མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ས་གནས་ཀྱི་ལྐོག་ཟ་རུལ་སུངས་དང་དབུས་ཀྱི་ལས་ཁུངས་ཨ་མ།

བོད་ཀྱི་དུས་བབ།
༢༠༡༤/༠༤/༠༡
Share on FacebookShare on TwitterShare on EmailShare on Whatsapp

ས་གནས་ཀྱི་ལྐོག་ཟ་རུལ་སུངས་དང་དབུས་ཀྱི་ལས་ཁུངས་ཨ་མ།

རྡོ་རྗེ་དགྲ་འདུལ།

༡༩༥༩ གོང་གི་ང་ཚོའི་གཞུང་དེ་ཅི་འདྲའི་ལྟ་བ་ཕྱོགས་འཛིན་ཞིག ཅི་འདྲའི་ཉམ་ཆུང་ནུས་མེད་ཅིག ཅི་འདྲའི་གོ་མེད་ཚོར་མེད་ཅིག དེ་དག་དང་དེ་དག་ནི་ང་ཚོའི་ད་ལྟའི་སྐྱོ་གར་དང་། འདས་པའི་སྐྱོ་གར་གྱི་འབྱུང་རྩ་ཞིག་རེད་ཅེས་ལབ་ན་ཐལ་ག་ལ་དྲགས།

མཁྱེན་བྱུང་ངམ། ཁ་སང་བཙོན་ཁང་ནང་ལ་སྡུག་སྦྱོང་མྱོང་མཁན་གྱི་བོད་མི་དེ་དག་དང་དེ་དག དེ་རིང་ཚེ་སྲོག་མེ་ལ་སྲེག་མཁན་གྱི་སྤུན་ཟླ་དེ་དག ལོ་ངོ་བཅུའི་ངལ་རྩོལ་སྒྱུར་བཀོད་ར་བ་ཤ་སྐམ་རུས་སྐམ་གྱི་སྤུན་ཟླའི་སྡུག་བསྔལ་དེ་དག ད་དུང་རོ་བདག་མེད་པའི་ཤི་མ་གསོན་དུ་དུར་སར་སྦས་པའི་ང་ཚོའི་སྤུན་ཟླ་དེ་དག ང་ཚོའི་ཕ་ཡུལ་གྱི་རི་ཆུ་མཚོ་གསུམ་འབག་བཙོག་བཟོས་ཤིང་། གཏེར་ཁ་སྔོག་འདོན་གྱི་བྱ་ལས་ཤུགས་ཆེན་སྤེལ་ནས། བོད་ཆོལ་ཁ་གསུམ་གྱི་གནས་རི་མང་དག་རྨང་ནས་གཤིག་པའི་གྱོང་གུད་དེ་དག ལྐོག་ཟ་རུལ་སུངས་སུ་གྱུར་བའི་ང་ཚོའི་བོད་གཞུང་དགའ་ལྡན་ཕོ་བྲང་གི་བྱས་འབྲས་དང་ཁ་བྲལ་ཐབས་མེད་པ་ཞིག་ཅི་ལ་མིན།

ལྐོག་ཟ་རུལ་སུངས་ནི་འགྲོ་བ་མིའི་རིགས་ཀྱི་སྤྱི་ཚོགས་ཡར་རྒྱས་སུ་འགྲོ་བའི་དགྲ་བོ་དགྲ་ནག་ཅིག་ཡིན་པར་སུས་ཀྱང་ཁ་ལེན་བྱེད་ཐུབ། དེས་ན་དེང་དུས་ཀྱི་འཛམ་གླིང་འདི་ཞི་བདེ་ལྷིང་འཇགས་དང་དུས་བདེ་ཞི་འཇམ་དགོས་ན། ལྐོག་ཟ་རུལ་སུངས་ལ་བཀག་འགོག་བྱེད་དགོས་ལ། ལྐོག་ཟ་རུལ་སུངས་རྨང་ནས་མེད་པར་བཟོ་དགོས།

འོན་ཀྱང་། བཙན་བྱོལ་བོད་མིའི་སྤྱི་ཚོགས་ནང་ད་དུང་ཡང་ལྐོག་ཟ་རུལ་སུངས་ཀྱི་བསྟན་པ་དར་ཞིང་། ལྐོག་ཟ་རུལ་སུངས་རྒྱ་ཡན་དུ་བཏང་། ལྐོག་ཟ་རུལ་སུངས་ལ་རྒྱབ་སྐྱོར་དང་སྲུང་སྐྱོབ་ག་ཚོད་ཅིག་ཐོབ་ཀྱི་མི་འདུག་གམ། ལྐོག་ཟ་རུལ་སུངས་ཀྱི་བྱ་སྤྱོད་ཆེན་པོ་རྣམས་ཆུང་ཆུང་བཟོ་ཐབས་བྱས། ཆུང་ཆུང་རྣམས་ཐལ་བས་འགེབ་ཐབས་བྱས། དེ་ལས་ཆེས་འཇིག་སྣང་ཆེ་བ་ནི་དབུས་ཀྱི་ལས་ཁུངས་ཨ་མ་དང་། ས་གནས་ཀྱི་ལྐོག་ཟ་རུལ་སུངས་མཉམ་སྦྲེལ་བྱེད་པ་དེ་ནི་ཆེས་གདུག་རྩུབ་ཆེ་བ་ཡིན།

གདུག་རྩུབ་དེའི་འོག་ནས་ཡ་ང་བའི་སློབ་མ་མང་པོའི་ཁེ་ཕན་འཕྲོག་ཅིང་། འཚོ་བ་ངན་ངོན་ཁོ་ནར་བརྟེན་དགོས་པ་བྱུང་། ཁོང་ཚོ་ནི་ལྐོག་ཟ་རུལ་སུངས་ཀྱི་རྒྱུགས་རྡུང་ཕོག་ས་ཏག་ཏག་ཡིན་ཞིང་། ཁོང་ཚོའི་ལོངས་སུ་སྤྱོད་པའི་ཁ་ཟས་དང་། རྒྱུན་དུ་གྱོན་དགོས་པའི་སྒྲིག་ཆས། དགུན་ཨ་རིང་ད་རིང་གི་མཚན་མོ་སྐྱེལ་དགོས་པའི་ཉལ་གདན། ད་དུང་ན་ན་ཚ་ཚའི་སྐབས་ཀྱི་སྨན་དོད་དག་ལྐོག་ཟ་རུལ་སུངས་བས་ལོངས་སུ་སྤྱོད་ཅིང་། ལས་རྒྱུ་འབྲས་ལ་ཁྱད་དུ་གསོད་ཀྱི་ཡོད།

ད་དུང་ཁ་ནས་དཀོན་མཆོག་མཁྱེན། དཀོན་མཆོག་མཁྱེན་ཞེས་འབོད་ཅིང་ལག་མགོ་འཕུར་འཕུར་བྱེད་ཞོར་དཀོན་མཆོག་གིས་ལོ་ངོ་དེ་དག་མང་པོར་ལྐོག་ཟ་བྱས་ཀྱང་མཁྱེན་མི་འདུག་སྙམ་པའི་གདེང་ཚོད་ཀྱིས་ཁེངས། སློབ་ཕྲུག་དེ་དག་ནི་ཕྲུ་གུ་དམར་འབྱར་ཞིག་དང་འདྲ་བར། གང་སྟེར་བཟའ་བ་དང་གང་གཡོག་གྱོན་པ་ལས་ཁ་གྲགས་པའི་ནུས་པ་གང་ལ་ཡོད།

༧གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་སྤྱི་ཚོགས་ཐོག་གི་ལྐོག་ཟ་རུལ་སུངས་བཀག་འགོག་མཐའ་གཅིག་ཏུ་བྱེད་དགོས་པའི་བཀའ་སློབ་གནང་ཡོད་ལ། ལྷག་པར་དུ་འདི་ལོ་ལྡི་ལིར་འཚེ་བ་ཞེས་པ་དེ་ལག་ཏུ་མཚོན་ཆ་བཟུང་ནས་གསོད་རེས་གཏོང་རྒྱུ་ཙམ་མིན་པར། གཞན་གྱི་ཐོབ་ཐང་རྩིས་མེད་དང་ལྐོག་ཟ་རུལ་སུངས་སོགས་ཀྱང་འཚེ་བའི་རྣམ་པ་ཆགས་ཀྱི་ཡོད། ཅེས་གསུངས་ཡོད།

འོན་ཀྱང་། ད་བར་ཤེས་རིག་ལས་ཁུངས་སུ་སློབ་གྲྭ་ཁག་དང་། ལྐོག་ཟ་རུལ་སུངས་ཀྱི་དཀའ་ངལ་ཇི་སྙེད་ཅིག་གི་གནས་ཚུལ་ཡར་ཞུ་བྱེད་མཁན་བྱུང་ཡང་། དེ་དག་ལ་དོ་སྣང་དང་བཀག་འགོག་བྱེད་རྒྱུ་ཕར་ཟད། ད་དུང་ཐེར་འདོན་བྱེད་མཁན་ལ་སྡང་ཟུག་བྱས་པའི་ལོ་རྒྱུས་དངོས་བྱུང་ཡིན་ལ། ཐེར་འདོན་བྱེད་མཁན་གྱི་ལས་གནས་ཤོར་བའི་གནས་ཚུལ་ཡང་དངོས་སུ་བྱུང་ཡོད། གནས་ཚུལ་དེས་གང་ཞིག་ར་སྤྲོད་བྱེད་ཀྱི་ཡོད་དམ།

དེ་དག་ནི་ལྐོག་ཟ་བྱེད་མཁན་དང་ཁོ་པ་ཚོ་འབྲེལ་བ་དམ་ཟབ་ཡོད་པ་མཚོན་གྱི་ཡོད་ལ། ལྐོག་དངུལ་དག་མཉམ་དུ་ལོངས་སྤྱོད་བྱེད་ཀྱི་ཡོད་པ་གསལ་བོ་ཡིན། དེ་ཡང་ཤེས་ལྷན་གྱི་ལས་བྱེད་ཆ་ཚང་མ་ཡིན་པར་མི་འགའ་རེ་ཡིན་པ་གསལ་བོ་འདུག རྗེས་སུ་རིམ་པས་ལྐོག་ཟ་བྱེད་མཁན་སུ་ཡིན་ཁ་གསལ་བཟོ་རྒྱུ་ཁོ་ཐག་ཡིན།

འབྲེལ་ཡོད་གསར་འགྱུར།

བོད་མིའི་སྒྲིག་འཛུགས་ཀྱི་འཛིན་སྐྱོང་སྦྱོང་བརྡར་ཁང་དུ། བོད་པའི་སློབ་གྲྭ་ཁག་གི་སཱི་ཤེས་ཡོན་སློབ་གསོའི་མཐུན་སྦྱོར་བ་རྣམས་ལ་སཱི་ཤེས་ཡོན་སློབ་གསོའི་སྦྱོང་བརྡར་སྤྲད། ༢༠༢༥།༥།༢༡ དུས་བབ་ཀྱི་པར།
Mobile App

འཛམ་གླིང་གི་རྒྱལ་ཁབ་ ༡༤༡ ནང་སཱི་ཤེས་ཡོན་སློབ་གསོ་ངོ་སྤྲོད་གནང་ཟིན་འདུག

ཆུ་ཚོད་ ༩ སྔོན་ལ།
FILE PHOTO: Salal Dam on the Chenab river, in Reasi district, J&K, Monday, May 5, 2025. All gates of Salal Dam on the Chenab River were closed following suspension of the Indus Waters Treaty in the aftermath of the Pahalgam terror attack.(PTI)
Mobile App

པཱ་ཀི་སི་ཐན་ནང་ཆུ་རགས་གསར་རྒྱག་གི་འཛུགས་སྐྲུན་ཇེ་མགྱོགས་སུ་བཏང་།

ཆུ་ཚོད་ ༡༠ སྔོན་ལ།
སྲིད་སྐྱོང་སྤེན་པ་ཚེ་རིང་མཆོག་གིས་ཁེ་ན་ཌའི་ཨོན་ཊ་རེའོ་བོད་མི་རྣམས་ལ་གསུང་བཤད་གནང་། ༢༠༢༥།༥།༡༨ བོད་མིའི་སྒྲིག་འཛུགས་ཀྱི་པར།
Mobile App

སྲིད་སྐྱོང་མཆོག་གིས་འདི་ལོའི་ཆོས་ཚོགས་ཐེངས་ལྔ་པའི་ཐོག་༧སྐུའི་ཡང་སྲིད་དང་འབྲེལ་བའི་གནད་དོན་ཁག་ཅིག་གསལ་པོ་ཆགས་རྒྱུ་ཡིན་སྐོར་གསུངས།

ཆུ་ཚོད་ ༡༢ སྔོན་ལ།
རྒྱ་ནག་བདེ་སྲུང་བློན་ཆེན་ལས་ཁུངས་ཀྱི་མགྲིན་ཚབ་པ་ཅང་པིན་(Jiang Bin)། དྲ་ལམ་གྱི་པར།
Mobile App

རྒྱ་ནག་གིས་དམར་དམག་སློབ་ཆེན་གསུམ་གསར་འཛུགས་བྱ་རྒྱུ་ཡིན་འདུག 

༢༠༢༥/༠༥/༢༠
བོད་ཀྱི་ཞོ་སྟོན་རྒྱས་པ་ཐེངས་ ༢༨ པའི་མཇུག་སྡོམ་མཛད་སྒོ་འཚོག་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༢༠
Mobile App

ཞོ་སྟོན་ཐེངས་ ༢༩ པ་ཨོ་ཌི་ཤ་ཕུན་ཚོགས་གླིང་དུ་འཚོག་གཏན་ཁེལ་འདུག

༢༠༢༥/༠༥/༢༠
US Secretary of State Marco Rubio on Sunday demanded the immediate release of Gedhun Choekyi Nyima, the 11th Panchen Lama, who was abducted by Chinese authorities 30 years ago at the age of six. | X @CTA_TibetdotNet & File Pi
Mobile App

རྒྱལ་སྤྱིའི་གནད་ཡོད་མི་སྣས་༧པཎ་ཆེན་རིན་པོ་ཆེ་མཆོག་གང་མགྱོགས་ཀློད་གྲོལ་དགོས་པའི་འབོད་སྐུལ་གནང་།

༢༠༢༥/༠༥/༡༩

མཆན། 11

  1. བསྟན་ཆོས། says:
    ལོ་ 11 སྔོན།

    རྡོར་དགྲམ་ལ་མུ་མཐུད་ནས་ཚད་ལྡན་ཁུང་བསྐྱལ་ཡོད་ངེས་རེད་ལ། དེ་འདྲ་ཡོད་དགོས་པའི་འགན་ཡོངས་རྫོགས་དུས་བབ་ཀྱིས་འཁུར་དགོས་ངེས་ཡིན་ཙང། དེའི་ཐད་ནས་དུས་བབ་ཨ་གསལ་ལེར་ཨོམ་ཀྲོང་ངེར་ཡོད་ཤག་རེད། རྗེས་སུ་ཞབས་འདྲེན་མ་ཞུ་ཨ།

    Reply
  2. བསྟན་ཆོས། says:
    ལོ་ 11 སྔོན།

    གཅིག་བྱས་ན་དུས་བབ་ཀྱིས་གནང་ཟིན་པ་ཡོད་སྲིད། དེ་འདྲ་ཡིན་ན་དགོངས་དག ཉོག་ཡིག་འདི་འདྲ་སླེབ་ཚེ། མ་འོང་བར་རིམ་པས་འདོན་རྒྱུའི་ཡི་གེ་དེ་དག་བསྐུར་ཡོང་བཅུག་ནས་འབྱོར་རྗེས། ད་གཟོད་འགོད་རིན་མཆིས་ཚེ་བཀོད་ན་ལེགས་པོ་ཡོད་རེད་སྙམ།
    མ་གཞི་ནས་རྡོར་དགྲམ་ལ་མུ་མཐུད་ནས་ཚད་ལྡན་འདོན་རྒྱུ་མེད་འཚེ་འདིའི་འགན་ཡོངས་རྫོགས་དུས་བབ་ཀྱིས་འཁུར་དགོས་པ་རེད།

    Reply
  3. འཇམ་གཅེས ། says:
    ལོ་ 11 སྔོན།

    དྲྭ་འབུའི་རིགས་ཚ་ལ་ཁ་གསལ་གོ་བདེ་ཞིག་ནམ་ཡང་རེ་བ་མ་གནང་རོགས།

    Reply
  4. འབྲོག་ཕྲུག་བྷེ་ལོ། says:
    ལོ་ 11 སྔོན།

    རྡོ་རྗེ་དགྲ་འདུལ་ཁྱོད་ཀྱིས་རྩོམ་ཡིག་གི་མཇུག་ཏུ་ ༼རྗེས་སུ་རིམ་པས་ལྐོག་ཟ་བྱེད་མཁན་སུ་ཡིན་ཁ་གསལ་བཟོ་རྒྱུ་ཁོ་ཐག་ཡིན།༽ ཞེས་བརྗོད་འདུག་པ་ལྟར་བདག་གིས་ཀྱང་དེ་བཞིན་སྒུག་ངེས་ཡིན། དེ་མིན་དེ་རིང་ཁྱོད་ཀྱི་རྩོམ་ཡིག་འདིས་ཁྱོད་ཀྱི་ངོ་གདོང་གི་ཟུར་ཞིག་དང་སེམས་ནང་གི་ནད་རྙིང་ཞིག་གསལ་སྟོན་བྱས་ཡོད་པར་ངོས་འཛིན་བྱ་རྒྱུ་ཡིན། མཁྱེན་སོང་ངམ།

    Reply
  5. ལྷ་མོ་ཚེ་རིང་། says:
    ལོ་ 11 སྔོན།

    ” ད་བར་ཤེས་རིག་ལས་ཁུངས་སུ་སློབ་གྲྭ་ཁག་དང་། ལྐོག་ཟ་རུལ་སུངས་ཀྱི་དཀའ་ངལ་ཇི་སྙེད་ཅིག་གི་གནས་ཚུལ་ཡར་ཞུ་བྱེད་མཁན་བྱུང་ཡང་། དེ་དག་ལ་དོ་སྣང་དང་བཀག་འགོག་བྱེད་རྒྱུ་ཕར་ཟད། ད་དུང་ཐེར་འདོན་བྱེད་མཁན་ལ་སྡང་ཟུག་བྱས་པའི་ལོ་རྒྱུས་དངོས་བྱུང་ཡིན་ལ། ཐེར་འདོན་བྱེད་མཁན་གྱི་ལས་གནས་ཤོར་བའི་གནས་ཚུལ་ཡང་དངོས་སུ་བྱུང་ཡོད།”
    ༡། ལྐོག་ཟ་རུལ་སུངས་ཀྱི་དཀའ་ངལ་སློབ་གྲྭ་ག་པར་དུས་ནམ་ཞིག་ལ་བྱུང་བ་རེད་དམ།
    ༢། ལྐོག་ཟ་རུལ་ཟུངས་ཀྱི་གནས་ཚུལ་ཤེས་རིག་ལས་ཁུངས་ལ་ཡར་ཞུ་བྱེད་མཁན་སུ་རེད་དམ།
    ༣། ཐེར་འདོན་བྱེད་མཁན་གང་ཟག་སུའི་ལས་གནས་ཤོར་བ་རེད་དམ།

    གོང་གསལ་དྲིས་ལན་དངོས་འདེབས་བྱུང་ཚེ། གནས་ཚུལ་འདི་རིགས་ང་ཚོས་ངེས་པར་རྒྱ་ཡན་དུ་གཏོང་མི་རུང་།

    Reply
  6. གསེར་འབྲུག་སྡེར་ལྔ་ says:
    ལོ་ 11 སྔོན།

    དྲ་འབུ་ཚོ་འའདྲོག་སློང་མ་བྱེད། རྩོམ་པ་པོས་མཇུག་ཏུ་སུ་ཡིན་མིན་གསལ་ཁ་བཟོ་རྒྱུ་དམ་བཅའ་བཞག་འདུག།
    གཞི་རྩའི་བཙན་བྱོལ་སྤྱི་ཚོགས་ནང་སྔར་ནས་ད་བར་གཞུང་རྒྱུ་སྒེར་བདག་བྱེད་མཁན་དང་ལྐོགས་ཟ་རུལ་སུངས་ཟམ་མ་ཆད་པ་མང་པོ་བྱུང་མྱོང་བ་རེད་ལ། གཞུང་སྒེར་སུས་ཀྱང་རྩད་གཅོད་དང་གཏུགས་བཤེར་ཐེར་འདོན་བྱེད་མཁན་མེད་ལ་དེ་ལས་ལྡོག་ཏེས་རྩོམ་པ་པོས་གསུངས་པ་ལྟར་རྒྱབ་སྐྱོར་དང་སྲུང་སྐྱོབ་སྦས་བསྐུངས་བྱེད་མཁན་ཡང་མི་ཆེན་དཔོན་ཆེན་དབང་ཆེན་མང་པོ་ཡོད་པ་རེད།
    འོ་ན་གངས་སྐྱིད་ཀྱི་ཞབས་སྟེགས་བརྒྱུད་ནུབ་ཕྱོགས་ཁག་ནང་ནང་མི་བཅས་པ་གནས་སྤོར་བྱེད་མཁན་གྱི་སྐུ་དྲག་གསར་རྙིང་གཉིས་ཀ་ལྐོགས་ཟ་རུལ་སྲུངས་མིན་པའི་རྒྱུ་མཚན་ཞིག་བཤོད་དང་།
    དེ་དེ་བཞིན་ཨ་རིའི་ཌོ་ལོར་མ་དངུལ་ཐེབ་རྩ་ཁང་དེ་དང་ཐོག་བོད་གཞུང་གི་མཚན་ཐོག་ཡོད་པ་རེད། ག་ལེར་རིན་ཆེན་དར་ལོ་སོགས་སྒེར་བདག་ཅན་ལ་ཇི་ལྟར་གྱུར་སོང་བ་རེད། ཡ་མཚན་རེད། དེ་དེ་བཞིན་ཨིན་ལཎ་ཌི་གྱི་Tibet Foundation ཡང་དང་ཐོག་བོད་གཞུང་གི་མཚན་ཐོག་རེད་སྙམ། འོན་ཀྱང་ག་ལེར་ཕུན་ཚོགས་དབང་རྒྱལ་སོགས་སྒེར་བདག་ཅན་ལ་ཇི་ལྟར་གྱུར་སོང་བ་རེད། དེ་དེ་བཞིན་རྡ་སའི་ཟླ་བ་ཚེ་རིང་གི་བསྐོར་དེ་མི་དམངས་ཀྱི་མིག་མདུན་དུ་ཕྲ་ལྷེམ་ལྷེམ་དུ་སྒེར་བདག་ཅན་ལ་གྱུར་སོང་བ་ཡ་མཚན་དངོས་བྱུང་མ་རེད་པས། ད་འདིའི་བསྐོར་དྲང་བདེན་དང་ཁྲིམས་ལུགས་རང་བཞིན་དཔང་དུ་བཙུགས་ནས་རྩད་གཅོད་བྱེད་ན་ས་ཡ་གིའི་ཡབ་གཞིས་བཟོ་གྲྭ་བར་སླེབས་རྒྱུ་རེད། རེད་དེ་བ་འདིའི་ཉལ་ལུགས་ལ་བལྟས་ན་བེའུ་འགྲམ་སྐྱོག་ལབ་པ་བཞིན། རང་ཡུལ་མེད། ཡུལ་བགྱར་གྱི་གནས་སྟངས་འདིའི་འོག་ནས་ཁག་པོ་ཁག་པོ་རེད་ལ་རྙོག་འཛིང་སྣ་མང་རང་བཞིན་ལ་གྱུར་ནས་ཆིག་སྒྲིལ་རྩ་ཐོར་འགྲོ་རྒྱུ་ཙམ་དུ་མ་ཟད་འཐབ་རྩོད་ཀྱི་ནུས་པ་ཉམས་དམས་སུ་འགྲོ་རྒྱུའི་ཉེན་ཁ་མེད་པ་མ་རེད།

    Reply
  7. བདེ་རྒྱལ། says:
    ལོ་ 11 སྔོན།

    ཅིག་ཤོད་རྒྱུ་ཡོད་ན་གསལ་བོ་བྱས་ནས་ཤོད་དང་མི་དམངས་བདེན་པའི་རྒྱབ་ཏུ་ཡོད། ཁྱེད་སྐྲག་མི་དགོས། གལ་སྲིད་ཤོད་རྒྱུ་མེད་ན་འདི་འདྲ་ལ་ཡིག་འཁྱམས་ཡང་ཟེར། ནང་དཀྲིགས་གཞི་ཞིག་ལས་མ་འདས། ང་ཚོ་མང་པོ་ཞིག་གི་རེ་འདུན་ཁ་གསལ་ནས་ཤོང་ཐུབ་པར་རེ་བ་ཞུ་ཀི་ཡོད།

    Reply
  8. ལུང་རྟོགས། says:
    ལོ་ 11 སྔོན།

    བོད་མིའི་སྒྲིག་འཛུགས་ནང་ལྐོག་ཟ་རུལ་སུང་ཡོད་ན། མི་འདིས་འདི་ལྟས་ཟས་སོང་ཞེས་གསལ་པོ་བཟོ་དགོས་པ་རེད། དེ་འདྲ་བཤད་རྒྱུ་མེད་ན་སྐྱག་ཁ་ཚུམས། གནས་ལུགས་དང་ཁུང་ལུང་མེད་པའི་སྐད་ཆ་ལ་སུས་ཀྱང་ཆ་འཇོག་བྱེད་ཀྱི་མ་རེད།

    Reply
  9. བསྟན་འཛི་ཀླུ་སྒྲུབ། says:
    ལོ་ 11 སྔོན།

    རྡོ་རྗེ་དགྲ་འདུན། ཁྱོད་ཀྱིས་བཤད་པ་དེ་དག་བདེན་པ་མིན་པར་འདྲ། གང་ཡིན་ཞེ་ན། དོན་དངོས་ཀྱི་རྒྱུ་མཚན་གང་ཡང་བཀོད་མི་འདུག རྒྱུ་མེད་ན་བཞག་ནདགའ།

    Reply
  10. བདེ་རྒྱལ། says:
    ལོ་ 11 སྔོན།

    རྒྱ་མི་ནི་ཕྱི་ཡི་དགྲ་བོ་དང་། དོལ་རྒྱལ་ཚོགས་པ་དང་གཞུང་རྒྱུ་ལྐོག་ཟ་བྱེད་མཁན་ནི་ནང་གི་དགྲ་བོ་ཡིན། གང་ན་ལྐོག་ཟ་ཡོད་པ་རྣམས་ལ་བཀའ་ཤག་གསར་བས་དོ་གལ་ཆེན་པོས་ཉེས་ཆད་གཅོད་དགོས། མང་ཚོགས་ཚོས་ཀྱང་རང་གི་ཁ་ཕོར་སྐྱོར་ནས་མ་བསྡད་པར་གང་ན་ལྐོག་ཟ་ཡོད་པ་རྣམས་ཚགས་ཤོག་དང་། དྲ་རྒྱ། ངོ་དེབ། སྐད་འཕྲིན་ཚོགས་པ་སོགས་ལ་བཏང་སྟེ་མཐར་འདོན་དགོས་རྒྱུ་ནི། ནང་གི་རང་བཙན་ལེན་སྟངས་དེ་ཡིན་པས་ངེས་པར་གཙང་ཕྱགས་བརྒྱག་པའི་དུས་སུ་སླེབས་འདུག རྩོམ་ཡིག་འདི་འབྲི་བ་བོས་སློབ་གྲྭ་གང་དང་ལས་བྱེད་གང་གིས་ལྐོག་ཟ་བྱས་པ་གསལ་བོར་ཤོད་དགོས། ཚིག་ཚོགས་ནང་དུ་གབ་ནས་མ་བཞག་ན་ལེགས།

    Reply
  11. འཇམ་གཅེས ། says:
    ལོ་ 11 སྔོན།

    སྤྱི་ཚོགས་ཁ་ལ་འཁྱེར་བཞིན་སྒེར་ནད་ཁོག་ཏུ་བཅངས་མཁན་ཁྱེད་ཅག་ལ་ངས་འདི་ལྟར་ངོས་འཛིན་བྱེད་ཀྱིན་ཡོད། ཕྲག་དོགས་དང་འགྲན་སེམས་ཁོ་ན་མ་གཏོགས་གནས་ལུགས་འདི་ཡིན་ཏིལ་འབྲི་ཙམ་ཡང་སྟོན་རྒྱུ་མེད་པ་ནི་དེང་གི་དྲ་འབུ་འདི་དག་གིས་གཤིས་ངན་ཡིན། འདི་ཚོས་འཛམ་གླིང་གི་ཇུས་གཏོགས་བྱེད་ཀྱིན་འདུག་མོད། དོན་ངོ་ཐོག་ནས་བཤད་ན་སོ་སོའི་འདུན་ལམ་ཡང་ཡག་པོ་མི་ཤེས་མཁན་རེད་འདུག་ཟེར་ན་ཐལ་ཆ་ཆེ་བ་གང་ཡང་མིན། འདི་ཚོས་གཞན་གྱི་དཔལ་ཡོན་དང་། ཡར་རྒྱས། འདུན་སྐྱོད། ད་དུང་གཞན་ལ་རང་ཉིས་ལས་རིན་ཐོང་ཆེ་བ་དང་། རང་ཉིད་ལས་སྙན་གྲགས་ཆེ་བ། རང་ཉིད་ལས་མདུན་སྐྱོད་མགྱོགས་པ། རང་ཉིད་ལས་ཤེས་ཡོན་དང་ཀུན་སྤྱོད་ལེགས་པ་སོགས་ཡོད་པ་མཐོང་བ་དང་། དེར་བརྟེན་གཞན་གྱིས་ཆེ་མཐོང་དང་གུས་བཀུར་ཐོབ་མཐོང་ཚེ་འདི་དག་གིས་སྙིང་ལ་མདུང་ཐུང་བསྣུན་པ་བཞིན་དུ་ཟུག་གཟེར་དྲག་པོ་ལངས་འགྲོ །མདོར་ན་ཁོང་ཚོས་དམིགས་ཡུལ་དང་རེ་ངན་ནི་རང་ཉིད་དང་རང་ཉིད་ཀྱིས་ཕྱོགས་གཏོགས་ལས་དོན་དམ་གྱི་སྤྱི་སེམས་དང་ལྷག་བསམ་ཞིག་ཉིན་མོའི་སྐར་མ་དང་མཚུངས་ཆོས་སུ་གྱུར་ཡོད། ད་དུང་ཡོད་ཚད་རང་ཉིད་ཀྱིས་འདོད་དོན་ལྟར་ལེགས་སོ་བརྗོད་མཁན་ཁོ་ན་ཡིན་དགོས་པ་ལས་འདི་ཡིན་གསལ་བྱེད་ནམ་ཡང་མི་འགྲོ། དེ་འདྲ་བྱུང་ཚེ་ཁོང་ཚོ་ངོ་གདོང་འཛུམ་གྱི་ཁེངས་འགྲོ །སྤྱི་སེམས་དང་རྣམ་དཔྱོད། ཕན་སེམས་སོགས་སྒོ་དུས་མ་ནས་ལྷག་བསམ་རྣམ་པར་དག་པའི་སྒོ་ནས་བསྟན་སྲིད་མི་རིགས་ཀྱི་དོན་དུ་ངལ་བ་བརྒྱ་ཕྲག་བསྟེན་མཁན་གྱི་མི་བུ་དག་ལ་ནི་ཁོང་ཚོས་འདྲེ་ལས་སྡང་བ་བྱེད་ཀྱིན་འདུག །འདི་དག་གི་རྒྱུ་རྐྱེན་ངོ་མ་ཡང་ནད་རྙིང་དང་གདོན་རྙིང་ཀྱིས་རང་རྒྱུད་ཟིན་སོང་བས་ལོས་ཡིན། ཡིན་ནའང་དུས་ནམ་ཞིག་སྐྲན་ནད་དེ་དག་ལས་ཐར་སྲིད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese