རྒྱ་གཞུང་གིས་མགོ་ལོག་པདྨ་རྫོང་གི་སྒེར་གཉེར་སློབ་གྲྭ་ཞིག་ཁྲིམས་མཐུན་མིན་ཚུལ་བཤད་དེ་བཙན་དབང་གིས་སྒོ་བརྒྱབས་ཡོད་འདུག
ཟླ་འདིའི་ཚེས་ ༡༠ ཡས་མས་སུ་རྒྱ་ནག་གཞུང་གིས་མཚོ་སྔོན་ཞིང་ཆེན་མགོ་ལོག་ཁུལ་པདྨ་རྫོང་ངྷི་མདའ་དགོན་པར་ཡོད་པའི་༼བྱམས་བརྩེའི་ཕན་བདེ་སློབ་གྲྭ༽ཞེས་པའི་སྒེར་གཉེར་སློབ་གྲྭ་ཁྲིམས་མཐུན་མིན་ཚུལ་བཤད་དེ་བཙན་དབང་གིས་སྒོ་བརྒྱབས་ཡོད་འདུག
ཀུན་བཟང་བསྟན་འཛིན་ལགས་ཀྱིས་བརྗོད་པ་ལྟར་ན། ཐེངས་འདིར་རྒྱ་གཞུང་གིས་སྒོ་བརྒྱབས་པའི་༼བྱམས་བརྩེའི་ཕན་བདེ་སློབ་གྲྭ༽ཁྱོན་སློབ་མ་ ༧༠ ཙམ་ཡོད་འདུག་ལ། དེ་དག་ཚང་མ་དགེ་སློང་དང་དགེ་ཚུལ་གྱི་སྡོམ་པ་བཞེས་པའི་གྲྭ་བ་རྐྱང་རྐྱང་ཡིན་འདུག ད་ལྟའི་བར་སློབ་མའི་སྡོད་ཁང་དང་ཟ་མ་སོགས་སློབ་སྦྱོང་གི་མཐུན་རྐྱེན་དང་འགྲོ་སོང་ཆ་ཚང་དགོན་པའི་ངོས་ནས་བཏང་ཡོད་འདུག ཉེ་ལམ་སློབ་གྲྭ་སྒོ་བརྒྱབས་རྗེས་རྒྱ་གཞུང་གིས་སློབ་མ་ཚོ་ལོ་ ༡༠ ཡན་དང་མན་བཅས་ཁག་གཉིས་སུ་བགོས་ཏེ་ཡུལ་ཚོར་ཡོད་པའི་སྲིད་གཞུང་གི་སློབ་གྲྭར་འཇུག་ཐབས་བྱེད་ཀྱི་ཡོད་ཀྱང་། ཕ་མ་ཉེ་འབྲེལ་ཚོས་ཁོང་ཚོ་དགེ་སློང་དང་དགེ་ཚུལ་གྱི་སྡོམ་པ་བཞེས་པའི་གྲྭ་བ་རྐྱང་ཡིན་སྟབས། མི་སྐྱ་ཕོ་མོ་ཡོད་སའི་སློབ་གྲྭར་བཅུག་ཚེ་ཁོང་ཚོའི་རྒྱུད་ཀྱི་སྡོམ་པར་བར་ཆད་འབྱུང་ངེས་པའི་སེམས་ཁྲལ་བྱེད་བཞིན་ཡོད་འདུག
གནས་ཚུལ་གཞན་ཞིག་ལ། ཉེ་ཆར་རྒྱ་གཞུང་གིས་ས་གནས་མང་ཚོཊ་རང་གིས་བཙུགས་པའི་ ༼མཐུན་སྒྲིལ་ཚོགས་པ༽ ཞེས་པ་བཙན་དབང་དང་འཇིགས་སྐུལ་སྣ་ཚོགས་བྱས་ཏེ་མེད་པར་བཟོས་ཡོད་པ་མ་ཟད། ས་གནས་སུ་ཚོགས་འདུ་རབ་དང་རིམ་པ་ཚོགས་ཏེ། མང་ཚོགས་ཀྱི་ས་ཞིང་ནང་འབྲུ་རིགས་སོགས་འདེབས་ཆོག་གི་མེད་པར་ཤིང་ནགས་འདེབས་འཛུཊ་བྱེད་དགོས་པའི་བཙན་བཀའ་ཡང་ཡང་བཏང་སྟབས། ཉེ་བའི་དུས་ནས་སྲིད་གཞུང་གི་མི་སྣའི་ལྟ་རྟོག་འོག་མང་ཚོགས་ཀྱིས་རང་ཉིད་ཀྱི་ས་ཞིང་ནང་ཤིང་ནགས་འདེབས་འཛུཊ་བྱེད་ཀྱི་ཡོད་འདུག
གསར་འགོད་པ། དོན་གོ
