དེ་རིང་ཨ་རིའི་བདེ་སྲུང་དྲུང་ཆེ་ཡིས་ཉེ་ཆར་རྒྱ་ནག་རྒྱ་མཚོའི་ལྷོ་ཕྱོགས་སུ་ཨ་རིའི་དམག་གྲུ་ལ་རྒྱ་ནག་གི་དམག་གྲུ་ཞིག་གིས་གདོང་ཐུག་རྒྱག་གྲབས་བྱས་པའི་སྐོར་ལ་བསྒྲགས་གཏམ་སྤེལ་ཏེ་རྒྱ་ནག་ལ་སྐྱོན་བརྗོད་བྱས་འདུག
རྒྱལ་སྤྱིའི་བརྒྱུད་ལམ་ཁག་ནང་གནས་ཚུལ་ཐོན་པ་ལྟར་ན། བདུན་ཕྲག་གཉིས་ཙམ་གོང་ལ་རྒྱ་ནག་རྒྱ་མཚོའི་ལྷོ་ཕྱོགས་ཀྱི་སྤྱི་གཡར་མཚོ་ཁུལ་དུ། ཨ་རིའི་མཚོ་དམག་གྲུ་གཟིངས་ (USS Cowpen ) རྟགས་ཅན་དང་རྒྱ་ནག་གི་མཁའ་འགྲུལ་དམག་དོན་མཚོ་གྲུ་ལེའུ་ཎན་ (Liaoning)རྟགས་ཅན་གཉིས་གདོང་ཐུག་རྒྱག་གྲབས་བྱས་ཡོད་ཅིང་། དེར་ཕྱོགས་གཉིས་ཀྱི་མཚོ་དམག་ལ་ཞེད་སྣང་དང་ཁོང་ཁྲོ་ཆེན་པོ་བསླངས་ཡོད་པ་མ་ཟད། ཉིན་འདི་གར་རྒྱ་ནག་རྒྱ་མཚོ་ལྷོ་ཕྱོགས་ཀྱི་མཚོ་གླིང་བདག་དབང་ཐད་རྒྱལ་ཁབ་གཉིས་བར་ཚོར་བ་རྣོན་པོ་ཆགས་ཡོད་སྟབས། སྲིད་དོན་པ་ཚོས་གླེང་སློང་ཆེན་པོ་བྱས་ཡོད། དེ་བཞིན། ཨ་རིའི་བདེ་སྲུང་དྲུང་ཆེ་ཧེ་གྷལ་( Chuck Hagel) ལགས་ཀྱིས་ཨ་རིའི་མཚོ་དམག་གྲུ་གཟིངས་ས་ཚིགས་སུ་རྒྱ་ནག་གི་མཁའ་འགྲུལ་དམག་དོན་གྲུ་གཟིངས་བཏང་བ་དེ་ནི་རྒྱ་ནག་གཞུང་གིས་འགན་མ་འཁུར་བའི་ཚབས་ཆེའི་བྱ་སྤྱོད་ནོར་འཁྲུལ་ཅན་ཞིག་ཡིན་པ་དང་། གནད་དོན་དེས་ཨ་རྒྱའི་བར་གྱི་འབྲེལ་ལམ་ལ་དོ་ཕོག་འགྲོ་སྲིད་སྐོར་སོགས་བརྗོད་འདུག འོན་ཀྱང་། རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པས་ཨ་རིའི་བདེ་སྲུང་དྲུང་ཆེ་ཡིས། ང་ཚོས་རྒྱལ་སྤྱིའི་ཁྲིམས་ལུགས་ལྟར་མཚོ་ཐོག་དང་མཁའ་དབྱིངས་འགྲུལ་བཞུད་ཀྱི་ཐོབ་ཐང་དང་རང་དབང་ལོངས་སུ་སྤྱད་པ་དེར་ཨ་རིར་ཕོག་ཐུག་འགྲོ་དགོས་དོན་མེད་སྐོར་བརྗོད་འདུག
ཨ་རིའི་གསར་འགྱུར་བརྒྱུད་ལམ་ཁག་ནང་། ཨ་རྒྱའི་བར་གྱི་ཞི་བདེ་རྒྱ་མཚོའི་རྩོད་རྙོག་སྐོར་ལ་བགྲོ་གླེང་དང་། གལ་ཏེ། རྒྱལ་ཁབ་གཉིས་ཀྱིས་ཞི་བའི་གྲོས་མོལ་བརྒྱུད་ཕྱོགས་གཉིས་ཀྱི་འགལ་ཟླ་མ་སེལ་ཚེ། མ་འོངས་པར་དམག་འཁྲུག་འབྱུང་སྲིད་སྐོར་རྗོད་བཞིན་ཡོད་པ་དང་། ཨ་རིས་གཞུང་གིས་རྒྱ་ནག་གིས་ཉེ་ཆར་ཞི་བདེའི་རྒྱ་མཚོའི་མཚོ་གླིང་མཁའ་དབྱིངས་ཐིག་ཚད་ཅིག་ཁྱབ་བསྒྲགས་བྱས་པ་དེ་ངོས་ལེན་བྱེད་ཀྱི་མེད་པ་མ་ཟད། ཨ་རིའི་རྒྱལ་དོན་དྲུང་ཆེ་ཇོན་ཁཱེ་རི་ལྷོ་ཤར་ཨེ་ཤ་ཡའི་རྒྱལ་ཁབ་ཧྥི་ལི་ཕིན་དང་ཝེ་ཋི་ནམ་བཅས་སུ་གཟིགས་སྐོར་གྱིས་ཨ་སྒོར་ས་ཡ་ ༧༠ ཙམ་སྤྲད་དེ་ཞི་བདེའི་རྒྱ་མཚོའི་བདག་དབང་ལ་སྲུང་སྐྱོབ་ཡག་པོ་བྱེད་དགོས་པའི་སྐུལ་འདེད་དང་། རྒྱ་ནག་གཞུང་གིས་ཞི་བདེ་རྒྱ་མཚོ་དང་རྒྱ་ནག་རྒྱ་མཚོའི་ལྷོ་ཕྱོགས་ཁུལ་གྱི་བདག་དབང་རྩོད་གླེང་བྱེད་ཀྱི་ཡོད་པ་དེ་དག་འཕྲལ་དུ་མཚམས་འཇོག་བྱེད་དགོས་སྐོར་བརྗོད་ཡོད་འདུག
རྒྱལ་སྤྱིའི་ཐབས་ཇུས་ལྟེ་གནས་ཁང་གི་ཞིབ་འཇུག་པ་རེག་ཧྥེ་ཤཱར་ལགས་ཀྱིས། ཨ་རིའི་དམག་དོན་གྲུ་གཟིངས་ཁག་གིས་རྒྱ་ནག་རྒྱ་མཚོའི་ལྷོ་དང་ཤར་ཕྱོགས་ཁུལ་དུ་སྲིད་བྱུས་ལངས་ཕྱོགས་གང་འདྲ་འཛིན་གྱི་ཡོད་མེད་ཐད་རྟོག་ཞིབ་ནན་པོ་བྱེད་ཀྱི་ཡོད་སྟབས། རྒྱ་ནག་གིས་དེར་ངོས་ལེན་མེད་པའི་རྣམ་འགྱུར་བསྟན་པ་ཞིག་ཡིན་ཚུལ་དང་། ཨ་རྒྱ་གཉིས་བར་ཐོན་པའི་ཙི་ཙི་དང་ཞི་མིའི་འཐབ་རྩོད་དེ་མ་འོངས་པར་མུ་མཐུད་ཛ་དྲག་ཏུ་འགྲོ་རྒྱུ་ཡིན་སྐོར་སོགས་བརྗོད་འདུག
ལྷོ་ཤར་ཨེ་ཤ་ཡའི་སྲིད་བྱུས་ཆེད་མཁས་པ་ཁོར་ཎིན་ ( Richard Cronin) ལགས་ཀྱིས། གལ་ཏེ་ཨ་རི་དང་རྒྱ་ནག་གཉིས་ཀྱི་ཞི་བདེ་རྒྱ་མཚོའི་མངའ་ཁུལ་གྱི་རྩོད་རྙོག་ཐོག་གྲོས་མོལ་བརྒྱུད་དེ་སེལ་ཐབས་མ་བྱས་ཚེ། ཕྱོགས་གཉིས་བར་དམག་འཁྲུག་འབྱུང་སྲིད་སྐོར་དང་། ཉི་ཧོང་གི་དོ་དམ་འོག་ཡོད་པའི་ཞི་བདེ་རྒྱ་མཚོའི་མཚོ་གླིང་ཐོག་རྒྱ་ནག་གིས་མཁའ་དབྱིངས་ས་ཐིག་བཟོས་པ་དེ་ནི། རྒྱ་ནག་གིས་ཨ་རིའི་དམག་དོན་མཚོ་གྲུ་ཁག་ཞི་བདེ་རྒྱ་མཚོའི་མངའ་ཁུལ་ནས་ཕྱིར་འཕུད་གཏོང་ཆེད་དང་། ཞི་བདེ་རྒྱ་མཚོའི་མངའ་ཁུལ་དུ་ཨ་རིའི་ཤུགས་རྐྱེན་ལ་ཚོད་འཛིན་བྱ་ཆེད་ཡིན་སྐོར་སོགས་བརྗོད་འདུག
གསེར་འབྲུག་སྡེར་ལྔས་གསུངས་པར་བདེན་ཆ་ཆེ། ད་དུང་ཁ་སྣོན་ཙམ་གྱི་ཚུལ་དུ་གླང་དར་དང་། ཨོ་རྒྱན་ལྷན་རྒྱས་གཉིས་ཀྱི་དགོངས་དཔྱད་ཀྱི་སླད་དུ། སྤྱིར་ན་ད་ལྟའི་ཆར་འཛམ་གླིང་རྒྱལ་ཁབ་ཉིས་བརྒྱ་ཙམ་གྱི་ཁྲོད་དུ་རྒྱ་ནག་རྒྱལ་ཁབ་ཀྱི་དཔལ་འབྱོར་ནི་ཨང་རིམ་གཉིས་པའི་ཡང་རྩེར་སོན་ཡོད་པ་ནི་དོན་དངོས་ཀྱང་། དེའི་ཕྲག་སྟེང་གི་ཨང་རིམ་དང་པོ་དེ་ནི་ཨ་རི་རྒྱལ་ཁབ་ཡིན་པ་དེའང་དོན་དངོས་ཀྱི་གནས་བབ་ཅིག་ཏུ་ཀུན་ནས་གྲགས་ཏུ་ཡོད་པ་འདི་རེད། དེ་ནི་རྒྱལ་ཁབ་གཉིས་ཀྱི་དཔལ་འབྱོར་གྱི་ཧེ་བག་ཙམ་རེད། དོན་དངོས་གཞན་ཞིག་ལ་རྒྱ་ནག་ནི་རྒྱལ་ཁབ་དང་གུང་ཁྲན་ཏང་ཡོན་རྣམས་ཕྱུག་བདག་ཏུ་གྱུར་ནས་ཡོད་མོད། རྒྱ་ནག་མི་དམངས་དུང་ཕྱུར་བཅུ་གཉིས་ནི་སྤྱི་ཡོངས་ཀྱི་ཆ་ནས་ད་དུང་འབྱོར་འབྲིང་ཉུང་ངུ་དང་། གཙོ་བོ་སྐྱོ་བའི་འབྱོར་འབྲིང་དང་འབྱོར་མེད་ཉམ་ཐག་གི་ཁོངས་སུ་གཏོགས་ནས་ཡོད་པ་དང་། ཨ་རི་ནི་རྒྱལ་ཁབ་ཕྱུག་བདག་ཡིན་པ་ཙམ་དུ་མ་ཟད། མི་དམངས་ཀྱང་ཕྱུག་བདག་དང་། གཙོ་བོ་འབྱོར་འབྲིང་། ཆེས་ཉུང་ངུའི་ཉམ་ཐག་བཅས་སོགས་ཨ་རྒྱ་གཉིས་ཀྱི་དཔལ་འབྱོར་གྱི་ཁྱད་པར་ཧ་ཅང་ཆེན་པོ་ཡོད་པ་དེའང་དོན་དངོས་ཀྱི་གནས་སུ་གྱུར་ནས་ཡོད།
ད་ལྟའི་གནས་བབ་ལ་གཞིགས་ཏེ་དཔྱད་ཞིབ་མཁན་ཕལ་གྱིས་བརྗོད་གསལ། ད་དུང་མ་མཐའ་ཡང་ལོ་ངོ་ ༡༥ ནས་ ༢༠ བར་འདི་ལྟར་གནས་ངེས་ཡིན་སྐོར་བརྗོད་བཞིན་ཡོད།
ད་དུང་འཕྲུལ་དམག་དང་། གནམ་དམག མཚོ་དམག་བཅས་ཀྱི་ཐད་ནས་ཀྱང་ད་ལྟའི་ཆར་ཨ་རི་སྒང་དུ་རྒྱལ་ཁབ་གཅིག་ཀྱང་མེད་པར་མཁས་དབང་རྣམ་པས་མགྲིན་དབྱངས་གཅིག་མཐུན་རེད་འདུག་ན། ཁྱོད་གཉིས་ཀྱིས་གནས་སྟངས་དེ་དག་མཁྱེན་པར་མཛོད་ཅིག
གླང་དར་དང་ཨོ་རྒྱན་གཉིས་ལ་ཞུ་རྒྱུ་
གསེར་འབྲུག་སྡེར་ལྔས་དགོངས་འཆར་དེ་ག་འདྲེ་འདུག་??????????????????????
གསེར་འབྲུག་སྡེར་ལྔ ། མཆན་ལ་གོ་རྒྱུ་འདུག་ག་
མཆན་པ་ཏང་ཁྱི་འདི་གཉིས་ཀྱི་ཅི་ཞིག་བཤད་ཀྱིན་ཡོད་པ་རེད། ཨ་རིས་རྒྱ་ནག་ལ་ཞེད་སྣང་སྐྱེ་ཡི་མེད་པ་རེད་ལ་ཞི་བདེ་རྒྱ་མཚོའི་ཐོག་དབང་ཤུགས་ངེས་ཅན་བཟུངས་ཡོད་པ་རེད། ད་དུང་མཚོ་གླིང་བདག་དབང་ཐད་ཨ་རིས་ཐེ་བྱུས་བྱེད་སྟངས་ལ་བལྟས་ན་ཨ་རི་རྒྱ་ནག་ལ་ཞེད་པ་ཞིག་ཨེ་རེད། དེ་འདྲའི་ཞེད་སྣང་ཡོད་ན་ཐེ་བྱུས་རྩ་བ་ནས་བྱེད་ནུས་ཀྱི་མ་རེད། རྒྱ་ནག་གི་དཔལ་འབྱོར་ནི་གཞུང་དང་མི་དམངས་ཀྱི་དཔལ་འབྱོར་གཉིས་གནམ་སའི་བར་ཁྱད་ཤོར་ཡོད་པ་རེད། གཞུང་གི་དཔལ་འབྱོར་གྱི་མ་རྩ་ཨ་སྒོར་ཐོག་བཞག་ཡོད་པ་རེད། ད་ཆ་ཨ་སྒོར་ཛ་གནས་མར་ཤུགས་ཆེ་ཆགས་པར་བརྟེན་རྒྱ་ནག་ལ་གྱོང་རྒུད་ཤུགས་ཆེ་བྱུང་བས་སྐད་ངན་ཤོར་དང་ཤོར་མུས་རེད། དེ་མིན་ཚང་མ་འུར་སྒྲས་ཁེངས་པ་མ་གཏོག་ཐེ་ཝན་ཙམ་ཡང་བཅིངས་གྲོལ་གཏོང་མི་ཐུབ་པ་འདིས་གསལ་བསྟོན་བྱས་པ་རེད། གལ་ཏེ་རྒྱ་ནག་ཨ་རིར་ཁ་གཏད་བཅོག་ནུས་པ་ཞིག་ཡོད་ན་ཐེ་ཝན་བཅིངས་གྲོལ་བཏང་ཚར་ཡོད་རྒྱུ་རེད་ལ། ཞི་བདེ་རྒྱ་མཚོའི་མཚོ་གླིང་བདག་དབང་སྔ་ས་ས་ནས་ཚུར་བླངས་ཡོད་ཚོད་ཡིན།
རྒྱ་ནག་གི་དམག་སྟོབས་ཤུགས་ཆེན་པོ་རྒྱས་བཞིན་ཡོད་སྟབས་ཨ་རིའི་སྣང་བར་མ་སོང་ནས་སྡུག་སྐད་ཤོར་གི་ཡོད་པ་རེད། ཨ་རི་རྒྱ་ནག་ལ་ཞེད་སྣང་སྐྱེ་བཞིན་ཡོད་པ་རེེད། ཡིན་ནའང་ཐབས་ཡོད་པ་མ་རེད་རྒྱ་ནག་གི་ཕྱི་ལོགས་སུ་མཐོང་བའི་དམག་སྟོབས་དེ་ལས་ལྷག་གི་ནང་ཁུལ་དུ་དམག་མིའི་སྟོབས་ཤུགས་དང་མཆོན་ཆ་གསོག་འཇོག་བྱས་ཡོད་པ་རེད།
ད་ནི་ཕལ་ཆེར་ཨ་རིའི་རྒྱ་ནག་ལ་བརླག་འཁེལ་ཐུབ་པ་མ་རེད་བསམ་གྱི་འདུག དཔལ་འབྱོར་དང་དམག་སྟོབས། ཤེས་ཡོན་སོགས་ཕྱོགས་གང་ཐད་ནས་དཀའ་ལས་ཁག་པོ་ཆགས་ཚར་པ་རེད།་