སི་པན་ཁྲིམས་ཁང་གིས་བདེན་པའི་རལ་གྲི་ཅིང་ལ་བཙུཊ།

ཡུའི་ཆིན་ཤིན་གྱིས་བརྩམས།   ཆབ་ཆ་འབྲུག་བྷེ་ཡིས་བསྒྱུར།

༢༠༡༤ ལོའི་ཟླ་ ༢ པའི་ཚེས་ ༡༠ ཉིན་སི་པན་ཆེས་མཐོ་ཁྲིམས་ཁང་གི་ཁྲིམས་དཔོན་ཚོས། ཀྲུང་གོའི་སྲིད་འཛིན་ཟུར་པ་ཅིང་ཙེ་མིན་སོགས་མི་ལྔར་མི་རིགས་ལ་རྒོལ་པ། ཞེས་པའི་ཉེས་མིང་འོག་འཛམ་གླིང་གང་སར་ཁོང་ཚོ་འཛིན་བཟུང་བྱེད་དགོས་པའི་བཀའ་རྒྱ་བཏང་། ཚེས་ ༡༡ ཉིན་ཀྲུང་གོའི་ཕྱི་སྲིད་མགྲིན་ཚབ་པ་མཛེས་མ་དེས་འཇུ་བཟུང་བཀའ་རྒྱ་དེའི་ཐད་མི་འདོད་བའི་རྣམ་འགྱུར་བསྟན་ཏེ། སྔར་བཞིན་དོན་དངོས་ལ་ཁས་ལེན་མི་བྱེད་པར་ཀྲུང་གོའི་ནང་སྲིད་ལ་ཐེ་ཇུས་བྱས་པ་དེར་མཐའ་གཅིག་ཏུ་ངོ་རྒོལ་ཡོད་ཟེར།

སི་པན་ཁྲིམས་ཁང་གི་ཁྲིམས་དཔོན་(Ismael Moreno)ལགས་གྱིས། ཕྱི་ཟླ་ ༢ པའི་ཚེས་ ༡༠ ཉིན་ཆོག་མཆན་སྤྲད་པའི་འཇུ་བཟུང་བཀའ་རྒྱ་དེར་ཁྲིམས་ཁང་གིས་མིང་རྟགས་འགོད་རྒྱུའི་རྩ་བའི་འཆར་གཞི་ ༢༠༡༣ ལོའི་ཟླ་ ༡༡ ནང་ཡིན་ཡང་། བཅའ་ཁྲིམས་ཀྱི་ཉམས་མྱོང་གནད་དོན་གྱི་དབང་གིས་ད་ལོའི་བར་ཕར་འགྱངས་བྱེད་དགོས་བྱུང་འདུག ཅིང་ཙེ་མིན་བོད་ཁུལ་དུ་རིགས་རྒྱུད་རྩ་མེད་གཏོང་མཁན་གྱི་ཉེས་ཅན་པ་ཡིན་པའི་རྐྱེན་གྱིས་འཇུ་བཟུང་བཀའ་རྒྱ་བཀྲམས། སྐྱོན་འདོན་ཞུ་གཏུག་འདི་ཧ་ལམ་ཅིང་ཙི་མིན་གྱི་བློ་ངོར་ཡང་ཤར་མེད་པའི་གནས་ཚུལ་ཞིག་ཡིན་ངེས། རྒྱུ་མཚན་ནི་ཁོ་བོས་ཆེས་སྐྲག་སྣང་ཅན་ས་ནི་དྲུག་བཞིའི་དམར་གསོད་དོན་རྐྱེན་དང་། རྩ་རླུང་སྒོམ་སྒྲུབ་པར་མནར་གཅོད་བཏང་པ་སོགས་རེད། ད་དུང་འཇིག་རྟེན་འདིར་ཁོ་རང་གི་ཉས་སྤྱོད་མང་པོ་ཞིག་གིས་ཁོ་ལ་སྒུག་ནས་ཡོད། བོད་མི་དམར་གསོད་དང་མནར་གཅོད་བཏང་བའི་འགྲོ་བ་མིའི་ཐོབ་ཐང་རྡོག་རོལ་གྱི་གནས་ཚུལ་དེ་ལྟ་བུ་ཀྲུང་གོས་དབང་སྒྱུར་བྱས་ཚུན་ལ། ལོ་ངོ་བཅུ་ཕྲག་གཅིག་རེའི་ནང་དུའང་མཚམས་མ་ཆད་པར་བྱུང་དང་འབྱུང་བཞིན་ཡོད། དེའི་ཐོག་ནས་མཐོང་ཐུབ་པ་ནི་ཅིང་ཙི་མིན་གྱི་གྱོད་དོན་ཞུ་གཏུག་ལ་འདྲི་གཅོད་ཡོད་པ་ནི་ལས་དབང་གིས་ཐག་བཅད་པ་ཞིག་རེད། ཁོས་བཟོས་པའི་བྱ་ངན་སྤྱོད་ངན་ཧ་ཅང་མང་ལ་ནག་ཉེས་དེ་དག་གིས་ཁོ་བོ་འདྲི་གཅོད་སྟེགས་བུར་སྐྱེལ་གྱིན་ཡོད།

སི་པན་ཁྲིམས་ཁང་དེ་ཅིང་ཙི་མིན་གྱི་དགྲ་ཟླ་ཆགས་ཡོད། ལོ་བཞིའི་ནང་ཐེངས་གཉིས་ལ་ཅིང་གི་ནག་ཉེས་ཞུ་གཏུག་ལེགས་འགྲུབ་བྱུང་འདུག སི་པན་ཁྲིམས་ཁང་གིས་༢༠༠༩ ལོའི་ཟླ་ ༡༡ པར་བཀའ་རྒྱ་བཏང་སྟེ། རྩ་རླུང་སྒོམ་སྒྲུབ་ཀྱི་སློབ་ཕྲུག་ཚོས་ཞུ་གཏུག་བྱས་པའི་ཅིང་ཙི་མིན་སོགས་ཀྲུང་གོའི་མཐོ་རིམ་དཔོན་རིགས་ལྔས་ཁོང་ཚོའི་ཚོགས་སྤྱི་རྩ་གཏོར་གྱི་ཉེས་པ་བསགས་པའི་གྱོད་དོན་སྒྲུབ་ཡོད་པ་མ་ཟད། གྱོད་ཡ་ཅིང་སོགས་ཀྱིས་ཉིན་བཞི་ནས་དྲུག་གི་ནང་ཚུན་ལ་ངེས་པར་དུ་བརྡ་ལན་སྤྲོད་དགོས་པའི་རེ་བ་བཏོན་ཡོད། ཁྲིམས་ཁང་གི་བརྡ་ཁྱབ་ནང་གལ་སྲིད་གྱོད་ཡའི་ཉེས་མིང་དེར་ཁོང་ཅག་གིས་ཡ་ལན་དག་འཕེར་ཞིག་མེད་པ་ཡིན་ན། ཉུང་མཐར་ལོ་ངོ་ ༢༠ རིང་གི་བཙོན་འཇུག་ཁྲིམས་ཐག་ལ་ཁ་གཏོད་དགོས་པ་དང་། ད་དུང་དེའི་ཞོར་དུ་དཔལ་འབྱོར་གྱི་ཉེས་ཆད་གཅོད་དགོས་པ་སོགས་གསལ་ཡོད།

བཀའ་བཅད་འདི་ཁྱབ་བསྒྲགས་བྱས་རྗེས་ཀྲུང་གོའི་ཚོང་ཟོག་བཀག་རྒྱའི་འཇིགས་སྐུལ་དང་། ཕྱི་འབྲེལ་གནོན་ཤུགས་སོགས་ལ་བརྟེན་ཏེ་སི་པན་གཞུང་གིས་ཁྲིམས་ཁང་ལ། རྗེས་ཕྱོགས་གྱོད་དོན་འདི་རིགས་སི་པན་མངའ་ཁོངས་དང་ཐད་ཀར་འབྲེལ་བ་ཡོད་པ་དག་ལས། གཞན་པར་ཐེ་གཏོག་མ་བྱས་ན་ལེགས་པའི་རེ་བ་བཏོན་ཡོད། ལོ་བཞིའི་རྗེས་སུ་ཅིང་ཙི་མིན་ཞུ་གཏུག་བྱས་པའི་བོད་དོན་གྱོད་གཞི་འདི་སྔོན་ཆད་སི་པན་གཞུང་གིས་བཏོན་པའི་རེ་བ་དང་ཏག་ཏག་འཚམ་པོ་ཡོད། དཔེར་ན། ཐེངས་འདིར་ཞུ་གཏུག་བྱེད་མཁན་ཁྲོད་ཀྱི་མི་གཅིག་བོད་ནས་སྐྱེས་པའི་ཐུབ་བསྟན་དབང་ཆེན་ཟེར་བ་ཁོང་ནི། སི་པན་རྒྱལ་ཁོངས་ཀྱི་མི་སེར་ཐོབ་ཐང་བླངས་ཡོད་པའི་བོད་རིགས་བཙུན་པ་ཞིག་རེད།

གལ་སྲིད་ ༢༠༠༩ ལོའི་སི་པན་ཁྲིམས་ཁང་གིས་རྩ་རླུང་སྒོམ་སྒྲུབ་སློབ་མ་ཚོས་ཅིང་ཙི་མིན་གྱི་ནག་ཉེས་ཞུ་གཏུག་བྱས་པར་བཀའ་བཅད་བཏང་པ་དེ་གཏུག་བཤེར་གོ་རིམ་གྱི་འཁོར་ལོ་སྒུལ་བར་རྩི་ན། དེས་ན་ ༢༠༡༤ ལོའི་ཁྲིམས་དཔོན་(Ismael Moreno)གྱིས་ཆོག་མཆན་སྤྲད་པའི་འཇུ་བཟུང་བཀའ་རྒྱ་དེ་གོམ་གང་མདུན་སྤོས་ཀྱི་སྐུལ་འདེད་ཅིག་རེད། ཁྲིམས་ཁང་གིས་ཅིང་ཙི་མིན་གྱི་གྱོན་དོན་ཞུ་གཏུག་དེར་ངེས་ལེན་བྱས་པ་མ་ཟད། ད་དུང་འཇིགས་སྐུལ་རིང་ལུགས་པའི་གཏེ་བོ་པིན་ལ་ཏིན་(Bin Laden)དང་། ཆཱེ་ལེ་(Chile)རྒྱལ་ཁབ་ཀྱི་དམག་དོན་སྒེར་གཅོད་པ་ཟུར་པ་ཕེའི་ནོ་ཆེ་ཐིག་(Pinuoqiete)ལྟར་རྒྱལ་སྤྱིའི་ཉེས་དོན་ཉེན་རྟོག་པར་རེ་སྐུལ་བྱས་ཏེ། ནུས་པ་མཉམ་སྤུངས་ཀྱིས་བཙན་པོའི་ཉེས་དོན་ལ་དྲག་ཤུགས་ཀྱི་བྱེད་ཐབས་སྤྱད་དེ། ཅིང་ཙི་མིན་འཇུ་བཟུང་བྱེད་དགོས་པའི་གལ་ཆེའི་རང་བཞིན་གསལ་སྟོན་བྱས་ཡོད།  

སི་པན་ཁྲིམས་རའི་ “ཀུན་ཁྱབ་བདག་སྐྱོང་དབང་ཆ” གཞིར་བཟུང་དེ་སྔོན་པིན་ལ་ཏིན་(Bin Laden)དང་ཕེའི་ནོ་ཆེ་ཐིག་(Pinuoqiete)སོགས་འཇུ་བཟུང་བཀའ་རྒྱ་བཏང་པར་ཨར་ཇིན་ཊེ་ན་(Argentina)རྒྱལ་ཁབ་ཀྱི་མཚོ་དམག་མགོ་གཙོ་ཟུར་པས་(Ricardo Miguel Cavallo)མོ་སི་ཁོ་(Mexico)ནས་སི་པན་ལ་རྩིས་སྤྲོད་བྱས་ཏེ། བཀག་སྐྱིལ་འདྲི་གཅོད་བྱས་པ་རེད། ལྷག་པར་དུ་སི་པན་གྱི་ཁྲིམས་དཔོན་སྐད་གྲགས་ཅན་ཅ་ཨར་སོང་(Jia er song)གྱིས་ ༡༩༩༨ ལོར་ཆཱེ་ལེའི་(Chile)ཕེའི་ནོ་ཆེ་ཐིག་(Pinuoqiete)འཇུ་བཟུང་བཀའ་རྒྱར་ཆོག་མཆན་སྤྲད་དེ་དབྱིན་ཇིའི་ཉེན་རྟོག་པས་རོགས་རམ་འོག་ལོན་ཌོན་(LunDon)ནས་སྨན་བཅོས་བྱེད་བཞིན་པའི་ཕེའི་ནོ་ཆེ་ཐིག་(Pinuoqiete)འཛིན་བཟུང་གིས་ཁོ་བོའི་ཆབ་སྲིད་དབང་ཆ་ཕྱིར་འཐེན་བྱས་པ་མ་ཟད། མཐའ་མར་ཁོ་ལ་འདྲི་གཅོད་ཀྱང་བྱས་འདུག ཕེའི་ནོ་ཆེ་ཐིག་(Pinuoqiete)འཇུ་བཟུང་གི་བཀའ་རྒྱ་དེ་སི་པན་ཁྲིམས་ཁང་གིས་ཀུན་ཁྱབ་བདག་སྐྱོང་དབང་ཆའི་ཆེད་དུ་དཔར་སྐྲུན་བྱས་པའི་གྱོད་གཞིའི་དཔེ་མཚོན་གྱི་གསུང་རབ་ཅིག་ཏུ་གྱུར་ཡོད། རྒྱལ་ཁབ་སོ་སོའི་ཁྲིམས་ལུགས་སློབ་དེབ་ནང་བཅུག་སྟེ་སློབ་ཁྲིད་དང་། འཛམ་གླིང་མི་མང་གིས་གནས་ལུགས་རྗོད་བྱེད་ཀྱི་དཔེ་མཚོན་ལ་ངོས་ལེན་བྱེད་ཀྱི་ཡོད།

མི་ལ་ལས་སི་པན་ཁྲིམས་རྭ་དེ་ཏག་ཏག་རྒྱལ་སྤྱིའི་ཁྲིམས་རྭ་དང་འདྲ་བོ་འདུག དོ་དམ་བྱས་པ་ཧ་ཅང་རྒྱ་ཆེན་པོ་རེད་ཅེས་བརྗོད་བཞིན་ཡོད། དོན་དངོས་ཐོག་དེ་འདྲ་མ་རེད། སི་པན་ཁྲིམས་རྭས་རྒྱལ་སྤྱིའི་ཁྲིམས་ལུགས་ཀྱི་ཀུན་ཁྱབ་བདག་སྐྱོང་དབང་ཆའི་རྩ་དོན་གཞི་རྩར་བཟུང་སྟེ་ལས་དོན་བྱེད་ཀྱི་ཡོད་པ་ཙམ་རེད། རྩ་དོན་དེས་གང་ཟག་གང་རུང་ཞིག་གི་ས་ཆ་གང་རུང་ཞིག་ཏུ་མི་རིགས་ལ་རྒོལ་པའི་ནག་ཉེས་བསགས་ན། རྒྱལ་ཁབ་སོ་སོའི་ཁྲིམས་རྭས་མངའ་ཁོངས་ཉེས་དོན་དབང་ཆ་སྤྱད་དེ་ཉེས་ཅན་དོ་དམ་བྱེད་ཆོག་པ་དང་། དེའི་འགན་དབང་རྒྱལ་ཁབ་ཚང་མར་ཡོད་པར་ངོས་འཛིན་བྱེད་ཀྱི་ཡོད། ཀུན་ཁྱབ་བདག་སྐྱོང་དབང་ཆ་ཞེས་པའི་རྩ་དོན་དེ་རྒྱལ་ཁབ་སོ་སོར་ཀུན་ཁྱབ་ཀྱིས་བེད་སྤྱོད་རུང་བ་ཞིག་རེད། གཙོ་བོ་ཁྱོད་ལ་བེད་སྤྱོད་བྱེད་པའི་བློ་སྟོབས་ཡོད་མེད་ལ་ཐུག་ཡོད། ཉེས་དོན་ཞུ་གཏུག་བྱས་པ་ཚང་མ་གོ་གནས་ངེས་ཅན་ཡོད་པ་རྐྱང་རྐྱང་རེད། ཁོང་ཚོར་བརྟག་དཔྱད་ཞིབ་འཇུག་བྱས་ཚེ་རྒྱུན་དུ་ཁོ་ཚོའི་སྟག་རྒྱབ་ཀྱི་སྲིད་གཞུང་ལ་ཕོག་ཐུག་གཏོང་སྲིད་སྟབས་རང་རྒྱལ་གྱི་ཕྱི་འབྲེལ་ལ་འགལ་ཟླ་བཟོ་ངེས་རེད། ཡང་གཅིག་བཤད་ན། ཀུན་ཁྱབ་བདག་སྐྱོང་དབང་ཆ་ནི་དྲང་བདེན་གྱི་ཁྲིམས་ལུགས་ཤིག་ཡིན། སུ་ཞིག་གིས་ཀྱང་ངེས་པར་དུ་བེད་སྤྱོད་གཏོང་དགོས་པའི་བཙན་བཀའ་མེད། འོན་ཀྱང་སུ་ཞིག་གིས་ལག་ལེན་བྱས་ན་དེར་ངོ་རྒོལ་ཡང་བྱེད་ཐུབ་མེད།

སྦེལ་ཇམ་(Belgium)རྒྱལ་ཁབ་ཀྱིས་ ༡༩༩༣ ལོར་<<འཛམ་གླིང་བདག་སྐྱོང་དབང་ཆའི་བཅའ་ཁྲིམས་>>ཞེས་པ་ཁྱབ་བསྒྲགས་བྱས་ཏེ་ “ཀུན་ཁྱབ་བདག་སྐྱོང་དབང་ཆ་” ལག་བསྟར་གྱི་མགོ་ཁྲིད་པ་རེད། དང་ཐོག་བསམ་བློ་འདིར་དོ་སྣང་བྱུང་པ་དང་གལ་ཆེན་པོར་བརྩིས་ན་ཡང་། ཕྱེས་སུ་ཕྱི་འབྲེལ་གྱི་དྲག་ཆར་རླུང་འཚུབ་ཀྱི་རྐྱེན་པས་སྲིད་གཞུང་གིས་ ༢༠༠༣ ལོར་དམ་དྲག་ཚོད་འཛིན་བྱས་ཏེ། ཁྲིམས་རྭའི་ཁྱབ་ཚད་རྒྱལ་ཁོངས་ཀྱི་ཁྲིམས་སུ་བཅོས་བསྒྱུར་བཏང་འདུག

སི་པན་སྲིད་གཞུང་དང་གྲོས་ཚོགས་ཀྱིས་ཀྱང་། ཁྲིམས་ཁང་གིས་ཇུས་མེད་ཇུས་གཏོགས་ཞེས་ཡང་ཡང་ཚོད་འཛིན་བྱས་ཡོད་ཀྱང་། ཁྲིམས་ལུགས་རང་དབང་གི་རྐྱེན་གྱིས་སི་པན་ཆེས་མཐོའི་ཁྲིམས་ཁང་གིས་ད་དུང་ཀུན་ཁྱབ་བདག་སྐྱོང་རྩ་དོན་ལག་བསྟར་བྱེད་ཀྱི་ཡོད་པ་འདི་འཛམ་གླིང་འགྲོ་བ་མིའི་ཐོབ་ཐང་རྩ་འཛུགས་དང་། གནོད་འཚེ་ཕོག་མཁན་ཚོས་རྒྱུན་མཐུད་ནས་དྲང་བདེན་འཚོལ་སའི་ཁྲིམས་ཁང་ཞིག་ཏུ་གྱུར་ཡོད་ལ། སི་པན་གྱི་ཁྲིམས་དཔོན་དག་ཀྱང་རྒྱལ་སྤྱིའི་སྟེང་འགྲོ་བ་མིའི་ཐོབ་ཐང་གི་འཐབ་མོ་བའི་སྙན་གྲགས་ཐོབ་ཡོད།

འདི་ལྟར་བལྟས་ཡོང་ན། སི་པན་ཁྲིམས་ཁང་དེ་ནི་འཇིག་རྟེན་སྟེང་ཀུན་ཁྱབ་བདག་སྐྱོང་དབང་ཆ་ལག་ལེན་བྱེད་བཞིན་པའི་ནུས་པ་ཅན་གྱི་རྒྱལ་ཁབ་གཅིག་པུ་དེ་ཆགས་འདུག གཞན་གྱིས་བཤད་རྒྱུར། མཉམ་འབྲེལ་རྒྱལ་ཚོགས་ཀྱིས་ཧོ་ལན་(Holland)གྱི་གྲོང་ཁྱེར་(Hague)ནང་རྒྱལ་སྤྱིའི་ཁྲིམས་ཁང་བཙུགས་ཡོད་སྟབས། སི་པན་གྱིས་ཉེས་དོན་སྒྲུབ་དགོས་པ་མི་<འདུག་ཟེར། འོན་ཀྱང་། ངོ་རྒོལ་བྱེད་མཁན་གྱིས་བསམ་ཚུལ་བརྗོད་རྒྱུར། ཧོ་ལན་ཁྲིམས་ཁང་དེས་རྒྱལ་ཚོགས་ཀྱི་ལས་འཛིན་ལྷན་ཁང་གིས་ཆོག་མཆན་སྤྲད་རྗེས་ད་བཟོད་གྱོད་དོན་ཐོ་འགོད་བྱས་ཏེ་རྟགས་དཔྱད་དང་། འདྲི་གཅོད་བྱེད་པ་གཅིག་པོ་རེད། སི་པན་ཁྲིམས་ཁང་གིས་རྒྱལ་ཚོགས་ཀྱི་ཚད་བཀག་ལ་ངོས་ལེན་བྱེད་ཀྱི་མེད། ཁོ་ཚོས་ཁྲིམས་དཔོན་གྱི་ལྷག་བསམ་དང་སྙིང་སྟོབས་སྤྱད་དེ་ཀུན་ཁྱབ་བདག་སྐྱོང་གི་རྩ་དོན་བརྒྱུད་མི་ངན་འཛིན་བཟུང་གིས་མི་ཡུལ་གྱི་དྲང་བདེན་གསལ་སྟོན་བྱེད་ཀྱི་ཡོད་པ་རེད།

ནུབ་ཕྱོགས་རྒྱལ་ཁབ་ཁག་གིས་རང་ཉིད་ཀྱི་ཚོང་ཟོག་མངག་ཐོའི་ཆེད་དུ་ཀྲུང་གོའི་ནག་ཉེས་ “འཇིག་རྟེན་འདིའི་སྟེང་རྩ་བ་ཉིད་ནས་བྱུང་མྱོང་མེད་པའི་ནག་ཉེས་” དག་ལ་རྣ་འོན་པ་དང་ངག་ལྐུག་པའི་ངང་ཚུལ་འཛིན་བཞིན་ཡོད་ལ། ད་དུང་རང་རྒྱལ་གྱི་ཁྲིམས་ལུགས་རང་དབང་ལ་ཚོད་འཛིན་གྱིས་ཁ་བཙུམ་ཟེར་དུས། སི་པན་ཁྲིམས་ཁང་གིས་ཀུན་ཁྱབ་བདག་སྐྱོང་རྩ་དོན་གྱི་རྣོ་གྲི་བཟུང་སྟེ་ཡང་བསྐྱར་ཅིང་ཙི་མིན་འཇུ་བཟུང་གི་བཀའ་རྒྱ་བཏང་པ་ནི། བླ་ན་མེད་པའི་བདེན་པའི་ཁྲིམས་ལུགས་ཀྱི་རལ་གྲི་ཡར་སྒྲེང་པ་དང་གཅིག་མཚུངས་རེད།

མ་རྩོམ། www.epochtimes.com/gb/14/2/13/n4082286.htm