༧གོང་ས་མཆོག་གིས་རྒྱ་གར་བྱང་ཤར་ཁུལ་གྱི་མི་མང་ཚོར་ས་གནས་མི་རིགས་རིང་ལུགས་ཀྱི་བསམ་བློ་དོར་ཏེ་འཛམ་གླིང་མི་མང་དང་ལྷན་དུ་མ་འོངས་གནས་བབ་ཐོག་བསམ་བློ་གཏོང་གལ་ཆེ་སྐོར་སོཊ་གསུངས་འདུག
ཁ་སང་ཚེས་ ༣ ཉིན་༧གོང་ས་མཆོག་ཨ་སམ་མངའ་སྡེའི་གྷོ་ཧ་ཊིའི་མེ་གྷ་ལ་ཡའི་ (Meghalaya) རྒྱལ་ས་ཤི་ལོང་དུ་ཆིབས་བསྒྱུར་གནང་སྟེ་མངའ་སྡེའི་དཔེ་མཛོད་ཚོཊ་ཁང་ཆེན་མོའི་ནང་མར་ཊིན་ལུ་ཐར་ཡི་ཤུའི་གཙུག་ལག་སློབ་གྲྭའི་ (Martin Luther Christian University) བསླབ་པ་མཐར་སོན་གྱི་མཛད་སྒོར་མཉམ་ཞུཊ་ཀྱིས། གཙུག་ལག་སློབ་གྲྭས་ཕུལ་བའི་རིག་པའི་ཆུ་གཏེར་གྱི་མཚན་གནས་ཕྱག་འཁྱེར་ (Honorary Doctorate of Philosophy) ཞེས་པ་འབུལ་བཞེས་གནང་ཡོད་འདུག སྐབས་དེར་༧གོང་ས་མཆོག་གིས་བསླབ་པ་མཐར་སོན་པའི་སློབ་མ་རྣམས་ལ་དགའ་བསུའི་འཚམས་འདྲི་དང་འབྲེལ། སློབ་ཕྲུག་ཚོར་རང་གི་སྦྱངས་པའི་ཤེས་ཡོན་ལག་ལེན་བྱ་རྒྱུའི་གོ་སྐབས་ཐོབ་སྐབས་རང་ཉིད་གཅིག་པུའི་ཁེ་ཕན་ཆེད་མིན་པར། ཤེས་ཡོན་དེས་རང་གི་རྒྱལ་ཁབ་དང་སྤྱི་ཚོཊ་ལ་ཕན་ཐོཊ་བསྒྲུབ་རྒྱུའི་གོ་སྐབས་མང་པོ་བསྐྲུན་ཐུབ་པ་དང་། རྒྱ་གར་འཛམ་གླིང་ནང་མི་འབོར་མང་ཤོས་དང་དམངས་གཙོའི་རྒྱལ་ཁབ་ཆེ་ཤོས་ཆཊ་ཡོད་ཀྱང་། རང་བཙན་ཐོབ་རྗེས་བརྟན་ལྷིང་ངང་གནས་ཐུབ་ཡོད་སྟབས།གཞོན་སྐྱེས་ཚོར་རྒྱ་གར་ཡར་རྒྱས་གཏོང་རྒྱུའི་ནུས་པ་ལྡན་ཡོད་པ་དང་།ཨི་ཇིབ་དང་རྒྱ་གར།རྒྱ་ནག་སོཊ་གནའ་རབས་ལོ་རྒྱུས་ལྡན་པའི་རྒྱལ་ཁབ་དེ་དག་གི་སྤྱི་ཚོཊ་དཔལ་ཡོན་ལ་ཕྱི་མིག་ལྟ་སྐབས། རིག་པའི་གཞུང་ལུགས་དང་ལྟ་གྲུབ་སྨྲ་བ་མང་ཤོས་རྒྱ་གར་ནང་བྱུང་ཡོད་པ་དང་། བསམ་བློའི་རྣམ་གཞག་དང་འབྲེལ་བའི་ལྟ་གྲུབ་དང་། འཚེ་མེད་ཞི་བ།ཆོས་ལུཊ་མཐུན་སྒྲིལ་སོཊ་ཀྱི་ཐོག་རྒྱ་གར་གྱིས་འཛམ་གླིང་གཞན་ལ་སྣེ་ཁྲིད་བྱ་ཐུབ་པ་ཞིག་ཡིན་སྐོར་གསུངས་ཡོད་འདུག
ཚེས་ ༢ ཉིན་གྱི་སྔ་དྲོར་ཨེལ་བྷེ་ཨེ་སི་ (LBS Founders) ཐེབས་རྩ་ཁང་གིས་གསོལ་འདེབས་ཞུས་དོན་ལྟར་ནེ་རུ་ (Nehru) རྩེད་ཐང་དུ་ཐེབས་རྩ་ཁང་དེ་གསར་འཛུཊ་གནང་མཁན་གྱི་རྗེས་དྲན་ཚོཊ་འདུའི་སྟེང་ཕེབས་ཏེ། སློབ་གྲྭ་ཁག་གི་དགེ་སློབ་དང་མོན་པ།འབྲུག་པ།བོད་རིཊ་བཅས་མི་༣༠༠༠བརྒལ་བར་༼ཞི་བདེ་སྐྲུན་ཐབས༽ཞེས་པའི་བརྗོད་གཞིའི་ཐོག་གསུང་བཤད་གནང་སྟེ། འདས་པའི་ལོ་བརྒྱ་ཕྲག་རིང་ཨ་སམ་གྱི་མི་མང་གིས་རང་ཉིད་ཨ་སམ་གྱི་མི་ཡིན་བསམ་པ་དང་།ཨ་རུ་ན་ཅལ་མི་མང་གིས་རང་ཉིད་མོན་པ་ཡིན་བསམ་ནས་བསྡད་ཀྱང་། ད་ཆར་འཛམ་གླིང་ནང་བསམ་བློའི་འཁྱེར་སོ་དེའི་དུས་ཚོད་ཡོལ་ཟིན་པ་དང་། འཛམ་གླིང་མི་མང་ཐེར་འབུམ་བདུན་ལྷག་གིས་མ་འོངས་པའི་གནས་བབ་ཐོག་བསམ་བློ་གཏོང་དགོས་པའི་དུས་ལ་བསླེབ་ཡོད་སྟབས། ང་ཚོ་དང་ཁྱེད་ཚོ་ཞེས་པའི་རྙིང་ཞེན་གྱི་བསམ་བློ་དོར་ཏེ་འགྲོ་བ་མིའི་བདེ་དོན་ལ་འགན་འཁྱེར་དགོས་པ་དང་། ལྷག་པར་དུ་གོ་ལའི་གནས་སྟངས་ཐོག་ལ་བསམ་བློ་གཏོང་དགོས་རྒྱུ་ཧ་ཅང་གལ་ཆེན་པོ་ཆཊ་ཡོད་སྐོར་དང་། ༧གོང་ས་མཆོག་གིས་དམིགས་བསལ་མོན་པ་ཚོར་བཀའ་སློབ་གནང་སྐབས། “ ཁྱེད་རང་ཚོ་མང་ཆེ་བ་མོན་པ་ཆཊ་ཀྱི་ཡོད། མོན་ཡུལ་ནི་རྒྱལ་མཆོག་ཚངས་དབྱངས་རྒྱ་མཚོའི་སྐབས་ནས་དམིཊ་བསལ་གྱི་འབྲེལ་བ་ཞིག་ཆཊ་ཡོད། ངོས་རང་ལ་ཆ་བཞག་ན། ༡༩༥༩ ལོར་ཧ་ཅང་དཀའ་ངལ་ཆེན་པོའི་གནས་སྟངས་འོག་བོད་ནས་བྲོས་བྱོལ་དུ་ཡོང་སྐབས་རང་དབང་ལུང་པའི་ས་གནས་དང་པོ་དེ་མོན་དང་།དེ་ནས་རྟ་དབང་དུ་སླེབ་སྐབས་ཡུལ་མི་ཚོས་ཧ་ཅང་སེམས་གསོའི་སྐྱོ་རོཊ་དང་། དགའ་ཞེན་ཆེན་པོའི་རྣམ་འགྱུར་ཤུཊ་ཆེན་བསྟན་བྱུང་། དེ་ནི་ངོས་ཀྱི་མི་ཚེའི་ནང་བརྗེད་ཐབས་མེད་པ་ཞིག་ཆཊ་ཡོད།དེ་རིང་ཁྱེད་རང་ཚོ་དད་དམ་གཡོ་མེད་ཐོག་ནས་ཡོང་བར་ཧ་ཅང་དགའ་པོ་བྱུང་། གོང་དུ་ཁྱེད་རང་ཚོ་མོན་པའི་སེར་སྐྱ་ཐུན་མོང་ཐོག་ནས་ངོས་རང་རྟ་དབང་ཁུལ་དུ་ཡོང་རོཊ་ཞེས་རྗོད་ཀྱི་འདུག་མོད། ངོས་རང་གི་ལས་རིམ་མང་ཆེ་བ་བང་བསྒྲིཊ་ཟིན་སྟབས་ལམ་སེང་ཡོང་ཐབས་མི་འདུག འདི་ལོ་ཕལ་ཆེར་ཁག་པོ་རེད། ༢༠༡༥ ལོར་ངེས་པར་དུ་བཅར་རྒྱུ་ཡིན ” ཞེས་གསུངས་འདུག
ཉིན་རྒྱབ་༧གོང་ས་མཆོག་ཨ་སམ་མངའ་སྡེའི་གྲོང་ཁྱེར་གྷོ་ཧ་ཊིའི་ (Srimanta Sankaradeva Kalakshetra) སྒྱུ་རྩལ་བསྟི་གནས་ཁང་དུ་ཆིབས་བསྒྱུར་གྱིས་བོད་ཀྱི་དུས་སྟོན་དབུ་འབྱེད་གནང་ཡོད་པ་དང་། དེར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཊ་རིན་གྷོ་གོ་ཡེ་ (Chief Minister Tarun Gogoi) མཆོག་དང་། བོད་མིའི་སྒྲིག་འཛུཊ་ཀྱི་སྲིད་སྐྱོང་བློ་བཟང་སེང་གེ་མཆོག ཨ་རུ་ནཱ་ཅལ་མངའ་སྡེའི་ཡུལ་སྐོར་སྤྲོ་འཆམ་བློན་ཆེན་པདྨ་མཁའ་འགྲོ་མཆོག རྟ་དབང་དགོན་པའི་མཁན་པོ་གུ་རུ་རིན་པོ་ཆེ་མཆོག་བཅས་དང་། དེ་བཞིན་ས་གནས་ཀྱི་དཔོན་རིཊ་དང་མི་མང་བཅས་ཕེབས་ཡོད་འདུག
དུས་སྟོན་མཛད་སྒོའི་ཐོག་ཨ་རུ་ན་ཅལ་མངའ་སྡེའི་ཡུལ་སྐོར་སྤྲོ་འཆམ་བློན་ཆེན་དང་ཐེངས་འདིའི་དུས་སྟོན་གོ་སྒྲིག་གནང་མཁན་པདྨ་མཁའ་འགྲོ་མཆོག་དང་ཨ་སམ་མངའ་སྡེའི་བློན་ཆེན་བཅས་ནས་དུས་སྟོན་དང་འབྲེལ་བའི་གསུང་བཤད་དང་། བོད་ཀྱི་ཟློས་གར་ཚོཊ་པའི་གཞས་སྣ་འཁྲབ་སྟོན་གཟིགས་འབུལ་བཅས་གནང་བ་དང་། ༧གོང་ས་མཆོག་གིས་དུས་སྟོན་དང་འབྲེལ་བའི་བཀའ་སློབ་གནང་སྐབས། ས་དཔྱད་རིག་པ་ཚོས་བརྟག་དཔྱད་ཞིབ་འཇུག་བརྒྱུད་དེ་ང་ཚོའི་ཕ་མེས་ཡང་མེས་ཚོ་རྡོའི་དུས་རབས་སྐབས་ནས་བོད་ནང་གཞིས་ཆཊ་ཟིན་པ་མ་ཟད། བོད་བྱང་ཤར་ས་ཁུལ་ཁག་ནས་རྙེད་པའི་གནའ་རྫས་ལ་བརྟག་དཔྱད་བྱེད་སྐབས་ལོ་ངོ་ཁྲི་ ༣ འགྲོ་བཞིན་ཡོད་པ་དང་། བོད་དབུས་ཕྱོཊ་ཀྱི་དངོས་ཤུལ་ལ་བརྟག་དཔྱད་བྱེད་སྐབས་ལོ་ངོ་ཁྲི་ ༡ ། བོད་ཀྱི་ས་ཁུལ་གཞན་ཁག་ནས་རྙེད་པའི་གནའ་རྫས་ལ་བརྟག་དཔྱད་སྐབས་ལོ་ངོ་ ༧༠༠༠ འགྲོ་ཡི་ཡོད་པ་ར་སྤྲོད་བྱུང་ཡོད་སྟབས། བོད་རིཊ་ནི་གདོད་མའི་མི་རིཊ་ཤིག་ཡིན་པར་ཐེ་ཚོམ་མེད་པ་དང་། དུས་རབས་བདུན་པ་དང་བརྒྱད་པའི་སྐབས་བོད་ཀྱི་བཙན་པོ་རྣམས་སོག་པོ་དང་རྒྱ་ནག་ལྟར་མངའ་ཐང་ཕུན་གསུམ་ཚོཊ་པོ་བྱུང་ཡོད་ཅིང་། བོད་དུ་ནང་ཆོས་མ་དར་གོང་སོག་པོ་བཞིན་འབྲོག་པའི་འཚོ་བ་སྐྱེལ་བཞིན་ཡོད་པ་དང་། ཁོང་ཚོར་ངོམ་རྒྱུ་གཙོ་བོ་རྟ་དང་དཔའ་དམ་ཡིན། མཁན་ཆེན་ཞི་བ་འཚོ་དང་སློབ་དཔོན་པདྨ་འབྱུང་གནས། ཆོས་རྒྱལ་ཁྲི་སྲོང་ལྡེ་བཙན་བཅས་མཁན་སློབ་ཆོས་གསུམ་བཅས་ཀྱིས་ནང་པའི་བསྟན་པ་དར་སྦེལ་མཛད་བ་ནས་བོད་མིའི་ཀུན་སྤྱོད་ལ་འགྱུར་བ་ཕྱིན་ཡོད་སྐོར་གསུངས་འདུག
གསར་འགོད་པ། དོན་གོ
གནས་ཚང་ལགས། བརྟགས་དཔྱད་མ་བཏང་ནས་གཏམ་བཤད་སྔ་དྲག་རེད། ཞོགས་དུང་ནི་སྐྱབས་འགྲོ་བྲན་ཡོག་ཏུ་སྨྲ་མཁན་ཞིག་ཡིན་པས་གོང་ས་མཆོག་ནི་སྐྱབས་འགྲོ་ལ་གུས་ཞབས་བྱེད་མཁན་ཞིག་ཡིན་པ་ལས་བྲན་གཡོག་ཏུ་ལྟ་མཁན་ཞིག་གཏན་ནས་མིན། དེའི་ཕྱིར་ཞོགས་དུང་ལ་རྒྱབ་བསྐྱོར་ནམ་ཡང་བྱེད་མི་སྲིད།
གོང་ས་མཆོག་ནི་གསར་བརྗེ་བ་ཞོགས་དུང་མཆོག་གི་རྒྱབ་བསྐྱོར་བ་ཆེ་ཤོས་སུ་གྱུར་ཡོད་པས། ཚང་མ་ལོས་ཁ་མིག་ཡར་ལྟ་གནང་རན་ཟིན་འདུག་སྙམ།