དེ་རིང་རྔ་པ་ཀིརྟི་དགོན་པའི་ཉེ་འགྲམ་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་ཡོད་འདུག
ད་ལྟ་རང་བོད་ནས་གནས་ཚུལ་འབྱོར་བ་ལྟར་ན། དེ་རིང་ཚེས་ ༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༦།༣༠ ཡས་མས་སུ། རྔ་པ་ཀིརྟི་དགོན་པའི་ཉེ་འཁྲིས་སུ་བོད་མི་ཞིག་གིས་རང་ལུས་མེར་བསྲེཊ་གནང་ཡོད་འདུག ད་ལྟའི་ཆར་རང་ལུས་མེར་བསྲེཊ་གནང་མཁན་གྱི་བོད་མི་དེ་མི་སྐྱ་ཞིག་ཡིན་པ་ཤེས་པ་ཙམ་ལས། མེར་བསྲེཊ་གནང་རྗེས་ཀྱི་འཆི་གསོན་གནས་སྟངས་དང་། ཁོང་གི་མཚན་བཅས་གསལ་བོ་ཤེས་ཐུབ་མ་སོང་བས་གནས་ཚུལ་ཐོན་རིམ་བཞིན་ཇེ་རྒྱས་སུ་གཏོང་རྒྱུ་ཡིན།
རིམ་པ་གཉིས་པ། མདང་ནུབ་བསྐྱར་དུ་གནས་ཚུལ་འབྱོར་བར། རྔ་པར་རང་ལུས་མེར་བསྲེཊ་གནང་མཁན་གྱི་བོད་མི་ཁོང་གི་མིང་ལ་རྡོ་རྗེ་ཞུ་བཞིན་ཡོད་པ་དང་། ཁོང་རྔ་པ་རྒྱ་འབུམ་ཕྱུག་རྭ་གོང་མ་ནས་ཡིན་འདུག ཁ་སང་དགོང་དྲོའི་བོད་ནང་གི་ཆུ་ཚོད་ ༦།༣༠ ཙམ་ལ་རྡོ་རྗེ་ལགས་ཀྱིས་རྔ་པ་རྫོང་གི་དཔའ་བོའི་སྲང་ལམ་དུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་གནང་རྗེས། དམག་མི་དང་ཉེན་རྟོག་པ་འབྱོར་ཏེ་སྐུ་ཕུང་བཙན་འཁྱེར་བྱས་ཡོད་པ་མ་ཟད། རྔ་པ་རྫོང་གི་ས་གནས་གང་སར་དམག་མི་དང་ཉེན་རྟོག་པ་འགྲེམས་འཇོག་གིས་དམ་དྲག་བྱེད་ཀྱི་ཡོད་འདུག
རིམ་པ་གསུམ་པ། ཀིརྟི་བྱེས་བ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཁ་སང་ཕྱི་ཚེས་ ༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་དྲུག་དང་ཕྱེད་ཀ་ཙམ་ལ་རྔ་བ་རང་སྐྱོང་ཁུལ་རྔ་བ་རྫོང་གཅའ་རུ་བ་ཡུལ་ཚོའི་ཕྱུགས་ལས་གོང་མའི་ཕ་ཚེ་དཔག་དང་མ་ན་མེ་སྐྱིད་གཉིས་ཀྱི་བུ་བློ་བཟང་རྡོ་རྗེ། རང་ལོ་ ༢༥ ཙམ་ཡིན་པ་ཁོང་གིས་རྒྱ་གཞུང་གིས་བོད་ཐོག་འཛིན་པའི་སྲུད་བྱུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེར་སྲེག་བཏང་ཡོད་འདུག
གནས་ཚུལ་དེ་བྱུང་མ་ཐག་རྔ་བ་རྫོང་མཁར་དུ་སྔ་ས་ནས་གྲ་སྒྲིག་བྱས་ནས་ཡོད་པའི་རྒྱ་གཞུང་གི་ཉེན་རྟོག་པ་མང་པོ་འབྱོར་ནས་ཁོང་གི་ལུས་ལ་འབར་བཞིན་པའི་མེ་བསད་དེ་རླངས་འཁོར་ཆུང་ཆུང་སྒམ་ཤིང་ཅན་ཞིག་གི་ནང་དུ་བཞག་ཅིང་སྟེང་ལ་རས་ནག་པོ་ཞིག་བཀབ་ནས་བཙན་ཁྲིད་བྱས་ཀྱང་སྐབས་དེར་ཁོང་གིས་མགོ་ཡར་བཀྱགས་ནས་ལག་གཉིས་ཐར་མོ་སྦྱར་ཡོད་ཀྱང་དེ་མ་ཐག་ཉེན་རྟོག་པས་མར་མནན་ནས་ཁྱེར་ཡོད་ནའང་། ད་ལྟའི་ཤི་གསོན་གྱི་གནས་སྟངས་དང་གང་དུ་ཡོད་མེད་སོགས་ཤེས་རྟོགས་ཐུབ་མེད་པ་དང་། ཁོང་ཚང་ལ་མིང་སྲིང་བཞི་ཡོད་པའི་ཆེ་བ་བུ་མོ་དར་མཚོ་དང་། གཉིས་པ་བློ་བཟང་རྡོ་རྗེ་ཁོང་ཡིན་ཞིང་། གསུམ་པ་བུ་མོ་མེས་མེས། བཞི་པ་བུ་བཀྲ་ཤིས་བཅས་ཡིན་འདུག་ལ། ལོ་ཤས་གོང་ཕ་མ་གཉིས་ཁ་ཁར་གྱུར་ཡོད་འདུག
བློ་བཟང་རྡོ་རྗེ་ཁོང་ཆུང་ཆུང་སྐབས་རྔ་བ་ཀིརྟི་དགོན་པར་གྲྭ་པ་བྱས་ནས་ལོ་ཤས་རིང་དགོན་པའི་ནང་བསྡད་འདུག་ཀྱང་། རྗེས་སུ་སྐྱ་སར་བབ་རྗེས་ཨ་མ་དང་སྤུན་ཆུང་བ་བཀྲ་ཤིས་གཉིས་དང་མཉམ་དུ་མགོ་ལོག་དར་ལག་རྫོང་དུ་རླངས་འཁོར་འཁྲུད་སའི་ཚོང་ཁང་ཞིག་གཉེར་ནས་བསྡད་ཡོད་འདུག ཟླ་ཤས་གོང་ནས་ཕྱུགས་ལས་གོང་མར་ཡོང་ནས་ཕ་ཚེ་དཔག་དང་མཉམ་དུ་བསྡད་ཅིང་དེའི་རྗེས་རྔ་བ་ཀིརྟི་དགོན་པའི་སྨོན་ལམ་ཆེན་མོར་མཇལ་དུ་ཡོང་འདུག ཁ་སང་བོད་ཚེས་བཅུ་བཞིའི་ཉིན་རྔ་བ་ཀིརྟི་དགོན་པའི་འཆམ་ལ་ཁེལ་ཡོད་པ་དང་སྔ་དྲོ་ཁོང་འཆམ་ལ་མཇལ་དུ་ཡོང་ཡོད་འདུག གནས་ཚུལ་དེ་བྱུང་ཙམ་ནས་རྔ་བ་རྫོང་མཁར་གྱི་གཞུང་ལམ་ཁག་དང་ལམ་གྱི་བཞི་མདོ་སོགས་དྲག་ཆས་ཉེན་རྟོག་པ་དང་དམིགས་བསལ་ཉེན་རྟོག་པ་མང་པོས་དམ་དྲག་ནན་མོ་བྱེད་བཞིན་ཡོད་འདུག
6.jpg)
གསར་འགོད་པ། དོན་གོ
སྒེར་གྱི་བསམ་ཐོག་ནས་མིང་ཅི་ཞིག་བཏགས་ཀྱང་འདྲ། དོན་དངོས་ཐད་བཀའ་ཤག་ལ་རང་སྲེག་འདིའི་སྐོར་གྱི་སྲིད་ཇུས་ཤིག་གཏན་ནས་ཡོད་ཚོད་མ་རེད། གལ་སྲིད་ཏན་ཏན་ཏིག་ཏིག་གི་དེ་འདྲ་ཞིག་ཡོད་ཚེ། སྲིད་ཇུས་དེ་དང་འབྲེལ་བའི་ལམ་ལུགས་བྱ་བཞག་ཐག་གཅོད་གྲུབ་འབྲས་སོགས་ཀྱི་རིགས་ཤིག་ཡོད་དགོས་ངེས་ལ་ད་སྔར་དེའི་སྐོར་ཡོངས་ཁྱབ་ཏུ་ཅི་ཡང་མཐོང་རྒྱུ་མེད་པ་ལས་ལོས་ཤེས། མ་གཞིར་རང་སྲེག་འདི་བཀའ་ཤག་གི་ཞལ་དང་ཕྱག་ལ་ཐུག་འདུག་པ་ཞིག་རྩ་ནས་ཡིན་ས་མ་རེད་འདོད། ཡིན་ནའང་བོད་དང་བོད་ཀྱི་རྒྱབ་སྐྱོར་བ་ཞིག་ཡིན་ཕྱིན་ཆད། རང་སྲེག་མེ་རྒོལ་འདི་རུལ་དུ་མི་འཇོག་པར་རང་ནུས་འདོན་སྟངས་ཤིག་ཅིས་ཀྱང་ཡོད་ངེས་མོད། འོན་ཀྱང་། རང་གར་བསྡད་ན་ཟ་འཐུང་དོན་དུའང་རང་ནུས་ཐོན་མི་དཔེ་བ་དེ་རེད།
བཀའ་ཤག་གིས་རང་སྲེག་ངོས་འཛིན་བྱེད་སྟངས་དང་དེ་འདྲའི་”ཉེན་ཚབས་ཅན་”གྱི་གནས་སྟངས་ལས་སྐྱོབ་པའི་ཐབས་ཤེས་ལ་ངས་བཀའ་ཤག་གིས་རང་སྲེག་ཐད་འཛིན་པའི་སྲིད་བྱུས་སམ་བཀའ་ཤག་གི་རང་སྲེག་སྲིད་བྱུས་ཞེས་བརྗོད་ཀྱི་ཡོད། སྲིད་བྱུས་ཀྱི་ནང་དོན་ངོ་མ་ཅི་ཡིན་དྲ་གྲོགས་ཇོ་རུས་གསལ་བོ་ཤེས་ཀྱི་ཡོད་སྟབས་བསྐྱར་ཟློས་མ་དགོས་པ་ཞུ།། འགན་ཆ་ཚང་ཁུར་ནས་སྔ་ཕྱི་བར་གསུམ་དུ་ཞུས་དང་ཞུ་བཞིན་པ་ཡིན།།
རང་རེའི་རང་སྲེག་མེ་རྒོལ་སྐོར་ཐད།
གལ་ཏེ་འུ་ཚོས་ཁ་སང་བཞིན་དུ་དོན་འབྲས་འདི་རེད་ཟེར་བ་གཅིག་ཀྱང་མ་བྱས་པར་དེ་མུར་བསྡད་ན། ནམ་ཞིག་ལ་འུ་ཚོར་ཕྱིར་འགྱོད་ཆེ་ཞིག་སྐྱེ་རྒྱུ་འོང་བ་སྨྲོས་མི་དགོས་པ་ཞིག་རེད་འདོད། གལ་སྲིད་དེ་འདྲ་ཞིག་ཏུ་ལོག་པའི་དབང་དུ་བཏང་ན། འུ་ཚོ་འུ་ཚོའི་ལོ་རྒྱུས་ནང་གི་ནག་ཉེས་པར་གྱུར་བ་རེད་ལ་རྡུགས་ས་ནས་བཤད་ན། ཕྱི་རབས་ཚོས་ཏག་ཏག་སྐྱོ་གདུང་ངང་མཛུབ་མོ་འཛུགས་ས་དེར་ཡང་འུ་ཚོ་ལྷུང་བ་རེད་འདོད།
བོད་མི་རིགས་ཀྱི་ཆེད་དུ་རང་སྲེག་གནང་མཁན་ཚོས་སྙིང་སྟོབས་དང་བསམ་བློ་ད་དུང་དམིགས་ཡུལ་ངེས་ཅན་ཞིག་གི་སྟེང་ནས་འདི་ལྟར་རང་འགན་ལེན་གྱིན་ལགས་ན། འདིའི་སྐོར་ལ་བཀའ་ཤག་གིས་མཚམས་འཇོག་འབོད་སྐུལ་ངེས་ཅན་ནམ་ཀུན་ལ་ཁྱབ་ནི་ཞིག་བསྒྲག་རུང་དེར་དངོས་ཕན་ཡོད་པ་རྩ་ནས་མ་མཐོང་། རང་སྲེག་མེ་རྒོལ་འདི་ལོ་རྒྱུས་ནང་གི་ཆེས་བོད་དོན་རང་བཞིན་གལ་འགངས་ཅན་ཞིག་ཡིན་པ་སུས་ཀྱང་མི་ཤེས་ཚོད་དུ་མེད་པ་ལགས་པས། ད་ནི་འདི་སྔར་མུས་བཞིན་ཆིག་རྐྱང་ལ་མི་འཇོག་པར་ནང་དོན་ལྡན་པ་ཞིག་འོང་བའི་ཆེད་དུ་མཐོ་དམན་ཚོགས་སྒེར་ཀུན་ལས་གྲུབ་པའི་བོད་དང་བོད་ཀྱི་རྒྱབ་སྐྱོར་བ་ཡོད་དོ་ཅོག་གིས་རང་ནུས་རོགས་རམ་འདོན་རྒྱུ་ཉིད་ཅིག་ལས་གཞན་གང་ཡང་མིན་པར་འདོད།
༼དཔལ་ལྡན་བཀའ་ཤག་གི་་་་་་རང་སྲེག་སྲིད་བྱུས་༽་་་་་བཟུང་ནས་འདུག་་་་་་ཞེས་པའི་ཚིག་འདི་རིགས་བཤད་རྒྱུ་ལས་སླ་བོ་ཁྱོན་ནས་མ་རེད་བསམ། སུ་ཡིན་ཡང་། སོ་སོའི་སྐད་ཆར་ཏོག་ཙམ་འགན་ཁུར་ནས་བཤད་ན་ལེགས་པོ་ཡོད་པ་རེད།
གལ་ཏེ། འདི་ལྟའི་གསལ་ལ་མི་གསལ་བའི་སྲིད་བྱུས་ཤིག་བཟུང་ཡོད་པ་དོན་དངོས་ཡིན་ན། བཀའ་ཤག་གི་ངོས་ནས་བོད་མི་མང་ལ་གསལ་བཤད་ཡག་ཐག་ཆོད་ཅིག་རྒྱག་དགོས་ཀྱི་འདུག
ད་དཔལ་ལྡན་བཀའ་ཤག་གི་དོན་འབྲས་འབྱུང་རྒྱུ་མེད་པའི་རང་སྲེག་སྲིད་བྱུས་གསལ་ལ་མ་གསལ་བ་འདི་འདྲ་བཟུང་ནས་འདུག་རྒྱུ་ལས། ཧ་ཅང་ཞལ་གསལ་བོ་དང་ཚིག་དག་པོའི་ཐོག་ནས་བོད་ནང་རང་སྲེག་མི་བྱེད་རྒྱུར་གསལ་བསྒྲགས་ཤིག་སྤེལ་མ་གཏོགས། རང་སྲེག་ལས་འགུལ་གྱི་དུམ་བུ་འདིའི་ཐད་རྒྱ་ནག་གཞུང་གི་འཕྲོར་ད་ལྟའི་བཀའ་ཤག་གིས་འགན་ཁུར་དགོས་པ་ནི་ལོ་རྒྱུས་ཀྱིས་གུ་ཡངས་མི་གཏོང་བ་ཞིག་ཡིན་པ་ངེས་པར་དུ་ཐུགས་ལ་འཇགས་དགོས་པར་གདའ།།
རང་སྲེག་མང་དྲགས་མིན་ནམ། །
རྒྱ་གཞུང་གནོད་མིན་མི་ཤེས། །
བོད་མིར་ལུས་སྲོག་གནོད་བགྱིད། །
ལས་འགུལ་ཐབས་གཞན་བཙལ་ན། །
རང་གཞན་ཕན་ཐོགས་མེད་དམ། །
ད་ནི་རང་རེ་གཞི་ལུས་ཀྱི་རྒྱལ་ཞེན་ཅན་རྣམས་ཡོད་ཚད་མེ་ཕུང་གི་ནང་དུ་འདི་འདྲ་ཕེབས་པ་སུ་ལ་ཁག་འགེལ་དགོས་ཀྱི་ཡོད་ན།