆོག་གི་སྐུ་ཚབ་དང་ལྷན་དུ་འབྲེལ་མོལ་བྱེད་པའི་མདུན་པ་མེད་པ་དེ་གསལ་པོར་མངོན་གྱིན་འདུག ༢༠༡༣ ལོའི་ཟླ་ ༦ པའི་ཚེས་ ༢༨ ཉིན་ཕ་ཡུལ་དྲ་བའི་རྩོམ་དུ༼རྒྱ་རི་དང་རྒྱལ་མཚན་གཉིས་ཀྱི་བློས་བཏང་གི་ཤུགས་རྐྱེན།༽ཞེས་པ་དེ་ལ་བརྟེན་ཏེ། ཁྱེད་ཀྱི་འཛིན་སྐྱོང་གིས་སླར་ཡང་མི་མཐུད་དུ་བསུས་བའི་སྤྲོ་སྣང་གི་འབྲེལ་མཐུད་ལ་གྲང་ཤུར་ཤུར་གྱི་ཨ་ལན་ཞིག་སྟེ། ༼ རྒྱ་ནག་གིས་བཤད་རྒྱུར་ཁོང་ཚོས་གཏན་ནས་སེང་གེའམ་བཙན་བྱོལ་གཞུང་དང་ལྷན་དུ་གྲོས་མོལ་མི་བྱེད་ཅེས་པའོ།།༽ཉེ་ཆར་ཉིད་ཀྱིས་ཡང་བསྐྱར་བསྒྲགས་གཏམ་སྤེལ་རྒྱུར་ཁྱེད་ཀྱི་འཛིན་སྐྱོང་གིས་རྒྱ་ནག་དང་ལྷན་དུ་མུ་མཐུད་དུ་འབྲེལ་མོལ་བྱེད་རྒྱུར་ཐག་གཅོད་བྱས་པ་རེད་ལ་དེ་འདྲའི་འབྲེལ་མོལ་བརྒྱུད་རིམ་གྱི་སློབ་སྟོན་ཞུ་བའི་ཚོགས་ཆུང་གིས་དེའི་ཚོགས་འདུ་ཐེངས་ ༢༦ པ་འཚོགས་རྒྱུ་ཡིན་པ་རེད།
དྲི་བ། ༧གོང་ས་མཆོག་གི་སྐུ་ཚབ་དང་མཉམ་དུ་འབྲེལ་མཐུད་ཆད་བའི་སྐབས་སུ་རྒྱ་ནག་གིས་འབྱུང་འགྱུར་བོད་ཀྱི་ཆབ་སྲིད་གནས་བབས་ལ་གཞོལ་ཞིང་ཁྱེད་ཀྱི་སྐུ་ཚབ་དང་ལྷན་དུ་འབྲེལ་མོལ་ནན་པོར་བྱེད་བར་ཉིད་ཀྱིས་ཅིའི་ཕྱིར་ཆ་འཇོག་བྱེད་ཀྱིན་ཡོད།
ཆེས་མཐོའི་རང་སྲིད་རང་སྐྱོང༌།
རེ་སྐུལ་སྙན་ཐོ་དང་ཟིན་ཐོ་ཞིག་༧གོང་ས་མཆོག་གི་སྐུ་ཚབ་ཀྱིས་རྒྱ་ནག་འབྲེལ་ཡོད་ལ་ ༢༠༠༨ དང་ ༢༠༡༠ ནང་དུ་ཕུལ་ཡོད་པ་རེད། རིམ་བཞིན་ངང་ཁོང་ཚོས་སྨྲ་ཡོང་བ་དེ་ནི་བོད་མི་དག་གིས་མ་འོངས་པར་རྒྱ་ནག་དམར་ཤོག་ཚོགས་པར་བོད་དོན་སླད་ཁ་གཏད་དུ་ལངས་ཡོང་གི་རེད་ཟེར། ༢༠༡༣ ལོའི་ཟླ་ ༥ བའི་ཚེས་ ༨ ཉིན་ཕྱི་འབྲེལ་ལྷན་ཁང་དུ་ཁྱེད་ཀྱི་འགྲེལ་བརྗོད་ཀྱིས་གོ་བབ་ཅིག་གཏན་འབེབས་བྱས་ཡོད། ༼ང་ཚོས་བཙན་བྱོལ་ནང་ཉམས་སུ་མྱོང་བཞིན་པ་ནི་དམངས་གཙོ་ཡིན། ང་ཚོས་བོད་ནང་ལ་དམངས་གཙོ་ལག་བསྟར་ཆོག་མིན་འདྲི་ཡི་མེད། ༽ཅེས་པ་དེ་ཡིས་གྲོས་འཆར་གྱི་འགོས་འདུན་གོམ་གང་མདུན་དུ་སྤོས་པ་རེད། དེ་བཞིན་ཁྱེད་ཀྱིས་བཤད་རྒྱུར་ཧོང་ཀོང་གི་ལོ་འཁོར་ལྔ་བཅུའི་རང་སྐྱོང་སྒྲིག་གཞི་ལྟ་བུའི་ཚད་འགག་གི་དུས་ཡུན་ཞིག་གམ་རང་སྐྱོང་གང་ཡང་རུང་བ་ཞིག་དང་དེ་བཞིན་དམག་དོན་བྲལ་བའི་བོད་ནང་དུ་རྒྱ་ནག་གི་དབང་ཤུགས་མེད་པས་ན་ཁྱེད་ཀྱིས་ངོས་ལེན་བྱེད་ཀྱིན་བདོག་པར་སྐད།
རྒྱ་ནག་དམར་ཤོག་ཚོགས་པའི་ཁྲིམས་འོག་ནས་མིང་དོན་མཚུངས་བའི་རང་སྲིད་རང་སྐྱོང་ཞིག་ཇི་ལྟར་ཐོབ་ཐུབ་མིན་ལ་བདག་གིས་གོ་བ་ལོན་མ་སོང༌། ཆབ་སྲིད་ཀྱི་ལམ་ལུགས་ཤིག་ནས་བོད་ལ་ཐོབ་སྲིད་པའི་ཆེས་མཐོའི་རང་སྲིད་རང་སྐྱོང་དེ་དམངས་གཙོའི་ལུགས་ལྟར་འོས་འདེམས་ཀྱི་བརྒྱུད་རིམ་ཁྲོད་དུ་བོད་མི་རང་ཉིད་ཀྱི་འཛུལ་ཞུགས་བྱེད་མི་རུང་བ་དེའང་གོ་རྟོགས་རྙེད་མ་སོང༌། གལ་ཏེ་ཁྱེད་ཀྱི་བསྒྲགས་གཏམ་༼ང་ཚོས་བོད་ནང་དུ་དམངས་གཙོ་ལག་བསྟར་ཆོག་མིན་འདྲི་ཡི་མེད།༽ཅེས་པ་དེ་གཞིར་བཟུང་ན་ནི། དེ་ཡིས་ང་ལ་རང་སྲིད་རང་སྐྱོང་དོན་དངོས་ཀྱི་སྒོ་ནས་ལམ་ལྷོངས་མི་ཡོང་བ་ཞིག་སྣང་དུ་བཅུག་བྱུང༌། གང་ལྟར། ཕྱི་འབྲེལ་ལྷན་ཚོགས་སར་བསྒྲགས་གཏམ་དེ་ཡིས་ཁྱེད་ཀྱི་འདོད་འདུན་སློང་བཞིན་པའི་ལམ་ལུགས་དེའི་འོག་ཏུ་བོད་པར་སྨྲ་བརྗོད་རང་དབང་དང་ཆབ་སྲིད་འོས་འདེམས་རང་དབང་ཡོད་མིན་ཡང་ཁྱེད་རང་ཉིད་ལ་ཡིད་ཆེས་མི་འདུག་པ་གསལ་པོ་རེད་འདུག ནང་སྒོས་སུ་དེ་ནི་རྒྱ་ནག་གིས་རང་སྲིད་རང་སྐྱོང་ལ་དབང་བསྒྱུར་བྱེད་པ་ཞིག་སྟེ། ད་ལྟའི་བོད་ནང་གི་འཁྲབ་ཚན་འདི་ལས་མ་འདས་སོ།།
དྲི་བ། མཐར་གཏུགས་ཀྱི་དབང་ཚད་རྒྱ་ནག་ལ་ཡོད་ཅིང་བོད་རང་ལ་དམངས་གཙོའི་དབང་ཆ་ཙམ་ཡང་མེད་པའི་ཆབ་སྲིད་ལམ་ལུགས་ཤིག་གི་འོག་ཏུ་ཇི་ལྟར་རང་ཁྲིམས་རང་སྲུང་གི་གནས་བབ་ཅིག་ལག་བསྟར་བྱེད་ཐུབ་བམ།
དྲི་བ། ཉེ་བའི་བོད་ནང་གི་གནས་བབས་དེ་དམར་ཤོག་ཚོགས་པས་དབང་བསྒྱུར་བྱེད་ཀྱིན་ཡོད་པ་མ་རེད་དམ། དམངས་གཙོ་དཀོན་པས་ན་རང་ལུས་མེར་བསྲེགས་ཀྱི་རྦ་རླབས་བོད་ནང་དུ་འཕྱུར་ཡོང་བའི་རྒྱུ་རྐྱེན་གཙོ་བོའང་དེ་མ་ཡིན་ནམ།
༢༠༠༨ ལོའི་རེ་སྐུལ་སྙན་ཐོ་རྒྱ་ནག་གིས་རྒྱག་གཏམ་གྱིས་ངོས་ལེན་བྱས་མེད་ལ་ ༢༠༡༠ ལོའི་ཟིན་ཐོ་ང་ཚོའི་ཁྲོད་ནས་བརླགས་ཡོད་པ་མ་རེད། དེས་ཅི་ཟེར་གྱིན་ཡོད་ཅེ་ན། ངས་བྱས་ན་འདས་སོང་བའི་འབྲེལ་མོལ་ཁྲོད་དུ་བོད་ཀྱི་སྐུ་ཚབ་ཀྱི་རྩོལ་བ་ཉུང་དྲགས་པས་མ་འཁྱོངས་བ་མ་རེད། འོན་ཏེ་བོད་མིའི་སླད་དུ་བཏོན་པའི་འཚེ་མེད་ཞི་བའི་གྲོས་གཞི་འམ་དོན་གནད་ཆེ་བའི་གྲོས་འཆར་དེ་རྒྱ་ནག་གིས་ཡ་ལན་བྱེད་འདོད་མེད་པས་ཡིན་པར་སེམས།
དྲི་བ། སྔོན་གྱི་གྲོས་འཆར་གྱི་རེ་སྐུལ་སྙན་ཞུ་དང་ཟིན་ཐོ་ཕྱིར་འཐེན་བྱས་ཤིང་གྲོས་འཆར་གསར་བ་ཞིག་སྟེ། བོད་མིར་དམངས་གཙོ་ཉམས་ཞུགས་ཀྱི་ཁེག་ཐག་ཡོད་པའི་གྲོས་གཞི་གསར་བ་ཞིག་དང་བོད་ཀྱི་འབྱུང་འགྱུར་སྲིད་དབང་རང་ཉིད་ཀྱིས་དབང་བསྒྱུར་ཐུབ་པ་ཞིག་མངོན་འགྱུར་ཨེ་ཡོང་བལྟས་ན་མི་ལེགས་སམ།
གོ་ལོག་ཏུ་འགྲོ་བར་ཟློག་པའི་ཕྱིར་དུ། བདག་གིས་གསལ་འདེབས་བྱེད་ཀྱིན་པ་ནི། ངས་དབུ་མའི་ལམ་ལ་དྲི་བ་འདྲི་གི་མེད་ལ་འཚེ་མེད་ཞི་བའང་དེ་བཞིན་གླེང་གི་མེད། ངས་གང་འདྲི་བཞིན་པ་དེ་ནི་རྒྱུན་རིང་པོ་ཞིག་ལ་ངོས་ལེན་མ་བྱས་པའི་གྲོས་འཆར་རྙིང་བ་དེ་སྒྲིག་འཛུགས་བྱས་ན་ཁྱད་པར་བཟོ་མིན་གླེང་གི་ཡོད། ད་ལྟ་ནི་ང་ཚོའི་གྲོས་འཆར་དང་རང་སྲིད་རང་སྐྱོང་གི་སྒྲིག་གཞི་དེ་ལ་ཡང་བསྐྱར་མནོ་བསམ་གཏོང་བའི་དུས་ཤིག་ཏུ་འཁུམས་སོ།། བདག་གིས་ད་ཆའི་དུས་སུ་རྒྱ་ནག་གིས་ལེགས་ཕྱོགས་ནས་ང་ཚོའི་གྲོས་གཞི་ལ་ཡ་ལན་སྤྲོད་པའི་བསམ་བློ་འཁོར་གྱི་མེད་ལ་དེ་བཞིན་དམངས་གཙོའི་ལམ་ལུགས་དང་མཐུན་པ་ཤིག་ང་ཚོར་མཁོ་སྤྲོད་ཏན་ཏན་མི་བྱེད། དེ་ནི་རྒྱ་མི་རང་གིས་རང་ལ་གྲོས་གཞི་བཏོན་པ་དང་འདྲ་མཚུངས་ཡིན་རྒྱུ་རེད། གང་ལྟར་ཡང༌། བདག་གིས་དུས་ཀྱི་འགྱུར་བག་དང་ལྷན་དུ་རྒྱ་ནག་ནམ་ཞིག་འགྱེལ་པར་ཡིད་ཆེས་བྱེད་ཀྱིན་ཡོད་ལ་སྐབས་དེ་དུས། ངས་བདེན་པར་བརློམ་པ་ནི། ཅོག་ཙེ་གཅིག་གི་སྟེང་དུ་གྲོས་འཆར་མི་འཇོག་ག་མེད་བྱུང་བར་ཐུག་དུས་སུ་ཆེས་ཚབ་ཆེ་བའི་ནོར་འཆུག་ཅིག་ཡིན་པ་རྟོགས་སྲིད་ཅིང་དེ་དུས་བོད་ལ་རང་སྲིད་རང་སྐྱོང་དགོས་རྒྱུ་མ་རེད། མཐའ་མཇུག་ངས་བྱས་ན་མདུན་སྐྱོད་ཀྱི་ལམ་ཁ་ཡག་ཤོས་ནི་འདས་སོང་བའི་གྲོས་འཆར་དེ་དག་བསྐྱུར་ཞིང་དམངས་གཙོའི་ལམ་ལུགས་གཞིར་བཞག་གི་ཁྲིམས་ལུགས་ཤིག་གི་སླད་དུ་གྲོས་འཆར་གསར་བ་ཞིག་བཟོ་རྒྱུ་དེ་རེད། སྐོམ་ཆུ་བཞིན་གལ་འགངས་ཅན་གྱི་དྲི་བ་འདི་དག་ལ་ཡོད་པའི་ཉིད་ཀྱི་དགོངས་ཚུལ་དེ་བདག་གིས་ཤེས་འདོད་པར་སྤྲོ་དགས་བརྟས་ནས་ཡོད།
ཕོ་མོ་འདྲ་ཉམས་མེད་པ།
བུ་མོ་ལོ་ལྔར་སོན་པ་ཞིག་ཚུད་པའི་གནད་དོན་མང་དག་ཅིག་གསལ་ཁ་རུ་ཕྱིན་ཏེ་ཕོ་མོ་རྩ་བ་བྱས་པའི་འཚེ་བ་སྤེལ་འདོན་བྱེད་པའི་ལས་གཞི་ལ་ངས་དམིགས་བསལ་གྱིས་དོ་ཁུར་བྱེད་ཀྱིན་ཡོད། ཚབ་ཆེན་རང་བཞིན་ཅན་དེ་ནི་ཁྱེད་ཀྱི་འཛིན་སྐྱོང་ལ་སྟངས་འཛིན་གྱིས་ཇི་ལྟར་ཚོགས་པའི་ཁྲོད་དུ་དྲག་པོའི་བྱེད་སྟངས་ལ་གདོང་ལེན་དང་དུས་ཐོག་ཏུ་དབང་ཤུགས་ལྡན་པས་སྒོ་ནས་གནས་ཡུལ་ལུང་པའི་ཁྲིམས་མཐུན་སྒྲིག་གཞི་དང་ལྷན་དུ་མཉམ་འབྲེལ་ངང་ནས་དོན་དངོས་འཚོལ་རྒྱུ་དེ་རེད།
དྲི་བ། བོད་ཀྱི་སྒྲིག་འཛུགས་ཀྱིས་བུད་མེད་ནུས་སྟོབས་མཐོར་འདེགས་ཀྱི་སྲིད་ཇུས་དེ་བུད་མེད་ཚོར་བཙན་ཤུགས་དང་འབྲེལ་ནས་མཁོ་སྤྲོད་བྱས་ཏེ་ཅི་ཞིག་ལག་བསྟར་བྱེད་འཆར་དམིགས་བཀར་གྱི་ལས་གཞི་གང་རྩ་འཛུགས་བྱས་ཡོད་པ་རེད་དམ།
ཁྱེད་ཀྱིས་སྦེ་བོད་ཀྱི་ས་གནས་ཚོགས་པར་གཏམ་བཤད་གནང་དུས། ཉིད་ཀྱིས་ཐུགས་གཞིགས་གནང་ས་དེ་བྱེ་བྲག་གི་སྲིད་ཇུས་དང་བུད་མེད་ལ་ལོག་པར་གཡེམ་པའི་ཁྲབ་ཚན་སྤེལ་བ་དག་ལས་བུ་མོ་ཚོ་སློབ་གྲྭ་ནས་ཕྱིར་ཕུད་གཏོང་གིན་པ་དེ་ཉིད་རེད། ང་ཚོའི་ཚོགས་ཁག་ཁྲོད་དུ་བུད་མེད་ལ་ལོག་གཡེམ་སྤེལ་བཞིན་པ་དེར་ཁྱེད་ཀྱིས་སྙིང་བསྡུས་ཤིག་བརྗོད་བྱུང༌། འོན་ཏེ་གསལ་ཁ་ཅན་ཞིག་གནང་མ་སོང༌།
དྲི་བ། བོད་ཀྱི་འཛིན་སྐྱོང་ངོས་ནས་ཕོ་མོ་གཡེམ་སྦྱོར་ལ་ལས་འཆར་ཞིག་ཡོད་པ་རེད་དམ། གལ་ཏེ་མ་མཆིས་ན་ནི་སུ་ཞིག་གིས་གང་ཞིག་ཏུ་ལག་བསྟར་བྱེད་ཀྱིན་ཡོད་རེད།
བོད་མའི་སྒྲིག་འཛུགས་ངོས་ནས་བུད་མེད་ནུས་སྟོབས་མཐོར་འདེགས་ཀྱི་སྲིད་ཇུས་(༢༠༠༨)བཙུགས་སྐབས། བུད་མེད་ནུས་སྟོབས་མཐོར་འདེགས་ཀྱི་ཚན་ཁག་ལ་སྲིད་ཇུས་ཀྱི་ཕན་ནུས་དང་དེའི་ལག་ལེན་སྐོར་ལ་དྲི་བ་མང་པོ་བཏོན་བྱུང༌། དཔེར་ན། ཕྱི་ལོ་ ༢༠༡༢ ལོའི་ཟླ་དྲུག་པའི་ཚེས་བཅུ་བཞི་ཉིན་གྲོས་ཚོགས་ཀྱི་མཐུས་མི་ཌོར་ཊར་བྷི་ཚེ་རིང་སྟེ། བཀུར་འོས་པའི་ (Reagan-Fascell Democracy Fellowship) རིའི་གན་ཧྥ་སེལ་དམངས་གཙོའི་ཚོགས་སྡེའི་འགན་འཛིན་དང་བོད་ཀྱི་བུད་མེད་ཚོགས་པའི་ཚོགས་གཙོ་རྙིང་པ་ཡིས་འགྲེམས་སྟོན་ཞིག་དམངས་གཙོ་རྒྱབ་གཉེར་རྒྱལ་ཡོངས་ཡོང་འབབ་ལྷན་ཚོགས་སར་ཨ་རིའི་ནང་དུ་སྤེལ་ཡོད། བརྗོད་གཞི་སྟེ། བཙན་བྱོལ་ནང་བོད་ཀྱི་བུད་མེད་ནུས་སྟོབས་གོང་མཐོར་གཏོང་བ་ཞེས་པ་དེ་ངོ་སྤྲོད་རྒྱབ་གཉེར་དང་ཡ་ལན་ནང་དུ་ཁོ་མོས་གསུང་རྒྱུར་བོད་མིའི་སྒྲིག་འཛུགས་ཀྱི་བུད་མེད་ནུས་སྟོབས་འཐོར་འདེགས་ཀྱི་སྲིད་ཇུས་དེ་༼ ཕོ་མོའི་རིགས་མཚུངས་དབྱེ་བ་ལ་བརྟེན་ཞིང་ལུས་ཕོང་གཅིག་གི་ལག་བསྟར་དང་དངོས་ཡོད་དུས་རིམ་འཕོངས་བོར་གྱུར་བ་རེད།༽ཞེས་རེ་སྐུལ་སྙན་ཞུ་ཞིག་གི་ནང་དུ་ ༢༠༡༢ ལོའི་ཟླ་ ༩ བའི་ཚེས་ ༢ ཉིན་བོད་མིའི་སྒྲིག་འཛུགས་ལ་བཏང་བ་རེད། མོས་ཡང་བསྐྱར་བསྒྲགས་པ་ནི་གཤམ་གསལ།
བུད་མེད་ནུས་སྟོབས་མཐོར་འདེགས་ཀྱི་སྲིད་ཇུས་དང་སྣེ་ཁྲིད་གཞན་དག་ལས་ལག་ལེན་གནད་དུ་སྨིན་པོ་ཞིག་ཐོན་པར་ཁག་ཐེག་བྱེད་རྒྱུ་དང༌། བུད་མེད་ཚོགས་ཆུང་གིས་བོད་མིའི་སྒྲིག་འཛུགས་འོག་ཏུ་རང་སྐྱ་འཕེར་བའི་སྒྲོམ་གཞི་ཞིག་གཏན་འབེབས་བྱེད་རྒྱུ་དེའོ།། བུད་མེད་ཚོགས་ཆུང་གིས་ལས་བྱེད་ལྔའམ་དྲུག་ཅན་གྱི་ལས་གནས་ཆུང་ཆུང་ཞིག་གིས་འཛིན་སྐྱོང་བྱས་ཤིང་ཚོགས་པར་ཞབས་འདེགས་སྒྲུབ་དགོས། བོད་མིའི་སྒྲིག་འཛུགས་ནང་དུ་རང་སྐྱ་འཕེར་བའི་མ་སྒྲོམ་གཞན་ཏེ། འོས་བསྡུ་ཚོགས་ཆུང༌། མི་མང་རོགས་འདེགས་ཚོགས་པ། རྩིས་ཞིབ་ཚོགས་ཆུང་དག་མིག་དཔེ་ཙམ་གྱིས་སྤྱི་ཚོགས་ཀྱི་འགན་འཁྲི་འདྲ་མིན་གྱི་གྲུབ་ཆ་རུ་་གྱུར་བའི་ཚོགས་ཆུང་ཞིག་གིས་ཞབས་འདེགས་སྒྲུབ་རྒྱུ་དེའོ།། ཚོགས་པའི་ལས་འཆར་རྒྱ་ཆེ་བའི་བྱ་འགུལ་ཞིག་བཙན་བྱོལ་སྤྱི་ཚོགས་ཀྱི་བདེ་སྡུག་ལ་གཞོལ་བའི་ཕྱིར་དུ་ལྷན་ཚོགས་ཀྱིས་གཞི་རྩའི་ཚན་ཁག་གི་འོག་ནས་འཛིན་སྐྱོང་གི་བཀོད་འདོམས་ལྟར་མཐུན་རྐྱེན་སྦྱོར་ཐུབ་བྱས་ཏེ། ཕྱི་འདྲེན་མ་དངུལ་དང་ཡོངས་འབབ་འབྱུང་ཁུངས་དག་ལོ་རེའི་འཆར་དངུལ་དང་ལྷན་ཏུ་བཏང་འཛིན་བྱེད་ཀྱིན་ཡོད།
དྲི་བ། བུད་མེད་ཚོགས་ཆུང་ཞིག་བོད་མིའི་སྒྲིག་འཛུགས་ནང་དུ་གཏན་འབེབས་བྱེད་བཞིན་པའི་གྲོས་འཆར་དེའི་ཐད་དུ་ཉིད་ལ་ལྟ་ཚུལ་ག་རེ་ཡོད་དམ།
བདག་གི་རེ་བ་ལ་ཁྱེད་ཀྱིས་ཁྱེད་ལ་རྒྱབ་སྐྱོར་བྱས་པའི་མི་སེར་ཞིག་གིས་དྲི་བ་བཀོད་པ་དེ་རྟོགས་པར་སྨོན། དམངས་གཙོའི་སྒྲོམ་གཞིའི་ཁྲོད་ཀྱི་འོས་མི་ཞིག་ལ་མཚོན་ན། ང་ཚོའི་འོས་ཐོབ་ཀྱི་མགོ་གཙོ་ལ་དྲི་རྟགས་འགོད་རྒྱུ་དང་རྩོད་རྙོད་ཁྲོད་ཀྱི་གླེང་མོལ་འཚོལ་རྒྱུ་ནི་ང་ཚོའི་མི་སྒེར་རེ་རེའི་འགན་འཁྲི་ཞིག་ཏུ་སེམས། ཁྱེད་ཀྱི་ཐུགས་ཁུར་ལ་དཀའ་དྲིན་ཆེ། ང་ཁྱེད་ཀྱི་ལྟ་ཚུལ་ལ་ཉན་པར་དགའ་བས་མྱོས་ནས་ཡོད།
མ་རྩོམ་འབྲེལ་ཐག http://www.phayul.com/news/article.aspx?id=33917&article=An+Open+Letter+to+Sikyong+Dr.+Lobsang+Sangay&t=1&c=4
……བདེ་ཆེན་ནི་འགྲོ་བ་མིའི་ཐོབ་ཐང་དང་སྤྱི་ཚོགས་བདེན་དོན། ཕོ་མོ་འདྲ་མཉམ་གྱི་སླད་དུ་འཐབ་རྩོད་པ་དང་ཁྲིམས་རྩོད་པ་ཞིག་ཡིན། མོ་ནི་ཨ་རིའི་བྱང་ཁེལ་ཧྥོར་ནི་ཡའི་བོད་ཀྱི་ཚོགས་པའི་འགན་འཛིན་རྙིང་པ་ཡིན། ད་ལྟ་མོ་སྦར་ཀེ་ལེའི་ནང་གནས་སྡོད་བྱས་ཡོད་པ་རེད།
འཛམ་གླིང་ཡུལ་གྲུ་གང་འདྲ་ཞིག་ཡིན་ཡང་བཙན་གཡེམ་གི་གནས་ཚུལ་རྒྱུན་མ་ཆད་པ་ཡོང་བཞིན་པ་ཡིན་པས་ཅིའི་ཕྱིར་ཕོ་མོ་འདྲ་མཉམ་ཐོབ་ཐང་གླེང་འདོད་པ་ཡིན་ནམ། ཁྱེད་ལ་དེ་ལྟར་དོ་སྣང་དང་སེམས་ཤུགས་ཡོད་ན་དྲི་བ་འདི་དག་སྲིད་སྐྱོང་གི་གཏམ་བཤད་གནང་སྐབས་སུ་མ་དྲིས་པ་གང་ཡིན་ནམ། སུས་ཁ་བཀག་པ་ཡིན་ནམ། ཁྱེད་ཀྱིས་དྲི་བའི་ཚུལ་དུ་ཡིག་ཉོག་མང་པོ་ཞིག་སྤུངས་དགོས་པའི་དམིགས་ཡུལ་ངོ་མ་དེ་གང་ཡིན་ནམ། ཡང་ན་དྲ་ལམ་དུ་མ་ཡིན་པར་བཀའ་ཤག་ལ་ཡིག་ཟམ་མེད་པ་ཡིན་ནམ། འདི་དག་ངས་ཁྱེད་ལ་དྲི་བ་ཡིན།
བདེ་ཆེན་ལགས།
ཁྱེད་རང་ལ་བེུད་ཐོབ་ཐང་ག་རེ་ཐོབ་མ་སོང་། ཁྱེད་རང་ལ་འཇོ་ཐང་དང་རྣམ་དཔྱོད་ཡོད་ན་ག་རེ་བྱས་བྱས་རེད་དཱ། སུས་ཀྱང་བཀག་མཁན་ཡོད་མ་རེད། ཁྱེད་རང་ང་ཚོའི་སྲིད་བློན་ཡིན་འང་བཀའ་བློན་ག་རེ་ཡིན་ནའང་བྱེད་དུ་ཡོང་རོགས། རྟ་ཕོ་རྒྱུགས་རྒྱུ་ཡོད་ན་བྱང་ཐང་སྟོང་པ་རེད། ཁྱེད་རང་ལ་འཇོན་ཐང་མེད་ན་དོན་མེད་སྐད་བཅོར་མ་རྒྱག་ན་ལེགས།
བོུ་ལོ་ལྔ་བྱས་པ་ཞིག་གི་སྐོར་དེ་ཁྱེད་རང་དེ་འདྲའི་ལྐུགས་པ་ལ། གནས་ཚུལ་དེ་ཁྲིམས་འགལ་གནས་ཚུལ་རེད། ཁྲིམས་འགལ་ལ་ཀ་ག་རེ་ཡིནའང་ཁྲིམས་ཀྱིས་ཐག་གཅོད་ཀྱི་རེད། རྐུན་མ་རྐུ་བ། སྲོག་གཅོད་པ་། གཞུང་གི་དངུལ་དངོས་སྒེར་སྤྱོད་བྱེད་པ། ཚང་མ་ཁྲིམས་འགལ་རེད། ཁྲིམས་འགལ་ལས་ཀ་ཚང་མ་སྡུག་ཅག་རེད། ཡག་སྡུག་ཡོད་མ་རེད། ་ང་ཚོ་ཚང་མས་བཀག་དགོས་པ་རེད། ཁྱེད་རང་ཨ་རི་ལ་སྡོད་ཀྱི་ཡོད་དུས་གནས་ཚུལ་དེ་འདྲ་ཡོང་མི་སྲིད་པ་རེད་པས།