ཀྲུའུ་ཝེ་ཆོན་གྱི་སྐད་ཆ།༼༢༽

ཟླ་སྔོན་མའི་ནང་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཟུར་པ་དང་ད་ལྟའི་ཆོས་ལུགས་ལས་དོན་སྡེ་ཚན་གྱི་འགན་འཛིན་ཀྲུའུ་ཝེ་ཆོན་ལ་ཡུ་རོབ་ཁུལ་དུ་སྐོར་སྐྱོད་སྐབས། ཕྱི་ཟླ་ ༡༠ ཚེས་ ༡༨ ཉིན་ཡུ་རོབ་ ‘གསར་འགོད་པ་པི་ཐེ.ཝེ་སི་ཐེ’ ཟེར་བས་བོད་དང་ཡུ་གུར་སྐོར་ལ་བཅར་འདྲི་བྱས་པའི་དྲི་བ་དྲིས་ལེན་ཁག་ཅིག་ཟླ་འདིའི་ཚེས་ ༡༩ ཉིན་བོད་ལྗོངས་ཆ་འཕྲིན་དྲ་བའི་སྟེང་སྤེལ་འདུག་པ་ཇི་བཞིན་གཤམ་དུ་བཀོད་ཡོད།

གསར་འགོད་པ། ངས་རྒྱུས་ལོན་བྱས་པ་ལྟར་ན། ཁྱེད་ཀྱིས་《ཀྲུང་གོའི་བོད་ལྗོངས་གཟའ་འཁོར་དུས་དེབ》ཀྱིས་ བཅར་འདྲི་ལ་དང་ལེན་གནང་སྐབས་ གུང་ཁྲན་ཏང་ཡོན་གྱིས་ཆོས་ལུགས་ལ་དད་མོས་བྱེད་མི་རུང་ཞེས་ཁྱེད་ཀྱི་ལྟ་ཚུལ་ ཞིག་བཤད་ཡོད། ཁྱེད་རང་ཉིད་ཆོས་ལུགས་ཀྱི་ངོ་རྒོལ་བ་ཞིག་ཡིན་ནམ་མིན།

ཀྲུའུ་ཝེ་ཆུན།  ཀྲུང་ གོའི་ལོ་རྒྱུས་དང་ཡོ་རོབ་ཀྱི་ལོ་རྒྱུས་དེ་འདྲའི་ཆ་མཚུངས་པ་ཞིག་མིན། ལོ་རྒྱུས་ཀྱི་དུས་ཡུན་རིང་བོ་ཞིག་གི་ནང་དུ། ཡོ་རོབ་ཡེ་ཤུའི་ཆོས་ལུགས་ཀྱི་སྟོབས་ཤུགས་ཅུང་ཆེ་ལ་དགེ་མཚན་ཁྱད་འཕགས་ལྡན།  ནུབ་ཨེ་ཤ་ཡ་དང་ཨེ་ཤ་ཡ་དབུས་མའི་རྒྱལ་ཁབ་ཀྱི་ལོ་རྒྱུས་སྟེང་དུའང་དེ་དང་འདྲ་ བར་དབྱི་སི་ལན་ཆོས་ལུགས་དར་རྒྱས་ཅུང་ཆེན་པོ་བྱུང་།  ལོ་རྒྱུས་སྟེང་ཀྲུང་གོ་སྲིད་གཞུང་གིས་ཆོས་ལུགས་ལ་བློ་རྒྱ་ཆེ་བའི་ལྟ་སྟངས་བཟུང་ སྟབས། ཆོས་ལུགས་ཆེན་པོ་ལྔ་མཉམ་གནས་ཀྱི་གནས་སྟངས་འདི་ཆགས་པ་རེད།  རང་རྒྱལ་ཀྱི་མི་གྲངས་དུང་ཕྱུར༡༣ཡོད་པའི་ནང་དུ། ཆོས་ལུགས་ལ་དད་པའི་མང་ཚོགས་ཧ་ལམ་དུང་ཕྱུར་གཅིག་ལྷག་ལས་མེད། མང་ཤས་ཀྱིས་ཆོས་ལུགས་ལ་དད་པ་མི་བྱེད།  གསར་ བརྗེ་འཐབ་རྩོད་དུས་སྐབས་སམ་ཡང་ན་འཛུགས་སྐྲུན་དུས་སྐབས་གང་ཡིན་རུང་། ཀྲུང་གོ་གུང་ཁྲན་ཏང་གིས་བྱ་གཞག་མཐའ་འཁྱོལ་བ་ཞིག་བསྒྲུབ་ཆེད། དད་ལྡན་མང་ཚོགས་དུང་ཕྱུར་གཅིག་ལྷག་ཙམ་རྣམས་ངེས་པར་དུ་མཐུན་སྒྲིལ་ཡོང་དུ་འཇུག་དགོས།  དེ་རྣམས་མཐུན་སྒྲིལ་ ཡོང་དགོས་ན་ངེས་པར་དུ་ཆོས་དད་རང་མོས་ཀྱི་སྲིད་ཇུས་ཤིག་ལག་བསྟར་བྱེད་དགོས་པ་རེད། སྲིད་ཇུས་དེ་ལག་བསྟར་བྱེད་པ་ནི་ང་ཚོའི་བྱ་གཞག་གི་དགོས་མཁོ་ཞིག་ཡིན་པ་མ་ཟད། ཀྲུང་གོ་གུང་ཁྲན་ཏང་གི་གཞུང་ལུགས་ཀྱི་ལྟ་བ་སྟེ་ཆོས་ལུགས་ནི་མིའི་རིགས་ཀྱི་ སྤྱི་ཚོགས་ཀྱི་རྣམ་པ་ཡུན་རིང་བ་ཞིག་ཡིན་པས་དབང་གིས་རེད།  ཀྲུང་གོའི་སྤྱི་ཚོགས་ལ་བརྟན་བརླིང་དགོས་ན། ཚང་མ་དམིགས་ཡུལ་གཅིག་གི་ཐོག་ཏུ་བསྒྲིལ་དགོས།  ཆོས་ལུགས་སྲིད་ཇུས་ཀྱང་ངེས་པར་དུ་ཆོས་ལུགས་ལྟ་བུའི་སྤྱི་ཚོགས་ཀྱི་རྣམ་པའི་ནང་གི་ཆོས་ཉིད་དང་མཐུན་དགོས་པ་དེ་རེད།

གསར་འགོད་པ། འོ་ན་དམིགས་ཡུལ་དེ་ཅི་ཞིག་རེད།
ཀྲུའུ་ཝེ་ཆུན། རྒྱལ་ཁབ་འཕེལ་རྒྱས་ཡོང་བ་དང་། མི་སེར་གྱི་འཚོ་བ་སྔར་བས་ཇེ་ལེགས་སུ་གཏོང་རྒྱུ་དེ་རེད། རྒྱལ་ཡོངས་མི་དམངས་ཀྱིས་དམིགས་འབེན་དེ་ལ་ཁས་ལེན་ཐོབ་ཡོད་པས། ཆོས་ལུགས་དད་མོས་མི་མཐུན་པའི་གནད་དོན་ལས་བརྒལ་ཡོད།

གསར་འགོད་པ། ཆོས་ལུགས་ནི་དམིགས་ཡུལ་མངོན་འགྱུར་བྱེད་པའི་འགོག་རྐྱེན་དང་གནོད་འཚེ་ཞིག་ཏུ་གྱུར་བ་མ་ཡིན་ནམ།

ཀྲུའུ་ཝེ་ཆུན།  ང་ ཚོས་ནམ་ཡང་ཆོས་ལུགས་ནི་དམིགས་ཡུལ་མངོན་འགྱུར་བྱེད་པའི་གེགས་དང་དྲག་གནོན་ ཞིག་ཏུ་བརྩིས་མེད། འདུ་ཤེས་འཛིན་སྟངས་ཀྱི་ཆ་ནས་བཤད་ན། ཆོས་ལུགས་ནི་སེམས་གཙོ་རང་ལུགས་ཀྱི་འཇིག་རྟེན་ལྟ་བའི་མངོན་སྟངས་ཤིག་ཡིན་པར་ ཆ་བཞག་ན། དེ་ནི་ང་ཚོས་རྒྱུན་སྐྱོང་བའི་དངོས་གཙོ་རིང་ལུགས་དང་ཆ་མི་འདྲ་མོད། འོན་ཀྱང་རྒྱ་ཆེའི་ཆོས་ལུགས་དད་ལྡན་པའི་རྒྱལ་ཁབ་འཕེལ་རྒྱས་ཡོང་བ་དང་། མི་དམངས་ཀྱི་འཚོ་བ་ཇེ་ལེགས་སུ་གཏོང་བའི་དམིགས་ཡུལ་དེ་ང་ཚོའི་ཚད་གཞི་དང་ གཅིག་ཡིན་པས་དེ་གཉིས་འགལ་མེད་ཡིན།  ༡༩༢༡ལོར་ཀྲུང་གོ་གུང་ཁྲན་ཏང་དབུ་བརྙེས་རྗེས། ཆོས་དད་རང་མོས་སྲིད་ཇུས་དེ་ཐོག་མཐའ་བར་གསུམ་དུ་ལག་བསྟར་བྱས་ནས་འགྱུར་བ་ བྱུང་མྱོང་མེད། སྐབས་འགར་ང་ཚོས་ལག་བསྟར་བྱས་པ་དོན་ལ་མ་འཁེལ་བ་འབའ་ཞིག་རེད།  དཔེར་ ན། རིག་གནས་གསར་བརྗེ་ཆེན་པོའི་དུས་སྐབས་ལྟ་བུ་རེད། ཡིན་ན་ཡང་རིག་གནས་གསར་བརྗེ་མཇུག་རྫོགས་རྗེས།  སུས་ང་ཚོ་ལམ་སང་ཆོས་དད་རང་མོས་ཡིན་པའི་སྲིད་ཇུས་སྔར་བཞིན་ལག་བསྟར་བྱས་ཡོད།  ཀྲུང་གོ་གུང་ཁྲན་ཏང་གི་གཞུང་ ལུགས་རྨང་གཞི་ནི་མར་ཁེ་སི་རིང་ལུགས་ཡིན། ང་ནི་ཏང་མི་ཞིག་ཡིན་པའི་ཆ་ནས། དངོས་གཙོ་རིང་ལུགས་ཀྱི་འཇིག་རྟེན་ལྟ་ཚུལ་རྒྱུན་སྐྱོང་བ་དང་ལྷ་མེད་སྨྲ་བའི་ རྗེས་སྐྱོང་བ་ནི་དོན་ལ་གནས་པ་ཞིག་ཡིན།   གུང་ ཁྲན་ཏང་ཡོན་གྱིས་ཆོས་ལུགས་ལ་དད་མོས་བྱེད་མི་རུང་བ་རྒྱུན་སྐྱོང་བ་དེ་ངས་ཏང་ གི་ཆོས་ལུགས་དད་མོས་རང་དབང་གི་སྲིད་ཇུས་མཐའ་གཅིག་ཏུ་ལག་བསྟར་བྱེད་པའི་གེགས་ སུ་མི་འགྱུར།

གསར་འགོད་པ། འོ་ན་ཁྱེད་ཀྱིས་ཏང་ཡོན་རྣམས་ཀྱིས་ངེས་པར་དུ་ལྷ་མེད་སྨྲ་བའི་རྒྱུན་སྐྱོང་དགོས་ཞེས་པ་མ་ཡིན་ནམ།

ཀྲུའུ་ཝེ་ཆུན།  རེད།  རྒྱུ་ མཚན་ནི་ང་ཚོའི་ཏང་གི་སྲོལ་ཡིག་ནང་གསལ་བོར་བྲིས་ཡོད། ང་ཚོའི་སློབ་སྟོན་དགོངས་དོན་ནི་མར་ཁེ་སི་རིང་ལུགས་ཡིན། མར་ཁེ་སི་རིང་ལུགས་ཀྱི་གཞུང་ལུགས་རྨང་གཞི་ནི་དངོས་གཙོ་སྨྲ་བ་དང་ལོ་རྒྱུས་ དངོས་གཙོ་སྨྲ་བ་རྩོད་སྒྲུབ་བྱེད་པ་དེ་ཡིན།   དེ་ལས་དངོས་གཙོ་སྨྲ་བ་དང་ལྷ་ཡོད་སྨྲ་བ་ནི་ཆ་མི་འདྲ་བའི་འཇིག་རྟེན་ལྟ་ཚུལ་ གཉིས་ཡིན། མི་ཞིག་གུང་ཁྲན་ཏང་དུ་ཞུགས་པ་ནི་ཁོས་རང་གི་འཇིག་རྟེན་ལྟ་བ་ནི་དངོས་གཙོ་སྨྲ་ བ་ཡིན་པ་ངེས་ལེན་བྱས་ཡོད་པ་ལས་ལྷ་ཡོད་སྨྲ་བ་ནི་མིན། དེ་ནི་ཧ་ཅང་གསལ་ལ་སྨྲས་མི་དགོས་པའི་དོན་དག་ཅིག་རེད།

གསར་འགོད་པ། ཀྲུང་ གོའི་ད་ལྟའི་ཏང་ཡོན་མང་པོ་ཞིག་གིས་ལྷ་ཡོད་པ་ཁས་ལེན་བྱེད་ཀྱི་ཡོད། མི་འགའ་ཤས་ཀྱི་ལོག་མཆོད་ནང་ཞུགས་པ་དང་མི་འགའ་ཤས་ཀྱི་དགོན་སྡེར་ཞལ་འདེབས་ འབུལ་བར་སྐྱོད་ཀྱི་ཡོད།  དེ་ལྟ་བུའི་གནས་ཚུལ་འགྱུར་ལྡོག་གཏོང་དགོས་དམ།

ཀྲུའུ་ཝེ་ཆུན། ལོག་མཆོད་ནང་ཞུགས་མཁན་ནི་ཁྲིམས་འགལ་གྱི་བྱ་བ་ཞིག་ཡིན།   ལོག་མཆོད་ནི་ཆོས་ལུགས་ཀྱི་ཁོངས་སུ་མི་ཚུད་མོས་སྤྱི་ཚོགས་གནོད་འཚེ་བཟོ་མཁན་གྱི་ཁྲིམས་འགལ་གྱི་སྒྲིག་འཛུགས་ཞིག་ཡིན།  ཏང་ཡོན་འགའ་རེ་ཆོས་ལུགས་བྱེད་སྒོར་ཞུགས་ཀྱི་ཡོད་གལ་སྲིད་དད་སེམས་རྐྱེན་བྱེད་སྒོར་ཞུགས་ཚེ་ངའི་བསམ་པར་དེ་ནི་ཏང་སྲོལ་དང་མཐུན་མེད།  དང་ཐོག་ཁོང་ཚོར་བསྒྱུར་བཅོས་དང་ཏང་སྲོལ་སྲུང་བརྩི་བྱེད་དགོས་པའི་བསམ་བློའི་སློབ་གསོ་བརྒྱབ་དགོས།   གལ་ ཏེ་མི་འགའ་རེས་ཏང་གི་བསམ་བློའི་རྨང་གཞི་དང་།  འགལ་ནས་སྔར་བཞིན་དད་མོས་བྱས་ཚེ་ཆོས་ལུགས་ཀྱི་དད་ལྡན་པ་ཞིག་བྱས་པ་ལས་ཏང་ཡོན་ བྱེད་པའི་དགོས་པ་མེད་དེ་ཡང་ཆོས་དད་རང་མོས་ཀྱི་རྣམ་པ་ཞིག་མངོན་ཐུབ།   ང་རང་ད་དུང་ནང་དོན་ཞིག་བཤད་རྒྱུ་ཡིན།  ངས་རྒྱུན་རིང་ཆོས་ལུགས་ཀྱི་ལས་དོན་བྱེད་སྐབས་ཀྲུང་གོ་གུང་ཁྲན་ཏང་ཡོན་ཆོས་ལུགས་དད་པ་མེད་དེས་ལས་ཀར་ཤུགས་རྐྱེན་ཐེབས་ཀྱི་མེད་པ་མ་ཟད།  ད་དུང་ཕན་པ་ཆེན་པ་ཡོད་པ་ཚོར་སྣང་བྱུང་།   གང་ཡིན་ཟེར་ན།  ཀྲུང་ གོར་ཆོས་ལུགས་ཆེན་པོ་ལྔ་ཡོད་ངས་གལ་ཏེ་ཆོས་ལུགས་གཅིག་ལ་དད་པ་བྱས་ཚེ་ཆོས་ ལུགས་གཞན་རྣམས་ཀྱི་ང་ལ་དོག་ཟོན་བྱེད་སྲིད། ཡིན་ན་ཡང་ང་རང་ཆོས་ལུགས་ལ་དད་པ་མེད་པས་དེར་བརྟེན་མི་ཚང་མས་ཡིད་ཆེས་བརྟན་པོ་ བྱེད་ཀྱི་ཡོད།  ཁོང་ཚོས་བསམ་པར་ངས་ཏང་གི་ཆོས་ལུགས་སྲིད་ཇུས་ཀྱི་ལས་དོན་བྱས་ཚེ་འཚམ་པོ་ཞིག་ཏུ་ངོས་འཛིན་བྱེད་ཀྱི་ཡོད།

གསར་འགོད་པ།   དེ་འདྲ་བཤད་ན་ཁྱེད་རང་བར་གནས་མ་ཡིན་ནམ།

ཀྲུའུ་ཝེ་ཆུན།   དངོས་གཙོ་རིང་ལུགས་དང་སེམས་གཙོ་རིང་ལུགས་ཀྱི་བར་གནས་མ་ཡིན། ཆོས་ལུགས་ཁག་གི་ཁྲོད་ང་རང་བར་གནས་ཡིན།

གསར་འགོད་པ།  ཁྱེད་ རང་ཡང་མི་རིགས་གནད་དོན་ཐད་ཞིབ་འཇུག་ཕྱག་ལས་གནང་མཁན་ཞིག་ཡིན་ང་རང་ཡང་དེ་སྔ་ ཁྱེད་རང་རྩོམ་ཡིག་ཞིག་ལྟ་མྱོང་ཡོད། དེའི་ནང་གྲངས་ཉུང་མི་རིགས་མཉམ་བསྲེས་ཀྱི་གནད་དོན་བཤད་འདུག  འཛམ་གླིང་གི་ཁྱབ་ཁོངས་ནང་ང་ཚོས་གསལ་པོ་མཐོང་བར་གཞིགས་ན། གྲངས་ཉུང་མི་རིགས་མཉམ་བསྲེས་ཐུབ་པའི་དཔེ་མཚོན་གཅིག་ཀྱང་མེད།  ཀྲུང་གོར་གྲངས་ཉུང་མི་རིགས་ཧ་ཅང་གི་མང་པོ་ཡོད་པས་ཁོང་བཙན་ཤེད་བཏང་ནས་མི་རིགས་མཉམ་བསྲེས་བྱེད་དགོས་ཟེར་ན་གྲུབ་འབྲས་ཐོན་གྱི་རེད་དམ།  ངའི་ལྟ་ཚུལ་ནི་གྲངས་ཉུང་མི་རིགས་དེ་དག་ཁྲིམས་ལུགས་ཀྱི་ཁྱབ་ཁོངས་ནང་ཁོང་ཚོ་རང་ཉིད་རང་རང་གདམ་ག་བྱེད་ཆོག་ན་འགྲིག་གི་རེད་དམ།

ཀྲུའུ་ཝེ་ཆུན།  ཁྱེད་ རང་གི་བཤད་པའི་གྲངས་ཉུང་མི་རིགས་བཙན་ཤེད་མ་བྱས་པར་མི་རིགས་མཉམ་བསྲེས་དང་དེ་ བཞིན་གྲངས་ཉུང་མི་རིགས་ཁྲིམས་ལུགས་ཁྱབ་ཁོངས་ཁྲོད་རང་རང་གདམ་ཁ་བྱེད་ཆོག་ཟེར་ བ་དེ་འགྲིག་པ་ཞིག་ཡིན།  དོན་དངོས་ཐོག་ང་ཚོས་ཀྱང་དེ་ལྟར་བྱེད་ཀྱི་ཡོད།   ཐུན་ མོང་གི་ཁྲིམས་ལུགས་ཁྱབ་ཁོངས་ཁྲོད་ང་ཚོའི་མི་རིགས་ཁག་མི་དམངས་རྣམས་དབང་ཆ་ འདྲ་མཉམ་དང་མི་རིགས་ཚང་མར་རང་རང་གི་དཔལ་འབྱོར་དང་། རིག་གནས།   སློབ་གསོ།   ཡི་གེ་དེ་བཞིན་ཁག་མི་འདྲ་བའི་བྱེད་སྒོ་ཚང་མར་དབང་ཆ་འཐུས་ཚང་ཡོད།

ངའི་ངོས་ནས་བཤད་ན།  དེང་ སྐབས་རྒྱལ་སྤྱིའི་རྙོག་འཛིང་ཆེ་བའི་རྣམ་པ་དང་རྒྱལ་ནང་གི་འཕེལ་རྒྱས་ཀྱི་འགན་ འཁྲི་ལྗིད་པོ་དེའི་འོག་ང་ཚོའི་མི་རིགས་ཁག་གི་མི་དམངས་ཕན་ཚུན་ཐུན་མོང་རང་ བཞིན་དང་།  གཅིག་མཚུངས་རང་བཞིན་ཡོང་རྒྱུར་ཤུགས་སྣོན་བརྒྱབ་དགོས་པ་ལས་མི་རིགས་ཕན་ཚུན་ བར་ལ་ཧེ་བག་རྒྱ་ཆེར་གཏོང་རྒྱུ་མེད།   དཔེར་ན།   མི་ རིགས་ཁག་གི་མི་དམངས་ཚོས་རང་སོ་སོའི་སྐད་དང་ཡི་གེ་བེད་སྤྱོད་དང་འཕེལ་རྒྱས་ གཏོང་དགོས་པ་དེ་ང་ཚོའི་རྩ་དོན་ཡིན་ལ་དེ་ནི་ང་ཚོའི་ཁྲིམས་ལུགས་ནང་གཏན་འཁེལ་ བྱས་ཡོད།

དེ་དང་དུས་མཚུངས།  ང་ཚོ་རྒྱལ་ཁབ་གཅིག་ནང་འཚོ་གནས་བྱས་ནས་བསྡད་ཡོད་པས་དེར་བརྟེན་ཚང་མས་ཤེས་པའི་སྐད་རིགས་གཅིག་བེད་སྤྱོད་བཏང་ན་ལེགས་ཤོས་ཡིན།  མི་རིགས་ཕན་ཚུན་འབྲེལ་བ་དང་འཚོ་བ་བསྐྱལ་སྐབས་ཧ་ཅང་གི་སྟབས་བདེ་པོ་ཡོད།   དེ་ནི་རྒྱལ་ཁབ་ཀྱི་གཅིག་འགྱུར་གྱི་སྐད་ཡིག་དེ་ཡིན།  རྒྱལ་ཁབ་ཀྱི་གཅིག་འགྱུར་གྱི་སྐད་ཡིག་ཁྱབ་སྤེལ་དང་བེད་གཏོང་རྒྱུར་ཤུགས་སྣོན་བརྒྱབ་དགོས།   ང་ཚོའི་རྒྱལ་ཁབ་ལ་ཡང་ཁྲིམས་ལུགས་ཡོད།   ད་དུང་དཔེར་ན།   ཏཱ་ ལའི་བླ་མས་རྒྱ་རིགས་བོད་ཁུལ་དུ་སྐྱོད་པར་ངོལ་རྒོལ་བྱས་པ་དང་། དེས་བོད་མི་རིགས་ཀྱི་ཁུལ་དུ་འགྱུར་ལྡོག་འགྲོ་བར་ངོས་འཛིན་བྱེད་ཀྱི་ཡོད།

ཡིན་ན་ཡང་། ཀྲུང་ གོའི་དེ་སྔའི་དབུ་ཁྲིད་ཏེང་ཞའོ་ཕིང་གིས་བོད་ལྗོངས་ནི་ས་རྒྱ་ཤིན་ཏུ་ཆེ་བས་ བོད་རིགས་སྤུན་ཟླ་ཁྲི་༢༠༠ཁོ་ནར་བསྟེན་ནས་འཛུགས་སྐྲུན་མི་ཐུབ་པས་རྒྱ་རིགས་ ཚོས་ཁོང་ཚོར་འཛུགས་སྐྲུན་ཐད་རོགས་རམ་བྱེད་དགོས་པ་དེ་མི་འགྲིག་པ་མེད།  ང་ཚོས་ཏེང་ཞའོ་ཕིང་གི་སྐད་ཆར་མོས་མཐུན་བྱེད་ངེས་ཡིན་ཏཱ་ལའི་བླ་མའི་སྐད་ཆར་ངོལ་རྒོལ་བྱེད་རྒྱུ་ཡིན།   དེས་མ་ཟད་ཏཱ་ལའི་བླ་མས་བོད་ལྗོངས་སུ་ལས་ཀ་བྱེད་མཁན་གྱི་རྒྱ་རིགས་ཚང་མ་ཕྱིར་འབུད་གཏོང་དགོས་ཞེས་བརྗོད་མྱོང་ཡོད།  གལ་ཏེ་ཏཱ་ལའི་བླ་མས་བརྗོད་པ་ལྟར་བྱས་ཚེ་ང་ཚོ་མི་རིགས་མང་པོའི་རྒྱལ་ཁབ་ངོས་ནས་བཤད་ན་ཧ་ཅང་གི་གོད་ཆག་ཆེན་པོ་ཞིག་ཡིན།

གསར་འགོད་པ།  གནད་ དོན་དེའི་ཐོག ང་ལ་བསམ་འཆར་མི་འདྲ་བ་ཡོད། ཁྱེད་རང་གིས་གསུངས་པའི་ཡིག་ཆ་དེ་ངས་ཞིབ་ཚགས་ངང་ལྟ་མྱོང་ཡོད་ལ་ཁྱེད་རང་གིས་ གསར་འགོད་པའི་སྣེ་ལེན་ཚོགས་འདུའི་ཐོག་ལན་སློག་པ་ཡང་ངས་གཐོང་མྱོང་།  ཡིག་ཆ་དེ་ད་ལྟ་ངའི་དཔེ་ཁུག་ནང་ཡོད། ཁོང་གི་དགོངས་དོན་གཙོ་བོ་ནི་རྒྱ་རིགས་དང་མི་རིགས་གཞན་གྱི་མི་རྣམས་བོད་ ལྗོངས་ནས་ཕྱིར་འབུད་གཏོང་རྒྱུ་དེ་མིན་པར།  མ་འོངས་པའི་ནང་གཞི་རྒྱ་ཆེ་བའི་རྒྱ་རིགས་དང་མི་རིགས་གཞན་གྱི་མི་རྣམས་བོད་ ལྗོངས་སུ་གནས་མ་སྤོ་བ་དེ་ཡིན།

ཀྲུའུ་ཝེ་ཆུན།  ངས་བཤད་པ་དེ་སྤྱི་ལོ༡༩༨༧ལོར་ཏཱ་ལའི་བླ་མས་ཨ་རིའི་རྒྱལ་ཚོགས་སུ་འགྲེམ་ བསྒྲགས་བྱས་པའི༼བོད་ལྗོངས་ཀྱི་གནད་དོན༽ཞེས་པ་དང་འབྲེལ་བའི་ཇུས་གཞི་ལྔ་དེ་ ཡིན་པ་དང་དེའི་ནང་གི་སྐད་ཆ་གཅིག་དུམ་བུ་གཅིག་ངས་ཁྱོད་ལ་བཤད་མཆོག  དེ་ནི༼བོད་རིགས་མི་རྣམས་ཀྱིས་གལ་སྲིད་འཚོ་གནས་ལ་རེ་བ་བྱས་ཚེ།  ངེས་པར་དུ་རྒྱ་རིགས་བོད་དུ་གནས་སྤོ་མཚམས་འཇོག་བྱེད་དགོས་པ་དང་ཆབ་ཅིག་དེ་དག་ ཀྲུང་གོར་ཕྱིར་ལོག་བྱེད་དགོས༽ཅེས་པའི་སྐད་ཆ་དེས་ཐེ་ཚོམ་མེད་པའི་ཐོག་ནས་བོད་ དུ་ཡོད་པའི་རྒྱ་རིགས་རྣམས་ཕྱིར་འབུད་བྱེད་པའི་ཆེད་དུ་ཡིན།

གསར་འགོད་པ། མཐའ་མའི་གྲོས་མོལ་གྱི་ཟིན་ཐོ་ནི་༢༠༠༨ལོར་ཡིན་ནམ།

ཀྲུའུ་ཝེ་ཆུན། ངས་ཁྱེད་ཀྱིས་བཤད་པ་དེ༢༠༠༨ལོར་ཏཱ་ལའི་བླ་མས་ང་ཚོར་སྤྲད་པའི་བོད་མི་དང་ འབྲེལ་བའི༼ཚད་མཐོའི་རང་སྐྱོང་༽ཞེས་པའི་འགྲེལ་བཤད་དེ་ཡིན་པ་ཤེས་སོང་།  ཟིན་བྲིས་དེའི་ནང་ཏཱ་ལའི་བླ་མས་རང་ཉིད་ཀྱིས་གསུངས་པའི༼བསམ་འཆར་ལྔ༽དེའི་ནང་ གི་རྒྱ་རིགས་ཕྱིར་འབུད་བྱེད་དགོས་ཞེས་པའི་སྐད་ཆ་དེ་ཕྱིར་འཐེན་མ་བྱས་པ་མཟད་་ རང་ཉིད་ཀྱིས་བཤད་པའི་སྐད་ཆར་ཁས་ལེན་མི་བྱེད་པ་དེ་རེད།

གསར་འགོད་པ།  ཏཱ་ ལའི་བླ་མས་ང་ཚོའི་དམིགས་ཡུལ་ནི་རྒྱུན་རིང་བོད་དུ་གནས་སྡོད་བྱེད་མཁན་གྱི་ རྒྱ་རིགས་རྣམས་ཕྱིར་འབུད་བྱེད་རྒྱུ་དེ་མིན་པར་གཞི་རྒྱ་ཆེ་བའི་རྒྱ་རིགས་བོད་ དུ་གནས་སྤོ་མི་ཆོག་པ་དེ་ཡིན།

ཀྲུའུ་ཝེ་ཆུན།   ཁྱེད་རང་གི་གཟབ་ནན་བྱེད་དགོས་པ་ནི་པར་གཞི་གང་འདྲ་ཞིག་གི་ནང་དུ་ཡང་ཏཱ་ལའི་བླ་མས་༼ བོད་དུ་གནས་སྤོ་བྱེད་མཁན་གྱི་རྒྱ་རིགས་ཀྲུང་གོར་ཕྱིར་ལོག་བྱེད་དགོས་༽ཞེས་ པའི་སྐད་ཆ་དེ་སྔར་ནས་ད་བར་ཕྱིར་འཐེན་བྱེད་མྱོང་མེད།   འདས་ཟིན་པ་འམ་ད་ལྟ་གང་ཞིག་ཡིན་རུང་བོད་ལྗོངས་ནི་ཀྲུང་གའི་མངའ་ཁོངས་ཀྱི་གྲས་ཞིག་ཡིན།  ཀྲུང་གོའི་སྤྱི་དམངས་རྣམས་ཀྱིས་རང་གི་རྒྱལ་ཁོངས་ནང་རང་མོས་བཞིན་གནས་སྤོ་དང་འཚོ་བ་བསྐྱལ་ཆོག་པའི་དབང་ཆ་ཡོད།    དེ་ནི་ཤེས་དཔལ་དང་དམངས་གཙོ་ལྡན་པའི་རྒྱལ་ཁབ་ཀྱི་དོར་ཐབས་མེད་པ་ཞིག་ཡིན།       ཏཱ་ལའི་བླ་མར་ཀྲུང་གོའི་སྤྱི་དམངས་བོད་ལྗོངས་སུ་སྐྱོད་པར་བཀག་འགོག་བྱེད་དབང་མེད།

གསར་འགོད་པ།  བྱས་ན།  ཀྲུང་གོའི་མི་ཚང་མ་ཤང་ཀང་དུ་གནས་སྤོ་བྱེད་ཆོག་གམ།

ཀྲུའུ་ཝེ་ཆུན།   ཚང་མས་ཤེས་གསལ་རེད།  ཤང་ ཀང་ནི་ཀྲུང་གོའི་དམིགས་བསལ་སྲིད་འཛིན་ཁུལ་ཞིག་ཡིན། ༼རྒྱལ་ཁབ་གཅིག་ལམ་ལུགས་གཉིས་༽ལག་བསྟར་བྱས་ནས་མི་འབོར་གནད་དོན་ལམ་ལུགས་དེའི་ འོག་བཀོད་སྒྲིག་བྱས་ཡོད་པས་བོད་ཀྱི་གནད་དོན་དང་ཁྱད་པར་ཆེན་པོ་ཡོད།  ཁྲོམ་ རའི་དཔལ་འབྱོར་ཆ་རྐྱེན་འོག་ཞིང་ཆེན་གཞན་གྱི་མི་རྣམས་བོད་ཁུལ་དུ་འཛུགས་ སྐྲུན་དང་། འཕེལ་རྒྱས། ཁྲིམས་ལུགས་དང་མཐུན་པའི་ཐོག་ནས་རོགས་རམ་བྱེད་པར་སྐྱོད་པས་༼མི་རིགས་ཀྱི་ཐོབ་ ཐང་༽བལྟས་ནས་བཀག་འགོག་བྱེད་དགོས་པའི་རྒྱུ་མཚན་གང་ཡང་མེད།     དོན་ དངོས་ཐོག་བོད་ཀྱི་མི་འབོར་གྱི་མི་རིགས་གྲུབ་ཆ་འགྱུར་ལྡོག་ཆེན་པོ་དེ་ཙམ་ བྱུང་མེད་ད་ལྟའི་བར་བོད་རིགས་ཀྱི་མི་འབོར་དེ་སྤྱིའི་མི་འབོར་གྱི་བརྒྱ་ཆ་༩༠ ཡན་ཟིན་གྱི་ཡོད།   བོད་ཀྱི་སྤྱི་ཚོགས་དཔལ་འབྱོར་འཕེལ་རྒྱས་མྱུར་པོ་ཕྱིན་པ་དང་། མང་ཚོགས་ཀྱི་འཚོ་བ་ལེགས་སུ་ཕྱིན་པ་བཅས་ནི་བོད་ལྗོངས་སྒོ་བཀག་བྱས་པའི་གྲུབ་ འབྲས་མ་ཡིན་པར་རྒྱལ་ཡོངས་ཀྱི་མི་དམངས་རྣམས་ཀྱིས་ཕན་ཚུན་རོགས་རམ་དང་འབྲེལ་བ་ བྱས་པའི་གྲུབ་འབྲས་ཞིག་ཡིན།

གསར་འགོད་པ།   ང་རང་བོད་ཕྱོགས་ཀྱི་སྐུ་ཚབ་ལ་ཐུག་འཕྲལ་བྱས་མྱོང་པ་མ་ཟད།   ཁྱེད་རང་དང་གྲོས་མོལ་བྱེད་བཞིན་པའི་འཐུས་ཚབ་པ་དེ་ཡང་ངོ་ཤེས།   ཏྰ་ལའི་བླ་མའང་མཐོང་མྱོང་།  ང་ཁོའི་ལྟ་བ་ཡོད་ཚད་ལ་མོས་མཐུན་མེད།  དཔེར་ན“བོད་ཆེན་པོ”ཞེས་པའི་ལྟ་བ་ལྟ་བུ་ཡིན།  འོན་ཀྱང་ཁོས་དྲན་ཐོའི་ནང་དུ་ངས་ཁོ་རང་ཁ་བྲལ་རིང་ལུགས་པ་ཞིག་ཡིན་པ་མཐོང་མ་བྱུང་།  ཁྱེད་ཀྱིས་ཕྱིས་ཀྱི་གསར་འགོད་པ་སྣེ་ལེན་ཚོགས་འདུའི་སྟེང་ཏྰ་ལའི་བླ་མ་ནི་ཁ་བྲལ་རིང་ལུགས་པ་ཞིག་ཡིན་པར་སྐྱོན་བརྗོད་བྱས་འདུག།  ང་རང་ཀྲུང་གོ་ཀྲུང་དབྱང་སྲིད་གཞུང་དང་བོད་ཕྱོགས་ཀྱི་ལྟ་ཚུལ་ལ་བར་ཁྱད་དེ་འདྲའི་ཆེན་པོ་གནས་པར་ཧ་ལས་བྱུང་།  དེ་ནི་འཇིག་རྟེན་གཉིས་དང་འདྲ་བོ་རེད།

ཀྲུའུ་ཝེ་ཆུན།   ངས་ཐོག་མར་ཁྱེད་ཀྱི་བཤད་སྟངས་ལ་ཡོ་བསྲང་ཅིག་བྱེད།  ཁྱེད་ཀྱིས་ཏྰ་ལའི་བླ་མའི་ཕྱོགས་དེར་“བོད་ཕྱོགས”ཞེས་གླེང་མོད།   ཏཱ་ལའི་བླ་མའི་ཕྱོགས་ནི“བོད་ཕྱོགས”མིན་ཏེ།     བོད་ལྗོངས་ཀྱི་ཚབ་བྱེད་ནི་ཀྲུང་གོ་ཀྲུང་དབྱང་སྲིད་གཞུང་གིས་འགོ་ཁྲིད་འོག་གི་བོད་རང་སྐྱོང་ལྗོངས་མི་དམངས་སྲིད་གཞུང་ཡིན་ལ།  ཏྰ་ལའི་རུ་ཚོགས་ནི་རྒྱལ་ཁབ་ལ་ངོ་ལོག་པའི་ཚོགས་པ་ཞིག་རེད།  ཏྰ་ལའི་བླ་མས་ཨ་རིའི་རྒྱལ་ཚོགས་ཀྱི“བྱེད་སྟངས་ལྔ”དང་ཧྥ་རན་སིའི་སུ་ཐུ་ར་བྷོའི“གྲོས་གཞི་གསར་པ་བདུན”གྱི་སྐོར་དེ་ལ་ང་ཡང་ཁྱེད་དང་འདྲ་བར་ནན་ཏན་གྱིས་ཞིབ་འཇུག་བྱས་པ་ཡིན།   གལ་ཏེ་ང་ཚོས་དོན་ཚན་རེ་རེ་བཞིན་རྩོད་པ་བྱས་ཚེ།   དེ་རིང་གི་གྲོས་བསྡུར་འདི་རྙོག་འཛིང་ཆེན་པོ་ཞིག་ཏུ་འགྱུར་ངེས།  ཁྱེད་ཀྱིས་ཏྰ་ལའི་བླ་མ་ལ་ཁ་བྲལ་གྱི་བསམ་ཕྱོགས་མེད་པར་བསྟན།  ངས་འདི་རུ་ཁོས་ཉེ་ལམ་གྱི་སྐད་ཆ་ཁ་ཤས་དྲངས་ནས་བཤད་དེ། ཏྰ་ལའི་བླ་མས་ཁ་ན་ཏའི་སྨྱན་སྦྱོར་གྱིས་བཅར་འདྲི་བྱེད་དུས་བཤད་རྒྱུར།  “དེང་སྐབས་བོད་མི་མང་པོར་ལྟ་ཚུལ་འདི་འདྲ་ཞིག་ཡོད་དེ།  བོད་མི་ཡོད་ཚད་ཀྱིས་རང་བཙན་བྱེད་འདོད་ལ།  ང་ཁོ་ནས་རང་བཙན་བྱེད་མི་འདོད”ཅེས་པ་དང་།  གལ་ ཏེ་ཁྱེད་ཀྱིས་ང་ལ་རང་གིས་རང་བཙན་བྱེད་འདོད་དམ་ཀྲུང་གོའི་ནང་དུ་འདུག་འདོད་ ཅེས་སྐད་ཆ་འདྲི་དུས། ལན་དེ་ནི་ང་ཚོས་རང་བཙན་བྱེད་འདོད་ཅེས་བཤད་པ་ཁོ་ཐག་ཡིན། ༢༠༡༢ལོའི་ཟླ༣པའི་ཚེས༢༥ཉིན།   ཏྰ་ལའི་བླ་མའི་གསར་འགྱུར་དྲ་བར་བཀོད་དོན།    ཏྰ་ལའི་བླ་མས“མི་རིགས་ལས་འགུལ་”ཞེས་པར་ཁ་བརྡ་བྱེད་དུས་བཤད་རྒྱུར།   “བོད་ལྗོངས་ལ་ལོ་རྒྱུས་སྟེང་བཤད་ན་རང་བཙན་བརྩོན་ལེན་གྱི་དབང་ཆ་ཡོད་ལ།  འདི་ནི་ཁེ་དབང་ཞིག་རེད། ངས་འཆད་པའི་དབུ་མའི་ལམ་ནི་དེང་གི་དཀའ་སྡུག་གི་གནས་བབ་ལ་དམིགས་པ་ཡིན།  དཀའ་ སྡུག་གི་གནས་བབ་འདི་བྱེད་ཐབས་ཅི་འདྲ་སྤྱད་ན་ཐག་གཅོད་ཐུབ་པའི་བྱེད་སྟངས་ཤིག་ ཡིན། དེ་བས་བོད་རང་བཙན་ལ་ཁོ་རང་གི་རྒྱུ་མཚན་དང་གནས་ལུགས་ལྡན”ཟེར།  ༢༠༡༡ལོའི་ཟླ༢པའི་ཚེས༡༡ཉིན། 《རྒྱ་གར་དུས་རབས་ཚགས་པར》དུ་བཀོད་པར།  ཏྰ་ལའི་བླ་མས་རྒྱ་གར་དུ་གཏམ་བཤད་སྤེལ་ཞིང་ཐ་ན་འུད་སྒྲོག་ཀྱང་བྱས་ཡོད།  “རྒྱ་གར་ལ་ཀྲུང་གོ་ལས་ལྷག་པའི་བོད་ལྗོངས་ཀྱི་བདག་དབང་བཟུང་ཆོག་པའི་གནས་ལུགས་ཡོད”ཅེས་སྐད་ཆ་འདིའི་རིགས་ཐེངས་མང་པོར་བཤད་སོང་།  ༢༠༡༡ལོའི་ཟླ༦པའི་ཚེས༩ཉིན། ཏྰ་ལའི་ཚོགས་ཁག་གི་སྲིད་གཞུང་རྫུན་མའི་འགོ་གཙོ་བློ་བཟང་སེང་གེ་ཡིས་རྒྱ་གར་གྱི《ཁ་བརྡ》དུས་དེབ་ལ་བཤད་རྒྱུར།  “བོད་རང་བཙན་དང་བོད་རང་སྐྱོང་གི་ལྟ་བར་འགལ་བ་མེད་དེ།  རྩོད་སྒྲུབ་ཀྱི་ཟུར་ནས་བལྟས་ན།  བོད་རང་བཙན་ནི་རྩ་དོན་གྱི་དམིགས་ཡུལ་དང་།  བོད་རང་སྐྱོང་ནི་དངོས་ཡོད་དམིགས་ཡུལ་རེད”ཟེར།  ཏྰ་ལའི་བླ་མ་དང་བློ་བཟང་སེང་གེ་ཡིས“དབུ་མའི་ལམ”དང“བོད་རང་བཙན”བར་གྱི་འབྲེལ་བ་བརྗོད་པ་ཧ་ཅང་གསལ་ཏེ།    ངས་གླེང་ཕྱོགས་འདི་འདྲར་རྒྱུན་དུ་དུས་དེབ་དང་ཚགས་པར་སྟེང་སྐྱོན་བརྗོད་བྱས་པ་ཡིན་མོད།  ཁོ་ཚོས་དེར་འགྲེལ་བཤད་ཅི་ཡང་བྱས་མེད།   དེ་འདྲའི་གླེང་ཕྱོགས་ལ་ངས་དཔེ་བརྗོད་ད་དུང་མང་པོ་དྲངས་ཆོག   ལྷག་པར་དུ་བློ་བཟང་སེང་གེ་ཡིས “བོད་རང་བཙན” ནི་རྩ་དོན་གྱི་དམིགས་ཡུལ་དང་།  “བོད་རང་སྐྱོང”ནི་དངོས་ཡོད་དམིགས་ཡུལ་ཡིན་ཞེས་པས་ཏྰ་ལའི་བླ་མའི་བསམ་ཚུལ་ལབ་ཡོད་པ་ཧ་ཅང་གསལ་པོ་རེད།  དེ་ཡང་ཆབ་སྲིད་སྟེང་ཐབས་ཤིན་ཏུ་མཁས་པོ་མིན་ཏེ།  ཏྰ་ལའི་བླ་མར་གཏོར་བརླག་ཆེན་པོ་ཐེབས་སྲིད་པ་དང་།  ཏྰ་ལའི་བླ་མ་དང་བློ་བཟང་སེང་གེའི་དེ་འདྲའི་གླེང་ཕྱོགས་ལ་ཀྲུང་གོ་ཀྲུང་དབྱང་སྲིད་གཞུང་གིས་ཁོ་ཚོར་ཡིད་ཆེས་བྱེད་སྲིད་དམ།    ཞོར་ནས་ངས་ཡང་འབྲེལ་ཡོད་ཀྱི་གནད་དོན་ཞིག་བཤད།   ང་དང་ཏྰ་ལའི་བླ་མའི་སྐུ་ཚབ་པ་ལོ་ངོ༡༠རིང་ཐེངས༡༠ལ་འཕྲད་མྱོང་།   ད་ལྟ་ཅིའི་ཕྱིར་འཕྲད་མི་ཐུབ་པ་རེད་ཟེར་ན།  དེའི་རྒྱུ་མཚན་ནི་བློ་བཟང་སེང་གེ་ཡིས་རྗེས་ཕྱོགས་ཀྱི་ཐུག་འཕྲད་ནི“ཡུལ་གྱར་སྲིད་གཞུང”དང་ཀྲུང་གོའི་སྲིད་གཞུང་བར་དུ་གྲོས་མོལ་བྱེད་རྒྱུ་ཡིན་ཞེས་པ་དང་།  ཏྰ་ལའི་བླ་མས་ཀྱང་ཐེངས་མང་པོར།   རྗེས་ཕྱོགས་ཀྱི་ཐུག་འཕྲད་གྲོས་མོལ་གྱི་བྱ་བ་བློ་བཟང་སེང་གེ་ཡིས་འགན་ཁུར་དགོས་ཞེས་བསྟན།  ཡང་ ཅིག་བཤད་ན། དེ་ནི་ཀྲུང་གོ་ཀྲུང་དབྱང་སྲིད་གཞུང་དང་ཁ་བྲལ་རིང་ལུགས་ཀྱི་སྲིད་གཞུང་རྫུན་ མའི་བར་གྱི་ཐུག་འཕྲད་གྲོས་མོལ་ཡིན་ཞེས་པ་དེ་རེད།    དོན་ དེའི་ངོ་བོ་ནི་ཏྰ་ལའི་བླ་མ་དང་བློ་བཟང་སེང་གེས་ཐུག་འཕྲད་གྲོས་མོལ་འགོ་ བརྩམས་མ་ཐག་ང་ཚོར་དོན་དངོས་ཐོག་སྲིད་གཞུང་རྫུན་མའི་ཁྲིམས་མཐུན་རང་བཞིན་ལ་ ཁས་ལེན་དུ་འཇུག་པའི་རེ་བ་བཅིངས་འདུག   ཆ་རྐྱེན་དེ་འདྲར་ཀྲུང་དབྱང་སྲིད་གཞུང་གཏན་ནས་ཡིད་འཐད་མི་སྲིད་པས།   ཐུག་འཕྲད་གྲོས་མོལ་གཏན་ནས་བྱེད་མ་ཐུབ་པ་རེད།

གསར་འགོད་པ།   ངས་ཁྱེད་དང་གྲོས་མོལ་བྱས་པའི་འཐུས་ཚབ་པ་ངོ་ཤེས་ཀྱིན་ཡོད།      ཁོ་ཚོས་གྲོས་མོལ་མི་བྱེད་པ་ནི་མིག་སྔའི་གནས་ཚུལ་འོག་གྲོས་མོལ་ལ་སྙིང་པོ་མི་འདུག་པས་ཡིན་ཏེ།    ཁོ་ཚོས་བོད་ལྗོངས“ཡུལ་གྱར་སྲིད་གཞུང”གི་མིང་ཐོབ་ཀྱིས་གྲོས་མོལ་བྱེད་པ་གཏན་ནས་བཤད་མྱོང་མེད་པ་དང༌།  ངས་ཤེས་གསལ་ལྟར་ན་ཁྱེད་ཀྱིས་གྲོས་མོལ་ཕྱོགས་ཀྱིས་ཁོ་ཚོའི་གྲོས་མོལ་རེ་བའི་ཐད་ཀྱི་སྙན་ཞུ་ཞིག་འབྲི་དགོས་ཟེར།   ཁོ་ཚོས་ཀྱང་བྲིས་འདུག ཁྱེད་ཀྱིས་ཕ་རོལ་ཕྱོགས་ཀྱི་ལྟ་བ་དང་ལེན་བྱེད་འདོད་མེད་ན།  ཅིའི་ཕྱིར་ཁོ་ཚོར་ད་དུང་གྲོས་མོལ་བྱེད་དགོས།

ཀྲུའུ་ཝེ་ཆུན།  དྲི་བ་དང་པོར།  ཁྱེད་ཀྱིས་བཤད་པའི“གྲོས་མོལ་འཐུས་ཚབ་པ”ནི་སྐུ་ཞབས་རྒྱ་རི་བློ་གྲོས་ཡིན་སྲིད།  དངོས་གནས་སྐུ་ཞབས་འདིས་ཁོས་བོད་ལྗོངས“ཡུལ་གྱར་སྲིད་གཞུང”གི་ཚབ་བྱས་ནས་ང་དང་གྲོས་མོལ་ གཏན་ནས་བཤད་མ་མྱོང༌།  ཁོས་བཤད་རྒྱུར་ཁོས་ཏཱ་ལའི་བླ་མའི་མི་སྒེར་གྱི་ཚབ་བྱེད་ཀྱིན་ཡོད་ཟེར།  རྒྱུ་མཚན་དེ་འདྲའི་དབང་གིས།  ང་ཚོས་ད་གཟོད་གྲོས་མོལ་བྱེད་ཐུབ་པ་བྱུང༌།  འོན་ཀྱང་དེང་སྐབས་ཏཱ་ལའི་ཚོགས་པས་སྲིད་འཛིན་པ་བློ་བཟང་སེང་གེ་ཡིས་ཡང་དང་བསྐྱར་དུ་རྗེས་ཕྱོགས་ཀྱི་ཐུག་འཕྲད་གྲོས་མོལ་ནི“ཡུལ་བྱོལ་སྲིད་གཞུང”དང་ཀྲུང་གོ་ཀྲུང་དབྱང་སྲིད་གཞུང་གཉིས་ཀྱིས་གྲོས་མོལ་བྱེད་དགོས་ཟེར། དེས་སྟབས་ཀྱིས་ཐུག་འཕྲད་གྲོས་མོལ་གྱི་རྨང་གཞིར་ཁྱོན་ཡོངས་ནས་གཏོར་བརླགས་བྱས་པ་རེད།   ངས་ཤེས་གསལ་ལྟར་ན།   སྐུ་ཞབས་རྒྱ་རི་བློ་གྲོས་ཡིས་བློ་བཟང་སེང་གེའི་སྤྱོད་ཚུལ་ལ་དོན་དངོས་སྟེང་འཐད་པ་མིན་པ་དང༌།  སྤྱིར་སྐུ་ཞབས་རྒྱ་རི་བློ་གྲོས་དང་ངེད་གཉིས་ཀྱི་ལྟ་བ་གཅིག་མཐུན་མིན་མོད།   འོན་ཀྱང་ངས་ཁོ་ལ་བརྩི་བཀུར་ཆེན་པོ་བྱེད་ཀྱིན་ཡོད།  ཁོ་ནི་དོན་དངོས་སུ་བློ་བཟང་སེང་གེ་སོགས་ཀྱིས་གྲོས་མོལ་གོ་གནས་ནས་མཐར་བསྐྲད་པ་རེད།    དྲི་བ་གཉིས་པར། ང་ཚོས་དུས་རིམ་སྔོན་མ་ཞིག་གི་རིང་དུ་ཐེངས་མང་པོར་ཏཱ་ལའི་བླ་མའི་མི་སྒེར་འཐུས་ཚབ་དང་གྲོས་མོལ་བྱས་པ་ནི།    ལོ་རྒྱུས་སྟེང་ཏཱ་ལའི་བླ་མས་རྒྱལ་ཁབ་ལ་ཧུར་ཐག་གིས་བྱ་བ་བསྒྲུབས་མྱོང༌།  ངས་བཤད་པ་ནི་བོད་ཞི་བའི་བཅིངས་འགྲོལ་དང༌།  ཆིངས་ཡིག་དོན་ཚན་བཅུ་བདུན་ལ་མིང་རྟགས་བཀོད་པ་དེ་ཡིན།   སྐབས་དེ་དུས་ཁོ་ནི་བོད་ས་གནས་སྲིད་གཞུང་གི་ཆབ་སྲིད་ཇུས་འགོད་མཁན་རེད།   ཏཱ་ ལའི་བླ་མའི་ཆོས་ལུགས་ཀྱི་ཐོབ་ཐང་ནི་ཀྲུང་གོ་ཀྲུང་དབྱང་སྲིད་གཞུང་གིས་གཏན་ འཁེལ་བྱས་པ་ཡིན། ང་དང་ཁོས་མི་སྒེར་འཐུས་ཚབ་པའི་གྲོས་མོལ་ནི་དོན་དངོས་ཐོག་ལོ་རྒྱུས་སྲོལ་ རྒྱུན་ལ་བརྩི་བཀུར་བྱས་པ་ཡིན།  དུས་རབས་སྔོན་མར་བཅོས་སྒྱུར་སྒོ་འབྱེད་བྱས་པ་ནས་བཟུང༌།  ཀྲུང་གོ་ཀྲུང་དབྱང་སྲིད་གཞུང་གིས་འཐུས་ཚབ་པ་མངགས་ནས་ཏཱ་ལའི་བླ་མ་དང་འབྲེལ་བ་བཙུགས་ཤིང༌།  ཐེངས་མང་པོར་ཁོས་ལྟ་སྐོར་ཚོགས་པ་བཙུགས་ནས་བོད་ལྗོངས་སུ་ལྟ་སྐོར་བྱེད་པར་གདན་འདྲེན་བྱས།  ང་ཚོར་དམིགས་ཡུལ་གཅིག་ཡོད་དེ།   དེ་ནི་ཁོས་ཁ་བྲལ་བྱེད་སྒོ་མཚམས་འཇོག་པར་བརྩོན་ལེན་དང༌།  རྒྱལ་གཅེས་ཀྱི་ཡང་དག་པའི་ལངས་ཕྱོགས་སུ་འགྲེངས་པ་ལས་ཁོ་དང“བོད་ཀྱི་གནད་དོན”ཞེས་པ་དེ་རིགས་ལ་གྲོས་མོལ་བྱེད་རྒྱུ་དེ་མིན།

གསར་འགོད་པ། ཁོང་གིས་སྔ་མོ་ནས་ཁ་བྲལ་ལས་འགུལ་མཚམས་བཞག་ཡོད་པ་རེད།

ཀྲུའུ་ཝེ་ཆུན། མ་རེད། དེ་ནི་ཁྱེད་ཀྱི་ལྟ་ཚུལ་རེད། ཁོང་ཚོས་བཤད་པའི་དབུ་མའི་ལམ་ཟེར་བའི་ངོ་བོ་ནི་བོད་རང་བཙན་ཟེར་བ་དེ་རེད། ངས་ད་ཅིར་གསལ་པོ་བཤད་ཡོད། ཁོ་ཚོར་ཡིག་ཆ་འབྲི་བའི་རེ་བ་ཞུས་པ་ནི། དོན་དངོས་སུ་ངས་སྐུ་ཞབས་རྒྱ་ར་བློ་གྲོས་ལ། ཁྱེད་ཅག་གིས་བཏོན་པའི་རེ་བ་དེ་དག་ལ་ཀྲུང་དབྱང་གིས་ཁྱེད་ཚོ་དང་གྲོས་མོལ་བྱེད་མི་སྲིད་མོད། འོན་ཀྱང་གལ་སྲིད་ཁྱེད་རང་ཚོའི་ལངས་ཕྱོགས་ལ་འགྱུར་བ་བཏང་སྟེ་སྐད་ཆ་གསལ་པོ་ ཞིག་གླེང་ཐུབ་པ་བྱུང་ན།  ང་ཚོས་ཁྱེད་ཚོ་ཀྲུང་དབྱང་གི་ཕྱོགས་ནས་ལངས་ཡོད་མིན་ལ་ཁྲུན་ཐག་གཅོད་སླ་ཞེས་ཡང་ནས་ཡང་དུ་བཤད་མྱོང་དེ་ཡིན། ནང་དོན་ཧ་ཅང་གསལ་ཏེ། གཅིག་ནས་ངས་ཁྱེད་ཅག་ལ་བོད་ལྗོངས་ཀྱི་ཆབ་སྲིད་གོ་གནས་རིགས་ཀྱི་སྐོར་ནས་གྲོས་མོལ་མི་བྱེད།  གཉིས་པ་ནི་ངས་ཁྱེད་ཅག་གི་ལངས་ཕྱོགས་ལ་འགྱུར་ལྡོག་བྱུང་ཡོད་མེད་ལ་བལྟས་ཆོག། མཐའ་མཇུག་ང་ཚོས་ཁོ་ཚོའི་ཡིག་ཆ་ལྟ་དུས་ཁོང་ཚོའི་ལངས་ཕྱོགས་ལ་འགྱུར་བ་བཏང་མི་འདུག

གསར་འགོད་པ།  ཁྱེད་ཀྱིས་གྲོས་མོལ་ཕྱོགས་གཉིས་ཀྱིས་ཕ་རོལ་བའི་ལྟ་ཚུལ་མི་འདྲ་བ་གང་རུང་ལ་གོང་བཀུར་བྱེད་པའི་བསམ་བློ་ནང་ལྟར་བཏང་ན་མི་ཆོག་གམ།  བོད་ཕྱོགས་ཀྱི་འཐུས་མིས་དེ་ལྟར་བསམ་གྱིན་ཡོད། གལ་སྲིད་ཁྱེད་ཀྱི་དམིགས་ས་ནི་ཕ་རོལ་པོ་ཁྱེད་ཀྱི་བསམ་ཚུལ་མཐུན་ཡོད་མིན་ལ་ཞིབ་བཤེར་བྱེད་པ་ཁོ་ན་ཡིན་ཚེ། དེ་འདྲའི་གྲོས་མོལ་ལ་དོན་སྙིང་ཡོད་དམ།

ཀྲུའུ་ཝེ་ཆུན། ང་ཚོས་དེ་ལ་ཐུག་འཕྲད་གྲོས་མོལ་ཟེར་བ་ལས་གྲོས་མོལ་མི་ཟེར། དཔེ་བཞག་ན། ངས་ཁྱེད་དང་གླེང་མོལ་བྱེད་པར་མཚོན་ན། ང་ཚོ་ནི་འདྲ་མཉམ་ཡིན། ཡིན་ན་ཡང་ཏཱ་ལའི་ཚོགས་ཁག་ལ་ཆ་བཞག་ན་ ༡༩༥༩ ལོར་ངོ་ལོག་ཟིང་འཁྲུག་བསླངས་ནས་ཕམ་ཁ་བྱུང་རྗེས་སུ་རྒྱལ་ཕྱིར་བྲོས་བྱོལ་དུ་ཕྱིན་ནས་བོད་རང་བཙན་རྒྱལ་ཁབ་བཙུགས་ནས་ཁྱབ་བསྒྲགས་བྱས་པ་དང༌།  རང་ཉིད་ཀྱི་རྩ་ཁྲིམས་དང༌། སྲིད་གཞུང༌། གྲོས་ཚོགས་སོགས་རྫུན་མ་བཙུགས་པའི་ངོ་ལོག་པའི་ཚོགས་ཁག་ཞིག་ཡིན་སྟབས། ཀྲུང་གོ་ཀྲུང་དབྱང་སྲིད་གཞུང་ཁོ་དང་འདྲ་མཉམ་གྱི་གོ་གནས་ཤིག་ནས་གླེང་མོལ་བྱེད་མི་དཔེ། ༡༩༦༤ ལོར། རྒྱལ་སྲིད་སྤྱི་ཁྱབ་ཁང་གི་ཚང་འཛོམས་གྲོས་ཚོགས་སྟེང་དུ་ཏཱ་ལའི་བླ་མའི་གོ་ཐོབ་མེད་པར་གཏོང་རྒྱུའི་སྐོར་གྱི་གྲོས་ཆོད་ལ་གྲོས་འཆམ་བྱུང༌། དེའི་ནང་དུ་ཏཱ་ལའི་གནད་དོན་གྱི་ངོ་བོ་དང༌། ཏཱ་ལའི་བླ་མའི་ ༡༩༥༩ ལོར་བསླངས་པའི་རྒྱལ་ཁབ་ལ་ངོ་ལོག་ནས་གསར་བརྗེ་ལ་རྒོལ་བའི་ངོ་ལོག་ཟིང་འཁྲུག་དང༌། ཕྱི་ཕྱོགས་སུ་བྲོས་བྱོལ་དུ་ཕྱིན་པ། བཙན་བྱོལ་སྲིད་གཞུང་རྫུན་པ་བཙུགས་པ། ཁྲིམས་རྫུན་མ་བཙུགས་པ་ལ་སོགས་པས་ཁོ་རང་སྔ་མོ་ནས་མེས་རྒྱལ་དང་མི་དམངས་ལ་གཏན་དུ་མི་མཇལ་བར་བདེན་དཔང་བྱས་ཡོད།   དེ་བས་ང་ཚོས་མུ་མཐུད་ནས་གྲོས་མོལ་བྱེད་པའི་དམིགས་ཡུལ་ནི་ཁོས་རང་གི་སྐྱོན་ངེས་ལེན་དང་བཅོས་བསྒྱུར་བྱས་ནས་ཀྲུང་དབྱང་སྲིད་གཞུང་དང༌།  རྒྱལ་ཡོངས་མི་དམངས་ཀྱིས་བཟོད་བསྲན་གནང་བར་རེ་བ་འདོན་པ་ལས།  ཁོའི་མེས་རྒྱལ་ཁ་བྲལ་དུ་གཏོང་བའི་བསམ་དོན་ལ་འདྲ་མཉམ་གྱིས་གྲོས་མོལ་བྱེད་པའི་འབྲེལ་བ་ཞིག་མི་གནས། ང་དང་སྐུ་ཞབས་རྒྱ་རི་བློ་གྲོས་གཉིས་སྒེར་ནས་འདྲ་མཉམ་ཡིན་ཡང༌། གླེང་མོལ་བྱེད་སྐབས།  ང་རང་ཀྲུང་དབྱང་སྲིད་གཞུང་གིས་མངག་པའི་མི་སྣ་ཞིག་ཡིན་པའི་ཆ་དང༌། ཁོང་རང་ཏཱ་ལའི་བླ་མའི་སྐུ་ཚབ་ཞིག་པའི་ཆ་དེ་གཉིས་ནས་ངས་ལྟ་སྟངས་ནན་པོ་འཛིན་པ་ལས་གཞན་མེད།

གསར་འགོད་པ།  འོ་ན་ཁྱེད་གཉིས་ཀྱི་གྲོས་མོལ་ལ་དོན་སྙིང་ཅི་ཡང་མེད་ལ། མ་འོངས་བར་ཡང་གྲོལ་མོལ་བྱེད་ཀྱི་མ་རེད་དམ།

ཀྲུའུ་ཝེ་ཆུན། ངས་ བསམ་ན་དོན་སྙིང་མེད་པ་མ་རེད། དོན་སྙིང་ནི་ང་ཚོའི་ཀྲུང་དབྱང་གིས་ལྟ་ཚུལ་དང་རེ་བ་ཁོ་ཚོར་བརྒྱུད་དེ་ཐད་ཀར་ཏཱ་ལཱའི་བླ་མར་སྤྲོད་རྒྱུ་དེ་ཡིན།

གསར་འགོད་པ། འདི་ནི་སྒེར་ངོས་ནས་ཡིན་ནམ།

ཀྲུའུ་ཝེ་ཆུན། ཡིན་ཏེ།  ངས་ཀྱང་ཏཱ་ལའི་བླ་མས་ཀྲུང་དབྱང་གིས་ཁོ་ལ་སྐྱོན་བརྗོད་གནང་བ་དེར་རྣམ་འགྱུར་ག་འདྲ་འཛིན་པ་དང་། འགྱུར་ལྡོག་གཏོང་མིན་དེ་ཡིན། ཐུག་འཕྲད་གྲོས་མོལ་བྱེད་པའི་སྒོ་ང་ཚོས་ད་རུང་བརྒྱབ་མེད། འོན་ཏེ་རྩ་དོན་ནི་སྔར་བཞིན་ཡིན། ཕྱི་རྒྱལ་གྱི་གྲོགས་པོ་འགས་སྐྲན་ནད་དེ་ང་ཚོ་དང་ཏཱ་ལའི་རུ་ཚོགས་བར་གྱི་འཐབ་རྩོད་ཀྱི་ངོ་བོ་གང་ཞིག་ཡིན་པ་ གསལ་བོར་ཤེས་ཀྱིན་མེད། དེ་གསལ་བོར་ཤེས་རྗེས་ད་གཟོད་གནས་ཚུལ་གཞན་དག་ཧ་གོ་བ་རེད།

གསར་འགོད་པ། ང་རང་གིས་ཧུར་བརྩོན་གྱིས་ཐུག་འཕྲད་གྲོས་མོལ་གྱིས་ངོ་བོ་ལ་རྒྱུས་ལོན་བྱས་པ་མ་ཟད། ཕྱོགས་གཉིས་ཀའི་ལྟ་སྟངས་ལ་ཡང་རྒྱུས་ལོན་བྱས་ཡོད།  གལ་ སྲིད་འདི་ལྟར་ཡིན་ན་གྲོས་མོལ་ལ་འབྲས་བུ་ཅི་ཡང་མེད།  ངས་ལྟོས་ན་ཏཱ་ལའི་བླ་མ་ནི་དོན་དངོས་ལ་གཞིགས་པའི་གྲོས་མོལ་བྱེད་གྲོགས་ཤིག་ རེད། གལ་སྲིད་ཉིན་ཞིག་ཁོང་ཚེ་འདས་བྱུང་ཚེ། ངས་བལྟས་ན་གྲོས་མོལ་ལ་དཀའ་ངལ་སྔར་བས་ཆེ་རུ་འགྲོ་སྲིད་ལ། འདི་ལྟར་ཆགས་ན་ཀྲུང་གོའི་ཁེ་ཕན་ལའང་མི་འཚམ་པ་རེད།

ཀྲུའུ་ཝེ་ཆུན།   ཏཱ་ ལའི་རུ་ཚོགས་ཀྱི་འཐབ་རྩོད་ནི་ང་ཚོས་བོད་ལྗོངས་འཕེལ་རྒྱས་དང་དམངས་ཕན་འཚོ་བ་ ཇེ་ལེགས་སུ་སོང་བའི་གཙོ་གནད་ཆ་རྐྱེན་རེད། དེ་བས་འདི་འདྲའི་ཁ་བྲལ་ཚོགས་པ་ཞིག་གིས་ཕྱི་རྒྱལ་དུ་ལས་འགུལ་བསླང་བ་དང་། ང་ཚོར་ཡང་གནོད་ཚབས་ངེས་ཅན་ཐོན་བཞིན་ཡོད་པས།  ཚོགས་ པ་འདིའི་ཁ་ཕྱོགས་ལ་ང་ཚོས་དོ་སྣང་བྱེད་དགོས་བྱུང་། ང་ཚོས་རེ་བ་ནི་ཁོང་སྐུ་བཞུགས་ཀྱི་དུས་ཚོད་ལ་དྲང་བདེན་གྱི་གདམས་གསེས་བྱས་ སྟེ། ཁ་བྲལ་ལས་ཕྱིར་འབུད་རྒྱུ་དེ་ཡིན།  དེ་ མིན་པར་ཁ་བྲལ་གྱི་ལངས་ཕྱོགས་བཟུང་ན། ང་ཚོར་ཡང་ཐབས་ཤེས་གཞན་མི་འདུག། ཆེས་རྨང་གཞིར་གྱུར་བའི་དོན་དངོས་ཞིག་ནི། བོད་ལྗོངས་ཀྱི་ལས་དབང་དང་མདུན་ལམ་ནི་བོད་ལྗོངས་མི་དམངས་དང་ཀྲུང་གོའི་མི་ དམངས་ཀྱི་ལག་ཏུ་ཡོད་ལ། ཏཱ་ལའི་ཚོགས་པའི་ལག་ཏུ་ཡོད་པ་མ་རེད། ངའི་བསམ་པར་ཡང་ཏཱ་ལའི་སྐུ་ཚེ་རིང་པོར་བཞུགས་པ་དང་། ཁོང་གིས་རྟགས་ལྟས་ལ་དགུང་ལོ་ ༡༡༣ ལ་བཞུགས་རྒྱུ་དང་། གལ་ཏེ་ཁོང་འདས་ཚར་བ་ལ་ཁ་ཤས་ནས་འཇིགས་བསྐུལ་གྱི་ལག་ཐབས་སྤྱད་དེ་ང་ཚོ་དང་ འགྲན་ཡང་། དེ་ལ་དོ་ཁུར་སྤུ་ཙམ་ཡང་མེད་ལ་ལོ་རྒྱུས་ཀྱི་སྔོན་མ་ནས་བདེན་དབང་བྱས་ཚར་བ་ ཞིག་ཡིན། འདི་འདྲའི་འགྲན་རྩོད་ཀྱིས་ནམ་ཡང་རྒྱལ་མྱོང་ཡོད་པ་མ་རེད།   གཞན་དེ་རིང་གི་འཇིག་རྟེན་ཁོར་ཡུག་དུ་སུ་ཞིག་གིས་འཇིགས་བསྐུལ་བསླངས་པ་དེ་ ཆབ་སྲིད་ཀྱི་རང་ཉིད་རང་གིས་སྲོག་གཅོད་དང་གཅིག་མཚུངས་རེད།  དེ་ རིང་ཉིད་ནས་གཟབ་ནན་གྱིས་ངས་སྐད་ཆར་ཉན་པར་བཀའ་དྲིན་ཞུ་བ་དང་། ཁྱེད་ནི་ད་ལྟའི་བར་དུ་ངས་མཐོང་བའི་ཕྱི་རྒྱལ་གསར་འགོད་པ་ལས་གནད་དོན་འདིའི་ ཕྱོགས་ཀྱི་རྒྱུ་ཆ་མང་པོ་ལྡན་པ་ཞིག་རེད། མཐའ་མཇུག་ངས་ཁྱེད་ལ་ཡིག་ཆ་ཞིག་སྟེར། ཕལ་ཆེར་ཁྱེད་རང་གི་ས་བཀྲ་འདི་དག་མཐོང་ཡོད་ཤས་ཆེ། འདི་ནི་ ༢༠༡༠ ལོར་བསྐྱར་པར་གྱི་ཏཱ་ལའི་རང་རྣམ་ཡལ་གྱར་ཁྲོད་ཀྱི་རང་དབང་ཞེས་པའི་ལྷན་ཐབས་རི་མོ་རེད། ཀྲུང་གོ་བ་སུ་དང་སུ་ཞིག་ཡིན་རུང་ས་བཀྲ་འདི་མཐོང་ཚེ་ཏཱ་ལའི་བླ་མར་དད་མོས་སྐྱེས་སྲིད་དམ།

གསར་འགོད་པ། བོད་ཆེན་མོ་ཟེར་བ་འདིར་ང་དང་ཁྱེད་གཉིས་ཀྱི་ལྟ་བ་གཅིག་མཐུན་དང་། ངས་བལྟས་ཀྱང་ཁོང་ཚོའི་རེ་བ་ཤིན་ཏུ་ཆེན་པོ་ཆགས་འདུག

ཀྲུའུ་ཝེ་ཆུན། ཁྱེད་ གྱི་མཉམ་འཇོག་གྱིས་དང་། ཁོང་གི་རེ་བ་ནི་བོད་ཆེན་པོ་ལས་མི་ཚད་པར། ཁོང་གིས་ས་བཀྲ་འདི་ལས་ཤིན་ཅང་གཙོས་ཤར་ཕྱོགས་ཏུ་རུ་ཀ་དང་སོག་པོའང་རྒྱལ་ཁབ་གཅིག་ལ་རྩིས་ཡོད་པ་རེད། ང་ཚོའི་ཏུང་པེ་ཞིང་ཆེན་གསུམ་ལའང་མིན་ཀྲིག་རྒྱལ་ཁབ་ཟེར་བ་སོགས་དཔེ་འདི་འདྲ་མང་པོ་ཡོད་པ་རེད།

གསར་འགོད་པ། འདི་དོན་དངོས་དང་འགལ་བ་ཞིག་རེད།