མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

གསེར་རྟའི་རྩོད་རྙོག་བར་མའི་འོས་བསྡུའི་ནང་མ་བསྲེས་རོགས།

བོད་ཀྱི་དུས་བབ།
༢༠༡༤/༠༡/༢༡
Share on FacebookShare on TwitterShare on EmailShare on Whatsapp

རྡོ་རྗེ་དོན་གྲུབ།

གསེར་རྟའི་རྙོག་གླེང་དང་འབྲེལ་ནས། ཡང་ན་གསེར་རྟ་མདོ་སྨད་ཡིན་པའི་དཔང་རྟགས་སུ། གསེར་རྟའི་མི་ཞིག་སྤྱི་འཐུས་ནང་འོས་འཕེན་པ་དེ་ནོར་འཁྲུལ་རེད། དེ་བཞིན་མདོ་སྟོད་ཡིན་པའི་སྒྲུབ་བྱེད་དུ་འོས་བླུགས་ཏེ་སྤྱི་འཐུས་ཆགས་ཐབས་བྱེད་པ་དེའང་ནོར་འཁྲུལ་རེད། འདི་རིགས་ནི་ཞེན་ཁོག་བྱེད་མ་ཤེས་པ་དང་། ཤེས་ཡོན་མེད་པའི་ཞེན་ཁོག་བྱེད་སྟངས་ཤིག་རེད། ད་ལྟའི་སྐབས་ང་ཚོ་བོད་གངས་ཅན་པ་ཚོར་གསེར་རྟ་རྩོད་པའི་དུས་ཚོད་ཅིག་ཏུ་ཁྱོན་ནས་སླེབས་ཡོད་པ་མ་རེད། མ་གཞི་ནས་གསེར་རྟ་གང་དུ་གཏོགས་མིན་གྱི་བདེན་དཔང་ངོ་མ་ལོ་རྒྱུས་ཁོ་ནས་བྱེད་པ་མ་གཏོགས། དཀོན་མཆོག་གིས་བདེན་དཔང་བྱེད་ཐུབ་ཀི་མ་རེད་ལ། དཔོན་པོས་ཀྱང་བྱེད་ཐུབ་ཀི་མ་རེད། གསེར་རྟ་གང་དུ་གཏོགས་མིན་ནི་ལོ་རྒྱུས་རང་གིས་ཐག་གཅོད་དགོས་པ་འདི་ཚང་མས་སེམས་ལ་ཉར་རོགས།

མདོ་སྟོད་ཁོངས་གསེར་རྟ་མདོ་སྟོད་ཡིན་ཚུལ་གྱི་སྤྱི་འཐུས་ཤིག་གྲོས་ཚོགས་ནང་སླེབས་ཡོད་ན། མདོ་སྨད་ཀྱིས་ཀྱང་དེ་ལྟར་གནང་དགོས་དོན་གཏན་ནས་མི་འདུག་སྙམ། སྔ་མོར་དེ་ལྟར་གནང་བ་རེད། གནང་བས་མདོ་སྟོད་སྨད་གཉིས་ལ་ཕན་འབྲས་གང་ཡང་ཐོན་མེད་ཁར། བོད་སྤྱི་ལ་དེ་བས་ཀྱང་ཕན་འབྲས་གང་ཡང་ཐོན་མེད། རང་གི་བསམ་བློའི་ནང་གསེར་རྟ་རྩོད་ཀྱི་ཡོད་པའི་བསམ་ཚུལ་ཞིག་འཁྱེར་ནས་ཁ་ནས་ཅང་མ་གསུངས་པར་འོས་བླུགས་ནའང་། ངོ་ཐོག་ཕྱོགས་ཞེན་ཁོ་ན་ཆགས་ཡོད་པ་རེད་ལ། དེ་དྲང་པོ་མ་རེད། ༸གོང་ས་མཆོག་གི་དགོངས་གཞི་ལའང་མཐུན་གྱི་མེད་པ་རེད། གསེར་རྟ་བ་ཞིག་གིས་རང་ཉིད་མདོ་སྟོད་སྨད་གང་གི་ཁོངས་སུ་གཏོགས་མིན་གྱི་རྣམ་འགྱུར་སྟོན་ས་དང་ཐ་ཚིག་སྒྲོག་ས་གྲོས་ཚོགས་རྭ་བའི་སྡིངས་ཆ་འདི་རེད་བསམས་ན་རྣམ་དཔྱོད་མ་རྒྱས་པའི་གླེན་རྟགས་རང་རེད། མིས་ག་རེ་བྱེད་མིན་ལ་མ་བལྟས་པར། རང་རང་སོ་སོས་བླང་དོར་མ་ནོར་པ་བྱེད་དགོས་པ་༸རྒྱལ་བའི་ལམ་སྟོན་རེད། དེའི་ཆ་ནས་གསེར་རྟ་བ་དག་གིས་ཆོལ་ཁུངས་ག་རེ་ཡིན་མིན་སྟོན་ཆེད་བོད་སྤྱི་པའི་འཐུས་མིའི་ས་མིག་འདི་ལ་ལྷད་མ་བཏང་ན་ཡག་པོ་འདུག་བསམས་སོང་།

སྔ་མོར་གསེར་རྟ་ཚུལ་ཁྲིམས་གཉིས་ཀྱིས་རྩོད་པ་མང་པོ་བྱས་པ་རེད། རྩོད་ཀྱིན་རྩོན་ཀྱིན་དོན་དངོས་བཤད་རྒྱུ་ལས་འཁོན་འཛིན་གྱི་རྣམ་པ་ཇེ་ཆེར་སོང་པ་རེད། མ་འོངས་པའང་དེ་འདྲ་ལས་གཞན་ཡོང་རྒྱུ་མེད་པ་དེའང་ཤེས་གསལ་རེད། མཇུག་མཐར་ཕྱོགས་གཉིས་ཀྱི་སྐྱོན་མཚང་སྔོག་རེ་བྱས་ཏེ་ཇོ་འཛིང་རང་བྱས་ཡོད་པ་རེད། དེ་ལྟར་བྱུང་ན་སྤྱི་ཚོགས་ལའང་གནོད་ཀྱི་འདུག་ལ། མི་རབས་གསར་པ་ཚོའི་མཐུན་ལམ་ལ་དེ་བས་ཀྱང་གནོད་ཀྱི་འདུག དེང་སང་རྩོད་གཞི་དེའི་རྐྱེན་འཁོན་འཛིན་གྱི་རྣམ་པ་ག་ཚོད་ཐོན་ཡོད་མེད་ཚང་མས་ཤེས་གསལ་རེད། ད་ཐེངས་མདོ་སྨད་ཀྱི་བར་མའི་འོས་བསྡུ་དང་འབྲེལ་ནས་གསེར་རྟ་བ་ཞིག་གིས་གྲ་སྒྲིག་བྱེད་ཀྱི་ཡོད་པ་འདྲ་ལ། སྤྱི་ཟུར་ལགས་ཀྱིས་རང་གིས་མི་བཟང་པ་རྒྱུ་མཚན་དུ་དྲངས་ཏེ་དགོངས་པ་ཞུས་ཀྱང་། གསེར་རྟ་བ་གཞན་ཞིག་བསླེབ་རྒྱུར་རྒྱབ་སྐྱོར་གང་ཡོང་ཅི་ཡོང་བྱེད་ཀྱི་ཡོད་པ་འདྲ། དེ་ནི་འོས་འཚམས་ཤིག་རེད་དམ། སྤྱི་ཟུར་ཁོང་གིས་ཕྱོགས་རིས་ཀྱི་རྣམ་པ་དེ་གྲོས་ཚོགས་ནང་མ་ཡོང་ན་ཞེས་གསལ་བསྒྲགས་སྤེལ་ཏེ་དགོངས་པ་ཞུས་རྗེས་ཡང་མི་གཞན་ཞིག་བསླེབ་ཐབས་བྱས་ན། དེ་དྲང་པོ་མ་རེད་ལ་ཁ་ཞེ་མ་མཚུངས་པའི་རྟགས་ཀྱང་རེད་འདོད།

མ་གཞི་ནས་གསེར་རྟའི་ལོ་རྒྱུས་ཀྱི་དོན་དངོས་ཞིབ་འཇུག་དང་གསལ་བཤད་སྔ་ན་མེད་པ་ཞིག་གནང་འདོད་ཡོད་ན། གྲོས་ཚོགས་ཀྱི་ཕྱི་རོལ་གྱི་མི་དཀྱུས་མ་ཞིག་གིས་གནང་ན་དེ་ལ་གཟི་བརྗིད་ཆེན་པོ་འདུག་བསམས་ལ། དེ་ལྟར་གནང་ན་ལོ་རྒྱུས་ཀྱི་གནད་དོན་རྐྱང་པ་ཞིག་ཆགས་རྒྱུ་ལས། བོད་མི་ནང་ཁུལ་ལ་འཁོན་འཛིན་འགལ་ཟླར་འགྲོ་གཞི་མེད་པ་རེད། དེ་མིན་རྐྱེན་དེའི་སེམས་རྒྱུད་བརླན། དེ་ནས་གནད་དོན་འདྲ་མིན་སྟེང་གྲོས་བསྡུར་བགྲོ་གླེང་བྱེད་དུས་བསམ་ཤེས་མ་ཐུབ་པ། ཉན་རེ་མི་བྱེད་པ། བརྩི་འཇོག་མི་བྱེད་པ་སོགས་དེ་སྔ་བཞིན་ཡོང་ངེས་སྟབས། མདོ་སྨད་མི་མང་སོ་སོའི་ངོས་ནས་༸གོང་ས་ཆེན་པོའི་ཐུགས་རྗེའི་ལམ་སྟོན་འོག་བོད་སྤྱི་པ་རང་ལ་དགོངས་བཞེས་གནང་ནས་ཕྱོགས་རིས་ཅན་གྱི་འོས་ཤོག་ཅིག་རྩ་བ་ནས་མ་ལྡུགས་རོགས་ཞེས་མ་ཞུ་ཐབས་མེད་ཆགས་སོང་ལ། མདོ་སྟོད་སྨད་སུ་ཞིག་ཡིན་རུང་གསེར་རྟའི་ལོ་རྒྱུས་ཀྱི་དོན་དངོས་ནམ་ཡང་བརླག་མི་ཉན་པའང་ཆབས་གཅིག་ཞུ་ཐལ་ཤོར་སོང་།

 

༢༠༡༤། ༡། ༡༩། ཉིན།།

འབྲེལ་ཡོད་གསར་འགྱུར།

Advertisement for App

༸གོང་ས་རྒྱལ་བ་རིན་པོ་ཆེ་མཆོག་དགུང་གྲངས་ ༩༠ ལ་ཕེབས་པའི་སྐུའི་འཁྲུངས་སྐར་ལ་འཚམས་འདྲི་ཞུ།

ཆུ་ཚོད་ ༨ སྔོན་ལ།
Photo Credit: The European Parliament
༸གོང་ས་མཆོག གསར་འགྱུར།

རྒྱ་ནག་གཞུང་གིས་སྐུའི་ཡང་སྲིད་ལ་ཐེ་ཇུས་བྱེད་མཚམས་འཇོག་དགོས་པའི་སྐུལ་མ་བྱས།  

ཆུ་ཚོད་ ༩ སྔོན་ལ།
བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༠༧།༠༥
༸གོང་ས་མཆོག གསར་འགྱུར།

བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༠ སྔོན་ལ།
The BBC visited the Kirti monastery in Aba as the Dalai Lama turned 90
Mobile App

༧སྐུའི་གོ་སྟོན་དང་འབྲེལ་བོད་ནང་དུ་དམ་དྲག་ཤུགས་ཆེན་བྱེད་བཞིན་འདུག

༢༠༢༥/༠༧/༠༤
རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག ལྷ་སྲས་བསོད་ནམས་ཀྱི་པར། ༢༠༢༥།༧།༤
Mobile App

རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག

༢༠༢༥/༠༧/༠༤
༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༧།༤
༸གོང་ས་མཆོག གསར་འགྱུར།

༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས།

༢༠༢༥/༠༧/༠༤

མཆན། 23

  1. སྐར་ཁྲི་བཙན། says:
    ལོ་ 11 སྔོན།

    བལ་སྡོད་ཨ་མདོའི་གཡོག་པོ་བྱས་པའི་དུས།།
    བལ་ཡུལ་མདོ་སྨད་རྒྱུན་ལས་བྱེད་པའི་སྐབས།།
    ཨ་མདོ་བ་ལ་མཁོ་བའི་མི་བུ་དེ།།
    མདོ་སྟོད་གསེར་རྟ་རེད་ཅེས་ཕུད་མཁན་མེད།།

    དེ་རིང་ཁ་རྩང་གཏམ་འདི་ཧ་ཧ།།
    ཨ་མདོ་བ་འདི་དོན་དུ་ཁྲེལ་མེད་དམ།།
    མདོ་སྨད་བ་ལ་ངོ་མ་ངོ་ཚ་མེད།།
    ཟུར་གནས་སུ་ཡིས་ཐོས་ན་ཧོ་ཧོ།།

    རང་གི་དྲི་ངན་རང་གིས་མི་ཚོར་བར།།
    གཞན་ལ་མཛུབ་མོ་ཀེར་བའི་གཤིས་ཀ་འདིི།།
    ཕོ་ངན་མི་ལ་མ་བགོས་ཐུན་མོང་གིས།།
    དཔྱོད་ལྡན་མི་ལ་གོས་འདོད་འཁྲུལ་བའི་བློ།།

    Reply
  2. ཨེ says:
    ལོ་ 11 སྔོན།

    འདིར་ལ་སྐད་ཅོར་མ་རྒྱག
    གསེར་རྟའི་མི་དམངས་འདེམས་ཀ་བྱེད་ཡ་དབང་ཆ་རེད་མ་གཏོགས་དེ་མིན་བྱུས་གཏོགས་མེད།
    བོད་རིགས་ནང་ཁུངས་ལ་མ་གཏོགས་གཞན་ལ་སྐད་རྒྱག་ཐུབ་ཀྱི་མི་འདུག་གམ།
    སྙིང་རྗེ།

    Reply
  3. ཤེད་ཅན། says:
    ལོ་ 11 སྔོན།

    གསེར་རྟ་ཟེར་པ་གང་ན་ཡོད་མེད་མི་ཤེས་ཨེ། གསེར་རྟ་མདོ་སྨད་མགོ་ལོག་ཨ་སྐྱོང་དཔོན་པོའི་མངའ་ཞབས་ཀྱི་ས་ཆ་ཆུང་ཆུང་ཞིག་རེད། ཕྱིས་སུ་མདོ་སྨད་པ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོའི་སྐབས་༸ཀུན་གཟིགས་བཅུ་པ་ཆེན་པོའི་གཟིགས་སྐྱོང་འོག ཆོས་རིག་གི་བསྟི་གནས་བླ་རུང་ལྔ་རིག་ནང་བསྟན་སློབ་གླིང་བཙུགས་ཏེ་དེང་སང་སངས་རྒྱས་ཆོས་དང་བོད་ཀྱི་རིག་གནས་སྐད་ཡིག་གོམས་གཤིས་དང་བཅས་པ་ཕན་རླབས་ངེས་ཅན་ཞུ་ཐུབ་མཁན་གྱི་ས་གནས་ཤིག་ཆགས་རྒྱུའི་སྟ་གོན་བྱས་ཚར་ཡོད་པ་རེད།།

    Reply
  4. གངས་རྡེའུ། says:
    ལོ་ 11 སྔོན།

    གོམ་ལག་མཛོམས་པའི་རྟ་ཞིག་ང་མེད། །
    རྙོག་ལངས་མེད་པའི་ངོ་མ་སྐྱིད་ཀི །
    གསེར་རྟ་ཟེར་བ་གང་གི་གང་རེད། །
    བོར་བའི་ས་ཞིག་འདི་ན་མི་འདུག །

    ལོ་རྒྱུས་ལོ་རྒྱུས་ཟེར་བ་འདི་ཡང་། །
    རྒན་པོ་འཁྱོག་དོ་ཞིག་གི་གཏམ་རེད། །
    བདེན་པ་བདེན་པ་ཟེར་བ་འདི་ཡང་། །
    ཕྱོགས་ཞེན་རྒན་པོ་ཁ་མཁས་ཤིག་རེད། །

    སུ་ལ་ཐོབ་པའི་རྒྱ་ཞིག་མ་འཇོག །
    གཞུང་ལ་མཁོ་པའི་མི་ཞིག་བཙལ་རོགས། །
    རིགས་ལ་གཅེས་པའི་དཔོན་ཞིག་རག་ན། །
    དམིངས་ལ་ཕན་པའི་སྨན་ནི་དེ་རེད། །

    Reply
  5. ཀེ་ཏ་ཀ says:
    ལོ་ 11 སྔོན།

    གནས་ཚང་གིས་ཐུགས་ཁྲལ་མ་གནང།

    ཉིད་ནས་གཞན་དཀྲུགས་འདོད་མེད་ཀྱང། རང་འཁྲུགས་ཏེ་སོ་ན་མི་གནས་པའི་གཏམ་འབའ་ཞིག་བཤད་བཞིན་པ་ཤེས་སོང་ན་དེས་ཆོག མ་གཞི་ནས་ཆོས་ཉིད་མི་འགྱུར་བའི་རང་གཤིས་ལྟར། ༸གོང་ས་མཆོག་དང་ལམ་དབུ་མ་སོགས་ལ་སྐྱོན་འདོགས་ཀྱིས། སྲིད་སྐྱོང་ཤོག་སེང་ལ་བསྟོད་བསྔགས་བཏང་པ་དེས་ཁུངས་མི་འཁྱོལ་བ་ཤེས་ཡོད་ན་དེར་དགའ། ཧཧཧཧ

    Reply
  6. གནས་ཚང་། says:
    ལོ་ 11 སྔོན།

    ཀེ་ར་ཀ་ཟེར་བ་འདི་མདོ་སྨད་དཀྲུགས་མཁན་ཤ་སྟག་ཅིག་རེད། འདས་མ་ད་གསུམ་ལ་མདོ་སྨད་པར་ནང་ཟིང་སློང་བསྡད་ཡོད་པས། སུས་ཀྱང་ཉན་འཇོག་གནང་མདོག་ཁ་བོ་མི་འདུག

    Reply
  7. མི་སྨྲ་བ། says:
    ལོ་ 11 སྔོན།

    ལྷོ་ཕྱོགས་ཡུལ་དུ། གསེར་རྟའི་སྤྱི་ཟུར་དང་དེའི་ཕྱོགས་གཏོགས་ཀྱིས་ཤར་ཕྱོགས་ཁུག་རྟ་ལགས། བློ་ཐག་ཆོད་པོ་དང་སྙིང་སྟོབས་ཆེ་ཡ་མང་དྲག་ནས་ཅུང་དྲག་པོའི་རྣམ་པ་འདུག མ་འོངས་པར་རང་བཙན་ཁ་ལ་ཁྱེར་ནས་འདྲ་མིན་བཤད་མཁན་ཚོའི་མགོ་འགྱོག་རྒྱུ་མེད་པ་བཟོ་ཙང། དེའི་སྟབས་ཀྱིས་སྤྱི་ཚོགས་ནང་མ་བདེ་བ་ཡོང་སྲིད། དེ་བས་དེ་ལས་ཞི་འཇམ་པ་ཞིག་བླུགས་ན་དགའ་ཚུལ་བསྒྲགས་ཀྱི་འདུག་ཟེར། འདི་ནི་བཤད་སྟངས་མཁས་པོ་འདྲ་ཡིན་སྲིད་མོད། ད་ལྟའི་གནས་བབ་འདི་དང་སྲིད་བྱུས་ལངས་ཕྱོགས་འདིའི་འོག་དོན་དམ་མདོ་སྨད་ལ་སྤྱི་འཐུས་གང་འདྲ་ཞིག་དགོས་མིན་སྟེ། ངས་མ་བཤད་ཀྱང་ཚང་མས་མཁྱེན་གསལ་རེད། གཙོ་བོ། མདོ་སྨད་ནང་བཙན་བྱོལ་བོད་མིའི་སྒྲིག་འཛུགས་ཀྱི་སྐོར་ལ་རྦད་དེ་རྒྱུས་མངའ་ཉུང་ཉུང་རེད། དེ་གཉིས་གཙོ་བོར་བཟུང་ན་སྤྱི་འཐུས་ཡག་པོ་ཞིག་སླེབས་ཐུབ་ཀྱི་རེད། དེ་ནས་འདྲ་མིན་བཤད་ནས་ཅང་ཕན་ཐོགས་ཡོང་གནས་མ་མཐོང།།

    Reply
  8. ཀེ་ཏ་ཀ says:
    ལོ་ 11 སྔོན།

    རྒྱ་རྙི་ཟེར་པ་དེ་ང་ཚོའི་མདོ་སྨད་སྤྱི་འཐུས་ཤིག་མ་རེད་དམ།
    བཀྲ་ཤིས་དོན་གྲུབ་ཡག་བཙོག་བཤད་ཀྱི་མི་འདུག གསེར་རྟའི་རྙོག་གླེང་ཐག་ཆོད་མ་བྱུང་བར་གསེར་རྟ་བ་ཞིག་ཕྱོགས་གང་ནས་སླེབས་པ་ཡིན་ནའང། དེ་ཕྱོགས་རིས་ཀྱི་རྣམ་ཅན་ཆགས་འགྲོ་བ་དངོས་ཡོད་གནས་ཚུལ་ལ་སོང། བསམ་བློ་གཏོང་དགོས་པ་ཏན་ཏན་རེད། མདོ་སྨད་སྤྱི་འཐུས་ནང་བརྒྱ་ཆའི་བརྒྱད་བཅུ་གནས་ཚད་ལོང་བཞག་པ་དེ་འདྲ་གང་ཡང་མིན་སྟབས། སྤྱི་མཚུངས་ཤིག་སླེབས་ན་དེ་བས་ཀྱང་ཕན་ཐོགས་འབྱུང་རྒྱུ་ཁག་པོ་རེད།

    Reply
  9. ཀེ་ཏ་ཀ says:
    ལོ་ 11 སྔོན།

    གནས་ཚང་ལ། སྐུ་ངོ་ཚོགས་གཙོས་མ་འོངས་རང་སྐྱོང་གི་སྒྲོམ་གཞི་དང་དེའི་ནང་ཁུལ་སྲིད་འཛིན་དབྱེ་སྟངས་ད་ལྟ་ནས་བོད་ཕྱོགས་ཀྱིས་ཅིག་བཤད་ཀྱི་བསྡད་ན་སོ་ན་མི་གནས་པའི་གཏམ་ཡིན་པ་གསལ་བོ་མཁྱེན་གི་རེད། དེ་བས་ཁྱེད་ཀྱིས་ཁྱེད་རང་ཞུ་དག་ཡག་ཐག་ཆོད་ཅིག་གཏོང་དགོས་པ་འདྲ། འཆམ་པ་ངོར་རྒྱུགས་ཏེ་སྣ་ཆུ་མིག་ཆུང་ཟགས་པའི་ངང་ཚུལ་འདི་ལས་ངན་སྨྲས་བྱེད་འདོད་ཀྱང། རིགས་པ་དང་གཏན་འགལ་ཞིག་མ་བྱས་ན་གཅིག་བྱས་ན་མི་རེ་འགའ་མགོ་སྐོར་འོག་ཚུད་སྲིད་པ་རེད།

    Reply
  10. ཆབ་བྲག་ལྷ་མོ་སྐྱབས། says:
    ལོ་ 11 སྔོན།

    ས་རྨ་ཆུའི་ཁུགས་སོ་མ་གླེང། ཆོལ་ཁའི་ས་མཚམས་མ་རྩོད།
    ཨ་མདོ་ཁམས་པ་དབུས་གཙང་གསུམ་པོ། རང་གི་མི་ལ་ངོ་སྤྲོད་ཆེ་དགོས།

    གསེར་རྟ་ཤོར་ན་ཤོག་ཆུག འཆོར་ས་བོད་ཡུལ་ཁམས་རེད།
    སྐུ་འབུམ་ཤོར་ན་མི་ཆོག འཆོར་ས་ནག་པོ་རྒྱ་རེད།

    སྤྱི་འཐུས་སུ་ཐོབ་སུ་རེད། མང་མོས་དམངས་གཙོའི་ལུགས་རེད།
    བདག་གི་འདོ་རིག་རྟ་ཕོ། སྟག་ཤར་ཤར་ཕྱོགས་ཁུག་རྟ།
    འཐོབ་པའི་བསང་ཞིག་གཏོང་རྒྱུ། མ་ཐོབ་འགྱོད་པ་ཅང་མེད།
    སང་ལོ་ཡང་བསྐྱར་རྒྱུག་ཆོག ཧ་ཧ་ཧཧ་ཧ་་་

    Reply
  11. གནས་ཚང་། says:
    ལོ་ 11 སྔོན།

    སྐུ་ངོ་སྤྱི་འཐུས་ཚོགས་གཙོས་ཨ་རི་ནས་གསལ་པོ་དག་པོ་གསུངས་སོང་། བོད་ཁུལ་རང་སྐྱོང་ཁུལ་གསུམ་དུ་བཟོ་རྒྱུ་དང་། དེ་དག་ནི་བོད་རང་སྐྱོང་ལྗོངས། མཚོ་སྔོན་བོད་ཁུལ། ཟི་ཁྲོན་བོད་ཁུལ་བཅས་རེད། དེ་བས་གསེར་རྟ་ནི་ཟི་ཁྲོན་བོད་ཁུལ་ཁོངས་གཏོགས་རེད།

    Reply
  12. ཧོར་བུ་ཡེ་ཤེས says:
    ལོ་ 11 སྔོན།

    སྤྱིར་ང་ཚོའི་ཆོལ་ཁ་གསུམ་ཞེས་པ་དེ་སོག་རྒྱལ་གྱི་ཁོང་རང་ལ་དགོས་དབང་གིས་བཟོས་འདུག །ཡིན་ནའང་ང་ཚོ་དེ་ལ་འཐམ་ནས་བསྡད་ཡོད་པ་རེད །ལོ་རྒྱུས་ནང་ལ་ཀོང་པོའི་བར་ལ་ནས་རྨ་ཁུག་དང་པོའི་ཚུར་ཆད་མདོ་སྟོད་མི་ཡི་ཆོལ་ཁ་ཟེར་ཡོད་པ་གསལ་པོ་རེད་ལ་ཚང་མས་ཤེས་གསལ་རེད །དེ་ན་གསེར་རྟ་དེ་རྨ་ཁུག་དང་པོའི་ཕར་ཕྱོགས་འདུག་གམ་ཚུར་ཕྱོགས་འདུག་ལྟོས་ན་ཤེས་གསལ་རེད །དེ་ལ་རྩོད་པ་རྒྱག་དགོས་དོན་ཅི་འདུག །

    Reply
  13. ཐོས་པ་དགའ། ཐོག་མར་རང་ཉིད་ངོས་བཟུང says:
    ལོ་ 11 སྔོན།

    རྡོ་རྗེ་དོན་འགྲུབ་ཟེར་པ་ཁྱོད་ཀྱིས་མིང་བྱང་རྫུན་མ་རེའི་འོག་ནས་སྤྱི་ཚོགས་ནང་དཀྲུག་ཤིང་ལྟ་བུའི་རྩོམ་ཡིག་མ་སྤེལ་ན་ལེགས་པར་སེམས།

    Reply
  14. མགར་སྟོང་བཙན། says:
    ལོ་ 11 སྔོན།

    ཀེ་ཏ་ཀས་བཤད་པ་ལྟར།

    ངས་བསམས་ན་སྤྱི་འཐུས་ཐུབ་བསྟན་ལུང་རིགས་ལགས་དང་ཚོགས་གཙོ་སྤེན་པ་ཚེ་རིང་གཉིས་ཚད་ལྡན་རེད། དེ་གཉིས་མདོ་སྨད་ཙམ་མ་རེད་ཡོངས་གྲགས་རྩེ་གྲས་ཁོངས་རེད།

    དེའི་འཕྲོར་མདོ་སྨད་ཀྱི་སྤྱི་འཐུས་བརྒྱད་ལ་གནས་ཚད་འདང་ངེས་ཤིག་འཛོམས་མེད། མ་འཛོམས་པའི་ཐད་འདི་དག་རེད། ༔

    གཅིག་འཛིན་སྐྱོང་གི་སྐོར་དང།
    གཉིས་ཆབ་སྲིད།
    གསུམ་སྐད་ཡིག་གཞན་རྒྱུད་པའི་རྒྱལ་སྤྱིའི་ཆབ་སྲིད་བཅས་ཀྱི་སྐོར།
    བཞི། སྨྲ་ལྕེ་ཕལ་ཆེར་ཕྱེད་ལྐུགས་རྐྱང་རེད།
    ལྔ། བོད་རིག་པའི་གནས་ཚད་ཚད་ལོངས་པ་ཞིག་ཀྱང་མི་འདུག

    དེའི་ཆ་ནས་སྤྱི་འཐུས་འདི་དག་ལས་ཡག་པོ་ཞིག་ངེས་པར་དུ་འདེམས་དགོས་པ་དེ་གལ་ཆེན་རེད།

    Reply
  15. མི་རྟག་པ། says:
    ལོ་ 11 སྔོན།

    ཨ་རོ། གནས་ཚང། དཀར་མཛེས་མཚོ་སྔོན་ཞིང་ཆེན་གྱི་འོག་ཡིན་པས་ཅང་བཤད་ཡ་ལྷག་མི་འདུག

    Reply
  16. ཀེ་ཏ་ཀ says:
    ལོ་ 11 སྔོན།

    གནས་ཚང་ལ།

    ”གལ་སྲིད་སུ་ཞིག་གིས་དབུ་མའི་ལམ་ལ་རྒྱབ་བསྐྱོར་གནང་གི་ཡོད་ན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ལྟར་གནང་དགོས་ཀྱི་ཡོག་རེད། དེ་བས། དཀར་མཛེས་ནི་མཚོ་སྔོན་གྱི་མངའ་ཁོངས་འཁྲུལ་མེད་རེད། རྩོད་ཡ་ལྷག་ཡོག་མ་རེད། དེ་ལྟ་མ་ཡིན་ན། གནས་ཚུལ་ལོག་ག་རེད།”

    Reply
  17. ཀེ་ཏ་ཀ says:
    ལོ་ 11 སྔོན།

    སྤྱི་ཟུར་ཚུལ་ཁྲིམས་འོད་ཟེར་གྱིས་ཞབས་འདྲེན་གང་ཡང་ཞུས་མེད་ལ། དེ་གླེང་དགོས་པ་མ་རེད། ཕར་ཕྱོགས་ནས་ཅིག་བྱེད་ཀྱི་འདུག་ཟེར་ཞོར་ཚུར་ཕྱོགས་ནས་རང་གིས་བྱེད་ཀྱི་ཡོད་པ་མ་ཤེས་ན་དངོས་གནས་རང་རྒྱ་རྙིའི་ནང་ཚུད་ཡོད་པའི་རྟགས་རེད།

    བཀྲ་ཤིས་དོན་གྲུབ་ལ་སྤྱི་འཐུས་ཀྱི་ཆ་རྐྱེན་ཚང་མིན་གསལ་བོ་མ་ཤེས། ཤེས་མཁན་ཚོས་གསུངས་རོགས་ཞུ། ངས་བསམས་ན་ད་ལྟའི་མདོ་སྨད་སྤྱི་འཐུས་བརྒྱ་ཆའི་བརྒྱད་བཅུ་ནང་བཞིན་བཀྲ་ཤིས་དོན་གྲུབ་ཀྱང་འཛིན་སྐྱོང་གི་འགྲོ་ལུགས་སྔོན་རྩིས་ཚོགས་ཆུང་གི་སྙན་ཐོ་སོགས་ལ་མཁྱེན་དཔྱོད་ཡོད་པ་རེད་བསམས་ཀི་མི་འདུག

    དེ་མིན། སྲིད་བྱུས་ལངས་ཕྱོགས་དང་གདུང་སེམས་མཉམ་བསྐྱེད་ལྟ་བུའི་རིགས་ལ་བཤད་རྒྱུ་ཅུང་ཙམ་རེ་ཡོད་ངེས་རེད། དེ་དེང་སང་སྲང་བར་གྱི་འཁྱམ་པོ་ལྡོམ་པོ་ཚུན་ཆད་ཀྱིས་གང་འཚམས་བཤད་ཀྱི་ཡོད་པ་རེད། དཔེར་ན། ཁ་རྩང་སྐད་འཕྲིན་ཁག་ཏུ་བཀྲམས་བཞིན་པ་ལྟར། ལྡི་ལིའི་བསམ་ཡས་གླིང་གི་གཙུག་ལག་ཁང་གི་ཁྱམས་རྭ་དང་གཞུང་ལམ་ལམ་འགྲམ་དུ་སྤྲང་ཉལ་བྱས་ཏེ་སྡོད་པའི་ཐ་མག་ནག་པོས་འཕྲོ་བརླག་ལ་བཏང་ཟིན་པ་དེས་ཀྱང་ག་ཚོད་གསུང་གི་མི་འདུག ཧཧཧཧཧ

    དེ་སྔའི་ཚོགས་དུས་དེ་ཚོར་ཅིག་གཟིགས་དང། དཔེར་ན། ཁ་རྩང་ཀརྨ་ཆོས་འཕེལ་གྱི་བསྙོན་འཛུགས་བགྲོ་གླེང་གནང་སྐབས། ཚིག་གི་ལན་ལ་ཚིགས་སུ་བཅད་ནས་བཤད་ཐུབ་མཁན་མདོ་སྨད་སྤྱི་འཐུས་ནང་ག་ཚོད་བྱུང་སོང། ད་ལྟའི་མདོ་སྨད་སྤྱི་འཐུས་མང་ཆེ་བ་ལས་གནས་ཚད་ཡག་པོ་ཞིག་ཡོང་དགོས་པ་དེ་གལ་ཆེན་ཡིན་སྟབས། བཀྲ་ཤིས་དོན་གྲུབ་དེ་འདྲ་ཞིག་མ་རེད་ལབ་ན་དེ་ཕལ་ཆེར་དྲང་པོ་རེད།

    Reply
  18. གནས་ཚང་། says:
    ལོ་ 11 སྔོན།

    གལ་སྲིད་སུ་ཞིག་གིས་དབུ་མའི་ལམ་ལ་རྒྱབ་བསྐྱོར་གནང་གི་ཡོད་ན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ལྟར་གནང་དགོས་ཀྱི་ཡོག་རེད། དེ་བས། གསེར་རྟ་ནི་དཀར་མཛེས་ཀྱི་མངའ་ཁོངས་འཁྲུལ་མེད་རེད། རྩོད་ཡ་ལྷག་ཡོག་མ་རེད། དེ་ལྟ་མ་ཡིན་ན། གནས་ཚུལ་ལོག་ག་རེད།

    Reply
  19. རྒྱ་རྙི། says:
    ལོ་ 11 སྔོན།

    གསེར་རྟ་ནས་ཡིན་མིན་ལ་མ་ལྟས་པར་བཀྲ་ཤིས་དོན་འགྲུབ་ནི་མདོ་སྨད་གྱི་སྤྱིའི་འཐུས་ཀྱི་ཆ་རྐྱེན་ཚང་མཁན་ཞིག་རེད། མི་མང་གིས་ཁོང་ལ་རྒྱབ་སྐྱོར་བྱས་ན་ནོར་མེད་ཀི་བསམ་ཡོད། དེང་སྐབས་ཆབ་སྲིད་པ་ཁ་ཅིག་གིས་རང་ཉིད་གྱི་ཕྱོགས་གཏོགས་ཐོབ་ཕྱིར་གཞན་པ་དེ་ཚོ་སྐྱོན་རྗོད་པ་མི་བཟང་གི སེར་རྟ་ཚུལ་ཁྲིམས་འོད་ཟེར་གྱིས་སྤྱི་འཐུས་སུ་ཞེང་ནས་ཞབ་འདྲེན་རྩ་བ་ནས་ཞུས་མེད་པར་འདོད།ང་བཀྲ་ཤིས་དོན་འགྲུབ་ལ་རྒྱུས་ཡོད་ཡིན་པས་མི་ངོ་མ་ཡག་པོ་འདུག

    Reply
  20. མགར་སྟོང་བཙན། says:
    ལོ་ 11 སྔོན།

    བཀུར་འོས་སྤྱི་ཟུར་ཚུལ་ཁྲིམས་འོད་ཟེར་ལགས་ནས། ལོ་རྒྱུས་ཐད་ཞིབ་འཇུག་མཐིལ་ཕྱིན་བྱས་ཟིན་པ་རེད་ཟེར་པ་ཞིག་གོ་མྱོང། གལ་སྲིད་དེ་ལྟར་ཡིན་ན། ལོ་རྒྱུས་ནང་གསེར་རྟ་གང་དུ་གཏོགས་མིན་ཞིབ་འཇུག་བྱས་ཟིན་པའི་ཡིག་ཚགས་བཀའ་ཤག་དང་སྤྱི་འཐུས་ལ་གཟིགས་འབུལ་གྱིས་གང་མགྱོགས་ཐག་གཅོད་ཡོང་ཐབས་བྱས་ན་དེས་དགའ་ས་རེད། དེ་མིན། མདོ་སྟོད་སྨད་སུ་ཞིག་ཡིན་ཡང། རྩོད་རྙོག་འདི་དང་འབྲེལ་ནས་མི་ཞིག་སྤྱི་འཐུས་ནང་སླེབས་ཐུབ་བྱེད་པ་དེ་དངོས་གནས་རང་ཕྱོགས་རིས་ཡིན་པ་ཐག་བཅད་ཆོག་གི་སྙམ། མི་རབས་གསར་པ་ཚོས་འདི་རྣམས་གཙང་མ་བཟོ་རྒྱུར་འབད་བརྩོན་བྱ་གལ་ཆེ་འདུག སྔོན་ཀོང་པོ་མདོ་སྟོད་དང་དབུས་གཙང་གང་ཡིན་མིན་རྩོད་རྙོག་བྱུང་སྐབས་ཀྱང། སྐྱབས་རྗེ་བདུད་འཇོམས་རིན་པོ་ཆེས་མཛད་པའི་ལོ་རྒྱུས་ལ་གཏུགས་ནས་མཐར་༸གོང་ས་མཆོག་གི་དབུ་བཞུགས་ཀྱིས་བཙན་བྱོལ་བོད་གཞུང་གིས་ཐག་གཅོད་གནང་འདུག བདུད་འཇོམས་རིན་པོ་ཆེ་སྤྱི་འཐུས་ནང་སླེབས་ནས་ཐག་བཅད་པ་མ་རེད་ལ། ཀོང་པོ་དབུས་ཁམས་ཡིན་པའི་སྤྱི་འཐུས་བླུགས་ནས་ཐག་གིས་བཅད་ཡོད་པ་མ་རེད། སོང་ཙང། མདོ་སྟོད་སྨད་ཀྱི་གསེར་རྟའི་རྩོད་རྙོག་འདིའང་དེ་ལྟར་ཐག་བཅད་བཞག་ནས་གླེང་རྒྱུ་མེད་པ་བྱས་ན་དགའ་ས་རེད།

    Reply
  21. ཆུ་ཐིགས་སྔོན་མོ། says:
    ལོ་ 11 སྔོན།

    བློ་འཕེལ་ལགས་་་ཁྱེད་ཀྱིས་རྩོམ་ཡིག་འདི་ཆ་ཚང་མ་བཀླགས་པ་ཡིན་ནམ་ཡང་ན་བཀླགས་ནས་དོན་མ་གོ་རེད་་་་་གོང་དུ་ཁོང་གིས་བར་མའི་འོས་བསྡུ་མདོ་སྨད་གཅིག་པོ་མ་རེད་གསུང་མི་འདུག་་་་་མདོ་སྟོད་སྨད་ཀྱི་བར་ན་ཪྭ་རོ་མེད་པའི་གླང་གོག་འགའ་འདུར་རྒྱུགས་བྱེད་ཀྱིན་ཡོད་པ་ཚོར་རེ་སྐུལ་ཅིག་ཞུས་འདུག་པ་རང་རེད། གླང་གོག་འདི་ཚོས་དགྲ་ཕྱོགས་ལ་ཚིག་གཅིག་ཀྱང་བཤད་མི་ཐུབ་པར་ནང་ཁུལ་ལ་རྙོག་དྲ་རྐྱང་རྐྱང་བཟོས་ནས་བསྡད་པ་རེད་་་་་

    Reply
  22. ཇོ་སྲས། says:
    ལོ་ 11 སྔོན།

    གཞི་རྩའི་ཆ་ནས་བསམ་ཚུལ་འདི་ལ་རྒྱབ་སྐྱོར་ཡོད། ཕྱོགས་རིས་ཟེར་པ་འདིའི་ཁ་ཐལ་བས་གཅོད་དགོས་པ་ཞིག་རེད། གསེར་རྟའི་རྙོག་གླེང་ལ་བརྟེན་ནས་གྲོས་ཚོགས་ནང་དེའི་རྣམ་ཅན་ཞིག་ཐོན་ནས་བསྡད་ན་ཡག་པོ་ཁྱོན་ནས་མི་འདུག གསེར་རྟ་རྩོད་སྟངས་དེ་མ་རེད་གསུངས་པ་དེ་ངས་ཀྱང་རྒྱབ་སྐྱོར་ཞུ། ཨ མདོ་བ་ཚོས་རང་ངོས་ནས་ཡག་པོ་གནང་རོགས། མིའི་ཡག་པོ་བྱེད་ན་སྡུག་ཅག་བྱེད་ན། སོ་སོས་ཡག་པོ་བྱས་ཆོག་གི་རེད། སྤྱི་སེམས་ཁྱེར་ཆོག་གི་རེད། དེ་མིན་དེང་སང་གསེར་རྟའི་སྤྱི་ཟུར་ཚུལ་ཁྲིམས་འོད་ཟེར་གྱིས་ཡང་ལས་འགུལ་སྤེལ་གྱི་འདུག ཁོང་མི་ཡག་པོ་ཡོད་པ་རེད། འོན་ཀྱང། རྙོག་གླེང་འདི་ལ་དབྱིངས་ཞུགས་ནས་བཞུགས་འདུག མ་འོངས་པར་བོད་ལ་རང་སྐྱོང་ཐོབ་སོང་ན། བོད་རང་སྐྱོང་ལྗོངས་ཀྱིས་ཞིང་ཆེན་དང་རྫོང་ཁག་ག་འདྲ་ཞིག་བགོ་གི་ཡོད་མེད་སུས་ཤེས། དེ་བས་འདི་རིགས་མ་བརྩད་ན་ཡག་གི ད་ལྟ་སྔ་མའི་ལོ་རྒྱུས་ག་རེ་ཡིན་པ་དེའི་ཐོག་འགྲོ་གི་རེད་ལ། འགྲོ་བཞིན་པ་རེད། འགྲོ་དགོས་པའང་རེད། དེ་བས་སྤྱི་ལ་བསམ་བློ་གཏོང་རོགས། དེ་བཞིན་ཆོས་ལུགས་ཕྱོགས་ནས་ཀྱང་་་་་མང་གི ་་

    Reply
  23. བློ་འཕེལ། says:
    ལོ་ 11 སྔོན།

    ཡ་རྡོ་རྗེ་དོན་གྲུབ། ཁྱོད་ཀྱིས་མདའ་འཕེན་ས་གང་ཡིན། ད་ལྟའི་དུས་ཚོད་འདིར་ཁྱོད་ཀྱི་རྩོམ་ཡིག་འདི་ཡུལ་དུས་གནས་སྐབས་གང་ལ་ཡང་འབྲེལ་བ་མི་འདུག་སྙམ།

    བར་མའི་འོས་བསྡུ་འདི་མདོ་སྨད་གཅིག་པོ་ཡིན་ཙང་དེའི་ནང་དུ་མདོ་སྟོད་འཐེན་དགོས་དོན་མེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese