སྲིད་སྐྱོང་མཆོག་གིས་བོད་རྒྱ་འབྲེལ་མོལ་བསྐྱར་མཐུད་ཐོག་ཤུཊ་རྒྱག་རྒྱུ་གལ་ཆེན་ཆཊ་ཡོད།

ཝོ་་་་་དོན་འགྲུབ་བཀྲ་ཤིས་ལགས། དགོངས་དག ཁྱེད་ཀྱིས་ཞིབ་ཚགས་ཙམ་གྱི་བཀའ་ལན་དེ་བྲིས་ནས་དུས་ཚོད་གང་འཚམས་ཕྱིན་འདུག ངས་ལས་ཀའི་རྐྱེན་པས་བཀའ་ལན་དེར་བལྟ་རྒྱུ་རྩ་བ་ནས་མ་བྱུང་།
འོན་ཀྱང་། བརྒྱུད་ལམ་གཅིག་ཅེས་པ་ནི། ཁྱེད་ཀྱིས་གསུང་ན། “དམིགས་བསལ་སྐུ་ཚབ་རྣམ་གཉིས་ཀྱིས་དགོངས་པ་ཞུས་ཏེ་བརྒྱུད་ལམ་གཅིག་དེ་རང་བཞིན་གྱིས་མེད་པ་ཆགས་ཡོད་ཀྱང་།” ཞེས་པར་བལྟས་ན་ཕལ་ཆེར་དམིགས་བསལ་སྐུ་ཚབ་གཉིས་རང་ལ་ངོས་འཛིན་གནང་འདུག
ངས་གོ་བ་ལེན་ཕྱོགས་ལ། བརྒྱུད་ལམ་གཅིག་ཅེས་པ་བརྒྱུད་ལམ་དེ་རང་ལ་ངོས་འཛིན་བྱེད་པ་མ་གཏོགས། བརྒྱུད་ལམ་དེ་རྒྱུད་མཁན་གྱི་མི་སྣ་གཉིས་ལ་གོ་བ་བླངས་མེད། བརྒྱུད་ལམ་གཅིག་ཅེས་པ་དེ་མི་གཅིག་གི་སྐུ་ཚབ་ཡིནའང་འདྲ། སྒྲིག་འཛུགས་ཀྱི་སྐུ་ཚབ་ཡིནའང་རེད། གང་ལྟར་དེ་པེ་ཅིན་གཞུང་དང་ངྷ་སའི་གཞུང་གཉིས་བར་གྱི་སྤྱི་འབྲེལ་གྱི་ལམ་བུ་དེར་བརྒྱུད་ལམ་གཅིག་ཏུ་ངོས་འཛིན་བྱས་ཏེ། བརྒྱུད་ལམ་དེ་འགྲིམ་མཁན་ནི་མི་སྒེར་དང་སྒྲིག་འཛུགས་སུ་ཡིན་ཡང་ཁྱད་པར་ཆེན་པོ་འགྲོ་ཡི་མ་རེད་བསམ་པ་དེ་ཡིན།
བརྒྱུད་ལམ་གཅིག་ཅེས་ཤུགས་ཆེན་པོ་བྱ་དགོས་དོན་ནི་སྒྲིག་འཛུགས་ཀྱིས་གཏན་འཁེལ་བརྒྱུད་ལམ་ལས་བརྒྱུད་ལམ་གཞན་པར་མི་བརྒྱུད་ཅེས་པ་དེར་བབ་ཀྱི་རེད། དེའི་བརྒྱུད་ལམ་ལ་གཅིག་ལས་མེད་ཀྱང་འགྲིམ་མཁན་དེ་མི་འདྲ་བར་འགྱུར་ཆོག་པ་ཞིག་རེད།

སེར་སྨད་བློ་དགའ་ལགས། ཚོགས་གཙོ་མཆོག་གིས་ “བོད་རྒྱ་འབྲེལ་མོལ་གྱི་གནས་ཚུལ་དེ་འཛིན་སྐྱོང་བཀའ་ཤག་དང་། ལྷག་པར་དུ་སྲིད་སྐྱོང་གི་འགན་རེད།” གསུངས་པ་དེ་བདེན་པ་རེད། དམངས་གཙོའི་ཀ་བ་གསུམ་གྱི་འགན་དབང་ལྗིད་སྙོམས་སྟངས་འཛིན་ལྟར་ན། བོད་མི་མང་སྤྱི་འཐུས་ལྷན་ཚོགས་ཀྱིས་མི་མང་ལ་འགན་འཁུར་དགོས་ཤིང་དུས་ནས་དུས་སུ་ཁྲིམས་སྒྲིག་རིགས་གཏན་འབེབས་བྱེད་མཁན་ཁྲིམས་བཟོ་ལྷན་ཚོགས་ཡིན་པ་དང་། བཀའ་ཤག་གིས་སྤྱི་འཐུས་ལྷན་ཚོགས་ལ་འགན་འཁུར་བའི་ཐོག་ནས་ཆབ་སྲིད་ལམ་ཕྱོགས་གཞིར་བཟུང་སྲིད་བྱུས་བཀོད་སྒྲིག་དང་དེ་འབྲེལ་གྱི་ལས་དོན་ཁག་ལག་བསྟར་བྱེད་མཁན་འཛིན་སྐྱོང་ཡིན། དེར་བརྟེན། བོད་རྒྱ་འབྲེལ་མོལ་དེ་སྲིད་སྐྱོང་མཆོག་གིས་དབུ་འཁྲིད་པའི་འཛིན་སྐྱོང་བཀའ་ཤག་དང་བོད་རྒྱ་ཞི་མོལ་ལས་དོན་ཚོགས་ཆུང་གི་ལས་འགན་ཆགས་ཡོད། ང་ཚོས་༧གོང་ས་མཆོག་གིས་སྲིད་དབང་རྩིས་སྤྲོད་སྐོར་ལ། “ཆབ་སྲིད་དང་འཛིན་སྐྱོང་གི་ཐུགས་འགན་ཡོངས་རྫོགས་དམངས་གཙོའི་ལམ་ནས་འོས་འདེམས་བྱས་པའི་དབུ་ཁྲིད་ཚོར་བགོ་བཤའ་བརྒྱབ” ཅེས་པའི་ཚིག་དོན་ཡང་འདི་ལ་ཐུག་ཡོད།

སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་དུས་དགུ་པའི་སྟེང་བཀའ་ཁྲི་ཟམ་གདོང་རིན་པོ་ཆེ་མཆོག་གིས། “མ་འོངས་པར་བོད་རྒྱ་འབྲེལ་མོལ་གྱི་ལས་རིམ་དེ། བོད་མི་མང་སྤྱི་འཐུས་ལྷན་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་དགོངས་དོན་བཞིན་༧གོང་ས་མཆོག་གིས་ཡེ་ཤེས་དབྱིངས་དཔྱད་ཀྱིས་གནང་དགོས་པ་ཆགས་ཀྱི་རེད་དམ། ཕྱིན་ཆད་གནད་དོན་དེར་སྤྱི་འཐུས་ལྷན་ཚོགས་རང་གིས་ཐུགས་འགན་གཙང་མ་བཞེས་རྒྱུ་རེད། དེ་གསལ་པོ་ཞིག་ཐག་གཅོད་གནང་རོགས། བོད་རྒྱ་འབྲེལ་མོལ་སྐོར་ལ་མ་འོངས་པར་སྤྱི་འཐུས་ལྷན་ཚོགས་ཀྱིས་ཐུགས་འགན་བཞེས་རྒྱུའི་ཐག་གཅོད་བྱུང་ན། དེ་སྔ་ཕན་ཆད་ཀྱི་གྲོས་ཆོད་ཁག་ཅིག་ཕྱིར་བསྡུ་དང་འབྱུང་འགྱུར་ལས་དོན་བྱེད་ཕྱོགས་ཞལ་གསལ་པོ་བཟོ་གནང་དགོས། གལ་སྲིད་༧སྐྱབས་མགོན་རིན་པོ་ཆེས་སྔར་རྒྱུན་བཞིན་ཐུགས་འགན་བཞེས་དགོས་ཡོད་གསུངས་པ་ཡིན་ན། སྔར་ཡོད་གྲོས་ཆོད་ཁག་ལ་མཇུག་གནོན་དང་འབྱུང་འགྱུར་དེའི་ཐད་གྲོས་ཚོགས་ནང་དགོས་པ་མེད་པའི་དྲི་བ་དང་གླེང་སློང་མི་ཡོང་བ་གནང་རོགས”ཞེས་གསུངས་ཡོད། བཀའ་ཁྲི་མཆོག་གིས་དེ་ལྟར་བཀའ་ནན་ཕེབས་དོན་སྐབས་དེར་སྤྱི་ཚོགས་ནང་ “གྲོས་ཚོགས་ལ་མ་བསྟན་པའི་ཡིག་ཆ།”ཞེས་པའི་གླེང་གཞི་ཞིག་འགྲོ་བཞིན་ཡོད་པ་དང་། ལྷག་པར་དུ་སྤྱི་འཐུས་གྲོས་ཚོགས་ནང་གནས་ཚུལ་དེའི་སྐོར་ལ་དོགས་འདྲི་མང་པོ་བྱུང་སྟབས། བཀའ་ཁྲི་མཆོག་གིས་བཀའ་སྤྱི་གཉིས་ཀྱི་འགན་དབང་གི་ས་མཚམས་གསལ་བོ་བཟོས་པ་རེད།

བོད་རྒྱལ་ཡོངས་དམིགས་བསལ་ཚོགས་ཆེན་ཐེངས་དང་པོའི་སྟེང་བཀའ་ཁྲི་ཟམ་གདོང་རིན་པོ་ཆེ་མཆོག་གིས། བོད་རྒྱའི་འབྲེལ་མོལ་གྱི་ཐད་ནས་འཛིན་སྐྱོང་བཀའ་ཤག་གིས་བརྒྱུད་ལམ་གཅིག་དང་གྲོས་གཞི་གཅིག་གི་སྲིད་བྱུས་བཟུང་ཡོད། ‘གྲོས་གཞི་གཅིག’ དེ་དབུ་མའི་ལམ་གྱི་སྲིད་བྱུས་བརྒྱུད་ནས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐུབ་བྱ་རྒྱུ་དང་། ‘བརྒྱུད་ལམ་གཅིག’ དེ་པེ་ཅིན་གཞུང་དང་ངྷ་སའི་གཞུང་གཉིས་བར་གྱི་བརྒྱུད་ལམ་ཉག་གཅིག་དེ་༧གོང་ས་མཆོག་གི་དམིགས་བསལ་སྐུ་ཚབ་རྒྱ་རི་རིན་པོ་ཆེ་མཆོག་དང་སྐལ་བཟང་རྒྱལ་མཚན་རྣམ་གཉིས་ནི་ཡིན་ཞེས་གསལ་བཤད་གནང་ཡོད།

༢༠༡༡ ཟླ་ ༡༡ ཚེས་ ༢༡ ཉིན་སྲིད་སྐྱོང་བློ་བཟང་སེང་གེ་མཆོག་གིས་སུད་སིའི་མི་མང་བརྒྱ་སྐོར་ཞིག་ལ་གསུང་བཤད་གནང་སྐབས། “གཞིས་བྱེས་བོད་མི་ཡོངས་ཀྱི་ངོ་ཚབ་ཞུ་རྒྱུའི་བདག་དབང་བཞུགས་སྒར་ངྷ་སར་རྟེན་གཞི་བྱས་པའི་བོད་མིའི་སྒྲིག་འཛུགས་ལ་ཡོད་པ་ལས་གཞན་མི་སུ་གཅིག་ལ་ཡང་བོད་མིའི་ངོ་ཚབ་བམ་འཐུས་མི་ཡིན་ཁུལ་བྱ་རྒྱུའི་འགན་དབང་གང་ཡང་མེད་པ་དེ་ཧ་ཅང་གསལ་པོ་རེད། བརྒྱུད་ལམ་གཅིག་དང་གྲོས་གཞི་གཅིག་ཡིན། བརྒྱུད་ལམ་དེ་ངྷ་སར་ཡོད་པའི་སྒྲིག་འཛུགས་དེ་བརྒྱུད་ནས་མ་གཏོགས་སུ་ཞིག་གིས་ཚབ་བྱེད་ཆོག་གི་མེད” ཅེས་གསུངས་ཡོད།

ངས་འདི་ནས་དོགས་སློང་བྱེད་ཡུལ་ནི། དམིགས་བསལ་སྐུ་ཚབ་རྣམ་གཉིས་ཀྱིས་དགོངས་པ་ཞུས་ཏེ་བརྒྱུད་ལམ་གཅིག་དེ་རང་བཞིན་གྱིས་མེད་པ་ཆགས་ཡོད་ཀྱང་། བརྒྱུད་ལམ་གཅིག་གི་སྲིད་བྱུས་དེར་འགྱུར་བ་ཕྱིན་ཡོད་པ་བཀའ་ཤག་སྐབས་བཅུ་བཞི་པས་གསལ་བཤད་གང་ཡང་གནང་མེད་སྟབས། སྲིད་བྱུས་དེ་ད་ལྟ་རང་འཇགས་གནས་ཡོད་པར་ངོས་འཛིན་མི་བྱེད་ཐབས་མེད་ཆགས་ཡོད་པ་དེ་ཡིན་ནོ།།

ཚོགས་གཙོའི་བཀའ་ལན་ནང་། “འབྲེལ་མོལ་དངོས་སུ་གནང་མཁན་དེ་ལོགས་ཀ་རེད། འབྲེལ་མོལ་མཐུད་མཁན་དེ་ཕྱི་རྒྱལ་གྱི་ཆབ་སྲིད་མི་སྣ་བེད་སྤྱོད་གཏོང་དགོས་པ་ཡིན་ན་འདྲ། བོད་པ་ནང་ཁུལ་དང་རྒྱ་རིགས་ག་རེ་ཡིན་ཡང་ཐབས་ཤེས་གནང་ན་འགྲིག་གི་ཡོད་པ་རེད་བསམ་གྱི་འདུག” ཞེས་གསུངས་ཡོད་པ་དེ། བཀའ་ཤག་སྐབས་སྔོན་མའི་ ‘བརྒྱུད་ལམ་གཅིག་དང་གྲོས་གཞི་གཅིག’ ཅེས་པའི་རྩ་འཛིན་དང་ཏག་ཏག་བསྡད་ཡོད་པ་མ་རེད། ཡིན་ནའང་བཀའ་ཤག་སྐབས་བཅུ་བཞི་པས་བོད་རྒྱ་འབྲེལ་མོལ་གྱི་བརྒྱུད་ལམ་ཐད། བཀའ་ཤག་སྐབས་སྔོན་མའི་སྲིད་བྱུས་རང་འཇགས་ཡིན་ནམ། ཡང་ན་སྲིད་བྱུས་དེ་ཕྱིར་འཐེན་བྱས་པ་སོགས་ད་སྔ་གསལ་བཤད་གང་ཡང་ཡོད་པ་མ་རེད།

དྲི་བ་དྲིས་ལན་ཧ་ཅང་གནད་དུ་འཁེལ་བ་དང་། དུས་ཐོག་ཆར་བ་ལྟ་བའི་སྐབས་སུ་བབ་པ་ཞིག་རེད། གསར་འགོད་པ་ལྷ་སྐྱབས་རྒྱལ་དང་ཚོགས་གཙོ་རྣམ་གཉིས་ལ་ཐུགས་རྗེ་ཆེ། སྤྱིར་བཏང་བཙན་བྱོལ་སྤྱི་ཚོགས་ནང་གི་ཆབ་སྲིད་ཀྱི་གོ་རྟོག་སྐྱོ་དྲག་པའི་དབང་གིས་མཐོ་རིམ་ཆབ་སྲིད་པ་དང་ཤེས་ཡོན་པའི་ནང་དུ་མང་པོ་ཞིག་བཤད་བསྡད་པ་ལས་དམའ་རིམ་སྤྱི་ཚོགས་ནང་དུ་གཞུང་གི་ལངས་ཕྱོགས་དང་ལས་ཀ་བྱེད་ཕྱོགས་མང་པོ་ཞིག་ཧ་གོ་གི་ཡོད་པ་མ་རེད། འདི་ལྟ་བུའི་དུས་ཐོག་ལ་དྲི་བ་དྲིས་ལན་གནང་སྟེ་གནས་ཚུལ་གསལ་བོ་བཟོས་པ་ཡིན་ན་མང་ཚོགས་ལ་ཕན་ཐོག་ཆེན་པོ་འདུག ལྷག་པར་དུ་བོད་གཞུང་དང་སྤྱི་འཐུས་ནང་དུ་ཕྱག་ལས་ག་རེ་གནང་གི་ཡོད་པ་དང་ལྟ་བ་ལངས་ཕྱོགས་གང་འདྲ་འཛིན་གྱི་ཡོད་པ་སོགས་གསལ་བོ་ཆགས་ཡོང་གི་འདུག མ་འོངས་པར་ཡང་ཚོགས་འདུ་དང་སྤྱི་འཐུས་གྲོས་ཚོགས་སོགས་ཚོགས་སྐབས་དུས་ཐོག་ལ་གྲོས་གཞི་དང་གནད་དོན་ཆེ་བ་ཁག་གི་ཐོག་ལ་བགྲོ་གླེང་དང་བཅར་འདྲིའི་ལམ་ནས་མང་ཚོགས་ལ་གསལ་བོ་བཟོ་རྒྱུ་དེ་ཧ་ཅང་གལ་ཆེན་པོ་ཞིག་ལ་མཐོང་སོང་།

་་་་་་་་་་ སྤྱིར་བཏང་དེང་སྐབས་རྩོམ་ཡིག་འབྲི་མཁན་དང་གསར་འགྱུར་སྤེལ་མཁན་ཚོའི་ནང་དུ་སྤྱི་ཚོགས་ནང་དཀྲོགས་རྐྱེན་སློང་མཁན་མང་པོ་ཞིག་ཡོང་གི་འདུག ལྷག་པར་དུ་དེང་སང་དམ་ཉམས་ཀྱི་སྤྱི་ཚོགས་ཤིག་ཆགས་ཀྱི་འདུག་ཟེར་བ་དེ་བརྒྱུད་ལམ་ཁག་རེ་ཟུང་ནང་ཆོས་ཀྱིས་འགྲིག་གི་མེད་པ་དང་། ཆོས་ཀྱིས་བོད་བསྐྱལ་བ་རེད་ཟེར་བ་སོགས་ཡོང་གི་འདུག དེ་རིགས་ཏག་ཏག་བསྡད་ཡོད་པ་མ་རེད། དངོས་ཡོད་གནས་ཚུལ་ལ་ཞིབ་འཇུག་བྱས་ཏེ་ཁུངས་སྐྱེལ་ར་སྤྲོད་གསལ་བོ་ཡོད་ན་སྐྱོན་བརྗོད་ཐེར་འདོན་བྱེད་ཆོག་གི་རེད། དེ་ལ་སྲུང་སྐྱོབ་བྱེད་པའི་འགན་ང་ཚོར་ཡོད་པ་རེད། ད་རེབ་གྲོས་ཚོགས་ནང་དུའང་དམངས་གཙོ་ཡོད་མེད་དང་སྨྲ་བརྗོད་རང་དབང་ཡོད་མེད་སྐོར་ནས་བཤད་དགོས་བྱུང་སོང་། དེ་རིང་ཁྱེད་ཚོའི་ཚགས་པར་བརྒྱུད་ནས་ཡང་བསྐྱར་ཞུ་བཞིན་ཡོད། ་་་་་་་་་་་་་་་་་་

གོ་ཚོད་ལྟར། འདྲེ་ཤར་སྒོའི་ཕྱོགས་སུ་གནས་པ་ལ། །གླུད་ནུབ་སྒོར་གཏོང་བ་དོན་རེ་ཆུང་། །ཞེས་པ་འདི་ཕ་བཟང་བུའི་སྐད་ཆ་ཡིན་པ་དང་། འབྲེལ་མེད་ཇི་ལྟར་གྱུར་ཀྱང་ཤར་གྱི་ཁུག་མ་ལ། ཁ་ཁ་ཁུག་ཁུག་བཅོ་བརྒྱད་མེད་པའི་གནས་ཚུལ་དེ་འདི་ནས་ཡོངས་གྲགས་ཆགས་པ་རེད། མུ་མཐུད་དེ་བརྗོད་རན་མེད་པའི་ལམ་ཁ་དེ་མི་སྙེགས་རྒྱུར་ངེས་གཏན་ཡིན་ཡང་། རླངས་པ་ཆུར་མི་འགྱུར་བའི་དུས་ཚོད་འདི་ད་དུང་་་་་་་་་་་་་ཨ་ལེ་རེད་རེད་་་་་་་་་་་ལྟོས་ཨ་་་་་་་་་་་༣༦༠ ལོ་གྲངས་ལ་འཇུས་ཏེ། མི་ཡུལ་གྱི་སློབ་དཔོན་ཆེན་མོ་ཟམ་གདོང་རིན་པོ་ཆེ་ལའང་སྐོར་འཕེན་གཅིག་རྗེས་གཉིས་མཐུད་དུ་བྱ་འདོད་པ་མིན་ནམ་སྟེ་་་་་་་་་་རིན་པོ་ཆེ་མཆོག་གིས་སྲིད་དབང་རྩིས་སྤྲོད་སྐབས་ཡིག་ཐོག་ནས་ལོ་རྒྱུས་ཀྱི་ལོ་ཚིགས་བསྒྲགས་པ་དང་་་་་་་ངས་མ་ཤེས་ཡིན་སྲིད་ཀྱང་་་་་་དེར་ད་ཕན་རྩོད་མཁན་མ་གྲགས་ལ་་་་་་་་རྡོ་གཡུག་གཡུག་བྱེད་སྟངས་ནི་་་་་་་་་མར་འགྱོ་དང་མི་དོ་བའི་ངང་ཚུལ་ཡིན་པས་་་་་་་་་

ཆོས་གྲོགས་དགེ་སློང་ལགས་ཀྱིས་ངར་བྱུང་རིམ་དེ་དག་རུ་ང་ཞིབ་ཚགས་ཀྱིས་ངེས་ཡོད་པར་ཡིད་ཆེས་བྱས་པ་དེ་ག་རང་དོན་ལ་གནས་འདུག

ཁྲིམས་མཐུན་གྱི་རྒྱུན་རྩིས་སྤྲོད་ཀྱི་ལམ་ནས་གནས་ཡོད་མེད་དང། རྩིས་སྤྲོད་ཞུ་སའི་གསལ་བོར་ཞུས་ན་མི་གོ་མ་ཆོད་པར་མགོ་མེད་པར་གྱུར་བ་གཉིས་ཤ་ཁ་ཁ་དང་གྲི་སོ་སོ་ཡིན་པས་དེ་དོན་ཉ་ཉུང་མཉམ་བསྲེས་མ་གནང་རོགས།

དེ་དང་མཉམ་དུ་བཅའ་ཁྲིམས་དོན་ཚན་དང་པོར་རྒྱབ་དཔུང་དུ་དྲངས་ནས་ཤོག་བུའི་སེང་གེར་ཚོན་རྩི་བྱུགས་པ་འདི་དེ་བས་ཀྱང་འོས་འཚམས་གང་ནས་ཡིན་ཏེ། སྐབས་དེར་དགེ་གྲོགས་གདན་སར་ལུས་མེད་ན། དོན་ཚན་དང་པོ་འདི་འཕགས་མཆོག་སྤྱན་རས་གཟིགས་དང་བོད་མི་མང་གི་དམ་ཚིག་ཇི་སྲིད་བོད་མི་མང་གིས་དད་དམ་འགྱུར་མེད་ཀྱིས་རྒྱུན་སྐྱོང་གནང་བ་དེ་སྲིད་དུ། བཅའ་ཁྲིམས་ཀྱི་དབུར་ལོ་རྒྱུས་དང་དམ་ཚིག་གི་མཚོན་དོན་དེ་བཀོད་དགོས་པ་མཁས་དགུའི་གཙུག་ནོར་དག་གིས་རྒྱལ་ཡོངས་ཚོགས་ཆེན་ཐེངས་གཉིས་པའི་མཛད་སྒོར་གསལ་གསུངས་གནང་བ་དེ་ལགས་ན། ཁོམ་ལོང་རེ་ཡོད་དུས་ཁ་སྐོང་རེ་གནང་རོགས།

གཞན་ཞིག་ནས། ཤོག་སེང་གི་ཁས་ལེན་དམ་བཅའ་འབོ་ལུག ཕྱིའི་རྣམ་པར་རྫིག་ཉམས་བསྟན་ཏེ འབྲེལ་མོལ་གྱི་ལན་ལ་གྲོས་ཚོགས་ཁག་གི་ཤོག་ཐོག་གི་གྲོས་ཆོད་ཀྱི་གྲངས་འདྲེན་གནང། ཤེས་ཡོན་མདུན་ལམ་གྱི་ལན་ལ་སྐྱོབ་གསོའི་རོགས་དངུལ་གྱི་གྲངས་ཀ་ཡང་ཡང་བསྒྲགས་རྒྱུ་ལས་མེད་པ་འདིས། ཆབ་སྲིད་དང་འཛིན་སྐྱོང་གི་འགན་ཆ་ཚང་ཡོད་པའི་སྲིད་སྐྱོང་འདི་བོད་མི་རིགས་ཀྱི་མགོ་ནས་གྲོངས་ངེར་བཞེངས་མ་ཐུབ་པར། ནག་འཚུབ་བེར་ཐང་ལ་ཟགས་སོང་བ་རེད། བྱས་ཙང། ད་ལྟའི་འུ་ཚོའི་ཆབ་སྲིད་ཀྱི་རྣམ་པ་འདི་མགོ་མེད་པའི་གནས་བབ་ཅིག་ཏུ་ཡོད་པ་ག་ལེར་ཞིབ་གཟིགས་གནང་ན་གཡས་ཐལ་གཡོན་ལྷུང་བ་ཚང་མར་སྣང་གི་རེད།།

ཚོགས་གཙོ་སྤེན་པ་ཚེ་རིང་ལགས་ག་དུས་ཡིན་ཡང་བཀའ་ལན་རྣམས་ཁ་གསལ་པོ་དང། གཡོ་སྒྱུས་མ་འདྲེས་མ་ཞིག་གསུང་གི་འདུག་པས་ཐུགས་རྗེ་ཆེ།
འོན་ཀྱང་སྲིད་སྐྱོང་གིས་བོད་རྒྱ་འབྲེལ་མོལ་སྐོར་ལ་དྲི་བ་ཞིག་བསྐུལ་ན་ཕྱི་རྒྱལ་གྱི་གྲོས་ཚོགས་ནང་གྲོས་ཆོད་དེ་དེ་བཞག་པ་ཡིན་གསུངས་པ་ལས་གནད་འབིགས་པའི་བཀའ་ལན་ཞིག་ད་བར་མ་ཟད།
ཤེས་ཡོན་སྐོར་ལ་དྲི་བ་ག་དུས་བསྐུལ་ཀྱང་སློབ་ཡོན་སྤར་ཡོད་གསུངས་པ་ལས་ཁ་ཡོད་ལག་ཡོད་ཀྱི་སློབ་གྲྭ་ཁག་གི་ཤེས་ཡོན་གནས་སྟངས་ཐོག་བཀའ་ལན་གང་ཡང་གནང་གི་མི་འདུག
བློ་ཕམ་ཡོད།

ཤར་ཁུག་ལགས། ཆབ་སྲིད་ཐད་མགོ་མེད་པའི་གནས་བབ་ཅིག་ཏུ་ཟགས་ཡོད་ཀྱང་ཞེས་པ་འདི་འདྲ་མ་སྤྱོད་རོགས་ཞུ ལ་ལས་ཚིག་འདི་འདྲ་ལ་སྒུག་སྡད་ཡོད་རེད། དོན་ལ་ཡང་རང་སྣང་གཙོ་འདོན་ཙམ་རེད། མ་གཞི་ནས་དགོས་མེད་ལས་ཀྱང་གནོད་ཚབ་ཅན་སྤོངས་ཅི་ཐུབ་གནང་བར་རེ་བསྐུལ་ཞུའོ།།

སེར་སྨད་བླ་དགའ་ལགས། ཧ་ཅང་གནད་འགག་ཅིག་འཇུས་ཡོད་མདོག་མདོག་མ་གནང་རོགས། སྤྱི་འཐུས་ཚོགས་གཙོ་མཆོག་གིས་གསུངས་པ་དོན་དངོས་རང་རེད། ཚོགས་གཙོའི་དྲིས་ལན་ནང་སྔར་དང་མ་འདྲ་བ་ཟེར་བ་དེ་དོན་དག་གི་ཆ་ནས་གོ་བ་བླངས་ཆོག་ལ། ཚིག་འགྲོས་ཀྱི་ཐོག་ནས་གོ་བ་བླངས་ཀྱང་ཆོག་པའི་ཚིག་ཧ་ཅང་གནད་འགག་ཅན་རེད། ཚིག་འགྲོས་ཀྱི་ཐད་ནས་སྲིད་སྐྱོང་མཆོག་གིས་༢༠༡༡་ལོ་ནས་ད་བར་གྲོས་ཚོགས་ནང་གསལ་བཤད་ཟེར་ན་འདྲ། གང་ལྟར་བཀའ་ཤག་གི་ལངས་ཕྱོགས་དང་ལས་དོན་བྱེད་ཕྱོགས་ཐེངས་༤ཙམ་བསྒྲགས་ཡོད་པ་རེད། ད་དུང་མང་གཙོའི་དུས་དྲན་དང་སྐུ་མདུན་གྱི་འཁྲུངས་སྐར། གསུམ་བཅུའི་དུས་དྲན། ནོར་ཝེ་ཞི་བདེ་གཟེངས་རྟགས་བཞེས་པའི་ཉིན་མོ་སོགས་སྲིད་སྐྱོང་མཆོག་གི་གསུང་འཕྲིན་དང་བཀའ་ཤག་གི་གསལ་བཤད་བཅུ་གྲངས་ཤིག་སྤྱི་ཚོགས་ནང་ཡོངས་ཁྱབ་ཏུ་སྤེལ་ཚར་ཡོད་པ་རེད། དེ་དག་གང་ཞིག་གི་ནང་དུ་ད་རེས་ཀྱི་གསུངས་སྟངས་འདི་གཅིག་པ་གཅིག་རྐྱང་ཞིག་གསུངས་ཡོད་པ་རེད། དེ་མེད་པའི་རྒྱུ་མཚན་གྱིས་སྔར་དང་མ་འདྲ་བ་ཟེར་ཆོག་གི་རེད། གཉིས་པ་དོན་དག་གི་ཆ་ནས་སྲིད་སྐྱོང་མཆོག་གིས་དེ་སྔོན་དབུ་མའི་ལམ་གྱི་ཐོག་ལ་འགྲོ་ཐབས་འདུག་ཐབས་བྱས་ནས་བསྡད་པ་ཚང་མས་མཁྱེན་གསལ་རེད། གནས་སྟངས་དེའི་སྐོར་ལ་བོད་ཡིག་དང་དབྱིན་ཡིག་གཉིས་ནང་རྩོམ་ཡིག་ཀྱང་མང་པོ་ཞིག་ཐོན་ཡོད་པ་རེད། ད་ལོའི་སྤྱི་ཟླ་ ༣ ་གྲོས་ཚོགས་ནང་དུ་སྲིད་སྐྱོང་སེང་གེ་མཆོག་གིས་བཀའ་མོལ་གང་འདྲ་ཞིག་གནང་ཡོད་པ་རེད་ཟེར་ན། “དབུ་མའི་ལམ་གྱི་ཐོག་ལ་བཀའ་ཤག་གིས་ལུས་ངག་གཉིས་ཐོག་ནས་ཤར་སྐྱོན་བྱེད་ཀྱི་ཡོད” ཅེས་གསུངས་ཡོད་པ་རེད། གཏམ་བཤད་དེས་གང་ཞིག་བསྟན་ཡོད་པ་རེད་ཟེར་ན་ལུས་ངག་ཙམ་མ་གཏོགས་ཡིད་ནས་དབུ་མའི་ལམ་ལ་ཡིད་ཆེས་དང་དད་འདུན་མེད་པ་བསྟན་ཡོད་པ་རེད།

སྔར་དང་མི་འདྲ་བ་གསུངས་པ་དེ་བློ་སེང་གིས་སྲིད་སྐྱོང་གནང་ནས་གྲོས་ཚོགས་ནང་འགན་འཁུར་བ་སྔ་མ་དག་ལས་ད་ཐེངས་ཨོ་ཙམ་བྱུང་བར་གོ་ན་འགྲིག

གཞུང་འཛིན་བཀའ་ཤག་གིས་འབྲེལ་མོལ་ལ་འགན་འཁུར་ནས་མཐུད་ཐབས་བྱེད་དགོས་པ་དེ་དངོས་བདེན་རེད། འབྲེལ་མཐུན་ཅི་ལྟར་གནང་མིན་ལ་གྲོས་ཚོགས་ནས་བཀའ་བཏང་བའི་དབང་ཆ་མེད་ཀྱང། གནང་སྟངས་གནང་ལུགས། གནང་ནས་གང་དུ་བསླེབས་ཡོད་མེད་ཐད་དྲི་འདེད་བྱེད་དབང་ཡོད་པ་གསལ་བོ་རེད་འདུག་པས། བློ་ཆུང་རྣམས་ཡ་མཚན་དགོས་དོན་མི་འདུག

གྲོས་ཚོགས་ནང་ཞུས་པ་དེ་ལས་བཙུར་ནས་སྣུམ་ཕར་ཞོག ཆུ་རྐྱང་ཙམ་ཡང་ཐོན་རྒྱུ་མེད་པ་གསལ་བོ་རེད་མ་གཏོགས། རྒྱ་ནག་གི་ཨའོ་པཱ་མ་མཆོག་ལས་དོན་མཐའ་དག་གི་ལས་འཆར་སྐབས་ནས་ཕྱིར་བསྒྲགས་གནང་རྒྱུར་ཐུགས་མཉེས་པོ་ཡོད་པ་ཀུན་གྱིས་ཤེས་གསལ་རེད། དཔེར་ན། བོད་སློབ་འཛིན་ཚོགས་རྩིས་ལེན་ལྟ་བུ་རེད། ཞེ་ས་མ་ཞུས་ན། ལབ་རྒྱབ་རྒྱབ་ནས། དེང་སང་དངོས་དོན་ལག་བསྟར་ནང་དཀའ་ངལ་འཕྲད་ནས་རྩིས་ལེན་ཐུབ་མིན་ཆ་མ་འཚལ་བ་ལྟ་བུ་རེད།

ཚོགས་གཙོ་མཆོག་ནས་བློ་སེང་གིས་སྲིད་སྐྱོང་གནང་ནས་གྲོས་ཚོགས་ནང་བཀའ་མོལ་གསུང་སྐབས། སྟངས་འཛིན་དེ་ག་དུས་ཡིན་ན་སྲིད་སྐྱོང་གི་ཕྱོགས་ལ་གཡོན་གཡོན་པ་རེད། དེ་ཁག་ཡོད་པ་མ་རེད། གཅིག་ནས་ཤེས་ཚད་རེད། གཉིས་ནས་ཉམས་མྱོང་རེད། ཡིན་ནའང། ཕྱི་འདྲ་ཆགས་པོ་ཙམ་གྱིས་ནང་དོན་འགྲུབ་ཀི་མེད་པ་དང། བཀའ་ཁྲི་གོང་མས་ལན་འདེབས་གནང་དུས་ལྟར་ཚོགས་གཙོས་ཆུ་ཚོད་དམ་འཛིན་རང་གནང་ནས་བསྡད་ན་མ་འགྲིག་པ་ཞིག་ཡོང་གི་ཡོད་པ་དེ། གཅིག་ནས་བཀའ་ཤག་གི་ཆེ་མཐོང་དང། ཆེན་པོ་རྒྱ་ནག་གཞུང་ལའང་ངོ་ཚ་ནས་མིན་འགྲོ གང་ལྟར་ཚོགས་གཙོ་འདིས་སྲིད་སྐྱོང་ལ་གྲོས་ཚོགས་ཀྱི་ཕྱི་ནང་གང་དུའང་གཞོགས་འདེགས་དཔུང་བསྟོད་བྱས་པ་ཉུང་ཉུང་ཞིག་ག་ལ་ཡིན་སྟབས། འདྲ་ཆགས་པོར་གོམས་བསྡད་མཁན་ཚོས་འདི་བརྗེད་ན་ག་ལ་འགྲིག

མདོ་དོན་སྙིང་བོར། རྡོ་ལས་འོ་མ་མི་འབྱུང་བ་ལྟར། མི་མང་གི་ལས་འགུལ་གྱི་ཚ་རླབས་གོང་ནས་གོང་དུ་འཕྱུར་དུས། རྒྱལ་སྤྱིའི་གྲོས་ཚོགས་ཁག་གི་གྲོས་ཆོད་ཀྱང་ཤོག་བུ་བརྩེགས་མ་ཆགས་དུས། བོད་རྒྱ་འབྲེལ་མོལ་དང་དེའི་བྱེད་སྒོ་རྣམ་གསུམ་ལ་ང་ཚོར་དངོས་གནས་སྲིད་སྐྱོང་མཁས་མཛངས་ཅན་ཞིག་ཐོན་ཡོད་ན། ཅིག་ལ་བསླེབས་ཆོག་ཆོག་ཡིན་མོད། དེ་ལྟར་མ་བྱུང་བ་རེད། ཐ་ན། འབྲེལ་མོལ་ཚོགས་ཆུང་འགའ་ཚོགས་ཏེ་སྐུ་ཚབ་བསྐོ་བཞག་སོགས་རྒྱགས་གཏམ་འགའ་བཤད་པ་དག་ཀྱང་མི་མང་གི་རེ་ལྟོས་བཞིན་ལག་བསྟར་ཐུབ་མེད་ཙང། གཞི་རྩའི་ཆ་ནས་དེང་སང་ང་ཚོ་བོད་མི་ཚོ་ཆབ་སྲིད་ཐད་མགོ་མེད་པའི་གནས་བབ་ཅིག་ཏུ་ཟགས་ཡོད་ཀྱང།

བཤད་ནས་ཅི་ཕན། བཤད་ཀྱང་”ང་དང་ངའི”་ཟེར་བ་རྩ་ཆེན་པོ་འཛིན་མཁན་ཤོག་བུའི་སེང་གེ་འདིས་གསན་གི་མ་རེད། ད་བར་ཆེ་འབྲིང་ཆུང་གསུམ་ཚང་མས་སྲིད་སྐྱོང་མཆོག་གིས་བོད་རྒྱ་འབྲེལ་མོལ་བསྐྱར་མཐུད་ཐོག་ཤུཊ་རྒྱག་རྒྱུ་གལ་ཆེན་ཆཊ་ཡོད་ཅེས་ཞུས་ཞུས་པ་རེད་ཝ།། ད་ཅི་བྱ།།

ཚོགས་གཙོས་གསུང་ན། “ཚོགས་གཙོའི་ངོས་ནས་ད་རེབ་གྲོས་ཚོགས་ནང་བཀའ་ཤག་གིས་སྔར་དང་མི་འདྲ་བའི་ནན་པོ་གསུངས་བ་དེར་དགའ་བསུ་ཞུ་བཞིན་ཡོད།” ཅེས་སྔར་དང་མི་འདྲ་བ་གསུངས་པ་དེའི་སྔར་གྱི་དུས་ཚོད་གང་ཡིན། སྲིད་སྐྱོང་གནང་བའི་རྗེས་སུ་རེད་དམ། ཡིན་ན་དེར་ཁོངས་སྐྱེལ་ཞིག་དགོས་ཀྱི་རེད། སྲིད་སྐྱོང་གི་འགན་མ་གཞེས་པའི་སྔོན་ནས་ཟེར་ན་ནི་གཏམ་སྟོང་པ་ཞིག་རེད་ལ། ཡང་། “བོད་རྒྱ་འབྲེལ་མོལ་གྱི་གནས་ཚུལ་དེ་འཛིན་སྐྱོང་བཀའ་ཤག་དང་། ལྷག་པར་དུ་སྲིད་སྐྱོང་གི་འགན་རེད།” གསུངས་པ་དེས་ནི། སྤྱི་འཐུས་ལ་བོད་རྒྱ་འབྲེལ་མོལ་སྐོར་ཐུགས་འགན་ཡོད་པ་མ་རེད་ཟེར་བ་ཞིག་བསྟན་འདུག ཡང་། “འདས་པའི་ཟླ་བ་ཁ་ཤས་ནང་བོད་རྒྱ་འབྲེལ་མོལ་ཐོག་ཤུགས་རྒྱག་གི་ཡོད་ཅེས་གསུངས་ཡོད་པ་རེད། ཡིན་ནའང་དོན་དམ་གྱིས་ག་ཚོད་ཅིག་འགྲུབ་དང་མ་འགྲུབ་ཁ་སང་གྲོས་ཚོགས་ནང་གསལ་བཤད་ཞུས་པ་ལས་ལྷག་ཅིག་ཞུ་རྒྱུ་མེད་པ་གསལ་བོ་རེད།”ཅེས་གསུངས་པ་དེར། མི་ཚོས། གཞུང་གི་སྲིད་ཇུས་ཀྱི་ལྕི་ཡང་ངོ་སྤྲོད་གནང་བ་རེད་ཟེར། ཡང་། “སྤྱི་འཐུས་ཚོའི་དྲི་བ་ཁ་ཤས་ལ་སྲིད་སྐྱོང་གིས་ལན་བསྐྱོན་ཡོད་པ་མ་རེད། དེར་ཚོགས་གཙོའི་སྟངས་འཛིན་སྐབས། སྟབས་བདེ་བོ་མེད་རིགས་ལ་ལན་མ་བརྒྱབ་ན་འགྲིག་གི་རེད་ཅེས་ཞུས་ཡོད་སྟབས་མ་བསྐྱོན་པ་ཡིན་རྒྱུ་རེད།” ཅེས་གསུངས་པ་ཡང་ཚོགས་གཙོ་རང་ཉིད་ཀྱི་ནུས་ཤུགས་ཕྱིར་བསྒྲགས་ཙམ་དུ་ཟད། ཅེས་པ་ཟེར་སྒྲོས་སུ་འདུག་མོད་གནད་དོན་ངོ་མ་དེ་ད་དུང་ཕར་ཙམ་ཞིག་ན་ཡོད་པ་འདྲ།