དེ་རིང་ཕྱིར་དྲོར་གངས་སྐྱིད་སྤོ་ལོ་རྩེད་ཐང་དུ་ངྷ་ས་ཁུལ་གྱི་ལག་རྩལ་སྤོ་ལོ་འགྲན་བསྡུར་གྱི་མཐའ་མར་འབྲོག་པ་རུ་ཁག་ཨང་དང་པོ་དང་ཟློས་གར་རུ་ཁག་ཨང་གཉིས་པ་ཆགས་སོང་།
དེ་རིང་ཕྱི་དྲོར། ངྷ་རམ་ས་ལ་ཁུལ་གྱི་ ༢༠༡༣ ལོའི་ལག་རྩེད་སྤོ་ལོའི་འགྲན་བསྡུར་དེ་གངས་སྐྱིད་སྤོ་ལོ་རྩེད་ཐང་ནས་མཇུག་སྒྲིལ་ཡོད་པ་དང་། གངས་སྐྱིད་ཁུལ་གྱི་གཞུང་ཞབས་ལས་བྱེད་དང་ངྷ་ས་ཁུལ་གྱི་མི་མང་བཅས་ལྟད་མོ་བ་ ༥༠༠ ལ་ཉེ་བའི་ཐལ་སྒྲ་དང་འབོད་སྒྲའི་ཁྲོད་ནས་མཇུག་བསྡོམས་མཛད་སྒོ་བསྡུས་ཡོད་ཅིང་། བོད་རྒྱལ་ཡོངས་རྩེད་རིགས་ཚོགས་པའི་ཚོགས་གཙོ་སྐལ་བཟང་དོན་འགྲུབ་ལགས་ཀྱིས་ཨང་དང་པོ་གཉིས་པ་ཐོབ་མཁན་དག་ལ་བྱ་དགའ་གནང་སོང་།
ལག་རྩེད་སྤོ་ལོ་འགྲན་བསྡུར་དེ་ནི། གངས་ལྗོངས་འགྲིམ་འགྲུལ་ལས་ཁང་(TIBET TOURS &TRAVELS) ལས་ཁུངས་ཀྱིས་གོ་སྒྲིག་འོག ཕྱི་ཟླ་ ༩ ཚེས་ ༣༠ ཉིན་ནས་མགོ་འཛུགས་གནང་ཡོད་ཅིང་། རྩེད་འགྲན་ཁྲོད་རུ་ཁག་ ༩ མཉམ་ཞུགས་གནང་སྟེ། དེ་རིང་མཐའ་མའི་འགྲན་བསྡུར་ཁྲོད་འབྲོག་པ་རུ་ཁག་དང་ཟློས་གར་རུ་ཁག་གཉིས་བསྡུར་ཏེ་འབྲོག་པ་རུ་ཁག་ལ་སྐར་གྲངས་ ༩༥ ཐོབ་སྟེ་ཨང་དང་པོ་དང་། ཟློས་གར་རུ་ཁག་ལ་སྐར་གྲངས་ ༥༢ ཐོབ་སྟེ་ཨང་གཉིས་པ་བཅས་ཆགས་སོང་།
མཇུག་བསྡོམས་མཛད་སྒོའི་སྟེང་གངས་ལྗོངས་འགྲིམ་འགྲུལ་ལས་ཁང་གི་འགན་འཛིན་ཟླ་བ་ལགས་ཀྱིས། ཐེངས་འདིར་ཁོང་མི་སྒེར་ཞིག་གི་ངོས་ནས་ལག་རྩེད་སྤོ་ལོ་རྩེད་འགྲན་འདི་གོ་སྒྲིག་གནང་དགོས་པའི་དམིགས་ཡུལ་གཙོ་བོ། དང་པོ། ད་ལྟའི་དུས་འདིར་ང་ཚོ་བཙན་བྱོལ་བ་ཡིན་པའི་དབང་གིས་གཞོན་སྐྱེས་ཚོར་རྩེད་མོ་རྩེད་བའི་གོ་སྐབས་ཉུང་ཉུང་ཆགས་ཡོད་སྟབས། གཞོན་སྐྱེས་ཚོར་རྩེད་མོ་རྩེད་རྒྱུའི་གོ་སྐབས་བསྐྲུན་རྒྱུ་དང་། གཉིས་པ། ཁོ་རང་ཚོང་ལས་གཉེར་མཁན་ཞིག་ཡིན་པའི་ཆ་ནས་སྤྱི་ཚོགས་ནང་ཚོང་ལས་ཀྱི་གོ་རྟོགས་དང་ཁྱབ་བསྒྲགས་བྱ་རྒྱུ། གསུམ་པ། འདས་པའི་ལོ་ ༡༧ རིང་ཚོང་གི་ལས་དོན་གཉེར་སྐབས་སྒེར་དང་ཚོགས་པ་ཁག་གི་མཐུན་འགྱུར་ལ་ཐུགས་རྗེ་ཆེ་ཞུ་ཆེད་བཅས་ཡིན་ཚུལ་བརྗོད་བྱུང་།
བོད་རྒྱལ་ཡོངས་རྩེད་རིགས་ཚོགས་པའི་ཚོགས་གཙོ་སྐལ་བཟང་དོན་འགྲུབ་ལགས་ཀྱིས། རྩེད་མོ་འདི་རིགས་བོད་རྒྱལ་ཡོངས་རྩེད་རིགས་ཚོགས་པས་གོ་སྒྲིག་གནང་དགོས་པ་ཞིག་ཡིན་ཡང་། ད་ལྟའི་བར་སློབ་གྲྭ་ནང་ཁུལ་དུ་སིལ་སྤོལ་འགྲན་བསྡུར་བྱས་པ་ལས་རུ་ཁག་ཕན་ཚུན་བར་གྱི་རྩེད་འགྲན་རིགས་གོ་སྒྲིག་གནང་ཐུབ་མེད་པ་དང་། དེའི་རིགས་གོ་སྒྲིག་གནང་མ་ཐུབ་པའི་འགོག་རྐྱེན་གཙོ་བོ། ཚགས་ཚུད་ཡོང་མིན་ལ་ཐུག་ཡོད་པ་དང་། ཚགས་ཚུད་མ་ཡོང་བའི་རྒྱུ་མཚན་གཙོ་བོ། རྩེད་མོ་རྩེད་མཁན་དང་གཟིགས་མོ་བས་བསམ་སྤྱོད་ལ་ཐུག་ཡོད་པ། དེང་སྐབས་སྔར་ལས་ཉུང་དུ་ཕྱིན་ཡོད་ཀྱང་ཕྲན་བུ་ད་དུང་གནས་ཡོད་སྐོར་བརྗོད་བྱུང་། ཁོང་གིས་མུ་མཐུད་དུ། “ རྩེད་མོ་རྩེད་མཁན་ཚོས་ཐོབ་ཤོར་ཁོ་ནར་མི་ལྟ་བར་རྩེད་མོ་ཡག་པོ་རྩེད་རྒྱུ་དང་། ལྟད་མོ་ལྟ་མཁན་ཚོས་ཀྱང་ཕྱོགས་ཞེན་དང་འཐེན་འཁྱེར་མི་བྱེད་པར། མ་འོངས་པར་ཚང་མས་མཐུན་འགྱུར་གནང་སྟེ་རྩེད་མོའི་རིགས་ཡར་རྒྱས་གཏོང་ཐབས་ལ་འབད་དགོས”ཞེས་བརྗོད་བྱུང་།
ཐེངས་འདིའི་འགྲན་བསྡུར་ཁྲོད་ཨང་དང་པོར་གཟེངས་རྟགས་ཤིག་དང་ཧིན་སྒོར་ ༡༠༠༠༠ དང་། ཨང་གཉིས་པ་པར་གཟེངས་རྟགས་དང་ཧིན་སྒོར་ ༦༠༠༠ ། ཨང་གསུམ་པར་ལག་རྩེད་སྤོ་ལོ་གཉིས་དང་ཧིན་སྒོར་ ༢༠༠༠། སྤོ་ལོ་མང་ཤོས་ལྡུག་མཁན་ལ་གཟེངས་རྟགས་དང་མཉམ་དུ་ཧིན་སྒོར་ ༢༠༠༠ བཅས་ཀྱི་གསོལ་རས་གནང་སོང་།
གསར་འགོད་པ། དོན་གོ
གསར་འགོད་པ་དོན་ཁོ་ལགས་ཀྱིས་གནས་ཚུལ་མཁོ་གཏོང་གནང་བར་བཀའ་དྲིན་ཆེ། གོང་གི་གསར་འགྱུར་དེའི་ནང་དུ་སྤོ་ལོ་ལྡུག་མཁན་སུ་ཡིན་ཁ་གསལ་མེད་པས་ཤེས་འདོད་ཧ་ཅང་ཆེ་བས་ཀློག་པ་པོ་སུ་ཞིག་གིས་མཐོང་ཡོད་ཚེ་གསལ་བཤད་རེ་གནང་རོགས་ཞུ།
ཨ་ཁུ་སྙིང་རྗེ་འདི་ཚོ། སློབ་སྦྱོང་མེད་པའི་སྒང་ལ་རྩེད་མོའི་རིགས་ལ་དགའ་ཞིག་འདུག
ཐོག་མར་གསོ་སྐྱོང་བྱེད་སྟངས་མ་འགྲིགས་ཤིག་དང་། ཡང་ན་གསོ་སློབ་ཡང་དག་པའི་ཁོར་ཡུག་ཅིག་མ་རག་པའི་གནས་སྟངས་ལ་བརྟེན་ནས་བྱུང་བ་ཞིག་རེད། དེ་བས་ཀྱང་བཟའ་རྒྱུ་དང་འཐུང་རྒྱུ། ཉལ་རྒྱུ་དང་འཁྱམ་རྒྱུ་བཅས་ལ་མགོ་འཁོར་ཏེ་ལུས་པ་རྐྱང་རྐྱང་རེད།
སྤྱིར་ན་གསར་འགྱུར་དུས་ལྟར་མཐོང་བས་སྤྲོ། ༼ ། སྤོ་ལོ་མང་ཤོས་ལྡུག་མཁན༽དེ་ངོ་སྤྲོད་ཅིག་ཡོད་ན་ཡག་ཐོག་ཡག་བཞག་རེད།
Ball = པོ་ལི།
Basketball = སིལ་པོལ།
Football = རྐང་པོལ།
གོ་སྒྲིག་ཞུ་མཁན་ལ་རྒྱབ་སྐྱོར་ཡོད།
འབྲོག་པ་རུ་ཁག་གི་རུ་མི་སུ་སུ་ཡིན་ནམ། ཡོངས་ཁུངས་གང་ནས་རེད། འབྲོག་རྒན་ངས་དགའ་བསུ་ཞུ། ཧཧཧཧ
མཛའ་བརྩེ་དང་པོ། འགྲན་སྡུར་གཉིས་པ། ལུས་ཕུང་སྦྱོང་བརྡར། མི་རིགས་དར་སྤེལ།