བོད་པའི་སྤྱི་ཚོཊ་ནང་གློ་ནད་ཡོད་མཁན་གྱི་བརྒྱ་ཆའི་ ༦༠ ལྷག་གཞོན་སྐྱེས་ཆཊ་འདུག

འཛམ་གླིང་གློ་ནད་ཉིན་མོ་སྲུང་གཙི་གནང་སྐབས་འཕྲོད་བསྟེན་བཀའ་བློན་མཆོག་གིས། བོད་པའི་སྤྱི་ཚོགས་ནང་གློ་ནད་ཅན་གྱི་བརྒྱ་ཆའི་ ༦༠ ལྷག་གཞོན་སྐྱེས་ཆགས་ཡོད་སྟབས། ལོ་འདིར་འཕྲོད་བསྟེན་ལས་ཁུངས་ཀྱིས་མཐོ་སློབ་དང་དགོན་སྡེ་ཁག་ཏུ་ལས་བྱེད་མངགས་གཏོང་གིས་སྔོན་འགོག་དང་སྨན་བཅོས་ཀྱི་ལས་གཞི་སྤེལ་རྒྱུ་ཡིན་སྐོར་གསུངས་སོང་།

དེ་རིང་ཚེས་ ༢༣ ཉིན་གྱི་སྔ་དྲོ་ངྷ་ས་ཉིན་སློབ་དུ། གཟའ་ཉི་མའི་གུང་གསེང་དང་བསྟུན་ཏེ་བོད་མིའི་སྒྲིག་འཛུཊ་འཕྲོད་བསྟེན་ལས་ཁུངས་དང་བདེ་ལེགས་སྨན་ཁང་། བོད་རྒྱལ་ཡོངས་རྩེད་རིགས་ཚོགས་པ་ཐུན་མོང་ཐོག་རྒྱང་རྒྱུགས་འགྲན་བསྡུར་གྱི་ལམ་ནས་འཛམ་གླིང་གློ་ནད་ཉིན་མོ་སྲུང་གཙི་གནང་སོང་ལ། དེར་འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་དང་། ངྷ་ས་ས་གནས་མགོ་འཛིན་བསོད་ནམས་རྡོ་རྗེ་ལཊ། འཕྲོད་བསྟེན་ལས་ཁུངས་ཀྱི་སྤྱི་ཚོགས་འཕྲོད་བསྟེན་སྡེ་ཚན་འགན་འཛིན་འཕྲིན་ལས་དཔལ་མོ་ལཊ། བོད་རྒྱལ་ཡོངས་རྩེད་རིགས་ཚོགས་པའི་ཚོགས་གཙོ་སྐལ་བཟང་དོན་འགྲུབ། དེ་བཞིན། རྒྱང་རྒྱུགས་ཁྲོད་མཉམ་ཞུགས་གནང་མཁན་ཤེས་རབ་དགའ་ཚལ་སློབ་གླིང་དང་། ངྷ་སྟེང་བོད་ཁྱིམ། ངྷ་ཤོད་བོད་ཁྱིམ། གྷོ་པ་པུར་བཅས་ཀྱི་སློབ་མ་དང་བཞུགས་སྒར་མི་མང་བཅས་མི་  ༣༠༠ ཡས་མས་འཛོམས་འདུག

ཐེངས་འདིའི་ལས་འགུལ་གྱི་དམིགས་ཡུལ་གཙོ་བོ་འཛམ་གླིང་གློ་ནད་ཉིན་མོ་སྲུང་གཙི་དང་། བོད་པའི་སྤྱི་ཚོགས་ནང་གློ་ནད་སྔོན་འགོག་གི་གོ་རྟོགས་སྤེལ་ཆེད་ཡིན་འདུག་ལ། དེ་རིང་གི་མཛད་སྒོའི་ཐོག་འཕྲོད་བསྟེན་བཀའ་བློན་མཆོག་གིས་འཛམ་གླིང་ཊི་སྦེ་ཉིན་མོ་དང་འབྲེལ་བའི་གཏམ་བཤད་གནང་གྲུབ་རྗེས། སློབ་གྲྭ་ཁག་ནས་ཕེབས་པའི་སློབ་མ་དང་བཞུགས་སྒར་གནས་སྡོད་མི་མང་ ༢༠༠ ཡས་མས་ཤིག་མེག་གྷན་ཉིན་སློབ་སྒོ་ཆེན་མདུན་གྱི་གཞུང་ལམ་ནས་ཧྥོར་སི་གྷན་ཇི་ཉེན་རྟོག་ལས་ཁུངས་དང་། དེ་ནས་ཕྱིར་ཉིན་སློབ་སྒོ་ཆེན་བར་གྱི་ཀེ་ལོ་མུ་ཊར་ ༤ ལྷག་གི་རིང་རྒྱང་རྒྱུགས་འགྲན་བསྡུར་གནང་སོང་ལ། མཇུག་ཏུ་ས་གནས་མགོ་འཛིན་གྱིས་རྒྱང་རྒྱུགས་ཁྲོད་ཀྱི་ཨང་རིམ་བཞིན་ཕོ་དང་ཕོ་མོའི་ཨང་དང་པོ་ནས་ལྔ་བ་བར་གྱི་མི་བཅུ་ལ་ཨང་དང་པོར་ཧིན་སྒོར་ ༢༠༠༠ དང་། གཉིས་པ་སྒོར་ ༡༥༠༠། གསུམ་པར་སྒོར་ ༡༠༠༠། བཞི་བ་སྒོར་ ༥༠༠། ལྔ་བ་སྒོར་ ༥༠༠ བཅས་དང་། རྒྱང་རྒྱུཊ་ཁྲོད་ཞུགས་མཁན་ཕོ་མོ་གཉིས་ལས་ལོ་ཆེ་ཤོས་དང་ཆུང་ཤོས་མི་བཞི་བཅས་ལ་བྱ་དགའ་གསོལ་རས་གནང་སོང་།

དེ་རིང་འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་གིས་དུས་དྲན་དང་འབྲེལ་བའི་གཏམ་བཤད་གནང་སྐབས། ཕྱི་ལོ་ ༡༨༨༢ ལོར་ཌོག་ཊར་རོ་སྦར་ཊི་ཀོ་ཡིས་གློ་ནད་ཀྱི་ནད་འབུ་བརྩད་གཅོད་བྱུང་བ་ལ་བརྟེན་ནས་མི་རྣམས་ཀྱི་ཉིན་མོ་འདི་འཛམ་གླིང་གི་གློ་ནད་ཉིན་མོར་སྲུང་གཙི་བྱེད་ཀྱི་ཡོད་པ་མ་ཟད། ནད་གཞི་འདི་གོ་རྟོགས་དང་ཁྱབ་བསྒྲཊ་ཀྱི་དུས་ཚོད་གལ་ཆེན་ཞིག་ལ་ངོས་འཛིན་བྱེད་ཀྱི་ཡོད་པ་དང་། ད་ཆར་འཛམ་གླིང་ནང་ལོ་རེར་གློ་ནད་ཅན་ས་ཡ་ ༦ ཡས་མས་ཡོང་གི་ཡོད་པ་ལས་ས་ཡ་ ༢ ཡས་མས་འདས་གྲོངས་སུ་འགྲོ་བཞིན་ཡོད་པ་ལྟར། བོད་པའི་སྤྱི་ཚོགས་ལ་མཚོན་ནའང་ནད་གཞི་འདི་སྤྱི་ཚོགས་ཀྱི་དཀའ་ངལ་ཆེ་ཤོས་ཤིག་ཆགས་ཏེ། སྔོན་མ་ཊི་སྦེ་རིམ་པ་དང་པོ་ན་མཁན་ལས་མེད་ཀྱང་། དེང་སང་རིམ་པ་གཉིས་པ་ན་མཁན་ཡོང་བསྡད་ཀྱི་ཡོད་པ་དང་། རིམ་པ་དང་པོའི་སྨན་གྱིས་རིམ་པ་གཉིས་པའི་ནད་འབུ་སེལ་ཐུབ་ཀྱི་མེད་པར་དམིགས་བསལ་སྨན་ཤུགས་ཆེ་རུ་གཏོང་དགོས་པ་དང་། གོང་ཚད་མཐོ་བོ་ཡིན་པ། དུས་ཚོད་འགོར་བ་སོགས་དཀའ་ངལ་མང་པོ་ཞིག་ཡོད་སྟབས། བོད་མི་ཚོའི་སོ་སོའི་ངོས་ནས་གཙང་སྦྲ་འཕྲོད་བསྟེན་སོགས་སྔོན་འགོག་ཐད་ཤུགས་རྒྱག་རྒྱུ་གལ་ཆེན་ཆགས་ཡོད་སྐོར་གསུངས་སོང་།

ཁོང་གིས་ཊི་སྦེ་ནད་གཞི་ཉུང་དུ་གཏོང་བར་བརྟག་དཔྱད་བྱེད་དགོས་སྟབས། ད་ཆར་རྒྱ་གར་གྱི་ས་གནས་སྨན་ཁང་ཚང་མས་བོད་མིར་དབྱེ་འབྱེད་དང་བཀག་སྡོམ་མེད་པར་བརྟག་དཔྱད་གནང་གི་ཡོད་པ་མ་ཟད། བོད་མིའི་སྒྲིག་འཛུཊ་འཕྲོད་བསྟེན་ཁྱབ་ཁོངས་སྨན་ཁང་ཆེ་ཁག་ནང་གོང་ཚད་མཐོན་པོ་མིན་པར་བརྟག་དཔྱད་ཀྱི་མཐུན་རྐྱེན་ཡོད་པ་དང་། སྨན་བཅོས་ཀྱི་ཐད་ནས་རྒྱ་གར་གཞུང་གི་སྨན་ཁང་དུ་ཊི་སྦེ་རིམ་པ་དང་པོར་རིན་མེད་སྨན་བཅོས་བྱེད་བསྡད་ཡོད་ཀྱང་། ཊི་སྦེ་རིམ་པ་གཉིས་པ་རྒྱ་གར་གྱི་ས་གནས་སྨན་ཁང་ཚང་མའི་ནང་སྨན་བཅོས་མཐུན་རྐྱེན་མེད་ཚུལ་གསུངས་ཏེ། ད་ལྟའི་བོད་པའི་སྤྱི་ཚོགས་ཀྱི་གློ་ནད་གནས་སྟངས་ཐད། “ ད་ལོ་བོད་པའི་སྤྱི་ཚོགས་ནང་ཊི་སྦེ་ན་མཁན་བརྒྱ་ཆའི་ ༦༠ ལྷག་གཞོན་སྐྱེས་ཆགས་འདུག སློབ་ཕྲུག་དང་མཐོ་སློབ་སློབ་མ། དགོན་སྡེ་ཁག་གི་གྲྭ་བཙུན་དེ་དག་མང་ཤོས་ཆགས་འདུག་སྟབས། འདི་ལོར་ང་ཚོས་མཐོ་སློབ་ཁག་ནང་འབྲེལ་ཡོད་ལས་བྱེད་བཏང་སྟེ་ནད་གཞི་སྔོན་འགོག་གི་ལས་གཞི་སྤེལ་རྒྱུ་བང་བསྒྲིགས་ཡོད། ཚང་མས་མ་ན་བའི་ཐབས་ཤེས་གནང་བའི་ཐོག་ནས་སྔོན་འགོག་གནང་རྒྱུ་དང་། ན་བའི་རིགས་ཀྱིས་དུས་ཚོད་ཏག་ཏག་ལ་བརྟག་དཔྱད་གནང་སྟེ་མ་གཞན་ལ་མ་ཁྱབ་པའི་འབད་བརྩོན་གནང་རོགས། “ཞེས་གསུངས་བྱུང་།

བོད་མིའི་སྒྲིག་འཛུཊ་འཕྲོད་བསྟེན་ལས་ཁུངས་ཀྱིས་ལོ་ལྟར་འཛམ་གླིང་གློ་ནད་ཉིན་མོ་སྲུང་གཙི་གནང་གི་ཡོད་པ་ལྟར། འདི་ལོ་ངྷ་རམ་ས་ལར་སྒྲིག་འཛུགས་དང་ཚོགས་པ་གཞན་གཉིས་དང་མཉམ་འབྲེལ་གྱིས་དུས་དྲན་སྲུང་གཙི་གནང་སོང་བ་མ་ཟད། རྒྱ་བལ་གཉིས་ཀྱི་བོད་པའི་གཞིས་ཆགས་དང་འཕྲོད་བསྟེན་ལས་ཁུངས་ཀྱི་སྨན་ཁང་ཡོད་སའི་ས་གནས་ཁག་ཡོངས་སུ་རྩེད་རིགས་དང་རི་མོ་འགྲན་བསྡུར། སྨན་ཞབས་པ་གློ་ནད་གོ་རྟོགས་སྤེལ་རྒྱུ་བཅས་ལས་གཞི་འདྲ་མིན་ཐོག་སྲུང་གཙི་གནང་གི་ཡོད་འདུག

གསར་འགོད་པ། དོན་གོ