ཁ་སང་པེ་ཅིན་གྱི་ཕྱི་དྲོའི་ཆུ་ཚོད་ ༢ པའི་ཐོག རྒྱ་ནག་ཅང་སུའུ་ཞིང་ཆེན་ནན་ཅིན་གྲོང་ཁྱེར་དུ།ཐའེ་ཝན་སྐམ་ས་ཆེན་མོ་ལས་འཛིན་ལྷན་ཚོགས་ཀྱི་མགོ་ཁྲིད་ཝང་ཡོའུ་ཆི་དང་། རྒྱ་ནག་རྒྱལ་སྲིད་སྤྱི་ཁྱབ་ཁང་ཐའེ་ཝན་ལས་དོན་ལྷན་ཁང་གི་མགོ་ཁྲིད་ཀྲང་ཀྲི་ཅིན་གཉིས་ཐུག་འཕྲད་བྱས་ཏེ། ཐའེ་ཝན་རྒྱལ་དམངས་ཏང་དང་རྒྱ་ནག་གུང་ཁྲན་ཏང་གཉིས་སྲིད་དབང་སོ་སོར་ཕྱེས་ཏེ་ལོ་ངོ་ ༦༥ རྗེས་ཀྱི་གཞུང་འབྲེལ་གྲོས་མོལ་ཐོག་མ་དེ་བྱས་ཡོད་པ་དང་། དེ་རིང་ཝང་ཡོའུ་ཆི་ཡིས་ནན་ཅིན་སློབ་གྲྭ་ཆེན་མོའི་ནང་གཏམ་བཤད་དང་། སང་ཉིན་ཧྲང་ཧེ་སྤྱི་ཚོགས་ཚན་རིག་སློབ་གླིང་སོགས་སུ་གཏམ་བཤད། ཕྱི་ཚེས་ ༡༣ དང་ ༡༤ གཉིས་ལ་ཧྲང་ཧེ་རྒྱང་སྒྲོག་བརྙན་འཕྲིན་ཁང་དང་། ཧྲང་ཧེ་ཐའེ་ཝན་ཚོང་པའི་བུ་ཕྲུག་སློབ་གླིང་སོགས་སུ་ལྟ་སྐོར་བྱེད་འཆར་ཡོད་འདུག
རྒྱལ་སྤྱིའི་གསར་ལམ་ཐོག་གནས་ཚུལ་སྤེལ་བའི་ནང་། ཕྱི་ལོ་ ༡༩༤༩ ལོར་རྒྱལ་དམངས་ཏང་དང་གུང་ཁྲན་ཏང་གཉིས་ཀྱི་ནང་འཁྲུག་མཇུག་རྫོགས་ཏེ་རྒྱལ་དམངས་ཏང་སྲིད་གཞུང་གིས་ཐའེ་ཝན་དུ་སྲིད་དབང་བཟུང་རྗེས། ལོ་ངོ་ ༤༠ ཙམ་གྱི་རིང་འབྲེལ་ལམ་ཆད་པ་མ་ཟད། ཕྱོགས་གཉིས་ཀྱི་བར་ཞེ་འཁོན་ཆེན་པོ་བཟུང་ཡོད་ཀྱང་། ཕྱི་ལོ་ ༡༩༨༧ ནས་བཟུང་ཕན་ཚུན་བར་མི་མང་དཀྱུས་མའི་འགྲོ་འོང་དང་དཔལ་འབྱོར་མཉམ་ལས་མགོ་བརྩམས་རྗེས། ༡༩༩༢ ལོར་ཧོང་ཀོང་དུ་ཕྱོགས་གཉིས་ཀྱི་དཔོན་རིགས་བར་གྲོས་མོལ་བརྒྱུད་རྒྱལ་ཁབ་ཅིག་གི་རྩ་དོན་རྒྱུན་འཁྱོངས་བྱེད་རྒྱུ་དང་། ལམ་ལུགས་ཁ་ཤས་གཅིག་མཚུངས་མིན་པ་ཐུན་མོང་གི་ངོས་འཛིན་ཐོབ་པའི་ངག་ཐོག་གི་གསལ་བཤད་དེར་ཕྱིས་སུ་ ༡༩༩༢ ལོའི་ཐུན་མོང་གི་ངོས་འཛིན་ཞེས་བཏགས་ཏེ། ༡༩༩༣ ལོར་ངག་ཐོག་གི་གསལ་བཤད་དེ་གཞི་རྩར་བཟུང་སྟེ་སང་གྷ་ཕོར་དུ་འབྲེལ་མོལ་བྱས་ཡོད་པ་མ་ཟད། ཝང་ཀོ་གྲོས་མོལ་གྱི་ཐུན་མོང་གྲོས་ཆོད་དང་འབྲེལ་མོལ་ལམ་ལུགས་སོགས་གྲོས་ཆོད་ཁག་ ༤ བཞག་སྟེ། ཕྱོགས་གཉིས་ཀྱི་འབྲེལ་ལམ་ཇེ་ལེགས་སུ་ཕྱིན་ཡོད་ཀྱང་། ༢༠༠༠ ལོར་ཁྲིན་ཧྲུའུ་ཕིན་ཐའེ་ཝན་གྱི་སྲིད་འཛིན་དུ་བསྐོས་རྗེས་འབྲེལ་མོལ་མཚམས་ཆད་ཡོད་པ་རེད། ༢༠༠༥ ལོར་རྒྱ་ནག་གི་སྲིད་འཛིན་ཟུར་པ་ཧུའུ་ཅིན་ཐའོ་ཡིས་རྒྱལ་དམངས་ཏང་སྲིད་གཞུང་གི་མགོ་ཁྲིད་ཉན་ཀྲན་སུའུ་རྒྱ་ནག་ཏུ་མགྲོན་འབོད་བྱས་ཏེ། ཕྱོགས་གཉིས་ཀྱི་མགོ་ཁྲིད་བར་འབྲེལ་མོལ་ཐེངས་དང་པོ་བྱས་ཡོད་པ་མ་ཟད། ༡༩༩༢ ལོའི་ཐུན་མོང་ངོས་འཛིན་ཞེས་པ་རྒྱུན་འཁྱོངས་དང་ཐའེ་ཝན་རང་བཙན་ལ་ངོ་རྒོལ་བྱས་ཏེ་གང་མགྱོགས་འདྲ་མཉམ་གྲོས་མོལ་བསྐྱར་གསོ་བྱེད་པའི་ཐག་གཅོད་བྱུང་བ་ལྟར། ༢༠༠༥ ལོར་མཱ་ཡེན་ཅུ་ཐའེ་ཝན་སྲིད་འཛིན་དུ་བདམས་ཐོན་བྱུང་བ་ནས་བཟུང་ཕྱོགས་གཉིས་ཀྱི་མགོ་ཁྲིད་བར་འབྲེལ་མོལ་ཐེངས་ ༩ ཙམ་བྱུང་སྟེ་གྲོས་ཆོད་དོན་ཚན་ ༡༩ བཞག་ཡོད་སྐོར་སོགས་བཀོད་འདུག
༼ཕྱོགས་གཉིས་ཀྱི་འགྲོ་ལམ་མ་ནོར་བ་ཡིན་ན་ཐའེ་པའེ་ནས་ནན་ཅིན་བར་ཐག་དེ་པེ་ཅིན་ནས་ནན་ཅིན་བར་ཐག་ལས་ཉེ་བ་ཡོད་་་་༽ རྒྱ་དམར་འདི་ཚོས་སྐད་ཆ་སྙན་པོ་བཤད་ཤེས་གཱ། ཧཧཧཧ
གོ་མེན་སྲིད་གཞུང་ཕྱིར་ནན་ཅིན་ལ་བསུས་རྗེས། བོད་རང་སྐྱོང་ལྗོངས་ས་གནས་སྲིད་གཞུང་ཡང་ལྷ་སར་འབོད་རྒྱུ་ཡིན་ནི་མིན་ན། ཨོ། ད་ང་ཚོ་གཞུང་ཡིན་ནི་ར། སྒྲིག་འཛུགས་ཡིན་ནི་རེད་མོད།