ཆོས་བརྒྱུད་ཕ་ཡུལ་གཅིག་པ་ཕྱོཊ་འཐེན་མ་གནང་རོཊ།

སྐད་འཕྲིན་ནང་དུ་ཀླད་མེད་ཁོག་སྟོང་འགའ་ཞིག་གིས་ཚོགས་པ་བཙུགས་ཏེ་སྐད་ཆ་འདྲ་མིན་སྣ་ཚོགས་ཤོད་བཞིན་འདུག འདི་དག་ཡག་པོ་རྩ་བ་ཉིད་ནས་མ་རེད། ང་རང་གིས་ཚོགས་པ་ཁ་ཤས་ཀྱི་ནང་ནས་སྐད་ཆ་ལ་ཉན་པ་ཡིན། ཚོགས་པ་དེ་དག་གི་སྣེ་འཁྲིད་མཁན་རྣམས་ནི་མགོ་ལ་རེག་ན་སྐྲ་དང་རྐུབ་ལ་རེག་ན་སྐྱག་པ་ལས་མེད་མཁན་རྐྱང་རེད། ཚོགས་པ་དེ་དག་ནང་མི་རེ་ཟུང་གིས་སྤྱི་ལ་ཕན་ཐོག་ཡོད་པའི་སྐད་ཆ་རེ་བཤད་ནའང་ཀླད་མེད་ཁོག་སྟོང་ཚོས་མགོ་གནོན་འབུར་འཇོམ་གཏོང་གི་འདུག གནས་ཚུལ་དེ་དག་མཐོང་ཡོང་པ་ཡིན་ན་མཚམས་རེར་བཙན་བྱོལ་ནང་ནས་བསྡད་ན་ཆོལ་གཅིག་ཀྱང་མི་འདུག་སོ་སོའི་མི་ཚེ་འཕྲོ་བརླགས་རེད་བསམ་གྱི་འདུག

ཤར་ཕྱོགས་ཁུག་རྟས་ཚོགས་གཙོ་སྤེན་པ་ཚེ་རིང་མཆོག་གི་དགོངས་གཞི་ཞིབ་ཏུ་འགྲེལ་བཤད་གནང་བ།

ཀླུ་མཁར་ལྟ་བུ་གྲོས་ཚོགས་ནང་མེད་པའང་མིན་ཞིང། མཚན་སྨོད་དང་དགོངས་གཞིར་ལོག་འགྲེལ་ཞུ་མཁན་རེ་ཤོས་ཡོད་པ་ཚང་མས་མཁྱེན་གསལ་རེད། དེའི་ཆ་ནས་ཀླུ་མཁར་སླེབས་ན་གྲོས་ཚོགས་འཁྲུགས་འགྲོ་བའི་ཉེན་ཁ་མེད་པ་ཁྲ་ཁྲ་ཟང་ཟིང་གི་སྤྱི་ཚོགས་འདིའི་ནང་དཔལ་ལྡན་ཚོགས་གཙོ་མཆོག་ལ་ཉམས་མྱོང་བྱུང་ཡོད་པར་ཐེ་ཚོམ་གང་ཡང་མེད་པས། བླུན་པོ་ང་དང་ང་འདྲ་བ་ཚོས་དེའི་ཐད་རི་བོང་གནམ་རྡིབ་ཀྱི་སེམས་ཁྲལ་བྱེད་དགོས་མ་མཐོང། ངས་བསམས་ན་དཔལ་ལྡན་ཚོགས་གཙོའི་ཐུན་མིན་རིང་ལུགས་ནི་མདོ་སྨད་པ་ཞིག་ཡིན་ན་མི་ཐོག་རྒན་པ་ཚོའི་སྲོག་གིས་ཉོས་པའི་རིང་ལུགས་རྒྱུན་འཛིན་བྱེད་དགོས་ཏེ། ༸རྒྱལ་བ་ཡབ་སྲས་ཀྱི་བཀའ་དགོངས་སྙིང་བཅངས། རིགས་པའི་ལམ་ནས་ཡིད་ཆེས་ངེས་རྙེད་ཀྱིས་ཚེ་རབས་ནས་ཚེ་རབས་རྗེས་སུ་འབྲངས་རྒྱུ་དེ་གཙོ་བོ་འཛིན་གྱི་ཡོད་སྟབས། མདོ་སྨད་མི་མང་གི་ངོ་ཚབ་མཚོན་པའི་སྤྱི་འཐུས་ནང་༸རྒྱལ་བ་རིན་པོ་ཆེར་མཚན་སྨོད་ཞུ་མཁན་ཞིག་ཡོང་མ་དགོས་པ་དེ་ཁོང་གི་དམ་བཅའ་རེད་ལ། ཨ་མདོའི་གཏམ་དཔེར། ”བུ་བཟང་པོར་ཨ་ཕའི་རུས་ཡོད། མ་བཟང་མོར་ཨ་མའི་ཁྲེལ་ཡོད་”ཅེས་མི་ལོ་བརྒྱ་ཕྲག་དུ་མར་སྲོག་ཏུ་བཟུང་བ་དེ་རྩ་དོན་དུ་མི་འཛིན་མཁན་སུ་རེད། དེང་སང་དེ་ལས་ཀྱང་གསལ་བོ་ཞིག་ནི། མདོ་སྨད་ཀྱི་གསར་འབྱོར་སེར་སྐྱ་རྒན་གཞོན་དང་བཅས་པ་རྒྱུ་དངོས་རེག་ཐབས་དང་ཕྱི་རྒྱལ་དུ་ཐར་ཐབས། ཁ་སོས་ཐབས་ཀྱིས་རྒྱ་གར་དུ་སླེབས་པ་མིན་ཞིང། དེ་ནི་རྒྱལ་བ་རིན་པོ་ཆེའི་དགོངས་གཞི་བཞིན་བོད་དོན་སྒྲུབ་རྒྱུ་ཉག་ཅག་གི་ཆེད་དུ་ཡིན་པ་དེ་རེད་ལ། བོད་ནང་དེ་བས་ཀྱང་བཤད་ག་ལ་དགོས།གནད་དོན་འདི་མ་རྟོགས་པར་རེ་འགས་ཚོགས་གཙོས་ཀླུ་མཁར་བྱམས་ལ་སྡང་གཟུགས་སྟོན་གྱི་ཡོད་ཚུལ་བསམས་པ་ནི་རྦད་དེ་ནོར་བ་རེད། ༸རྒྱལ་བ་རིན་པོ་ཆེར་མཚན་སྨོད་ཞུ་མཁན་ཞིན་ཡིན་ན་ཕ་མ་གཅིག་གི་སྤུན་ཟླ་ཡིན་ཡང་ཁ་ཁ་ཆགས་ཀྱི་རེད་ལ། ཡང་ནས་བསྐྱར་དུ་མཚན་སྨོད་ཞུ་ན་བསམ་བློ་གཞན་ཞིག་གཏོང་བ་དེ་མདོ་སྨད་པ་ཚོའི་རང་གཤིས་ཁྱད་འཕགས་ཤིག་རེད། རིང་ནས་གཤིས་ལ་བགོས་པའི་ཕ་མེས་ཀྱི་ཚེ་ནོམ་དེ་ལོ་གཅིག་གཉིས་ནང་ཤར་ཤར་ས་ལ་སུ་ཡིས་རྒྱག་ཐུབ། གཏན་ནས་མི་ཐུབ་བོ།

༼ མཆན།། རྒྱུད་ལམ་སྣ་ཚོགས་སུ་གསལ། ཨ་མདོ་བ་ཚོས་ཆེས་དགའ་མོས་གནང་ས་དང་རྩ་དོན་ཉག་ཅིག་འདི་རེད། ༽

ཕྱོགས་ཞེན་ཡིན་མིན་གྱི་སྐད་ཆ་བཤད་རྐྱང་ཞིག་མ་རེད། གཚོ་བོ་འོས་གཞི་རྣམས་བསྡུར་ནས་བལྟ་དགོས། གལ་ཏེ་སོ་སོའི་ཆོལཁོངས་ཀྱི་མི་དེ་ཡག་ཤོས་ཡིན་ན་དེ་ལ་ཕྱོགས་རིས་བྱས་པ་རེད་ཅེས་ལྦ་མི་ཐུབ། དཔེར་ན་ཟམ་གདོང་རིན་པོ་ཆེ་ལྟ་བུ། ཁོང་ཆོལ་ཁའི་ཕྱོགས་རིས་ཀྱིས་གོ་འཕང་བརྙེས་པ་༷ཞིག་ཡིན་ནམ། གཏན་ནས་མིན། འདི་སྤྱིར་བཏང་གི་གནས་ལུགས་ཤིག་བརྗོད་པ་ཙམ་ཡིན།

ངོ་དེབ་སྟེང་ན་བགྲོ་གླེང་ཤུགས་ཆེ་བ་ཞིག

ཤར་ཕྱོགས་ ཁུག་རྟ།
5 January • Edited
ཀླུ་མཁར་བྱམས་ཀྱི་གསལ་བསྒྲགས་དང་འབྲེལ་བའི་བསམ་ཚུལ་ཐད་བརྗོད།

འོས་བསྡུ་དོན་ཚན ༥༡ ནང་གསེས ༢ བསྐྱར་བཅོས་སོང་བ་དེར་སྲིད་སྐྱོང་གིས་མཚན་རྟགས་བསྐྱོན་པའི་ཉིན་མོ་ནས་ལག་བསྟར་དགོས་པ་དེ་ཁྲིམས་སྒྲིག་ཁག་གི་སྤྱི་སྲོལ་དང་འདོར་དུ་མི་རུང་བའི་ཕྱག་རྒྱ་རེད། ཡིན་ནའང། མི་མང་པོར་བསྐྱར་བཅོས་སོང་བའི་འོས་བསྡུའི་སྒྲིག་གཞི་དེ་ལག་སོན་མ་བྱུང་བ་དང། འོས་བསྡུ་འགན་འཛིན་ནས་ཚོགས་དྲུང་ལས་ཁུངས་སུ་སྒུག་ཐོ་མེད་པས་བར་མའི་འོས་བསྡུ་བྱས་ན་འགབ་མིན་ཞུས་པ། དེ་བཞིན་དུས་བབ་གསར་འགོད་པའི་ལན་དུ་” བཅའ་ཁྲིམས་དང་འོས་བསྡུའི་སྒྲིག་གཞི་གཉིས་ཏོག་ཙམ་ཁ་ཁ་འདྲ་བོ་ཡོད་པ་རེད” ཟེར་པ་དང། ཡང། ” སྤྱི་འཐུས་སྐབས་བཅོ་ལྔ་པའི་དུས་ཡུན་ཕྱེད་ཙམ་རྫོགས་ཚར་རེད། གྲོས་ཚོགས་ཐེངས་ ༤ ཙམ་ལས་ལྷག་ཡོད་པ་མ་རེད། དེར་བརྟེན། གྲོས་ཚོགས་ཐེངས་ཁ་ཤས་ལ་མདོ་སྨད་སྤྱི་འཐུས་གཅིག་མེད་ན་འགྲིག་གི་འདུག་ཟེར་ནས་མདོ་སྨད་དབུས་རྒྱུན་ལས་ཁང་ནས་སྤྱི་འཐུས་ཚོགས་གཙོ་གཞོན་ལ་ཞུ་དགོས་པ་ཡིན་ན་འདྲ། བཀའ་ཤག་ལ་ཞུ་དགོས་པ་ཡིན་ན་འདྲ། དེ་འདྲ་ཞིག་བྱུང་པ་ཡིན་ན་དེ་གནས་ཚུལ་གཅིག་རེད། ཡིན་ནའང་བཀའ་ཤག་དང་སྤྱི་འཐུས་ཚོགས་གཙོ་རྣམ་གཉིས་ཀྱིས་དེ་ལྟར་བཀའ་གནང་ཐབས་ཡོད་པ་མ་རེད། དེ་མདོ་སྨད་ཆོལ་ཁ་རང་གི་ལག་ཏུ་ཡོད་པ་ཞིག་རེད།”ཟེར་པ་ལྟ་བུ་གཞུང་མང་ལ་ཤ་ཚ་དང་འགན་ཁུར་ཁྱོན་ནས་མེད་པ། གཞིས་ལུས་རྒྱ་ཆེའི་མི་མང་གི་སྤྱན་སྔར་ཡ་ང་བག་ཚ་གང་ཡང་མེད་པའི་གནང་སྟངས་འདི་རིགས་ཀྱིས་བོད་སྤྱི་དང། ཆོལ་ཁ་རེ་རེར་བསམ་བློ་ཞིག་གཏོང་དགོས་པའི་དྲན་སྐུལ་ངན་པ་བཏང་འདུག ད་དུང་ཀླུ་མཁར་བྱམས་ངོ་བཅར་ཞུས་སྐབས་ཀྱི་བཀའ་ལན་ལ་བལྟས་ན་ཨ་ཁ་བོད་མི་རིགས་འདིའི་ལས་འདི་བསམས་པ་ལས་ཅི་བྱ། མདོ་དོན་འོས་བསྡུ་འགན་འཛིན་གྱིས་འདི་ལས་མདོ་སྨད་པ་ཚོར་མཐོང་ཆུང་བཏང་རྒྱུ་གཞན་གང་ན་ཡོད།

ཡིན་ནའང། ཀླུ་མཁར་བྱམས་ཀྱིས་འདི་ཡོད་ཚད་ཀྱི་བྱེད་པོ་ཚོགས་གཙོ་མཆོག་ཡིན་པ་འདྲ་བོ་ཞིག་བཤད་འདུག་ཁར། གྲོས་ཚོགས་ནང་གི་སྨོན་ལམ་མཐར་ཕྱིན་དང་བང་ཚུལ་སོགས་ཀྱི་བཤད་སྟངས་ནང་བཞིན་ཚོགས་གཙོ་མཆོག་ལ་ཁ་གཏད་གཅོག་གང་ཐུབ་བྱེད་པ་དང། སྐབས་དེར་གྲོས་ཚོགས་ནང་གསུངས་པའི་ཚོགས་གཙོའི་འགྲེལ་བཤད་དེས་འོས་བསྡུ་འགན་འཛིན་ཝ་མོ་ལྟར་བྲན་དུ་བཀོལ་ཚུལ་བཤད་པ་ལ་ཅི་ནས་ཀྱང་ཁུངས་ལུང་ངེས་པར་དུ་དགོས་རྒྱུ་ནི་བཤད་ག་ལ་དགོས། དེ་ནི་དཔལ་ལྡན་ཚོགས་གཙོ་སྒེར་གཅོད་པ་ཞིག་དང། ༸རྒྱལ་བ་རིན་པོ་ཆེའི་གསེར་ཞལ་ལྷམ་མེར་བཞུགས་འོག་ཁྲམ་ལས་བྱེད་ཀྱི་ཡོད་པའི་རྣམ་པ་སྟོན་ཐབས། རྒྱ་ནག་གི་མདུན་སར་ངོ་ཚ་ཆགས་ཉེན་འདུག་སྟབས་འདིའི་བར་གྱི་ཡར་དཀྱོག་མར་དཀྱོག་འདི་ཀླུ་མཁར་གྱིས་ངེས་པར་དུ་གསལ་བཤད་གསལ་བོ་ཞིག་གནང་དགོས་པ་འདྲ། དེ་བཞིན་འོས་བསྡུ་སྒྲིག་གཞིའི་དོན་ཚན་རྙིང་པའི་འོག་ཐག་གཅོད་ཟིན་པ་རྣམས་འབྲུ་དོན་བསྐྱར་བཅོས་འོག་རོ་ལངས་རྒྱག་དགོས་བྱུང་ཚེ་ཁྲིམས་སྒྲིག་ཁག་ཀྱང་གར་འཐེན་ཆོག་ཆོག་ཅིག་ཡིན་སྟབས། དོན་དག་མེད་སར་གྱོད་བཙུགས་པ་ནི་སྟོང་གཏམ་ཁོ་ནར་ཟད།

གཞན་སྤྱི་འཐུས་ཀྱི་ཆ་ནས་བཤད་ན། ཀླུ་མཁར་ལྟ་བུ་གྲོས་ཚོགས་ནང་མེད་པའང་མིན་ཞིང། མཚན་སྨོད་དང་དགོངས་གཞིར་ལོག་འགྲེལ་ཞུ་མཁན་རེ་ཤོས་ཡོད་པ་ཚང་མས་མཁྱེན་གསལ་རེད། དེའི་ཆ་ནས་ཀླུ་མཁར་སླེབས་ན་གྲོས་ཚོགས་འཁྲུགས་འགྲོ་བའི་ཉེན་ཁ་མེད་པ་ཁྲ་ཁྲ་ཟང་ཟིང་གི་སྤྱི་ཚོགས་འདིའི་ནང་དཔལ་ལྡན་ཚོགས་གཙོ་མཆོག་ལ་ཉམས་མྱོང་བྱུང་ཡོད་པར་ཐེ་ཚོམ་གང་ཡང་མེད་པས། བླུན་པོ་ང་དང་ང་འདྲ་བ་ཚོས་དེའི་ཐད་རི་བོང་གནམ་རྡིབ་ཀྱི་སེམས་ཁྲལ་བྱེད་དགོས་མ་མཐོང། ངས་བསམས་ན་དཔལ་ལྡན་ཚོགས་གཙོའི་ཐུན་མིན་རིང་ལུགས་ནི་མདོ་སྨད་པ་ཞིག་ཡིན་ན་མི་ཐོག་རྒན་པ་ཚོའི་སྲོག་གིས་ཉོས་པའི་རིང་ལུགས་རྒྱུན་འཛིན་བྱེད་དགོས་ཏེ། ༸རྒྱལ་བ་ཡབ་སྲས་ཀྱི་བཀའ་དགོངས་སྙིང་བཅངས། རིགས་པའི་ལམ་ནས་ཡིད་ཆེས་ངེས་རྙེད་ཀྱིས་ཚེ་རབས་ནས་ཚེ་རབས་རྗེས་སུ་འབྲངས་རྒྱུ་དེ་གཙོ་བོ་འཛིན་གྱི་ཡོད་སྟབས། མདོ་སྨད་མི་མང་གི་ངོ་ཚབ་མཚོན་པའི་སྤྱི་འཐུས་ནང་༸རྒྱལ་བ་རིན་པོ་ཆེར་མཚན་སྨོད་ཞུ་མཁན་ཞིག་ཡོང་མ་དགོས་པ་དེ་ཁོང་གི་དམ་བཅའ་རེད་ལ། ཨ་མདོའི་གཏམ་དཔེར། ”བུ་བཟང་པོར་ཨ་ཕའི་རུས་ཡོད། མ་བཟང་མོར་ཨ་མའི་ཁྲེལ་ཡོད་”ཅེས་མི་ལོ་བརྒྱ་ཕྲག་དུ་མར་སྲོག་ཏུ་བཟུང་བ་དེ་རྩ་དོན་དུ་མི་འཛིན་མཁན་སུ་རེད། དེང་སང་དེ་ལས་ཀྱང་གསལ་བོ་ཞིག་ནི། མདོ་སྨད་ཀྱི་གསར་འབྱོར་སེར་སྐྱ་རྒན་གཞོན་དང་བཅས་པ་རྒྱུ་དངོས་རེག་ཐབས་དང་ཕྱི་རྒྱལ་དུ་ཐར་ཐབས། ཁ་སོས་ཐབས་ཀྱིས་རྒྱ་གར་དུ་སླེབས་པ་མིན་ཞིང། དེ་ནི་རྒྱལ་བ་རིན་པོ་ཆེའི་དགོངས་གཞི་བཞིན་བོད་དོན་སྒྲུབ་རྒྱུ་ཉག་ཅག་གི་ཆེད་དུ་ཡིན་པ་དེ་རེད་ལ། བོད་ནང་དེ་བས་ཀྱང་བཤད་ག་ལ་དགོས།གནད་དོན་འདི་མ་རྟོགས་པར་རེ་འགས་ཚོགས་གཙོས་ཀླུ་མཁར་བྱམས་ལ་སྡང་གཟུགས་སྟོན་གྱི་ཡོད་ཚུལ་བསམས་པ་ནི་རྦད་དེ་ནོར་བ་རེད། ༸རྒྱལ་བ་རིན་པོ་ཆེར་མཚན་སྨོད་ཞུ་མཁན་ཞིན་ཡིན་ན་ཕ་མ་གཅིག་གི་སྤུན་ཟླ་ཡིན་ཡང་ཁ་ཁ་ཆགས་ཀྱི་རེད་ལ། ཡང་ནས་བསྐྱར་དུ་མཚན་སྨོད་ཞུ་ན་བསམ་བློ་གཞན་ཞིག་གཏོང་བ་དེ་མདོ་སྨད་པ་ཚོའི་རང་གཤིས་ཁྱད་འཕགས་ཤིག་རེད། རིང་ནས་གཤིས་ལ་བགོས་པའི་ཕ་མེས་ཀྱི་ཚེ་ནོམ་དེ་ལོ་གཅིག་གཉིས་ནང་ཤར་ཤར་ས་ལ་སུ་ཡིས་རྒྱག་ཐུབ། གཏན་ནས་མི་ཐུབ་བོ།

ད་འོ་ན་ཤར་ཕྱོགས་ཁུག་རྟ་ཁྱེད་ཀྱིས་བསམ་ཚུལ་འདི་འདྲ་ཞིག་ཅིའི་ཕྱིར་བཤད་པ་ཡིན། ཁྱེད་ལ་སྤྱི་འཐུས་ཐོབ་ཆེད་མ་རེད་དམ་ཞེས་སྣ་རྩེ་ལས་མི་མཐོང་མཁན་ཚོས་དྲི་བ་གཏོང་གི་རེད། ཡིན་ནའང། ངས་འདི་ལྟར་བསམ་ཚུལ་ཞིག་འདོན་དགོས་པ་ནི། ཚང་མས་དྲ་རྒྱ་དག་བསྔོགས་ན་མཁྱེན་གསལ་བཞིན། ཉེ་བའི་ལོ་འགའི་རིང་ཀླུ་མཁར་བྱམས་ཀྱིས་མཚན་སྨོད་ཞུས་པ་སྟེ། དོལ་རྒྱལ་གཏན་འགོག་གི་མཛད་པ་དཔེ་གང་དུ་སྦྱར་མིན། དེ་རིང་གི་༸རྒྱལ་བ་རིན་པོ་ཆེས་ཅི་ཞིག་འཁྱོང་མིན། ༸རྒྱལ་བ་རིན་པོ་ཆེའི་སྐུ་ཚབ་པཎ་ཆེན་རིན་པོ་ཆེར་མཇལ་ཁར་མངགས་པ་ལྐོག་ཏུ་ངོ་རྒོལ་ལས་འཆར་ཡོད་གནས་ཀྱིས་༸རྒྱལ་བ་ཡབ་སྲས་བར་དམ་འགལ་འབྱུང་གཞི་སོགས་འདྲ་མིན་བཤད་པའི་སྐབས་དེ་ཤེད་དུ། ཁོ་བོས་རང་ཉིད་ཀྱི་བསམ་བློ་གཏོང་ཕྱོགས་ངོ་མའི་བཀའ་བཀོད་འོག་བདེན་དོན་གཞིར་བཞག་གིས་ཀླུ་མཁར་བྱམས་ཀྱི་བྱེད་སྟངས་དེ་ལུགས་འགྲིག་མེད་པ་ཡིག་ངག་གཉིས་ཐོག་རིམ་ཅན་དུ་ཞུས་ཡོད་པས། མཚན་སྨོད་དག་ཐེར་གྱི་ལོ་རྒྱུས་དང་འབྲེལ་བའི་རང་གི་བྱེད་ཕྱོགས་ལ་འགན་ཁུར་ཆེད་ད་ལམ་ཡང་བདེན་དོན་གནས་ཚུལ་དེ་དག་མཇུག་སྐྱོང་དགོས་པ་ནི་གཡོལ་ཐབས་མེད་གཤིས་བསམ་ཚུལ་འདི་བཤད་པ་ཡིན་ལ། སྐབས་དེར་ཁོ་པས་སྐུ་སྒེར་དྲུང་ཆེ་བྲེ་སྲང་ལ་ཀླུ་མཁར་བྱམས་ཀྱིས་མཇལ་ཁ་ཞུས་སྐབས་བཀའ་ལན་ཅི་གནང་གི་ཚིག་ཐོ། དེ་བཞིན་བདེ་སྲུང་དང་དྲ་རྒྱ་སོགས་ནས་མཚན་སྨོད་ཞུས་རིགས་ཀྱི་ཡིག་ཚགས་ཉར་འཇོག་བྱས་ཡོད་པ་རྣམས་གཙང་ཉར་བྱས་ཡོད་ལ། ལོ་རྒྱུས་ནང་གནས་ཆེད་དང་བོད་མི་སུ་འདྲ་ཞིག་དང་ལྷག་པར་མདོ་སྨད་པ་སུ་འདྲ་ཞིག་གིས་མཁྱེན་འདོད་ཡོད་ན་རེ་རེ་བཞིན་ཕུལ་ཆོག་ཅེས་ཀྱང་ཞུ་འདོད་བྱུང་བས།

ཀླུ་མཁར་གྱིས་” སྤྱི་འཐུས་གྲོས་ཚོགས་ཀྱི་གཞུང་འབྲེལ་ལས་རིམ་ཁག་གཙོ་སྐྱོང་བྱེད་སྐབས་ཀྱང་། ཁོ་བོ་༸རྒྱལ་རིན་པོ་ཆེར་མཚན་སྨད་ཞུ་མཁན་ཡིན་སྐོར་མིང་བཟུང་དོན་བཟུང་གིས་ནག་པོ་བཟོ་གང་ཐུབ་བྱེད་ཀྱིན་པ་ཀུན་གྱིས་མཁྱེན་གསལ་ཡིན་ན།”ཞེས་ནག་པོ་བཟོ་འདོད་ཙམ་དུ་འགྲེལ་བ་ནི་ཁས་ལེན་མ་འདོད་པ་ལས་ཁུངས་ལུས་རྩ་བྲལ་རེད་འདུག་པ་དང། ལར་ནས་གཞིས་བྱེས་མདོ་སྨད་རྒྱ་ཆེ་མི་མང་གིས་༸གོང་ས་ཆེན་པོར་མཚན་སྨོད་ཞུ་མཁན་རིགས་ལ་མདུང་རྩེ་ཁ་སྤྲོད་ཀྱི་རྒོལ་ལན་སློག་རྒྱུ་ཡིན་པ་དེ་དེ་བས་ཀྱང་སེམས་འཇགས་དགོས་ཀྱི་འདུག་ཅེས་ཞུ་བ་ཡིན་ལ། ཆིག་སྒྲིལ་དང་རྩ་དོན། རང་དབང་ཞེས་པ་སོགས་ཀྱང་རྒྱུ་མཚན་ལ་ཁྱད་གསོད་ཀྱི་ལམ་ནས་ནམ་ཡང་སྒྲུབ་ཐུབ་མེད་པ་དེའོ།།

༢༠༡༤། ༡། ༥།། ཉིན།།

འོས་བསྡུའི་འགན་འཛིན་རྣམ་པས་སྤྱི་ཚོགས་ནང་གི་རྙོག་དྲ་ལ་གཟུགས་ཏེ་དུས་ཐོག་ཆར་པ་ལྟ་བུའི་ལམ་སྟོན་འབོད་སྐུལ་གནང་འདུག དེང་སྐབས་སྤྱི་ཚོགས་བརྒྱུད་ལམ་ཁག་ཏུ་ལུང་པ་ཕྱོགས་པ་འཐེན་འཁྱེར་བྱས་ཏེ་སྤྱི་འཐུས་འོས་མི་ཁྱབ་བསྒྲགས་ཤུགས་ཆེན་པོ་བྱེད་ཀྱི་འདུག མི་དེ་དག་སྤྱི་འཐུས་ནང་ཡོང་པ་ཡིན་ནའང་མདོ་སྨད་ནང་ཁུལ་ཕན་ཚུན་ཕྱོགས་ལྷུང་འཐེན་འཁྱེར་བྱས་ཏེ་རྙོག་དྲ་ཆགས་རྒྱུ་ཡིན་པ་གདོན་མི་ཟ། ད་ལྟ་བརྒྱུད་ལམ་ཁག་ཏུ་འགྲོ་བཞིན་པའི་མདོ་སྨད་སྤྱི་འཐུས་ནང་འཚང་མཁན་དེ་དག་སྤྱི་ཚོགས་ནང་ལབ་གླེང་ཆེན་པོ་ཡོད་མཁན་རྐྱང་རྐྱང་རེད།

མི་ཚང་མར་ཕྱོགས་རིས་ཞེན་ཁོག་ཅུང་ཙམ་ཡོད་པ་དེ་ལས་སླ་བོར་སྤངས་ཐུབ་ཀྱི་མ་རེད།

ཡིན་ནའང། སྐབས་འདིར་ཚང་མས་སྤྱི་དོན་དང་དེ་ལས་ཀྱང་དེ་རིང་སང་ཉིན་གྱི་ཛ་དྲག་གི་གནས་སྟངས་ལ་དགོངས་པ་བཞེས་རྒྱུ་གལ་ཆེན་རེད། ད་ལྟའི་བཙན་བྱོལ་སྒྲིག་འཛུགས་ཀྱི་གནས་བབ་ལ་དཔག་ན་དབུ་མའི་ལམ་ལ་ཤུགས་ནུས་ཆ་ཚང་བསྐྱོན་ཐུབ་མཁན་ཞིག་སླེབས་དགོས་པ་དེ་གང་ལ་བལྟས་ཀྱང་གཡོལ་ཐབས་མེད་པ་ཞིག་རེད། དེ་མིན་རྒྱལ་སྤྱིར་མཁས་པ་ཞིག་སླེབས་ཀྱང་གནས་སྟངས་འདིའི་འོག་དེ་ཙམ་ཕན་ནུས་མི་ཐོན་པ་གསལ་བོ་རེད།།

སྤྱི་འཐུས་གཅིག་གི་ས་མིག་ཐོག་ལུང་ཚན་དང་ཡུལ་ཕྱོགས་གཅིག་པ་འཐེན་འཁྱེར་བྱེད་ཀྱི་ཡོད་པ་དེ་ཡག་པོ་མི་འདུག སྐད་འཕྲིན་ནང་དུ་ཚོགས་པ་འདྲ་མིན་བཙུགས་ཏེ་གྲོས་བསྡུར་འདྲ་མིན་དང་སྐད་ཆ་སྣ་ཚོགས་བཤད་ཀྱིན་འདུག དངོས་གནས་དྲང་གནས་སྐྱུག་བྲོ་བ་ཞིག་འདུག མི་ངན་ཐ་ཤལ་བ་རེ་ཟུང་གིས་མགོ་འཁྲིད་དེ་མདོ་སྨད་ནང་ཁུལ་ལ་གཏོར་ཞིག་གཏོང་གི་འདུག གནས་ཚུལ་ཐབས་སྡུག་དེ་དག་བོད་ནང་གི་བོད་མི་ཚོས་གོ་བ་ཡིན་ན་སེམས་ཤུགས་ཆགས་ས་རེད། སྐུ་མཁྱེན། སོ་སོ་མི་ཕྱེད་ཀ་ཆགས་ཚར་ན་ཡང་། མི་གཞན་ལ་གས་ཆགས་མ་གཏོང་རོགས་གནང་།

ང་རང་གི་དོགས་གཞི་ད་དུང་སངས་ཐུབ་མ་སོང་། དུས་བབ་གསར་འགོད་པའི་དྲི་བ་གནད་དུ་འཁེལ་བ་བཏང་འདུག་ཀྱང་ལན་གསལ་བོ་མི་འདུག སྒྲིག་གཞི་གསར་པར་སྲིད་སྐྱོང་གིས་མཚན་རྟགས་བརྒྱབ་པའི་ཉིན་ནས་ལག་བསྟར་བྱེད་དགོས་ན། ཨང་རིམ་རྩེ་བཏོག་མ་རྒྱག་པར་བསྐྱར་དུ་འོས་བསྡུ་བྱེད་དོན་ག་རེ་ཡིན་ནམ། བརྒྱ་ཆ་ལོན་མི་དགོས་པར་ཨང་རིམ་རྩེ་བཏོག་རྒྱག་རྒྱུ་དེ་སྒྲིག་གཞི་གསར་པའི་དགོངས་དོན་རེད། དེ་ལག་བསྟར་མི་བྱེད་པར་བར་མའི་འོས་བསྡུ་བྱེད་དགོས་པར་ཐག་གཅོད་མཁན་སུ་ཞིག་ཡིན་ནམ། སྒྲིག་གཞིའི་ནང་དེ་ལྟར་གསལ་ཡོད་དམ། སྒྲིག་གཞིའི་ནང་གསལ་མེད་ན་ཁྲིམས་ཞིབ་ལ་བཀའ་འདྲི་ཞུ་མི་དགོས་པར། སྒྲིག་གཞི་རྙིང་པའི་སྐབས་བཅོ་ལྔ་པའི་འོས་བསྡུ་ལ་མི་ཁྱབ་པ་དང་། སྐབས་བཅོ་ལྔ་པར་སྤྱི་འཐུས་རྩ་དགོངས་ཞུས་ན་བར་མའི་འོས་བསྡུ་བྱེད་དགོས་ཞེས་གང་དུ་གསལ་ཡོད། འདི་དག་ཁ་གསལ་བོ་མི་འདུག

རེ་སྐུལ་དེ་ཡག་པོ་གནང་འདུག ཁ་སང་དེ་རིང་ངོ་དེབ་དང་སྐད་འཕྲིན་སོགས་ཀྱི་ནང་དུ་མདོ་སྨད་པ་ཚོས་ལུང་ཚན་ཕྱོགས་འཐེན་ཤུགས་ཆེན་པོ་བྱེད་ཀྱི་འདུག དེ་དག་གིས་སོ་སོའི་ཕ་ཡུལ་གཅིག་པ་ཞིག་སྤྱི་འཐུས་ནང་འགྲོ་ཐུབ་ན་བསམ་པ་དེ་གཅིག་པོ་མ་གཏོག སྤྱི་འཐུས་དེས་མདོ་སྨད་མི་མང་ལ་ཕན་ཐོག་ན་བསམ་པའི་ཀུན་སློང་ཡོད་པ་མ་རེད། དེ་ཡག་པོ་མ་རེད། ང་རང་གི་བསམ་པ་ཡིན་ན་ད་རེས་མདོ་སྨད་ཀྱི་སྤྱི་འཐུས་དེ་ལུང་ཚན་ཕ་ཡུལ་གཅིག་པ་ཕྱོགས་འཐེན་མི་བྱེད་མཁན་གྱི་མདོ་སྨད་སྤྱི་ཡོངས་ལ་ལྷག་བསམ་དཀར་པོ་འཆང་མཁན་ཞིག་ཡིན་དགོས་པ་རེད་བསམ་གྱིན་འདུག