དེ་རིང་ཨུ་རུ་སུའི་ཁལ་མུག་མངའ་སྡེའི་རྒྱལ་སར་བོད་མི་དང་བོད་དོན་རྒྱབ་སྐྱོར་བ་མཉམ་འཛོམས་ཐོག་བོད་མིའི་རང་དབང་སྒེར་ལངས་ཀྱི་དུས་དྲན་ཐེངས་ ༥༥ པ་སྲུང་གཙི་གནང་ཡོད་འདུག
དེ་རིང་ཕྱི་ཚེས་ ༡༠ ཉིན་བོད་མི་ཚོས་འཛམ་གླིང་ཡུལ་གྲུ་གང་སར་ ༡༩༥༩ ལོའི་དེ་རིང་ཉིན་མོར་ལྷ་སར་བོད་མི་ཚོས་མ་གྲོས་བསམ་པ་གཅིག་མཐུན་གྱིས་༧གོང་ས་མཆོག་གི་སྐུ་ཕྱྭ་སྲུང་སྐྱོབ་དང་། རྒྱ་དམག་གིས་བོད་ས་བཙན་བཟུང་བྱས་པར་ངོ་རྒོ་བྱ་ཆེད་ཞི་བའི་གྱེན་ལངས་བྱས་ཏེ་མི་ལོ་ ༥༥ འཁོར་བའི་དུས་དྲན་སྲུང་གཙི་གནང་ཡོད་པ་ལྟར། དེ་རིང་ཞོགས་པའི་ཆུ་ཚོད་ ༩།༠༠ ཐོག ཨུ་རུ་སུའི་ཁལ་མུག་མངའ་སྡེའི་རྒྱལ་ས་ཨེ་ལེ་སི་ཐྰ་ (Elista) དུ་ཡོད་པའི་དགེ་ལྡན་བཤད་སྒྲུབ་ཆོས་འཁོར་གླིང་གི་འདུ་ཁང་དུ། བོད་མི་དང་བོད་དོན་རྒྱབ་སྐྱོར་འདུ་འཛོམས་གནང་སྟེ་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཀྰ་ཀོ་ཡོ་ཝ་ལགས་ཀྱིས་བཀའ་ཤག་གི་གསུང་འཕྲིན་སྒྲོགས་སྦྱང་དང་། དགོན་པའི་དགེ་འདུན་པ་དང་མི་མང་གིས་སྨོན་ལམ་གསུང་འདོན་བཅས་གནང་ཡོད་པ་མ་ཟད། བོད་པ་དང་བོད་དོན་རྒྱབ་སྐྱོར་བ། ས་གནས་མི་མང་བཅས་མི་ ༡༠༠ ཡས་ཤིག་གིས་༧གོང་ས་མཆོག་གི་སྐུ་པར་དང་བོད་ཕྱི་ནང་གཉིས་སུ་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྐུ་པར། བོད་ཀྱི་རྒྱལ་དར། ཆོས་དར། འཕྲེད་དར་སོགས་འཕྱར་ཏེ་རྒྱལ་སར་ཡོད་པའི་གཞུང་གི་ལས་ཁུངས་ཉེ་འཁྲིས་སུ་འཛོམས་ཏེ་བོད་མི་ཞི་བའི་སྒེར་ལངས་ཀྱི་དུས་དྲན་ཐེངས་ ༥༥ པ་སྲུང་གཙི་གནང་ཡོད་འདུག
གསར་འགོད་པ། དོན་གོ
