གཟའ་པ་སངས་ཉིན་ཨ་རིའི་ཕོ་བྲང་དཀར་པོ་རུ་༧གོང་ས་མཆོག་དང་ཨ་རིའི་སྲིད་འཛིན་ཨོ་བྷ་མ་རྣམ་གཉིས་མཇལ་འཕྲད་གནང་སྟེ་རྒྱ་གཞུང་གིས་བོད་པའི་ཆོས་དང་རིག་གཞུང་སྲུང་སྐྱོབ་དང་། ༧གོང་ས་མཆོག་གི་སྐུ་ཚབ་དང་བོད་རྒྱའི་གནད་དོན་ཐད་གྲོས་མོལ་གནང་དགོས་པའི་རེ་སྐུལ་གནང་ཡོད་འདུག
ཨ་རིའི་ཕྱི་ཚེས་ ༢༡ ཉིན་གྱི་སྔ་དྲོའི་ཆུ་ཚོད་ ༡༠ པའི་སྟེང་ཨ་རིའི་ཕོ་བྲང་དཀར་པོའི་ས་ཁྲ་འགྲེམས་སྟོན་ཁང་དུ། བོད་མིའི་དབུ་ཁྲིད་༧གོང་ས་མཆོག་དང་ཨ་རིའི་སྲིད་འཛིན་ཨོ་བྷ་མ་རྣམ་གཉིས་མཇལ་འཕྲད་གནང་སྟེ་ཆུ་ཚོད་གཅིག་ལྷག་རིང་བོད་དོན་སྐོར་ལ་གསུང་མོལ་གནང་ཡོད་འདུག
ཐེངས་འདིའི་མཇལ་འཕྲད་སྐོར་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་གནས་སུ། ཐེངས་འདིར་ཆུ་ཚོད་གཅིག་ལྷག་རིང་མཇལ་འཕྲད་སྐབས་ྋགོང་ས་མཆོག་གིས་གང་ཉིད་ཀྱི་སྐུ་ཚེའི་མཛད་ཁུར་གཙོ་བོ་གསུམ་སྟེ། འགྲོ་བ་མིའི་བརྒྱུད་ཀྱི་བཟང་སྤྱོད་གོང་མཐོར་སྤེལ་ཐབས་དང༌། ཆོས་ལུགས་ཕན་ཚུན་བར་གྱི་མཐུན་འབྲེལ་གོང་མཐོར་གཏོང་རྒྱུ། དེ་བཞིན་གང་ཉིད་མཆོག་བོད་མི་ཞིག་ཡིན་པའི་ཆ་ནས་བོད་ཀྱི་ཆོས་དང་རིག་གཞུང་སྲུང་སྐྱོབ་མཛད་རྒྱུའི་སྐོར་ངོ་སྤྲོད་མཛད་པ་དང༌། དབུ་ཁྲིད་རྣམ་གཉིས་བར་བོད་ནང་གི་ད་ལྟའི་གནས་སྟངས་སྐོར་དང་། དེ་བཞིན་དུས་རབས་ཉེར་གཅིག་ནང་བཟང་སྤྱོད་ལྡན་པའི་མམགོ་ཁྲིད་ཡོང་ཐབས་ཆེད། མི་རབས་གསར་པ་ཚོ་ཇི་ལྟར་སྐྱེད་སྲིང་བྱ་དགོས་སོགས་ཀྱི་སྐོར་བཀའ་སྡུར་ལྷུག་པོ་མཛད་ཡོད། ཅེས་བཀོད་འདུག
དེ་བཞིན། ཨ་རིའི་ཕོ་བྲད་དཀར་པོའི་སྲིད་འཛིན་ལས་ཁུངས་ནས་གསལ་བསྒྲགས་སྤེལ་བའི་ནང་། སྲིད་འཛིན་མཆོག་གིས་བོད་མིའི་དབུ་ཁྲིད་༧གོང་ས་ཏཱ་ལའི་བླ་མ་མཆོག་ལ་མཇལ་འཕྲད་གནང་སོང་། སྲིད་འཛིན་མཆོག་གིས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས་བོད་ཀྱི་མཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག་རྒྱུན་འཛིན་སོགས་ལ་བདག་གཅེས་སྲུང་སྐྱོབ་དང་མི་ཉམས་རྒྱུན་འཛིན་ཐོག་རྒྱབ་སྐྱོར་ཤུགས་ཆེན་གནང་གི་ཡོད་པ་དང་། བོད་མིའི་འགྲོ་བ་མིའི་ཐོབ་ཐང་ལ་སྲུང་སྐྱོབ་དགོས་སྐོར་བསྐྱར་དུ་ནན་བརྗོད་གནང་སོང་། སྲིད་འཛིན་མཆོག་གིས་ཏཱ་ལའི་བླ་མ་མཆོག་གི་འཚེ་མེད་ཞི་བ་དང་ཞི་བདེ་ཐད་ཀྱི་ཕྱག་ལས་ལ་བསྔགས་བརྗོད་དང་། ཏཱ་ལའི་བླ་མ་མཆོག་གིས་དབུ་མའི་ལམ་གྱི་ལངས་ཕྱོགས་འཛིན་གྱི་ཡོད་པར་རྒྱབ་སྐྱོད་ཡོད་པ་གསལ་སྟོན་གནང་སོང་། སྲིད་འཛིན་མཆོག་གིས་བོད་རྒྱའི་དཀའ་རྙོག་དེ་ཐད་ཀའི་གྲོས་མོལ་བརྒྱུད་སེལ་ཐབས་བྱེད་དགོས་པ་དང་། གྲོས་མོལ་གྱི་ལམ་ནས་རྒྱ་ནག་དང་བོད་མི་གཉིས་ཀར་བཟང་ཕྱོགས་ཀྱི་དོན་འབྲས་སོན་པ་ཞིག་ཡོང་རྒྱུར་སྐུལ་མ་ནན་མོ་གནང་སོང་། ཨོ་བྷ་མ་མཆོག་གིས་ཨ་རིའི་ངོས་ནས་བོད་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་ཆ་ཤས་ཡིན་པའི་ལངས་ཕྱོགས་འཛིན་གྱི་ཡོད་པ་དང་། བོད་རང་བཙན་ལ་རྒྱབ་སྐྱོར་བྱེད་ཀྱི་མེད་སྐོར་གསུངས་སོང་། ཏཱ་ལའི་བླ་མ་མཆོག་གིས་བོད་རང་བཙན་དོན་གཉེར་གནང་གི་མེད་པ་དང་། ཏཱ་ལའི་བླ་མའི་སྐུ་ཚབ་དང་ལྷན་དུ་གྲོས་མོལ་བསྐྱར་གསོ་ཡོང་བའི་ཐུགས་རེ་གནང་གི་ཡོད་སྐོར་གསུངས་སོང་ལ། སྲིད་འཛིན་མཆོག་དང་ཏཱ་ལའི་བླ་མ་རྣམ་གཉིས་ཀྱིས་ཨ་རི་དང་རྒྱ་ནག་བར་བཟང་ཕྱོགས་ཀྱི་འབྲེལ་ལམ་དགོས་པ་གལ་ཆེན་ཡིན་པའི་དགོངས་ཚུལ་གཅིག་མཐུན་བྱུང་སོང་། ཞེས་བསྒྲགས་འདུག
ཐེངས་འདིའི་དབུ་ཁྲིད་རྣམ་གཉིས་ཀྱི་མཇལ་འཕྲད་ཐད། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས། སྲིད་འཛིན་ཨོ་བྷ་མ་དང་༧གོང་ས་མཆོག་མཇལ་འཕྲད་གནང་བ་དེས་བོད་ནང་དུ་དཀའ་སྡུག་མྱོང་བཞིན་པའི་བོད་མི་ཚོར་རེ་བ་ཆེན་པོའི་བརྡ་ལན་ཞིག་དང་། ཨ་རིའི་གཞུང་དང་མི་དམངས་ཀྱིས་རང་དབང་དང་དམངས་གཙོ་ལ་ཆོད་སེམས་བརྟན་པོ་ཡིན་པ་མཚོན་གྱི་ཡོད། སྲིད་འཛིན་མཆོག་གིས་དབུ་མའི་ལམ་ལ་རྒྱབ་སྐྱོར་དང་། རྒྱ་བོད་བར་དོན་སྙིང་ལྡན་པའི་གྲོས་མོལ་ཡོང་ཐབས་ལ་རྒྱབ་སྐྱོར་ཆེན་པོ་གནང་གི་ཡོད་པ་དེར་བསྔགས་བརྗོད་ཞུ་བཞིན་ཡོད་ཅེས་སོགས་གསུངས་འདུག
མཇལ་འཕྲད་མ་གནང་སྔོན་ཙམ་ལ། རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པས་འཆར་ཅན་ལྟར། ཐེངས་འདིར་ཨ་རིའི་གཞུང་གིས་ཏཱ་ལའི་བླ་མར་མཇལ་འཕྲད་གནང་འཆར་ཡོད་པ་དེ་ནི་རྒྱ་ནག་གི་ནང་སྲིད་ལ་ཐེ་གཏོག་བྱས་པ་ཞིག་ཆགས་ཀྱི་ཡོད་པ་མ་ཟད། བྱེད་སྤྱོད་དེ་དག་བརྒྱུད་ནས་རྒྱལ་སྤྱིའི་འབྲེལ་ལམ་ལའང་དོ་ཕོག་འགྲོ་སྲིད་སྐོར་གསར་འགོད་ལྷན་ཚོགས་ཤིག་གི་ཐོག་བརྗོད་འདུག
འདི་ནི་ཨ་རིའི་སྲིད་འཛིན་ཨོ་བྷ་མས་༧གོང་ས་མཆོག་ལ་མཇལ་འཕྲད་གནང་ཐེངས་གསུམ་པ་དེ་ཆགས་ཡོད་ཅིང་། ཐེངས་དང་པོར་ ༢༠༡༠ ཟླ་ ༢ ཚེས་ ༡༨ ཉིན། ཨ་རིའི་ཕོ་བྲང་དཀར་པོའི་ཁང་བརྩེགས་འོག་མའི་ས་ཁྲ་འགྲེམས་སྟོན་ཁང་དུ་མཇལ་འཕྲད་གནང་སྟེ་སྐར་མ་ ༧༠ ཙམ་རིང་གསུང་མོལ་གནང་ཡོད་པ་དང་། ཐེངས་གཉིས་པར་ ༢༠༡༡ ཟླ་ ༧ ཚེས་ ༡༦ ཉིན། སླར་ཡང་ཕོ་བྲང་དཀར་པོའི་ནང་མཇལ་འཕྲད་གནང་སྟེ་སྐར་མ་ ༤༥ རིང་གསུང་མོལ་གནང་ཡོད། ཐེངས་འདི་ནི་ཨ་རིའི་སྲིད་འཛིན་ཨོ་བྷ་མ་༧གོང་ས་མཆོག་ལ་མཇལ་འཕྲད་གནང་ཐེངས་གསུམ་པ་དང་། ཨོ་བྷ་མ་སྐབས་གཉིས་པའི་སྲིད་འཛིན་དུ་བསྡད་རྗེས་ཀྱི་མཇལ་འཕྲད་དང་པོ་དེ་ཆགས་ཡོད།
བྷ་རཱེག་ཨོ་བྷ་མ་ཨ་རིའི་སྲིད་འཛིན་མ་ཆགས་སྔོན་ལའང་༧གོང་ས་མཆོག་དང་མཇལ་འཕྲད་ཐེངས་གཅིག་བྱུང་ཡོད་འདུག
དམངས་གཙོ་དང་འགྲོ་བ་མིའི་ཐོབ་ཐང་ཁ་ལ་ཁྱེར་བའི་བཤན་པ་ངོ་མ་ཨ་རི་ལས་གཞན་གང་དུ་ཡོད། ཨ་རིའི་རིག་གནས་ཀྱི་བཙན་འཛུལ་དང་ཆབ་སྲིད་ཀྱི་བཙན་འཛུལ། དཔལ་འབྱོར་གྱི་བཙན་འཛུལ། བསམ་བློའི་བཙན་འཛུལ་སོགས་མངོན་ལྐོག་བརྒྱུད་གསུམ་ནས་ཤུགས་ཀྱིས་སྤེལ་བཞིན་པ་དང་། དེ་དག་འགྲོ་ཁག་པའི་སྤྱི་ཚོགས་སམ་དབུ་ཁྲིད། མི་རིགས་རེར་འཕྲད་ཡོང་སྐབས། ཁ་ལ་དམངས་གཙོ་དང་འགྲོ་བ་མིའི་ཐོབ་ཐང་ཁྱེར་ཏེ། ཨབ་གྷན་དང་སེ་རི་ཡ། ལེ་བྷེ་ཡ། ཨེ་ཇིབ། པཱ་ལེ་སི་ཐན་སོགས་རྒྱལ་ཁབ་མང་པོའི་ནང་ཐེས་ཇུས་ཀྱིས་རྒྱལ་དམངས་ཟིང་འཁྲུག་བསླངས། ཁོངས་སོ་སོའི་དབུ་ཁྲིད་གསར་གསོད་གཏོང་དུ་བཅུགས་པ། ཉེས་མེད་མི་ཟེར་ས་ཡ་མང་པོའི་ཚེ་སྲོག་འཕྲོགས། འདི་དག་ཡོད་ཚད་ཀྱི་རྩ་བའི་དོན་རྐྱེན་བཟོ་མཁན་ཨ་རི་རེད།
ཐེངས་འདིར་ཨ་རིའི་སྲིད་འཛིན་ཨོ་བྷ་མས་བོད་འདི་རྒྱ་ནག་གི་ཆ་ཤས་ཡིན་པའི་སྲིད་ཇུས་བཟུང་ཡོད་སྐོར་དང་། བོད་རང་བཙན་ལ་རྒྱབ་སྐྱོར་མེད་ཅེས་བཤད་ན་དེར་བློ་ཕམ་དགོས་དོན་མེད་ཀྱང་། ང་ཚོའི་སྤྱི་ཚོགས་དང་གཞུང་འབྲེལ་གསར་ལམ་དག་གི་ནང་། ཨོ་བྷ་མས་བོད་རང་བཙན་ལ་རྒྱབ་སྐྱོར་མེད་ཅེས་བརྗོད་པ་དེ་གཟི་བརྗིད་ཡིན་པ་ལྟ་བུའི་རྣམ་པ་ཞིག་གི་ཐོག་ནས་བསྒྲགས་ཀྱི་ཡོད་པ་འདི་དངོས་གནས་སེམས་སྐྱོ་དགོས་པ་དང་བློ་ཕམ་ཡུལ་ཞིག་རེད།
ད་དུང་སྲིད་སྐྱོང་བློ་བཟང་སེང་གེ་ཡིས་ཨོ་བྷ་མས་༧གོང་ས་མཆོག་ལ་མཇལ་འཕྲད་གནང་པ་དེས་དཀའ་སྡུག་མྱོང་བཞིན་པའི་བོད་ནང་གི་བོད་མི་ཚོར་རེ་བ་ཆེན་པོ་ཡོད་པའི་བརྡ་ལན་ཞིག་སྤྲད་ཡོད་པར་བསྒྲགས་འདུག བོད་རྒྱ་ནག་གི་ཆ་ཤས་ཡིན་པའི་སྲིད་ཇུས་ལ་རྒྱབ་སྐྱོར་བྱེད་ཀྱི་ཡོད་པ་དང་བོད་རང་བཙན་ལ་རྒྱབ་སྐྱོར་མེད་ཟེར་པའི་ལངས་ཕྱོགས་དང་སྐད་ཆ་འདི་དག་གིས་བོད་ནང་གི་བོད་མི་ཚོར་རེ་བ་ཆེན་པོ་སྤྲད་པ་རེད་དམ།
ཡག་པོ་རེད། སྲིད་འཛིན་ཨ་བྷ་མས་ཁ་སངས་ན་ཡག་པོ་འདུག དེ་མ་གཏོགས་བོད་ནང་གི་བོད་མི་ཚོར་མགོ་སྐོར་ཐེབས་ཀྱི་ཡོད་པ་རེད། ད་རེས་ཀྱང་སྲིད་སྐྱོང་མཆོག་གིས་འགྲེལ་བཤད་ལོགས་ཀ་རྒྱག་གྲབས་ཤིག་བྱས་འདུག བོད་ནང་གི་བོད་མི་ཚོས་ཕྱིའི་རྒྱལ་ཁབ་ཁག་གི་ལངས་ཕྱོགས་གང་ཡིན་པ་དང་། རྒྱབ་སྐྱོར་གྱི་ཚད་གཞི་གང་འདྲ་ཡིན་པ། ལྷག་པར་དུ་ཕྱིའི་རྒྱལ་ཁབ་ཁག་གི་རྒྱབ་སྐྱོར་དེས་ག་ཚོད་ཅིག་ཕན་གྱི་ཡོད་མེད་སོགས་གསལ་བོར་ཧ་གོ་དགོས་པ་དེ་གལ་ཆེན་པོ་ཞེ་དྲག་རེད། དེ་མ་གཏོགས་བོད་ནང་གི་བོད་མི་ཚོར་མགོ་སྐོར་བཏང་བསྡད་ན་ཡག་པོ་ཡོད་མ་རེད། བཙན་བྱོལ་ནང་གི་ཆབ་སྲིད་པ་དག་གིས་སོ་སོའི་ལྟོ་རྒྱབ་དང་ལྷག་པར་དུ་ཐོབ་གོ་ས། སྤྱི་ཚོགས་ཀྱི་མདུན་ལ་འཐོན་ཐབས་བཅས་སུ་སྐད་ཆ་གང་་བྱུང་བཤད་ཅིང་བོད་དོན་ལ་འགྲེལ་བཤད་གང་བྱུང་བརྒྱབ་ནས་བོད་ནང་གི་བོད་མི་ཚོར་མགོ་སྐོར་ཐེབས་ཀྱི་ཡོད་པ་རེད། བོད་ནང་གི་བོད་མི་བརྒྱ་ཕྲག་ལས་བརྒལ་བ་ཞིག་གིས་རང་ལུས་མེར་བསྲེགས་བཏང་བ་འདི་ལ་ཕྱི་ལོགས་ཀྱི་ཆབ་སྲིད་པ་ཚོས་འགན་འཁུར་དགོས་ཡོད།
བོད་རང་གི་མིས་བོད་རང་བཙན་རྩོད་ཀྱིན་མེད་པ་མ་ཟད། བོད་རང་བཙན་རྩོད་མཁན་ཚོ་དགྲ་ཕྱོགས་སུ་བཅད་ནས་བོད་གྲལ་དུ་སྡོད་མི་ཐུབ་པ་བཟོ་བཞིན་ཡོད་ན། ཕྱི་མིས་བོད་རང་བཙན་འཐད་རྩོད་ལ་རྒྱབ་སྐྱོར་ཇི་ལྟར་བྱེད།
གལ་ཏེ་ཨ་རིས་གཙོ་ཕྱི་རྒྱལ་ཁག་གིས་བོད་རང་བཙན་ལ་རྒྱབ་སྐྱོར་ཐོབ་དགོས་ན། དང་ཐོག་བོད་རང་གིས་བོད་རང་བཙན་རྩོད་དགོས། རྒྱ་ནག་གཞུང་གིས་བོད་དོན་རྒྱ་ནག་གི་ནང་སྲིད་ཡིན་ཟེར་བ་དེའི་གནད་དོན་གཙོ་བོ་དེ་རེད། འདི་ཙམ་ཡང་མི་ཤེས་པར་ཅིག་བཤད་འདོད་མཁན་ཚོ་སྙིང་རྗེ།
རང་བཙན་མ་རྩོད་རང་སྐྱོང་རྩོད།
ཨ་རིའི་བརྒྱུད་ནས་རྒྱ་ལ་ཕྱོགས།
བོད་དར་མཉམ་དུ་རྒྱ་དར་འཕྱོར།
གནའ་རིག་ཤེས་ནས་དེང་རིག་སྦྱོངས།
བོད་ཡིག་སྦྱངས་ནས་ཨིན་ཡིག་སྦྱོངས།
བོད་སྐད་ཨིན་སྐད་སོ་སོར་རྒྱོབས།
ཡུལ་སྐད་མ་བརྗེད་ཕྱི་སྐད་སྦྱོངས།
བོད་རེར་སེམས་ནང་འདི་ཉིད་འཇོག
ཨོ་བྷ་མས། ” བོད་པའི་གནས་ཚུལ་འདི་རྒྱ་ནག་གི་ནང་སྲིད་གནད་དོན་ཞིག་རེད། རྒྱལ་སྤྱིའི་ཐོག་བོད་དོན་ཟེར་བ་ཞིག་གནའ་ནས་ཡོད་པ་མ་རེད། ” ནམ་ཞིག་སྐད་ཆ་འདི་བཤད་མི་སྲིད་པ་མ་རེད། ཡིན་ནའང་ཞེད་དགོས་དོན་དང་སེམས་འཚབ་ལངས་དགོས་དོན་མི་འདུག ང་རང་གིས་འདི་ཡག་པོ་རེད་བསམ་གྱི་འདུག མཚམས་རེར་ཕར་ཕྱོགས་ལ་འགྲིག་འགྲིག་བཤད་པ་དང་། མཚམས་རེར་ཚུར་ཕྱོགས་ལ་འགྲིག་འགྲིག་བཤད་དེ་མགོ་སྐོར་གཏོང་བ་ལས། ཕན་གནོད་གང་ཞིག་བྱུང་ཡང་སོ་སོའི་ཆབ་སྲིད་ལངས་ཕྱོགས་གསལ་བོ་བཟོས་ཏེ་མདུན་སྐྱོད་ཆེ་ཙམ་བྱས་ན། ང་ཚོའི་ངོས་ནས་འགྲོ་བདེ་འདུག་བདེ་རེད།
ཨ་རི་སྲིད་འཛིན་མི་ནགཨོ་བྷ་མས་བོད་རང་བཙན་ལ་རྒྱབ་སྐྱོར་མེད་ཟེར་བ་དེ་ལ་ཧང་སང་དགོས་ཡ་གང་ཡང་མི་འདུག བོད་མི་རང་གི་དབུ་ཁྲིད་ཚོས་མགོ་བྱེད་ནས་རང་བཙན་ལ་རྒྱབ་སྐྱོར་མེད་རྒྱ་ནག་དམར་གཞུང་གི་རྩ་ཁྲིམས་འོག་མགོ་འབུལ་ལུས་འབུལ་བྱས་ནས་འདུག་རྒྱུ་ཡིན་ཟེར་གི་ཡོད་རེད།
ཨོ་བྷག་མ་ཁྱོད་སྐྱག་པ་
ཟོ།
རྫོགས་པའི་སངས་རྒྱས་ས་ཡི་ཚངས་པ་དང་།།
གདན་གཅིག་བགྲོ་བ་འགྲོ་ལ་དགོངས་པའི་གཏམ།།
ལུས་མེད་ཚོགས་ཀྱིས་གདུང་བ་ཉེར་བླངས་ཡང་།།
དོན་ལ་དེ་དང་བཅས་པའི་ཕན་བདེའི་ལམ།།
། སྲིད་འཛིན་མཆོག་གིས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས་བོད་ཀྱི་མཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག་རྒྱུན་འཛིན་སོགས་ལ་བདག་གཅེས་སྲུང་སྐྱོབ་དང་མི་ཉམས་རྒྱུན་འཛིན་ཐོག་རྒྱབ་སྐྱོར་ཤུགས་ཆེན་གནང་གི་ཡོད་པ་དང་། བོད་མིའི་འགྲོ་བ་མིའི་ཐོབ་ཐང་ལ་སྲུང་སྐྱོབ་དགོས་སྐོར་བསྐྱར་དུ་ནན་བརྗོད་གནང་སོང་ཟེར་ན་ག་རེ་ལབ་ཀྱི་ཡོད་ན།
ཨ་རིའི་སྲིད་འཛིན་མཆོག་གི་ཁ་ཇེ་གསལ་དང་གཏིང་ཇེ་ནག་རེད། སྐབས་སྔོན་མར་བོད་རྒྱ་ནག་གི་ཆ་ཤས་ཡིན་ཚུལ་བརྗོད་པ་རེད། ད་རེས་བོད་རང་བཙན་ལ་རྒྱབ་སྐྱོར་མེད་ཚུལ་བརྗོད་འདུག རིམ་གྱིས་བོད་ཀྱི་གནད་དོན་ཟེར་བ་ཞིག་མེད་ལབ་སྲིད་པའི་ཉེན་ཁ་འདུག